جل من لا يخطئ

[حسون]

جل من لا يخطئ
و أنا أخطأت عندما ظننت أن الحزب الشيوعي اللبناني من المعارضة في أحد ردودي ثم تبين لي أنه من الطرف الثالث
أما بالنسبة لموقفي من المظاهرات و الوجود السوري بلبنان لم يتغير مع التأكيد على قربي من الطرف الثالث أكثر من المعارضة
و لا تواخذونا

[mhmary]

كاتب النص الأصلي : حسون

جل من لا يخطئ
و أنا أخطأت عندما ظننت أن الحزب الشيوعي اللبناني من المعارضة في أحد ردودي ثم تبين لي أنه من الطرف الثالث
أما بالنسبة لموقفي من المظاهرات و الوجود السوري بلبنان لم يتغير مع التأكيد على قربي من الطرف الثالث أكثر من المعارضة
و لا تواخذونا

حسني ليش ما بتحط هالشغلات كردود يعني كنت فينك تحط هادا الكلام محل ما غلطت ما ضروري تحطو كموضوع من شان أذا في واحد ما كتير بتهمو أرائك تجاه الوجود السوري بلبنان ما يتعزب ويفتح الموضع وبعدين ينصدم أنو هادا الشيء مانو موجه ألو
يعني على سبيل الأقتراح شايف شلون ما تفهم غلط
وعفكرة شو أخبار البكلوريا نشاء الله بتتخرج من جامعة المعارضين الشيوعية

[الأستاذ]

و أنا أخطأت عندما ظننت أن الحزب الشيوعي اللبناني من المعارضة في أحد ردودي ثم تبين لي أنه من الطرف الثالث
أما بالنسبة لموقفي من المظاهرات و الوجود السوري بلبنان لم يتغير مع التأكيد على قربي من الطرف الثالث أكثر من المعارضة
و لا تواخذونا

من الجميل أنو الواحد يكتشف أنو هوو من الطرف التالت بعد ما يكون خاض حرب الطرف التاني
و لمجرد انو الشيوعي صار مع القوة التالتة حضرتك بعدت عن المعارضة و لقيت حالك أقرب من القوة التالتة
على كل حال بلبنان في تيارين و بس
و بكرا بتثبتلك الأيام أنو القوة الأولى و التالتة هنن قوة وحدة بجمعها الانتماء الوطني و الهم القومي

[HashtNasht]

و بكرا بتثبتلك الأيام أنو القوة الأولى و التالتة هنن قوة وحدة بجمعها الانتماء الوطني و الهم القومي

عفواً....بس لو كانت الايام بده تثبت شي ..كانت اثيتت هلق

اليسار لا يلتقي مع اليمين ..و لا يمكن لليسار أن يبحر على الأمواج اليمينية...قد تتلاقى مصالح اليمين مع اليسار أحياناً فيبدو الأمر كأنه توافق.

لا توافق و لا تحالف بي قوى الظلام الطائفية ..و بين اليسار الحر

[عاشق من فلسطين]

حسون يعني فعلا" .. يعني الاعتراف بالخطأ فضيلة .. وهادا شي مو متعودين عليه بالمنتدى ..
وأبو نهلة الغالي .. يعني ما بدها شرح .. يمين ويسار .. يعني قطبين متنافرين ..

[yass]

يعني ما بدها شرح .. يمين ويسار .. يعني قطبين متنافرين

هون اسمحولي أتفلسف شوي...بظن أنو مافي داعي أنو اشرح توجهي السياسي...اليمين و اليسار اتجاهين سياسيين لفكر وطني واحد , أو فينا نقول وجهين لعملة واحدة...مافينا نحكم بشكل موضوعي بأينو فيهم " أكثر وطنية " ... لازم - والكلام هون موجه لرفاق اليسار- نحاول ما نوقع بالخطأ التاريخي تبع الكتلة الشرقية السابقة مثلا...تغييب الرأي الآخر خطأ كبير...أنت و فكرك حر فيه وألك كل الحق تعمل لأجل تحقيقه, بس غيرك ألو كمان نفس الحق و مانك أحسن منو ولا هوي أحسن منك.

أنا دائما بهالموضوع أحط كمثال الدستور الاسباني....لما توفى الجنرال فرانكو سنة 1975 البلد وقعت تقريبا بفراغ سياسي كبير لأنو ببساطة ما كان في دستور و ما حدا عرفان شو لازم يصير هلق...هون فعلا الشعب الاسباني أثبت وعي سياسي وحضاري رهيب...اجتمعوا 16 شخص بيمثلو كل الأطياف السياسية من مانويل فراغا ( مؤسس حزب الشعب اليميني ) لسنتياغو كاريجو ( زعيم الحزب الشيوعي الاسباني) وحبسو حالون في فيلا شمال مدريد و ما طلعو لحتى كتبو دستور لاسبانيا...وهيك مشي الحال, وحتى قدرو يوقفو محاولة انقلاب لبقايا الحرس تبع فرانكو.
قصدي من هالحكي أنو بيجوز هلق اذا حاولنا نرجع نجمع عالـ 16 شخص ماراح نقدر...لأنو بيكرهوا بعض كره الموت, بس بلحظة وعي و هبة روح تعاون انقذوا البلاد من حرب أهلية...وساهمو أنو اسبانيا تصير هيك بعد ماكانت بآخر أوربا.
تحياتي

[حسون]

كاتب النص الأصلي : الأستاذ

من الجميل أنو الواحد يكتشف أنو هوو من الطرف التالت بعد ما يكون خاض حرب الطرف التاني
و لمجرد انو الشيوعي صار مع القوة التالتة حضرتك بعدت عن المعارضة و لقيت حالك أقرب من القوة التالتة
على كل حال بلبنان في تيارين و بس
و بكرا بتثبتلك الأيام أنو القوة الأولى و التالتة هنن قوة وحدة بجمعها الانتماء الوطني و الهم القومي

أخي الأستاذ انا ما خضت حرب الطرف الثاني بس متل ما قال نجاح واكيم رئيس حركة الشعب النصرية يلي هي جزء من الطرف الثالث
المعارضة أسقطت الحكومة عمل صحيح و المطالبة بالسيادة و الاستقلال عمل صحيح
و أنا ماني مع الشيوعيين بكل شي
فمثلا أنا ما بعترف بحكومة كوبا الاستبدادية

[عاشق من فلسطين]

أبو مارل الغالي كلامك مظبوط بس باسبانيا لأنو نحنا وصلنا لمرحلة ماعاد حدا يوثق بالتاني .. يعني اليساريين مهمشين لدرجة السجن .. فيكيف تريد أن يجلسوا مع اليمينيين بجلسة واحدة ويضعوا دستور للبلاد ..وهنن موقادرين يمشوا بالشارع دون خوف من مراقبة أو شي كبسة .. يعني الفكرة حلوة كتير لأنو لاأحد يمتلك الحقيقة كاملة" .. وتعاون اليمين واليسار سيؤدي الى اعتدال رائع .. بس متل ماقلت أنت الموضوع بدو هبة روح تعاون .. بس هالشي شبه مستحيل عنا لأنو اليمينيين مبلطين على الكراسي ومو مستعدين يتعاونو بين بعضهون ..يعني أنت الحكي اللي حكيتو حكي حلو ومظبوط أكاديميا" بس للأسف على أرض الواقع السوري مستحيل مادام اليمينيين بهالعقلية المتزمتة ..

[الأستاذ]

اليسار لا يلتقي مع اليمين ..و لا يمكن لليسار أن يبحر على الأمواج اليمينية...قد تتلاقى مصالح اليمين مع اليسار أحياناً فيبدو الأمر كأنه توافق.

لا توافق و لا تحالف بي قوى الظلام الطائفية ..و بين اليسار الحر

القوة التالتة بلبنان لا تمثل اليسار
رغم إنضواء الحزب الشيوعي اللبناني تحت لواءها(على ذمة حسون) لأنو بيتمثل فيها العديد من الأطياف السياسية التانية و منها حركة الشعب و الرئيس سليم الحص الي فينا نصنفو على إنو يمين الوسط و أبعد ما يكون عن اليسار أو اليسار المتطرف
و القوة الأولى و نعني فيها الأحزاب و الأطياف اللبنانية الدعمة للصمود السوري و صمود المقاومة و الخط القومي فرغم أنو فيها أحزاب تصنف يمين ديني (حزب الله) و أحزاب تصنف يمين سياسي(الحزب السوري) إلا أنها بنفس الوقت تتضمن أطياف يسارية (الهنشاك) و اليسارية المتطرفة (الرانغفار"الحزب الشوعي الأرمني")

اليسار لا يلتقي مع اليمين

لما بكون الموضوع هووي الوطن و لما بتكون الأحزاب سواء كانت بأقصى اليسار أو أقصى اليمين أحزاب بتحمل أهداف وطنية فاللقاء مو متوقع بل هووي حتمي
طبعاً التطابق بين اليمين غير متوقع لا بل غير مطلوب أساساً و إنما الالتقاء على الهم الوطني
و هون بدي ذكر بالتقاء الحزب السوري القومي الاجتماعي و الحزب الشيوعي اللبناني على المقاومة بالجنوب اللبناني

و بهل المناسبة خليني وجه تحية لهدول ال16 الإسبان لأنو هاد هووي اليمين الوطني و هاد هووي اليسار الوطني
و مشكور كتير أخ ياس عالمعلومة الحلوة

[حسون]

يعني بحب قول للأستاذ أنو حركة الشعب الناصرية هي كمان حركة يسارية مو يمين متوسط

[yass]

و مشكور كتير أخ ياس عالمعلومة الحلوة

على راسي أستاذنا
تحياتي [/quote]

[HashtNasht]

لما بكون الموضوع هووي الوطن و لما بتكون الأحزاب سواء كانت بأقصى اليسار أو أقصى اليمين أحزاب بتحمل أهداف وطنية فاللقاء مو متوقع بل هووي حتمي

أي استاذ ..بس حطلي خطين تحت ( لما ) ..لأنو لما بتلاقي يمين بيحمل أهداف وطنية ...تبقى غنيلي بودعك

[عاشق من فلسطين]

أي استاذ ..بس حطلي خطين تحت ( لما ) ..لأنو لما بتلاقي يمين بيحمل أهداف وطنية ...تبقى غنيلي بودعك

ما هوي هون المصيبة .. يعني الواحد بيتمنى أنو يلاقي يمين وطني بمعظم الدول بس شبه مستحيل ..

[الأستاذ]

أي استاذ ..بس حطلي خطين تحت ( لما ) ..لأنو لما بتلاقي يمين بيحمل أهداف وطنية ...تبقى غنيلي بودعك

شو مشان الحزب الديمقراطي المسيحي يلي وحد ألمانيا
و شو مشان الحزب السوري القومي يلي قاوم الاحتلال الإسرائيلي لفلسطين و لبنان
و شو مشان ديغول يلي قاوم الاحتلال النازي لبلدو

[HashtNasht]

استاذ
قوى اليمن ...هي قوى تبحث عن مصالحها ..مصالحه الاقتصادية تحديداً...وقت بتكون هالمصالح متطابقة مع حدود الوطن ...بتشوفن اكتر ناس وطنيين ....لاء و بيعملو حروب كمان ...بس وقت بضيق الوطن و حدودو على مصالحن ..اي بيدعسو ع الوطن و المواطنين بالعجلة الاقتصادية .

يعني الحزب الديمقراطي المسيحي ضد شركة مرسيدس مثلاً ؟ شركة مرسيدس الالمانية الوطنية ...ما عنده مشكلة ابداً انها تسرح عمالها الالمان ...و تاخد المصنع ع البرازيل اذا كانت هالعملية مربحة اكتر. ..شوف منظمة التجارة العالمية ...ما عاد بدن شي اسمو حدود بين الدول ...اقتصادياً طبعاً ...علماً انو هني نفسهن اللي اخترعو كل قوانين الضرائب و الرسوم و حماية المنتجات و حماية الاسواق .

يا اخي الوطن لليمين ..هو مصدر للمادة الاولية و اليد العاملة الرخيصة والفعالة ....وقت بلاقو مصدر ارخص ...بصير الوطن عائق ...الشغل أهم يا مان ...هاد هو اليمين ..
عطيني مبدأ لليمين ......دين اليمين وربو و مبدأو ...المصاري...الدولار...الوطني� � احياناً بتكون مصدر دخل ...و مربحة كمان .
اليسار الحر ..و كمان حطلي خطين تحت الحر...هو ما بحط الوطن ع قائمة المعروضات للبيع .....حتى لو شو ما كان التمن

[Joe]

مرحبا حشت نشت

شو دخل قرار مدير مصنع لنقل مصنعه على دولة تانية بالأحزاب اليمينية؟ و السؤال الأهم.. كيف بيعمل هل شي الحزب اليساري أحسن؟؟؟

بتوقع رح تقول انو الأحزاب اليمينة عم تشمي على النظام الرأسمالي و هادا صحيح... بس رجاءا ما تخلط الية عمل الاقتصاد يلي هي دائما بتسعى نحو الأفضل و الأوفر للجميع... و ما بين السياسة و الوطنية. هادا مانو كلام علمي ابدا

الاقتصاد شي و المشاعر الوطنية شيء تاني

و مشان سؤالي التاني... يعني مثلا اجبار صاحب المصنع انه يضل بأرض الوطن و يخسر هوي القرار السليم؟؟

شو بدنا نعمل بالاحزاب اليسارية... بعمرها ما بتطعمي خبز. ما بدنا وطن فقير و مشلول... بدنا وطن ديناميكي حر

و متل ما مصنع المرسيدس طلع... غيرو بيجي... مصانع بتخسر و مصانع بتربح. العامل يلي خسر عمله بالمصنع الألماني الأصلي... حظه تعيس... شو منعمل؟؟ بيلاقي شغل بمصنع تاني لو كان الاقتصاد الألماني أحسن من وضعه الحالي

أصلا الحقيقة ان خروج المصنع لحيث اليد العاملة الأرخص هوي القرار السليم لان الفائدة تعود على المصنع و الربح يتم استثماره في بنوك البلد الأم ألمانيا و الأسواق الألمانية و العالمية. صعب تقنعني انه من الأفضل ان نبقى مع التكلفة الأغلى بوجود تكلفة أرخص... قرار نقل المصنع يعود بالفائدة على الالمان و يلي خسر عمله بيرجع بيلاقي عمل جديد نتيجة وجود مردود اقتصادي اضافي في البلد نتيجة نقل المصنع

[Joe]

كاتب النص الأصلي : hashtnasht

يا اخي الوطن لليمين ..هو مصدر للمادة الاولية و اليد العاملة الرخيصة والفعالة ....وقت بلاقو مصدر ارخص ...بصير الوطن عائق ...الشغل أهم يا مان ...هاد هو اليمين ..

اليسار الحر ..و كمان حطلي خطين تحت الحر...هو ما بحط الوطن ع قائمة المعروضات للبيع .....حتى لو شو ما كان التمن

شو في اهم من الشغل؟؟ ليش شو بيبقى من الوطن بدون الشغل؟ شو بدنا نعمل بالمبادئ؟ ما تخاف المبادئ و القوانين مصانة ضمن قوانين الدولة... شو منقعد عاطلين عن العمل و منشرب متة و منغني اغاني وطنية كرمال ما ينتقل المصنع؟

[HashtNasht]

شو في اهم من الشغل؟؟ ليش شو بيبقى من الوطن بدون الشغل؟ شو بدنا نعمل بالمبادئ؟ ما تخاف المبادئ و القوانين مصانة ضمن قوانين الدولة... شو منقعد عاطلين عن العمل و منشرب متة و منغني اغاني وطنية كرمال ما ينتقل المصنع؟

انا قلتلك تشرب متة يا زلمي ..شو مشانك ؟؟ انت يا اما عم تمزح يا اما عم تتخوت ..لأنو اذا عم تحكي جد مصيبة

هلق بالوطن في مجموعة متواطنين ..واحدمنن عندو مصنع و شي 1000 واحد بيشتغلو بالمصنع
اليمين بقلك ( بحسب قوانين الدولة المصانة و المتغيرة بحسب مصالح اليمين ) انو مصلحة المتواطن صاحب المصنع اهم من مصلحة ال 1000 متواطن اللي بيشتغلو بالمصنع ... لأنو قال معو مصاري اكتر

انا من جهتي بقول انو مصلحة ال 1000 مواطن اهم بكتير , و هاد المواطن صاحب المصنع ** اختو ...يرروح يدبر راسو . يروح يشرب متة اذا بدو

شو بدنا نعمل بالاحزاب اليسارية... بعمرها ما بتطعمي خبز. ما بدنا وطن فقير و مشلول... بدنا وطن ديناميكي حر

عميل شاي بالحزاب اليسارية ..انا ما بتهمني الاحزاب...اساساً اليسار الحر ما بينحط بحزب...اكبر من الجزب هو لأنو ...و نحنا ما بدنا وطن فقير و مشلول ...بدنا وطن ديناميكي و حر..علماً انو ما اصحاب المصانع هني اللي بمثلو الوطن ....

بعدين لك خيو ...انو اصحاب المصانع منين جابو هالمصانع ...لا تقلي انو الله عطاهن .. دخيل الله ...

بدي افهم مين وزع الثروة ؟؟ يعني توزيع هالثروة منزل شي من عند الله ...طيب يا سيدي حتى لو كان منزل من عند الله بدي غيرو ...يا اخي انا ما عاجبني...و بدي غير توزيع الله اذا استدعى الأمر كمان ...بدي اعطي نص لليمين المسيحي و نص لليمين الاسلامي ...مشان يتكاتفو اكتر و اكتر...و هني ع اساس شو عم يتحاربو

انت برأيك بن لادن غير جورج بوش مثلاً ....زياد الرحباني بقول ...انو يلعن اباك هي نفسها يلعن ابوك..و هدول الجوز نفس الشي.

فيق شريك الله يوفقك ...ما وقت نوم منوب