دارون كذاب,مابيفهم,واخو ملحوشة بس برهنونا نظرية الخلق تبعكن

[ظل جيفارا]

كاتب النص الأصلي : suryoyo

التطور كمبدأ ممكن التعامل معه لا كنظرية

و النظرية تقترح نشوء الحياة عن طريق تفاعل العناصر مع اشعة الشمس على ساحل البحر ... لتكون خلايا ما قبل البكتيريا!

لا يمكن وجود تفاعل بحيث يتحول الناتج من الفوضى الى اللا فوضى (حسب ما درسنا بالكيمياء)


و الشق الثاني ان الخلايا اللي سبقت البكتيريا تطورت الى البكتيريا و تدريجيا وصل الى الانسان


هذا ابدا غير منطقي بالمرة


لكن بالنسبة الي

الله خلق الكائنات بالتدريج ........ هذا مقبول علميا و دينيا

و خلق جنس الحيوانات بعد جنس النباتات و هذا صحيح علميا ...

و ممكن من خلال الطفرات الوراثية خلق الله كائنات جديدة لكن لا يمكن تعميم هذا المبدأ اطلاقا



المحور الثالث عن آدم و حواء بالنسبة الي اسهل كثير قبوله من نظرية ان البكتيريا انتجت الانسان ضمن سلسلة طويلة عريضة اسمها الارتقاء و النشوء !

تحياتي .:
يعني اول شي بلشت حكيك بإنو اللي اخدتوه بالكيمياء انو مستحيل يتحول الشيء من الفوضى إلى التنظيم
اقول لك لا ادري اين كانت الفوضى في الكون قبل تشكيل الكائن الحي الأول وهل هو مصدر التنظيم في الكون ؟
لا ارى ان الكون كان يعيش حياة فوضوية قبل الكائن الحي الأول ونظرية الإنفجار العظيم تقدم لنا البراهين على وجود قوانين تحكم الكون هي قوانين الطبيعة قبل وبعد الكائن الحي والكائن الحي يخضع للقوانين ولا تخضع له القوانين
المهم حضرتك بتتمسك بقوانين الكيمياء التي لم تقدم لنظرية الخلق شيئا ولكن اتتناسى قانون انحفاظ المادة الشهير : المادة لا تفنى ولا تخلق من عدم .
تحياتي الحارة
ظل جيفارا

[suryoyo]

كاتب النص الأصلي : ظل جيفارا

تحياتي .:
يعني اول شي بلشت حكيك بإنو اللي اخدتوه بالكيمياء انو مستحيل يتحول الشيء من الفوضى إلى التنظيم
اقول لك لا ادري اين كانت الفوضى في الكون قبل تشكيل الكائن الحي الأول وهل هو مصدر التنظيم في الكون ؟

قبل كل شي مرحبا و اهلا و سهلا فيك معنا !

اللي تكلمت عنه هو تشكيل الخلية الاولى او نشوء الحياة حسب نظرية الارتقاء و النشوء ....


الفوضى اللي تكلمت عنها هي كيفية نشوء الحياة بحسب النظرية

اي عن المواد العضوية اللي تفاعلت مع بعضها بوجود اشعة الشمس على ساحل البحر بوجود الماء) لتكون "خلية حية" مكونة من مواد عضوية ...


هذا ما اقصده بالضبط عن الفوضى .... و هذا التفاعل غير ممكن الحدوث بدون قوة خارقة للطبيعة

لا ارى ان الكون كان يعيش حياة فوضوية قبل الكائن الحي الأول ونظرية الإنفجار العظيم تقدم لنا البراهين على وجود قوانين تحكم الكون هي قوانين الطبيعة قبل وبعد الكائن الحي والكائن الحي يخضع للقوانين ولا تخضع له القوانين

نظرية الانفجار العظيم لم تقدم حل لنشوء الحياة من مواد عضوية مثل ما وضحت اعلاه !

و هاي قوانين الطبيعة لازم تكون خلال قوة عليا و مصدر هذه القوة هو الله القدير


فيك تقلي كيف نشأ الكون او كيف نشأت قوانين الطبيعة بلا قوة عليا و حكمة لا متناهية

المهم حضرتك بتتمسك بقوانين الكيمياء التي لم تقدم لنظرية الخلق شيئا ولكن اتتناسى قانون انحفاظ المادة الشهير : المادة لا تفنى ولا تخلق من عدم .
تحياتي الحارة
ظل جيفارا

صحيح المادة لا تفنى و لا تستحدث ....... هذا متفقين عليه


لكن الله هو الذي خلق المادة و خلق الطاقة


و اقدر اقلك الحياة ايضا لا تستحدث !


موضوعنا الاساسي هو نظرية الارتقاء و النشوء لدارون .... اما نشوء الكون و الانفجار العظيم اللي شكل الكون هذا موضوع منفصل تماما



و شكرا على تفاعلك معنا

[تالين]

هلا دارون كتاب يعني؟ ولا بني ادم مخترع شي فكرة بهاد الخصوص؟ اذا اي حاولو تنزلولنا ياه حابة اقراه
و منشان الاخت جويس يا ستي مو صحيح مو شرط انو بس تقتنعي في الله رح تفهمي هالشغلات
انا مقتنعة انو في الله بس في شغلات كتير بتدور براسي و بسئل مرات كتير عليها بس ما حدى عم يجاوبني بعدين بطنش بس بضل انو مقتنعة في الله يمكن من الخوف يلي جواتي بس بحب افهم ولو بعض من الاسئلة يلي جوات راسي
و منشان سؤال ادم و حوا انا كمان ما بعرف سئلت فيه بس ما اجاني جواب ام طنشت

[Willi]

تشالز داروين عالم طبيعي من انكلترا.
اما نظريتو.
فيهة اللي عم يحكو عليها الشباب.
واللي هية نظرية التطور. يعني هو بقول انو كل الاحياء اتطورو من نفس الاجداد.

[تالين]

كاتب النص الأصلي : Willi

تشالز داروين عالم طبيعي من انكلترا.
اما نظريتو.
فيهة اللي عم يحكو عليها الشباب.
واللي هية نظرية التطور. يعني هو بقول انو كل الاحياء اتطورو من نفس الاجداد.

يسلمو ع التوضيح كتييييييير
و ع فكرة توقيعك احلى توقيع بل اخوية عجبني كتير تحفة

[Sarita]

هلا دارون كتاب يعني؟ ولا بني ادم مخترع شي فكرة بهاد الخصوص؟ اذا اي حاولو تنزلولنا ياه حابة اقراه
و منشان الاخت جويس يا ستي مو صحيح مو شرط انو بس تقتنعي في الله رح تفهمي هالشغلات
انا مقتنعة انو في الله بس في شغلات كتير بتدور براسي و بسئل مرات كتير عليها بس ما حدى عم يجاوبني بعدين بطنش بس بضل انو مقتنعة في الله يمكن من الخوف يلي جواتي بس بحب افهم ولو بعض من الاسئلة يلي جوات راسي
و منشان سؤال ادم و حوا انا كمان ما بعرف سئلت فيه بس ما اجاني جواب ام طنشت

لا حبيبتي تالين لا تطنشي منوب
في الك الـGoogle والكيبورد فتشي وافهمي وناقشي واعرضي افكارك
وانتي وعقلك وايمانك طبعا
بقى لا تستسلمي لانو ما حدا طلع من بطن امو عالم وبيعرف كل شي
بس لا تسمحي بعض المرات انو بعض الافكار الغريبة تسيطر ع عقلك وكيانك

نصيحة من اخت لاختها

وبالتوفيق للجميع

[تالين]

كاتب النص الأصلي : Sarita

لا حبيبتي تالين لا تطنشي منوب
في الك الـGoogle والكيبورد فتشي وافهمي وناقشي واعرضي افكارك
وانتي وعقلك وايمانك طبعا
بقى لا تستسلمي لانو ما حدا طلع من بطن امو عالم وبيعرف كل شي
بس لا تسمحي بعض المرات انو بعض الافكار الغريبة تسيطر ع عقلك وكيانك

نصيحة من اخت لاختها

وبالتوفيق للجميع

بس لا تسمحي بعض المرات انو بعض الافكار الغربية تسيطر ع عقلك و كيانك
الله وكيلك هي الجملة عاملة معي عقدة عم بسمعا هي الايام كتير شو الئصة
لك المشكلة مو انو استسلم بس في كتير اسئلة بتدور براسي سئلت عليها كل واحد بيجاوبني بشكل مختلف فبقول الاحسن انو طنش و حطيت فكرة براسي انو في اسئلة ما لازم اسئلا اصلا بل اصل
ما بعرف يمكن معك حق

[راديا]

بس لا تسمحي بعض المرات انو بعض الافكار الغربية تسيطر ع عقلك و كيانك
الله وكيلك هي الجملة عاملة معي عقدة عم بسمعا هي الايام كتير شو الئصة
لك المشكلة مو انو استسلم بس في كتير اسئلة بتدور براسي سئلت عليها كل واحد بيجاوبني بشكل مختلف فبقول الاحسن انو طنش و حطيت فكرة براسي انو في اسئلة ما لازم اسئلا اصلا بل اصل
ما بعرف يمكن معك حق

حياتي تعي لقلك مش عيب و لا غلط الواحد يستفسر بس انتي بيجوز عم تسالي ناس مش مناسبين مشان هيكي ما عم يعطوكي ل بدك ياه او ما عم بيخلوكي تسمعي يعني ع الاكيد بدنا نسال بهيك مواضيع ناس بتفهم و تخصصا هالشي يعني انتي اكيد وقت قلبك بيوجعك رح تروحي لعند دكتور اسنان ؟؟؟؟معقولة يعني ؟
مش مين كل هب و دب بدو يرد عليكيي في ناس مثقفة و يمكن عندا اجابات و فين اس ما عندا و في ناس ما بتقدر تقنعك لزلك بنصحك تشوفي حدن يفهم
و مرسي الك
....

[Willi]

حاج تطلعو برات الموضوع

[Abu Guzef]

شبو دارون

انا اذا بعترف انو في الله بيكون جكر بدارون

[Abu ToNi]

متطلبات العصر واللي هي " التطوير والتحديث "

فكرة التطوير هي انك تبدا من الشي اللي انت بتملكه وتنتقل للمرحلة التالية من الهرم
التحديث انك تآمن بالفكرة اللي وصلت لها وتعتبرها القاعدة الهرمية للتطور التالي

مفهوم التطوير والتحديث مفهوم مهم " مفروض" على الانسان حتى يقدر يتماشى مع الواقع المتطور

ما بعتقد انه فكرة الانسان المتطور او اصل الانسان قرد او اي حيوان آخر هي فكرة معكسة لوجود الله

بعتقد فكرة الخلق هي فكرة رمزية بتمز إلى العصيان بترمز إلى الخطيئة وبرجع بذكر انها رمزية اكيد اذا بدك تاخدها بمعناها الحرفي بدك توصل لنتائج 99ز99 % غلط

اذا بدك تنظر لىدم وحواء على مبدا الرموز بتقدر تشوف انه كان في خليقة وبعدين ظهر نوع من الحياة المميزة اللي بتمتلك قدرة مميزة على التفكير والتحليل والتعامل مع المعطيات واللي هو الجنس البشري

بينما اذا بدك تاخد الحرف بمعناه الحرفي بجوز ينط لك شي بني آدم يقول انه آدم كان عايش بفلسطين او بلبنان باعتبار انه فيها كتير تفاح
اكيد تحليل غبي بس التفاسير اللي عبتظهر مانها مضحكة بشكل اقل من الفكرة التحشيشية اللي قلتها هلق