اخي السوري : هل تعتبر نفسك (سوري) ام( عربي سوري)

[أبو الفحم]

تسجيل متابعة

[BL@CK]

نقلنا معظم المشاركات اللي عم تحكي عن الشراكس لموضوع الشراكس بقسم التاريخ ..

وجب التنويه .

[..Jimy]

لا شو عربي .......
أنا سوري وبس .....و هي "عربي" شغلة دبقانتني وما مأعرف كيف بدي اخلص منها.....
‏
اساسا بس تقول ادام شي حدا كلمة عربي بتنرسم بمخيلتو صورة عن شخص عربي و هالصورة ما بتشبهي.

ميشان هيك بس قول ادام جماعة فرنسيين أو أوربيين اني سوري.. بيتفاجئو كتير‎‏ ‏:O‎ ..(وهي صارت اكتر من مره)

بيتفاجئو لسببين:
الاول اني متقن للهجتهن..‎ ‎
بس السبب الاهم انو انا ما بشبه تصورهن عن العربي وخاصة انو كلمة سوري ارتبطت بالعرب ‎‎ (‎ syrian arab republic)‎

[المحارب العتيق]

كاتب النص الأصلي : kosayka2

عفوا منل يا اخي البعثيي

نحن لما نناقش كلمة سوري اكبر بكتيييييييييييييييييييييي يير

من اي حزب

ياحبيبي أولا أنت فهمت ردي غلط . وتانيا وجهة نظري يلي حبيت قولها . أنو مشكلتنا بالأنتماء هي مشكلة متجذرة منذ الصغر . ماعنا رؤية واحدة للأنتماء . وكل واحد ضد أو مع عروبة سورية ألو سببو ووجهة نظرو التي تختلف عن غيرو . لأنو لحنا ببساطة المهم نكون بعثيين . بالمدرسة بعثثين . وبعد هيك بعثثين . الجامع بيناتنا هو البعث . لا العروبة ولاغيرها . يعني بتلاحظ ومن ردود شباب بالمنتدى تذمرهم ونكرهم للعروبة . بالوقت يلي أذا ناقشتهم سياسة بتلاقي أنهم بيحملو راية . (( دمشق قلب العروبة النابض )) . في نقطة كتير مهمة بالنسبة لعروبة سورية . أنو نحكى عن الشراكس أوالأكراد أو الأرمن أو التركمان . وطبعا هاد مو خروج عن الموضوع . هاد من لب الموضوع ومالي قاصد فئة بعينها . أنو هنن يلي ممكن يكونو ضد عروبة سورية . بينما في مهاجرين كتار قدماء أجو لسوريا وتجنسو سوريين من المغرب والجزائر والجزيرة العربية . ومابيقولو أنهم مو عرب سوريين .
وحتى بالنسبة أنو ماكانت الحضارة عربية بل كانت أسلامية . حكينا كتير قبل هلأ وبرجع بقول . أنو قمة الحضارة العربية كانت ضمن الدولة الأسلامية . بس العرب والوطن العربي هو كان الدينمو والمركز الها .
هلأ برأيي أستبيانك في ألو نقطتين : أولا لو كان الوضع السياسي بين سورية وباقي الدول العربية لأختلفت النسبة وتانيا أنو استبيانك بيخير مابين أنتماء لقومية أو أنتماء لدولة ولو فرضنا أنو الأنتماء مو عربي وحطينا أنت سوري ولا أشوري سوري مثلا . رح تطلع النتيجة سوري . وهكذا

[أبو الفحم]

كاتب النص الأصلي : yass

أوكي بس في عندي كلمتين رد ع هالحكي خليه يكون هامش مشان تتوضّح الصورة... ضروري تتوضح

.
.
.
.
.

أما بخصوص اني أقيّم أو ما أقيّم.. أنا ما بيطلعلي أقيّم حدا..

.
.
.

و ما زلت أفكر انو هالحكي مو بس مسخرة انما استخفافي...و هاد رأي بكلام مكتوب من قبلك بهالموضوع فلذلك عم احكي عن حكي و ما عم احكي عن شخصك اللي ما اعرفو و بالتالي ما بيطلعلي أقيمو..

.
.
.

آسف للخروج الهامشي و ياريت نرجع بشكل نهائي للموضوع

رجعة حميدة

كاتب النص الأصلي : yass

بعتقد حكينا عن الموضوع من فترة..

أوكي خلينا نفرّق شي عن شي...

في عرب سوريين؟ أي في

في سوريين مانهون عرب؟ طبعا في
.
.
.

سوريا هي دولة.. و دولة فيك تقول متعددة القوميات (فيها الكردي و الآشوري و السرياني و و و ... العربي) . فكلمة انو سوريا دولة عربية هي اهانة للحقيقة.. انو بسوريا في عرب بس كمان في غير عرب لذلك ما بيطلع لأبو أبو عبد الناصر يجي يقولهون مانكون سوريين..

لكن اللي صار انو حكامنا من بداية القرن العشرين ركبو موجة الحركة القومية لأنو شافو انو الفكر القومي دارج بأوربا و جابوه لهون و اخترعو شي اسمو قومية عربية, و هالاختراع هو اختراع لبناني بامتياز... ظلو الأدباء الموارنة متل حنا عبود و غيرو يحكو بالقومية (لأنو سمعو فيها من أوربا) طيلة سنين و ما حدا راد عليهون..

بالحرب العالمية التانية اجا الشريف حسين (الله يرحمو... لأنو ما بيجوز عالمهابيل الا الرحمة) و قال عمل مفاوضات مع الانكليز و الانكليز ضحكو عليه قالولو تعا ثور عالعثمانيين و نحنا نساعدك و تصير ملك ع دولة كبيرة.. اجا الفهمان صدّق انو الانكليز راح يساعدوه بتحرير أكثر من 3 مليون كيلومتر مكعب كرمال عيونو الحلوين .. لكن ظل عندو مشكلة ايديولوجية.. كيف بدو يتحالف مع "كفار" مشان يحارب مسلمين مثلو.. و مو بس مسلمين انما دولة الخلافة كمان... فاجو حكولو انو بلبنان من شي 40 سنة كان في شلة موارنة بيقولو قومية عربية و ما بعرف شو.. قام اجا الشريف حسين لقاها حجة و فتاها انو خيو بدنا نثور لأننا عرب .. و عمل علم و صدّق ع حالو هو ولادو (كمان الله يرحمهم.. ما بيجوز عالطرمبات الا الرحمة) و ثارو.. الانكليز ساعدوهون أولا فخوزقوهون ثانيا... و صار اللي كلنا بنعرفو

ظلت قصة العروبة طافية على السطح لبين ما التقطها عبد الناصر و عمل منها ايديولوجيا ركيكة جدا و تم لأجلها تزوير تاريخ و ثقافة و تراث جميع الشعوب العربية لأجلها

أي و بالنسبة الي لامعنى لكون هلأ حاطين اسم البلد "الجمهورية العربية السورية" .. طبيعي لأنو محكومين من قبل نظام قومي عربي (اسميا و ايديولوجيا) و هاي من الشغلات اللي لازم تتغير لأنو عم تعمل اقصاء كبير.. عم تفرض انو مشان تكون سوري لازم تكون عربي.. ومو صحيح هالكلام... جزء كبير من تراثنا و ثقافتنا جاية من العربي (أمر طبيعي) لكن في شي اسمو طابع سوري.. و بالمقابل ما في شي عربي هيك تقول انو القومية قائمة من خلالو..

اللغة؟؟ ليكها أكتر من نص افريقيا بتحكي فرنسي و مانهون فرنسيين

التاريخ؟؟؟ أنو تاريخ منهون؟ الحقيقي لما المزوّر؟ الحقيقي انو في تاريخ اسلامي مافي شي اسمو تاريخ عربي و دولة عربية.. مافي..

التكامل الاقتصادي؟ (هاد اختراع رهيب) .. أي كمان فينا نعمل تكامل اقتصادي مع ايران و تركيا و جزر الفوكلاند و مانهون عرب

وحدة المشاعر و التطلعات و المصير؟ .. اي شفناه. مافي داعي نحكي عن هالنقطة..


أكيد مافينان ننفي وجود اطار ثقافي لغوي عربي.. لكن فقط اطار... مالازم نعطيه ثقل أكبر لأنو نكون عم نضحك ع حالنا و ع غيرنا.. و عم نقصي كمية كبيرة من الناس


آسفين للاطالة

أولا :ياس الله يرحمو (باعتبار الرحمة بتجوز على الميت والحي )مهبول وطرمب .
ثانيا :هادا مو تقييم لشخص ياس ، يا شباب وشابات الاخوية ، هذا رأيي الشخصي واللي ما عاجبوا ما يقرأو ا لو سمحتوا .
ثالثا : عبد الناصر ، والشريف حسين وأولاده، والعروبة، والتقرير الجوال ....هاي تعابير جديدة مستوردة من أوروبا على الارجح مثل القومية وما بعرف شو ، عشان هيك وجب على ياس وضع صفات لهذه التعابير الدخيلة والمسمومة ؟؟
رابعا : أما (الانجليز ، والفرنسيين، والكفار...) والتي أوردها ياس دون صفة تتبعها في رده الجميل فهي تعابير ومصطلحات جميلة وأصيلة وتدل على الايديولوجية الركيكة التي يتبناها ياس .
(كل ما سبق هو رأي فقط !! مو تقيييم يا شباب ـ لا تلخبطوا هه) واللى مو عاجبوا ما يقرأ (مع شكري الجزيل لصاحب هذا المبدأ)

رابعا :أسفين على الاطالة.


أنا ماني سوري
بس أنا عربي فلسطيني الاصل أردني الجنسية وسوري الانتماء لحبي العميق لشعب سوريا والفكر القومي الذي تبقى لديهم دون باقي العرب واعتز بكل ذلك

[أبو الفحم]

كاتب النص الأصلي : ابو ريتا

عربي و أفتخر

سوري و أفتخر

بوركت أبا ريتا

[abukhazim]

أنا اخترت سوري كونو ما في غير خيارين, بس أنا:

أممي أممي أممي
أحمل الجنسية السورية

[kosayka2]

كاتب النص الأصلي : fine

اذكرلي مساهمة السوريين بلتطور البشرية وبلدليل والي يسمعك يقول انتو اول من نزل القمر واول من اخترع الطيارات

ياحبيبي انتو شعب 20 مليون ومعظم ايرادات بلدكم من النفط وبلدكم تعتبر من افقر بلدان العالم لو كنت عبقري طور بلدك

وميزانية سوريا لا تساوي ربع ميزانية امارة دبي البلغ عدد سكانها 300 الف ( وللعلم دبي لا يوجد بها نفط وتعتمد على ايرادات السياحة وهي امارة تجارية ) ومعظم النفط في ابوظبي

يا حبيب نحن لما نحكي عن كلمة اسمها حضارة (يفضل انك تبحث عن معناها)
نرتفع عنكل طابع مادي

و عفكرة انو قنبلة وحدة ممكن تمحي دبي كلها

بس مليون قنبلة لا يمكن ان تمحي تاريخ السوريين

و كمان انا بنصحك انك تشوف رؤساء بعض الجمعيات العلمية بامركا فهم سورييون اذا بتعرف؟

[kosayka2]

كاتب النص الأصلي : sezar

سأطلب من المشرف نقل كل ما يتعلق بالشركس الى هذا الموضوع

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

غير ذلك سيعتبر أي رد بهذه الخصوص هنا خروج عن مسار الموضوع في قسم الحوار الجدي

هاد الحكي الصح

لانو نحن ما عم نحكي عن كل يلي ساكنين بسوريا

نحن عم نحكي على كل شخص فينا



و منشان هيك بدي اسالك يا اخ sezar
هل انت (بذاتك وليس اي شخص اخر)
سوري ام عربي سوري

و السؤال كمان موجه للاخ yass

و لكل واحد يحكي شو موقفو هو بذاتوا مو موقف كل السوريين

[حلبي]

بالحقيقة يا اخي العربي السوري
العرب بعمرهن ما كانو موحدين على شي

و اكيد مارح يتوحدوا لا هلق ولا بعد 890000000000000 سنة ضوئية

و شو الحل

و يمكن ما في روابط!!!!!!!!!!!!!!!!!!!!!!!11

لو لم يكن هناك روابط لما بقو الى الأن

المهم ممكن تشرحلنا بعد ستة صفحات من الموضوع الى أين توصلت في أستنتاجك

لو سمحت

[المحارب العتيق]

النشيد الوطني السوري
حـماةَ الـديارِ عليكمْ سـلامْ أبَتْ أنْ تـذِلَّ النفـوسُ الكرامْ
عـرينُ العروبةِ بيتٌ حَـرام وعرشُ الشّموسِ حِمَىً لا يُضَامْ
ربوعُ الشّـآمِ بـروجُ العَـلا تُحاكي السّـماءَ بعـالي السَّـنا
فأرضٌ زهتْ بالشّموسِ الوِضَا سَـماءٌ لَعَمـرُكَ أو كالسَّـما
رفيـفُ الأماني وخَفـقُ الفؤادْ عـلى عَـلَمٍ ضَمَّ شَـمْلَ البلادْ
أما فيهِ منْ كُـلِّ عـينٍ سَـوادْ ومِـن دمِ كـلِّ شَـهيدٍ مِـدادْ؟
نفـوسٌ أبـاةٌ ومـاضٍ مجيـد ْوروحُ الأضاحي رقيبٌ عَـتيدْ
فمِـنّا الوليـدُ و مِـنّا الرّشـيد ْفلـمْ لا نَسُـودُ ولِمْ لا نشـيد؟

[Donald Duck]

بس يعني سؤال لصاحب الموضوع ..

يعني انت بتقول انت مو عربي ..

انت سوري ..

ممكن تثبت هالشي .. !!!!!!!

بعرف انو كلامي غريب ..

بس يعني مثل ما انا بعرف الانسان ما بظل بنفس المكان ..

يعني مثال .. بجوز المصري يسكن في المغرب ومع مر السنين عائلتة تظل في المغرب وتصير عائلة مغربية ..

ولهجتها مغربية .. وعاداتها وتقاليدها كمان ..

يعني انت كيف بتقدر تثبت انو انت اصلك سوري ومو جاي من دولة ثانية !!!!

[أبو الفحم]

كاتب النص الأصلي : المحارب العتيق

النشيد الوطني السوري
حـماةَ الـديارِ عليكمْ سـلامْ أبَتْ أنْ تـذِلَّ النفـوسُ الكرامْ
عـرينُ العروبةِ بيتٌ حَـرام وعرشُ الشّموسِ حِمَىً لا يُضَامْ
ربوعُ الشّـآمِ بـروجُ العَـلا تُحاكي السّـماءَ بعـالي السَّـنا
فأرضٌ زهتْ بالشّموسِ الوِضَا سَـماءٌ لَعَمـرُكَ أو كالسَّـما
رفيـفُ الأماني وخَفـقُ الفؤادْ عـلى عَـلَمٍ ضَمَّ شَـمْلَ البلادْ
أما فيهِ منْ كُـلِّ عـينٍ سَـوادْ ومِـن دمِ كـلِّ شَـهيدٍ مِـدادْ؟
نفـوسٌ أبـاةٌ ومـاضٍ مجيـد ْوروحُ الأضاحي رقيبٌ عَـتيدْ
فمِـنّا الوليـدُ و مِـنّا الرّشـيد ْفلـمْ لا نَسُـودُ ولِمْ لا نشـيد؟

نعم سورية عرين العروبة
و قلب العروبة النابض
سورية عربية بأرضها وترابها
فمن توجه لسوريا حتى بفكره أصبح عربيا
ومن خرج منها حتى بخيالاته كان فينيقيا
والفينيقيين انتهوا
والرومان أفلوا
والفرنسيين طردوا
وبقيت وستبقى سورية عربية

هذا رأيي فقط على الردود والكلمات
وليس تقييما لأصحابها
فمن لا تعجبه آرائي فعليه أن لا يقرأها

[Abu ToNi]

يعني انت كيف بتقدر تثبت انو انت اصلك سوري ومو جاي من دولة ثانية !!!!

يا اخي غريب وضعك تماما انت

ما بختلف معك كل الشعوب والاعراق كان فيها انصهار لبعض الأقليات وتحميله للقب الأغلبية وهاد الشي موجود من ايام القبائل وحتى اللحظة

بس كام واحد بسوريا بينطبق عليه الشروط هي واللي هوي عربي " اي جذوره الأصلية الصافية تعود إلى شرق البحر الأحمر "
واحد !! عشرة !! مية !! مليون
بس ما عشرين مليون

شو قالوا لك كانت بلاد الشام صحرا قبل ما يجوا العرب يستوطنوا فيها وما كان في عالم ساكنة فيها ؟!!؟

هلق فكرة عربي سوري ما بحسها مختلفة عن سوري ياباني كلها من نفس المبدأ وبتمشي على نفس المقياس اهلية محلية اشتراكية بمعنى آخر .

[sezar]

كاتب النص الأصلي : kosayka2

هاد الحكي الصح

لانو نحن ما عم نحكي عن كل يلي ساكنين بسوريا

نحن عم نحكي على كل شخص فينا



و منشان هيك بدي اسالك يا اخ sezar
هل انت (بذاتك وليس اي شخص اخر)
سوري ام عربي سوري

و السؤال كمان موجه للاخ yass

و لكل واحد يحكي شو موقفو هو بذاتوا مو موقف كل السوريين

سبق و جاوبت
سوري.
أي امتدادات أخى فهي أوبشن

[Donald Duck]

كاتب النص الأصلي : gabriel

يا اخي غريب وضعك تماما انت

ما بختلف معك كل الشعوب والاعراق كان فيها انصهار لبعض الأقليات وتحميله للقب الأغلبية وهاد الشي موجود من ايام القبائل وحتى اللحظة

بس كام واحد بسوريا بينطبق عليه الشروط هي واللي هوي عربي " اي جذوره الأصلية الصافية تعود إلى شرق البحر الأحمر "
واحد !! عشرة !! مية !! مليون
بس ما عشرين مليون

شو قالوا لك كانت بلاد الشام صحرا قبل ما يجوا العرب يستوطنوا فيها وما كان في عالم ساكنة فيها ؟!!؟

هلق فكرة عربي سوري ما بحسها مختلفة عن سوري ياباني كلها من نفس المبدأ وبتمشي على نفس المقياس اهلية محلية اشتراكية بمعنى آخر .

يا اخي جابريل ..

الواحد منا بقدر يعرف اصلوا شو هو ..

عربي .. فينيقي .. بابلي .. اشوري .. سومري .. يعني في مليون عرق ..

كيف الواحد بقدر يحدد عرقة ..

مع انه انت بتعرف انو اغلب الي عددتوا انتهى من زمان .. وما في الو وجود اليوم ..

يعني كيف الواحد بقدر يعرف اصله !!! هي سؤالي ..

[Abu ToNi]

عربي .. فينيقي .. بابلي .. اشوري .. سومري .. يعني في مليون عرق ..

بس في قاعدة بتقول اغلبية واقليه او بمعنى آخر اصحاب ارض واقليات منحلة بالعرق الاصلي


بتاريخ سوريا كله ما في شي اسمه ابادة جماعية بشكل نهائي بمعنى آخر ما فيك تقول البشر اللي كانوا هون ما حدا منهم هوي من السكان الأصليين كلهم اقليات منحلة وباقية حتى هلق .

مشان فكرة ما فيك تحدد بشكل اكيد بعتقد بكل سكان الكرة الأرضية ما فيه حدا يحدد بشكل اكيد شو هوي اعراقه ممكن بشكل تقريبي

بس كمان في شي منطقي يعني لاحظ تفاصيل العرق العربي وبقصد بالعرب شرق البحر الاحمر ما بعتقد في تشابه بيناتنا بينما ممكن تلاقي تشابه بين الانسان السوري والانسان العايش في حوض البحر المتوسط فاذا بدك تعمل عملية تقريبة لأغلبية الشعوب واذا كنت معتبر انه مافي شي اسمه سكان اصليين وجميعهم رحلوا إلى مكان مجهول " مع العلم ان التاريخ بينقض نظريتك هي " فما بعتقد من الحكمة انه يتم التقريب للعربق البعيد للعرق اللي ما بيتقاطع مع سكان سوريا الا بنسبة 5 % .

[Donald Duck]

كاتب النص الأصلي : gabriel

بس في قاعدة بتقول اغلبية واقليه او بمعنى آخر اصحاب ارض واقليات منحلة بالعرق الاصلي


بتاريخ سوريا كله ما في شي اسمه ابادة جماعية بشكل نهائي بمعنى آخر ما فيك تقول البشر اللي كانوا هون ما حدا منهم هوي من السكان الأصليين كلهم اقليات منحلة وباقية حتى هلق .

مشان فكرة ما فيك تحدد بشكل اكيد بعتقد بكل سكان الكرة الأرضية ما فيه حدا يحدد بشكل اكيد شو هوي اعراقه ممكن بشكل تقريبي

بس كمان في شي منطقي يعني لاحظ تفاصيل العرق العربي وبقصد بالعرب شرق البحر الاحمر ما بعتقد في تشابه بيناتنا بينما ممكن تلاقي تشابه بين الانسان السوري والانسان العايش في حوض البحر المتوسط فاذا بدك تعمل عملية تقريبة لأغلبية الشعوب واذا كنت معتبر انه مافي شي اسمه سكان اصليين وجميعهم رحلوا إلى مكان مجهول " مع العلم ان التاريخ بينقض نظريتك هي " فما بعتقد من الحكمة انه يتم التقريب للعربق البعيد للعرق اللي ما بيتقاطع مع سكان سوريا الا بنسبة 5 % .

اذا بتحكي عن التشابهة .. بمثل ما انا بعرف .. كل انسان تقريبا مخلوق حسب ظروف الطبيعة الي عايش فيها ..

تقريبا .. يعني ..

يعني ابن الصحراء والي بتعرض لاشعة الشمس كثير .. لون بشرتة اسود ..

وبعرف لون البشرة ناتج عن خلايا او اشي من هالنوع ويلي بتحمي الانسان من اشعة الشمس حسب قوتها ..

بس في شغلة .. يعني سوري او مصري او مغربي .. هذه الكلمة بتدل على عرق .. !!

وبعرف انو كانت سوريا والدول الي عجنبها .. اسمها بلاد الشام ..

ما كان اسمها سوريا بالاصل !!