النظرللامور بشكل شاقولي أفقي......

[بنفسجة]

بدك الصراحة الغربة بين اهلك وناسك اصعب بكتير من الغربة بين ناس هني بالاصل غراب عنك
لهيك لاتزعل من غربتك فهي اسهل بكتير من غير غربات

[ritka]

بدك تسامحيني بهاي النقطة بس مدري ليش هالمرة ما زبطت معك
لما تكون بغربة جنب الغريب ما بتزعل انو بتزعل اكيد طبعا بس الااكد من هيك انك رح تزعل اكتر بكتيييير لما يكون الغريب هو وطنك !!!!!
صعبة لما تكون شايف الوطن بصورة معينة و حامل كتييييييير اشياء حلوة بزاكرتك عن شي معين
ولما ترجع( عموزميق) تلاقي كل شي نقلب و عاد في شي محلو
ساعتها رح تكتاب و تضرب بوز وهه

[أإأبو العبد]

كاتب النص الأصلي : ritka

بدك تسامحيني بهاي النقطة بس مدري ليش هالمرة ما زبطت معك
لما تكون بغربة جنب الغريب ما بتزعل انو بتزعل اكيد طبعا بس الااكد من هيك انك رح تزعل اكتر بكتيييير لما يكون الغريب هو وطنك !!!!!
صعبة لما تكون شايف الوطن بصورة معينة و حامل كتييييييير اشياء حلوة بزاكرتك عن شي معين
ولما ترجع( عموزميق) تلاقي كل شي نقلب و عاد في شي محلو
ساعتها رح تكتاب و تضرب بوز وهه

انشاءالله بصير ضفضع بلا اجرين اذا فهمت منك كلمة



بالنسبة للغربة مرة واحد حكالي قصة طريفة

هاد ياسيدي مرة واحد سافر على اوروبا واشتغل واتعلم هنيك واتعود على البلد وعادات هالبلد من ترتيب ونظام و..... و وصار تقريبا من اهل البلد حتى صار معو الجنسية وبس صار عمرو 50 سنة اتقاعد بحكم انو قوانين هالبلد بتفرض عليه هيك فوقتا حن لبلدو واهلو وقرر يرجع
رجع هالزلمة قعد سنة بعدين ودع ارتحم فاهلو قالو كان حاسس انو رح يموت لهيك رجع
طبعا هو مو من هيك مات ولا كان حاسس
لكن مات من وضع هالبلد مات من قرف هالبلد يااخي واحد متعود عالنظام ومتعود عالاتيكيت وشغلات كتير تغيرت عليه اجا ضغط وسكر وقلب بعيد عنكون وودع
اخي انت لما تغربت شو كان سبب غربتك يعني سياحة مثلا ولاهيك اجا عبالك
اكيد لا انت اتغربت مشان تحسن وضعك فلاتفكر بهالقصص ولاتعيش على الاطلال اذا هيك الله راد واتحسن وضعك ولقيت انك ماعدت بحاجة للغربة فوقتا فكر بالرجعه

[ritka]

هيك طلعت فاهم و عين الله عليك
بعدين صحي شو هاي ضفضع بلا رجلين؟

[مجنون يحكي وعاقل يسمع]

كاتب النص الأصلي : Damask Rose

بدك الصراحة؟؟؟مافهمت عليك شي

بس تزورنا بمملكة الإنسانية كام يوم بتعرف شو عم يحكي

[مجنون يحكي وعاقل يسمع]

هس ،،،،، شوي شوي وطّو أصواتكون شوي فيقتونا، كل شي صار واطي عندكون إللا أصواتكون
أنتي صن شن طن وين ما رحتي بتعملي مشاكل. كنت مبارح بالجمهورية اللي أنا عايش فيها, لا تكذبي علي بكشفك دغري ها لأنك لليوم ما عرفتي تتعلمي الكذب , مع أنو أنا المجنون أحيانا بكذب وبعمل حالي عاقل وما بنكشف ، اليوم الشرطة والهيئة رحلو بناية كاملة حوالي 200 شقة سكنية وأخلوها خلال ساعة ، ليش ياحزركون
مارح تعرفو ؟ أكيد ما رح تعرفو ، رح قلكون شو ،قال طلعت العمارة مسكونة وفيها جنّي، قلبت الأمور بعقلياتي الصغار
قلت مافي غيرها ها صن شن طن عاملتها شي فلم
بعدين يا سيد شامي للنخاع إذا طليت بالغربة بطل عندك حنين بس مابتعرف لمين وليلية بيسرق من بين المغتربين وبيصير يوديك لبعيد يودّيك ، وتصيح متل الديك كا كو كيك, أما إذا رجعت لمين بدك تحن عالعفاريت , صار في بالشام عفاريت أكتر وأكتر
اتصل فيي الصبح وتعا لنشوف شو بدو يصير بالعفريت اللي بحارتنا
أنا حابب أرجع عالبلد بس للأسف حتى الدخول عالعصفورية بدو واسطة تقيلة ، قلت بلاها هون وين مارحت و وين ما كنت عصفورية، وشو ما قلك صنفريييه صنفرلو عالصنفرييه
صن فر صنفر صن فر يا صنفور
وتصبحون على وط....... تصبحون على عصفورية

[شامي للنخاع]

عا روزنة عا رزونة............يا ارضينا شتقنا..........يا ريحين عا الوطن خودو مني كلمة...........ساكنة في بالي من دهر......تكبر مع النسمة......اكتوب عا حيط البلاد............نسمة الوطن نسمة

[MadMax]

كاتب النص الأصلي : مجنون يحكي وعاقل يسمع

بس تزورنا بمملكة الإنسانية كام يوم بتعرف شو عم يحكي

يا ريت تشرحلي هالجملة ......بعد إذن شواربك يعني

[مجنون يحكي وعاقل يسمع]

كاتب النص الأصلي : MadMax

يا ريت تشرحلي هالجملة ......بعد إذن شواربك يعني

أبو سمرا الغالي أكتر الأغنيات الحزينة في عالما الذي لا يجد الفرح مكاناً له فيه فيصبح مجنوناً مثلي يجري طول اليوم في الشوارع باحثاً عن نفسه ،هي أن يكون لك عقلاً ولديك المعرفة والقدرة على استخدامه وإدارته , أو تترك له إدارتك , وأنت تعيش على هذه الأرض (المقدسة)ما كتبته في الأعلى أحد القصص الحقيقية والتي حدثت البارحة علىبعد أقل من مئة متر من مكان سكني(المقصود قصة الجن وتفريغ البناء من سكانه) ولكن هنا يمكن أن يؤمن مجنون مثلي بالجن بسهولة ليس لأنني أرى الكثير من الجن حولي بل لأن الجن كالأنبياء يحبون نفس الأشياء
صدقني أخي أبو سمرا إن سياط العقل التي تساط بها هنا حتىوأنت في عز النوم هي التي تلسعنا وعلى كل
أنا عم فكر نزل موضوع شبهه يومي بما اراه وأسمعه وأشمه وأحس به من ممارسات حيوانية في مملكة الإنسانية

[Sun Shine Art]

كاتب النص الأصلي : مجنون يحكي وعاقل يسمع

هس ،،،،، شوي شوي وطّو أصواتكون شوي فيقتونا، كل شي صار واطي عندكون إللا أصواتكون
أنتي صن شن طن وين ما رحتي بتعملي مشاكل. كنت مبارح بالجمهورية اللي أنا عايش فيها, لا تكذبي علي بكشفك دغري ها لأنك لليوم ما عرفتي تتعلمي الكذب , مع أنو أنا المجنون أحيانا بكذب وبعمل حالي عاقل وما بنكشف
وتصبحون على وط....... تصبحون على عصفورية

مشكله كبيره الصراحه . اعاقه انه يكون الواحد واضح وصريح ....مشان هيك بيطلع هو الي بيعمول المشاكل ..

على كل الاحوال يا صديقي شكلي بدي كورس عندك بمملكه الها بركي بطلع موديل جديد ...

احسن شي الواحد يضل مجنون وبعيد حتى عن الحنين الى الوطن

[MadMax]

كاتب النص الأصلي : ritka

ولما ترجع( عموزميق) تلاقي كل شي نقلب و عاد في شي محلو

ماني كتير معك بهالحكي
صرلي بهالبلد تقريباً تلاتين سنة
و المشكلة أنو من وقتها ما تغير شي بهالبلد



إلا نحنا

[ritka]

كاتب النص الأصلي : MadMax

ماني كتير معك بهالحكي
صرلي بهالبلد تقريباً تلاتين سنة
و المشكلة أنو من وقتها ما تغير شي بهالبلد



إلا نحنا

قولتك هالشي ما بيكفي انك تنقلب فوقاني تحتاني ؟