موضوع نقاش/ مسابقة التصوير /

[Abu ToNi]

بالنسبة لصوره ذا لايت خليني وضح شغله بما انو الاتهامات عم تكون الي شخصيا ً .. فأنا ما رشحت الصوره نهائيا ً لا كبديل ولا كاضافه .. لكن اعضاء اللجنه رشحوها كصوره من الصور العشرة اللي كنا عم نختارهم لكن نظرا ً لاني شفت من غير العدل تاخد مطرح صوره تانية ملتزمه بالشروط فشفت انو تتم اضافتها كاختيار و لكن يبدو انو حتى هيك ما مشي الحال ..
على كلـّن بعتقد لايت وضح رأيه بالبريد حول هي النقطه

بس تعليق صغير حابب وصل من خلاله فكرة كون بشكل أكيد مافي من وراه نتيجة
كان ممكن اتقبل وجود لوحة مخالفة للشروط في حال كانت المشاركة قليلة أو مافي اقبال من العالم على المشاركة بالمسابقة

بس وقت بكون 26 شخص ( 24 + فادي واسبيراز ) اهتموا بالموضوع وشاركوا بالمسابقة بصير الاحقية للأعضاء المنضبطين فيها وبشكل بديهي بيطلع من دائرة المنافسة كل شخص غير مستوفي لشروط المسابقة
كان ممكن اتقبل وجود صورة +1 انطلاقا انكن احترتوا بين لوحتين وما قدرتوا تأقصوا ولا وحدة منن فأدخلتوا التانية بالتصويت
بس انه يكون في صورة مخالفة للشروط تم اخدها بعين الاعتبار هلشي ما كتير قدرت استوعبه كون في عالم انضبطوا بالخطوط أحق بالحصول على ميزة الت +1 .
ولو صار هلشي ما بعتقد كان حدا اعترض او استاء متل ما واضح انه صار لدرجة انه سمعت حكي مبارح من أشخاص (ما عندي مشكلة اذكر اسمائن بس بعتقد هنن عندن مشكلة ) انهم امتنعوا عن التصويت لأن المسابقة ما عم تمشي بخط حيادي .
برجع بقول انه المسابقة هدفها احياء القسم وفعلا اثبتت جدارتها بهلشغلة .. بس حلو انها تكون عادلة وضمن الخطوط المرسومة الها .

التقييم صار على مستوى الصورة وتم تقديم المفاجئة على انه حتى لو فيها فوتوشوب فهية بتستحق المشاركة
بالنسبة الي .. صورة راجة ايد المصور فيها .. مغبشة العدسة وما طالع منها شي .. الها الأفضلية عن الصورة اللي تم منحها الاستثناء .
على هلحالة شو بيمنع ينعطى استثناء لصورة رائعة وان ثبت بالدليل القاطع أنه صاحبها سارقها من شي شخص ؟

جيمي : ما بدي علق على ردك لأن بالاصل ما كان بدي فوت بمهاترات على لوحتك ولوحتي ورسمتك ورسمتي وجرابات ستك وجرابات ستي
ومتل ما قلتلك ما عم قيم ذوئك الفني وما عم قيم اسلوب تعبيرك.. قلتلك انه لو كانت الموناليزا نفسا مشاركة بالمسابقة وتم قبولها كنت رح اعترض عليها وأكيد ما بتعتبر لوحتك اروع من الموناليزا اذا بتعتبر هلشي خبرني لأبعتك عند المساعد جميل ( بقصص التقليل من قيمة اللوحات الفنية اللي بحبها أبو طوني .. بيتحول الأخير لكتلة متحركة من الاستبداد )

[..Jimy]

صور لمصورين محترفين



----


---

مصورين "شقفة ورقة"..
وتعتبر جزء من فن التصوير..
وليس المسح الضوئي..

[VivaSyria]

حابب اشكر كل يلي شاركو بالمسابقة من خلال صورة او تصويت او تنظيم وللاسف ما اسعفني الحظ اني نزل مشاركتي بحكم ظرف سفر وبدي ادرجها الاسبوع القادم بموضوع ضمن عدة صور اخدتون بمناسبة المسابقة وهيك بكون ضحكت عليكون وكسبت فرصة حط اكتر من صورة

اول شي بدي وجه الكلام لجيمي مع محبتي لإلك "وشكوكي بالبداية باستخدامك لتقية مساعدة" بس بصراحة شفت "صورتك!!!" ابداً مو مناسبة لروح هيك مسابقة تسمت بمسابقة تصوير "لارسم ولاتخطيط ولاهندسة فراغية" برجع بأكد مع محبتي الشخصية إلك

تاني شي عندي سؤال لأتفورغيفن: ابن العم ماشفت منك توضيح حول "صورتك"... هل انت مأكد انو هالصورة من تصويرك أو شو؟؟ يعني بصراحة ماحابب فوت باخد وعطا وخدني جيتك واخر شي تفاجئني باك تقول لاوالله الصورة مو إلي بس انا عجبتني "بمكان ما" وحبيت شارك فيها ... فياريت تجاوبني هيك بوضوح هي الصورة من تصويرك؟؟

النقطة التالتة المستهجنة هي حكاية +1 يلي بالفعل مفاجئة"كما وعدتم" يعني بالفعل وقت فتت اليوم على الموضوع اتفاجئت ...
برأيي الشخصي استخدام التقنية لاعيب ولاحرام بس بحكم وجود ضابط ببيمنع استخدام التقنية "مهما كانت درجة استخدامها" فمو مستساغ فكرة ادراج صورة بصيغة "مخالفة بس حبينا نشارككون فيها"... مانحنا تشاركنا فيها معكون وشفناها متل ماشفتوها فليش تشاركونا مرة تانية فيها اذا مخالفة لشروط المشاركة؟؟!!

يعني كان ممكن الشباب والصبايا المنظمين ينزلو موضوع مستقل بيحتوي على الصور المخالفة يلي نالت اعجابون الشخصي وماينزلوها بصلب الترشيحات مع تقديم شخصي... بيبقى رأيكون وبتبقا المسابقة للجميع فرأيكون كان الأنسب تدرجوه بمكان أخر اذا اعجابكون كان مخالف للضوابط يلي انتو حطيتوها...

ومابعرف شو الترتيب اذا الاعضاء صوتوا لصورة ذا لايت "يلي انا شخصياً عاجبتي"... هل بتربح او بتخسر لانها مخالفة او شو بيصير؟؟!!!

مابعرف شو طبيعة المفاجئات القادمة بس ياريت ماتكون على نفس المستوى... وهل جملة انتظروا مفاجئات كافية لكسر القوانين الموضوعة من الاعضاء المنظمين؟؟
بصراحة عجبتني الفكرة ولازم تتعمم على لجان الانتخابات ببلادنا انو يدرجو "انتظروا المفاجئات" عند الاعلان على بدء قبول المرشحين للانتخابات ... وبعد مايترشحو البشر يضيفو كم مرشح مخالفين ويرسبو كم مرشح مستوفين الشروط بحجة "فاجئناكون" ماهيك؟؟

[Abu ToNi]

بالنسبة الي هنن مصورين مشهد على الورقة عم يوصولوا فيه فكرة صعب انن يوصلوها بغير طريقة
ما الهدف تصوير الورقة ولا الهدف محاولة خلق مشهد ليتم تصويره ..

اذا بتلاحظ ما كان الهدف تصوير كلمة .. لأن الكلمة فيها تتجسد بأكتر من طريقة وما بعتقد فن التصوير هوي الانسب لأحتضان الكلمات وابراز جوانبها ومعانيها

[The morning]

كاتب النص الأصلي : بنفسجة

انا راضية ومش مزعوجة من اللوحات يلي تم اختيارا
انو هي وجهة نظر اللجنة واللجنة معروفة بقدراتها الفنية العالية وقدرتها عالتقييم
ولهيك بحييكون

بتعرفي .. حبيتك خلص قررت الغي التصويت و كل شي و ربحك الك ..

عنجد فعلا ً بتشكرك عردك ..

أنا المسابقة أخدت من وقتي الكتير الكتير الكتير و الكتير و بصرلي لتاريخ هالاسبوع عم اشتغل عليها شهرين .. و لهلأ ما شفت منها غير الاتهامات و التجريح (( شفت مشاركة هائله اسعدتني لكن بعدها اجى الكثير من الازعاجات على كل من البرايفتس و عالعام ))
و مشاركتك هي اوّل كلمه شكر ( او تحيه ) بسمعها فلذلك بتقدري تعتبري حالك الاولى اعتبارا ً من هي اللحظه ..

[..Jimy]

*بحب اذكر ايضا انو التوضيح يلي جرى هون تم سابقا للجنة باول مرحلي من المسابقة ..

[Abu ToNi]

كاتب النص الأصلي : ..Jimy

*بحب اذكر ايضا انو التوضيح يلي جرى هون تم سابقا للجنة باول مرحلي من المسابقة ..

* كتوضيح مافي حدا من عائلتي مقتول من ورقة او هيك شي .. لا بل بالعكس تماما علاقتي مع الورق طيبة جدا جدا وكتير صحاب نحن ... بخوزقوني ( بلا معنى ) بالامتحانات .. بشقن ( أمزقهم ) بعد الامتحانات .. هيك يعني في اخد وعطا بيناتنا .

اضافة إلى انني من أشد المعجبين بثقافة الكلمات لا بل بعتبر الكلمة جزء من الحرية ( حتى لو ما كان معناها الحرية ) وهلشي كاتبه بشكل واضح بمدونتي اللي معرف عن نفسي فيها بالشكل هاد :

طالب جامعي يؤمن أنه لطالما كانت وستظل الكلمة اشد قوة وصلابة من السلاسل

بس الورقة مع الكلمة مع التصوير ما زبطوا معي كتير .. وبعتبر انها اخدت محل صورة بتستحق بشكل أكتر تكون بالمسابقة .

الحكي ضمن المسابقة والصورة ما بيعني ابدا انه اله انعكاس على علاقتي مع جيمي بشكل خاص .. الكل بيعرف معزة جيمي عندي وقديه انا صحبة معه وبحترم تفكيره

[Dndoshy]

مضمون المسابقة هوي توثيق الأحاسيس لا الأشياء وأنا برأيي صورة جيمي بتوثق الاحساس بشكل كبير..
أكتر من كتير صور ما استوعبت لهلّق كيف تم ترشيحها

بس كل واحد وذوقو..متل ما الاعضاء صوتو حسب مدى اعجابهم بالصور..كمان لجنة التحكيم نفس الشي..
هني أدرى ويعطيهم العافية وكانت مسابقة حلوة كتير وهاي أحلى وردة لألون(بلا ما كتّر سمايلات واكل مخالفة هاي أوس مليون )




TheLight الأفضل بلا منازع

[Abu ToNi]

مضمون المسابقة هوي توثيق الأحاسيس لا الأشياء وأنا برأيي صورة جيمي بتوثق الاحساس بشكل كبير..
أكتر من كتير صور ما استوعبت لهلّق كيف تم ترشيحها

بعتقد اني وضحت اعتراضي على صورة جيمي
باقي انت وتضحلنا شو قصدك بالغمزة واللمزة اللي انت كاتبها
عم احكي مشانك لأنك معرض للتنبيه والمخالفة في حال ما عملت هلشي

بس كل واحد وذوقو..متل ما الاعضاء صوتو حسب مدى اعجابهم بالصور..كمان لجنة التحكيم نفس الشي..
هني أدرى ويعطيهم العافية وكانت مسابقة حلوة كتير وهاي أحلى وردة لألون

مقدرين انن الجماعة مطلعين على الفن بس ما بعتقد كانوا عادلين بطريقة تعاطين مع أكتر من صورة ووضحت قصدي بالموضوع
هلشي ما بيعني انن ما اشتغلوا الجماعة وما تعبوا .. بس ماني مضطر صير متل مجلس عازفي الكمان " مجلس الشعب بحسب ما هوي متعارف علين " وما تصير شغلتي غير صفّق وقول برافوا
اذا حدا شايف انه في شي غلط لازم يحكي .. بالنهاية ما عم ننقد الاشخاص عم ننقد الفكرة اللي اتبوعها على أمل بالمسابقة الجاية ينتبهوا لهلنقط ( في حال اقتنعوا بينن وبين حالن انه فعلا ما عم نجيب الحكي من عنا )
[QUOTETheLight الأفضل بلا منازع][/quote]
ما حدا جاب سيرة ذا لايت بالعاطل عم نحكي على الصورة اللي شارك فيها
ما بعرف ليش حاسس انه في كتير حساسيات بهلموضوع .. كل كلمة نقد عم تنحكي عم تتاخد على شكل شخصي وعم تعتبر اهانة وتحقير للذوق الفني للشخص اللي عم ينحكى معه .
علعموم بآخر جملة ذكرتني ببرنامج كنت كتير بحبه





كرندايزر انطلق

[..AHMAD]

سلامات ، وأما بعد ...

منبلش معكن نقطة نقطة

الموضوع هاد كان لازم ينزل فورا بعد اعلان قرار اللجنة للصور اللي نقتها لحتى يكون للأعتراض قيمة
متل ما هوي واضح هون

لو فعلا في نية حوار وسماع أصوات الاعتراضات من الأعضاء كان نزل الموضوع هاد مع أول صوت تشكيك بالمسابقة أو بأضعف الايمان مع أول موضوع اعتراض بالبريد
مو قبل ما تخلص المسابقة بمدري كام يوم .

ماني شايف هلموضوع غير انه ابرة مخدر لتقدر المسابقة تكمل هلكام يوم البقيان الها على خير .

أختلف معك تماماً بالرأي ، من ضمن الشروط البديهية اللي وافقتو عليها بدون ذكرها ( وما في داعي لذكر هيك شرط ، يعني مثلاً ما رح ينزل شرط انو لتشارك بالمسابقة لازم تنزل صورتك ) اي فالشرط هاد اللي عماحكي عنو هو المشاركة بالمسابقة مع كامل الثقة بخيارات لجنة التحكيم ، لذلك انو نجي هلق ونقول والله عمي هلئ ما عاد يعجبنا هالحكي ، فالـ غلط من المشاركة بالأصل ، طالما عنا شك واحد بالمية انو هاللجنة ما زابطة كان فينا نعترض من البداية او ما نشارك مثلاً .. وهون انا ما عمقول عمي لا تحكو وتبدو اعتراضكن وامتعاضكن وما إلى اليه ، لكن انو ننتقد ونعارض بأشياء أساسية ومن صلب المسابقة ( يعني كـ صور جملةً وتفصيلاً ) مش نجي نعارض انو هيك موضوع كان لازم ينزل من البداية وليش ما نزلتوه و و و الخ. ( واعتقد اني ما عماقدر وصل فكرتي مزبوط ، لذلك بدكن تعذرونا ازا ضربناكن بشي حرف / كلمة عن غير قصد ).. وفيما يخص ابرة المخدر ، فالمسابقة من بدايتها مخدرة وأخص بكلمة مخدرة انها ماشية تمام ، ولو هالمسابقة ما طلع عليها انتقادات واعتراضات وسين وجيم من قبل المرشحين او المشتركين او الأعضاء ذاتهن فـ هون بيبقى في مشكلة بحيث انو مافي شي مثالي ، ومافي شي يفترض فيه يكون مثالي ، فـ وجود اصوات مستنكر ومشجبة شيء مستحب جداً ودليل عالنجاح

المسابقة عبارة عن مشروع رمزي ونشاط للقسم وما بدي اعترض على ولا صورة انشاء الله تكون الصورة مسروقة مني شخصيا ما بدي اعترض ( على فكرة صاير هيك شي ) بس انه مو حلوة يصير الحكي بهي الطريقة انه ما بحق لحدا الاعتراض و "المفاجآت " اللي صارت مزعجة إلى حد ما وسخفت كتير من مبدأ المسابقة وفكرتها .

1- ما حدا حكا ما بيحقلك الاعتراض ( ولو انو مثلاً في خطأ بصياغة الجملة ) ، هالموضوع تم وضعه لمناقشة اوضاع الصور، لكن انو بس ابديت رايك بانو هالصورة مو زابطة او ما بتستحق ، فهالشي ما رح يأدي لتعديل وضع الصورة، لكن لما يتم اثبات بالحقائق والأدلة الفنية انو هالصورة وضعها مش راكز فـ هون معك حق تماما.
2- بخصوص هالمفاجأة ما بعرف ليش كتير عميتلطش حكي على ربها يعني ، ومو لأنو حسان ، ومو لأنو بحترمو ... لكن بموضوعه بالبريد تم التوضيح ، وتم إثبات الأدلة ، ووضع الصورة الأصلية المأخودة من الكاميرا مباشرة قبل إجراء أي تعديل، وشرحت انا بالتفصيل الممل آلية الفوتوشوبية بالصور... ولكن هاد الرد ... وبعدو كزا رد .. عميلمحو لهالموضوع فـ أنو المزعج بالموضوع مو المفاجأة اللي صارت ، المزعج هوي إعادة الحكي كتير بهالموضوع اللي تم شرحو .



ونقطة أخيــــــــــــــــــــــ ـــــــــرة :

فيفا سيريا بخصوص تساؤلاتك هي ... فيك تراجع البنود التالية الذكر أعلاه :

#1 . التهكم لمجرد التهكم و عدم الاستناد على فكرة لنقاشها

#1. حتـّى يتم اطلاق اتهام لازم يتم الحاقه بأدلة

بالنهاية ... كنت حابب رد عالكل ، لكن كل الردود عمتدور بـ مدار معين أظن اني حكيت عنه كفاية بـ ردي هاد ( بين قوسين الحكي مش موجه لابو طوني ، عمناقش الفكرة كـ كل لكنه اول شخص طلع اسمو بخلقتي ونسخنا الرد تبعو كونو الأفكار كلها تشابه فكرتو ) وأسقطوها على كافة ردودكم / ردودكن

ودمتم

[The morning]

كاتب النص الأصلي : Abu ToNi

بالنسبة الي هنن مصورين مشهد على الورقة عم يوصولوا فيه فكرة صعب انن يوصلوها بغير طريقة
ما الهدف تصوير الورقة ولا الهدف محاولة خلق مشهد ليتم تصويره ..

اذا بتلاحظ ما كان الهدف تصوير كلمة .. لأن الكلمة فيها تتجسد بأكتر من طريقة وما بعتقد فن التصوير هوي الانسب لأحتضان الكلمات وابراز جوانبها ومعانيها

خليني قول شي .. و مش دفاعا ً عن جيمي فحسب ..

في فن يا جماعه اسمه فن تصوير الكلمات و في فنانين مشهورين بهالمجال بس .. انون بصورو كلمات فقط .. من على تي شيرت او من على علبه كرتون او سيريل .. ( رح قوم بادراج موضوع عن وحده منهم أنا كتير بحبها بهالاسبوع )

يعني ما بدي اعمل فهمانه بالفن و احكي .. لكن احلى شي بالفن عامـة هو انو مافي اله تعريف : واحد تنين تلاته ..
( في بمعرض شيكاغو الكبير واحد جايب صوره عيله من جريده شاققها شق ( مش قص ) و راسملهم شوارب و قرون و تسالي بقلم Sharpei عادي و هيك طالعه تسالي كتير ) ..
في واحد تاني خلى رفيقه يقوصه بايده و صورها بالفيديو و قال هي لوحه فنية .. في كتير نقاد كتبو انو هاد اسمو جنان و ناس تانين قالو و قالو .. لكن هاد اسمو الفن بالجسد Body art .. هاد كان رده و ما حدا قدر يقلو لاء و هلأ يدرس بالجامعات اسمو لهالشخص على

اللي عم حاول قوله انو مافي شي بحد الفن .. كفن .. الا الفكرة .. يعني ايجاد الفكرة و تنفيذها ..

كاتب النص الأصلي : Abu ToNi

ما بعرف ليش حاسس انه في كتير حساسيات بهلموضوع .. كل كلمة نقد عم تنحكي عم تتاخد على شكل شخصي وعم تعتبر اهانة وتحقير للذوق الفني للشخص اللي عم ينحكى معه .
علعموم بآخر جملة ذكرتني ببرنامج كنت كتير بحبه

عني انا شخصيا ً ما اخدت اي من الامور بشكل شخصي .. لحد ما تم اتهامي بشكل مباشر ( على الخاص ) و تلميح على العام ..- مش من قبلك انت لكن من قبل شخص كان عم يقول انو عم يحكي باسم مجموعه - تم اتهامي بانـي بدي لغاية ما ربح جيمي بالمسابقة ( و ما كنت افهم ليش جيمي بالرغم من انو في من المرشحين أشخاص اصدقاء انا و ياهم اكتر من صداقتي بجيمي بكتير ) ..
اضافي للاسلوب الانبطاحي ..

غير هيك مافي اي من الامور اتاخدت على الصعيد الشخصي (( من قبلي عم احكي )) ..

[The morning]

اول شي بدي وجه الكلام لجيمي مع محبتي لإلك "وشكوكي بالبداية باستخدامك لتقية مساعدة" بس بصراحة شفت "صورتك!!!" ابداً مو مناسبة لروح هيك مسابقة تسمت بمسابقة تصوير "لارسم ولاتخطيط ولاهندسة فراغية" برجع بأكد مع محبتي الشخصية إلك

بنرجع بنكرر و بنعيد انو ما في ولا شرط كان بيحد طبيعه الماده الي رح تتصور سوى ضوابط القسم .. ( هي للتذكير بصورة عامة !!

تاني شي عندي سؤال لأتفورغيفن: ابن العم ماشفت منك توضيح حول "صورتك"... هل انت مأكد انو هالصورة من تصويرك أو شو؟؟ يعني بصراحة ماحابب فوت باخد وعطا وخدني جيتك واخر شي تفاجئني باك تقول لاوالله الصورة مو إلي بس انا عجبتني "بمكان ما" وحبيت شارك فيها ... فياريت تجاوبني هيك بوضوح هي الصورة من تصويرك؟؟

و أيضا ً نعيد و نكرر انو ما في حدا من المشرحين ملزم يبرر لكن في البعض طلب فرصة ليوضح رأيه بموضوع منفصل عن موضوع التصويت و لكن مافي حدا ملزم !!
و تمت المراسلات بين لجنه التحكيم و Unforgiven و هو غير مطالب من قبل اللجنه انو يوضح اي شي على العلن ما لم يرغب هو بشكل شخصي بهالامر ..
يعني بمعنى آخر انت فيك تستفسر عن لوحه ما لكن مافيك تلزم صاحبها بالاجابة و تناديله بالاسم بهي الطريقة ..

مابعرف شو طبيعة المفاجئات القادمة بس ياريت ماتكون على نفس المستوى... وهل جملة انتظروا مفاجئات كافية لكسر القوانين الموضوعة من الاعضاء المنظمين؟؟
بصراحة عجبتني الفكرة ولازم تتعمم على لجان الانتخابات ببلادنا انو يدرجو "انتظروا المفاجئات" عند الاعلان على بدء قبول المرشحين للانتخابات ... وبعد مايترشحو البشر يضيفو كم مرشح مخالفين ويرسبو كم مرشح مستوفين الشروط بحجة "فاجئناكون" ماهيك؟؟

على ذكر المفاجأه .. فحابة قول انو ما هي المفاجأت اللي كنت وعدت فيها هــع و من ثـمّ هــع فــ هـع !

لكن كونها اجت بآخر كم يوم من قبل اعضاء اللجنة ضفناها عالمفاجأه (( اللي رح بتم الاعلان عنها بعد احتساب النتائج )) و بذلك حولنا المفاجأه لمفاجأت ..

و انا من منبري هذا بطالب كل مين تهكم و طلع بالعالي حاليا ً باعتذار مني وقت بتنزل المفاجأه اللي وعدت فيها ..

[TheLight]

كلمتين صغار من الاخر....
اذا كنت يا مواطن...عاجز عن انك تصور صورة مشابهة...او كانت الصورة كتير حلوة...فهذا لا يعني بالضرورة انو الصورة فيها فوتوشوب....
اذا انا من البداية قلتلها لذا مورنينغ انني انا عم شارك بالصورة بعد ما عدلت حجمها وحطيتلها برواز وتوقيع فقط بهدف المشاركة كرامى لكريم وليس بهدف الربح...فمو معناتها اني بقبل انو فلان او علتان انو يشكك بالصورة من ناحية تقنية التصوير...
الصورة هيك ....حبك اهلا وسهلا...ما حبك...اسطفل (بدون تسمية او استقصاد)....
هي نحن وهي صورنا وهي نوعيتنا....شيل او اترك من ايدك....

مو بالضرورة يا مواطن...انو الشي يللي ما بتقدر تعملو يكون مزور او تقليد ولا بالضرورة تمسك حجر وتضرب كل غرض ما بتقدر توصله...
لما بيكون عندك دليل...جيبو او اسكت يا مواطن...والحكي غير موجه لشخص بذاته انما بشكل عام...
وقلك شغلة...

شوف هالصورة

http://img43.imageshack.us/img43/7031/dscf1232e.jpg

...شايفها...شايف الوانها والخيالات يللي فيها....بحب خبرك انو كمان ما فيها اي فوتوشوب يلي الله خلقوا والتقنية يللي مستخدمها بهالصورة ما فيها اي اداة خارجية عدا تحريك عدسة الكاميرا in and pout بشكل يدوي بسرعة بينما الكاميرا عم تصور....بعرف انك مو قدران تصدق....بقا تصور يا عزيزي..

انو ليش لسى ما شلت حجرة وقلعتلي عيني انو فيها فوتوشوب....شيلها والله شيلها...بتعرف ليش...لانو قناعتك انو الصورة فيها تعديل بالفوتوشوب...(وكنت حضرتك مقتنع انو مو معقول هيك سواد وهيك صورة ممكن تنلقط بالعتم)...قناعتك هي بنفس الوقت ومع انها بتزعجني من ناحية...فهي كمان من ناحية تانية بتسرني...وبتسعدني لانها اعتراف انو تصوير هالصورة اكبر من قدراتك واعتراف ع قوة الصورة واللقطة....

هلق بننتقل لسؤال موجه لابو طوني بما انو هو اول واحد ذكر بهالموضوع هاد تحديدا انو صورتي فيها فوتوشوب ( ( بس مانه الوحيد لانه في غيره ذكرو بغير اماكن نفس الشي...)
ممكن توضح شو قصدك انو الصورة تبعنا فيها فوتوشوب...هل انت بتعني موضوع الاطار والتوقيع وتغير حجم الصورة ولا انت عم بتقصد شي تاني؟ واذا كنت عم تقصد شي تاني فيا ريت توضح شوهو....
بس حسب جملتك التالية

ابسط اتفاق كان الاعتراض على آلية استخدام الفوتوشوب والتعديل على الصور باستثناء اعادة تحجيم الصورة او قص جزء منها

وحسب قولتك انك مقتنع انك صورتي فيها فوتوشوب فيبدو انك مقتنع انو الصورة فيها تعديل بالفوتوشوب على عناصرها الاساسية.... و مالم توضح وجهة نظرك بخصوص اتهامك الي وتدعمها على الاقل بشوية ادلة علمية انو هالصورة مستحيلة تكون مأخوذة بدون فوتوشوب...فانا ناطر منك اعتذار لاتهامك الي من غير وجه حق....

[leonardo_dicabreo]

كاتب النص الأصلي : The morning

عني انا شخصيا ً ما اخدت اي من الامور بشكل شخصي .. لحد ما تم اتهامي بشكل مباشر ( على الخاص ) و تلميح على العام ..- مش من قبلك انت لكن من قبل شخص كان عم يقول انو عم يحكي باسم مجموعه - تم اتهامي بانـي بدي لغاية ما ربح جيمي بالمسابقة ( و ما كنت افهم ليش جيمي بالرغم من انو في من المرشحين أشخاص اصدقاء انا و ياهم اكتر من صداقتي بجيمي بكتير ) ..
اضافي للاسلوب الانبطاحي ..

بدايةً بشكر أبو طوني وفادي على التّعقيب . . ! !

أعتقد أنّي افهمت من تلميحاتك لمين وجّهتي الكلام هاد , ما علينا , بس بدّي فهمك شغله , انا لمّن

وجّهتلك هالكلام هاد , ما كان قصدي التّجريح , بس المغزى أنّه انتي صاحبية فكره المسابقه , وأنتي

المسؤوله عن القسم وتعبانه عليه , وأنا ما بنكر تعبك وسهرك عالمسابقه , بس كنت بتمنّى أنّه تكون

أختياراتكم عادله ومنصفه (بعض الشّيء) , يعني انا ما بنكر انّه اللعب بأي مكان حتّى بأنتخابات

مجلس الشّعب , بس وين المشكله , المشكله انّه يكون اللّعب عالعلن , وقدّام النّاس , بالمشرمحي

انّه يكون في اختيار للصّور مو طبيعي (لصوره , صورتين بالكثير) بس لأكثر من وحده تنتين هاي مو

منطقيّ .

The Light :

بتوقّع أنّه موقفك ضعيف هون , لأنّه مورننج بزات نفسها ذكرت أنّه صورتك بالذّات من دون جميع الصّور ,

تم وضعها (زياده) , "منشان تاخد فرصتها" على قولة مورننج .

فــ مع احترامي الشّديد ألك (وأنا حبّيتها لصورتك بدون شك) , ما بنصحك تناقش وتقنع يلّي قدامك

بصورتك انها حقيقيّه . . ! !

[TheLight]

كاتب النص الأصلي : leonardo_dicabreo

The Light :

بتوقّع أنّه موقفك ضعيف هون , لأنّه مورننج بزات نفسها ذكرت أنّه صورتك بالذّات من دون جميع الصّور ,

تم وضعها (زياده) , "منشان تاخد فرصتها" على قولة مورننج .

فــ مع احترامي الشّديد ألك (وأنا حبّيتها لصورتك بدون شك) , ما بنصحك تناقش وتقنع يلّي قدامك

بصورتك انها حقيقيّه . . ! !

يبدو يا عزيزي انو عندك مشكلة بفهم اللغة العربية....
بعتقد احمد اثبتلك تقنيا انو الصورة اصلية بردو على موضوعك تبع البريد
بهاد الرد
http://akhawia.net/showpost.php?p=1300244&postcount=6
بس الهيئة ما في خواص....

[leonardo_dicabreo]

كاتب النص الأصلي : TheLight

يبدو يا عزيزي انو عندك مشكلة بفهم اللغة العربية....
بعتقد احمد اثبتلك تقنيا انو الصورة اصلية بردو على موضوعك تبع البريد
بهاد الرد

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

بس الهيئة ما في خواص....

والله يا معلّم , سولافة أحمد ما مشي حالها . . ! !

على فكره أنا بفهم عربي كتير منيح . . ! !

[leonardo_dicabreo]

لـــــــ مورننج :

بدّي ضيف على كلام ابو طوني :

أنّه يا ستّي العزيزه مورننج , يعني ليه أعملتي هالموضوع يلّي ما منّه أدنى فايده , وخلّيتي الشّباب

تضيّع وقتها بالكتابه , وأنتي ببداية الموضوع حاكيه , انّه لن يطرئ أي تغييرات على مجرى المسابقه ,

يعني انتي فتحتي موضوع النقاش وسكّرتيه بنفس الوقت (بالمشرمحي تعالوا اتطاوشو , ودبحوا بعض

لمّن تخلص هالمسابقه , الله بيفرجها , وبنسوا الموضوع) .

هالكلام فيه تناقض كبير "قال تعالوا أتناقشوا" عجبتني هاي . . ! !

شغله تانيه

في شغله لفتت أنتباهي , أنّه ما شفت غير مورننج من أعضاء اللّجنه عم تتناقش معنا , حاسس كأنّه

مورننج هيّه الوحيده باللّجنه.

شغله تالته

منشان فادي وطلبه لتوضيح من نفس الأعضاء , هاد حقّه ولازم يدخل صاحب الصّوره يوضّح , ليش

الحجاره لونها أخضر , وصوره تانيه وصوره تالته ! !

شغله رابعه

** شو مشان الرسائل الخاصه للّي وصلت لبعض الأعضاء , وحثّهم على التّصويت . . ! !

يعني خاوه الشّغله , دجني دجتك العافيه , ياعمي مضريبن والله العظيم مضربين , مابدهم يصوتوا ! !

يا خساره

[The morning]

كاتب النص الأصلي : leonardo_dicabreo

The Light :

بتوقّع أنّه موقفك ضعيف هون , لأنّه مورننج بزات نفسها ذكرت أنّه صورتك بالذّات من دون جميع الصّور ,

تم وضعها (زياده) , "منشان تاخد فرصتها" على قولة مورننج .

فــ مع احترامي الشّديد ألك (وأنا حبّيتها لصورتك بدون شك) , ما بنصحك تناقش وتقنع يلّي قدامك

بصورتك انها حقيقيّه . . ! !

يا سـبحانك يا ربي !

انو وقت بيظبط كلام مورنينغ مع تطلعاتنا بنستشهد فيه و وقت ما بيجي بصفنا بنعمله "غير عادل " و ما اليـه ..
صرّح مصدر مسـؤول !!

أنا قلت انو اللجنه صوتت للصورة على انها تدخل المسابقة بدل وحده من الصور لكن لأني كنت موضحه انو ممنـوع الفوتوشوب نقطه ، لذلك ما حبينا ناخد فرصه من حدا التزم و ضفناها .. فصورة لايت بالذات ذكرت مورنينغ انها مضافة نـظرا ً لما حدا يطقلو عرق ( كتوضيح يعني انو ما اخدنا فرصه من حدا ) .. اضافه لانو صارت مورنينغ قايلة كذا مرّه اللي ردت قوله بالفوتوشوب هو عدم اللعب بعناصر الصوره و مع ذلك تم التعامل مع "الاطار " اللي ضافه لايت على انه فوتوشوب نظامي ..


[

أنّه يا ستّي العزيزه مورننج , يعني ليه أعملتي هالموضوع يلّي ما منّه أدنى فايده , وخلّيتي الشّباب تضيّع وقتها بالكتابه , وأنتي ببداية الموضوع حاكيه , انّه لن يطرئ أي تغييرات على مجرى المسابقه ,

يبدو انو مانا عم نقدر نلاقي صيغه مشتركه ..

عملت الموضوع للأشخاص اللي ترشحت صورهم لينعطوا الحق انهم يردو على الاتهامات اللي عم تتوجه لالهم ( هاد بالدرجه الأولى ) .. الاعتراضات مكانها البريد .. لكن في حال حبيت تشرح وجهه نظرك هون فأهلا و سهلا ً لكن الموضوع مش مفتوح كرمال يستقبل " الثوار " و " المناضلين " و "المعارضين " للحكم الديكتاتوري بالمسابقة ..

شغله تانيه

في شغله لفتت أنتباهي , أنّه ما شفت غير مورننج من أعضاء اللّجنه عم تتناقش معنا , حاسس كأنّه

مورننج هيّه الوحيده باللّجنه.

ايضا ً هاد دليل منيح عانك يا اما مش عم تقرا الردود اللي عم اكتبها يا اما مابعرف ليش ما عم تفهم عليّ انو اللجنه غير مطالبة بتوضيح وجهات نظرها بناء على انو كان من الاول مذكور انو المسابقة رح بتتم على النحو التالي :
تشترك
اللجنه تختار عشره صور
تصويت

يعني كنا واضحين من البداية انو في عشره بس اللي رح يتم اختيارهم و حسب ما بتشوف اللجنه و بناء عليه تم ما تم .. و اللجنه غير مطالبة (( يعني فيّ حملك منيـّه اني عم رد هلأ ))

شغله تالته

منشان فادي وطلبه لتوضيح من نفس الأعضاء , هاد حقّه ولازم يدخل صاحب الصّوره يوضّح , ليش

الحجاره لونها أخضر , وصوره تانيه وصوره تالته ! !

أيضا ً بعيد و بكرر ما كان مذكور ضمن الشروط شي يقتضي بانو العضو لازم في حال حدا ما عجبه انو يوضح شي .. و بترجع اله و لمزاجه و لرغبته بالدخول بهيك حوار او لاء ..

شغله رابعه

** شو مشان الرسائل الخاصه للّي وصلت لبعض الأعضاء , وحثّهم على التّصويت . . ! !

يعني خاوه الشّغله , دجني دجتك العافيه , ياعمي مضريبن والله العظيم مضربين , مابدهم يصوتوا ! !

يا خساره

يكونو مأضربين أو غيره .. نظام ارسال الرسائل الخاصه و الدعوه للمشاركه بكل من المسابقات و التصويت الها هو نظام بنتبعه بمسابقات أخويه من زمان و مش شي جديد (( يعني هي كمان مش ظابطه معك ))