اخبــار الكرة السورية 2007 - 2008 - صفحة 2

Reemi · 08/03/2008

يالله خسرو جبله بس فاز تشرين ..يعني لو خسرو التنين كنت انجلطت

هدوء البحر · 11/03/2008

انتهت اليوم المرحلة 18 من الدوري السوري
وختمت هذه الرمحلة بفوز عريق للمجد على نادي الطليعة بخماسبة نضيفة
سجل للمجد محمد زينو و رجا رافع و سامر عوض و مهند اسعد هدفين

ترتيب الفرق بعد نهاية مرحلة 18

الكرامة: 47
المجد: 38
الأتحاد: 38
الطليعة: 36
الجيش: 31
الفتوة: 25
تشرين: 23
حطين: 23
جبلة: 18
الوحدة: 16
عفرين: 15
الشرطة: 15
النواعير: 13
الحرية: 10

**Government** · 11/03/2008

يالطييييييف ..مو معقول هالنتيجة
المجد فاز ع الطليعة

ماتوقعتا بالمرة وبهالنتيجة العريضة كمان ..

يلا مبروووك للمجد وبيستاهل

هدوء البحر · 12/03/2008

يا شباب عن جد ملينا من هالقصة
يعني واحد بكون عم يقدم برنامج السحور برمضان امثال جمال الشيخ بكري بصير معلق ...
وواحد أمثال موسى عبد النور بكون عم يقدم نشرة الأخبار بصير عم يعلق على مباريات
وواحد مراسل لبرنامج ملاعبنا الخضراء (الصفراء) بصير عم يعلق على مباريات امثال كامل نجمي (
(الغليظ ) وعبد الله الخفتة ومتلهم متايل ....
عن جد شغلة غريبة لما تشوف غير قنوات تلفزيونية راقية وتشوف معلقيها
بتحس الفرق العجيب
مثلا عصام الشوالي
لمى بعلق عالمباراة بحطك بالجو وبحسسك انك بدك تفوز ولو شو ماكان فريقك
وبخليك تتابع المباراة ولو كان فريقك خسران لآخيرها
وببتكلم اكتر من لغة أسباني + فرنسي + برازيلي +++ بيدمج معهم شعر كمان
بينما عنا الشباب امثال عبد الله الخفتة
مثلا طابة خطرة داخل منطقة الجزاء
بعد ماتصير بنص الملعب بيتذكر حالو (ههههههه يا شباب عن جد هي فرطتني من الضحك )
عنا السيد اياد ناصر اليوم هو وعم يعلق عالمبارة صار يلغت بالأث
لاء واحلى فلم لما بنكت وبحسو ايام بديق عينو عالمدرب
بيعطي معلومات عالفاضي وبيطلع من جو المباراة كتير
كامل نجمي حرااااااااااااااام يكون معلق خرج يبيع بندورة بسوق الهال
كل المعلقين السورييين بإستثناء الأغا والديب ... حرام يشتغلو بالتعليق
نحنا ما عم نقلل من قيمتهم بس يا سيد اياد لازم تقدم برامج رياضة
وانا بحبك لما تقدم برنامج رياضة بحسك بتعطي حقو
بس بالتعيق حاجتك
بس لازم كل واحد بدو يشتغل شغلة لازم يتقنا
(ان الله يحب منكم اذا عمل عمل احدكم ان يتقنه)
يا جماعة نحنا عنا خريجة معاهد ومواهب جديدة لازم
نشوفها بقا لك اي شوفو الجزيرة الرياضية شو عم تساوي
عملت برنامج خصوصي من شان تختار معلقين متل السوبر ستار
بربكون حضرو هادا البرنامج وشوفو الشغل الصح
عالعلم في معلق سوري مشترك بس احسن من كل معلقينا !!!

**Government** · 12/03/2008

الله يرحم ايامك يا بوظو ..
وطبعا بعد مصطفى الاغا ماترك الدوري عنجد كان شغلة كبيرة بالتعليق بس للاسف راح
اياد ناصر مو بطال .. يعني ماشي حالو

بس الباقي ماكتير وتشد ايدك
وفي مواهب لازم تنعطى حقا اكتر
بس مو بدك هالواسطة اللي تعملن

هدوء البحر · 12/03/2008

معك حئ منشان الواسطة واحلى من هيك انو بيجي احيانا المخرج بكمل علينا
بيكون مصور صافن او بحطلك على صورة على المذيع
من شي سنتين ما بذكر بين مين ومين كانت اللعبة
وجيه شويكي عم يعلق واذ مرئت طيارة من فوء الملعب
وجيه ماكذب خبر و وجه تحية للطيارة
قال: الله يوصل أهلها بسلامة
المخرج حب يعمل اكشن ترك المبارة وصور الطيارة وهي بسما عم طير

هدوء البحر · 13/03/2008

المرحلة 19 من الدوري السوري

الجمعة 14 آذار 2008
تشرين×الوحدة
المجد×عفرين
الحرية×الجيش
الفتوة×الطليعة
النواعير×حطين
السبت 15 آذار 2008
جبلة×الكرامة
الأحد 16 آذار 2008
الشرطة×الاتحاد

**Government** · 13/03/2008

اقتباس:

كاتب النص الأصلي : هدوء البحر

معك حئ منشان الواسطة واحلى من هيك انو بيجي احيانا المخرج بكمل علينا
بيكون مصور صافن او بحطلك على صورة على المذيع
من شي سنتين ما بذكر بين مين ومين كانت اللعبة
وجيه شويكي عم يعلق واذ مرئت طيارة من فوء الملعب
وجيه ماكذب خبر و وجه تحية للطيارة
قال: الله يوصل أهلها بسلامة
المخرج حب يعمل اكشن ترك المبارة وصور الطيارة وهي بسما عم طير

يازلمة ولا مرة ..
جوزبف بشور هب عليه عرق التحشيش
يازلمة قضى المباراة نص دخان ووصوت السيكارة والقداحة يطلع .. خيو ماعاد يوقف تقول فجع دخان

ولا لما بعين المصور ع شي وحدة بالملعب وببطل يشيل الكاميرا من عندا
ولا ولا ولا

هدوء البحر · 13/03/2008

قبل ما اي ار تي تشتري البث تبع الدوري
كانو يقطعو المبارة منشان موجز لاهم الأنباء وياريت شي مهم
اخبار محلية معتة
يعني طيب استنو بين شوطين حطوا الموجز لاء بيقطع المبارة وبحطوا الموجز

بنفسجة · 14/03/2008

اقتباس:

كاتب النص الأصلي : GOVERMENT

يالطييييييف ..مو معقول هالنتيجة
المجد فاز ع الطليعة

ماتوقعتا بالمرة وبهالنتيجة العريضة كمان ..

يلا مبروووك للمجد وبيستاهل

وشو ملا نتيجة
5\0
حدا بيخسر بملعبو 5\0
اي لهلا مو مصدقة بجد

**Government** · 14/03/2008

اقتباس:

كاتب النص الأصلي : بنفسجة

وشو ملا نتيجة
5\0
حدا بيخسر بملعبو 5\0
اي لهلا مو مصدقة بجد

ماحدا صدق
انا توقعت المباراة حدا من الطرفين يفوز فيا
بس مو بهالنتيبجة الرهيبة ...

بس يلا هي هية الطابة

هدوء البحر · 14/03/2008

نتائج مباريات المرحلة 19 من دوري المحترفين:

تشرين & الوحدة 0/1
المجد & عفرين 1/0
الحرية & الجيش 1/1
النواعير & حطين 1/0

وقد تأجلات المباريات التالية الى 29/3:

الفتوة & الطليعة
الشرطة & الاتحاد
جبلة & الكرامة

بنفسجة · 14/03/2008

شو هالنتائج هي

كلها 1\0
يكونو متفقين مو هيك
على كل
بانتظار نتائج مثيرة في المباريات القادمة
وشكلو جبلة بدو ياكلها كمان هالاسبوع مع الكرامة
اي هي الكرامة
بس انا بايد انو يتقلص الفارق بين المنتصدر والوصيف ويلي بعدون مشان الدوري يحلى ويحلى

**Government** · 14/03/2008

شو مشان الواحدات !
وشو مشان سما الوحدة اللي صار برازيل

وشو مشان المجد واحد بس

الظاهر انتخمو من كتر الكوال الفرق هداك الاسبوع ..
فالاسبوع بدا تكون غلة الاهداف قليلة

اقتباس:

وشكلو جبلة بدو ياكلها كمان هالاسبوع مع الكرامة

با الله

تصدقي .. يعني بربك حدا ممكن يقكر للحظة او جزء من الثانية انو ممكن جبلة يفوز ع الكرامة

هدوء البحر · 15/03/2008

اقتباس:

كاتب النص الأصلي : GOVERMENT

وشو مشان سما الوحدة اللي صار برازيل

لا تحكيييييييييييييييييييييي ييييييييي على وحدة

Reemi · 15/03/2008

اقتباس:

تصدقي .. يعني بربك حدا ممكن يقكر للحظة او جزء من الثانية انو ممكن جبلة يفوز ع الكرامة

مايسترو · 15/03/2008

ايه لا حدا يحكي عالوحدة

لسا الكن عين بعد ماخسرتو ببداية الاياب تحكوا؟

وحداوية

سو يا سو حبيبي حبسو

الاهلي بدو الدوري منوين بجبلو الدوري الكرامة اخد الدوري وحبسوني وحبسوه

ووحاوية كمان مرة

مايسترو

هدوء البحر · 15/03/2008

اقتباس:

كاتب النص الأصلي : مايسترو

ايه لا حدا يحكي عالوحدة

لسا الكن عين بعد ماخسرتو ببداية الاياب تحكوا؟

وحداوية

سو يا سو حبيبي حبسو

الاهلي بدو الدوري منوين بجبلو الدوري الكرامة اخد الدوري وحبسوني وحبسوه

ووحاوية كمان مرة

مايسترو

اهلين بربك يا عيني عليك
الوحدة وبس