رجال دين يؤيدون إلغاء المادة 548 حول جرائم الشرف وأعضاء في مجلس الشعب يتحفظون

[yass]

وافق جميع رجال الدين على التوصيات الختامية لأعمال الملتقى الوطني حول جرائم الشرف التي دعت لإلغاء المادة 548 وتعديل الفقرة الثالثة من المادة 192 من قانون العقوبات السوري لتصل مرحلة السجن إلى 15 عاما لمرتكب الجريمة.

ودعت التوصيات الختامية التي وافق عليها رجال الدين دون تحفظ إلى "تشديد عقوبة الزنا للرجل والمرأة على قدم المساواة، وتعميم فتاوى تحرم ارتكاب جرائم الشرف، ومنع استفادة مرتكبيها من العذر المحلل أو السبب المخفف للعقاب".

وتحفظ أعضاء مجلس الشعب الحاضرين للجلسة الختامية وألمحوا إلى أنهم لن يصوتوا في المجلس على أي مشروع قانون يتعلق بأبرز النقاط التي وردت في التوصيات.

وطالب عدد من الحقوقيين وأعضاء مجلس الشعب الأربعاء خلال أعمال اليوم الثاني من الملتقى الوطني حول جرائم الشرف بإلغاء المادة 548 المتعلقة بجرائم الشرف وتعديل المادة 192 ذات الصلة من قانون العقوبات السوري.

ولجأ القائمون على الملتقى إلى التصويت اثر طلب من عدد من النساء الحاضرات عقب ما أعلنه عضو مجلس الشعب غالب عنيز من تحفظه على بعض النقاط التي وردت في التوصيات ليلاقي مساندة من زميليه أسامة برهان وعدنان دخاخني وخاصة فيما يتعلق بإلغاء المادة 548 من قانون العقوبات السوري.
ووجهت الكاتبة دلع الرحبي انتقاد لوضع المرأة السورية واصفة إياه بـ"الدوني"، وحملت "الخطب الدينية مسؤولية تكريس ذلك والتحريض ضد المرأة لدرجة القتل"، معتبرة أن "قانون الأحوال الشخصية لا علاقة له بالشريعة الإسلامية".

ما دفع بعضو مجلس الشعب عنيز إلى الرد على كلام الرحبي متهما إياها بأنها "لا تعلم شيئا عن وضع المرأة السورية التي باتت تحتل مكانة مرموقة"، وأن قانون الأحوال الشخصية مستمد من الشريعة الإسلامية، ما دفع رئيس الجلسة إلى التدخل أكثر من مرة لتنظيم عملية التحدث.

من جانبه قال الشيخ أحمد طالب أنه لا ينزعج من توجيه النقد للخطاب الديني، داعيا لإصلاحه, ونقل عن المرجع الديني محمد حسين فضل الله فتواه بتحريم ما يسمى جرائم الشرف في إحدى جلسات اليوم الأول.
وكانت أعمال الملتقى الوطني حول جرائم الشرف بدأت الثلاثاء لتختتم اليوم الخميس، حيث تقيمه الهيئة السورية لشؤون الأسرة بالتعاون مع وزارتي العدل والأوقاف في بادرة تعد الأولى من نوعها في سورية.

ووفق أرقام قدمها العميد علي علوش من إدارة الأمن الجنائي فإن عدد الجرائم التي وقعت في سورية بدافع الشرف وصلت إلى 38 جريمة من مجموع جرائم عام 2007 والبالغة 533 جريمة، ووصلت جرائم الشرف حتى الشهر الثامن من العام الجاري إلى 29 جريمة شرف وسجلت ادلب أعلى نسبة من جرام الشرف بواقع 22% ثم حلب بـ 15%.

ووفقا للقانون السوري فإن جرائم الشرف عرفت في حالتين نصت عليهما المادتان 192 و548 من قانون العقوبات، حيث أقر المشرع في المادة 192 تخفيف العقاب على كل من يرتكب "جريمة بدافع الشرف" ولكنه لم يعرف الدافع الشريف، ونصت المادة 548 أنه "يستفيد من العذر المحل من فاجأ زوجه أو أحد أصوله أو فروعه أو أخته في جرم الزنا المشهود، أو في صلات جنسية فحشاء مع شخص آخر وأقدم على قتلهما أو إيذائهما أو قتل أو إيذاء احدهما بغير عمد, ويستفيد مرتكب القتل أو الأذى من العذر المخفف".

وهذه أول مرة تسعى فيها جهة حكومية لمواجهة الظاهرة، رغم وجود المادة 548 من قانون العقوبات التي تعطي غطاء قانونيا لهذه الجرائم, الأمر الذي فسره مختصون على أنه " قد يكون خطوة نحو إلغاء هذه المادة أو على الأقل إعادة النظر بها".






سيريانيوز

[طفوله]

هـلـئ بالتعـليقـات اللــي رح تصـيـر بسـيريا نيـوز .بـراهــن بـدون يعـئـلو ..ويزيـدو جــرائــم الشـرف كـم وحــده

بــس انــو !


رجــال الـديـن يــؤيـدون .. وأعضــاء المجـلـس يتحفظــون


" قد يكون خطوة نحو إلغاء هذه المادة أو على الأقل إعادة النظر بها"


!


وصــلنــا

[yass]

كاتب النص الأصلي : طفوله

هـلـئ بالتعـليقـات اللــي رح تصـيـر بسـيريا نيـوز .بـراهــن بـدون يعـئـلو ..ويزيـدو جــرائــم الشـرف كـم وحــده

بــس انــو !


رجــال الـديـن يــؤيـدون .. وأعضــاء المجـلـس يتحفظــون


" قد يكون خطوة نحو إلغاء هذه المادة أو على الأقل إعادة النظر بها"


!


وصــلنــا

أنا ما فهمان كيف بدولة ما.. لسى في عقوبة عالزنا (بفرض هالاسم, مقبول) .. ازا العلاقة الجنسية بتصير بين شخصين بالغين و بكامل قواهون العقلية, فمو شغلة الدولة تتدخل بهالقصص, تروح تشوفلا قصص أكتر أهمية تحشر أنفا فيها

[sona78]

كاتب النص الأصلي : yass

أنا ما فهمان كيف بدولة ما.. لسى في عقوبة عالزنا (بفرض هالاسم, مقبول) .. ازا العلاقة الجنسية بتصير بين شخصين بالغين و بكامل قواهون العقلية, فمو شغلة الدولة تتدخل بهالقصص, تروح تشوفلا قصص أكتر أهمية تحشر أنفا فيها

الدولة عم تحشر حالها بكلشي يا ياس .. من كيف الواحد بيتنفس لكيف بفكر فوقفت ع هالشغلة؟؟؟؟
والمشكلة انو هون الدين داخل بالموضوع (الزنا مع التحفظ كمان ع الكلمة ) وما ببساطة بتقدر اتقول وتقنع الاخرين انو ينسو هالشغلة ... بس فعلا اذا تم تغيير هالمادة بالقانون السوري عن طريق مجلس الشعب برايي رح يكون انجاز حقيقي .......يمكن الاول يلي الو تاثير فعال ع المجتمع عنا ....

[رجل من ورق]

ووجهت الكاتبة دلع الرحبي انتقاد لوضع المرأة السورية واصفة إياه بـ"الدوني"، وحملت "الخطب الدينية مسؤولية تكريس ذلك والتحريض ضد المرأة لدرجة القتل"، معتبرة أن "قانون الأحوال الشخصية لا علاقة له بالشريعة الإسلامية".

ما دفع بعضو مجلس الشعب عنيز إلى الرد على كلام الرحبي متهما إياها بأنها "لا تعلم شيئا عن وضع المرأة السورية التي باتت تحتل مكانة مرموقة"، وأن قانون الأحوال الشخصية مستمد من الشريعة الإسلامية، ما دفع رئيس الجلسة إلى التدخل أكثر من مرة لتنظيم عملية التحدث.

لا حول ولا قوة الا بالله

بس انو شو اللي مخلي اعضاء البرلمان ما يوافقوا على التعديل ؟

[sona78]

كاتب النص الأصلي : رجل من ورق

لا حول ولا قوة الا بالله

بس انو شو اللي مخلي اعضاء البرلمان ما يوافقوا على التعديل ؟

يمكن ما عندون ثقة .......وخايفين يتعرضو لهيك حالة شي مرة يجي القانون يعاقبهون

[طفوله]

هــنن مــن بــاب بـدون يتدخــلو بحــياة المـواطــن مــن لحظــة النشــوء .. انــو مثـلن العـلم محــتـار بــ اي يـوم مــن الحـمـل بيصـيـر حيـاه بالجـنيـن .. بئــى صحــابنــا حــرئـو هـي المـرحـله .. بتـدخــلو مــن لحـظـة احــتمـال نشـوء مـواطــن جـديـد .. اذا مــا بمعـرفــتون صــارت الامـور ..بيشـغـلو الشـعـب ببعـضـو .. لا بيهـمـون علاقـه مشـروعـه او غـيرو ..

[MadMax]

كاتب النص الأصلي : yass

أنا ما فهمان كيف بدولة ما.. لسى في عقوبة عالزنا (بفرض هالاسم, مقبول) .. ازا العلاقة الجنسية بتصير بين شخصين بالغين و بكامل قواهون العقلية, فمو شغلة الدولة تتدخل بهالقصص, تروح تشوفلا قصص أكتر أهمية تحشر أنفا فيها

على فكرة .... بالقانون السوري ما في أي عقوبة للعلاقة الجنسية ..
في عقوبة بس للدعارة
يعني عالعلاقة الجنسية يللي بتتوفر فيها شروط الدعارة متل لما بتكون العلاقة مع أكتر من شخص بنفس الوقت
أو الجنس لقاء أجر مادي
أو الجنس مع القصّر

[yass]

كاتب النص الأصلي : MadMax

على فكرة .... بالقانون السوري ما في أي عقوبة للعلاقة الجنسية ..
في عقوبة بس للدعارة
يعني عالعلاقة الجنسية يللي بتتوفر فيها شروط الدعارة متل لما بتكون العلاقة مع أكتر من شخص بنفس الوقت
أو الجنس لقاء أجر مادي
أو الجنس مع القصّر

بالضبط, و هاد أمر يحسب للقانون السوري

لكن هلأ هدول بدهون يعملو مساومات.. انو أوكي نلغي الأسباب التخفيضية لجرائم الشرف, لكن بالمقابل تحطولنا جناية الزنا ... وقبول هالشي, هو الرجوع للخلف عشرات بل و مئات السنين.. و ما لازم ينقبل

الأسباب التخفيضية لجرائم الشرف لازم تلتغى لأنو غير منطقية, و غير انسانية, و جريمة كبرى تقترف من قبل القضاء في كل مرة عم تروح فيها صبية و عم يطلع قاتلها متل البطل..

مش منطقي انو "نشر كتابات لم تجزها الدولة".. يعني كتابة مقالة, تروح فيها 3 سنين, بس انو قتل الأخت أو الابنة أو القريبة, لمجرد شك.. يمكن ما تقعد مشانو سنة.. مش منطقي


لذلك.. الالغاء لازم يكون بدون شروط و مساومات مقرفة و مخجلة

[sona78]

كاتب النص الأصلي : MadMax

على فكرة .... بالقانون السوري ما في أي عقوبة للعلاقة الجنسية ..
في عقوبة بس للدعارة
يعني عالعلاقة الجنسية يللي بتتوفر فيها شروط الدعارة متل لما بتكون العلاقة مع أكتر من شخص بنفس الوقت
أو الجنس لقاء أجر مادي
أو الجنس مع القصّر

طيب ليش لما بيكون شب وصبية سوا مشانين او قاعدين بتجي شي اسمو اخلاقية ( ويلي ما بتمت احيانا للاخلاق بصلة) بتاخدون او هات ع اسئلة واجوبة ؟؟؟؟
هيدا موجود واحيانا بتصير بين اتنين رفقات او احباب بالجامعة .. فعلى ايا اساس بيصير هيك شي من دون اساس قانوني ؟؟؟ بتوقع لازم يكون في بند قانوني ولا ما كانت بيصير هيك

[souriana]

تشديد عقوبة الزنا للرجل والمرأة

سبق وقلتلكم انو هاد هوي الحل الافضل

[طفوله]

مـعـلومــه جـديــده ..بالقانون السوري ما في أي عقوبة للعلاقة غير المشـروعـه ..

[yass]

كاتب النص الأصلي : sona78

طيب ليش لما بيكون شب وصبية سوا مشانين او قاعدين بتجي شي اسمو اخلاقية ( ويلي ما بتمت احيانا للاخلاق بصلة) بتاخدون او هات ع اسئلة واجوبة ؟؟؟؟
هيدا موجود واحيانا بتصير بين اتنين رفقات او احباب بالجامعة .. فعلى ايا اساس بيصير هيك شي من دون اساس قانوني ؟؟؟ بتوقع لازم يكون في بند قانوني ولا ما كانت بيصير هيك

بصراحة هدول جنائية... في فرع بالجنائية ما اسمو الأخلاقية بس انو هيك ملبسينو الاسم بيلاحق الدعارة و هيك أمور.. لكن بيدحشو حالهون بطول شعر الشباب و ازا واقف عند مدرسة وللا ماشي مع صاحبتك.. بيلعبو ع وتر انو الناس تخاف من الفضيحة, فبيطالعو قرشين من هالشباب...

بس مستند قانوني.. مافي, و لو واحد بيجاقرهون و يطلب محامي لحظة يضبو فيه.. بيفوتو بالحيط ( بس تعا خلي عندك دم بارد ما تخاف من الفضيحة الاجتماعية, و طبيعي ازا حسيت انو بتفك الشغلة بميتين ليرة للمساعد, بتحلها هيك و يا دار ما دخلك شر) ..

[MadMax]

كاتب النص الأصلي : sona78

طيب ليش لما بيكون شب وصبية سوا مشانين او قاعدين بتجي شي اسمو اخلاقية ( ويلي ما بتمت احيانا للاخلاق بصلة) بتاخدون او هات ع اسئلة واجوبة ؟؟؟؟

نحنا حكينا عن القانون ...
بس جهل الاغلبية بالقانون عم يتيح الفرصة لهيك نماذج أنو تسترزق
يعني الزلمي بكون بدو يشبّحلو ميتين ليرة ... هي كل القصة

هيدا موجود واحيانا بتصير بين اتنين رفقات او احباب بالجامعة .. فعلى ايا اساس بيصير هيك شي من دون اساس قانوني ؟؟؟ بتوقع لازم يكون في بند قانوني ولا ما كانت بيصير هيك

في نقطة مهمة بالنسبة للعلاقات بالجامعة ..و هي العلاقة بالاماكن العامة
يعني الموبايلات صارت ملينة هيك أشيا
و هي الشغلة مخالفة للقانون

[MadMax]

كاتب النص الأصلي : yass

بس مستند قانوني.. مافي, و لو واحد بيجاقرهون و يطلب محامي لحظة يضبو فيه.. بيفوتو بالحيط

مزبوط هالحكي ..و هاد يللي قلتو كمان ....
و بتقدر تقيس عليها كتير أمور .. مو بس قصة الزنا




الناس لازم تاخد فكرة عن القانون ..و عن حقوقها البسيطة عالأقل




في واحد بمصر نزّل كتاب بهالخصوص اسمو ( عشان ما تنضربش على قفاك ) بيشرح فيه حقوق المواطنين بالقانون المصري
و أنو لازم المواطن يحكي و يعبر عن رأيو و يطالب بحقو وفق القانون ..و ما يسمح لهيك زمر تضحك عليه
بس المفارقة أنو نزّل الكتاب .......و هرب بنفس اليوم برا البلد

[yass]

أي سلطة, و بشكل خاص الاستبدادية منها, و خاصة الفاسدة.. تفضّل جدا يكون المواطن جاهل بحقوقو.. مشان توفّر ع حالا شروحات و وجع راس .. الجهل سلاح بايدهون يستخدموه

[ayhamm26]

أعضاء مجلس الشعب الكرام شاطرين بس اذا في شي عملية توريث وبدها تعديل الدستور بخمس دقايق , بتلاقين رافعين ايدين متل الاركوزات

اما اذا شي قانون بيحمي المواطن وبيردع هالمتخلفين تبع جرائم الشرف بصيروا بدن يناقشوا

[maged-syrian]

جرائم الشرف يجب منعها بالمجتمعات المتحضرة ... ياخي اذا الاهل متزمتين خلص يتبروا من بنتهم ويعلنوها عالملأ ... بس دم وقتل حرام هاي روح مو لعبة ... الشخص اذا اتعرض لهالموقف بأحد قريباته (أخته او بنته) لاسمح الله يتمالك اعصابه ويتركها تصطفل منها لربها ويتبرأ منها خوفاً من الفضائح مثلاً بمنع الورثة عنها او طردها من المنزل او ماهنالك بحيث انه مايترك مبرر للناس التانيين يحكوا عليه هاد حل آخر بالنسبة لمنع قتل الشرف بالمجتمعات الشرقية ..

ووجهت الكاتبة دلع الرحبي انتقاد لوضع المرأة السورية واصفة إياه بـ"الدوني"، وحملت "الخطب الدينية مسؤولية تكريس ذلك والتحريض ضد المرأة لدرجة القتل"، معتبرة أن "قانون الأحوال الشخصية لا علاقة له بالشريعة الإسلامية".

اوافق الرأي أن القتل له علاقة بالقبلية وبالعادات والتقاليد ولاعلاقة للدين بذلك ..