الى ياس..اشراف اداري

[Dndoshy]

أخوية الحرية..اخوية المبادء الثابتة يلي بتدعي للحرية..حرية كلنا بنفتقد الها..ويبدو رح نضل..

موضوع أبو طوني يلي توجه فيه لياس..ويلي تم حذفو من دون أي اعبارات لمعنى كلمة حرية..
موضوع يمكن حسب قوانين أخوية ما بيوافق شروط الكتابة بقسم البريد لأنو توجه لياس كشخصو
وما تطرق لأساسيات البريد يلي ما بتسمح بتوجيه مواضيع شخصية..
ومع ذلك من حيث مبدأ الحرية فوق جميع الاعتبارات..ما كان هنالك أي مبرر لحذف الموضوع..بل كان لازم يتم عالأقل عدم الرد عليه

وبتمنى من ياس يعطيني السبب الوجيه يلي تم من خلالو حذف الموضوع..

[butterfly]

صباح الخير – أو مساء الخير ( انا وقت ما بنام بيختلط علي أنو لازم قول صباح الخير هلق ولامسا الخير )

خيو ، برواق وشوي شوي ..

يعني لنفرض انك ماشي بالشارع ، واجى واحد هيك طب غم ، طحش عليك بالسيارة وضربك " ووقف هيك قلك عفوا ً بس انا حر " شو بيكون شعورك ؟

ما بالله بتحس أنو ما زابطة ،

الموضوع انحزف لأنو مخالف " لأعراف أخوية " .

ولأنو بأخوية ما منفهم الحرية على أنها فوضى ( يعني أنا هيك قالولي وقت استلمت الاشراف الله وكيلك ، انو الجماعة هون عندن اعراف وحابين يطبقوها .. وأنو ما بدن باسم الحرية تقلب اخوية سبيل ، وأنا صدقتن )

لهيك الموضوع مخالف لأنو :

1 ) أهانة عضو آخر .( كوشة أعضاء إزا بدك مو عضو واحد ) .

2 ) موجه لشخص بحد زاتو ومانو استفسار عام . ( وهيك بيطلع مخالف لقوانين القسم )

وعليه الموضوع انحزف ...

( شوف وقت سجلنا بأخوية ، طلعولنا هدول الأعراف اللي فيها ممنوع نهين بعض ووافقنا عليها ، ومن يومها الشباب هون ماسكينا علينا .. ومتوقعين مننا نلتزم فيها )


" بيقول عبد الرحمن منيف ( هادا من الناس اللي انا بكنلن شي اكبر من الاحترام ، )

إن مفهوم النقد الذي يجب أن يسود ليس حريتي في شتيمة الأخرين" ولهيك انحزف الموضوع

( )

[Dndoshy]

الموضوع حسب ما بذكر فيه ما تم اهانة ياس أو شتمو..بل كان فيه اتهامات ويمكن كان معو حق ما يرد عليها بسبب قوانين القسم..
أو يمكن كان ممكن نقلو لسقيفة البريد..متل ما صار مع غيرو من المواضيع يلي ما كانت بتتوافق معى شروط الكتابة بالبريد..
بس حذفو مانا ظابطة..في شي غلط مو..الله وأعلم..

[butterfly]

كاتب النص الأصلي : Dndoshy

الموضوع حسب ما بذكر فيه ما تم اهانة ياس أو شتمو..بل كان فيه اتهامات ويمكن كان معو حق ما يرد عليها بسبب قوانين القسم..
أو يمكن كان ممكن نقلو لسقيفة البريد..متل ما صار مع غيرو من المواضيع يلي ما كانت بتتوافق معى شروط الكتابة بالبريد..
بس حذفو مانا ظابطة..في شي غلط مو..الله وأعلم..

لأ .. الموضوع كان فيه شخصنة واتهامات ( ما شتائم ، بس فيه إهانات )

[Dndoshy]

متل ما بدك..
على كل الموضوع ما كان لازم ينحذف أبدا..لأنو متل ماقلت كان من قبل في مواضيع ما بتتوافق مع شروط القسم وما تم الرد عليها أو تم نقلها لسقيفة البريد..
واسى لهلّق ما عرفت سبب حذفو الفعليِِِ..غير أنو ما بيتوافق مع الشروط وكان فيه اهانات(يلي هني فعليا اتهامات مو اهانات كان ممكن عدم الرد عليها)..
ومتل ما عرفت بهالسنة يلي قضيتها هون أنو أبو طوني ما بيزت حكي بالهوى(بلا معنى أو بس لحتى يحكي)...

[butterfly]

كاتب النص الأصلي : Dndoshy

متل ما بدك..
على كل الموضوع ما كان لازم ينحذف أبدا..لأنو متل ماقلت كان من قبل في مواضيع ما بتتوافق مع شروط القسم وما تم الرد عليها أو تم نقلها لسقيفة البريد..
واسى لهلّق ما عرفت سبب حذفو الفعليِِِ..غير أنو ما بيتوافق مع الشروط وكان فيه اهانات(يلي هني فعليا اتهامات مو اهانات كان ممكن عدم الرد عليها)..
ومتل ما عرفت بهالسنة يلي قضيتها هون أنو أبو طوني ما بيزت حكي بالهوى(بلا معنى أو بس لحتى يحكي)...

الموضوع مخالف === ) ( وقت بقول عنك منافق ، ما بكون عم اتهمك ، بكون عم هينك ! )
وبما أنو مخالف وانت عم تقول انو مخالف
فمعناتا اكيد كان لازم ينحزف

[Dndoshy]

ماشي..عذبتك معي لا تواخذيني(الله يخليكي بترفلايتنا..محدا عبرني غيرك)..