أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات عامة > الصـــــــــــالون

إضافة موضوع جديد  إضافة رد
 
أدوات الموضوع
قديم 20/08/2009   #55
صبيّة و ست الصبايا whiterose
عضو
-- مستشــــــــــار --
 
الصورة الرمزية لـ whiterose
whiterose is offline
 
نورنا ب:
Aug 2005
مشاركات:
4,570

افتراضي


ببساطة ياجماعة هالموضوع مابيخص الناس المتدينة يلي عندها احترام للديانة المتبعها وبيطبقها ومقتنع فيها

خلينا نترك هالموضوع لاصحابه ..

للاشخاص يلي بيتبعوا هالنظريات الافتراضية هي..

انا هون بدعي الناس المتدينة تنسحب من هالموضوع وتتركوا لاصحابه

وشكرا

لا تـــحــــزن لأن الحزن يزعجك من الماضي
ويخوفك من المستقبل ويذهب عليك يومك
لا تحزن لان الحزن يقبض له القلب
ويعبس له الوجه وتنطفي منه الروح
ويتلاشى معه الأمل لان الحزن يسرُّ العدو
ويغيظ الصديق ويُشمت بك الحاسد
ويغيِّر عليك الحقائق
سعود الشريم
  رد مع اقتباس
قديم 20/08/2009   #56
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


تماما متل الناس يلي بتمارس السحر الأسود ...او الأبيض او اي نوع تاني من السحر ..غرفة مظلمة مزينة بنقوش غريبة الساحر نفسو مو فهمان شو بتعني .بس بتعطي عندو انطباع غريب او يمكن حافز او امل ..و مذبح عليه الأضحية يلي لازم تتقدم للقوة السوبر طبيعية كنوع من دفع الولاء ..و ادوت غريبة بيمسكها ب يمينو و يسارو بتعطي الأحساس انو في نوع من القوة بين ايديه و اهم شي ...هي الطلاسم المكتوب قدامو على ورقة ..بيقراها على ضؤ الشمع مرة و اتنين و تلاتة و اربعة بأمعان رهيب حتى يتحقق التغيير المنشود ...يلي ممكن يكون ظهور القوة السوبر طبيعية ...او مجرد باكيت مارلبورو انرفعت تلات اينشات عن الطاولة..او لعنة بيعتقد الساحر انو ارسلها لشي شخص ...المهم ,,,هون في تجربة بعض العلماء عملوها و اتأكدو انو بالفعل انو الساحر بالشروط المذكورة قبل شوي بكون حول جسمو تيارات كهرومغناطيسية نتجت بمساعدة تحفيز الدماغ من خلال الأدوات و المذبح و الطلاسم ...و التيارات يلي هي عبارة عن احد انواع القوة المعروفة للبشر بأيامنا هي ..ممكن انو تسبب تغيير بالفعل !! ...بس ما قدرو يبرهنو انو التغيير ممكن يتعدى رفع باكيت المارلبورو عن الطاولة ....يعني الفكرة انو وقت بتآمن بشي ..الشي هاد ما بس بيعطيك الطمأنينة و الأحساس بالآمان ..لأ يمكن حتى انو يعطيك قوة اضافية فيزيائيا قادرة انو تخليك تشوف نتائجها بعينك !!...انت هون ما بقى قادر تقول للناس لأ انا ما بعبد الله لأنو ....او انا ما بآمن بوجود الله لأنو ....... و تطلب منون انو يآمنو بكلامك ...لأ ...يعني متل ما نحنا صمٌ بكمٌ عميٌ ما منفقه شي ...هني كمان مٌحاطين بقوى دينية كهرومغناطيسية بتمنعون من انو يتقبلو شي مختلف ...و لو انو القوة هي اقل من القوة تعيت الساحر الأسود يلي ذكرتها من شوي ...بس بيبقى الها تأثير ......

و عيد صعود السيدة العذراء ...و رمضان ..مباركين لكل المؤمنيين ..مسلمين و مسيحيين

That is not Dead which Can Eternal Lie And With Strange Aeons even Death may Die

لا ميتاً ما قادراً يتبقى سِِِِِِِِِِر مدى فإذا يجئ الشذاذ الموت قد ينتهي



Who Sacrifices The Social Liberties For The National Security Deserves Neither  
  رد مع اقتباس
قديم 20/08/2009   #57
صبيّة و ست الصبايا Ichigo
عضو
-- أخ لهلوب --
 
الصورة الرمزية لـ Ichigo
Ichigo is offline
 
نورنا ب:
Sep 2006
المطرح:
في الجريدة
مشاركات:
167

افتراضي


انت تطبق مواصفات البشر على الله وهذا غير منطقي فمفهوم العبادة هو مفهوم مفعم بالنرجسية والغرور وجنون العظمة. نعم بالنسبة لعبادة البشر ولكن عبادة الله مختلفة
فكل دين اختص نفسه بالصحة والوكالة الحصرية للله والجنة وماشابه
غير صحيح فالاسلام يشمل المسيحية واليهودية ولم يسبق لاحد ان قال ان المسلمين فقط هم من يدخلون الجنة بل الله وحده من يقرر من يدخل الجنة
من الواضح جدا ان مفهومك لعبادة الله محدود جدا كما انك لا تعرف شئء عن الاسلام
يعتقد العلماء ان الارض يوما كانت بدون حياة وان الحياة هي نتيجة لمزيج مثالي من العناصر في البحار البدائية ولكن لم يستطيعو على الاطلاق ان يعيدو الامر في اي مختبر مما يعني ان الحياة لا يمكن ان توجد الا بمشيئة الله.

اؤمن بسيدنا عيسى كما اؤمن بسيدنا محمد

اؤمن بالانجيل كما اؤمن بالقران

هكذا يوصيني ديني.....دين الله.........الاسلام
  رد مع اقتباس
قديم 20/08/2009   #58
صبيّة و ست الصبايا marioma alghzayala
مشرف متقاعد
 
الصورة الرمزية لـ marioma alghzayala
marioma alghzayala is offline
 
نورنا ب:
Nov 2005
المطرح:
SyRiA - DaMaS - HoMs
مشاركات:
7,105

افتراضي


اقتباس:
اؤمن بسيدنا عيسى كما اؤمن بسيدنا محمد

اؤمن بالانجيل كما اؤمن بالقران

هكذا يوصيني ديني.....دين الله.........الاسلام
?????

انا بحبك وانت بتحبني ..وفخار يطبش بعضو




i miss you ....:sosad:

الخطأ الوحيد الذي يرتكبه الانسان هو الخطأ الذي لايتعلم منه شيئاً.
  رد مع اقتباس
قديم 20/08/2009   #59
صبيّة و ست الصبايا marochka
عضو
-- قبضاي --
 
الصورة الرمزية لـ marochka
marochka is offline
 
نورنا ب:
Apr 2009
المطرح:
بلبنان، مجبرٌ أخاك لا بطل
مشاركات:
915

إرسال خطاب MSN إلى marochka
افتراضي


اقتباس:
كاتب النص الأصلي : Ichigo عرض المشاركة
انت تطبق مواصفات البشر على الله وهذا غير منطقي فمفهوم العبادة هو مفهوم مفعم بالنرجسية والغرور وجنون العظمة. نعم بالنسبة لعبادة البشر ولكن عبادة الله مختلفة
فكل دين اختص نفسه بالصحة والوكالة الحصرية للله والجنة وماشابه
غير صحيح فالاسلام يشمل المسيحية واليهودية ولم يسبق لاحد ان قال ان المسلمين فقط هم من يدخلون الجنة بل الله وحده من يقرر من يدخل الجنة
من الواضح جدا ان مفهومك لعبادة الله محدود جدا كما انك لا تعرف شئء عن الاسلام
يعتقد العلماء ان الارض يوما كانت بدون حياة وان الحياة هي نتيجة لمزيج مثالي من العناصر في البحار البدائية ولكن لم يستطيعو على الاطلاق ان يعيدو الامر في اي مختبر مما يعني ان الحياة لا يمكن ان توجد الا بمشيئة الله.
يعني بدك تقلنا أنو الإسلام بيعترف بالدين المسيحي والدين اليهودي كأديان صحيحة؟ ما فهمت شو يعني بيشمل المسيحية واليهودية، يعني إذا بيعترف أنو اليهود هني شعب الله المختار، والمسيحيين هني أبناء الله، فكيف بيطلع المسلمون خير أمة أخرجت للناس.
ما في شي اسمو دين بيعترف بدين تاني ، كل دين مبدأو أنو يقنع العالم أنو الطريق الصحيح للجنة بيمر من خلاله، أما الباقي فهو حكي منمق هدفو ترطيب الأجواء بين الأديان والظهور بمظهر المتسامح، ومشان هيك في بكل دين طقوس معينة بيتم التشديد على أنو اللي ما بيمارسا ما بينال الجنة.

إبحث أنت عن المعرفة فالمعرفة لا تبحث عن أحد

Whether humanity will consciously follow the law of love, I do not know. But
that need not disturb me. The law will work just as the law of gravitation
works, whether we accept it or not

Ghandi
  رد مع اقتباس
قديم 20/08/2009   #60
صبيّة و ست الصبايا marioma alghzayala
مشرف متقاعد
 
الصورة الرمزية لـ marioma alghzayala
marioma alghzayala is offline
 
نورنا ب:
Nov 2005
المطرح:
SyRiA - DaMaS - HoMs
مشاركات:
7,105

افتراضي


هلأ مو ك انو الموضوع مانو عن الاسلام والمسيحية واليهود؟ عن الله بس ...

ما تزيحوا كتير .... خليكن ضمن محور النقاش الاولاني ومتل ما قالت نسرين :

اقتباس:
ببساطة ياجماعة هالموضوع مابيخص الناس المتدينة يلي عندها احترام للديانة المتبعها وبيطبقها ومقتنع فيها

خلينا نترك هالموضوع لاصحابه ..

للاشخاص يلي بيتبعوا هالنظريات الافتراضية هي..

انا هون بدعي الناس المتدينة تنسحب من هالموضوع وتتركوا لاصحابه

وشكرا
  رد مع اقتباس
قديم 20/08/2009   #61
شب و شيخ الشباب I_Love_Syria
عضو
-- زعيـــــــم --
 
الصورة الرمزية لـ I_Love_Syria
I_Love_Syria is offline
 
نورنا ب:
Nov 2008
المطرح:
بالشام قريباً
مشاركات:
1,019

افتراضي


يعني رجاء محدا يحط ايات من القران ومحدا يفوتنا بمتاهات مالنا فيها
وبدكن تناقشو للزلمة ناقشو من غير ما تستشهدوا بايات من القران أو أحاديث للنبي

أنا الدمَشقي لو جرحت جسدي .... لسال منه عناقيد وتفاح
  رد مع اقتباس
قديم 20/08/2009   #62
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


اقتباس:
كاتب النص الأصلي : ayhamm26 عرض المشاركة
حلو, خلينا نبدأ من انو نقطة ذكرتها باول مقالتك وهي وجود الله ( هيك وفرنا كتير نقاش) .

أول شي يا معلم انا بلاحظ انو فكرتك عن الله و كأنو هو شيشبيه بالبشر, يعني بدك الاله يكون منطقي حسب منطق البشر, بدك يكون عادل حسب ما انت بتشوف العدل, بدك ياه رحيم حسب ما انت بتشوف الرحمة, بدك ياه يمشي الدنيا متل ما انت بتشوفها صح حسب التفكير والعقل والمنهج اللي انت بتؤمن في و اذا ما صار هيك بتصير بدك تعمل اضراب, يعني كأنك عم تحتج على سياسات الحكومة و عم تعمل اسقاط لعلاقتك مع الحكومة على علاقتك مع الله.

.
عمي ايهم انا بدي ياه يكون منطقي بناءً على المنطق يلي هو اختاره.. مقاييس الصح والغلط هو يلي حددها "فرضياً" بالديانات.. خليني اعطيك مثال:
وقت يقول الله بكل الديانات انو قتل الانسان بدون جه حق حرام وجريمة ومدري شوي.. ويجيك اعصار "من عند الله حسب وجهة نظر الدين" ويقتل 30 الف بني ادم شو اسمو هاد بالمنطق الالهي يلي هو حددو بالديانات؟؟ في شي غلط هون يا اما هو مادخلو بهالاعصار وبناءً عليه بيطلع انو عوامل الطبيعة ماشية ضمن منظومة الله مادخلو فيها يا اما بيكون الله بيتحمل المسؤولية عن هالجريمة يلي هو حدد انها جريمة لاتغتفر..

مابعرف اذا وصلتك النقطة بس الفكرة انو في مفاهيم خاطئة للاديان عن الله وعن مسؤولياتو.. وهالشي من مصلحة الخالق وليس ضدو... مو معقول كل واحد غني الله رزقو وكل واحد فقير الله مادخلو فيه... كل بلد غني الله رازقو وكل مجاعة او تصحر او مصيبة الله مادخلو فيها.. هي الفكرة من الصبح عم احكي فيها واذا وصلنا لقناعة مشتركة عنها بتتوضح كتير امور....

اقتباس:
طريقة التفكير والعقل مثالية لما بدك تحكي عن تنظيم علاقات البشر بين بعضن, بس تفكير ومنطق بعلاقتك مع الاله!!! طيب ما بدك بالاول معطيات لتستعمل العقل, يعني قضية متل قضية التعرف على الله شلون ممكن تستخدم عقلك فيها؟؟ اشرحلي؟؟
هاد السؤال إلك مو إلي... لانو الاديان هي يلي بتقول انو فيك تتعرف على الله من خلال العقل وسير الكواكب والشمس والقمر.. انا يلي عم قولو بالعكس مستحيل التعرف على الله بالعقل مشان هيك فيني شوف الله ووظائفه ومسؤولياته متل مابدي بحكم انو مافي رؤية واضحة متفق عليها ومثبة لهالخالق...

الله كفكرة مابنكر انها فكرة جميلة ورايقة وبتساعد كتير الناس على ازاحة الهموم ورمي مشاكلون على طاقة اكبر حتى لو هالخالق مادخلو بهالأمور بتضل فكرة مريحة... لكن المشكل الاساس انو صار في خلل خطير بطريقة التعاطي مع هالفكرة من خلال الاديان...

يازلمة لسا كل شيخ او خوري او حاخام بيجدبها على كيفو وبيلون الله متل مابدو... لك وصلت لمرحلة الحكومات صارت عم تستغل فكرة الله "تبع الادبان" للانتفاع الشخصي نتيجة الموروثات عند هالشعوب عن الله واختصاصاته وكيانه..

اقتباس:
ماهية الاله , شلون ممكن لحالك تعرفها؟؟
أنت عم تحكي عن من خلق كل شئ من العدم, ونحني البشر مستحيل نقدر نستوعب فكرة انو شئ يطلع هيك من لاشئ, تفكيرنا مهما كان كبير بيضل محدود بحدود معروفة.
يعني انت ماعندك اثبات بالعقل على هالاشياء وبيبقى فكرك قناعة شخصية ناتجة عن موروثات معينة قد تصيب وقد تخطأ لكنك تتمنى ان تصيب... صح؟

اقتباس:
من ناحية تانية, هالاله اللي خلق البشر على الارض, طيب بعد ما خلق الارض و جعلها مكان للبشر و حط فيها كتير امثلة على انو في يد عظيمة انجزت هالشي كلو , ورغم هيك صاروا البشر يعبدوا احجار , يعبدوا الشمس والقمر والرعد والبقرة وغيرو , لانو في حاجة داخلية عند الانسان للبحث عن شئ مقدس.
كلامك هون ماعليه غبار.. بس برجع بشوف تناقض بقصة الامثلة على وجود الخالق... معلم هيك منرجع لقصة في اثبات علمي او منطقي هلأ اتفقنا انو مانو موجود...
اذا بدنا نحكي بالاثباتات منفتح باب الاحتمالات يلي بتعرف أديش كبيرة... باعتبار مافي ولا اثبات عليه توقيع الله او ماشابه.. ممكن تكون هالايد العظيمة غير الله يلي انت بتعرفو او بتعبدو... ممكن يكون اي احتمال تاني مهما بلغت غرابتو...
ومهما بلغت غرابتو بيبقى اقل غرابة من الله كما صورته الاديان بس بحكم اجيال ورا اجيال اتعودت عالفكرة ماعد لقيتوها غريبة... والدليل اول ماطرح محمد الفكرة على قريش أديش لاقى استهجان واتهام وتكذيب... فاذاً كمان فكرة الله الحالي كانت كتير غريبة اول ما طرحت...

اقتباس:
طيب يعني معقول هالاله اللي خلق كل شي بالاخير الناس تعبد جمادات هو خلقها وتترك صاحب الفضل وهو عم يتفرج؟؟
لاء طبعاً بس هل عندك اثبات انو انت عم تعبد الجهة الصحيحة؟؟ منطقياً بعيداً عن نصوص الاديان؟؟ مابتصور

اقتباس:
يعني كان لازم يصير في توضيح لهالبشر, تذكير انو اذا بدن يعبدو فلازم يعبدو الله مو اي شي تاني .
ياعيني عليك كان ريحنا كتير لو وضح لهالبشر بشكل مباشر شوي انو لازم يعبدوه وشو الوضع بالضبط... وماترك القصة لرسل "مفترضين" ولازم يكون عرفان انو بدنا نوصل لمرحلة متل اليوم كم تافه وكم مرتزق يصيرو مسؤولين عن الله بالأرض... معون حق على فكرة باعتبار الله من وجهة نظر الاديان "جسمو لبيس" يعني اي حدا بياخد وكالته واي حدا بيقدر يحكي باسمو...

اقتباس:
اسلوب التواصل بين الله والبشر هو اللي علي الاختلاف الهائل بين البشر, في ناس ادعت انها هي الله وانو الله حل فيها, في ناس ادعت انو الله هو اللي أرسلها برسالة معينة, في ناس ادعت انن هني نواب الله على الارض و منفذين للي بدو ياه.

هلق رح تسالني اكيد مين لازم نصدق منن و كيف رح نعرف الصح من الغلط؟

بقلك هون بقى بتجي شغلة الاختيار, الديمقراطية اذا حبيت تسميها, كل واحد عندو عقل ومعطيات وفلسفة مختلفة بيقدر يفكر بحكي كل فريق ويشوف شو هو الصح بالنسبة الو.
اخي اي ديموقراطية بالعالم الها اسس.. عطيني الاسس يلي على اساسها بدي اختار الله يلي بدو يعجبني.. اذا كل دين عنده تحبيصات الله مابيحملها وكل دين بيتدعي انو هو الدين المختار وكل دين بدو يسحب البساط لعندو.. وين المعطيات؟؟
بتقلي شوف الصح بالنسبة الي؟ بدي جيب القرآن والانجيل والتوراة ولامانع من مفردات بوذا واقعد قارن... بيطلع معي انو الكل متفقين على كيان الخالق اللامرئي والغير مثبت بالعقل بس مختلفين على التطبيق... بتطلع معك النتيجة انو كل هالتطبيقات بشرية وما الها علاقة بالله...
بمعنى الله او الخالق او مهندس الكون او المؤسس موجود... بس ماحدد او فرض اي طريقة للتواصل وماحدد اي مسؤوليات لإلو عن هالبشرية وماقرر اي تدخل... القصص الاضافية كلها بشرية..

مابخفيك انو بتصيبني حالة من التشتت بناءً على هالحكي... بس مافيني مشان ما اتشتت حس حالي اجدب وماشي ورا حدا بدون اقتناع مطلق... صعبة عليي

اقتباس:
المشكلة عم تصير عند البشر انو بيتم الحكم على أي دين من مظاهرو الخارجية فقط, من خلال سلوك المتحكمين بالدين والمحتكرين لهذا الدين و هدا اللي بيخلي كتيرين يتمردوا ويحاولوا يلاقوا طريقة منفصلة للتعرف على الله .
1000% كلام منطقي... وبفكر احياناً انو الله هيك بدو انو كل واحد يرتبط فيه بشكل مستقل وقصة الاديان كلها خرافات وتسالي.. اعذرني يعني بس هيك بحس
اقتباس:

مشان هيك البعض بيقلك , الله هو المحبة, الله هو كل شي حلو بحياتنا , الله هو ...... وما بعرف شو كمان في ابداعات بهذا المجال, بس بالنهاية هدا كلو تخمينات لانو الله لو كان بدو يكون متل ما نحني منتمنى يعني على هالحالة صار بدنا شي مليار اله
معناها الله مو متل ما منتخيل ولامتل ماقالت الاديان ولامتل اي شي متفق عليه بين أي جماعة.. اذاً اي فرضية شخصية عن الله قد تكون هي الصحيحة والديانات كلها غلط... باعتبار الاحتمالات مفتوحة

هلا ايهم

الحرية لكل أسرى الحرية في سوريا...


العربي الذي لايجرأ من الذل والخوف على رفع رأسه لرؤية القمر !!!

كيف سينتصر على غزاة القمر؟؟!!
  رد مع اقتباس
قديم 20/08/2009   #63
شب و شيخ الشباب khalkhool
عضو
-- أخ لهلوب --
 
الصورة الرمزية لـ khalkhool
khalkhool is offline
 
نورنا ب:
Dec 2006
المطرح:
للأسف, ببلد بيحكي عربي!
مشاركات:
310

افتراضي


اقتباس:
كاتب النص الأصلي : I_Love_Syria عرض المشاركة
كل واحد مو عاجبو الإله يفصل إله على كيفو, بيرتاح وبيريح
هاد هوه اللي حاصل, مشان هيك في كتير أديان!

يا شارب الخمر من القطرميزي.... ان عِشْتَ عِشْتَ,, و إن مُتَّ لـ*ـيزي

Never underestimate stupid people in LARGE GROUPS!

إلى أن يعود معتقلوا الرأي... تصبحون على وطن!
  رد مع اقتباس
قديم 20/08/2009   #64
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


اقتباس:
كاتب النص الأصلي : Nay عرض المشاركة
لما كنت بصف العاشر بذكر.. قررت حدد موقفي من الله ومن الدين.. وانو لازم فكر بالموضوع منيح..
وبذكر لما اخذت قراري وحددت مكاني مزبوط كتبت شي بيشبه كتير اللي كتبتو انت..
ووقتها سميت الخاطرة " اتفاقي مع الله" ..

قصدك انو يلي انا هلأ بلشت فكر فيه انتي فكرتي فيه من وانتي عمرك 16 سنة ماشي الحال حمرقها

شوقتيني اعرف شو كانت بنود هالاتفاق

اقتباس:
كاتب النص الأصلي : khalkhool عرض المشاركة
بالنهاية, بدي أكد على موضوع أنو الدين هو واحدة من أدوات السيطرة على وحشية الإنسان, يمكن القانون الوضعي (المدني) هو كمان أداة, وبيعامل الناس على مبدأ العقاب, يعني إذا غلطت بتنحبس, بس نحنا ببلادنا, وبالشرق كلو عموما, بتلاحظ أنو الدين إلو تأثير أكبر بكتير من القانون, لأنو الدين بيعامل بمدأ الثواب والعقاب, مو بس العقاب, وبما أنو الدين هو مجرد فرضية لا دليل ملموس على صحتها, فمن الطبيعي أن يكون الثواب والعقاب فيه فرضية أيضا, لأنو لهلأ, ماحاد مات, ورجع خبرنا إذا في جنة ونار ولا لأ!

خلخول حكيك يلي بالمشاركة كتير حلو وماعندي عليه تعليق



اقتباس:
كاتب النص الأصلي : Syrian_love عرض المشاركة
أنا ما رح رد عليك لأنو بالآخر هي حريه شخصيه و أنا بالآخر بحترم رأيك


و بتمنى إنو انت كمان تحترم رأيي

موضوعك بالمره مو حلو لأنو لو فكرت بالقدرات الموجوده بهاد الكون اللي مو عاجبك
و فكرت أكتر قبل ما تطرح هيك موضوع كنت لقيت الجواب لوحدك

و نحنا بالصلاة و العباده اللي ملزمين فيها مرتاحين نفسيا و جسديا و روحيا

ما بدي كتر بالحكي بس بالآخر ان شاء الله تعالى تلاقي الجواب بالروابط اللي فوق


عيني مين قلك اذا رديت عليي وناقشتني بتكون ماعم تحترم حريتي؟؟ بالعكس احترام الرأي الآخر بيكمن بالنقاش...
بالنسبة لموضوع العبادة والصلاة بتريح نفسياً فهاد الشي عم قولو من اول الموضوع انو الله فكرة جميلة ومريحة جداً وهيك يعني بتريح الانسان انو في شي كبير كتير عم يساعدو ويحللو امورو.. مع العلم انو الهندوسي يلي مابيتبع اي من الديانات السماوية كمان امورو بتنحل وبينجح بحياتو..
شكراً عالروابط يلي مالقيت فيها الاجوبة على شي غير حكي عمرو 1500 سنة وعقلياً ومنطقياً غير قابل للاثبات الا لمن شاء ان يؤمن بقلبه

اقتباس:
كاتب النص الأصلي : محمد ابراهيم عرض المشاركة
الله كما أريده
كما أريده بيبقى أحسن بألف مرة من كما أرادوه أو يريدوه وأنا ماشي على عماها... هع
  رد مع اقتباس
قديم 20/08/2009   #65
صبيّة و ست الصبايا الحيرانة
شبه عضو
-- أخ لهلوب --
 
الصورة الرمزية لـ الحيرانة
الحيرانة is offline
 
نورنا ب:
Jul 2009
مشاركات:
80

افتراضي


اقتباس:
كاتب النص الأصلي : Reemi عرض المشاركة
مشاركة مقتبسة عن I_LOVE_SYRIA نشرت اليوم بقسم العلوم يمكن تكون مفيدة للحوار:


كاتب النص الأصلي : I_Love_Syria
تمكن علماء أميركيون من اكتشاف آثار تدل على أن الحياة على كوكب الأرض نشأت من مادة سقطت من الفضاء الكوني.
فقد أظهرت تحاليل جديدة أجريت على ذرات غبار التقطها المسبار "ستاردست" للمرة الأولى وجود آثار لحمض أميني يطلق عليه اسم "غلايسين", وهو أحد المكونات الأساسية للبروتينات التي بدونها لم يكن للحياة التي نعرفها وجود.
وقد اكتشف علماء بمركز غودارد لرحلات الفضاء بولاية ميريلاند القريبة من واشنطن دي سي –وهو أحد المراكز التابعة لوكالة أبحاث الفضاء والطيران الأميركية (ناسا)- آثارا لحمض غلايسين في عينة لذرات غبار من المذنب "وايلد2" التقطها المسبار ستاردست وأسقطها في صحراء يوتاه الأميركية عام 2006.
وقال جيمي إلسيلا -الباحث في مركز غودارد وأحد الذين أعدوا التقرير بشأن هذا الكشف لدورية "علوم النيازك والكواكب"- إنهم تمكنوا بعد التحقق من وجود الغلايسين من معرفة أن المذنبات ربما تكون أطلقت منذ القدم أحماضا أمينية إلى الأرض, ما أسهم في إيجاد العناصر الأساسية التي انبثقت منها الحياة.
وقد ظلت الفكرة القائلة بأن مكونات الحياة الرئيسة انتقلت إلى الأرض من الفضاء ولم تنبجس من مواد الأرض الكيماوية الأصلية قائمة لسنوات.
وسبق أن اكتشفت أحماض أمينية في الشهب, لكنها المرة الأولى التي يقف فيها العلماء على حمض أميني في مادة لأحد المذنبات.
وأشار كارل بيلشر -مدير معهد بيولوجيا الفضاء التابع لناسا الذي أسهم في تمويل البحث- في هذا الصدد إلى أن الاكتشاف يمثل دليلا آخر على أن عناصر الحياة الأساسية موجودة في كل مكان.
ويعد هذا الاكتشاف الأحدث من نوعه في إنجازات المسبار ستاردست غير المأهول الذي أطلق في 2 يناير/كانون الثاني 2004 ليتعقب غلالة الغبار والركام الصخري الذي ينفثه المذنب وايلد 2 وراءه.


الجزيرة




ياريت لو يريحوا لي حاااهلم !
ياللي خلق هالكون قال ( وتلك أمم أمثالكم ) يعني فيه كتير انواع من الحياة التي لايعرفها البشر
ولايستطيعون ادراكها بعقولهم المحدودة .
مثلنا يحييون مثل حياتنا ..فيها حياة وموت ورزق وووو
ولو كان الغرب اكتشفوا أثر لشي .. فهالأمر يعتبر نقطة في بحر !!!
من الآآآآخر مو بس عالم واحد غيرنا ..
عوااااالم كثيرة لانعرفها .. خلقها الله ..وهي خارج نطاق حدود فهمنا كبشر!
وهو من اخبرنا بها
لكن مين بدو يفهم؟؟؟
ومين بدو يختصر على نفسو المشوار؟
الله كريم ..
ههههههه
  رد مع اقتباس
قديم 20/08/2009   #66
صبيّة و ست الصبايا الحيرانة
شبه عضو
-- أخ لهلوب --
 
الصورة الرمزية لـ الحيرانة
الحيرانة is offline
 
نورنا ب:
Jul 2009
مشاركات:
80

افتراضي


اقتباس:
كاتب النص الأصلي : marochka عرض المشاركة
باعتقد فتنا بنقاش عقيم بعيد عن الموضوع الأساسي، أنا بضم صوتي لمريومة، لأنو الموضوع رح يتحول لمشكلة


ليش عم تحكي هيك؟؟
بالعكس الموضوع مانو عقيم ولا شي وانا عن نفسي
استفدت منو كثير وعرفت كيف عم يفكر غيري
وشو هي وجهة نظره ..
الموضوع كثير حلوو ومافيه أي مشكلة ..
وهي آراء ومعتقدات نطرحا ونناقشها بكل شفافية ..
ريح حالك بس والأمور بتضلها حلووووة ..
  رد مع اقتباس
قديم 20/08/2009   #67
صبيّة و ست الصبايا الحيرانة
شبه عضو
-- أخ لهلوب --
 
الصورة الرمزية لـ الحيرانة
الحيرانة is offline
 
نورنا ب:
Jul 2009
مشاركات:
80

افتراضي


[quote=khalkhool;1320374]
اقتباس:
كاتب النص الأصلي : وردة حماة عرض المشاركة



ملاحظة: بس تناقشو حدا ملحد, أو غير مسلم, لاتجيبوا أدلة من القرآن, لأنو هاد الشخص مابيكون معترف أصلن بالقرآن كمرجع موثوق!

كلامك صحيح أخي بس أحنا كل ردودنا ماخذينها من القرآن الكريم ..
لأن السابقون والأولون طرحوا مثل هذه التساؤلات فرد عليهم الله بكتابه ..
وأثبتت الأيام صحة كل ماقاله الله في كتابه ..
وكمان في أغلب الأوقات . .يكون أثر الآيات القرآنية على النفس البشرية كبير ..
بعض الناس الغير مسلم لما يقرأ تلك الآيات بعين المتأمل والمتفكر خاصة لما يكون وااعي ويبحث عن
شيء في نفسه ..
يتأثر بها كثيرا..

لكن برجع واقول لك .. فعلا . في مثل هالحالات الكلام العقلي بيكون أثره أقوى من الآيات .
لذلك عندما أرسل الله الأنبياء أيدهم بالمعجزات التي يراها العقل ويصدقها ويؤمن بها..
شكرا لك ..
(( ولك شو هالتوقيع يبعت لك حمة !!) هههههههههههه
  رد مع اقتباس
قديم 20/08/2009   #68
شب و شيخ الشباب khalkhool
عضو
-- أخ لهلوب --
 
الصورة الرمزية لـ khalkhool
khalkhool is offline
 
نورنا ب:
Dec 2006
المطرح:
للأسف, ببلد بيحكي عربي!
مشاركات:
310

افتراضي


اقتباس:
كاتب النص الأصلي : Ichigo عرض المشاركة
غير صحيح فالاسلام يشمل المسيحية واليهودية

هوه بيحاول يشملهون, ليحط نفسو بمرتبة الدين الوحيد!

اقتباس:
كاتب النص الأصلي : Ichigo عرض المشاركة
اقتباس:
كاتب النص الأصلي : Ichigo عرض المشاركة
من الواضح جدا ان مفهومك لعبادة الله محدود جدا كما انك لا تعرف شئء عن الاسلام
يعتقد العلماء ان الارض يوما كانت بدون حياة وان الحياة هي نتيجة لمزيج مثالي من العناصر في البحار البدائية ولكن لم يستطيعو على الاطلاق ان يعيدو الامر في اي مختبر مما يعني ان الحياة لا يمكن ان توجد الا بمشيئة الله.
فشل محاولة واحدة أو عدة محاولات لايعني فشل التجربة أو النظرية, متل ما كتي ناس حاولو يخترعو المصباح, وفشلو, بالآخر نجح واحد فيهون, ممكن كمان يحصل نفس الشي بهاد المجال!
  رد مع اقتباس
قديم 20/08/2009   #69
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


اقتباس:
كاتب النص الأصلي : I_Love_Syria عرض المشاركة
كل واحد مو عاجبو الإله يفصل إله على كيفو, بيرتاح وبيريح
ماهو ياصديقي هاد يلي صار... فيك تثبت علمياً انو مو كل واحد من الرسل فصل الله على قياسو... وكل واحد لقى لحالو ميزة مع الله؟ واحد الله اختصه بانو حكا معو مباشر والتاني من روحو او ابنو والتالت قلك انا خاتم الانبياء واشرف الخلق... مع احترامي الون جميعاً بس احتمال تفصيلون للاله متل مابدون وارد جداً


اقتباس:
كاتب النص الأصلي : المحارب العتيق عرض المشاركة
أجيت بدي رد لقيت كلامك كلو مغالطات ومناقد لبعضو . فأختصرتلك ردي بكلمة ( تتهنا )

وأنا اجيت بدي رد عليك فلقيتك مو رادد فاختصرتلك ردي بـكلمين "الله يهنيك"
  رد مع اقتباس
قديم 20/08/2009   #70
صبيّة و ست الصبايا marochka
عضو
-- قبضاي --
 
الصورة الرمزية لـ marochka
marochka is offline
 
نورنا ب:
Apr 2009
المطرح:
بلبنان، مجبرٌ أخاك لا بطل
مشاركات:
915

إرسال خطاب MSN إلى marochka
افتراضي


اقتباس:
كاتب النص الأصلي : الحيرانة عرض المشاركة


ليش عم تحكي هيك؟؟
بالعكس الموضوع مانو عقيم ولا شي وانا عن نفسي
استفدت منو كثير وعرفت كيف عم يفكر غيري
وشو هي وجهة نظره ..
الموضوع كثير حلوو ومافيه أي مشكلة ..
وهي آراء ومعتقدات نطرحا ونناقشها بكل شفافية ..
ريح حالك بس والأمور بتضلها حلووووة ..
عم أحكي هيك لأنو إذا بدنا نرد على الكلام المكتوب بدنا نُعتبر عم نسيء للإسلام (وإن كان خلخول كتب جزء كبير من اللي ممكن كنت قوله بردّي). لأنو صرنا رح ندخل بتفاصيل الدين الإسلامي والمسيحي واليهودي، وهاد الدخول خارج الموضوع الأصلي اللي هو تساؤلات مشروعة عن ماهية الله بعيداً عن تعاليم أي دين
  رد مع اقتباس
قديم 20/08/2009   #71
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


الحيرانة كنت كاتب رد طويل عليكي بس طار للاسف المهم بناءً على اسلوبك اللطبف بدي رد بالمجمل بس الي عندك طلبين بشكل اخوي... ياريت تغيري طريقة الاقتباس لانها متعبة ليلي بدو يرد عليكي والتاني تصغري الخط شوي بس لانو الردود عم يطلعو كتير طوال

تعليق أول:

اقتباس:
كاتب النص الأصلي : الحيرانة عرض المشاركة
[

اما الأسس التي توافقت عليها الأديان وحتى غير الأديان التي تدعى "بالسماوية" منها كالبوذية والهندوسية
البوذية والهندوسية لاتدعو لعبادة الله .. بل تدعو لعبادة النار والحجر والشجر والدواب يعني البقر
وماشابه .. وهذه ليست رسالات سماوية وما أنزل الله بها من سلطان ..
بل هم من اخترعوها وافتروها ..فلاتخلتط عليك الأمور .. دعنا نتحدث فقط حول الرسالات
الماوية التي ارسلها الله تعالى .

بتصور واضحة كلمة حتى الاديان غير "السماوية" عندما تكلمت عن البوذية والهندوسية يعني انتي يلي اختلطت عليكي الامور مو أنا

بالنسبة للمشاركة بالمجمل وتحديكي حول خلق بعوضة هاد كلام مردود عليكي صديقتي بحكم انو انا بتحداكي تثبتيلي انو الله "كما تعرفيه" هو من خلق هذه البعوضة او الذبابة...
نحن متفقون على وجود قوة خارقة مؤسسة لهذه الدنيا... بل هذه القوة الخالقة هي نفسها التي تعرفين وتعبدين؟؟ هون بيصير عنا احتمالات كتير ومافي حدا بيصير يقول انا صح اكيد... بحكم انو الموضوع بيصير نسبي وقناعات شخصية..

إلي رجعة لكمل الرد بس بعدني مزعوج انو اول رد طار بسبب الاكسبلورر الغبي بعد ساعة كتابة
  رد مع اقتباس
قديم 20/08/2009   #72
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


شبيبة رجاءً خلونا بعيد عن تفاصيل الأديان لأنو كل واحد فيه ينظر لأي دين متل مابدو وكل الأديان فيها نقاط ضعف قابلة للنقد ومن خلالها التكذيب..
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 13:27 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.22391 seconds with 14 queries