فجأة ام إس إن لايعمل وبريد الهوتمل ايضاً

wasel · 16/02/2006

فجأة بريد الهوتمل لايدخل عندي ولا الدخول الى الام اس ان ماسنجر ولااستطيع رفع الملفات والصور ولا رفع الملفات الى موقعي .... افيدونا اذا مرت عليكم هذه الحالة

طنش تعش · 16/02/2006

فكرت من العنوان انو عم تقول لو انو فجأة بينقطعو عنا هالشغلات:
الله وكيلك كان خراب بيوت هالشي بتصير العالم تقول رجعنا عالعصر الحجري........

بعدين من جهتي ياخيي بالله كان بودي ساعدك وبتمى يجي شي حدا بيفهم بهالامور ويساعدك

SIRIUS4F · 16/02/2006

وعليكم السلام

اذا ماني غلطان انسرقت كلمة السر اللي لالك

فالاحسن تحاول الدخول عن طريق السؤال الخاص اللي بتكون حاطو وبسرعة قبل ما يغيرلك السوال كمان اللي سارق الكلمة

وسلام

wasel · 16/02/2006

يبدو الاخ سيريوس فهمني غلط بريدي الهوتمل ادخل له من كل الاماكن بس من على كمبيوتري لااستطيع ولاتقلي احذفو فقد حذفتو ومامشي الحال والمشكلة انني لااستطيع رفع الصور والملفات من كمبيوتري ولاتقلي فرمت فهناك استحالة في ذلك ومشكورين

SIR RORO · 17/02/2006

مالك غير المشرف هوي بيساعدك انا عجزت

كراوية ابو راوية · 27/02/2006

مش راح تصدقوا العيب فين؟؟؟
العيب فى الساعة او التوقيت
اكيد جهازك بيطلع ارور عند بداية التحميل..صح ام خطا؟
و الساعة تتغير كلما فصلت الكهرباء؟
المهم..مشكلة الهوتمايل الموقع لا ادرى حل لها لانها كانت عندى للاسباب السابقة
اما مشكلة ام اس ان..اسهل ما تكون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

برنامج به كافة برامج الشات (ياهوو ام اس ان اى سى كيو)و المزيد و بيحل مشكلى ام اس ان
ولا يشترط يكون عندك ام اس ان

و الحجم
6.7 ميجا فقط

كراوية ابو راوية · 27/02/2006

و موضوعى عن هذا العطل

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

odaytop · 28/02/2006

لديك حل واحد فقط هو عليك الدخول الى الايمل تبعك وليس الماسنجر عن طريق جهاز كومبيوتر اخر ليس من جهازك اذا ظهرت لك نفس المشكله فهذا دليل اكيد على انه ايميلك سرق
واذا بدك تعيده ما عليك سوى ان تدخل على صفحة الايميل وتكتبه ايملك بدون الباسورد ثم تضغط على وصلت نسيت الباسورد سوف يطلب منك معلومات عن ايميلك فعليك ادخالها وبالتالي سوف تسترجع ايميلك وبعدها قم بتغيير كلمة السر وعليك وضعها ارقام واحرف وكما كانت طويله كلما كانت افضل ..
اتمنى لك التوفيق ..
واذا لاقيت صعوبه في هذا الامر مستعد للمساعدة ..

الاتحاد الحلبي · 20/03/2006

والله يامعلم انت شكلك مغير تاريخ الميلاد تبعك بالهوتميل
واذا كلامي صحيح ومالي غلطان معناتوووووو

انووووووو انسا الايميل والماسنجر وبدك ايميل جديد ياحبيب

wasel · 22/03/2006

شكرا لكل من رد لهفتي بالنسبة لعدم دخولي على ماسنجر الهوتمل وبريد الهوتمل من كمبيوتري وخطي فقط كون خطي اي دي اس ال واعلمكم انو العطل طلع بالبورت من عند الشركة اللي مشترك عندها فقد صلحولي الاعدادات

معنى الوفاء · 07/04/2006

حبيبى منشان الكل طالما انت الحمد لله انحلت مشكلتك حبيت اكتب بعض اعطال المسنجر اولا مثل ماااقال الاخ اتأكد من التاريخ ثانيا ظبط ip وال dns طالما انت مستعمل خط dslوكمان لو هادولا مااظبطوا بيبقى والجهاز المسنجر فصل لحاله اطفى الجهاز وعيد تشغيله تانى ولو واجهك شئ غير هادول اخى بس ماابعتقد فيه شئ تانى الا انقطاع الاتصال بالانترنت واسئل مجرب ولا تسئل طبيب

الزعيم الطيب · 07/04/2006

لا فاااااااااااااالح.....الاخ معنى الوفااااااااااااء
اجى لا يكحلها راااااااااااااح عماااااااااااها

شو ip & dns شو وين عايشين احنا ......؟؟؟

الحل بسيط جدا.......بقلك ياه بيني وبينك................

وبلا مجرب وبلا طبيب......................زز

تشااااااااااااااااو

معنى الوفاء · 07/04/2006

طيب يااطيب ابقى اقولك بينى وبينك بس الاول الاى بى حبيبى الكل بيعرفه ولك ليه انت من العصر الحجرى ياطيب

wasel · 07/04/2006

ياشباب انا انحلت مشكلتي وشكرا للجميع ومابريكم تشدو شعر بعض كرمال موضوعي اللي انحل

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

www.fadij.jeeran.com

معنى الوفاء · 18/05/2006

نشد شعر ايه ياجميل هاادا اخوى بيحب يقاهرنى بكل مكان