وكلاء الله الحصريون...

[VivaSyria]

لا سلاماً عليكم و لا منكم...
يا من امتهنتم التكفيرَ والتّخوينَ...
يا مَن امتهنتم الحقدَ والإرهابَ بكلّ صوره وأشكاله...
يا من جنّدتم أنفسَكم لصالح خنقِ أفكار البشرِ ووأدها...
يا من بجهلكم تُعيدوننا كلَّ يومٍ ألفَ سنةٍ إلى الوراء...
يا مَن تُحرّمونَ وتُحلّلونَ في هذه الحياةِ الدّنيا وكأنّها ملكٌ لكم...
يا مَن تظنّونَ باطلاً أنَّ اللهَ لكم وحدَكم، وأنتم وكلاء إرادته على هذه المسكونة...
يا من رجالُكم تُطلقُ لحاها ونساؤكم تُسدل نقابها... لا محبّة بدينكم بل جهلاً وتخلّفاً

آنَ الأوانُ لتعلموا:

مللنا جهلَكم وحقدَكم وكلَّ شيء فيكم...
مللنا كلَّ ما تفعلون في خدمةِ الأعداء... أعداء الإنسان والإنسانيّة!
مللنا أفكاركم البالية يامن لا تملكون أفكاراً..

ما كنّا مثلكم ولن نكونَ... إليكم رسالتنا فافتحوا آذانكم واسمعوا

كونوا بشراً كما الإنسانُ يكون...
كونوا عدلاً كونوا شيئاً..
كونوا و كفى..

[VivaSyria]

كل الشكر للعزيز قرصان الأدرياتيك على ماقدمه من أجل إغناء هذه المشاركة...

[zerocold hacker]

هي مشكلة كتير كبيرة واقع فيها عالمنا العربي

الا وهي التعصب

التعصب لاي شي لاي فكرة

لدرجة تجريم الطرف الاخر وحتى الطرف المحايد او الوسطي

انا بضم صوتي لصوت فيفا ويا ريت كل واحد متعصب او متشدد لاي شي يحترم وجود الراي الاخر

انا ما عم احكي عالتعصب الديني بس لانو هاد تعصب من ناحية وحدة بس

ولو انو هوي التعصب اللي منتشر كتيير ومنتشر معو كمان ردة الفعل المعاكسة القوية يللي انا بسميها

التعصب للفساد الديني

هون فيفا عم يحكي عن التعصب الديني يللي هوي اخطر على الدين من الانحلال والفساد

يعني هي رسالة يا ريت كل متعصب ومتشدد يفهمها

مو بس انتو بيحقلكون تعبرو عن رايكن وكمان العالم التانية بيحقلها ويا ريت تحترموا اراء الغير

[VivaSyria]

لتعصب الديني يللي هوي اخطر على الدين من الانحلال والفساد

هم الفاسدون و المنحلون.. تحت غطاء الدين...

[MaTyA]

معك كلمة كلمة.. يا صديق ..

وبحب احكي شغلة عن صنف من الوكلاء "المزعومين"..
انو لما بيقوموا بـ شرح اية او حديث او قول مقدس..بيشرحوها على حسب رغبتهم ووفقاً لمصلحتهم
ولما (وسمعتها من قبل لهالقصة) انو لما ناس يقولو انو يا شيخنا او مفتينا او ما شاكل..
انو فهمني ليش هيك هيك هيك شرحت وبناءا على شو..بيقلو الوكيل المزعوم "دخلت في المحظور"
السائل بيعتقد انو اي يمكن عنجد دخل في المحظور..بس ما بيخطر لبالو انو شيخو ما بيعرف يشرح ليش هيك شرح ..
وما بيخطر لبالو انو شيخو او مفتيه مدعي لا اكثر ... وانو اذا بيجاوب رح يظهر كذبه .. (في حال فهم يجاوب)

عجباً..من اللي بيتبعوا هيك عقليات متقوقعة في جهلها وتخلفها..
زاحفة نحو مصلحتها على حساب ضرر الآخرين دون اي اكتراث من قـِـبلهم ..

يتبعونهم بالرغم من جهلهم الجلي..والواضح ..

[منانا]

بدك تدير بالك من جماعة الامر بالمعروف والنهي عن المنكر بكرة بكفروك وبهدرو دمك وبطالعوا فتوى بجلك الف جلدة قبل الموت لاني انت خالد مخلد في النار ليش مالك خبر في ناس عندن مفاتيح النار ويدخل مين بتريد ع النار بس الجنة خلقت من شان حضرتهم دستور من خاطرهم المتعصبون المتخلفون الذين لا يعرفون الا الزنا والفجور والخمور ولكنه من خلف ستار العباءة والنقاب وأطلاق اللحية ولاتنسى صيام الاثنين والخميس وحضور جلسات الدين يعرفون كل شي ولكنهم لا يعرفون معنى كلمة انسان هم لا يملكون قلب ولا روح ولا يعرفون كيف يحب الانسان اخيه الانسان

[قرصان الأدرياتيك]

السّلامُ على من اتّبعَ هدى العقلِ والحقِّ، أمّا بعد...

بلغني أنَّ حاملَ شعارِ الزّعيم شكرني قبلَ القولِ والكتابة، فكانَ أن ابتللتُ بالماءِ قبل هطولِ المطر!!!
وكي لا أبقى مُبتلاً دون أمطار، فها أنا أسألُ القلمَ أن يمطرني غيثاً بلا انتهاء.

رائعتك يا عزيزي "تحيا سورية" موجّهة إلى كافّة أنواع الظلم والعدوان التي تظهر في أشكالها الدينيّة والسياسيّة والثقافيّة، لا بل في صورها الاجتماعيّة والعشائريّة فالعائليّة والفرديّة!
وبهذا فهي تعبر الواقع البشري وتتخطّاه لتبلغ منابع الفلسفة خارج إطاري الزمان والمكان.
وبرغم هذا إلا أنّها حملت المسحة الدينيّة الواضحة في بعض التعابير، لا بل أشارت بقصدٍ أو بغير قصد إلى فئة معيّنة مرتبطة بثقافة معيّنة...

يقسم فيفا واقعته إلى ثلاثة أقسامٍ يُعبّر فيها عن أسباب ثورته ثمّ عن الضّيق بهذه الأسباب وأخيراً بالغاية منها.
وكم كنتُ آملُ لو توسّع في قسمها الأخير، وجسّده على أرضِ الواقع طارحاً حلولاً عمليّة تطبيقيّة.

شكراً لك ولقلمك ودمتَ ودمتم بسلام .

[اللامنتمي]

إني أعجَبُ مِنْ شـعوبٍ ترعبها فكرةُ الحُرية وَ المعرفة

حقاً همُ مَهوسـونَ بـِ الخوف وَ التخويفِ وَ التعصب

مَهوسـونَ بـِ الإرهاب الديني

مَهوسـونَ بـِ الانطواء ِ على ما يعتقدون

وَ على ما يعيشون وَ يفكرون

إنهم جُبناءٌ يَتسترونَ بـَ رداءِ الجَهل ِ وَ القمع ِ

وَ الفضيلةِ الزائفة !.

يَخشـونَ المُرتفعات المَعرفية التي تطلُ على الآخر

وَ فكر ِ الآخر وَ تـَقبل ِ الآخر

وَ تطلُ على العلوم ِ التي تفجعهم أحياناً وَ غالباً !.

[VivaSyria]

كاتب النص الأصلي : قرصان الأدرياتيك

وكم كنتُ آملُ لو توسّع في قسمها الأخير، وجسّده على أرضِ الواقع طارحاً حلولاً عمليّة تطبيقيّة.
.

بعد الشكر لك و الثناء عليك و على قلمك الذي يعينك دائماً بأماكن لايعيننا فيها...

صديقي لو كنت أملك الحلول لما طرحت الموضوع بالمنبر لأناقشك أنت و أمثالك به...
لو كنت أملك الحل لكنت باشرت بتطبيقه لا بطرحه...
طرحت المشكلة هنا لنتناقش بها و نصل سوية إلى الحلول تمهيداً لتطبيقها على أرض الواقع.

[VivaSyria]

كاتب النص الأصلي : اللامنتمي

إنهم جُبناءٌ يَتسترونَ بـَ رداءِ الجَهل ِ وَ القمع ِ

وَ الفضيلةِ الزائفة !.

يَخشـونَ المُرتفعات المَعرفية التي تطلُ على الآخر

وَ فكر ِ الآخر وَ تـَقبل ِ الآخر

وَ تطلُ على العلوم ِ التي تفجعهم أحياناً وَ غالباً !.

كلام رائع..

شو الحل ياصديقي لوقف هالهجمة الهمجية يلي هاجمينها بكل المجالات.. حتى وصلنا لمرحلة تحريم الفكر و الكتابه!!

[zerocold hacker]

انا برايي الحل الوحيد هو انو كل انسان يتعلم دينو بنفسو وما يلجأ لهيك عالم

بس المشكلة مو من عندون لوحدون المشكلة مبلشة من عنا

لو نحنا من الاول ما تركنا مجال لهيك عالم يسيطروا على عقولنا ما كانوا وصلوا لهيك مرحلة

انا برجع بقول انو الحل باعطاء مجال كبير لحرية التعبير بس طبعا مع احترام المقدسات الدينية

كمان لازم نحنا ننشر ثقافة احترام الاخر يعني انا ما بيهمني هنن شو بينفذوا على حالون بس انا بحترمهون

وبجبرون انو خليون يحترموني ويحترموا ارائي شو ما كانت

وبظن انو لو نحنا منعرف ديننا مزبوط ما في داعي لهيك عالم تتدخل وتهيمن على حياتنا

[suryoyo]

هؤلاء يريدون ان تعيش كما يريدون هم لا كما يريد الله ...


يريدوك ان تكون نسخة منهم .... نسخة طبق الاصل ...


يخيفون البشرية من كل شيئ ...

يتخيلون كل العالم ... تركوا اشغالهم و اعمالهم ... فقط ليحاربون معتقدهم ... لأسبابٍ مجهولة !



فهمت منهم شيئا واحدا ... لا تفكر !

[Abu ToNi]

يعتقد البعض ان اكثر من يهين الذات الإلهية هو الملحد او الاديني او العلماني
لكن في الواقع المتدينين هم اكثر من يشوهون الذت الإلهية وهم من يلحقون بها العار ويحقرونها

فوقت بقول " الجهاد في سبيل الله " الحق بالله صفة " المتعطش للدماء "
وبالتالي قيس على هاد المقياس وشوف شو اللي بده يطلع معك
---------------------------------------
صدقا
فيفا سيريا == دم جديد بالاخوية

[سوا ربينا]

كاتب النص الأصلي : gabriel

" الجهاد في سبيل الله "

هلأ هاي فيها تحقير للذات الالهية !!!!!

[Abu ToNi]

كاتب النص الأصلي : سوا ربينا

هلأ هاي فيها تحقير للذات الالهية !!!!!

وقت بكون إلهي بحاجة لمن يجاهد ومن يقتل ارواح في سبيله طبعا حتكون تحت باب التحفير لان بكون عبالحق فيه بشكل غير مباشر صفة السفاح المتعطش للدماء والضعيف بنفس الوقت اللي بحاجة لمن يدافع عنه

[سوا ربينا]

كاتب النص الأصلي : gabriel

وقت بكون إلهي بحاجة لمن يجاهد ومن يقتل ارواح في سبيله طبعا حتكون تحت باب التحفير لان بكون عبالحق فيه بشكل غير مباشر صفة السفاح المتعطش للدماء والضعيف بنفس الوقت اللي بحاجة لمن يدافع عنه

هلأ اول شي ربنا ما بيحتاج حدا يدافع عنو ,,,بس الناس بتدافع عن دينها عن عرضها عن ارضها,,,

تاني شي هالجملة مورودة بالقرأن وبالاحاديث النبوية ,,,,وغير هيك هلأ الناس اللي ربنا بيقول انو نجاهد في سبيلو مشان نقتلهم لشو بدنا نقتلهم يعني هيك من الباب للطاقه ,,,

[saman]

وقت بكون إلهي بحاجة لمن يجاهد ومن يقتل ارواح في سبيله طبعا حتكون تحت باب التحفير لان بكون عبالحق فيه بشكل غير مباشر صفة السفاح المتعطش للدماء والضعيف بنفس الوقت اللي بحاجة لمن يدافع عنه

اسمحلي عزيزي غابرييل ..... ما عم اعرف كيف انت استوعبت فكرة الجهاد في سبيل الله ....
هادا الجهاد حسب مفهومو (وانا عم احكي من منطلق حيادي للغاية ) اي حسب مفهومو هو جهاد منشان اعلاء كلمة الله بالارض ونشر راية الدين .... هادا معناتو جهاد في سبيل الله ... مو معناتها نحنا عم ندافع عن الله ..... لانو حسب ايماني ... الله ما بدو حدا يدافع عنو ... وهو بيغنى عن هالشي .....
بعدين الجهاد في سبيل الله ... مو شرط دايماً يكون في سبيل الله وبس ..... كتيييير من الأحيان والشي يلي عم نشوفو هلأ هو جهاد في سبيل الأرض وفي سبيل الانسان .... يعني ما عم لاحظ هالراية عم ترتفع .....الا وقت بدهن يعملولهن شي تفجير ارهابي بشي منطقة مدنية (هادا حسب مفهوم وكلاء الله الحصريون ) هنن يلي بيرفعوا هالراية وبناشدوا فيها ...
وبس ....

سوري عالسبام .....

شكراً كتييييييير فيفا سيريا
عنجد كلام بالصميم ومعبر جداً عن الواقع المزري يلي عايشين فيه .....

[Abu ToNi]

كاتب النص الأصلي : M.E.e.R.O

اسمحلي عزيزي غابرييل ..... ما عم اعرف كيف انت استوعبت فكرة الجهاد في سبيل الله ....
هادا الجهاد حسب مفهومو (وانا عم احكي من منطلق حيادي للغاية ) اي حسب مفهومو هو جهاد منشان اعلاء كلمة الله بالارض ونشر راية الدين .... هادا معناتو جهاد في سبيل الله ... مو معناتها نحنا عم ندافع عن الله ..... لانو حسب ايماني ... الله ما بدو حدا يدافع عنو ... وهو بيغنى عن هالشي .....
بعدين الجهاد في سبيل الله ... مو شرط دايماً يكون في سبيل الله وبس ..... كتيييير من الأحيان والشي يلي عم نشوفو هلأ هو جهاد في سبيل الأرض وفي سبيل الانسان .... يعني ما عم لاحظ هالراية عم ترتفع .....الا وقت بدهن يعملولهن شي تفجير ارهابي بشي منطقة مدنية (هادا حسب مفهوم وكلاء الله الحصريون ) هنن يلي بيرفعوا هالراية وبناشدوا فيها ...
وبس ....

سوري عالسبام .....

شكراً كتييييييير فيفا سيريا
عنجد كلام بالصميم ومعبر جداً عن الواقع المزري يلي عايشين فيه .....

هلق ما بدي يقلب الموضوع على فكرة الجهاد ومدى صحتها لكن انا كنت عبقصد بالضبط الشي اللي انت كاتبه الدفاع عن الارض تحت باب الجهاد في سبيل الله وحماية الشعب تحت نفس الباب .
انه اللي عبدافع عن ارضه ورافع لي راية " الله " بغض النظر عن شو مانه عرفان ان الله ابعد ما يمكن عن هاد الواقع ؟! وما بكون عبحقر بالذات الالهية وقت بسمّي باسم الله وبينحر واحد من الوريد إلى الوريد ؟!
مع انه معتبر حاله متحدث باسم الله او وكيل حصري لله متل ما عبر اخوي فيفا سيريا بس بالحقيقة هو اول مين عبشوه صورة الله وصورة الروح اللي يفترض تكون قمة الايجابية