المعارضة السورية ...خروج من الصفر أم عودة إليه ؟!. 1

[sona78]

نصر حسن

*أزمة المعارضة السورية
يطغى على مشهد المعارضة السورية الحالي قسمات أزمة لاتقل سوءاً وخطراً عن أزمة النظام , أزمة أنتجتها أطرافها المختلفة مقسومة على عوامل داخلية وخارجية, أكثرها تأثيراً هي تركيبتها الأهلية وغياب البرامج ومعها الحد الأدنى من معايير العمل الديمقراطي المؤسسي وجغرافية سورية السياسية , مضروبة بأعاصير المنطقة وبراكينها ومعامل قمع النظام الفردي طبعاً لكونه محور دورانها ومرجل حريقها , أزمة مركبة تمثل حصيلة تراكم سلسلة من التناقضات والإخفاقات والاصطفافات بين بنى وعقليات وآليات موروثة من فوضى الماضي , هذا المشهد يحدد عملياً حالة انسداد الأفق التنظيمي والسياسي والاجتماعي والحقوقي , ناهيك عن القدرة على تحقيق التغيير الوطني الديمقراطي السلمي أياً كان شكله ووتيرته! بصراحة إن وضعها الحالي يعكس الشيخوخة والتردي في البنى الفكرية والتنظيمية والسياسية لها .
هي في أزمة مهجورة , تركن على رفوف أطرافها المتوازية وتحاصرها فيها , أزمة لم تستطع أن" تملص " منها عملياً لأنها محكومة برموز وبرامج الماضي وعقليته وآلية عمله ومناهجه المتخشبة والدائرة بوهن حول الذات ومصالحها, مفترقة ولامبالية بمصالح الشعب والظروف والتناقضات التي يعيشها في ظل نظام فردي استئصالي هو الأبشع في تاريخ النظم الشمولية في العصر الحديث, نظام أمم الشعب والثروة والقدرات واستخدمها بخسة لصالح بناء فردي ديكتاتوري لايأخذ بالحسبان احترام كرامة الشعب ولاأدنى حقوقه وأمنه ومصالحه , ومستأثراً بالبلاد والعباد والفعل السياسي والثقافي والاقتصادي والاجتماعي لعقود , أفرز بمحصلته هذا الخواء العام لدى أطراف المعارضة , خواء أشبه بعقم أفقدها الدماء الشابة الجديدة التي هي المحرك الاجتماعي والسياسي في المجتمع , فشاخت أطرافها وسكنت إلى الماضي , قطع سباتها تطور الأحداث الداخلية والاقليمية والدولية, نشطت لكن بتكرارية تعيد إنتاج نفسها واستنساخ دورها , واستمرت ترفع نفس الشعارات ونفس أشباه البرامج في ظروف مختلفة داخلياً وخارجياً , فانعزلت كلياً عن مسار الأحداث وواقع الشعب والنظام معاً , وركنت إلى مسايرة الأمر بالشعارات والخطابات الانشائية التي لاتقدم ولاتؤخر بل تزيد درجة عطالتها وأزمتها عمقاً واتساعاً .
والحال كذلك , ليس خافياً على أحد أن طبيعة بنية أطراف المعارضة هي عمق تخلفها وإخفاقها , وعلى وقع الصدمات الخطيرة في المنطقة في السنوات القليلة الماضية , لملمت اضطرابها وجمعت ركامها على مضض وعجل بإطارين معزولين ,الأول إعلان دمشق في الداخل , والثاني جبهة الخلاص في الخارج , كلا الإطارين انكمش فعلهما بسرعة قياسية , الأول بفعل سياسة النظام وآلته الأمنية القمعية التي أجهضدت بوادر ولادة عمل معارض ديمقراطي تعددي في الداخل , والثاني لجملة من التراكمات الماضية والحاضرة أوصلتها إلى طريق شبه مسدود, ولم تتمكن المعارضة من مواكبة مايدور في الواقع السوري ومايجري من تطورات دراماتيكية في محيطه , لأنها خضعت بفعل بنيتها وبرامجها إلى الرتابة والسكون والقبول بلاحول ولاقوة لها على النظام دون سند خارجي تحاول أطرافها على انفراد الامساك به متعثرةً ولم تصطاده بعد , حال ذلك دون قدرتها على اشتقاق خطاب سياسي موضوعي عملي في حوارها مع الداخل والخارج , وبالتالي استنفذت جهودها في إعادة إنتاج نفسها , ومراوحتها بحالة التمويه على فشلها في إحداث ولو اختراق بسيط في سياسة النظام أو التقرب أكثر من مشاكل الشعب أو الوضع العربي والدولي , فارتدت إلى التمسك بشماعة الشعارات الكبرى وتضخيمها ( التغيير الوطني الديمقراطي واحداً منها ) التي رأت فيها غطاءاً لبعض فشلها وستراً لبعض عورتها.

[sona78]

واستطراداً , إن واقع المعارضة السورية اليوم يؤشر على وجود خلل بنيوي ومنهجي فيها , يبرهنه فقدان قدرتها على توجيه الرأي العام الداخلي أو حتى التأثير البسيط فيه , وتحولت إلى " عراضات " لهذا الرمز أو لهذا الشعار أو لهذه الأجندة , وطغى عليها طابع الاستزلام والشللية والنخبوية الفارغة , غائصةً في عقدها ومغتربة عن واقعها , محنطة القول والخطاب , فاقدة القدرة على استقطاب الحد الأدنى من شرائح الشعب , وهذا بدوره يدل على ضعف البنية وسوء البرنامج وهشاشة الدور القيادي, جملة ذلك أدى إلى جمود أدائها التنظيمي, وطغيان فراغ فكري وتخبط سياسي وقصور وظيفي , أعاقها عن أداء دورها التي وعدت الشعب فيه في ظروف مفصلية كارثية تمر بها سورية .

وبدل أن تبحث في كيفية ترميم بنيتها الداخلية وتطوير أدائها التنظيمي والسياسي , واتباع النقد والشفافية وتكاملها لتنشيط حواملها الداخلية, ارتدت إلى صيغ العمل الفردي المفتقر للبرنامج السياسي الواضح من جهة , ولقيادة "كارزمية " فردية أو جماعية من جهة أخرى , واستمرت تتخبط على هذا الحال ضريرة ً فاقدةً للرؤية السياسيةالعملية , خائفة من النقد والصراحة والموضوعية ومحاربةً لهما, فهيكلت شكلها على قياس فرديتها واقتدت بالنظام في آلية عملها , وأصرت على العمل الفردي الفئوي في نهاية المطاف , والحال بماهو عليه تجذر عجزها وعدم قدرتها على استيعاب منهجية العمل الديمقراطي التعددي ,والأمرّ من ذلك تأصيل فشلها في ركوب موجات إقليمية أتتها على طبق من ذهب صدفةً ,مع ذلك لم تستطع أن تجيّرها لصالحها بل ربطت نفسها في زكزاكية تقلباتها , وراوحت في تناقضاتها الداخلية وفشلها في إحداث اختراق مهما كان بسيطاً في الوضع الداخلي أو الخارجي,فارتدت أكثر فأكثر إلى الصيغ الفردية لذات الرموز والتشكيلات الحزبية "العقائدية" التي تخندقت في الماضي , وفقدت قدرتها على العطاء والتفاعل مع بعضها ومع واقع الشعب السوري ومع مفاهيم ومعايير السياسة الدولية الجديدة.
هنا تتكشف هشاشة العمل المعارض بافتقاره إلى الرؤى الديناميكية السياسية الاستراتيجية, وسباته وعدم قدرته على تجديد بنيته وخطابه وآليات عمله ومواربته في فهم العمل الديمقراطي , فانصرفت قوى المعارضة المختلفة والموجودة في الخارج تحديداً إلى عناوين أخرى جانبية بعيدة عن الهم الوطني السوري ,خلاصتها موروثة من إفرازات النظام والمتمثلة في أسوأها عبادة العمل الفردي الفئوي متآلفة مع خوائها مثبتة ًوجودها الهلامي بإطلاق البيانات المختلفة العيارات مختلفة الاتجاهات أسهمت كلها في تأصيل أزمتها الراهنة والدوران فيها .
ولمن الموضوعية التأشير , أن تراكم إرث النظام الكبير من البطش والقهر والأقصاء والتهميش ومصادرة الحريات والنهب وعدم تكافؤ الفرص وتضييق الخناق على معيشة الشعب والانتهاكات الفردية والجماعية للكرامات , أنتج خطاباً معارضاً متمركزاً حول التغيير وبشكل أدق على السلطة, وغاب عنه متطلبات العمل السياسي الديمقراطي في سورية التي برع النظام الأمني في انهاكها , فأتى خطابها( أي المعارضة) مشوهاً أحادياً,مفرّخاً نوعاً جديداً من التفكير الاقصائي الانعزالي لكن مقنعاً بالديمقراطية والتوافق الوطني , ويحمل في طياته التراشق بالتهم ومحملاً ببذور الانشقاق والفشل ,ملتفة على أي محاولة لتعشيق حركة الداخل مع الخارج لتجميع القوى وزيادة وتيرة التفاعل مع واقع الشعب , وأكثر من ذلك محاربةً التوجهات الصادقة لاشتقاق برنامج ديمقراطي قوامه الموقف الوطني الواضح والتعددية الديمقراطية وقيم المواطنة والمدنية , والنضال من أجل الحريات العامة وحقوق الإنسان , أي موقف مضاد للاستبداد و"التوتاليتارية" التي أوصلت سورية إلى هذه الحالة من العقم والخواء وانسداد الأفق أمام الشعب .

[sona78]

*مقاربات الخروج من الأزمة

والحال كذلك , بات الوضع الداخلي السياسي والأمني والاجتماعي والاقتصادي والأهلي خطيراً للغاية في مرحلة تكويع النظام من الممانعة إلى التطبيع ومع حزمة المستجدات على الوضع الاقليمي والدولي , بات في أمس الحاجة إلى اتخاذ موقف وطني جريء واضح مما يجري في سورية ,بدايته تنشيط آليات أداء أطرافها على طريق تكامل عملها, يترجمه عملياً تحرك فعلي نوعي جديد, يتجاوز العقلية والذهنية والبنية الفردية ,نحو تشكيل فريق وطني ديمقراطي قوامه كتلة وطنية واضحة الشكل والاسم والمضمون , تكون البداية لعمل مؤسسي تعددي يقطع مع سياسة التهميش والتصنيف والتوليف في إطار العمل السوري المعارض , كتلة وطنية تطرح نفسها كمعادل سياسي عملي موضوعي للنظام , كتلة قادرة على توجيه الرأي العام ومحاورة كل الأطراف , , كتلة وطنية ديمقراطية تقطع الطريق على سرطان التشقق والشقاق الذي يتكاثر كالفطر , كتلة وطنية حواملها الموضوعية هي رموز الشعب المتنورة التي تمثله وتملك برنامجاً واضحاً لإشراكه عملياً في الشأن العام , كتلة تملك مواصفات وطنية سياسية أخلاقية تحدد هويتها الجماعية , تكون بديلاً للفردية والأنانية التي تضخمت إلى الحد الذي أصبح كل فرد فيها ملهماً , وكل حافظ كلام منظراً ,وكل فردين حزباً وكل بضعة أفراد تجمعاً , كتلة وطنية بشعار سياسي ممكن قادرة على تبنيه وتحقيقه ببرنامج تنظيمي مؤسسي يتجاوز حالة الخلط واللغط وصف الشعارات التي أضلّت أطراف المعارضة والشعب معها , كتلة وطنية قوامها العمل الديمقراطي التعددي الشفاف , حاملها الأساسي هو الشعب وجذرها قيم الحرية والعدالة والمساواة وشرعة حقوق الإنسان , والقطع مع فكر العصبية والتطرف والاستئصال والتمييز والبراءة منها , كتلة وطنية عريضة وحدها قادرة على قيادة سفينة التغيير إلى شاطئ الأمان في ظروف سورية العاصفة.
بخلاف ذلك, تستمر أطراف المعارضة في لعبة الشقاق والتمويه وغياب الفعل وتقمص لاعب دورالتغيير, والمزايدة اللفظية البينية تاركةً النظام يسرح ويمرح ويقمع ويفقر ويتاجر بحرية كما يريد , وستبقى أطرافها مختارة ً أو مكرهة ً تجلس القرفصاء عند عتبة النظام الديكتاتوري ,تردد خطابه وتمارس سلوكه وتجذّرعصبيته , لكن من موقع توسل الضعيف فاقد الوسيلة ومعدوم الحيلة , والخدر اللغوي اللفظي بتوهم الديمقراطية , غائبةً حاضرة أو محتضرة ,فاقدة الحيوية والحوامل الاجتماعية والسياسية المطلوبة , محمولة على أكتاف شعارات التغيير الواهنة ومواربات الحوار وسجالاته بين رموزها وبين نظامها, ناسية الشعب يإنّ تحت القمع والفقر واليأس وانسداد الأفق .
بقي أن نقول : الأمور بمنتهى الوضوح , ولم يعد هناك مخفيات ومايعيشه الشعب السوري من حالة خطيرة أصبحت مؤشرة وواضحة ,يشترك في رسم محدداتها النظام السوري المعروف وضعف أداء أطراف المعارضة والخارجية منها تحديداً , يستدعي ذلك من حملة الهم والانتماء والفكر والكفاءة والأخلاق والحرص على الشعب السوري, حماية سورية من الانزلاق إلى مفاجآت قد تكون غير قابلة للضبط في محيط إقليمي يطغى عليه التطرف والعنف والفوضى وأصبح برميلاً من البارود , يتطلب إخراج سورية من الصفر الخطر وإنقاذها بعملية إسعافية سريعة من قبل مختصين , ومقدمة ذلك الشروع بتبني مشروع حواراً وطنياً شاملاً جريئاً شفافاً, على طريق تأسيس كتلة وطنية جديدة , تكون قوة مؤسسية سياسية ديمقراطية جماعية ,تمثل الحامل الحقيقي للتغيير الديمقراطي السلمي في سورية ,وتقطع الطريق على دعاة إرجاع العمل المعارض ومعه الشعب السوري إلى الصفر مرةً أخرى !.

موقع سورية الان

[yass]

المعارضة السورية بشكل عام تعاني من مشاكل كثيرة.. منها اللوجستي (ضعف الامكانات, هامش الحركة القليل جدا, الملاحقة و القمع..) لكن أعتقد انو المشكلة الكبرى هي فكرية.. برنامج العمل الجامع ما بين تيارات سياسية متباينة و مختلفة فيما بينها بشكل رهيب تحت عنوان "معارضة" ..

يعني كمثال: اعلان دمشق (قوميين و يساريين و اسلاميين مستقلين معتدلين)... الفكرة نظريا جيدة.. انو عنا شي أساسي هو النضال من أجل حرية سياسية و فكرية, و بس ننال هالحرية كل واحد يدافع عن أفكارو بطريقتو.. طيب منيح كتير.. لكن عمليا هالأمر صعب جدا.. لأنو الصراع الفكري موجود من اللحظة الأولى و لا يمكن تحييده و من الخطأ تحييده


لذلك... قصة توحيد أطياف المعارضة أنا شايفها حكي طوباوي لا ينفع و لا يغني و لا يسمن من جوع, و حتى شايفو الو آثار سلبية..

طبعا كاتب المقال معروف بتوجهه نحو هالاتجاه التوحيدي (خصوصا ما بين جبهة الخلاص و اعلان دمشق), و انا شايف انو العكس تماما, جبهة الخلاص غلط تكون موجودة كتمركز قوى معارضة, و غلط تكون مرجعية.. و اعلان دمشق عمل اللي كان لازم يعملو لما رفض العلاقات مع جبهة الخلاص

[sona78]

كلامك صحيح بجزء كبير منو ولو اني ما بعرف اذا الكاتب عتدو ميول لاتحاد الاعلان مع جبهة الخلاص صراحة ما قهمت هيك شي من هيدي المقالة ع الاقل فاذا عاب عني عذؤا لاني شخصيا على الاقل ضد هيك شي جملة وتفصيلا
بتفق تماما انو العمل الجماعي لازم يكون الو قاعدة متينة مبني عليها والحكي انو الديمقراطيبة هيي القاعدة حكي بالهوا لانو في اختلاف هائل بالادوات والسياسية المتبعة لتحقيق هدف واحد . مثلا ما بقدر بالمرة افهم انو الاحوان والشيوعيين قادرين بشتغلو لهدف واحد لانو المنهج مختلف كلية . بس كمان ما بقدر افهم هالتناثض بين اطياف الاحواب الشيوعية يعني الله عليم كم حزب عنا كلو بينادي باسم الشيوعية وتعا اقرا منهجون بتشوف انو مختلف عن البقية كتير هيدا التشتت هوي يلي غير مفهوم ويلي عم يستغل نت قبل السلطة. مثلا كان دارجة موضة الشوعيين صار الله عليم كم حزب كلو شيوعي وكلو كرهان بعضو اجت شغلة الاجزاب الدنية تقريبا نفس الشي وهلم جرا

[Nay]

يسلمو على الموضوع..
الحقيقة انو مشكلة المعارضة الاساسية.. هي ابتعادون عن الناس.. يعني تنظير تنظير تنظير.. والقريب من هي الاجواء بيعرف عن شو عم بحكي منيح.. انا طبعا عم احكي عن المعارضة اليسارية بكل اطيافها وتوجهاتا.. لانو هي المعارضة هي اللي بتعنيني اولا ..
ثانيا لانو المعارضة الاسلامية كمان بكل توجهاتها اقرب للمجتمع ومخترقة الناس بقوة.. وهادا ما نو سر ابدا
وهادا الشي الو اسباب اذا بتحب منحكيها بعدين..
بس فيما يتعلق بالمعارضة اليسارية عل الرغم من انهون مثقفين ومتحدثين من الدرجة الاولى الا انون بعيدين عن الواقع وفي قسم كبير وهو القسم الاهم برايي واللي عندون تجربة سياسية عميقة قضو من عمرون سنوات طويلة بالسجن خلتون بعيدين عن الناس.. وبصراحة اكتر ما بيعرفو هموم الناس الحقيقية .. وما عندون فكرة قديش المجتمع غرقان بهموم الحياة المعيشية..وانو ماحدا عاد يقرا..ولا يسمع موسيقا.. وانو المواطن السوري فعلا اخر اهتماماتو الحرية..
عن جد ما بيعرفو..

[sona78]

كاتب النص الأصلي : Nay

يسلمو على الموضوع..
الحقيقة انو مشكلة المعارضة الاساسية.. هي ابتعادون عن الناس.. يعني تنظير تنظير تنظير.. والقريب من هي الاجواء بيعرف عن شو عم بحكي منيح.. انا طبعا عم احكي عن المعارضة اليسارية بكل اطيافها وتوجهاتا.. لانو هي المعارضة هي اللي بتعنيني اولا ..
ثانيا لانو المعارضة الاسلامية كمان بكل توجهاتها اقرب للمجتمع ومخترقة الناس بقوة.. وهادا ما نو سر ابدا
وهادا الشي الو اسباب اذا بتحب منحكيها بعدين..
بس فيما يتعلق بالمعارضة اليسارية عل الرغم من انهون مثقفين ومتحدثين من الدرجة الاولى الا انون بعيدين عن الواقع وفي قسم كبير وهو القسم الاهم برايي واللي عندون تجربة سياسية عميقة قضو من عمرون سنوات طويلة بالسجن خلتون بعيدين عن الناس.. وبصراحة اكتر ما بيعرفو هموم الناس الحقيقية .. وما عندون فكرة قديش المجتمع غرقان بهموم الحياة المعيشية..وانو ماحدا عاد يقرا..ولا يسمع موسيقا.. وانو المواطن السوري فعلا اخر اهتماماتو الحرية..
عن جد ما بيعرفو.
.

كلامك عليه اكتر من الرد
بالاول موالمعارضة الاسلامية اقرب للمجتمع وانما الفكر الاسلامي لاتو نحنا اولا واخيرا مجتمع محكوم بالدين والغالبية هون اسلامية اما فكر المعارضة الاسلامية فما بتوقع انها مخترقة كل الاطياف لانها معنية بس بالاسلاميين المتشددين وبالمجتمع في غير المتشددين وفي اديان تانية كتير متنوعة
كلامك عن المعارضة اليسارية كمان ما صحيح بجزء منو. اليساريين كانو كتير قراب ع المجتمع وبيعرفو همومو لانو كانو جزء منو صح تجربتون بالسجن خلتون لحد هلق ما يقدرو يلحقو التغير يلي صار بالمجتمع بس هموم المواطن لساها هي هي ما اتغيرت هني مو كان توجهون بس سياسي وانما كمان وبنفس الدرجة اجتماعي بس صار خطابون ما الو هالتاثير لانو الناس صارت تحاف من التواصل معون من مبدا السلامة اولا بقولو انو شو بيعلقني مع واحد مقضا الله عليم كم سنة بالسجن وهيدا فيو الواحد يعتبرو نصر للنظام الحكم بسورية انو خلا الناس تحاف وتبعد عنون وبالتالي يبدو كانون برا المجتمع السوري
بس الواقع هني لسا ضمنو تماما وهمومو هي ما تزال نفسها
مشكلة اليسار هي التفتت وعدم وجود قاعدة وحدة بحيث الاطياف كلها تشتغل مع بعضها والمشكلة التانية هي تذبب المواقف من بعض اليساريين السابقين منون رجع اداة للسلطة منون اعتبر التحالف مع الامريكيين الحل ومنون اتعاون باسم الشيوعية مع انظمة عربية معروف شو عملت بالشيوعيين يلي ع الارضها ومنون رجع ع خلفبتو الدينية بشكل اسوا من الاسلاميين نفسون وهيدا التناقض والتفكك خلاهون ما يقدرو يشكلو مرة تانية قاعدة شعبية معقولة تقدر تصدقون وتصدق اقوالون

[Nay]

اول شي تصحيحا انا قلت المعارضة الاسلامية بكل اطيافها مخترقة المجتمع ماقلت المجتمع بكل اطيافو
بقصد الاخوان المسلمين و باقي الاحزاب الاسلامية حتى منها الاكثر تشددا..
كمان شغلة تانية لازم نتذكر تانيا انو الاغلبية الساحقة من المجتمع السوري اسلام سنة حسب الاحصائيات اذا لقيتها رح اكتبها بعد شوي.. لانو ذاكرتي ما عم تسعفني...
انا ما بتوقع انو بعد المعارضة اليسارية عن الناس سببو الناس وخوفون لانو لوكان خوفون هو السبب كانو ابتعدو عن الاسلاميين اللي كانت عقوباتون اشد بكتير من عقوبات اليساريين "يعني ما بذكر اسم حدا انعدم من اليساريين بعد 1985 الا في حالات خاصة جدا جدا "
كمان انت حكيت الشيوعيين كانو قريبين من الناس هي بالسبعينات واوائل الثمانينات.. بس هلق لا
اوالناس وقتا ما كانت تعتبر انو الحرية شي مو مهم وما كان همون الاول هوي الاكل والشرب وكانو يقرو كتب ومجلات ومتل العادة..
يعني نظرتون للناس هي نفسا القديمة.. اكتر المعارضين بعيدين وما الون علاقات الا بالمثقفين يعني الواحد فيون ما بيعرف جيرانو كيف عايشين حتى الاحزاب ا لمعارضة السورية ما عندا طموح لتوسع افقي "التوسع الافقي هو توسيع القاعدة الجماهيرية للحزب"...
اخيرا لا تحسبني على الاسلاميين منوب هااا...
عم احكي هيك لانو عم احكي شو عم شوف بنفسي مو شو عم اسمع من الناس

[ITALIANOO]

مشكلة المعارضة عنا انو ما عنا معارضة من اصلوووو

كلون ما بيعرفوو الله وين حاطون

لازم اول شي يعرفو وين حاطون الله بعدين بصيرو مشروع معارضة

[VivaSyria]

كاتب النص الأصلي : ITALIANOO

مشكلة المعارضة عنا انو ما عنا معارضة من اصلوووو

كلون ما بيعرفوو الله وين حاطون

لازم اول شي يعرفو وين حاطون الله بعدين بصيرو مشروع معارضة

والله مابعرف شو بدي قلك.. كيف بتقيم أشخاص مثقفين ومحترمين بإنو مابيعرفو الله وين حاططون؟

مثقفي إعلان دمشق وربيع دمشق والأحرار من الشباب يلي بالمعتقلات وشباب أخوية المعتقلين بمقدمتون هدول كلون بيندرجوا تحت اسم المعارضة... معارضة ديموقراطية حضارية واعية...

بس عتبك يلي عن جد مو عرفان الله وين حاطو ولا قدران يميز المعارضة من المستكلبين على السلطة... ومو قدران يميز الصح من الغلط..

[مسطول على طول]

بس عتبك يلي عن جد مو عرفان الله وين حاطو ولا قدران يميز المعارضة من المستكلبين على السلطة... ومو قدران يميز الصح من الغلط..

أذا رأس الهرم عنا موعرفان شو عم يصير قصص وبلاوي بهل البلد( على ذمة شريحة واسعة من مؤيدين) بقا بدك اتباعو يميزو هيك قصص

[ITALIANOO]

كاتب النص الأصلي : VivaSyria

والله مابعرف شو بدي قلك.. كيف بتقيم أشخاص مثقفين ومحترمين بإنو مابيعرفو الله وين حاططون؟

مثقفي إعلان دمشق وربيع دمشق والأحرار من الشباب يلي بالمعتقلات وشباب أخوية المعتقلين بمقدمتون هدول كلون بيندرجوا تحت اسم المعارضة... معارضة ديموقراطية حضارية واعية...

بس عتبك يلي عن جد مو عرفان الله وين حاطو ولا قدران يميز المعارضة من المستكلبين على السلطة... ومو قدران يميز الصح من الغلط..

اخي انت قلت انو في معاضة وفي مستكلبين على السلطة
والمستكلبين موجودين كمان داخل المعارضة الي على اساس معارضة
لهالسبب انا عم قلك لازم نعرف مين المعارضة ومين المستكلبين
بعدين لازم نخلي المعارضة تنفصل عن المستكلبين لانو اذا كانو عم يتعاطو معون رح يصيرو متلون
بهالحالة نحن عن مشكلة انو المعارضة ما لازم تتعاطى مع المستكلبين من داخل المعارصة نفسها
يعني هيك بنرجع للكلمة الي قلتهاانو ما بيعرفو الله وين حاطون
طبعا اخي انا مع الحرية لجميع المعتقلين وانا معون
بس انا عم احكي عن فكرة المعارضة وعن وضع المعارضة بالبلد
يعني بجوز انت فهمت اني عم سب او ذم المعتقلين بس اخي اذا كنا ديموقراطيين عنجد لازم
نتقبل الاشخاص الي ضد المعارضين كمان ولازم نفرجيهم انو نحن ديمقراطيين عن جد
على فكرة انا ماني مع هدول ولا هدول
انا مع سوريا وبس
وسوووري منك اذا حسيت كلامي فيه شي من الذم او ما بعرف شو فهمتووو

[ITALIANOO]

كاتب النص الأصلي : مسطول على طول

أذا رأس الهرم عنا موعرفان شو عم يصير قصص وبلاوي بهل البلد( على ذمة شريحة واسعة من مؤيدين) بقا بدك اتباعو يميزو هيك قصص

اذا قصدك عليي بكلمة اتباعوووو

انا ماني تابع لحدااااااا

بس للتوضيح

اذا قصدك غير هيك عذرا منك اخي

[مسطول على طول]

كاتب النص الأصلي : ITALIANOO

اذا قصدك عليي بكلمة اتباعوووو

انا ماني تابع لحدااااااا

بس للتوضيح

اذا قصدك غير هيك عذرا منك اخي

الشي الطبيعي انو كون قاصد اتباعو

واللتوضيح برضو المعارضة مالح تقدر تشوفها لانو الضباب عبا الدنية والرؤية صاريرة يادوب... بس بقدر الك انو المعارض بهل البلد هوي ابن البلد يلي كل يوم عم يطالب باصلاحات اقتصادية سياسية اجتماعية ... لما شوف السباق للبيت الأبيض بين ماكين و أوباما وكل منهم عم يطرح برنامجو من ناحية الدعم الصحي، التعليم، بنا تحتية ،جذب رؤوس أموال، استثمارات، سياسة داخلية بشكل عام ،والخارجية ،طبعاً وهدفو الوحيد أرضاء اكبر شريحة من الشعب الامريكي ...

أما عنا والحمدلله هل الشريحة موجودة ومعبية البلد( وهي اغلبة الشعب) بدها التغيير بكل شي بس الخوف والقمع والاستبداد دبحها ..خليني ساكت هون