أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > فن > رسم و تصوير > كاريكاتير

إضافة موضوع جديد  إضافة رد
 
أدوات الموضوع
قديم 03/06/2009   #1
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

Wink قـــضـيتك


تعريف القضـيّه بيجي من تعريف القضاء : " القَضاء: الحُكْم، وأَصله قَضايٌ لأَنه من قَضَيْت، إِلا أَنَّ الياء لما جاءت بعد الأَلف همزت؛ والجمع الأَقْضِيةُ، والقَضِيَّةُ مثله، والجمع القَضايا على فَعالَى وأَصله فَعائل" (( قاموس لسان العرب )) .


و تعريف القضيه بمفهومنا المبسـّط هو تبنـي موقف أو وجهه نـظر قد تكـون خاصه أو عامه تخص موقف أو فكره قد تكون هي ايضا خاصه او عامه . تنشأ على مبدأ نأمن بـه و ندعمه سـواء عن طريق الأقوال أو الافعال أو الأفكار .

كلـّنا عنـّا قضايا نـؤمن بـها و قضايا بندافع عنها و سـواء اعترفنا او لا ففي بداخل كلّ منا قضيه ممـكن تكون ببـساطه الابتسـامه و أو بتعقيد القضيه الفلسطينيه ..

و "قـضيتك" هوّ موضوع بيـسمحلك تـوصـّل قضيتك لعدد كبير من الناس و تشـاركهم فيـها و اللي بدورهم هنـّي ممكن يقتنعوا فيها و تصير جزء من قـضاياهم كما انـو انت ممكن تقتنع بقضايا غيرك و تصـير جزء من قضاياك ..
هوّ موضوع بيـعطيك المـايك الك لتـصير انت ربـان السـفينه و تـقودها تبـعا ً لـقضيتك .. و لـذلك رح يخـتلف تـوجه الموضوع باختلاف الشـخص و اختـلاف قـضيته و لـيس من أحـد شـروط الموضوع تـشابه أو تـراكب القـضايا مع بعضها .. كما انـّو ليس من شروطه عـمق أو كـبر القضايا فمـمكن تـكون القضيه بسـيطه جدّا أو معقده جـدّا و ما واحده بتفرق عن التانيه بالأهميـه ..

كل ربـان (( صـاحب قضـيّه )) رح بيسـتلم الموضوع لمدّه أقصاها اسـبوع و أقصرها 3 أيـام يـقوم من خلال هالفتره بـايجاد كاركتيرات بتدعم قضـيته و رح يـنزلها بـموضوع منفـصل بينزل باسـم عضـويته لـكن بعد ما يقوم بالتنـسيق معي (( من خلال المراسله الخاصه )) ..

و لـذلك اذا بتـحس انـّو انت عـندك قـضيه بـتحب تدعمها من خلال (( قضـيتك )) يا ريت تقوم بمـراسله (( The morning )) يعني أنا - على الخـاص و اعلامها بالتالي :

# 1 . عنوان قضـيتك
#2 . التاريخ اللي بناسبك تبدأ فيه الموضوع

و بعدها تنتظر بعدها رد من The morning لتقوم بالتنسيق معك ..

و اذا كنت من قليلي المروّه و مش حابب تنتتع لـعند الرسائل الخاصه لتقوم باعلامنا عن رغبتك بالمشاركه فيك تسجّل اسمك فقـط هون و نـحنا بنقوم بمراسلتك للاستفسار و التنسيق معك ..
ملاحظه : يا ريت ما يتم ذكر القضايا هون بهالموضوع ..

التسـجيل مفتوح حتـّى تاريخ 20 حـزيران 2009 و الموضوع بيبدا بـ 1 تموز ..

أخيرا يـُرجى من الـقضايا انـها ما تـكون بتهاجم أيّ شخصيه سـياسيه دينيه أو عامه .. كما انـّو يـُرجى أنـها تـحـترم الافكار و القضايا الاخرى و ما تكون بتعاديها و بتهاجمها و هيك قضايا للأسـف ما الها مـكان بهالموضوع ..


The morning

من يومها صار القمر أكبر :)

______

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 17:15 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.07210 seconds with 14 queries