أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر > حصاد المواقع

إضافة موضوع جديد  إضافة رد
 
أدوات الموضوع
قديم 18/12/2009   #1
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي نساء يرفضن الانجاب


نساء يرفضن الانجاب


سلوى زكزك- نساء سوريا




لا أدري أهي صدمة عاطفية أم فكرية تلك التي عصفت بي عند التقائي بها وبعد السؤال عن الحال والأحوال فاجأتها بلكمة شرسة وسألتها "كم ولد عندك..؟" ففاجأتني بلكمة أشد ضراوة "ولا واحد.."

وقبل أن أداري خجلي اعتقاداً أني قلبت أوجاعها الصامتة قامت بتسديد الضربة القاضية "أنا من الأساس أرفض فكرة الإنجاب ومتفقة مع زوجي على هذا، زواجنا لن يكلل بالأولاد كما هو العرف.."، جوابها أدهشني ودفعني لتكرار السؤال على نساء عديدات متزوجات وعازبات.

كان الجواب الأكثر شيوعا والأكثر مدعاة للألم هو أن إنجاب الأولاد أمر غير قابل للنقاش وان الزواج في أساسه مؤسسة للتوالد ولاستمرار الأجيال.

لكن بالمقابل عازبات عديدات بررن لي أنهن لم يتزوجن لرفضهن القاطع للإنجاب، أخريات قلن أنهن لا تحتملن أوامر الرجال ومشاق مسؤولية البيوت والزوج وأهله والقوالب المجتمعية، فكيف ببكاء الأطفال ومخلفاتهم وهمومهم، بينما ذهبت أخريات إلى حد التشنج والمغالاة حين أعلن وبجفاء شديد "الكلبات يلدن في الطرقات فهل لا نكون نساء إذا لم نتوالد..!".

ثمة نساء كثيرات لديهن أبناء، لكنهن عبرن عن أسفهن لأنهن لم يستطعن تأجيل إنجاب الطفل الأول على الأقل، كي تتاح لهن فرصة التعرف والتعود على الزوج والحياة الجديدة..

وأكدت بعضهن وهن الآن مطلقات، أن النساء لو كنّ واعيات أو قادرات على التحكم بقرار الإنجاب في السنة الأولى لوفرنّ العذاب والشقاء والتشرد عن آلاف الأطفال..

أما المتزوجات في أعمار صغيرة فيعترفن بأنهن تعاملن مع أطفالهن الأوائل كدمى حية أضفت على حيواتهن بعض التسلية وبعض الدموع الطفولية.

إذن لم يكن ما صرحت به تلك الصديقة حالة خاصة وعرضية وربما أستطيع الآن فهم سبب رفض الكثير من الأمهات لأبنائهن الأوائل واكتئاب وانتحار أخريات.

لابد من ملاحظة إن قضية الإنجاب تفتح الباب مشرعا أمام البحث في طبيعة الأمومة وضرورة التعامل معها بوصفها وظيفة اجتماعية ومن حق كافة النساء اختيارها أو رفضها مع التشديد على ضرورة احترام قراراتهن مهما كانت وربما من المفيد بمكان عدم ربط نجاح الزواج وديمومته بعملية الإنجاب.

وفي النهاية وإذ أتقدم بالشكر الجزيل للنساء الجريئات اللواتي يرسمن حيواتهن وحياة الآخرين، بشفافية ومسؤولية، بما فيها الحياة المحتملة لأبناء قررن أن لا ينجبهن لأسباب مختلفة، رغم مواجهتهن للرفض والسخرية والتخوين.

اسمحوا لي أن أقول خير البشر من يولد الكثير من الأسئلة والدهشة مهما كانت صادمة.

طائر واحد يكفي لكي لا تسقط السماء
فرج بيرقدار
  رد مع اقتباس
قديم 18/12/2009   #2
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


الحقيقة انو انتبهت لمسألة بالفترة الاخيرة.. انو المرأة لما بتتزوج وبتجيب طفل.. بتصير تصنف نفسها على انها أم..
وما بتفرق بين انو الام هيي احد صفاتها او احد وظائفها.. وبين انو هيي ام بالمطلق..
واحيانا بحس انو المرأة ما بتحس حالها ام مثالية الا اذا اهملت حالها جمالها ودراساتها وهواياتها ومشويرها..

وما بعرف اذا كانت النساء اللي بيرفضو الانجاب .. هنن رافضين الفكرة خوفا من الفشل بعملهون كأمهات ..
ولا خوفا من ترك حياتهون الحالية والفرص اللي قدامهون..
ولا بس مشان ما يتكرس شغلون بالحياة على انو هوي "ام""؟؟؟
وهل معقول ما بيحسو أبدا انو هنن بحاجة لطفل بحياتهون..؟؟


وهل الموضوع بيختلف كتير اذا كان حكينا عن الرجل؟؟؟؟


  رد مع اقتباس
قديم 18/12/2009   #3
صبيّة و ست الصبايا وردة حماة
عضو
-- قبضاي --
 
الصورة الرمزية لـ وردة حماة
وردة حماة is offline
 
نورنا ب:
Feb 2009
المطرح:
كل يوم بمطرح
مشاركات:
555

افتراضي


اقتباس:
نا من الأساس أرفض فكرة الإنجاب ومتفقة مع زوجي على هذا، زواجنا لن يكلل بالأولاد كما هو العرف.

انا اول مرة بعمري بسمع بهالحكي بالمجتمع العربي
على كل كل واحد عندو رأيو وقناعاتو الخاصة


اقتباس:

ثمة نساء كثيرات لديهن أبناء، لكنهن عبرن عن أسفهن لأنهن لم يستطعن تأجيل إنجاب الطفل الأول على الأقل، كي تتاح لهن فرصة التعرف والتعود على الزوج والحياة الجديدة..

وأكدت بعضهن وهن الآن مطلقات، أن النساء لو كنّ واعيات أو قادرات على التحكم بقرار الإنجاب في السنة الأولى لوفرنّ العذاب والشقاء والتشرد عن آلاف الأطفال..
هالكلام صحيح عن جد
وفي كتير نساء متحملين ازواجن وعيشة الجحيم على قولتن بس مشان الولاد
الله يعين الجميع
بس المشكلة هون هوة بالمجتمع العربي
بس تتجوز الوحدة بعد شهر بتلاقي كل الناس صارت تسألا شو ما خبيتي شي ما حبلتي وبتصير الوحدة بس بدا تحبل مشان تسد حلقن للناس
واذا تأخرت بالحمل كم شهر ولا سنة ببلشو يحكو عليها السبب منها ولا من جوزها
على كل هاد هو الواقع وبدو فت خبز كتير ليتغير....


ا
اقتباس:
لحقيقة انو انتبهت لمسألة بالفترة الاخيرة.. انو المرأة لما بتتزوج وبتجيب طفل.. بتصير تصنف نفسها على انها أم..
وما بتفرق بين انو الام هيي احد صفاتها او احد وظائفها.. وبين انو هيي ام بالمطلق..
واحيانا بحس انو المرأة ما بتحس حالها ام مثالية الا اذا اهملت حالها جمالها ودراساتها وهواياتها ومشويرها..
اعذريني حبيبتي ناي اذا اختلفت معك بهالنقطة
بس انا ام لولدين والتالت عالطريق والفرق بين ولادي قليل
وعند الأمومة هي بالشعور انك ام بالاهتمام بالاطفال بس لما تدخلي هالمجال لازم يكون عندك اولويات
يعني مو تخلي الولاد يحرموكي من الشغلات اللي كنتي تساوين من قبل انتي وجوزك سفرات ومشاوير واهتمام الوحدة بنفسها
والله الوحدة اذا دفنت حالها بالدنيا مشان الولاد بتكبر عشر سنين لقدام وبتلاقي العمر عبيمشي وفجأة بتختير
وبتصير تتحسر على أيامها الخالية
على كل كل شي على حسب الام وشطارتا بترتيب حياتا وأولوياتا...

يسلمو عاللفتة

" لا يمنعك صغر شأن الإنسان من اجتناب ما رأيت من رأيه صوابا,
والإصغاء لما رأيت من أخلاقه كريما,
فإن اللؤلؤة لا تهان لهوان غائصها الذي استخرجها".
  رد مع اقتباس
قديم 20/12/2009   #4
شب و شيخ الشباب mhsen77
عضو
-- زعيـــــــم --
 
الصورة الرمزية لـ mhsen77
mhsen77 is offline
 
نورنا ب:
Nov 2008
المطرح:
بين البيت و الشغل ما عم افضى لشي تاني
مشاركات:
1,497

إرسال خطاب MSN إلى mhsen77 إرسال خطاب Yahoo إلى mhsen77
افتراضي


الانسان الفاشل بيلوم كل الدنيا ولا بيقول عن حالو انو غلطان


فشل بعض النساء في الزواج او خلينا نقول سوء اختيارهن لشريك العمر ما بيقلل من كون الامومة ارقى و انبل وظيفة و مهمة للمرأة و فشلها بهالمهمة بيخليها انسانة فاشلة مهما حققت من نجاحات باي مجال تاني


هاد رأيي انا
  رد مع اقتباس
قديم 20/12/2009   #5
شب و شيخ الشباب قرصان الأدرياتيك
عضو
-- زعيـــــــم --
 
الصورة الرمزية لـ قرصان الأدرياتيك
قرصان الأدرياتيك is offline
 
نورنا ب:
Jan 2008
مشاركات:
1,446

افتراضي


اقتباس:
كاتب النص الأصلي : Nay عرض المشاركة
وهل الموضوع بيختلف كتير اذا كان حكينا عن الرجل؟؟؟؟
أنا انتقيت هالسؤال فقط كونه بيمسني كرجل... وبتمنى من فتيات الأخويّة الجميلات (طبعاً الكل) الإجابة عن بقيّة الأسئلة الأنثويّة، والمشاركة، لأن الموضوع هام وخاصّة أنّو يتطرّق للركن الأساسي الثاني في "الزواج"، أعني "إنجاب البنين"!

بالنسبة للسؤال، فبالطبع بيختلف وكتير، لأنّه "الأمومة" غير "الأبوّة" على كافّة الأصعدة، وخاصّة على الصّعيد "البيولوجي" اللي بيجمع الأم بمولودها لفترة الحمل والرضاعة... إلخ! وعلى الصعيد "النفسي" بسبب هالارتباط الحميم بين شخصين (بتمنى ساندرا تحكينا عن هالنقطة).

"الأبوّة" برغم أهميتها، إلا أنها شبه منفصلة عن "الولد"، فالطفل بحاجة ماسّة بالسّنين الأولى للأم، بينما حاجته للأب هي أقل بكتير... مع النموّ يبدأ دور الأب بأمور كتيرة، حتى يصير مثال أعلى للطفل...

بالنسبة ألي "الأبوّة" من أروع الصّفات اللي ممكن يتحلى فيها "الرجل" لأنها بتجعل منه طفل جديد، فيحاول قدر إمكاناته أنّو يلعب هالدور ليرافق طفله في مراحل النموّ. بالإضافة إلى الشّعور الفريد بـ"الثمرة" ثمرة الحب بينه وبين شريكة حياته وشريكة جسده وروحه... بيشوف بطفله ثمرة الحب والشّراكة التي تكرّست بالزواج... وأحلى الأعمال هي اللي بتنتج ثمار...

أمر آخر بحبّه بـ"الأبوّة" وهوّ الاهتمام والعطاء والتضحية في سبيل إنسان آخر، وهالشي بيعلّم الرّجل معنى "العلاقة" بين إنسان وآخر، ومعنى الروابط الصحيحة اللي بتجمع البشريّة بعضا ببعض!

آخر شي بحب ضيفه، أنّو واجب علي كـ "أب" أنّو أشترك مع "الزوجة" بالتعب، تعب التربية... يعني تبادل الأدوار بفيقة الليل، وتنظيف الطفل، وملاحقة ساعات الطعام... إلخ! طبعاً ضمن الحدود الممكنة المرافقة لعمل كل من الوالدين.

أحلى صفة بالرجل هي "الأبوّة" .

ولا بس أنتو مفكرين حالكن عندكن صفة "الأمومة"؟ .

Mors ultima ratio
.
www.tuesillevir.blogspot.com
  رد مع اقتباس
قديم 20/12/2009   #6
شب و شيخ الشباب قرصان الأدرياتيك
عضو
-- زعيـــــــم --
 
الصورة الرمزية لـ قرصان الأدرياتيك
قرصان الأدرياتيك is offline
 
نورنا ب:
Jan 2008
مشاركات:
1,446

افتراضي


أنا آسف إذا خرجت عن محور "السؤال"...
  رد مع اقتباس
قديم 20/12/2009   #7
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


لا بالعكس.. حلو كتير حكيك.. وواضح انو جاي على بالك بالقريب تكون أب..
انا بشوف انو نظرتك للموضوع غاية في الجمال والرقة.. هي الرقة اللي اذا تمتع فيها الرجل بتضيف لشخصيتو أبعاد مهمة كتير..
هوي سؤالي انو هل كمان الرجل لما بيتهرب من الانجاب بيكون عندو خوف من الفشل تجاه اولادو .. ولا عدم اهتمامو بالانجاب هوي سبب أصيل بحد ذاتو ومانو نتيجة لمخاوف أخرى..
  رد مع اقتباس
قديم 20/12/2009   #8
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اقتباس:
وهل الموضوع بيختلف كتير اذا كان حكينا عن الرجل؟؟؟؟

بالزمانات كنت عم اتناقش انا و عمي عن انو شغلة الانجاب قللي عمو لشو الانجاب انا كتير من احلامي ما قدرت حققها لانو عندي ولاد

و بعدين اذا البشر وقفو انجاب شغلة سنتين بيخف عددنا للنص بعدين منضل نتناقص لننقرض بشكل خفيف نضيف

و هيك بعم السلام هالكوكب

بصراحة حكيو في وجهة نظر و هاد راي من الانجاب

برايي اذا الواحد فقير و ما معو ياكل فلشو يتجوز يعني متل مو صاير عنا بسوريا منلاقي الشب ما بيصدق عا الله يخلص جيش يجمعلو ميتين الف ينفض فيهن غرفة حد بيتو و يجيب هالدهبات و يروح يخطب و بعد بكم شهر يتجوز طيب يا اخي فهمنا انو مقفعة الحكاية معك

طيب تجوز بس ما تجيب ولاد و تبليهن بالعيشة المعترة اذا انت يا دوب عم تطلع حق اكلاتك و اكلات مرتك كمان بدك ولاد

الواحد يا انو يبني نفسو بحيث يكون قادر على تأمين حياة كريمة و في يامن فيها كل متطلبات مرتو و ولادو شو ما طلبو

يا انو يعمل متل ما عمل

ابو العلاء المعري يموت و يكتب عا قبرو:
هذا ماجناه أبى علىَّ وما جنيت على أحد

الزواج مو وسيلة لزيادة العدد

الزواج وسيلة تحاب ما بين ذكر و انثى و علاقة عمر بيناتهن و لو انو الموضوع ما الو علاقة بنقاشنا

بالنسبة لالي كذكر قلت رايي بالنسبة للانجاب اما بالابوة

فاجمل شي بالدنية وقت جنبك مين يلجألك هون الرجال بيشعر برجولتو بلجوء مرتو و لادو الو

ما في احلى من انك تشوف كرابيج صغار راكضين عا حضنك انت و امن اللي عم تحتمى هي و ولادها فيك هون بتحس برجولتك و بحنانك

بس يعني هاد من ناحية عاطفية بس

بينما الناحية العملية خيو ان كنت خرج و بتقدر تلبيلون البدن ياه الله محييك

بينما اذا مو خرج فبلاها للشغلة بنوب


نحن ننتظر الضياء و لكننا نرى الظلام

---------------------------------------------------------------

ذو العينين البراقتين ......... الذي يقرر المصائر .............


DaRkNeSs LoRd

Lord Of DarkneSs

Lord Of The Sweet Sadness
  رد مع اقتباس
قديم 20/12/2009   #9
صبيّة و ست الصبايا whiterose
عضو
-- مستشــــــــــار --
 
الصورة الرمزية لـ whiterose
whiterose is offline
 
نورنا ب:
Aug 2005
مشاركات:
4,570

افتراضي


الزواج مؤسسة تكاملية وأن صح التعبير أو كان أكثر وضوح منقول هو عبارة عن اشباع عدة رغبات بالانسان

وبالنسبة لما قيل أنه عن توقف الانجاب سنة ريثما نتعرف اكثر على الزوج فهذا كلام غير منطقي
فنحن في عصر منفتح ووضوح وباتت اكثر حالات الزواج تكون عن معرفة سابقة وان لم يكن ذلك
فهناك فترة الخطوبة

طبعا الحالات هي غير كافيه لمعرفه طبع انسان

اما بالنسبة لموضوع الاولاد هو غريزي عند المرأة وكتار نساء بيتزوجوا حلماً بالأمومة

مابتخيل بيت في اتنين بحبو بعض مايحلمو بطفل يملي عليهم البيت ضحك وحب والفة وتقرب اكتر
بعدين حلو الواحد يشوف ثمرة الحب أو يحس انو هالطفل شي منو ومن الشخص يلي بحبه

رأيي كأمرأة مستحيل اتنازل عن الانجاب لتحقيق احلام واهداف مادية
او اتنازل عنو لاسباب آخرى
الامومة حلم بحياتي وان شالله بيتحقق

الأحلام والطموح مو لازم يكونوا دايما محصورين بالمال والعلم والسفر هالاشياء هي مع تقدم العمر بتزول قيمتها

أنا برأي الأكثر بقائاً وتطوراً بالأنسان ومستحيل يتنازل عنو الانسان هي القلب
والحب المتبادل بين العائلات ككل خلي احلامنا بمحور قلبنا طبعا ومانتجاهل العقل والمنطق

لا تـــحــــزن لأن الحزن يزعجك من الماضي
ويخوفك من المستقبل ويذهب عليك يومك
لا تحزن لان الحزن يقبض له القلب
ويعبس له الوجه وتنطفي منه الروح
ويتلاشى معه الأمل لان الحزن يسرُّ العدو
ويغيظ الصديق ويُشمت بك الحاسد
ويغيِّر عليك الحقائق
سعود الشريم
  رد مع اقتباس
قديم 20/12/2009   #10
صبيّة و ست الصبايا sandra
مشرف
 
الصورة الرمزية لـ sandra
sandra is offline
 
نورنا ب:
Dec 2007
مشاركات:
3,859

افتراضي



موضوع الرغبة بالإنجاب شخصي بحت وما بعتقد ضروري كل الناس يكون غايتا بالحياة هو الانجاب

أنا ما بزعل إذا سمعت في ناس بترفض الانجاب وما كتير بحسو موضوع خطير
لا بل بشوفو أحسن من الإنجاب كواجب مع عدم رغبة فيه وبالتالي بيأثر سلباً عليهم كأهل وعلى تربية الطفل وبتصير الأمور شوربة



// وأنّ حضورك في دمي مسكُ الختام //
  رد مع اقتباس
قديم 20/12/2009   #11
صبيّة و ست الصبايا أم الجود
عضو
-- زعيـــــــم --
 
الصورة الرمزية لـ أم الجود
أم الجود is offline
 
نورنا ب:
Dec 2008
المطرح:
من فسط برج إيفل
مشاركات:
1,478

افتراضي


حلو هالموضوع ...
الأمومة أسمى و أعمق شعور ممكن تعيشو أنثى : يعني الحمل و الولادة و الإرضاع و العناية بالمولود و تربيتو برأيي هي مجموعة من الخبرات اللي بتنضّج المرأة و بتعطي بعد إنساني رائع لأنوثتا ... بس جزء كبير من هالبعد بينفقد لما بتكون المرأة مو راغبة ضمنياً بالإنجاب أو حتى مو جاهزة نفسياً الو (مثلاً بحالات الزواج المبكر) ، و بتلجألو نزولاً عند إلحاح محيطا و تجنباً لكلامون و نظراتون المحرجة .. اللي بيصير غالباً بهالحالة انو المرأة بتعيش أمومتا بشكل سلبي و بتضل -ولو لاشعورياً- تحس بولادا و كأنن عبء عليها و وجودون حرما من حياة أخرى مختلفة كان ع بالا تعيشا ... لهيك أنا بشوف أنو ما تنجب المرأة غير لما تحس إنا رايدة هالشي من كل قلبا .. و هالستات اللي قلتي عليون ناي -أنا من وجهة نظري- مانن غلطانات ، و شجاعة منن ياخدوا هيك موقف و يواجهوا الانتقادات ، بيضل هالشي أفضل من انن يجيبوا ولاد و يزتوا بهالشوارع أو في أحسن الأحوال لتربية الخادمات ...

اقتباس:
كاتب النص الأصلي : whiterose عرض المشاركة
وبالنسبة لما قيل أنه عن توقف الانجاب سنة ريثما نتعرف اكثر على الزوج فهذا كلام غير منطقي
فنحن في عصر منفتح ووضوح وباتت اكثر حالات الزواج تكون عن معرفة سابقة وان لم يكن ذلك
فهناك فترة الخطوبة
حتى في حالات المعرفة السابقة للزوج .. أنا بشوف انو التمهّل بالإنجاب لسنة على الأقل خطوة صائبة .. لأنو الحياة الزوجية بتختلف كتير عن مرحلة التعارف و الخطوبة ، و في كتير مشاكل ما بيتم إكتشافها إلا بعد الزواج ، و حتى لو ما كان في نيّة بالانفصال مع ظهور هيك مشاكل ، بس بالقليلة خلال هالسنة بيتأقلموا الزوجين على طباع بعضون و مع حياتون الجديدة و بيخلقوا آلية لحل الخلافات بعيداً عن هم المصاريف اللي زادت و الواع و الويع بنصاص الليالي و ما إلى ذلك ...

و بحب الناس الرايقة اللي بتضحك على طـول D:
أما العالم المتضايقة .. أنا لأه ما ليش في دول

آخر تعديل أم الجود يوم 20/12/2009 في 17:38.
  رد مع اقتباس
قديم 20/12/2009   #12
صبيّة و ست الصبايا وردة حماة
عضو
-- قبضاي --
 
الصورة الرمزية لـ وردة حماة
وردة حماة is offline
 
نورنا ب:
Feb 2009
المطرح:
كل يوم بمطرح
مشاركات:
555

افتراضي


اقتباس:
فاجمل شي بالدنية وقت جنبك مين يلجألك هون الرجال بيشعر برجولتو بلجوء مرتو و لادو الو

ما في احلى من انك تشوف كرابيج صغار راكضين عا حضنك انت و امن اللي عم تحتمى هي و ولادها فيك هون بتحس برجولتك و بحنانك

بس يعني هاد من ناحية عاطفية بس

بينما الناحية العملية خيو ان كنت خرج و بتقدر تلبيلون البدن ياه الله محييك

بينما اذا مو خرج فبلاها للشغلة بنوب



بصراحة كلامك عجبني كتييير كتيير
وبحييك عالعاطفة الحلوة اللي فيك
  رد مع اقتباس
قديم 20/12/2009   #13
صبيّة و ست الصبايا وردة حماة
عضو
-- قبضاي --
 
الصورة الرمزية لـ وردة حماة
وردة حماة is offline
 
نورنا ب:
Feb 2009
المطرح:
كل يوم بمطرح
مشاركات:
555

افتراضي


اقتباس:
. لهيك أنا بشوف أنو ما تنجب المرأة غير لما تحس إنا رايدة هالشي من كل قلبا

نقطة مهمة كتير كتير
ياما في نسوان بتحس بولادا و كأنن عبء عليها و وجودون حرما من حياة أخرى مختلفة كان ع بالا تعيشا متل ما حكيتي...
وانا كأنثى وفتاة بحس انو اعظم شي عملتو بحياتي اني جبت قمرين عالدنيا وما بظن انو انوثتي كانت راح تكتمل بدون هالأمومة كنت
على طول راح حس شي ناقصني
والست المستعدة تدخل عالم الأمومة بتستمتع بكل لحظة عبتأدي فيا واجبا كأم... متلي
الحمد لله على هالنعمة العظيمة..
  رد مع اقتباس
قديم 20/12/2009   #14
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


اقتباس:
كاتب النص الأصلي : Nay عرض المشاركة
هوي سؤالي انو هل كمان الرجل لما بيتهرب من الانجاب بيكون عندو خوف من الفشل تجاه اولادو .. ولا عدم اهتمامو بالانجاب هوي سبب أصيل بحد ذاتو ومانو نتيجة لمخاوف أخرى..
مارح ضيف شي جديد ...متل ماحكو الشباب فوق ...

القرار بيرجع لعقلية وقناعة الشخص الفرديّة ....

متل ما في كتير اشخاص مابتحب بعض العادات السخيفة لحفلات للزفاف " متل حضرتنا " واللي أصّريت على موفقي في ذلك اليوم ..انو تكون الحفلة عائلية صغيرة و بمظاهر عاديّة ....بعتبر حفلات الاعراس اللي بتصير ..سخيفة و مالها طعمة ...وفي عالم بتقلّك ..اي هي ليلة بالعمر ...ازا مافرحت هلاء و مافرحت زوجتي بحفلة زفافها ..ايمتى بدنا نفرح ....
في كتير بشر بتفكّر انو انا مابدّي ولاد هلاء ...بعد سنتين تلاتة ..هلاء الوضع المادي مثلاً مو مستحمل ...أو أنا بكتفي بولد واحد ....بيكفّيني ..وخليني ربيه و اعطيه كل الرعاية و الاهتمام , أحسن ماجيب اربع ولاد و ما أعرف كيف ربيّون ..
وفي بشر بيقلك لا خيو ...مافي أحلا من الولاد ...بدي جيب خمسة ستّة ..بكرة بيكبرو و بشيلو بعضون و بيشلوني بشيبتي ...
في خلق بتقلك ..حبيبي انا مابحب الولاد و صرعتون و مسؤوليتون ...خلينا هيك مروّقين و مبسوطين ..مافي احلى من الهدوء و الفرفشة ....مابدّي ولاد طاول ...

كل فكرة و الها محاسنها و مساؤها ...حسب كل واحد و موازنتو للامور ....
يعني بقول انو كل هالبشر على حقّ ...و حجّتون مقنعة ...والحق معو طالما هو صاحب القرار ...

أنا من ناحيتي ....ولدين و....شبعت ...دايمة...شكراً كتير لـ الله ....

اللي بيتو من قزاز .....يبيعو فوراً ...أريحلو

.........

غيبة السبع ...خلّت للندل هيبة

.....

يعني ان لم تكن زئباً....ضروري تكون خروف..!!!!
  رد مع اقتباس
قديم 20/12/2009   #15
صبيّة و ست الصبايا وردة حماة
عضو
-- قبضاي --
 
الصورة الرمزية لـ وردة حماة
وردة حماة is offline
 
نورنا ب:
Feb 2009
المطرح:
كل يوم بمطرح
مشاركات:
555

افتراضي


اقتباس:
أنا من ناحيتي ....ولدين و....شبعت ...دايمة...شكراً كتير لـ الله ....
غريبة مع انو معظم الرجال الشرقيين بحبو كترة الولاد
الله يخليلك اياهن هنن وامن
  رد مع اقتباس
قديم 21/12/2009   #16
شب و شيخ الشباب ayhamm26
عضو
-- زعيـــــــم --
 
الصورة الرمزية لـ ayhamm26
ayhamm26 is offline
 
نورنا ب:
Oct 2007
مشاركات:
1,200

افتراضي


اقتباس:
كاتب النص الأصلي : ابو نجبو عرض المشاركة
أنا من ناحيتي ....ولدين و....شبعت ...دايمة...شكراً كتير لـ الله ....
يا سيدي اذا انت شبعت من اتنين انا من اول واحد صابتني تخمة كمان وماني مفكر تني بنوب بنوب

انا حياتي انقلبت 180 درجة من لما جبت ولد, رغم انو كنت حب الصغار كتير و كانت فكرة اني كون أب تستهويني كتيييير بس للاسف الواقع غير الاحلام, كتير شغلات بتتغير عند مجئ ولي العهد .........العلاقة بين الزوجين..... درجة الحرية اللي كنت تحس فيها قبل ما تصير أب........ نظرتك لنفسك و نظرتك لزوجتك ........

تربية ولد وخاصة بالغربة شي صعب..... كتير صعب ....
  رد مع اقتباس
قديم 21/12/2009   #17
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


اقتباس:
كاتب النص الأصلي : ayhamm26 عرض المشاركة
يا سيدي اذا انت شبعت من اتنين انا من اول واحد صابتني تخمة كمان وماني مفكر تني بنوب بنوب

انا حياتي انقلبت 180 درجة من لما جبت ولد, رغم انو كنت حب الصغار كتير و كانت فكرة اني كون أب تستهويني كتيييير بس للاسف الواقع غير الاحلام, كتير شغلات بتتغير عند مجئ ولي العهد .........العلاقة بين الزوجين..... درجة الحرية اللي كنت تحس فيها قبل ما تصير أب........ نظرتك لنفسك و نظرتك لزوجتك ........

تربية ولد وخاصة بالغربة شي صعب..... كتير صعب ....
تماما .. وانا معك.. انا بشوف انو ولد واحد قليل وتنين كتييييييير..
  رد مع اقتباس
قديم 21/12/2009   #18
شب و شيخ الشباب حلبي
عضو
-- مستشــــــــــار --
 
الصورة الرمزية لـ حلبي
حلبي is offline
 
نورنا ب:
Jan 2008
المطرح:
هوووون
مشاركات:
1,985

افتراضي


اقتباس:
كاتب النص الأصلي : ayhamm26 عرض المشاركة
يا سيدي اذا انت شبعت من اتنين انا من اول واحد صابتني تخمة كمان وماني مفكر تني بنوب بنوب

انا حياتي انقلبت 180 درجة من لما جبت ولد, رغم انو كنت حب الصغار كتير و كانت فكرة اني كون أب تستهويني كتيييير بس للاسف الواقع غير الاحلام, كتير شغلات بتتغير عند مجئ ولي العهد .........العلاقة بين الزوجين..... درجة الحرية اللي كنت تحس فيها قبل ما تصير أب........ نظرتك لنفسك و نظرتك لزوجتك ........

تربية ولد وخاصة بالغربة شي صعب..... كتير صعب ....
أنا هيك متلك كنت لما أجى أبني الأول قلت بس بكفي و هاد هوي الي بدي ياه و بقيت على هذا التفكير لمدة خمس أو ست سنين و بعد هل المدة أكتشفت أني مخطئ لأني أعطيت كل ما أملك من الحب و الحنان الى الطفل الأول و هذا له سلبيات لا أتمناها لأحد
أصبح الطفل أناني و يجب أن يكون محط أنظار بشكل دائم و أناني و جشع و بخيل و لا يفكر ألا بما هو ممتع
لذا قررنا أنجاب الطفل الثاني و كان له أثار سلبية على أخيه و الغيرة دبت به و لقد عانيت ما عانيت من التوافق و التوازن بين الأثنين و أنا حريص كل الحرص على أن لا أميز بين الأولاد و هذه العادة المتوارثة بين الأباء في التمييز بين الأولاد لها سلبيات مستقبلية وخيمة

المهم وجود أخ أو أخت من أهم الحلول في كبح أنانية الطفل لكي يتعلم كيف يتقبل الأخر في المستقبل

لا أدري ما هي ظروفك لكن أختلف معك في أن تربية الأولاد في الغرب أصعب من بلادنا

يكفي أن التلميذ في الصف الأول يستطيع القراءة و أذكر أن في سوريا يبدء التلميذ في الصف الثالث من بداية القراءة و هذا يعني أن برنامج التدريس في الغرب أفضل من عندنا و هذا يخفف علينا أعباء كثيرة أضافة الى أشياء لا تعد و لا تحصى

{ إن في خلق السموات والأرض واختلاف الليل والنهار لآيات لأولي الألباب }
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 00:45 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.14625 seconds with 12 queries