يا أيها الذينَ آمنوا كَم أنتم كَفرة !.

[اللامنتمي]

أينَ أبجدية َ الحَياة في منطقتنا العربية ؟!.

القمح الذي تصنعونَ منه رغيفكم تستوردنه من مزارع ِ الكافر

اللباس الذي يستركم حاكهُ وَ نسجهُ الكافر

الكبسولات التي تخفض نسبة الكوليسترول في دمكم صنعها الكافر

السجادة وَ البوصلة التي تشير إلى القبلة صنعها الكافر

الميكروفون الذي يكبر صوتكم وَ انتم تشتمونَ الكافر صنعه الكافر

السلاح الذي تحتفلونَ أحياناً بـِ الإنتصارات النادرة صنعه الكافر

الراية التي ترفرف و أنتم تحتفلون بأعياد الأستقلال حكتموها بـِ ماكينة الكافر ومن قماش الكافر

فيا أيها الذينَ آمنوا كَم أنتم كَفرة !.


.


.

[Abu ToNi]

الميكروفون الذي يكبر صوتكم وَ انتم تشتمونَ الكافر صنعه الكافر

مع انه الجملة هي كتير معبرة حسيتها وحاطة ايدها على الوجع لكن من مقارقات المذهب التكفيري اللي بكفر جميع الفرق والأديان الا نفسه انه ما بيقدر يعيش حياته الا في اطار الكفر .

بذكر اني بمرة من المرات كنت عبقرا حلقة بحث ما عبذكر حتى شو كان مضمونه لكن بذكر السياق اللي قدم تحته البحث كان قبل اسم كل عالم يذكر كلمة " الكافر " وكان كافر لقب كتير اعتيادي يمكن منحه لأي انسان لا ينتمي للمذهب اللي الكاتب ينتمي اله .

احترام الآخر والاعتراف فيه تعتبر من البديهيات ولكن بنفس الوقت صعب كتير تطبيقها فبفضل اني اطلق عليها لقب " السهل الممتنع "

[بنفسجة]

فعلا ما نرى ونسمع عن هؤلاء مقرف
من يومين شاهدت برنامجا عن دعاء ائمة المساجد على ما يسمونهم كفار
وباعلى الصوت يدعون عليهم بطريقة تدعو للقرف
من اين لكم الحق في تكفيرنا وانت بشر مثلنا
بس عنجد يلي استحو ماتو

[whiterose]

كاتب النص الأصلي : gabriel

بذكر اني بمرة من المرات كنت عبقرا حلقة بحث ما عبذكر حتى شو كان مضمونه لكن بذكر السياق اللي قدم تحته البحث كان قبل اسم كل عالم يذكر كلمة " الكافر " وكان كافر لقب كتير اعتيادي يمكن منحه لأي انسان لا ينتمي للمذهب اللي الكاتب ينتمي اله .

وزميلك يلي عامل حلقة البحث قدمها لأستاذ الجامعة
وما قله شي الأستاذ على كلمة الكافر؟؟
شو دراسة زميلك لخمن عن شو حلقة البحث؟

[بنفسجة]

كاتب النص الأصلي : whiterose

ولم يدعي شيخ قط على كافر انا بالنسبة الي لم اسمع سوى الدعوات لهزيمة العدو في العراق وفلسطين وباقي الشعوب المحتلة المختصبة

وفي حديث للرسول العظيم محمد بقول بما معناه ممنوع الدعاء على اي انسان بالشر

ويلي بدو يخالف ماقاله الله او رسوله فهو مع نفسه..

البرنامج يلي شفتو وسمعت فيه دعوات مشايخ الجوامع كانت هي الدعوات موجهه نحو الكفار وخاصة النصارى واليهود على حد تعبيرهم
واشتغل الدعاء بقتل الرجال وزلزلة الارض وتيتيم الاطفال وترميل النساء
وهيدا كلو على خلاف ما دعا اليه رسول المسلمين كما وضح البرنامج

[FORGOTTEN]

ويل لأمة تنصرف عن الدين إلى المذهب..و عن الحقل إلى الزقاق..و عن الحكمة إلى المنطق..
ويل لأمة تلبس مما لا تنسج..و تأكل مما لا تزرع..و تشرب مما لا تعصر..
ويل لأمة مغلوبة تحسب الزركشة كمالا ..و القبح فيها جمالا...


كاتب الإنسانية: جبران خليل جبران



______________________________لا تعليق______________________

[Abu ToNi]

ويلي بدو يخالف ماقاله الله او رسوله فهو مع نفسه..

انه ما بعرف ليش مصرة تناقشي جوهر الدين عبيحكي الرجل على ظاهرة التكفير وحكاها بشكل واضح وصريح بدعة التكفير وتطبيقها يعني لا قرب على ماهية الكفار وهل يجوز شرعا الاساءئة اليهم او قطع العلاقات معهم .

المفارقة انه الشخص الي يتم تكفيره يتم الجوء اليه بتفس الوقت يعني بيشتري منه المايكرفون حتى يستعمله بتكفيره وهاد هوي الموضوع .

لكن انا متل ما قلت لك صاير معي حساسية من تمرير الحشكيل على الهامش والمعلومات المدري من وين الواحد بيحكشها .
خيتو بكل بساطة انا هلق قاعد بكافيه انترنت لو قلت بالحرف الواحد " يا جماعة انا كافر " واجا واحد شال "سيف " وقطع راسي فيه هاد بكون عبيعمل بناء على بنات افكاره ولا بأمر من الله والرسول ؟!
بيلزمك اجيب لك الآيات اللي بتقول هاد الشي ؟! من المفروض انك حفظانتيهم .

برجع بقول اسلوب تمرير الحشكيل والمعلومات المدري من فين واحد جايبها والمعاكسة تماما للواقع بطلوا يا جماعة لأن اللي بدق الباب حيسمع الجواب .

[Abu ToNi]

كاتب النص الأصلي : whiterose

وزميلك يلي عامل حلقة البحث قدمها لأستاذ الجامعة
وما قله شي الأستاذ على كلمة الكافر؟؟
شو دراسة زميلك لخمن عن شو حلقة البحث؟

مانه زميل الي كنت عببحبس بالأنترنت على فكرة هندسية حتى اني ما عبتذكرها وما عبتذكر شو كانت بس علق بمخي اسلوب الطرح والتكفير .

[whiterose]

فعلا ما نرى ونسمع عن هؤلاء مقرف
من يومين شاهدت برنامجا عن دعاء ائمة المساجد على ما يسمونهم كفار
وباعلى الصوت يدعون عليهم بطريقة تدعو للقرف
من اين لكم الحق في تكفيرنا وانت بشر مثلنا
بس عنجد يلي استحو ماتوا

مع احترامي لك بنفسجة وليكون نقاشنا اختلاف اراء لا مشاعر

هل انتي كافرة؟؟يعني ها الدعوة بتخصك حسيتيها رغم اني كتير بكره ها الكلمة مع انه معناها باللغة العربية بسيط جدا وهو عبارة عن عدم تصديقي لأي شيء معين مو شرط بس الدين

ممكن الشيخ خص بدعائه اعداء الدين بشكل عام مو بس الدين الأسلامي
وإلا كان قال مثلا عن المسيحيين واليهود

واسمعي معلش خطبة الجمعة من الحرم رح تسمعي الشيخ عم يقول
اعداء الدين ومن اراد الدين بسوء
ممكن كتير تلاقي انسان مسلم عدو لدينه ورايد سوء لدينه مو شرط بس الكفار
تقبلي تحياتي

[اللامنتمي]

كاتب النص الأصلي : gabriel

مع انه الجملة هي كتير معبرة حسيتها وحاطة ايدها على الوجع لكن من مقارقات المذهب التكفيري اللي بكفر جميع الفرق والأديان الا نفسه انه ما بيقدر يعيش حياته الا في اطار الكفر .

بذكر اني بمرة من المرات كنت عبقرا حلقة بحث ما عبذكر حتى شو كان مضمونه لكن بذكر السياق اللي قدم تحته البحث كان قبل اسم كل عالم يذكر كلمة " الكافر " وكان كافر لقب كتير اعتيادي يمكن منحه لأي انسان لا ينتمي للمذهب اللي الكاتب ينتمي اله .

احترام الآخر والاعتراف فيه تعتبر من البديهيات ولكن بنفس الوقت صعب كتير تطبيقها فبفضل اني اطلق عليها لقب " السهل الممتنع "

يا صديقي كان بيتي جنب جامع بحلب


بشرفي شيخ الجامع بيدعي دعاء بزلزل الأرض على الكفار


لك من قد ما يدعي أن صرت أخاف ما نتشئ الأرض و تبلعني


يعني شو هالمنطق الأعوج إذا " ثوبه الأبيض " من صنع الكافر


بعدين هالقنوات الفضائية الملغومة ما عبتشوفها


وين التسامح ونازلين تلطيش حكي !.


و أهلين فيك يا صديقي الإنسان

[BL@CK]

يا جماعة قبل ما تفوتونا بدوامة التكفير ..

الموضوع عم يحكي عن الشيء المقيت اللي أسمو تكفير . مش معناه هالشي حدا ينط و يقول للتاني "إنت كافر"..

الحملات الجهادية التكفيريّة مطرحا مش عنا .. وجب التنويه

[sandra]

كاتب النص الأصلي : whiterose

مع احترامي لك بنفسجة وليكون نقاشنا اختلاف اراء لا مشاعر

هل انتي كافرة؟؟يعني ها الدعوة بتخصك حسيتيها رغم اني كتير بكره ها الكلمة مع انه معناها باللغة العربية بسيط جدا وهو عبارة عن عدم تصديقي لأي شيء معين مو شرط بس الدين

ممكن الشيخ خص بدعائه اعداء الدين بشكل عام مو بس الدين الأسلامي
وإلا كان قال مثلا عن المسيحيين واليهود

واسمعي معلش خطبة الجمعة من الحرم رح تسمعي الشيخ عم يقول
اعداء الدين ومن اراد الدين بسوء
ممكن كتير تلاقي انسان مسلم عدو لدينه ورايد سوء لدينه مو شرط بس الكفار
تقبلي تحياتي

يعني مين هنن الكفار هيك بالمعنى الواسع للكلمة؟؟
وهل شتم الكافر حلال؟
وهل قتل الكافر حلال ؟

[بنفسجة]

كاتب النص الأصلي : whiterose

مع احترامي لك بنفسجة وليكون نقاشنا اختلاف اراء لا مشاعر

هل انتي كافرة؟؟يعني ها الدعوة بتخصك حسيتيها رغم اني كتير بكره ها الكلمة مع انه معناها باللغة العربية بسيط جدا وهو عبارة عن عدم تصديقي لأي شيء معين مو شرط بس الدين

ممكن الشيخ خص بدعائه اعداء الدين بشكل عام مو بس الدين الأسلامي
وإلا كان قال مثلا عن المسيحيين واليهود

واسمعي معلش خطبة الجمعة من الحرم رح تسمعي الشيخ عم يقول
اعداء الدين ومن اراد الدين بسوء
ممكن كتير تلاقي انسان مسلم عدو لدينه ورايد سوء لدينه مو شرط بس الكفار
تقبلي تحياتي

اخ ياريت القصة واقفة هيك
حبيبتي مش بوارد قول اني كافرة او لا
لكن السيخ يلي كان عم يدعي بالتحديد دعا على كل من هو ليس على دين الاسلام مش اعداء الدين بشكل عام وحتى لو كان قصدو يلي انتي قلتليه فهذا مامن حقو كمان متل ما من حقو يكون مؤمن من حق غيرو يكون كافر او بالاحرى ملحد
فهو بهي الحالة شمل كل المسيحيين واليهود وغيرهم ممن لم ينطقو الشهادتين
وهيك انا بعتبر حالي انشملت معون رغم اني مسلمة

[whiterose]

كاتب النص الأصلي : gabriel

انه ما بعرف ليش مصرة تناقشي جوهر الدين عبيحكي الرجل على ظاهرة التكفير وحكاها بشكل واضح وصريح بدعة التكفير وتطبيقها يعني لا قرب على ماهية الكفار وهل يجوز شرعا الاساءئة اليهم او قطع العلاقات معهم .

المفارقة انه الشخص الي يتم تكفيره يتم الجوء اليه بتفس الوقت يعني بيشتري منه المايكرفون حتى يستعمله بتكفيره وهاد هوي الموضوع .

لكن انا متل ما قلت لك صاير معي حساسية من تمرير الحشكيل على الهامش والمعلومات المدري من وين الواحد بيحكشها .
خيتو بكل بساطة انا هلق قاعد بكافيه انترنت لو قلت بالحرف الواحد " يا جماعة انا كافر " واجا واحد شال "سيف " وقطع راسي فيه هاد بكون عبيعمل بناء على بنات افكاره ولا بأمر من الله والرسول ؟!
بيلزمك اجيب لك الآيات اللي بتقول هاد الشي ؟! من المفروض انك حفظانتيهم .

برجع بقول اسلوب تمرير الحشكيل والمعلومات المدري من فين واحد جايبها والمعاكسة تماما للواقع بطلوا يا جماعة لأن اللي بدق الباب حيسمع الجواب .

بالعكس انا ماناقشت جوهر الدين انا قلت انها عملية تجارية

يعني اذا كان الكافر عم يصنع اشياء للمتدينيين فهو عم ياخد ماصنعه لأجله وهو المال

يعني انا قلت انها عمليه تجارية

ومرت معي ها الجملة بطريقي ..

[اللامنتمي]

كاتب النص الأصلي : بنفسجة

فعلا ما نرى ونسمع عن هؤلاء مقرف
من يومين شاهدت برنامجا عن دعاء ائمة المساجد على ما يسمونهم كفار
وباعلى الصوت يدعون عليهم بطريقة تدعو للقرف
من اين لكم الحق في تكفيرنا وانت بشر مثلنا
بس عنجد يلي استحو ماتو

شو بدنا نعمل طيب


حفظت نص القرآن منهم آيات ترهيب و منهم آيات تعذيب


من قد ما بيستشهدوا فيهم وبسبوا بالبشر


طيب بصير هيك


رجل الدين رجل محبة وتسامح


هل هذا موجود الآن !.

[بنفسجة]

كاتب النص الأصلي : whiterose

هاد اسمحيلي قلك لانو شيخ ولا شي هاد هو المرتزقة لأنو لو شيخ ماكان قال يلي قاله
كان الرسول محمد صلى الله عليه وسلم دائما يحذر من الأقتراب من النساء والأطفال والعجزة بالمعارك والحياة الميدانية او اي شيء اخر

ومنع الرسول كمان محمد الدعاء على النصارى اواليهود وقال لهم اخوانكم في الحبشة اخوانكم في الله
ولاتنسي انه لما هرب الرسول من ظلم الكفار له حضنه حاكم الحبشة يلي كان مسيحي ونام واكل وشرب ببيت مسيحي

صديقتي ما كل حكينا عن هدول يلي سميتهون مرتزقة ماهدول ائمة مساجد عم يخطبو بالناس وهالناس عم ترد متل الببغاوات (امين)
طلعيني من شو كان الرسول يعمل ويقول لان يلي عم نشوفو هلق على خلاف كبير بما كان الرسول يقول و ياريتون بيعرفو شي عن هالدين بالاول ويعرفو كيف كبر ومين يلي دعمو
كان الرسول لما بدو يدعي على حدا اقصى مايقوله اللهم اجلبهم الى الاسلام
بس يلي عم نشوفو هلق شي كتير خطير من يلي اسمهون مرتزقة متل ماقلتلي بس بيضلو مشايخ بمساجد ودور الفتوى غاضة نظر عنون

[Abu ToNi]

كاتب النص الأصلي : اللامنتمي

يا صديقي كان بيتي جنب جامع بحلب

بشرفي شيخ الجامع بيدعي دعاء بزلزل الأرض على الكفار

لك من قد ما يدعي أن صرت أخاف ما نتشئ الأرض و تبلعني

لسخافة القدر اني حاليا عايش بحلب وعلى الاغلب بجانب الجامع اللي انت ذاكره لا بل كانت المدرسة اللي التحقت فيها بالمرحلة الابتدائية واقعا بجانب الجامع المذكور تماما ويفترض انك تعرف شو بقصد .

بذكر كنت صف رابع وراجع على البيت سمعت جملة هزت لي كياني لمدة كتير طويلة كانت الجملة من الشكل :
" الهمّ يتّم اولادهم
آمين "
القصة صار لها اكتر من 10 سنوات وبعدني ما عبقدر استوعبها

[whiterose]

كاتب النص الأصلي : اللامنتمي

يا صديقي كان بيتي جنب جامع بحلب


بشرفي شيخ الجامع بيدعي دعاء بزلزل الأرض على الكفار


لك من قد ما يدعي أن صرت أخاف ما نتشئ الأرض و تبلعني


يعني شو هالمنطق الأعوج إذا " ثوبه الأبيض " من صنع الكافر


بعدين هالقنوات الفضائية الملغومة ما عبتشوفها


وين التسامح ونازلين تلطيش حكي !.


و أهلين فيك يا صديقي الإنسان

هلىء هو ان شااء الله مايكون عم يخصك بدعائه
بس بتخيل انه لما عم يدعي على الكفار بكون اكيد عم يخص اعداء الدين على وجه التحديد وكون اكيد من كلامي