السلام السوري الاسرائيلي

[jevara_asa]

بعد الاتصالات التي اجراها رئيس الحكومة الصهيونية اولمرت مع مندوبي سوريا في تركيا,قال ان عمليه السلام واردة جدا....
فهل سيقبل الكيان الصهيوني التنازل عن الجولان المحتل؟؟؟
ام ان بشار "الاسد" سيتنازل عن ارض شعبة؟؟؟
ام من الاصل ليس هنالك امكانية للسلام بين الدولتين؟؟؟

[sona78]

حسب شو الثمن المدفوع
يعني الاتنين ما كتير الواحد قادر ياخد موقف منو
لان الحكي شي وما خفي شي تاني تماما
وحالة عدم الاستقرار خادمة الاتنين
يعني الاتين الون مصلحة انو يبقو لا معلقين ولا مطلقين

[ظل جيفارا]

انا بشوف إنو في إمكانية واردة جدا حاليا لتوقيع إتفاقية "سلام" بين سوريا وإسرائيل حاليا
فمن يراقب تطور الحراك السياسي داخل سوريا يلاحظ ان الفريق الإقتصادي داخل الحكومة يمتاز بإنه "منفتح" جدا على الفكر الليبرالي وإن كان بشقه الإقتصادي
من إيماني العميق بإن الإقتصاد هو من يحرك السياسة " بمقولة ماركس عن البناء الفوقي والبناء التحتي" أرى أن تلك القيادات في الحكومة الحالية ستكمل مسيرة لبرلة الواقع السوري إلى النهاية ومن تلك المسيرة لا بد أن تلتقي مصالحهم -إن لم تكن وصلت إلى الحد الذي إلتقت فيه- بمصالح الرأسمالية العالمية مما سينعكس على الموقف السياسي من عملية السلام مع الكيان الصهيوني "ممثل الإمبريالية في شرقنا "
تلك رؤية والرؤى تكثر
تحياتي الحارة
ظل جيفارا

[عطر سوريا]

لك السلام وراد يصير وسدئوني انو اسرائيل مستعدة تتنازل عن الجولان لما رح يكون الثمن انو سوريا رح تقطع علاقتها بأيران وترفع دعمها عن حزب الله وتطرد الفصائل الفلسطينية من سوريا رح توافق اسرائيل على اعطاء الجولان لسوريا وانا بوجهة نظري هاد يلي متوقعووو يصيرر
ودمتم

[dajon1976]

مرحبا
أعتقد بأن السلام آت و لكنه سيكون سلاماً (مراً) للطرفين .
فسوريا لن تتنازل عن الجولان و لن تقبل استئجار الأرض (كما الأردن ) و لكن أعتقد بحلول تسوية (وسطى) فيما يتعلق بطبريا. و لا أعتقد أن سوريا ستقبل أن يحدد أحد عليها مع من تتحالف أو تقطع علاقتها معه ,وأظنه محور شائك آخر .
تحياتي

[عطر سوريا]

كاتب النص الأصلي : dajon1976

مرحبا
أعتقد بأن السلام آت و لكنه سيكون سلاماً (مراً) للطرفين .
فسوريا لن تتنازل عن الجولان و لن تقبل استئجار الأرض (كما الأردن ) و لكن أعتقد بحلول تسوية (وسطى) فيما يتعلق بطبريا. و لا أعتقد أن سوريا ستقبل أن يحدد أحد عليها مع من تتحالف أو تقطع علاقتها معه ,وأظنه محور شائك آخر .
تحياتي

بتمنى هالشي بس صدقني انا وفق الطريق يلي شايفو بدو يصير
وانشاء الله اني كون غلطان

[jankasanova]

هلا بحسب التصريحات الي عم تطلع, و المحادثات الغير مباشرة بعتقد انو في امل.

خصوصا انو وزيرة الاعلام الاسرائيلية صرحت انو السوريين رح يستحموا ببحيرة طبرية قريبا .. اعتقد هالتصريح كان بالشهر العاشر بس ماني متاكد!!!


بس في شغلة انو هالعالم الكبار اللي في سوريا اللي عم يستفيدوا من حالة "الحرب" مع اسرائيل
و بينهبوا الشعب بيرضوا انو يصير سلام الا لا؟؟؟ لانو هاي صايرة حجة للنهب و اذا راحت الحجة راح النهب عليون..

على كلن بنقول انشالله خير

[satoman]

السلام عليكم

[توم و جيري]

فيكن تفقدو الامل ........
للي بيتابع سياسة بيعرف انو اولمرت غير قادر على التفاوض بعملية السلام لان حكومته فقط تسيير اعمال ..........

[VivaSyria]

مع إحترامي لكل المتحاورين بس هل بتأمنو عن جد بموضوع المفاوضات والأفلام يلي بيطلعولنا فيها كل فترة... وهل برأيكون إنو المشكلة هي الجولان وطبريا ووجود سفارة إسرئيلية من عدمه؟؟

صدقوني المعادلة مو هيك أبداً.. المعادلة شي تاني بيتعلق بأنظمة الحكم وتثبيتها وطريقة تعاطيها مع شعوبها... وكل أفلام السلام والحرب يلي كل ما نمل بيطلعولنا فيها هي بروبغندا فاضية.... تسالي يعني.

[عطر سوريا]

وعليكم السلام ورحمة الله وبركاااته