منهجية التعاطي في الأخوية

[dajon1976]

تحياتي
منذ فترة ليست بقريبة تناقشت مع أحد الزملاء حول موضوع معين في الأخوية , و بسبب اختلافنا بالآراء اتهمني بأنني أتحدث باسم (الفروع الأمنية) و بأن لي أسياداً أحاور باسمهم ,رغم أنه ادعى بأنه (ديمقراطي حتى العظم) و بأنه (يؤمن بحتمية التحاور و النقاش)!! و الذي حدث أني أرسلت رداً راجعته فيما بعد لأجد أن أحد الزملاء المشرفين قد اقتص جوابي و ترك منه النذر اليسير , فأحجمت عن الأخوية لفترة من الزمان.
و استلمت منذ حوالي الأسبوع رسالة الكترونية من الموقع بحكم اشتراكي بعدد من المواضيع ,و ساقني الفضول لأراجع الموضوع و جوابي لأجده كاملاً كما أوردته , و لأكتشف أني قد ظلمت المنتدى و المشرفين ,و لهذا أعتذر عن شكي و أرجو أن يعود الحال كما كان من قبل .
أحببت أن أدرج استفتاءً حول رأي الزملاء في منهجية التعاطي في الأخوية , غايتي منه تشكيل قناعة راسخة في أذهان الزملاء – لا سيما الجدد منهم .
تحياتي القلبية.

[BL@CK]

أول شي برّحب برجوعك , فقدنالك ..

منذ فترة ليست بقريبة تناقشت مع أحد الزملاء حول موضوع معين في الأخوية , و بسبب اختلافنا بالآراء اتهمني بأنني أتحدث باسم (الفروع الأمنية) و بأن لي أسياداً أحاور باسمهم ,رغم أنه ادعى بأنه (ديمقراطي حتى العظم) و بأنه (يؤمن بحتمية التحاور و النقاش)!!

في مشكلة كتير قميئة هون بالأخوية تتلخص أنو منحب "نبيض" على بعض وطنيات , فالعضو اللي أتهمك أيا ً يكن كان عم يمارس نوع من "بيض" الوطنيات .

اللي بصير أكتر الأحيان , في صيت منتشر أنو الأخوية موقع "معارض" فا بيفوت العضو الجديد بدو يثبت نفسو و بيدافع و لا كأنو فدائي عن أي شيء أسمو معارضة ..

بحب نوّه الأخوية ما بتحمل إلا الصفة الوطنيّة السوّرية .. و مانا محسوبة لا على معارضة و لا على موالاة ..

و الذي حدث أني أرسلت رداً راجعته فيما بعد لأجد أن أحد الزملاء المشرفين قد اقتص جوابي و ترك منه النذر اليسير , فأحجمت عن الأخوية لفترة من الزمان.

بتعرف يمكن أنو أي مشكلة بتصير مع مشرف مع عضو أو منسق أو أيا ً يكن بتبيلغ و كبسة زر بسيطة أو رسالة خاصة لأحد مشرفي أو منسقي القسم ..

فينا نتناقش بالمشكلة و بتنحل بسيطة ..

أحببت أن أدرج استفتاءً حول رأي الزملاء في منهجية التعاطي في الأخوية , غايتي منه تشكيل قناعة راسخة في أذهان الزملاء – لا سيما الجدد منهم .

و أنا معك ناطر نتائج الإستفتاء , مرة تانية أهلا برجعتك ..

[cool girl 35]

سوري ..
صوتت بالغلط ..

[dajon1976]

تحياتي
أشكر الزميل black على مشاركته , و اقول أن رأيه موضوعي وواقعي جداً.
شكراً cool girl
نراكم

[ظل جيفارا]

بالفترة اللي صار فيها تنظيم المنبر الحر صار في كتير لخبطة يمكن لإنو الشباب مو متعودة على النمط الجديد للمنبر الحر ف بفترة معينة إستمر العمل من الأعضاء بنفس الألية القديمة وحاول المشرفين تنظيم الأمور لفترة ولكن القوانين الجديدة " الواجب مراجعتها برأيي" كانت اقوى منهم فمهما حاولوا التنظيم كانت الأخطاء تحصل وبالجملة
حاليا أشعر أن التعاطي سليم وبشكل تام
تحياتي الحارة
ظل جيفارا

[oliver68]

أنا صوتت إنهن بيتعاطوا مع الكل بشكل سليم وتام، مع إنو أنا بزماناتي انحذفلي رد وأخدت إنذار، وزعلت وقتها، بس لما راجعت ردي وفكرت مع حالي، لاحظت إنو أنا بستاهل هيك إنذار لأن ردي كان فيه عنصرية وما بعبر عن شخصيتي أبدا.
المشرفين بأخوية -حسب ملاحظتي ورأيي الخاص- بيحذفوا يللي عنجد بيستاهل الحذف، وبيتعاملوا مع كل الأعضاء بكل ديمقراطية.
وأكبر دليل على هالشي هوي التفاوت الكبير بين كل الأعضاء بين مؤيد ومعارض للنظام بين متدين ومتحرر، بين ملحد ومؤمن، والكل بحبو بعض وبيتحاوروا مع بعض بكل حضارة ورزانة.

[Nay]

هلق أحيانا بنزعج كتير.. بحس في مشرفين بيتعاملو متل العديم ووقع بسلة تين.. يعني متل عريف صف الاول اللي قالتلو الانسة كتوب الاسماء وما صدق حالو..
يعني بالمختصر.. احيانا بحس.. في قلة احترام بالردود.. او بالملاحظات من قبل بعض المشرفين..