أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 24/05/2009   #1
شب و شيخ الشباب abo aljoud
عضو
-- أخ لهلوب --
 
الصورة الرمزية لـ abo aljoud
abo aljoud is offline
 
نورنا ب:
May 2009
المطرح:
ما بئا عم بعرف وين
مشاركات:
130

افتراضي الإعلام السوري بين الواقع والحلم


العام 2009 ومازال الإعلام السوري هو الأكثر تخلفا بالمنطقة والعالم وما زال مذيعي محطاتنا مصرين ان يذكرونا بالعقود الماضية من خلال مذيعين من العصر الحجري لا يعلمون ما هو الاعلام الحديث مع وجود بعض المستجدين الذين دخلوا الى التلفزيون بالواسطة دون الالمام بمعنى الاعلام وحقيقته ، وطبعا هنا لا ألوم الأشخاص فعندنا سوريين أجادوا وبرزوا من خلال محطات اخرى كالجزيرة والعربية وART وغيرها اذن المشكلة ليست بالمذيع أو المقدم السوري انما بالسياسة الاعلامية المتخلفة والمصرين على هذا التخلف الاعلامي .

هل الإنفتاح الاعلامي يشكل خطر حقيقي على أمن الدولة ؟؟؟؟؟؟؟؟؟

سؤال يدعو للدهشة هل المسؤولين في بلدنا يعتقدون ان السوري لا يأتي بالمعلومة من هنا أو هناك .

اذن لماذا الاصرار على الانغلاق الاعلامي ؟؟؟؟؟؟؟؟؟

بما ان الانسان السوري سياسي بالفطرة والقنوات الفضائية مع النت متوفرة فالمعلومة سوف تصل لكن للأسف هنا قد تصل بطريقة خاطئة وتهدد الأمن بشكل جدي لذلك لابد من قنوات سورية حرة تبث من الداخل السوري (ولو كانت لا تسير بخط النظام الحاكم ) ليتكلم الناس بحرية وتأتيهم المعلومة محليا دون اللجوء للإعلام الخارجي. ولابد من فتح كل مواقع النت دون اي نوع من الحظر المفروض ، وذلك حفاظا على البلد .

بالأمس وبطريق الصدفة شاهدت برنامج ع الفضائية السورية الرئيسة فاستوقفني هذا البرنامج واسمه جيلنا أو جيل الغد (بصراحة نسيت الاسم )المهم المذيع يتحدث مع مجموعة شباب عاملين فرقة تغني الراب بالطريقة السورية ، بصراحة شيء محزن ، طبعا اعتراضي ليس على الفرقة فالناس أحرار ،انما هذه الفرقة مكانها ليس على الفضائية السورية ولو كانت على قناة المشرق كان الأمر عادي.



وبالنسبة لقناة المشرق رغم تحفظاتي الكثيرة فهي خطوة لكنها مكبلة و تحتاج الى الحرية .

أما قناة شام الفضائية فهي لاتقدم ولا تؤخر وقد تكون ظروف مالكها خاصة جدا.

اذا اعلامنا بحالة تخلف ليس له مثيل و نحن بانتظار قانون تنظيم الأحزاب السورية ربما ينتج عنه بعض القنوات الحزبية التي تظهر وجهات النظر الأخرى ، والى ذلك اليوم لنبقى نيام ونحلم بأيام وردة.

قرأت مجدك في قلبي وفي الكتب شآم ما المجد انت المجد لم يغب

شام أهلوك إذا هم على نوب قلبي على نوب

شآم يا ابنة ماض حاضر أبداً كأنك السيف مجد القول يختصر
.....................................................................................
  رد مع اقتباس
قديم 24/05/2009   #2
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

افتراضي


اقتباس:
سؤال يدعو للدهشة هل المسؤولين في بلدنا يعتقدون ان السوري لا يأتي بالمعلومة من هنا أو هناك .
هالسـؤال صراحه بيدعو للسخريه و للضحك بصـوت عالي .. و لـكن القصـّه ربما تكون مدروسه أكتر بـحيث أنّك في حال عرفت بالأخبار و المعلومات من مـصادر خارجيه فأنت غالبا ً مـش رح بتقوم بمناقشـتها بذات القدر اللي رح بتقوم فيه لو عرفت هالأخبار عن طريق مصادر محليه ..

يـمكن لهـيك و يـمكن في أسـباب تانيه عـديده منـها أنّ المواطن تعوّد يمثّل الأدوار بمهاره فهلأ صار بيقدر يلعب أيّ دور بتشير عليه الدوله يلعبه .. لأنو "هيك احـسن " ..

من يومها صار القمر أكبر :)

______

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 24/05/2009   #3
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


قرأت من فترة تقرير لخبير أمريكي قادم الى التلفزيون السوري لعمل ورشات عمل تأهيلية وتقييم شامل لفريق التصوير والاضاءة بالتلفزيون..
المهم انو التقرير كان عن رأيو و نصائحو وتحفظاتو على العمل بشكل عام.. واكتر شي لفتني وجود ملاحظات وجهها الخبير لفريق العمل في التلفزيون وهي الملحظات لا توجه الا الىاشخاص مبتدئين كتيييير او اغبياء كتير..
من الملاحظات بذكر:
1- يجب الحرص على مسح عدسات الكاميرا قبل بدء التسجيل
2- عدم الدوس على كابلات الكاميرا والاضاءة أثناء المشي في موقع التصوير
3- عند اجراء مقابلة خارجية مع شخص ف الشارع مثلا الحرص على كون الخلفية مفتوحة بدل أن يوضع الشخص في كادر امام جدار..
هي كم نقطة لفتولي نظري بالتقرير ورح حاول نزل التقرير كاملا.. اذا سمحلي الوقت لتنضيده..


طائر واحد يكفي لكي لا تسقط السماء
فرج بيرقدار
  رد مع اقتباس
قديم 25/05/2009   #4
شب و شيخ الشباب zen
مشرف
 
الصورة الرمزية لـ zen
zen is offline
 
نورنا ب:
Mar 2005
المطرح:
جريدة الدليل والوسيلة عمدور ع شغل
مشاركات:
7,229

إرسال خطاب ICQ إلى zen إرسال خطاب AIM إلى zen إرسال خطاب MSN إلى zen إرسال خطاب Yahoo إلى zen بعات رسالي عبر Skype™ ل  zen
افتراضي


اذا بدنا اعلام متل العالم لازم يكون في عنا هامش حرية ومواجهة
غير أنو لازم يعتنو بالصور يعني بحياتي ما شفت غرافيك بمحطة بيشبة الغرافك المعت والبدائي تبع قنوات سوريا الحكومية يازلمي ما بيذكروني غير بمحطة اسمها هارموني

هلاء انو اتخذت المشرق خطوة مهمة وانا بنظري انو هي قناة عم تقدم أفضل ما عندها بظل الظروف الراهنة
هلق ممكن يقول قائل أنو مساحة الحرية موجودة بس بالمسلسلات يعني وكانت السنة الماضية زايدة وانا مستغرب كيف وصار هيك لهلاء ما شفت أي مسلسل عربي ممكن يكون نقدو لازع ومباشر للمخابرات متل أيام الولدنة
المهم نحنا مو بهي
نحنا عم نحكي عن الحرية بالبرامج السياسية بالبداية
والاهتمام بنوعية البرامج والاستديوهاات اللي راسمالها كرسيتين وطاولة بالنص عليها باقة زهور
والمذيعات دخيل الله يغيروهون في مذيعة اسمها رايسة بتوجع الراس
وانو مو طبيعي كيف بالقناة السورية كيف بيستغبو الجمهور انو بيستغبوهون لدرجة بيصير هني اغبى من اغبياء

انو معقول لسا بيفكرو هيك بظل تلفزيون
انو وزير الخارجية بيحكي شي ع قناة الجزيرة وعقناة سوريا بيكون قال شو ملتزم بالخطاب الوطني عبر القناة الحكومية
والرئيس بيقول انو وقعت اخطاء بلبنان بس لهلاء نحنا ما وصلت لعنا وبيضلوا يقولوا انو شو عملنا بلبنان
هيدي امثلة عن الاستغباء

SYRIA

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

"حسام*عاشق من فلسطين*ناطرك"
We Ask The Syrian Government to STOP Banning Akhawia"

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 25/05/2009   #5
شب و شيخ الشباب ..Jimy
عضو
-- قبضاي --
 
الصورة الرمزية لـ ..Jimy
..Jimy is offline
 
نورنا ب:
Aug 2006
المطرح:
بمدينة الياسمين..بس حياتي بالوادي
مشاركات:
731

افتراضي


لنشوف الاعلام السوري..
الفضائية السورية اسوأ غرافيك واستديوهات شفتها بحياتي..بس هلئ آل دبي عطتنا منحا مشان الفضائية فلنشوف..

و المشرق هيي الوحيدي يلي ممكن نسميها قناة فضائية بين قنواتنا الخاصة..وبتمناها تستمر..

مع انو هامش الحرية بالنسبي إلها ضيق جدا..بس هالشي مستحيل يستمر وبشكل عام الهامش هاد عم يزيد تدريجيا..بفضل تطور تطور تكنولوجيا الاتصالات والاعلام..

وتركيزها عالحياة الثقافية والمبدعين بسوريا والسياحة.. شي كتير عظيم..
مع انو لسا فيها تحسن من حالها بظل ظروفها الراهني من الناحية الاجتماعية والانسانية..

فيها تعمل حملات توعية متل كل القنوات بمواد اعلامية بالتعوان مع المنظمات العالمية..
حول حد النسل والعنف المنزلي وعمالة الاطفال وجرائم الشرف والازمي المائية وكتير امور..مجتمعنا بحاجي لهيك نوع من المواد الاعلامية..وبشكل مكثف كمان..

يعني لسا انا بذكر مادي كانت تطلع عـ LBC عن "فادي" والتبرع لليتامى عبر منظمات اليونيسف..هيك بيعطي طابع انساني للقناة..
وهيدا شي ماعنا ياه باعلامنا..يعني حتى سوريا الفضائية بس كانت تعمل مواد عن التدخين وترشيد الكهرباء كانت تعملون بطريقة سطحية وباسلوب بدائي لدرجة انو يخليني روح شعل سيكارة ..



وناي مستنى التقرير انا

At the end everything will be OK..
If it's not OK..
So...it's not the end.

"Sa'do I Trust In U"
It's Kind Of Revolution
A m a r t a
  رد مع اقتباس
قديم 25/05/2009   #6
شب و شيخ الشباب abo aljoud
عضو
-- أخ لهلوب --
 
الصورة الرمزية لـ abo aljoud
abo aljoud is offline
 
نورنا ب:
May 2009
المطرح:
ما بئا عم بعرف وين
مشاركات:
130

افتراضي


بصراحة الردود كلها بدون استثناء دليل وعي عند جيل الشباب السوري اللي بدو مصلحة البلد .
الاخت the morning يمكن جد مقصودة وما بدن يصير حوار سياسي محلي.
الاخت nay هالملاحظات جد بيخجل الواحد يحكيا لأنو بدل ع تخلف ونحنا مو هيك بس الطبقة الحاكمة بدن يانا نكون متخلفين .
الأخ zen حرية المسلسلات عبارة عن مخدر لأنو مابتقدم ولا بتأخر وما فيها نقاش وهي مسموحة من أيام الرئيس الأب ، ومتل ما قلت بدنا هامش حرية وما بدنا الجماعة لما بيطلعوا ع السورية يكونوا ملتزمين وغيرا يبينوا منفتحين .
الأخ jimy بصراحة هالحكي كتير موزون وبالضبط بدنا اعلام يوعي الناس ويزرع الوطنية بكل أنواعا بعيدا عن حب الشخص لأنو الأشخاص تذهب ويبقى الوطن .

تحياتي

  رد مع اقتباس
قديم 25/05/2009   #7
شب و شيخ الشباب ابو ريتا
عضو
-- مستشــــــــــار --
 
الصورة الرمزية لـ ابو ريتا
ابو ريتا is offline
 
نورنا ب:
Dec 2007
المطرح:
Polska-Białystok
مشاركات:
3,282

افتراضي


الموضوع انذكر كتير قبل هي المرّة

المهم هلأ , أنا ما بدي دافع عن الاعلام السوري , بس في كذا نقطة لازم احكي عنها
النقطة الأولى بالإعلام عنا كذا وسيلة للإعلام هي التلفزيون والصحافة على سبيل المثال
النقطة الثانية منبلش بالتلفزيون , عنا ما شالله تلت قنوات هنن الفضائية السورية
والقناة الأولى والقناة الثانية , هدول بيضلو أفضل من أي قناة حكومية موجودة بالعالم العربي
بكل برامجها الترفيهية والسياسية والى أخره ( الدليل .. تابعو الفضائيات الحكومية التانية العربية
وبتشوفو الفرق) .
شغلة تانية حابب وضحها , أنو التلفزيون السوري , مانها قناة اخبارية يعني متخصصة بالأخبار
متل الجزيرة ولا العربية أو حتى CNN أو Fox News . ولا قناة غنائية متل مجموعة روتانا , يعني
التلفزيون السوري مانو متخصص بشغلة مشان هيك لا نظلمو بشغلة في حين انو عم يشتغلو
الجماعة على تطوير أرض الواقع , والدليل انو عم تشوف جيل شبابي عم يغزو هي النوعية من
الإعلام .... وكتير شغلات ما رح اذكرها هلأ .
بعدين عندكون شي اسمو الراديو وهو كمان مادة اعلامية , إذا ما عجبك التلفزيون السوري
فينك تتسمع على راديو شام اف ام مثلا , عندك كل ساعة شي اسمو معلومات جديدة
بهي الفقرة بيسمعوك أخبار لا بتطلع لا بالجزيرة ولا على العربية وبتحدى أي شخص تاني
يحكي عكس هاد الشي ( مع العلم انو هالقناتين أقوى شي بالعالم العربي من الناحية الاخبارية
والسياسية ).
في عندك الانترنت مبارح كنت عم اقرأ على شام برس خبر عن وزيرة الشؤوون الاجتماعية !
شام برس موقع حكومي عم ينتقد الوضع الداخلي بجرأة والخارجي بجرأة أكبر , و هاد الحكي
ما بيكتبوه لاعالجزيرة ولا العربية ( والله يمكن على العربية اي , لأنو هنن بدن نكشة على سوريا !!)
نقطة تالتة هي الصحافة , كمان ما بدي اشرح عنها لأنو إذا بتحب سوريا بتشوف و بتقرأ الي بتحسو
خير عالبلد .
في نقطة بالصحافة بدي قولها : انو مرّة بالزمانات مو كتير يعني , من شي خمس سنين , كانت
تطلع عنا جريدة بيسموها جريدة الدومري , وكانت هي الجريدة معروفة تمام كيف كانت عم تشتغل
هلأ صارت شغلة شخصية بين شخص بالجريدة وشخص بالحكومة أدت لتسكير الجريدة , بس لو منجي نفكر
انو بالأساس ليش طلعت الجريدة , ويا ترى ممكن تطلع جريدة تانية بالمستوى الي كانت تقدمو الدومري!!



بالنهاية , نحنا كشعب سوري لا بيعجبنا العجب ولا الصيام برجب , منضل نقّ و نقّ وهيك عالفاضي
وأنا دايما بقول أنو خلصنا بقى ,, خلصنا تخلف , نحنا مو الله لنقول كن فيكون !!!

أجمل الأمهات ..... التي انتظرت ابنها ..... أجمل الأمهات التي انتظرته
وعاد .....
..... عاد مستشهدا .....
...... فبكت دمعتين و وردة ...... ولم تنزوي في ثياب الحداد

آه ياريتا على فقيدك ...

بحبك بلا ولا شي...
بحبك يا ضيعتي البعيدة بيت ياشوط...
  رد مع اقتباس
قديم 25/05/2009   #8
شب و شيخ الشباب abo aljoud
عضو
-- أخ لهلوب --
 
الصورة الرمزية لـ abo aljoud
abo aljoud is offline
 
نورنا ب:
May 2009
المطرح:
ما بئا عم بعرف وين
مشاركات:
130

افتراضي


اقتباس:
كاتب النص الأصلي : ابو ريتا عرض المشاركة
الموضوع انذكر كتير قبل هي المرّة

المهم هلأ , أنا ما بدي دافع عن الاعلام السوري , بس في كذا نقطة لازم احكي عنها
النقطة الأولى بالإعلام عنا كذا وسيلة للإعلام هي التلفزيون والصحافة على سبيل المثال
النقطة الثانية منبلش بالتلفزيون , عنا ما شالله تلت قنوات هنن الفضائية السورية
والقناة الأولى والقناة الثانية , هدول بيضلو أفضل من أي قناة حكومية موجودة بالعالم العربي
بكل برامجها الترفيهية والسياسية والى أخره ( الدليل .. تابعو الفضائيات الحكومية التانية العربية
وبتشوفو الفرق) .
شغلة تانية حابب وضحها , أنو التلفزيون السوري , مانها قناة اخبارية يعني متخصصة بالأخبار
متل الجزيرة ولا العربية أو حتى CNN أو Fox News . ولا قناة غنائية متل مجموعة روتانا , يعني
التلفزيون السوري مانو متخصص بشغلة مشان هيك لا نظلمو بشغلة في حين انو عم يشتغلو
الجماعة على تطوير أرض الواقع , والدليل انو عم تشوف جيل شبابي عم يغزو هي النوعية من
الإعلام .... وكتير شغلات ما رح اذكرها هلأ .
بعدين عندكون شي اسمو الراديو وهو كمان مادة اعلامية , إذا ما عجبك التلفزيون السوري
فينك تتسمع على راديو شام اف ام مثلا , عندك كل ساعة شي اسمو معلومات جديدة
بهي الفقرة بيسمعوك أخبار لا بتطلع لا بالجزيرة ولا على العربية وبتحدى أي شخص تاني
يحكي عكس هاد الشي ( مع العلم انو هالقناتين أقوى شي بالعالم العربي من الناحية الاخبارية
والسياسية ).
في عندك الانترنت مبارح كنت عم اقرأ على شام برس خبر عن وزيرة الشؤوون الاجتماعية !
شام برس موقع حكومي عم ينتقد الوضع الداخلي بجرأة والخارجي بجرأة أكبر , و هاد الحكي
ما بيكتبوه لاعالجزيرة ولا العربية ( والله يمكن على العربية اي , لأنو هنن بدن نكشة على سوريا !!)
نقطة تالتة هي الصحافة , كمان ما بدي اشرح عنها لأنو إذا بتحب سوريا بتشوف و بتقرأ الي بتحسو
خير عالبلد .
في نقطة بالصحافة بدي قولها : انو مرّة بالزمانات مو كتير يعني , من شي خمس سنين , كانت
تطلع عنا جريدة بيسموها جريدة الدومري , وكانت هي الجريدة معروفة تمام كيف كانت عم تشتغل
هلأ صارت شغلة شخصية بين شخص بالجريدة وشخص بالحكومة أدت لتسكير الجريدة , بس لو منجي نفكر
انو بالأساس ليش طلعت الجريدة , ويا ترى ممكن تطلع جريدة تانية بالمستوى الي كانت تقدمو الدومري!!



بالنهاية , نحنا كشعب سوري لا بيعجبنا العجب ولا الصيام برجب , منضل نقّ و نقّ وهيك عالفاضي
وأنا دايما بقول أنو خلصنا بقى ,, خلصنا تخلف , نحنا مو الله لنقول كن فيكون !!!
والله أمرك غريب يا أبو ريتا لك هالمحطات شكلن من أيام حرب ال لبط ومانن أحسن من غيرن شوف قنوات الامارات والشغلة ما خصة بالمادة بس بالعقلية
تانيا نحنا ما بدنا القنوات الحكومية خلي الحكومة تشبع فيا وتحط برامج (منحبك) ع كيفا بس بدنا محطات خاصة نقدر نحكي فيا وما بدنا شي كن فيكون بلحظة لك إلنا ناطرين 9 سنين حسب الوعد واسا ما بين شي قولتلك بعهد حافظ الصغير يمكن يبين شي ؟؟؟؟؟؟؟؟؟؟؟؟؟؟؟
واسا نحنا السوريين ما بيعجبنا شي الله وكيلك ما في متل السوري بيصبر وبيبلعا وبيضل ساكت لأنو بحب بلدو أو لأنوما بيطلع بإيدو يعمل شي الكرباج فوق راسو ع طول ...
لك آآآآآآآآآه خليا ع ربك.
  رد مع اقتباس
قديم 25/05/2009   #9
شب و شيخ الشباب zen
مشرف
 
الصورة الرمزية لـ zen
zen is offline
 
نورنا ب:
Mar 2005
المطرح:
جريدة الدليل والوسيلة عمدور ع شغل
مشاركات:
7,229

إرسال خطاب ICQ إلى zen إرسال خطاب AIM إلى zen إرسال خطاب MSN إلى zen إرسال خطاب Yahoo إلى zen بعات رسالي عبر Skype™ ل  zen
افتراضي


ليك أنا معأبو ريتا بشغلة انو قنواتنا المحلية الحكومية أحسن من كتير قنوات يعني فينا نشوف تلفزيون لبنان بيهوي
بس كمان في تلفزيونات حكومية تعتبر من أوئل المحطات متل دبي وابو ظبي
تانيا صح انو القناة السورية مانها قناة متخصصة بالاخبار
بس فيها تقدم مادة أخبارية بطيقة موضوعية بدون ما تستخف عقل المشاهد
يعني شوف الاخبار ع قناة لمشرق و ع القناة السورية
يعني القصة مانها قصة أمكانيات بقدر قصة أيدولوجية معينة عم يمشو عليها الاخوان بالقناة الحكومية
هلاء من ناحية الصحافة المكتوبة أنا بقول أنو صار ألها مساحة حرية زايدة عن الأول
وكمان متل ما قلت المسلسلات كتير صارت جرئية وتعتبر أجرء دراما عربية وطبعا هاد شديد جديد ما كان ع أيام حافظ الأسد
يعني متل ما قلنا يبطلو من ناحية الأخبر يعاملونا بسذاجة وكأنو ماراح نعرف الخبر ألا من عندون
ويهتمو شوي بالستديوهات و الغرافيك والمذيعين بتصير بتبلع
  رد مع اقتباس
قديم 25/05/2009   #10
شب و شيخ الشباب ابو ريتا
عضو
-- مستشــــــــــار --
 
الصورة الرمزية لـ ابو ريتا
ابو ريتا is offline
 
نورنا ب:
Dec 2007
المطرح:
Polska-Białystok
مشاركات:
3,282

افتراضي


اقتباس:
والله أمرك غريب يا أبو ريتا لك هالمحطات شكلن من أيام حرب ال لبط ومانن أحسن من غيرن شوف قنوات الامارات والشغلة ما خصة بالمادة بس بالعقلية
هلأ بدنا نقارن قناة أبو ظبي ولا دبي بالقناة السورية !!! كأنو تخنتها شوي , ما حكيت أنا انو نحنا مو الله
لنقول كن فيكون !!

اقتباس:
تانيا نحنا ما بدنا القنوات الحكومية خلي الحكومة تشبع فيا وتحط برامج (منحبك) ع كيفا بس بدنا محطات خاصة نقدر نحكي فيا وما بدنا شي كن فيكون بلحظة لك إلنا ناطرين 9 سنين حسب الوعد واسا ما بين شي قولتلك بعهد حافظ الصغير يمكن يبين شي ؟؟؟؟؟؟؟؟؟؟؟؟؟؟؟
حبيبي ونور عيني هالحكومة الحالية بضل أفضل من كل الحكومات العربية وبتختلف عنها , اذا بدك تقلي عطيني
الدليل , بدنا نفتح موضوع تاني !! بس شغلة ,,, بيكفي انو موقف سوريا تجاه قضايا الأمة هو واحد وما تغيّر
وما رح يتغير , وهاد الموقف إلنا الفخر ومنعتّز فيه , (خصوصا إنو ما في حدا جنبنا !!!)
وخلال تسع سنين صارت تغيرات كتير كبيرة وجذرية ولسا الخير لقدّّام , بس انو نحنا بصلتنا محروقة !

اقتباس:
واسا نحنا السوريين ما بيعجبنا شي الله وكيلك ما في متل السوري بيصبر وبيبلعا وبيضل ساكت لأنو بحب بلدو أو لأنوما بيطلع بإيدو يعمل شي الكرباج فوق راسو ع طول ...
لك آآآآآآآآآه خليا ع ربك.

طبعا السوري بيحب بلدو وعم نبلعا لأنو خير لبلدنا , وبعد عشر سنين من هلأ تذكرني

هاموش : إيام الكرباج راحت
  رد مع اقتباس
قديم 16/06/2009   #11
شب و شيخ الشباب Government
مشرف
 
الصورة الرمزية لـ Government
Government is offline
 
نورنا ب:
Aug 2006
المطرح:
وين مابدك ..
مشاركات:
6,927

إرسال خطاب MSN إلى Government إرسال خطاب Yahoo إلى Government
افتراضي


يا اخي الاعلام عنا ميت .. وهون طبعا قصدي بالاعلام الاعلام المرئي فقط .. التلفزيوني بالتحديد ..
يا اخي قناتنا بتتصنف من البشع 10 قنوات بالعالم وهي مرتاحة .. قناة بستغبي المشاهد بشكل كبيرة حدا .. زائد انو يا اخي قناة تبعية للنظام بشكل كبير .. وكل شغل لازم دخلو فيا .. برمجا ميتة ومعتة .. يعني انا محروق قلبي منا كتير ازا بدي احكي بدي جريدة لاخلص .. بس عنجد قناة بتخجل انو تكون فضائية لبلد ما .. لانو مافيا شي بيستاهل .. وحتى الشي الموجود معت وممل ومكرر ومبتذل .. وكمان في قناة الشام فللاسف قناة امكانياتا ضعيفة وماخرج تدخل بمعمعة القنوات التلفزيونية الكبيرة .. يعني قناة ع قدا ومالي مصلحة بكل هالشغلة
وبالنسبة لقناة الدنيا .. فهالقناة ماكتير موضوع وبحسا كانو بتحط الاخبار وخلافو ع كيفا .. وكتير بتبهر بالموضوع .. ومع السوق بتسوق .. يعني كمان ماكتير خرج المشاهد يتقبلا .. لانو الكلام اللي بنزكر فيا ماكتير بيخرط المشط .. وبتسير الاحداث ع حسب امورا مو حسب الواقع الموجود

وبظل كل هالقنوات برزت قناة المشرق .. وبصراحة انا معجب بهالقناة كتير كتير .. قناة رهيبة + امكانات كبييرة .. وموضوعية .. برامج مميزة وجديدة وبتقدم معلومة مفيدة للمشاهد من كل النواحي .. ومعلومات كانت كتير غير معروفة .. والاهم انو عندا مساحة جيدة من الحرية اللي فاقدتا كل القنوات السورية
وبتستحق صراحة اسم القناة السورية اللي فيا تحكي باسم سوريا
وعنجد شغلة كبيرة الله يقوين

اللــي طــــالع الجحش ع المأدنة .. بنزلـــو

  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 15:03 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.11466 seconds with 14 queries