أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 28/03/2008   #1
شب و شيخ الشباب ..AHMAD
مشرف
 
الصورة الرمزية لـ ..AHMAD
..AHMAD is offline
 
نورنا ب:
Jan 2008
مشاركات:
4,906

افتراضي هموم مواطن


اي هالمرة ما رح احكي عن حدا

ولا هالقصة من نسج خيالي

هالمرة انا عماحكي عن واحد متلو متلكن الي هو انا

يعني شو مشان

تنكة البنزين صارت ب 800

كنت اخد 3 ربطات الخبز العادي ب 50 ليرة واتركلو الخمسة بقشيش

هلئ صارت الربطة ب 25 ....... طبعا هالسعر اللي صار مو بأمر نظامي ........ بس البياع كبر راسو وعمبدأ ما حدا احسن من حدا وتطبيق شعار ( لألعن شرفك يا مواطن )

بركب سرفيس ضاحية قدسيا ومتل ما مكتوب على ورقة بالسرفيس ( جسر الرئيس دمر = 5 ليرات .... جسر الرئيس قدسيا قوس = 7 ليرات .... جسر الرئيس ضاحية = 10 ليرات ) يعني كلو مفهوم بطلع بقلو واحد عدمر بقلي شو خلفتك ونسيتك وبالصرماية بياخد ال 10 ليرات

التكاسي ما عاد وفت معها صار اللي كان عداد ونص عالعداد القديم صار بدو عدادين غير الاكرامية اللي لازم ياخدها اللي بتطلع اد التسعيرة عمرتين
واللي عالعداد الجديد بدال العداد عداد ونص ونفس الحالة

ما علينا

النعنع ب 25
البقدونس ب 15
الخيار والبندورة والخضرة اللي لازمة كل يوم اسعارها متل الدهب صارت
ازا الواحد بدو يتدولق صحن سلطة لحالو صار بدو 200 ليرة برياحة ( يعني ربع راتبي اللي بطلعو بيوم واحد )
لك كان بزمناتو اللي معدوم ياكل برغل
هلئ منقول الله يرحم ايامك يا برغل الكيلو ب 65

بالنسبة للكهربا والمي حدث ولا حرج
التلفون.؟؟؟؟ ما عادت من الكماليات وعهالمبدأ لازم يشقونا بالفواتير
هاد عسيرة التلفون تذكرت فصل ..... طلعت مرة فاتورة النت عندي بالبيت ديال اب شي 30 الف رحت حجبت الانترنت وخليتو بس عالبطاقات طبعا ضلت تجيني فاتورة انترنت بحدود ال 1500 كل دورة لمدة 3 دورات لحتى تذكرو انو محجوب النت عندي

ولك كماان ما علينا
ال رفعولي الراتب بالجريدة بنسبة 10 بالمية هاد ابل الغلا
وانا مستغرب هالكرم من وين جاي بعدها باقل من اسبوع بتنط الاسعار 100 بالمية

يعني صار بدي 90 بالمية راتب زيادة عاللي عماخدو كمان لارجع عيش مو متل العالم والخلئ لاء بس لارجع عيش عيشة السخام اللي كنت عايشها ابل كم شهر

........... يتبع ما خلصنا لسا

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 28/03/2008   #2
شب و شيخ الشباب LiOnHeArT.3LA2
عضو
-- مستشــــــــــار --
 
الصورة الرمزية لـ LiOnHeArT.3LA2
LiOnHeArT.3LA2 is offline
 
نورنا ب:
Oct 2007
المطرح:
مشغل سيكارة .. وقاعدلك
مشاركات:
3,492

افتراضي


متابع ,, ال يتبع


,, Abu Mustafa ,,

الخيار لك...والرغبة منك...والحل بيدك...لنكون كلنا معا في سبيل مستقبل أخوية...
..
عقلنا .. ليس وظيفته التفكير .. لكن لرفع مستوى الادرينالين عندما نفعل شيئا منافيا له ..
..
احتجاج دماغي .
  رد مع اقتباس
قديم 28/03/2008   #3
شب و شيخ الشباب ابو ريتا
عضو
-- مستشــــــــــار --
 
الصورة الرمزية لـ ابو ريتا
ابو ريتا is offline
 
نورنا ب:
Dec 2007
المطرح:
Polska-Białystok
مشاركات:
3,282

افتراضي


الله يعينا عنجد

أجمل الأمهات ..... التي انتظرت ابنها ..... أجمل الأمهات التي انتظرته
وعاد .....
..... عاد مستشهدا .....
...... فبكت دمعتين و وردة ...... ولم تنزوي في ثياب الحداد

آه ياريتا على فقيدك ...

بحبك بلا ولا شي...
بحبك يا ضيعتي البعيدة بيت ياشوط...
  رد مع اقتباس
قديم 28/03/2008   #4
شب و شيخ الشباب مالك الحلبي
عضو
-- قبضاي --
 
الصورة الرمزية لـ مالك الحلبي
مالك الحلبي is offline
 
نورنا ب:
Jan 2008
المطرح:
حلب
مشاركات:
990

افتراضي


نسجل متابعة

(إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآَخِرَةِ وَاللهُ يَعْلَمُ وَأَنْتُمْ لاَ تَعْلَمُونَ) [النور:19]
  رد مع اقتباس
قديم 30/03/2008   #5
صبيّة و ست الصبايا ooopss
مشرف متقاعد
 
الصورة الرمزية لـ ooopss
ooopss is offline
 
نورنا ب:
Nov 2007
المطرح:
بـــ هـالأرض المجنونـــــة ..
مشاركات:
1,398

افتراضي


اقتباس:
كاتب النص الأصلي : M i i i D O _ LiNkiN PaRk عرض المشاركة
التكاسي ما عاد وفت معها صار اللي كان عداد ونص عالعداد القديم صار بدو عدادين غير الاكرامية اللي لازم ياخدها اللي بتطلع اد التسعيرة عمرتين
واللي عالعداد الجديد بدال العداد عداد ونص ونفس الحالة
عنجد كلو كوم والتكاسي كوم..
صاير بجد
كل 30ثانية بيقلب العداد 3 ليرات..( أنا شخصيا مراقبتو)
وهي حقيقة علمية مو مزح أو شي
وطبعا حتى بعد التعديل الكل بياخد أكتر من العداد
كيف عم تزبط معهون هيك مابعرف

عندي ثقـــــــة فيـــــــك ...



- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

الأمــــــل باقي
  رد مع اقتباس
قديم 30/03/2008   #6
شب و شيخ الشباب باشق مجروح
عضو
-- مستشــــــــــار --
 
الصورة الرمزية لـ باشق مجروح
باشق مجروح is offline
 
نورنا ب:
Dec 2005
مشاركات:
5,511

إرسال خطاب MSN إلى باشق مجروح إرسال خطاب Yahoo إلى باشق مجروح
افتراضي


يا لطيف ع الغلا.
الله يعين الفقرا.
بألم نتمنى ايجاد حلول لجنون الاسعار.

صديقي الله .
لا أحسدك على معرفتك مصير كل منا .
لأنك قد تبكي على مصير حزين بينما صاحبه سهران يضحك.
وتعرف الفرح قبل وقوعه فلا ترى مثلنا لذة المفاجأة.
....
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 13:10 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.08416 seconds with 14 queries