أوباما و ماكين و نحنا..

[yass]

كاتب النص الأصلي : VivaSyria

حكيك صحيح 100 % بالنسبة لموضوع العراق و مافيني ناقشك فيه.. بس في قضايا خلافية تانيه كتير كبيرة بيننا و بينن شو الحل فيها؟؟ يعني موضوع إيران و حزب الله و حماس و و و و و.. شو التسويات الممكنة؟؟ لاتنسى هون انك عم تحكي عن نظام حكم بسوريا بيعتمد على هالأوراق..

اي هو تبدا التجارة السياسية... شو بدها تعطي أميركا لسوريا مقابل تعاونها بالعراق و ضبط حزب الله (لا تصدق قصة قطع العلاقة بشكل كامل... لما بدك تبيع سيارة و بدك تطالع خمسمية الف أول شي تطلع سبعمية .. ما هيك؟) و نفس الشي مع ايران... الخطاب التصعيدي من الطرفين يوازي طلب السبعمية ألف لما بدك تبيع السيارة... كن على ثقة انو كلاهما متفق عالخمسمية

[محمد ابراهيم]

كاتب النص الأصلي : VivaSyria

منرجع للسؤال الأساسي كيف رح يأثر انتخاب أي رئيس بامريكا على علاقتها بسوريا؟؟ و كيف ممكن ينعكس انتخاب الديمقراطي أوباما إيجاباً علينا؟

المفروض انت اخر واحد يسأل سؤال متل هاد !!

شوف يا سيدي ، حاليا هناك تحرك اسرائيلي سوري برعاية تركية في اتجاه احياء مفاوضات السلام بين سارائيل وسوريا .

المفاوضين الاسرائليين قبل السوريين بيعرفو انو كل هذا لاقيمة له دون مباركة اميركا للاتفاق النهائي والاشراف عليه ورعاية عملية التنفيذ .

أدارة بوش ثم ماكين (في حال وصل للحكم ) بدون طلبات محددة من النظام السوري (قد تكون مكلفة كثيرا عند التنفيذ من وجهة نظر النظام السوري)
اما أوباما منفتح انفتاح كبير على على كل ما يسمون ب أعداء اميركا .

حتى ايران ، الرجل مع التحاور مع ايران، في وجهة نظري لتجنب اي خسائر ممكن حدوثها (ادارة بوش ثم ماكين من بعدها بترحب بالخسائر بشكل عجيب )

[محمد ابراهيم]

كاتب النص الأصلي : yass

اي هو تبدا التجارة السياسية... شو بدها تعطي أميركا لسوريا مقابل تعاونها بالعراق و ضبط حزب الله (لا تصدق قصة قطع العلاقة بشكل كامل... لما بدك تبيع سيارة و بدك تطالع خمسمية الف أول شي تطلع سبعمية .. ما هيك؟) و نفس الشي مع ايران... الخطاب التصعيدي من الطرفين يوازي طلب السبعمية ألف لما بدك تبيع السيارة... كن على ثقة انو كلاهما متفق عالخمسمية

بالفعل اميركا بتعطي في مقابل ضبط الحدود وبعض الخدمات المتعلقة بالعراق حاليا (هذا مفروغ منه )

بدائيات علم السياسة (لكل عمل تكلفة)
تعمل الي عمل وبتاخد قصادو (السياسة هات وخد ) ( مع ان العرب دايما بيدفعو وقليل لما بياخدو )

[مايسترو]

تسجيل متابعة

[The morning]

كاتب النص الأصلي : VivaSyria;1036889
[FONT=Arial

أولاً و لنعتبر أن باراك أوباما نجح في الإنتخابات الرئاسية الأمريكية (مع العلم أن هذا إحتمال مستبعد)[/font]

ليش احتمال مسـتبعد .. اوباما هو الاكثر حضـورا بالشارع الاميركي , ما عندي فكره كافيه عن رأي العرب فيه بعد تصريحاته حول القدس .. لكن انا ما فهمت ردّه الفعل اللي طلعت بالشارع العربي حول هالتصريح .. شو كانو متوقعين منو يقول ؟ القدس عاصمه الفلسطينين ؟ يعني خلينا نتخيل واحد مقدم عالرئاسه بشـي بلد عربي و يجي يقول القدس عاصمه اسرائيل كانو اكلوه قبل ما يخلّص الكلمه تبعه .. و هيك نفس الـشي اوباما هو مانو عم يقدم على رئاسه دوله صديقه .. يعني ما رح تكون كل تصريحاته مشابهه لتطلعاتنا ,
غير هـيك اوباما و ماكين ,, المقارنه بالنسبه الي مبينه ..
اوباما شـخص بحب البلد , بقصد بالبلد اميركا , و في بكلامو بالقوّه اللي بيحكي فيها ببرنامجه الانتخابي و حتـّى ضمن تطلعاته الداخليه و الخارجيه .. كلهم فيـهم رغبه بالتغير ..
بيحكي عن العائله و عن التميز العنصري و الدين و تاريخه و عائلته و و و ..
لو اردنا تسـليط الضوء على ماكين ..
برنامجه الانتخابي غير مغري , اذا صح التعبير , يعني للصراحه انا ما كمّلت اطلاع و سماعه لانو داق خلقي و ما في شي شدّني فيه .. ممل !

كاتب النص الأصلي : phoenixbird

طيب سؤال بلكي نجح جون ماكين؟

ما اتصوّر و لا اتمنى انو يوصل ماكين لانو الـشعب يبحث عن التغير خصا بظل الحاله الاقتصـاديه و هبوط الدولر ..
الوضع الداخلي بأميركا يتطلب و بحاجه ماسـّه الى تغيرات كـبيره .. و الشـعب كتير قلّت ثقته بالحزب الجمهوري بعد انتخاب بوش للمرّه الثانيه - عفكره يقال انو نلعب بالانتخابات بالدوره الثانيه لانتخابات بوش -
اضـافه لانو في نقـطه كتـير مهمّه .. في عدد لا بأس به من البيض بصوتو لاوباما لكن السود و العرب حوالي 98% منهم مع اوباما .. اضافه الى انو بالنـسبه لاخر استـفتاء شـعبي تم من قبل على ما اعتقد cnn كان اوباما متـقدم بـعدو ..

[VivaSyria]

ليش احتمال مسـتبعد .. اوباما هو الاكثر حضـورا بالشارع الاميركي , ما عندي فكره كافيه عن رأي العرب فيه بعد تصريحاته حول القدس .. لكن انا ما فهمت ردّه الفعل اللي طلعت بالشارع العربي حول هالتصريح .. شو كانو متوقعين منو يقول ؟ القدس عاصمه الفلسطينين ؟ يعني خلينا نتخيل واحد مقدم عالرئاسه بشـي بلد عربي و يجي يقول القدس عاصمه اسرائيل كانو اكلوه قبل ما يخلّص الكلمه تبعه .. و هيك نفس الـشي اوباما هو مانو عم يقدم على رئاسه دوله صديقه .. يعني ما رح تكون كل تصريحاته مشابهه لتطلعاتنا ,
غير هـيك اوباما و ماكين ,, المقارنه بالنسبه الي مبينه ..

مابعرف ليش عم تتناسي الأسباب يلي بتخلي أوباما بعيد عن البيت الأبيض.. يعني انتي برأيك الشارع الأمريكي وقت الجد مؤهل ليستوعب فكرة رئيس أسود!! من أصل مسلم !! و تاريخ عائلته بأمريكا جديد كتير !!

[The morning]

كاتب النص الأصلي : VivaSyria

مابعرف ليش عم تتناسي الأسباب يلي بتخلي أوباما بعيد عن البيت الأبيض.. يعني انتي برأيك الشارع الأمريكي وقت الجد مؤهل ليستوعب فكرة رئيس أسود!! من أصل مسلم !! و تاريخ عائلته بأمريكا جديد كتير !!

يمكن حديثه المستمر عن تاريخ عائلته هو اللي بيـجعل هالعائله جزء لا يتجزأ من صوره اوباما و بيجعلها قريبه لكل شـخص عم يـسمع حديثه ..
فكره رئيس اسود مش مستسهلتها و من زمان سمعت مقوله بتقتضي بانو اميركا بعدها غير جاهزه تطلع رئيس اسود او امرأه لذلك الديقراطين ما الهم امل - هي ايام ما كانت هيليري بعدها ضمن الترشيحات- لكني لا اتفق نهائيا مع هالحـكي .. اوباما مأثبت حاله بـشكل كـبير بالشارع الاميركي و العالمي عامّه و مأثبت حاله اعلاميا ..
شغله انه من اصل مسلم هي هو حكي عنها - ايضا الجاليه العربيه و المسلمه هون لامته جدا - لكن هو قال انو هو مش مسلم .. و ما بعرف ليش لامته يعني ما شفت شي غلط بانو الواحد يصرّح بدينه , هو فعليا ما نشأ على دين الاسلام نشأ و ربي على تعاليم مسيحيه و بـيحكي عنها و عن الاشـخاص اللي عرفهم فيها باحد احاديثه ..
ايضا لا تنسى انو تغلب على هيليري اللي تعتبر بيضا و زوجه رئيس اسبق ما قصّر بدعمها اعلاميا ..
اضافه للغضب العام على الحزب الجمهوري بالاوضاع اللي وصلتها البلد بالفتره الاخيره و الحرب على العراق و مدى معارضتها .. في كتير اشيا بتخليني اتفائل بانو اوباما يوصل للحكم ..

[مايسترو]

بالاخر مين ما وصل منن التنين اضرب من بعض والتنين مو هنن اللي بيتحكموا بالامور لانو اللوبي الصهيوني
هو اللي بالاخر بيوصل اللي بدو يا وبيشيل اللي بدو يا حسب مصالحو السياسية والاقتصادية مالي بصراحةمضطر اني اتامل كتير بوصول اوباما ولا ماكين

[VivaSyria]

كاتب النص الأصلي : مايسترو

بالاخر مين ما وصل منن التنين اضرب من بعض والتنين مو هنن اللي بيتحكموا بالامور لانو اللوبي الصهيوني
هو اللي بالاخر بيوصل اللي بدو يا وبيشيل اللي بدو يا حسب مصالحو السياسية والاقتصادية مالي بصراحةمضطر اني اتامل كتير بوصول اوباما ولا ماكين

مايسترو ياعمي مايسترو...

[صوت الضمير]

هنن مفكرين انو الوضع بأميركا ممكن يكون شبيه للوضع بفرنسا
بحيث انو بالزيارة الأخيرة لفرنسا قررنا نوزع عليهم شوية حقول بترول ينقبو فيها بالاضافة لشوية أمتيازات اقتصادية . الشي يلي خلا فرنسا تلين مقابل مكتسابتها. ( ممكن بيوم نعطيهم أراضي يعملو عليها تجارب نووية المهم يرضو علينا ). خاصة أنو تجرب أعطاء بوش مبلغ كبير من المال بأيام عز الضغوطات الأميركية عبر وسيط مقابل أن يخف الضغط لكن دون جدوى
بس السؤال أنو طالما مهتمين كتير لوضعنا بعد الرئيس الأميركي الجديد . ليش بيطلعو وبيقولو أنو الوضع بألف خير وماعنا عزلة دولية .

[The morning]

بمنـاسبـه اقتراب موعد الانتخابات و تهيئ الشـعب الاميركي للتصـويت .. حابه اعيد فتح الموضوع بعـيدا عن دعم - او عدم دعم - الحكومه السـوريه للمرشحين و طريقتها بالتعاطي مع الحدث لانو هاد مش موضوعنا ..

اليوم صار في مناظره بين اوباما و ماكين كانت الاخيره قبل الانتخابات و حسـب اللي عم ينقال بالاخبار و من الناس انّو اوباما كســحو لمكين - بطحو ارضا -
أنا حضرت المناظره و ماكين كتير كان مضيّع .. حاول يعتذر و ما يحضر - و قدّم مطالب لاوباما لحتّى يرضى يجي - لكن اجاه لوم كبير فقرر يحضر بالاخر ..

مقطعين من المناظره قدرت لاقيهم على اليوتيوب

الاوّل عن العراق و المصاريف :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

الثاني عن ايران و النووي :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

في مقطع - مش بالفيديو عاليوتيوب - حكي اوباما عن سوريا بشكل طفيف جدّا عن انو اخطأت الحكومه الاميركيه ببعض خياراتها معها - او هيك شي, هون ما كنت كتير بالجو - ..

بعد ما خلصت المناظره نزّل اوباما بموقعه هالرساله :

I just finished my first debate with John McCain.

Millions of Americans finally got a chance to see us take on the fundamental choice in this election -- the change we need or more of the same.

I will provide tax cuts for the middle class, affordable health care, and a new energy economy that creates millions of jobs. John McCain wants to keep giving huge tax cuts to corporations, and he offered no solutions for the challenges Americans are facing in their daily lives.

I will end the war in Iraq responsibly, focus on defeating al Qaeda and the Taliban, and restore America's standing in the world after eight years of disastrous policies. John McCain wants an unending commitment in Iraq and fails to recognize the resurgent threat in Afghanistan.

Let's be clear: John McCain is offering nothing but more of the same failed Bush policies at home and abroad that he has supported more than 90% of the time in the Senate.

Americans need change now, and I need your help to get the word out about this movement.

In the coming days, it's going to be up to you to organize locally and reach the voters that are going to decide this election.

Now's the time to make your voice heard.

Thank you for all that you're doing,

Barack

[Ms. J.A]

الانتخابات الامريكية المرة بتحصل بظروف صعبة جدا بتمر فيها امريكا !
اكبر بنوك برؤوس اموال ضخمة بالبلايين عمالها بتفلس والحكومة عمالها بتحاول تحل المشكلة بخطة انقاذ مش الكل بيدعم فيها!!
بطلنا بعالم نقول فيه انو اللي بيصير ببلد مهما كانت زغيرة ما حيأثر عاللي حواليها فما بالك لما بنحكي عن امريكا اللي اي مشكلة من اي نوع بتأثر على دول العالم أجمع وعالاقتصاد العالمي كلو !!
اوباما اقل تشددا من ماكين وزي ما حكى yass هو ضد الحرب عالعراق وهاد اللي ساعدو يتفوق على هيلاري وهاد اللي خلاه لهلأ باستطلاعات الرأي يتفوق على ماكين!! وموضوع العراق هو الموضوع اللي هاجم فيه ماكين في المناظرة اللي صارت بينهم مبارح!!

هون بالعادة كنا نستنى الرئيس الأمريكي الجاي لأن مفروض يكونلو تأثير عالقضية الفلسطينية وع مباحثات (اسلام) بس بعد اكثر من تجربة طلعنب بخلاصة انو مهما اختلفت وجهات النظر عند مرشحي الرئاسة الامريكية بيتفقوا دائما بالمواضيع اللي الها علاقة باسرائيل لأنو ما حدا فيهم غبي لحتى يخسر دعم اللوبي الصهيوني..

[مايسترو]

طبعا لح يتفقو بالامور اللي بتخص اسرائيل

اسرائيل مو بس طفل مدلل لامريكا..لا ابدا بيرتبطو ببعض بمصالح استراتيجية واسعة جدا يصعب حصرها وتعاونات امنية وعسكرية .....الخ

بالاضافة للوبي الاسرائيلي اللي حكينا عنو وبالاضافة للجهل الواضح بالعرب والقضايا العربية

بعدين دخلكون اذا اصحاب القضية تركوها ..


لح يجي الامريكان ويزبطوها؟

[The morning]

اليوم صار في مناظره بين اوباما و ماكين كانت الاخيره قبل الانتخابات

** بعتذر ما كنت فاهمه تماما كيف رح تمشي .. ما كانت اخر مناظره بل كانت اخر مرحله من المناظرات بعد لسّا في مناظرتين قبل الانتخابات .. **

[The morning]

الانتخابات الامريكية المرة بتحصل بظروف صعبة جدا بتمر فيها امريكا !
اكبر بنوك برؤوس اموال ضخمة بالبلايين عمالها بتفلس والحكومة عمالها بتحاول تحل المشكلة بخطة انقاذ مش الكل بيدعم فيها!!

بالضبط و هاد اللي عم يدعمه ماكين هالشركات هي و هاد الشي اللي بخلّي كفّه الميزان ترجح لصالحه ببعض الاحيان و لكن الشعب ليس فقط رئس ماليّن و شركات ضخمه في شعب ايضا عم يطلع من شغله و يعاني بطاله في الكثير الكثير اللي بحاجه للاصلاح قبل الوصول الى هالشركات !

اوباما اقل تشددا من ماكين وزي ما حكى yass هو ضد الحرب عالعراق وهاد اللي ساعدو يتفوق على هيلاري وهاد اللي خلاه لهلأ باستطلاعات الرأي يتفوق على ماكين!! وموضوع العراق هو الموضوع اللي هاجم فيه ماكين في المناظرة اللي صارت بينهم مبارح!!

على ما اذكر انّو هيلاري ايضا كانت ضد الحرب عالعراق ., وهوّ قال و عاتب بالمناظره ماكين على انّه مع الحرب عايران و هنن بعدهم ما خلصو من الحرب عالعراق الدوله اللي ما اعتدت عليهم ! هو فعليا مش مع او ضد جهه معينه بقدر مانه مع اللي بشوفه أفضل لو كان ضد جهات مقرّبه متل اسرائيل او كان مع جهات مش كتير محببه متل روسيا ..
أذكر بأنو ايضا ذكر انو ما من مصلحه اميركا اننا نرفض النقاش مع روسيا أو نحارب ايران حتّى لو كانت روسيا بلد غير مقرّب و ايران عم تهدد امن اسرائيل .. لكنه في حال كان الخيار الافضل فلازم نفكّر فيه ..

هون بالعادة كنا نستنى الرئيس الأمريكي الجاي لأن مفروض يكونلو تأثير عالقضية الفلسطينية وع مباحثات (اسلام) بس بعد اكثر من تجربة طلعنب بخلاصة انو مهما اختلفت وجهات النظر عند مرشحي الرئاسة الامريكية بيتفقوا دائما بالمواضيع اللي الها علاقة باسرائيل لأنو ما حدا فيهم غبي لحتى يخسر دعم اللوبي الصهيوني..

رئيس اميركا ما رح يهمه مصلحه فلسطين - لو كان هاد همه كان رشّح نفسه لرئاسه فلسطين - و اذا كانت مصلحه اميركا تقتضي علاقات افضل مع اسرائيل فهاد الشي اللي رح بيلجأ اله كونو هو عم يبحث عن الافضل لاميركا

[محمد ابراهيم]

في حدا بدو شكر على اعادة فتح الموضوع لانو اجا بوقت مناسب عقب اول مناظرة بين ماكين واوباما خاصة بعد اختيار كل منهم لنائبه ،
الوضع كان بعد اختيار النائبين انو ماكين ولاول مرة اتقدم على اوباما باستطلاعات الرائ (وكان السبب الرئيسي هو اختيار سارة بالين كنائبة لماكين )

اما بعد المناظرة تقدم اوباما على ماكين ب13 نقطة وهذا فارق ساحق ، فقد رأى 51% من المستطلعين ان اوباما قد تغلب على ماكين في المناظرة في حين رأى 38% ان ماكين هو من تفوق على اوباما والباقين لايرو ان اي منه قد حسم المناظرة لصالحه .

كاتب النص الأصلي : The morning

بالضبط و هاد اللي عم يدعمه ماكين هالشركات هي و هاد الشي اللي بخلّي كفّه الميزان ترجح لصالحه ببعض الاحيان و لكن الشعب ليس فقط رئس ماليّن و شركات ضخمه في شعب ايضا عم يطلع من شغله و يعاني بطاله في الكثير الكثير اللي بحاجه للاصلاح قبل الوصول الى هالشركات !

ما فهمت هالجزئية

[The morning]

كاتب النص الأصلي : محمد ابراهيم

في حدا بدو شكر على اعادة فتح الموضوع لانو اجا بوقت مناسب عقب اول مناظرة بين ماكين واوباما خاصة بعد اختيار كل منهم لنائبه ،
الوضع كان بعد اختيار النائبين انو ماكين ولاول مرة اتقدم على اوباما باستطلاعات الرائ (وكان السبب الرئيسي هو اختيار سارة بالين كنائبة لماكين )

اما بعد المناظرة تقدم اوباما على ماكين ب13 نقطة وهذا فارق ساحق ، فقد رأى 51% من المستطلعين ان اوباما قد تغلب على ماكين في المناظرة في حين رأى 38% ان ماكين هو من تفوق على اوباما والباقين لايرو ان اي منه قد حسم المناظرة لصالحه .


ما فهمت هالجزئية

شكرا الك محمد ..
بالفعل كل النساء اللي كانو مع هيلري كلنتون بدعمها فقط لانها امرأه انتقلو فورا لدعم ماكين او الاصح نقول لدعم ساره .. (( مع انها كـشخصيّه ليست جديره بأيّ من الاحترام - تاريخيها كأمرآه يشـهد )) و لكن بغض النظر ففعلا ارتفعت نسبه ماكين على اوباما بالاسبوعين المنصرفين و لكن حتّى قبل لمناظره بكم يوم عاد اوباما للتصدّر و بعد المناظره اللي صارت كتير من اللي كانو يقولو بأن اوباما بعده صغير و غير قادر على انّو يدافع عن اميركا بلّشو يغيرو رأيهم لمّا عصّب على ماكين ..

بالنسبه للجزء اللي ما فهمته فقصدت قول انو ماكين عم يدعم و بشكل علني و هيك عينك كنت عينك الرئس ماليّه بحيث انه عم يقول انو هو تركيزه رح بكون على الشركات و اصحاب الاموال و عم يبرر هالشي بقوله انّو هنن الي بيرفعو اقتصاد البلد و لهيك حيكونو راضين عليه الجماعه .. و بناء على ما سبق من حكي فمشترات الاصوات تتم حتّى في اميركا - بحيث انه يتم دفع مصاري لناس تصوّت - و نياله اللي بتكون الجهات اللي معها المصاري رضيانه عليه ..
المصاري = power يا مان

[محمد ابراهيم]

من 5 ايام كنت كتبت رد وراح بسبب انقطاع التيار الانترنتي اثناء الارسال ،

المهم ، اليوم صارت مناظرة بين بايدن وبالين ، بما انك صرتي تتابعي برامج سياسية ومهتمة بالاوضاع السياسية الاميركية ، فمشكورة اذا خبرتينا شو صاير بايجاز (واذا ما خبرتينا كمان مشكورة ، بس شكر اقل طبعا)

عفكرة " صار موافقة على القانون المعدل " لخطة الانقاذ المالية (الحمد لله )

- اللعب على الازمة الاقتصادية رح يمثل المحور الرئيسي في الصراع على رئاسة اميركا من وجهة نظري في الفترة الجاية .