|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
03/12/2008
|
#1 | ||||||
|
عضو
-- مستشــــــــــار --
|
إقتصاد مخلوف... لا إشتراكية ولا رأسمالية
منذ بضعة أعوام ونحن نسمع عن الإصلاحات التي تقوم بها الحكومة على الصعيد الإقتصادي بغية تحديثه وتطويره بما يعود بالفائدة على الشعب السوري وبما يضمن تطور هذا الإقتصاد وفق حاجاتنا ومتطلباتنا...
إقتصادنا الذي لا أجد إسماً له اليوم خيراً من "إقتصاد ربي يسر ولا تعسر" بحكم أننا في دولة "الله حاميها" لا تعرف له توجهاً ولا منهجاً ولا هدفاً... فيطالعك الدردري قائلاً وبالحرف الواحد أن حكومته العتيده قد حققت المعجزات ويرد عليه رئيسه العطري ويقول بأن ما حققته هذه الحكومة هو إعجاز بكل المقاييس... لا أدري ما هي مقاييسهم المعتمده لكني لم أرى هذا الإعجاز إلا في تسخير موارد بلد كامل لشخص واحد وهو رامي مخلوف... لم يكن يوماً إقتصادنا إشتراكياً ولم يصبح اليوم إقتصاد سوق "تسمية سورية"... كان ومازال إقتصادً موجهاً لمصلحة أفراد... لم أجد في كل قرارات الحكومة من مرسوم إنشاء السوق الحرة إلى إلغاء الوكالات الحصرية إلى تحفة مجلس الوزراء الأخيرة والتي إعتبرت أن أول ثلاث سنوات من عمل سيرتل كانت تجريبية وعليه فإن عقدها سيستمر أربع سنوات قادمة... لم أجد فيها أي مصلحة للمواطن السوري أو مايعود بالنفع على هذا الوطن... كل ما أشاهده هو المزيد من النهب لموارد البلد ولأرزاق المواطنين... ولم أفاجأ أخيراً بالمفاوضات الجارية بين المؤسسة العامة للإتصالات وإحدى الشركات الروسية للدخول كمخدم ثالث مع سيريتل و إم تي إن والتي كان فيها بند أساسي أنه يتوجب على الشركة الروسية القبول بشراكة شركة وطنية تعمل في هذا المجال... وكما هو معلوم فلا يوجد في سوريا إلا شركتان تعملان في هذا المجال ويملكهما بشكل أو بأخر نفس الشخص... وهذا ماكان قد أفشل المفاوضات مع ثلاث شركات كبيرة ترغب الدخول إلى السوق السوري... غريبة هذه القدرة على إبتداع القرارات لخدمة فرد... ألا يكفي آل مخلوف ما وصلوا إليه من الثروة... أم أن الموضوع بات أن هذا البلد مزرعة لايجب التفريط بثمرة واحده من غلالها!!! كيف يمكن لشخص أن يمتلك ويسيطر على كل القطاعات الحيوية والإقتصادية والخدمية في البلد من النفط إلى الإتصالات إلى الإعلام إلى السياحة بفنادقها ومطاعمها وخدماتها إلى كل شيئ فيها؟؟ كيف يمكن أن تعدل القوانين وتفصل المراسيم على مقاس هذا الشخص بما لايتوافق مع أي مصلحة وطنية؟؟؟ أين سيصل فينا هذا الإقتصاد بعد الحالة المتدهورة للوضع الإقتصادي في سوريا اليوم؟؟ تكفينا بدعكم الإقتصادية ويكفينا تدميركم لإقتصادنا ونهبه... أو لتسموه بإسمه الحقيقي فهو ليس إقتصاد سوق ولا إقتصاداً إشتراكياً ولا يمت للإقتصاد الرأسمالي بصلة... بل هو وبكل فخر منتج سوري وليس وطنياً... يدعى بإقتصاد مخلوف. ودمتم.
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!! كيف سينتصر على غزاة القمر؟؟!! |
||||||
|
|
03/12/2008
|
#2 | ||||||
|
عضو
-- قبضاي --
 |
لك هوي ما في داعي للتعصيب
هاد يللي عمتحكي عنو موجود باي بلد بس طبعا ما بكونو من اقرباء الرئيس عندك باميركا يلل هي اميركا زعماء متل دونالد رامسفلد وزير الدفاع الاسبق وهداك التاني يللي عندو شركة أدوية وعلى زمتن هوي اول من اوجد مرض الجمرة الخبيثة وبنفس الوقت جبلها العقار واكيد بدك تقلي انو هدول نظام راسمالي بس شو رأيك انو كان جورج دبليو بوش واسامة بن لادن شركاء واصحاب اسهم بشركات نفطية بكل انحاء العالم فشو بيجي رامي مخلوف من هدول العالم تأكد يا معلم انو هي تجارة رقيق على الطريقة الحديثة والنقاش يطول ............................ منشوفك
سوف أعلن عليك الحب
وأختم على ذاكرتي بالشمع الأحمر........ ادخلو بصمت واخرجوا بصمت حتى تنطفئ تلك الشعلة الزرقاء . |
||||||
|
|
|
03/12/2008
|
#3 | ||||||
|
عضو
-- قبضاي --
|
الفكرة انو هالاقتصاد موجود بكل مكان بس اسمو بيتغير من بيت مخلوف لبيت مبارك لبيت عائلة الملك فلان ولبيت روسفيلد وهالقصص .. بس الأحلى انو كل بلد بيحكي عليه على اساس منتج محلي ..
بالنهاية هم البشر هيك يعني لو فيك تغير تركيبة المخ البشري كنت ممكن تحصل على نماذج جديدة .. بس ماباليد حيلة ... ولا يغير الله ما في قوم .... والكمالة الكل حافظها
وداعا .....
لكل شيئ كان جميلا |
||||||
|
|
|
03/12/2008
|
#4 | |||||||||
|
عضو
-- مستشــــــــــار --
|
اقتباس:
شوف أخي بكل بلد بالعالم في أشخاص مسيطرين على عدة قطاعات من الاقتصاد وبكل مكان في تجار كبار ورجال أعمال كبار وصناعين كبار وهدول بشكل أو بأخر بيكون إلون اتصال بالسلطه... بس الوضع بسوريا انو هاد الشخص صار هو الإقتصاد والسلطه... ومتل ماقلت بالموضوع مو معقول شخص واحد يسيطر على كل القطاعات بالبلد وهالشخص هاد نفسو عم تتسخر لخدمتو كل قرارات الحكومة وهو فوق كل الأنظمة والقوانين... هالأنظمة والقوانين يلي بتتغير كرمالو "متل موضوع إلغاء الوكالات الحصرية ومرسوم إلغاء السوق الحرة الحكومية والعشرات من هالقرارات.." مشان هيك برجع بقلك التشبيه مستحيل... اقتباس:
اقتباس:
 |
|||||||||
|
|
|
04/12/2008
|
#5 | ||||
|
عضو
-- زعيـــــــم --
|
هالابن المخلوف قصتو كبيرة...
أنا برأيي يستلم سورية تعهّد وخلصنا!
Mors ultima ratio
. www.tuesillevir.blogspot.com |
||||
|
|
|
04/12/2008
|
#6 | |||||||
|
عضو
-- زعيـــــــم --
 |
اقتباس:
وخلصنا 
0 الباب يللي بيجيك منو الريح،
0 بيكون شي نجار فهمان مركبلك ياه 0 ســــــــــــــــMan ــــــــــــــــــا تـــــــــو |
|||||||
|
|
|
04/12/2008
|
#7 | |||||||
|
عضو
-- قبضاي --
|
اقتباس:
أنا الآن لا أخشى الإله مطلقا. ربما يعود ذلك إلى أنني نفذت تعاليمه. لا أخاف الموت لأنه لا يساوي شيئاً. وكما أنني لا أساوي شيئا بدوري، فأنا لا أخشى أخطر عناصر الطبيعة، مهما فعلت، وحتى إذ جاء ذنب مذنب ليضربنا ويحولنا إلى سلاطة طماطم، فأنا أضحك
|
|||||||
|
|
|
04/12/2008
|
#8 | ||||||
|
عضو
-- قبضاي --
|
من البارحة وأنا أفكر في الدخول غلى الموضوع , وأتردد وأقول بيني وبين نفسي , يلعن ..... ما بقى في غيرو , وين ما رحت ووين ما رجعت , تفووووو. على إبليس ومنتفعاتو , وبعدين هاللحن الي كل النهار وكل الليل منسمعو وبيسمعونا ياه يمكن الغاية يوصلونا لهون , يعني نمل من الموضوع وننقبر نسكت , بعدين شو نمل وشو نسكت وأصلا مو طالع معنا غير الحكي أبسط الإيمان نحكي , ولك نعوي متل الكلاب أي متل الكلاب المهم ما نسكت ولو كان موطالع من الحكي غير أنو متل صمام الأمان تبع طنجرة الضغط , يعني شو منطق واللا منعوي ومنّبح , أنا رح أحكي ونبّح وعوي , منشان ما أنسى أنو كنت عض ويمكن أرجع أي يمكن أرجع عض أو لازم أرجع عض
لقضية أنا ماني شايفة قضية شخص , القضية قضية وطن مستباح , من ناس معينين ولناس معينين . أهم مؤسسات البلد الإقتصادية هي المؤسسة العامة للإتصالات , ومتل مو شايفين , سنة سنتين راح مدير عام وإجا غيرو , الأسباب المخفية للموضوع ,المعلم هوي بيحط وهوي بيشل ومتل المتل اللي بيقول "اللي طالع الكر على المأذنة بينزلو ," ومتل ما هوي طالع المدراء , نزلون وشو كان يشتغل قبل الإتصالات , كان بامبراطورية الكهرباء وبالتحديد المحطات , وعو .... عو ... عوعو ولقيت عظمة رح بسكت وبرجع بنبح بس جوع , ويا ريت بيجي موم ما بلاقي العظمة اللي عض عليها واسكت |
||||||
|
|
|
04/12/2008
|
#9 | ||||||
|
عضو
-- زعيـــــــم --
|
والله حرام اللي ميصير بهالبلد نحنا اغنى بلد بين العرب وهيك صاير فينا ..........
أحتاج إلى عاصفة...
تنسيني آثار السكون... وأنتِ يا سمراءُ عاصفتي ...معذبتي .. قاتلتي.. يا جميلة العيون |
||||||
|
|
|
04/12/2008
|
#11 | ||||||
|
عضو
-- زعيـــــــم --
|
اقتباس:
اقتباس:
|
||||||
|
|
|
04/12/2008
|
#13 | |||||||
|
عضو
-- قبضاي --
|
اقتباس:
وللقصة علاقة بكل مايتعلق برامي وغيره |
|||||||
|
|
|
05/12/2008
|
#14 | |||||||
|
عضو
-- مستشــــــــــار --
|
اقتباس:
بمعنى أخر سوريا من الدول القليلة ازا ماقلنا الدولة الوحيدة بالمنطقة يلي فيها مناخ مناسب للسياحة وتحتوي على كل إمكانيات دولة سياحية من الطراز الرفيع من إمكانيات سياحة استجمامية وسياحة دينية... يضاف عليه أننا تمتلك مقومات دولة منتجة زراعياً وبإمكانات هائله ومصدرة لأغلب دول المنطقة لكل المنتجات الزراعية.... يضاف عليه أننا تاريخياً من أهم الدول الصناعية وأولها بالمنطقة العربية والمنتجات السورية اكتسحت كل الأسواق المجاورة... ويضاف على كل ماسبق أننا نمتلك ثروات طبيعية من بترول وغاز وفوسفات و و و تؤهل البلد لتكون محطة جذب لشتى أنواع الإستثمارات... ومع كل هالمقومات وهالإيرادات دخل الفرد ببلدنا الأقل مقارنةً بدول الجوار... معناها نحنا بالفعل من أغنى الدول العربية... الغنى مو بالبترول.... الغنى بالتكامل... وسوريا دولة متكاملة سياحياً وصناعياً وزراعياً وحتى نفطياً وماشابه.... بس يبطلو سرقة ويرفعو إيدون عنها وشوف وين بتصير... |
|||||||
|
|
|
05/12/2008
|
#15 | |||||
|
عضو
-- زعيـــــــم --
|
اقتباس:
|
|||||
|
|
|
05/12/2008
|
#16 | ||||||||
|
عضو
-- زعيـــــــم --
|
اقتباس:
اقتباس:
|
||||||||
|
|
|
06/12/2008
|
#18 | ||||||
|
مشرف
  |
أهلا بكم على شبكة رامي مخلوف
أن الرقم المطلوب مغلق أو خارج نطاق التغطية يرجى الاتصال عذرا لا يمكن اتمام لاتصال ما من وحدات متبقة لديكم لاتمام الاتصال إي سيدو هاد رامي مخلوف عندو عقدة من أسمو لأنو رفيقوا وهوي وصغير كان يناديلوا رامي منتوف رامي منتوف قام صار عندو حالة نفسية سيئة وردة فعل ونتف كل الشعب بسوريا وهلق راح ع باكستان واليمن ينتفون اي يلعنو ويلعن الساعة اللي ...... SYRIA
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
"حسام*عاشق من فلسطين*ناطرك" We Ask The Syrian Government to STOP Banning Akhawia"
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 12:37 (بحسب عمك غرينتش الكبير +3)