أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 08/11/2009   #19
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي


ان يمكن هاي اول مشاركه الي باخويه من شي شهر بس اذا بدنا نحكي عن اسباب التدهور باخويه راح نبدي وماراح نخلص
مرات بزعل لما بشوف ان اخر مره كانت عاجقه عنا يوم 28/03/2008 ان قبل شي اكثر من سنه ونص بس بصفن بحس ان الحق بيتقاسمو الكل من المشرفين الي عملو متل حكومات بعد الاستقلال بتصفيه اي عضو يمكن يصير شي يوم مشرف وهالشي فرغ الاخويه من كتير اعضاء كان الن لمستن وخلال اعضاء تانين ينسحبو نتيجة الريحة المشاكل الي صار ماحدا فيه يمر الا ويشمها حته الاعضاء الي صفو باخويه وكانو من الماثرين فيها بطلو يكتبو شي جديد ان لاتنسو صعب الواحد بيضل عم يطلع كل يوم فكره وخصوصا اذا مالقا حدا يشاركو فيها فصاررت تكثر عنا المشاركات باالاقسام الي تتعلق بالمسابقات والنكت لانن مافي حدا فيه يعاقب حدا عليهن هاد غير الملطوشات ان فتحنا الايميل لقينا شي جديد يالله هاد بيلبق لاخويه هاد كلو غير مشاكل الي صارت بالسرفير من اكثر من سنه ونص وصابت كل الاعضاء الجداد والقدام بالملل من انتظار حلها وحولو بكل بساطه لموقع شغال 100% مو موقع بتحسو متل الختيار الي بدو دفشه مع كل كبسه زر فيه
اخويه الي عم احكي عنها هيه كانت بالنسبه الي سوريا اقتراضيه علي النت فيني احس فيها بالشام وشعبا وماصفا من هالصوره غير صوره الشرطي الي بدو يخلي كلشي عالنظام كانا بمجتمع اشتراكي نازم يكون الكل فيه نسخة من كتاب ثقافي
لكل حته السقيفة الي كانت عصب باخويه صارت بالشهر مابينزل فيها اكثر من 10 مواضيع ويوم ما بعض الاعضاء صارو يحاولو ينكشو مواضيع قديمة صارو بينحطو بالمعتقل طيب ماهي المواضيع يمكن تكون قديمه بس مين قالت انا ماتت او مين قال انها منها جديده للاعضاء الجدد؟ هيك فجا صرنا بنحاول نطور موقعنا باسلوب قمعي فيني قول ان هرب معظم الاعضاء الي يمكن كان يكون الهن لمسه عنا
مابدنا ننعي ولا نشكي بس بدنا حلول وبدنا نسكر صفحة الماضي المجيد ومعو كل المشاكل الي رافقتو
بعتقد من الحلول الي يمكن تصير
ان هالسيرفر العظيم تنزل عليه الهبه الالهيه ويتصلح لان صار مسخره نتضحك عالاعضاء ان يالله فتره ويمشي الحال
نحاول نرجع اعضاء اتقلعو تقليع من اخويه لمعارضتهن افكار مشرفين فيها بالاضافه
ان يرجعو هالشباب الي بيمثلو نخبه اخويه المتمثله بالمشرفين نفسن ان يشاركو متل زمان فيها وما بيكتفو بفكره الاشراف (لان مشاركاتهن كانت اكثر من مميزه)
تطوير مواضيع كانت بالارشيف وعرضها بشكل جديد للاعضاء الجدد
اسف ان طوللت بالرد بس ان هاد كلو لان بالفعل بحس بانتماء كبير لهالموقع ومنتمني ان يرجع بسرعه متل ماكان
دمتم ودامت اخويه


اسكر اسكر اسكر...فهذا العالم مملوء بالليل
  رد مع اقتباس
قديم 08/11/2009   #20
صبيّة و ست الصبايا Nirvana
مشرف متقاعد
 
الصورة الرمزية لـ Nirvana
Nirvana is offline
 
نورنا ب:
Jun 2006
المطرح:
حيث لا أدري!
مشاركات:
3,323

افتراضي


اقتباس:
كاتب النص الأصلي : ..Jimy عرض المشاركة
المنبر روح اخوية..
واخوية كانت مبدأ نسمة حرية منبر لقضية..
بعدين صارت هيي بحد ذاتها قضية..
اخوية كانت بتحضن كل الاتجاهات وكل الانتمائات..
بعدين صارت هيي اتجاه وهيي بذاتا انتماء..

كان الجدل والخلاف يصير عن طريق اخوية..
بعدين صار الجدل والخلاف يصير عاخوية وعن اخوية..

مافيني اكتب نص اكبر من هيك ..بس انو فهمتو عليي؟
ومشان هيك، عالأقل كل واحد من الأعضاء اللي بحسو أنو قادرين يشاركو في المنبر لازم يحطو لمساتن فيه. برجع وبكرر مع الالتزام بقوانين أخوية.. مشان نقدر نحكي.

كل جنون بينكتب بالدم ..
  رد مع اقتباس
قديم 08/11/2009   #21
صبيّة و ست الصبايا Nirvana
مشرف متقاعد
 
الصورة الرمزية لـ Nirvana
Nirvana is offline
 
نورنا ب:
Jun 2006
المطرح:
حيث لا أدري!
مشاركات:
3,323

افتراضي


اقتباس:
كاتب النص الأصلي : اممي عرض المشاركة
ان يمكن هاي اول مشاركه الي باخويه من شي شهر بس اذا بدنا نحكي عن اسباب التدهور باخويه راح نبدي وماراح نخلص
مرات بزعل لما بشوف ان اخر مره كانت عاجقه عنا يوم 28/03/2008 ان قبل شي اكثر من سنه ونص بس بصفن بحس ان الحق بيتقاسمو الكل من المشرفين الي عملو متل حكومات بعد الاستقلال بتصفيه اي عضو يمكن يصير شي يوم مشرف وهالشي فرغ الاخويه من كتير اعضاء كان الن لمستن وخلال اعضاء تانين ينسحبو نتيجة الريحة المشاكل الي صار ماحدا فيه يمر الا ويشمها حته الاعضاء الي صفو باخويه وكانو من الماثرين فيها بطلو يكتبو شي جديد ان لاتنسو صعب الواحد بيضل عم يطلع كل يوم فكره وخصوصا اذا مالقا حدا يشاركو فيها فصاررت تكثر عنا المشاركات باالاقسام الي تتعلق بالمسابقات والنكت لانن مافي حدا فيه يعاقب حدا عليهن هاد غير الملطوشات ان فتحنا الايميل لقينا شي جديد يالله هاد بيلبق لاخويه هاد كلو غير مشاكل الي صارت بالسرفير من اكثر من سنه ونص وصابت كل الاعضاء الجداد والقدام بالملل من انتظار حلها وحولو بكل بساطه لموقع شغال 100% مو موقع بتحسو متل الختيار الي بدو دفشه مع كل كبسه زر فيه
اخويه الي عم احكي عنها هيه كانت بالنسبه الي سوريا اقتراضيه علي النت فيني احس فيها بالشام وشعبا وماصفا من هالصوره غير صوره الشرطي الي بدو يخلي كلشي عالنظام كانا بمجتمع اشتراكي نازم يكون الكل فيه نسخة من كتاب ثقافي
لكل حته السقيفة الي كانت عصب باخويه صارت بالشهر مابينزل فيها اكثر من 10 مواضيع ويوم ما بعض الاعضاء صارو يحاولو ينكشو مواضيع قديمة صارو بينحطو بالمعتقل طيب ماهي المواضيع يمكن تكون قديمه بس مين قالت انا ماتت او مين قال انها منها جديده للاعضاء الجدد؟ هيك فجا صرنا بنحاول نطور موقعنا باسلوب قمعي فيني قول ان هرب معظم الاعضاء الي يمكن كان يكون الهن لمسه عنا
مابدنا ننعي ولا نشكي بس بدنا حلول وبدنا نسكر صفحة الماضي المجيد ومعو كل المشاكل الي رافقتو
بعتقد من الحلول الي يمكن تصير
ان هالسيرفر العظيم تنزل عليه الهبه الالهيه ويتصلح لان صار مسخره نتضحك عالاعضاء ان يالله فتره ويمشي الحال
نحاول نرجع اعضاء اتقلعو تقليع من اخويه لمعارضتهن افكار مشرفين فيها بالاضافه
ان يرجعو هالشباب الي بيمثلو نخبه اخويه المتمثله بالمشرفين نفسن ان يشاركو متل زمان فيها وما بيكتفو بفكره الاشراف (لان مشاركاتهن كانت اكثر من مميزه)
تطوير مواضيع كانت بالارشيف وعرضها بشكل جديد للاعضاء الجدد
اسف ان طوللت بالرد بس ان هاد كلو لان بالفعل بحس بانتماء كبير لهالموقع ومنتمني ان يرجع بسرعه متل ماكان
دمتم ودامت اخويه

بالنسبة للسيرفر.. بظن أنو بل ومتأكدة انو الموضوع ما عم يتم تجاهلو.. يعني موقع متعوب عليه ما ظنيت انو المسؤول عنو أو صاحبو ممكن يتجاهل هيك قصة.. بس يمكن القصة بدها شوية وقت. عكل حال ما فيني أحكي عن حدا.. بس عندي أمل الموضوع هاد بالذات ينحل.

التقليع والمشرفين والقمع ... الخ. ما عندي فكرة عن اللي صاير لدرجة أنو الأمور واصلة لهالمرحلة. وعن نفسي ما لي مع كتير أشياء وكتير مواقف ... بس... حتى الإشراف ما لو ثابت ... يعني اليوم هني فلان وفلان وفلان، بكرا بيجي غيرهم. ولنحكي اللي إلنا واللي علينا، في مشرفين بيشتغلو بأقسامهم وبيتعبو... ممكن نختلف مع الإشراف بس بالنهاية نحن عايشين بأوطان كلها إشراف وقمع وقوانين ... اذا قادرين نتعايش معها، بظن منقدر نتعايش معها بأخوية. لافتراض انو وصلت أخوية لهالمرحلة.

وانا كمان بتمنى معك ولو ما رجعت أخوية متل أول، ترجع قوية عالأقل.
  رد مع اقتباس
قديم 08/11/2009   #22
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اقتباس:
كاتب النص الأصلي : Nirvana عرض المشاركة
بالنسبة للسيرفر.. بظن أنو بل ومتأكدة انو الموضوع ما عم يتم تجاهلو.. يعني موقع متعوب عليه ما ظنيت انو المسؤول عنو أو صاحبو ممكن يتجاهل هيك قصة.. بس يمكن القصة بدها شوية وقت. عكل حال ما فيني أحكي عن حدا.. بس عندي أمل الموضوع هاد بالذات ينحل.

التقليع والمشرفين والقمع ... الخ. ما عندي فكرة عن اللي صاير لدرجة أنو الأمور واصلة لهالمرحلة. وعن نفسي ما لي مع كتير أشياء وكتير مواقف ... بس... حتى الإشراف ما لو ثابت ... يعني اليوم هني فلان وفلان وفلان، بكرا بيجي غيرهم. ولنحكي اللي إلنا واللي علينا، في مشرفين بيشتغلو بأقسامهم وبيتعبو... ممكن نختلف مع الإشراف بس بالنهاية نحن عايشين بأوطان كلها إشراف وقمع وقوانين ... اذا قادرين نتعايش معها، بظن منقدر نتعايش معها بأخوية. لافتراض انو وصلت أخوية لهالمرحلة.

وانا كمان بتمنى معك ولو ما رجعت أخوية متل أول، ترجع قوية عالأقل.
و الله بالنسبة للأشراف ما فيني قللك غير انو في نقص بالكادر و الشباب ما عم يقصرو بس لكل أنسان طاقتو
بعدين ناس كتار هجو من المنتدى مو لازم يكون في مسؤول عن أمورن يرجعن؟ أو يسأل عنون؟
عم أفكر نسوي موضوع متل موضوع أصلاحي يعني نقسم في مهام إعادة الحركة للمشاركات و المواضيع و القصص كلها
ترا بيكفي نوم ولا انت شو رأيك؟


نحن ننتظر الضياء و لكننا نرى الظلام

---------------------------------------------------------------

ذو العينين البراقتين ......... الذي يقرر المصائر .............


DaRkNeSs LoRd

Lord Of DarkneSs

Lord Of The Sweet Sadness
  رد مع اقتباس
قديم 08/11/2009   #23
صبيّة و ست الصبايا Nirvana
مشرف متقاعد
 
الصورة الرمزية لـ Nirvana
Nirvana is offline
 
نورنا ب:
Jun 2006
المطرح:
حيث لا أدري!
مشاركات:
3,323

افتراضي


اقتباس:
كاتب النص الأصلي : DARKNESS عرض المشاركة


و الله بالنسبة للأشراف ما فيني قللك غير انو في نقص بالكادر و الشباب ما عم يقصرو بس لكل أنسان طاقتو
بعدين ناس كتار هجو من المنتدى مو لازم يكون في مسؤول عن أمورن يرجعن؟ أو يسأل عنون؟
عم أفكر نسوي موضوع متل موضوع أصلاحي يعني نقسم في مهام إعادة الحركة للمشاركات و المواضيع و القصص كلها
ترا بيكفي نوم ولا انت شو رأيك؟

أكيد بيكفي نوم... ولو إني ما عم لاقي وقت نام فيو! عكل حال... ان معك من ناحية انو كل واحد بيعرف أعضاء خلينا نقول نشيطين وهجّو من المنتدى متل ما قلت، يسأل عنو ويحاول يخبرو وجهة نظرنا، بس كمان هالشخص ما فيك تجبرو. لانو ازا واجه نفس المشاكل رح يرجع يهج. نحنا بنحكي من وجهة نظر أعضاء، يعني ما بنقدر نضمن لاي حدا ترك أنو ما تتكرر المشاكل اللي خلتو يطلع. بس فينا بينا وبين حالنا وبين الأصدقاء من الأعضاء السابقين بطريقة شخصية نحاول نخليه يعيد النظر.

ومن جهة اخرى نحاول نفكر بمواضيع وافكار لمواضيع وقضايا ممكن نطرحها ونتحاور فيها، على أن لا يكون الحوار متل ما عم يعمل العضو الأدهم هلأ... "شكراً، حلو كتير، على راسي معلم. الخ" لانو المشاركة بالمنبر بالذات لازم تكون بإضافة رأي، تعليق، فكرة متصلة بالموضوع الأساسي، نقد محترم ...الخ.
  رد مع اقتباس
قديم 08/11/2009   #24
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : اممي عرض المشاركة
ان يمكن هاي اول مشاركه الي باخويه من شي شهر بس اذا بدنا نحكي عن اسباب التدهور باخويه راح نبدي وماراح نخلص
مرات بزعل لما بشوف ان اخر مره كانت عاجقه عنا يوم 28/03/2008 ان قبل شي اكثر من سنه ونص بس بصفن بحس ان الحق بيتقاسمو الكل من المشرفين الي عملو متل حكومات بعد الاستقلال بتصفيه اي عضو يمكن يصير شي يوم مشرف وهالشي فرغ الاخويه من كتير اعضاء كان الن لمستن وخلال اعضاء تانين ينسحبو نتيجة الريحة المشاكل الي صار ماحدا فيه يمر الا ويشمها حته الاعضاء الي صفو باخويه وكانو من الماثرين فيها بطلو يكتبو شي جديد ان لاتنسو صعب الواحد بيضل عم يطلع كل يوم فكره وخصوصا اذا مالقا حدا يشاركو فيها فصاررت تكثر عنا المشاركات باالاقسام الي تتعلق بالمسابقات والنكت لانن مافي حدا فيه يعاقب حدا عليهن هاد غير الملطوشات ان فتحنا الايميل لقينا شي جديد يالله هاد بيلبق لاخويه هاد كلو غير مشاكل الي صارت بالسرفير من اكثر من سنه ونص وصابت كل الاعضاء الجداد والقدام بالملل من انتظار حلها وحولو بكل بساطه لموقع شغال 100% مو موقع بتحسو متل الختيار الي بدو دفشه مع كل كبسه زر فيه
اخويه الي عم احكي عنها هيه كانت بالنسبه الي سوريا اقتراضيه علي النت فيني احس فيها بالشام وشعبا وماصفا من هالصوره غير صوره الشرطي الي بدو يخلي كلشي عالنظام كانا بمجتمع اشتراكي نازم يكون الكل فيه نسخة من كتاب ثقافي
لكل حته السقيفة الي كانت عصب باخويه صارت بالشهر مابينزل فيها اكثر من 10 مواضيع ويوم ما بعض الاعضاء صارو يحاولو ينكشو مواضيع قديمة صارو بينحطو بالمعتقل طيب ماهي المواضيع يمكن تكون قديمه بس مين قالت انا ماتت او مين قال انها منها جديده للاعضاء الجدد؟ هيك فجا صرنا بنحاول نطور موقعنا باسلوب قمعي فيني قول ان هرب معظم الاعضاء الي يمكن كان يكون الهن لمسه عنا
مابدنا ننعي ولا نشكي بس بدنا حلول وبدنا نسكر صفحة الماضي المجيد ومعو كل المشاكل الي رافقتو
بعتقد من الحلول الي يمكن تصير
ان هالسيرفر العظيم تنزل عليه الهبه الالهيه ويتصلح لان صار مسخره نتضحك عالاعضاء ان يالله فتره ويمشي الحال
نحاول نرجع اعضاء اتقلعو تقليع من اخويه لمعارضتهن افكار مشرفين فيها بالاضافه
ان يرجعو هالشباب الي بيمثلو نخبه اخويه المتمثله بالمشرفين نفسن ان يشاركو متل زمان فيها وما بيكتفو بفكره الاشراف (لان مشاركاتهن كانت اكثر من مميزه)
تطوير مواضيع كانت بالارشيف وعرضها بشكل جديد للاعضاء الجدد
اسف ان طوللت بالرد بس ان هاد كلو لان بالفعل بحس بانتماء كبير لهالموقع ومنتمني ان يرجع بسرعه متل ماكان
دمتم ودامت اخويه
منفهم من كلامك أنو الحق عالمشرفين بحالة المنبر هلأ




طيب هلأ المنبر و من فترة طويلة ... ما فيه مشرفين ..

وين نشاطكون يللي على حكيك عم يكبتوه المشرفين
وين المواضيع .. يللي عم تنزلوها .... بما أنو هلأ مافي لا حسيب ولا رقيب ....
و بيقدر الواحد يكتب يللي بدو ياه بما أنو ما في مشرف




أنا بشوف بالعكس
حتى من فترة طويلة ... ما في أقسام شغالة غير يللي مشرفينها موجودين
مشرف القسم بيتحمل الجزء الاكبر من مسؤولية تنشيط القسم


من فترة كم شهر مثلاً ما كان في أقسام شغالة غير الصالون و الفن
لأنو كانت ريمي و بترفلاي و مورنينغ و أنا عم ندخل باستمرار




هلأ لأسباب خاصة فينا ما عم نقدر ندخل غير لفترات كتير قصيرة
لهيك وقفت أقسامنا .... و الاقسام الأخرى واقفة أصلاً
فوقف المنتدى كلو

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 08/11/2009   #25
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اقتباس:
كاتب النص الأصلي : MadMax عرض المشاركة
منفهم من كلامك أنو الحق عالمشرفين بحالة المنبر هلأ

طيب هلأ المنبر و من فترة طويلة ... ما فيه مشرفين ..

وين نشاطكون يللي على حكيك عم يكبتوه المشرفين
وين المواضيع .. يللي عم تنزلوها .... بما أنو هلأ مافي لا حسيب ولا رقيب ....
و بيقدر الواحد يكتب يللي بدو ياه بما أنو ما في مشرف

أنا بشوف بالعكس
حتى من فترة طويلة ... ما في أقسام شغالة غير يللي مشرفينها موجودين
مشرف القسم بيتحمل الجزء الاكبر من مسؤولية تنشيط القسم

من فترة كم شهر مثلاً ما كان في أقسام شغالة غير الصالون و الفن
لأنو كانت ريمي و بترفلاي و مورنينغ و أنا عم ندخل باستمرار

هلأ لأسباب خاصة فينا ما عم نقدر ندخل غير لفترات كتير قصيرة
لهيك وقفت أقسامنا .... و الاقسام الأخرى واقفة أصلاً
فوقف المنتدى كلو

مممم

اول شي طولولي بالكن و لا تعملو الموضوع هبة عرب و كل واحد يزت المسؤولية عالتاني
المشرفين الموجودين ما قصرو بواجبون بس في اقسام راحو منها المشرفين و ما ضل فيها هالمستوى بالمشاركات النوعية
مما أدى لتراجع باقي أقسام المنتدى ككل بسبب هالشغلة يعني الشغلة متل سلسلة المسبحة متى ما فرطت خرزة فرطو الكل
بعدين كل ما يصير نقاش بين الأعضاء و المشرفين يا بيتسكر و يا بيهجو شي تنين تلاتة و بعدين بدنا نضل هيك ما نسأل عن حدا
انا مو منحاز لحدا عم أحكي بالحق بس
اخوية بدها نفض لازمها طاقم جديد للأشراف و مواضيع جديدة و ناس متحمسة مو بس المنبر كل الأقسام بدها هيك


راجع ....

  رد مع اقتباس
قديم 08/11/2009   #26
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي


اقتباس:
كاتب النص الأصلي : MadMax عرض المشاركة
منفهم من كلامك أنو الحق عالمشرفين بحالة المنبر هلأ




طيب هلأ المنبر و من فترة طويلة ... ما فيه مشرفين ..

وين نشاطكون يللي على حكيك عم يكبتوه المشرفين
وين المواضيع .. يللي عم تنزلوها .... بما أنو هلأ مافي لا حسيب ولا رقيب ....
و بيقدر الواحد يكتب يللي بدو ياه بما أنو ما في مشرف




أنا بشوف بالعكس
حتى من فترة طويلة ... ما في أقسام شغالة غير يللي مشرفينها موجودين
مشرف القسم بيتحمل الجزء الاكبر من مسؤولية تنشيط القسم


من فترة كم شهر مثلاً ما كان في أقسام شغالة غير الصالون و الفن
لأنو كانت ريمي و بترفلاي و مورنينغ و أنا عم ندخل باستمرار




هلأ لأسباب خاصة فينا ما عم نقدر ندخل غير لفترات كتير قصيرة
لهيك وقفت أقسامنا .... و الاقسام الأخرى واقفة أصلاً
فوقف المنتدى كلو


بعتقد كلامي واضح رفيق سامر ويعطيك العافيه وانا ماعم احكي عن المنبر لحالو عم احكي عن المنتدي ككل ومافيك تنكر ان الصالون والمنبر وبالوقت الي انتو موحودين فيه معطل ومافيه حركه وفيك لوبترجع لنفس هالفتره قبل سنه وتقارن عدد الاعضاء الفعالين والموجودين هلق بيطلع بشكل واضح ان في نقص كبير صاير والي بنظري(وهاي وجه نظر خاصه) كان بجزء كبير منو نتيجة سياسه سادت طول السنه الماضيه بتقوم عفكره الي عاجبو عاجبو الي موعاجبو يترك اخويه (وهالاختراع صار ومافي داعي لناقش فيه)
اما من مبدا ان والله ليك هلق الكن ضو اخضر لان غاب القط اللعب يافار وان صار فيكن تكتبو كيف مابدكن فهاد مو طريقة لنمشي فيها منتدى بدنياه كلنا يرجع متل ماكان
المشكلة ان العالم طفشت وصرت تفوت عالسيرفر بتشوف فيه 10 ل20 واحد
/اتخيل امبارح ولمده ساعة كاملة ماكان في غير مشاركه وحده بالمنتدي بكل اقساموولترجع العالم ااو لتلغي هالفكره الي اتاخذت عن الموقع بالفتره الماضيه فهالشي منو هين وبدو شغل كبير عفكره ولو بلا تشابيه بس فكرة المتنديات مابتفرق عن المحلات وسمعة المحل بتلعب دور كبير لتجلب الاعضاء
هلق بكل الاحوال وبلا مانزت المشاكل علي طرف واحد لان متل ماقلت بالرد اعلاه الموضوع مابينصلح هيك
خلينا لاقي اسلوب ان بنطلع من هالركود الي فيه

اما بالنسبه بالسيرفر فمشان عيسي وباقي الرفاق بلا ما نجيب سيرتو لان صار اسطوره او شي بيماثل عجائب الدنيا السبع لكن في سيرفر بيضل اكثر من سنتين فايت بالحيط ؟!! ان باي منتدي بيتصلح السيرفر بضرف ايام اسبوع بس ان يفوت لسنتين فهاد الشي بيخرج من فكره طارئ للدائم
واذا بدك تاخد فكره تفعيل العضويات الي بدها رحمة الاهيه ثانيه بتفوت اكبر عضو جديد بستين حيط
عن مشاكل صار لازم تنحل مو بس بالحكي وتشكيل اللجان
  رد مع اقتباس
قديم 08/11/2009   #27
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اقتباس:
سياسه سادت طول السنه الماضيه بتقوم عفكره الي عاجبو عاجبو الي موعاجبو يترك اخويه (وهالاختراع صار ومافي داعي لناقش فيه)
انا معك اخ اممي بالنسبة لهالنقطة مو منطق انو موقع معروف بتمجيدو للحرية يقوم على هالقانون
بإستثناء بعض الحالات للأعضاء اللي ما بتحترم حدا و هالحالة نادرة بأخوية

بتمنى ينعاد النظر بهالفكرة الدارجة حاليا

اخوية للجميع و طالما الناس ملتزمة بنظامها فما في داعي نحكي بطريقة بعيدة عن المفاهيم الدبلوماسية للمخالفات و اتباع اسلوب
شخصي بسن القوانين

.

  رد مع اقتباس
قديم 08/11/2009   #28
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


سلام شبابالحقيقة اللي لازم ما حدا ينساها او يتجاهلها انو السبب الاساسي لأفول أخوية هوي صاحبها.. صاحبها ما عاد بدو..يمكن مل.. يمكن ضاج.. بس اللي انا متأكدة منو انو ما عاد بدو..وبرأيي الشخصي ومع كامل احترامي ومحبتي لصاحب المنتدى الا أنو برأيي ما رح يتصلح الوضع بأخوية وما رح يتم انقاذها الا وقت يتم شراء الموقع من قبل حدا غير صاحبو الحالي وهادا شي مستبعد.. او انو صاحبو الحالي يرجع يهتم وهادا شي شبه مستحيل..يعني مشان ما تضيعو وتسرحو بالتحليلات.. لا الادارة الحالية ولا الادارة تبع السنة الماضية ولا المشرفين هنن السبب.. السبب الرئيسيس والوحيد هوي القائم.. وبيعز عليي قلكون انو انا شايفة انو اخوية في طور الأفول

طائر واحد يكفي لكي لا تسقط السماء
فرج بيرقدار
  رد مع اقتباس
قديم 08/11/2009   #29
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : Nay عرض المشاركة
سلام شبابالحقيقة اللي لازم ما حدا ينساها او يتجاهلها انو السبب الاساسي لأفول أخوية هوي صاحبها.. صاحبها ما عاد بدو..يمكن مل.. يمكن ضاج.. بس اللي انا متأكدة منو انو ما عاد بدو..وبرأيي الشخصي ومع كامل احترامي ومحبتي لصاحب المنتدى الا أنو برأيي ما رح يتصلح الوضع بأخوية وما رح يتم انقاذها الا وقت يتم شراء الموقع من قبل حدا غير صاحبو الحالي وهادا شي مستبعد.. او انو صاحبو الحالي يرجع يهتم وهادا شي شبه مستحيل..يعني مشان ما تضيعو وتسرحو بالتحليلات.. لا الادارة الحالية ولا الادارة تبع السنة الماضية ولا المشرفين هنن السبب.. السبب الرئيسيس والوحيد هوي القائم.. وبيعز عليي قلكون انو انا شايفة انو اخوية في طور الأفول
من شوي كتبت رد طويل .... و رجعت حذفتو .. لأنو كتبت أشيا المفروض ما اكتبا هون
أو عالأقل ما إلي حق أنا احكيها
و ما كنت ناوي بقى أكتب شي ... لأنو ما كل ما يعرف يقال



بس ما قدرت ما حط هالهامش هلأ

انتو بهالموضوع بالذات ... عم تظلموا ناس كتير ... و خاصة هلأ حسام
المفروض قريباً تنحطوا بصورة كل شي و تعرفوا بالضبط شو سبب كل المشاكل يللي صارت
  رد مع اقتباس
قديم 08/11/2009   #30
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


انا بعتذر اذا حكيت بطريقة أوحت أني عم دينو لحسام.. أبدا ما قصدت الاساءة.. انا بحس انو الاشيا اللي كانت نهمني وقت كان عمري عشرين هيي غير اللي كانت تهمني يالخمس وعشرين وغير اللي هلأ بتهمني.. وكتير ناس متلي.. وهوي كمان متلنا.. بتتغير اهتماماتو.. وهادا ما بيعني انو هوي صار شخص أسوأ أو أحسن إنما الانسان بيتغير.. وانا متأكدة انو اهتماماتو اتغيرت.. وبيجوز مشاغلو كترت.. وبيجوز صار مستواه الثقافي أعلى من الحكي اللي عم يصير بأخوية.. وبيجوز ما عاد يتحمل ماديا تكلفة الموقع اللي ما بيشكل بالنسبة الو متل ما كان يشكل الو بال2003 مثلا..الي متأمدة منو لو كان حسام مهتم.. كان حاول يعمل ادارة جديدة او يصلح الوضع القديم.. بس أنا متأكدة انو هوي حتى ما بيعرف غير فكرة عامة عن اللي عم ينكتب بالموقع.. وفي أشيا بتكون أحيانا واضحة وما بدا شرح.. بغض النظر عن تفاصيل المشاكل اللي صارت جوا بأقسام الادارة
  رد مع اقتباس
قديم 08/11/2009   #31
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


في أشخاص عم تسجل وما في حدا يفعل العضوية.. وفي اشخاص عم تطلب تغيير اسم وما عم يتم الرد.. انا نفسي طلبت الانضمام لمجموعة اوغاريت من زمان كتير وبعرف انو سيزار هوي المسؤول عن هادا الموضوع وكونو انا بعرف سيزار من برا الاخوية قلتلو انو ليش كتير طولت كنت تقبل عضويتي بأوغاريت.. قلي انو انا تركت اخوية وانو انا ما عم فوت عليها وانو استقلت وما بعتبر حالي مخول انو اقبل حدا.. هلأ من فترة زبط اشتراكي بأوغاريت .. كييييف ما بعرف.. بس بتحس انو الدنية فلتانة وما حدا لحدا.. وبحس حالي احيانا جاي على بالي احكي حكي كتير .. بس الحكي اللي بدي احكيه بيجرح كتير.. وبيزعج ناس بحبون وبحترمون بأخوية..
  رد مع اقتباس
قديم 09/11/2009   #32
شب و شيخ الشباب Government
مشرف
 
الصورة الرمزية لـ Government
Government is offline
 
نورنا ب:
Aug 2006
المطرح:
وين مابدك ..
مشاركات:
6,927

إرسال خطاب MSN إلى Government إرسال خطاب Yahoo إلى Government
افتراضي


كل شي حلو والو نهاية .. وكل عمل كبير الا مايصغر مع مرور الزمن
وهيك وضع اخوية .. اخوية كانت شي اكتر من حلو .. كانت شي عظيم ببداياتا
بس مع هيك حلو يخفت بريقو مع مرور الزمن والتغيرات اللي صارت والضغوط اللي عبتتمارس عليها .. وهادا شي طبيعي جدا ونتيجة متوقعة لكل عمل كبير او حلو لابد انو ينتهي ويخف بريقو .. واخوية هلأ بهادا الطور طور الافول والانقراض ازا فينا نقول .. بغض النظر عن المشاكل وخلافو حتى لو انحلت وصارت الوضع تمام مابتوقع انو ترجع الاخوية متل اول لانو روح الاخوية مارح ترجع متل قبل 5 سنين مثلا ببداياتا .. هلأ هي مو نظرة تشائمية بس صراحة هادا الواقع وهادا الوضع الطبيعي ..

وبالنسبة للمنبر ..بصراحة نحن عمنغلط لما منربط وضع المنبر بوضع اخوية .. بكتير فترات من اخوية لما بكون الوضع فيا نايم بتلاقي المنبر شغال .. نفس الشي بتلاقي المنبر شغال لما بكون الوضع العام باخوية نايم .. المنبر احيانا فينا نعتبرو قسم مفصول عن اخوية احوالو مابترتبط دائما باحوال الاخوية العامة
لهيك .. المنبر ضعفو بالوقت الحالي مابتوقع انو ناتج عن وصول الاخوية لاطوارا النهائية .. المنبر عبتتمارس عليه ضغوطات كلياتنا منعرف .. ومنعرف مين وراها وللاسف عبينجحو شوي شوي بزرع الخوف من الكتابة بالمنبر والتفكير مليون مرة قبل ماتكتب كلمة بالمنبر .. وتحسب عواقبا مليون مرة هالشي ولد خوف عند اي حدا بدو يكتب بالمنبر .. فبالتالي عبيختصر ع حالو وبسكر هالباب اللي ممكن يجي ريح(وحق معو طبعا) اللي هو المنبر .. وبلالو هالوجعة الراس
وشوي شوي هادا عمل تاثير كبير ع المنبر ومواضيعو ونوعيتا .. وفينا نعتبرو نجاح ضمني لكل جهة حاولت انو توقف هالنشاط المنبري اولا .. والاخوية من بعدو للاسف

اللــي طــــالع الجحش ع المأدنة .. بنزلـــو

  رد مع اقتباس
قديم 09/11/2009   #33
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


اقتباس:
كاتب النص الأصلي : MadMax عرض المشاركة
المفروض قريباً تنحطوا بصورة كل شي و تعرفوا بالضبط شو سبب كل المشاكل يللي صارت
ياريت......


لانو صار وقتا......

اللي بيتو من قزاز .....يبيعو فوراً ...أريحلو

.........

غيبة السبع ...خلّت للندل هيبة

.....

يعني ان لم تكن زئباً....ضروري تكون خروف..!!!!
  رد مع اقتباس
قديم 09/11/2009   #34
صبيّة و ست الصبايا Nirvana
مشرف متقاعد
 
الصورة الرمزية لـ Nirvana
Nirvana is offline
 
نورنا ب:
Jun 2006
المطرح:
حيث لا أدري!
مشاركات:
3,323

افتراضي


لما نزلت هالموضوع لا كنت بفكر في الإشراف وتأثيرو ولا إلى أي مرحلة وصلت أخوية ولا بالأعضاء اللي راحو ولا بالظروف اللي مرت على المنبر... كل اللي كنت فكر فيو أنو وين الحوار وين شغف الحوار. لمّا ندخل على مكان متل المنبر وصل سيطو لكتير من الناس، يعني حتى لو كان في ظروف سلبية كتييييييييييير، لكن هالشي بيعني انو تأثيرو كبير. توقعت انو العالم تتحمس اكتر لتحكي وتناقش وتنتقد، ما ضروري بالأشياء اللي ممكن تؤدي إلى عواقب مؤسفة لكن، بمواضيع أخرى. ما بعرف. ما كنت متخيلة أنو الأمور واصلة لهالمرحلة. بس شفت كتير منتديات لسه ما بيعجبني غير أخوية. ما بعرف ليش؟!
  رد مع اقتباس
قديم 09/11/2009   #35
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اقتباس:
كاتب النص الأصلي : Nirvana عرض المشاركة
لما نزلت هالموضوع لا كنت بفكر في الإشراف وتأثيرو ولا إلى أي مرحلة وصلت أخوية ولا بالأعضاء اللي راحو ولا بالظروف اللي مرت على المنبر... كل اللي كنت فكر فيو أنو وين الحوار وين شغف الحوار. لمّا ندخل على مكان متل المنبر وصل سيطو لكتير من الناس، يعني حتى لو كان في ظروف سلبية كتييييييييييير، لكن هالشي بيعني انو تأثيرو كبير. توقعت انو العالم تتحمس اكتر لتحكي وتناقش وتنتقد، ما ضروري بالأشياء اللي ممكن تؤدي إلى عواقب مؤسفة لكن، بمواضيع أخرى. ما بعرف. ما كنت متخيلة أنو الأمور واصلة لهالمرحلة. بس شفت كتير منتديات لسه ما بيعجبني غير أخوية. ما بعرف ليش؟!
الجواب واضح أخوية غير كل المنتديات و لأنها غير ضلت هيك

بس حاليا في خوف من انو عم تدهور ليصير حالها متل باقي المنتديات

غير المشاكل التقنية الكترانة بالمنتدى

انشاء الله الحل يكون قريب

عا كل حال اذا بدك تتحاوري و تناقشي بجوز اليوم ينزل موضوع بيعجبك بالمنبر

سلام

  رد مع اقتباس
قديم 09/11/2009   #36
صبيّة و ست الصبايا Nirvana
مشرف متقاعد
 
الصورة الرمزية لـ Nirvana
Nirvana is offline
 
نورنا ب:
Jun 2006
المطرح:
حيث لا أدري!
مشاركات:
3,323

افتراضي


اقتباس:
كاتب النص الأصلي : DARKNESS عرض المشاركة


الجواب واضح أخوية غير كل المنتديات و لأنها غير ضلت هيك

بس حاليا في خوف من انو عم تدهور ليصير حالها متل باقي المنتديات

غير المشاكل التقنية الكترانة بالمنتدى

انشاء الله الحل يكون قريب

عا كل حال اذا بدك تتحاوري و تناقشي بجوز اليوم ينزل موضوع بيعجبك بالمنبر

سلام

على امل...

أكيد بيعجبني ولا نص نص؟؟؟... على كل حال ... بالانتظار.
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 11:11 (بحسب عمك غرينتش الكبير +3)


Powered by vBulletin® Copyright ©2000 - 2021, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.29578 seconds with 12 queries