أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 13/11/2007   #55
صبيّة و ست الصبايا Ms. J.A
عضو
-- زعيـــــــم --
 
الصورة الرمزية لـ Ms. J.A
Ms. J.A is offline
 
نورنا ب:
Oct 2006
المطرح:
مطرحي
مشاركات:
1,040

افتراضي


- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ما لاحظت بالردود انو حد من اللي ضد اللي بيصير مع المحجبات بيطالب بقمع حد تاني
بالاخر اللبس مش بيقيس اشي
بالنسبة لأسئلتك بترجع لكل وحدة و قناعتها بتعريف الحجاب
بس هو بالاخر جزء من لبسها وبيعكس طريقة تفكيرها وحياتها وثقافتها ف شو ما كان " طالما بحدود المعقول "
مش مفروض تنحرم وحدة مغطية ع راسها من العمل لأنو مغطية ع راسها
بالنسبة لسؤالك بالسلام
ما بفتي ولا من شغلي أفتي ولا بعمري مشيت ع فتوى بس لمما انت تختاري شغلك بتختاريه عشان يتماشى مع معاييرك انت ومبادئك اللي بتآمني فيها
بتخيل اللبس ما الو بهيك قصة vbmenu_register("postmenu_815558", true);

إلى أين أذهب؟
ليست مفاتيح بيتي معي..
ليس بيتي أمامي وليس الوراء ورائي..
وليس الأمام أمامي،، إلى أين أذهب؟؟
----------------------------------------
غزة على بالي
LaMoUsH سابقا
  رد مع اقتباس
قديم 13/11/2007   #56
صبيّة و ست الصبايا Ms. J.A
عضو
-- زعيـــــــم --
 
الصورة الرمزية لـ Ms. J.A
Ms. J.A is offline
 
نورنا ب:
Oct 2006
المطرح:
مطرحي
مشاركات:
1,040

افتراضي


اقتباس:
كاتب النص الأصلي : Willi عرض المشاركة
الموضوع مانو كبت حرية, العمل هو مكان خاص. لصاحبو كل الحرية انو يحط فيه القوانين اللي بدو ياها. هاد ما اسمو قمع حرية, لانو بكل بساطة في مليون شغل تاني, اذا انا ما بناسبني شغل, اكيد ما رح اخدو.
بالزمانات قدمت على شغل, ورحت عالمقابلة وكانت الي شي اسبوع مو حالق دقني, فيعني كانت طويلة شوي. قلي صاحب الشغل, انو من قوانين الشغل انو لازم تكون دقنك محلوقة. انو عادي, الزلمة ما اتعدى على حريتي, انا اذا بدي ربي دقن, فيني بكل بساطة ما اشتغل عندو ولاقي شغل تاني.
يعني اصحاب الشغل ما قلولا والله بدك تشيلي الحجاب, وممنوع تشيليه, ولازم ما تلسبيه وهالحكي..
هني قالو اذا بدك تشتغلي عنا بدك تشيلي الحجاب. هاي بكل بساطة, ما بدها تشيل الحجاب, خلص, ما بتشتغل.
متل كأنو قالولك لازم تلبسي كنزة بيضا وبنطلون اسود. هاد شي خاص بالعمل.
لو رحت ع شغل وحكالك صاحب الشغل انو انا ما بدي اشغل مسلم او مسيحي او بوذي او يهودي او شو ما كان
والسبب : انو هيك انا مزاجي " لأن طبيعي ما في سبب جوهري تاني يخليه يختار صاحب دين ويرفض صاحب دين تاني "
رح تكون مبسوط ؟
رح تحكي شغلو وهو حر فيه ؟!
طب تخيل هيك
انو كنت بمنطقة كلها بترفضك زي ما انت
وكلها مشترطة انو انت تكون زيهم او ما في شغل
وانت لازم تشتغل
شو تعمل ؟
ووين حريتك اللي تم احترامها ؟
ويلي صاحب الشغل مش حر بكل اشي في لحريتو حدود
بإمكانو يحكي انا بدي يونيفورم معين
وشكل معين
بس ما في يونيفورم مابيمشي مع الحجاب
ولا معناتو انو اللي بتلبس حجاب أقل أناقة أو جمال من اللي مش محجبة !
ولا انها ما بتقدر تشتغل وتقدم زيها زي غير المحجبة
بالاخر ازا انت مش شايف انو هاد تمييز
موضوع بيرجعلك
وكل الاحترام
  رد مع اقتباس
قديم 13/11/2007   #57
صبيّة و ست الصبايا *Marwa*
عضو
-- مستشــــــــــار --
 
الصورة الرمزية لـ *Marwa*
*Marwa* is offline
 
نورنا ب:
Aug 2007
المطرح:
البــلاد المـقـدســـة
مشاركات:
2,869

افتراضي


معك حق لاموش..الموضوع الو ابعاد اكبر من هيك..يعني المسالة مش بس ماسلة يونيفورم وما بعرف شو..غالبا لما بتروح عا محل اجنبي او يهودي او حتى "عربي" وبرفضوكي لانك مع حجاب بكون الرفض مش لانو الحجاب غير انيق او ما شابه لانو هاي حجة ضعيفة والها حلول..بس بكون الرفض لانو ما بدهن واحدة مسلمة!!
متلا بكتبوا بالجرائد اليهودية انو مطلوب عمل لرجل خدم جيش..المقصود من هالجملة انو ما بدهن عرب!!..يمكن البعض بشوفها عادي وحرية شخصية بس من ناحية قانون وديموقراطية هاد اسمو تمييز سلبي مرفوض!!

واللي بتعلم ديوقراطية واسس الديموقراطية بعرف منيح عن شو بحكي

لا تَقُل : يا رب عندي هَـمّ كبير
ولكن قُل : يا هـمّ عندي ربّ كبير :]







؛

يا ريـحة البـلاد يا عطر الفّواح ..غـالي علينا يا تراب بلادنا
  رد مع اقتباس
قديم 13/11/2007   #58
صبيّة و ست الصبايا black_iris
مشرف متقاعد
 
الصورة الرمزية لـ black_iris
black_iris is offline
 
نورنا ب:
Aug 2007
مشاركات:
1,194

افتراضي


اقتباس:
كاتب النص الأصلي : *Marwa* عرض المشاركة
معك حق لاموش..الموضوع الو ابعاد اكبر من هيك..يعني المسالة مش بس ماسلة يونيفورم وما بعرف شو..غالبا لما بتروح عا محل اجنبي او يهودي او حتى "عربي" وبرفضوكي لانك مع حجاب بكون الرفض مش لانو الحجاب غير انيق او ما شابه لانو هاي حجة ضعيفة والها حلول..بس بكون الرفض لانو ما بدهن واحدة مسلمة!!
متلا بكتبوا بالجرائد اليهودية انو مطلوب عمل لرجل خدم جيش..المقصود من هالجملة انو ما بدهن عرب!!..يمكن البعض بشوفها عادي وحرية شخصية بس من ناحية قانون وديموقراطية هاد اسمو تمييز سلبي مرفوض!!

واللي بتعلم ديوقراطية واسس الديموقراطية بعرف منيح عن شو بحكي
100% كلام صح .. الاساس هي كلها حجج .. وبالنهايه التمييز موجود

عجبت لمن شك في الله وهو يرى خلق الله
___
  رد مع اقتباس
قديم 13/11/2007   #59
شب و شيخ الشباب Willi
مشرف متقاعد
 
الصورة الرمزية لـ Willi
Willi is offline
 
نورنا ب:
Sep 2005
المطرح:
المريخ- USA
مشاركات:
10,020

افتراضي


لا انت هون عم تبالغي جدا جدا جدا, وكتير وكمان لسى كتير, ولسى جدا كمان مرة.

ما حدا قال ما بدو يشغلها لانها مسلمة او يهودية, او مسيحية, او بطيخة.
مع انو في عنا ببلادنا كتير هيك محلات ما بتشغل الا الاسلام.

بس هني ما قالو هيك.
بالنهاي هاد شغلو وهو حر فيه, نعم حر. اذا ماني حر بشغلي الخاص اللي انا فتحتو, فبفضل اني سكرو. بكون احسن.

بالنسبة للتشغيل حسب الدين, انا شخصيا ما بتفرق معي اذا رحت على شغل وما شغلوني لاني مسيحي, او لاني سوري مثلا. كمبدأ اي بعارض هالشي, لانو هاد صار بيندرج تحت بند العنصرية, العنصرية, وما الو علاقة بالحريات. بس صدقا, لو هالشي صار معي ما بتفرق معي. انو بالناقص, وانا ما بدي اشتغل عند عالم عنصريين.

اقتباس:
طب تخيل هيك
انو كنت بمنطقة كلها بترفضك زي ما انت
وكلها مشترطة انو انت تكون زيهم او ما في شغل
وانت لازم تشتغل
شو تعمل ؟
ووين حريتك اللي تم احترامها ؟
كمان بالغتي كتير, كتير كتير.
هالشي ما صار مع المحجبة. الاصح انو هاد عم يصير مع المو محجبة.
والاكيد هالشي غلط, بس هاد ما صار.
كل اللي صار, انو صاحب شغل بفضل يشغل اللا محجبة عن المحجبة

اقتباس:
ويلي صاحب الشغل مش حر بكل اشي في لحريتو حدود
بإمكانو يحكي انا بدي يونيفورم معين
وشكل معين
بس ما في يونيفورم مابيمشي مع الحجاب
الحجاب متلو متل الطاقية, بيندرج ضمن اليونيفورم.
تخلي مثلا وحدة رايحة عالشغل ولابسة طاقية طباخ وهية مضيفة طيران


اقتباس:
ولا معناتو انو اللي بتلبس حجاب أقل أناقة أو جمال من اللي مش محجبة !
ليش مو هاد الغاية من الحجاب!! انو البنت ما تبين جمالا للرجل؟

مافي امل

يلعن ابو التخلف

ضاع الهدف




ابرة ليساعد هلق لصلاح وعدتو
بقى رئيدة زدير, اسيرا فهيم رايح
  رد مع اقتباس
قديم 13/11/2007   #60
صبيّة و ست الصبايا black_iris
مشرف متقاعد
 
الصورة الرمزية لـ black_iris
black_iris is offline
 
نورنا ب:
Aug 2007
مشاركات:
1,194

افتراضي


اقتباس:
كاتب النص الأصلي : Willi عرض المشاركة
ليش مو هاد الغاية من الحجاب!! انو البنت ما تبين جمالا للرجل؟
بس اسمحلي أعلق على هي :
طبعا لأ
وبالاخص مو بالشكل يلي انت فاهمو .. متلها متل غيرها .. لا تقل جمال عن غير المحجبه (إذا كانت بتعرف تلبس)
مارح أدخل بأصول اللبس .. بس مفهومك ليس دقيق
  رد مع اقتباس
قديم 13/11/2007   #61
صبيّة و ست الصبايا *Marwa*
عضو
-- مستشــــــــــار --
 
الصورة الرمزية لـ *Marwa*
*Marwa* is offline
 
نورنا ب:
Aug 2007
المطرح:
البــلاد المـقـدســـة
مشاركات:
2,869

افتراضي


اقتباس:
لا انت هون عم تبالغي جدا جدا جدا, وكتير وكمان لسى كتير, ولسى جدا كمان مرة.

ما حدا قال ما بدو يشغلها لانها مسلمة او يهودية, او مسيحية, او بطيخة.
مع انو في عنا ببلادنا كتير هيك محلات ما بتشغل الا الاسلام.

بس هني ما قالو هيك.
بالنهاي هاد شغلو وهو حر فيه, نعم حر. اذا ماني حر بشغلي الخاص اللي انا فتحتو, فبفضل اني سكرو. بكون احسن.

بالنسبة للتشغيل حسب الدين, انا شخصيا ما بتفرق معي اذا رحت على شغل وما شغلوني لاني مسيحي, او لاني سوري مثلا. كمبدأ اي بعارض هالشي, لانو هاد صار بيندرج تحت بند العنصرية, العنصرية, وما الو علاقة بالحريات. بس صدقا, لو هالشي صار معي ما بتفرق معي. انو بالناقص, وانا ما بدي اشتغل عند عالم عنصريين.
بعتقد كلامك هون موجه الي

اولا انا ما ببالغ لما بحكيلك انو باسرائيل الوضع بالفعل هيك!! وهاد شي واقع ونحنا عايشينو!
تانيا صحيح انو في حرية للانسان وصحيح انو الو الحق يشغل مين ما بدو..بس هون عم نتعارض مع ترابط المجتمع في الدولة ..بعدين ازكان كل واحد ما بدو يشغل فلان لانو غير دينو او عرقو معناها خربت !!
وساعتها هضمنا حقوق شريحة هامة من المجتمع!!
وبرجع بكرر هالاشي جدا جدا عنصري..وازا انتي بتقبل انو ما يقبلوك بشغل لانك مسيحي او سوري فهاي قناعاتك الخاصة لكن انا وكتار متلي ما منقبل هالشي

اقتباس:
ولا معناتو انو اللي بتلبس حجاب أقل أناقة أو جمال من اللي مش محجبة !
اقتباس:
ليش مو هاد الغاية من الحجاب!! انو البنت ما تبين جمالا للرجل؟
لا مش اقل اناقة ولا اقل جمال والدين ما بحرم الاناقة !..ومش معنى انو الانسان يكون ملتزم بلباسه الديني معناها ما عندو جمال او اناقة في مليون محجبة احلى من مليون غير محجبة
  رد مع اقتباس
قديم 13/11/2007   #62
صبيّة و ست الصبايا Ms. J.A
عضو
-- زعيـــــــم --
 
الصورة الرمزية لـ Ms. J.A
Ms. J.A is offline
 
نورنا ب:
Oct 2006
المطرح:
مطرحي
مشاركات:
1,040

افتراضي


اقتباس:
لا انت هون عم تبالغي جدا جدا جدا, وكتير وكمان لسى كتير, ولسى جدا كمان مرة.

ما حدا قال ما بدو يشغلها لانها مسلمة او يهودية, او مسيحية, او بطيخة.
مع انو في عنا ببلادنا كتير هيك محلات ما بتشغل الا الاسلام.

بس هني ما قالو هيك.
بالنهاي هاد شغلو وهو حر فيه, نعم حر. اذا ماني حر بشغلي الخاص اللي انا فتحتو, فبفضل اني سكرو. بكون احسن.

بالنسبة للتشغيل حسب الدين, انا شخصيا ما بتفرق معي اذا رحت على شغل وما شغلوني لاني مسيحي, او لاني سوري مثلا. كمبدأ اي بعارض هالشي, لانو هاد صار بيندرج تحت بند العنصرية, العنصرية, وما الو علاقة بالحريات. بس صدقا, لو هالشي صار معي ما بتفرق معي. انو بالناقص, وانا ما بدي اشتغل عند عالم عنصريين.
انت عارف انو مش أي حد بيلبس حجاب
الحجاب للمسلمين و ببلدان علمانية أو غربية المتدينة او المنتمية الى عائلة محافظة هي اللي بتتحجب
عشان هيك هو تمييز ضد الاسلام وضد المتدينين اجمالا
والمقياس ويلي مش بتفرق معك او بتفرقش معك
المقياس هو اللي بيصير صح او لأ
؟
تمييز عنصيري أو مش تمييز عنصري؟

اقتباس:
كمان بالغتي كتير, كتير كتير.
هالشي ما صار مع المحجبة. الاصح انو هاد عم يصير مع المو محجبة.
والاكيد هالشي غلط, بس هاد ما صار.
كل اللي صار, انو صاحب شغل بفضل يشغل اللا محجبة عن المحجبة
ان شا الله صار مع مين ما صار المبدأ من اساسو غلط
ازا انت مستغني في ناس كتير لأ
ووالي بعرفو كمان انو تواجه احسن مية مرة من انو تهرب ولمما تستغني وتسكت بتكون هربت !!
اقتباس:

الحجاب متلو متل الطاقية, بيندرج ضمن اليونيفورم.
تخلي مثلا وحدة رايحة عالشغل ولابسة طاقية طباخ وهية مضيفة طيران
تخيلت وضحكت
بس ما بعرف ليش ما لقيت وجه تشابه بين الشغلتين
طاقية الطباخ للطباخ
بس الحجاب مش لمهنة معينة
ولا بيميز وظيفة عن وظيفة تانية لهيك المقارنة نهائيا مش صحيحة !!


اقتباس:

ليش مو هاد الغاية من الحجاب!! انو البنت ما تبين جمالا للرجل؟
ما بعرف ازا مفهوم الجمال عندك بيندرج تحت اطار انو اللي شعرو حلو بيطلع حلو
مفهومك الشخصي وانت حر فيه
بس في كتير محجبات جميلات وأنيقات وجه وطول وعيون !
وما حناقشك بموضوع الغرض من وجود الحجاب لعدة أسباب :
1- اني مش من المؤمنين بإنو مفروض دينيا ومؤمنة بشدة انو اللي فرضتو عوامل اجتماعية بحتة
2- انو مش هاد موضوعنا نهائي عشان هيك ما لازم نلعي برات الموضوع
  رد مع اقتباس
قديم 13/11/2007   #63
شب و شيخ الشباب handsome
مشرف متقاعد
 
الصورة الرمزية لـ handsome
handsome is offline
 
نورنا ب:
Dec 2005
المطرح:
بحومص الحبيبي
مشاركات:
1,194

إرسال خطاب MSN إلى handsome
افتراضي


مروى هلق سؤال كتير صغير ( مروى بشكل خاص والباقين بشكل عام)
عندكون بالبلد ( ما بعرف انتي وين ساكني بالظبط بس عالاغلب انو رح تكون مدينة عربية) بيوم من الايام فتحتي محل او معمل صغير وعملتي اعلان بشي جريدة عما تدوري فيا ععمال بيشتغلو عندك .. وكان لازمك خمس عمال مثلا
وباليوم البعدو اجو 7 عرب و4 يهود .. وتقريبا الكل عندو نفس المستوى ( من ناحية الخبرا بالشغل ومن ناحية التعليم مثلا) انتي مين رح تفضلي تشغلي العرب اما اليهود؟

وانا تماما مقتنع بشغلة انو هاي حرية شخصية كيف انا بدي العمال يكونو عندي بالشغل, بس انا كون فاتح مكتب معين وفي علاقة مباشرة بين العمال وبين الزباين .. فانو في احتمال كون بدي نوع معين من اللبس .. لانو اكيد الزبون رح يهتم بمنظر الشخص الي عما يشتغل معو ان راد او لاء. وبس تكون البنت حاطة حجاب هادا بيعني بطريقة مباشرة انو في اسا شغلات مرافقة للحجاب ما بتساوية

وانا شخصيا اذا حدي الي قلي انو والله انتي لانك عربي سوري مربي دقن ..... مافي تفوت على هالمحل او مافيك تشتغل هون .. فانا رح اتقبل الوضع وكتير عادي بكون. يعني مارح اتدايق لاني بعرف انو هادا الشغل شغلو وهوي الي بيقرر هالشي. ومثال جاد كتير حلو وواقعي كتير .. وبيصير مع الكل


حلو الموضوع

انا لست على هذا العالم كي اكون كما يردني الغير ان اكون

العلم يخبرني انه لابد من وجود الله
عقلي يخبرني اني لن استطيع فهم هذا الالله
وقلبي يخبرني انه لا داعي لكي افهمه

We ask the Syrian government to stop banning Akhawia
  رد مع اقتباس
قديم 13/11/2007   #64
صبيّة و ست الصبايا Ms. J.A
عضو
-- زعيـــــــم --
 
الصورة الرمزية لـ Ms. J.A
Ms. J.A is offline
 
نورنا ب:
Oct 2006
المطرح:
مطرحي
مشاركات:
1,040

افتراضي


اقتباس:
وانا تماما مقتنع بشغلة انو هاي حرية شخصية كيف انا بدي العمال يكونو عندي بالشغل, بس انا كون فاتح مكتب معين وفي علاقة مباشرة بين العمال وبين الزباين .. فانو في احتمال كون بدي نوع معين من اللبس .. لانو اكيد الزبون رح يهتم بمنظر الشخص الي عما يشتغل معو ان راد او لاء. وبس تكون البنت حاطة حجاب هادا بيعني بطريقة مباشرة انو في اسا شغلات مرافقة للحجاب ما بتساوية
فيك تعطيني مثال ع شغل مهم الست تكون فيه بدون حجاب ؟!
  رد مع اقتباس
قديم 13/11/2007   #65
شب و شيخ الشباب Willi
مشرف متقاعد
 
الصورة الرمزية لـ Willi
Willi is offline
 
نورنا ب:
Sep 2005
المطرح:
المريخ- USA
مشاركات:
10,020

افتراضي


اقتباس:
الدولة ..بعدين ازكان كل واحد ما بدو يشغل فلان لانو غير دينو او عرقو معناها خربت !!
وساعتها هضمنا حقوق شريحة هامة من المجتمع!!
وبرجع بكرر هالاشي جدا جدا عنصري..وازا انتي بتقبل انو ما يقبلوك بشغل لانك مسيحي او سوري فهاي قناعاتك الخاصة لكن انا وكتار متلي ما منقبل هالشي
عيوني برجع بقول هالشي بيرجع للحرية الشخصية, رغم انو فعلا متل ما قلتي اذا صار هالشي بعدد كبير, بتكون خربت. بس حقيقة شغلة شخصية. شغلي خاص, خلص انا بعمل فيه متل ما بدي, متل مثلا بيتي, انا بستقبل فيه مين ما بدي..
هلق بالنسبة للعدد الكبير, فهاد بكون بسبب قلة وعي المواطن. ووقت هالشي بصير, فعليها انظمة هالدولة انها تراجع حالا, يعني يا اما في شي غلط عم تعملو, يا اما هية هيك بدها. لانو هية اللي الا الاثر الاكبر بتوعية المواطن وتوجيهو بهالمواضيع. وانتبهي اني قلت توجيهو, وليس فرض قوانين عليه. لنفس الاسباب اللي قلتا ببداية الموضوع. ولما بكون المجتمع مدار بطريقة صحيحة. هالحالات بتكون قليلة.
مثالك عن اسرائيل, ما بيمشي حالو, لانو اسرائيل بكل بساطة (كحكومة) بدها هيك. فانو يكون هالشي كتير فيها شي طبيعي.

اقتباس:
وازا انتي بتقبل انو ما يقبلوك بشغل لانك مسيحي او سوري فهاي قناعاتك الخاصة لكن انا وكتار متلي ما منقبل هالشي
انا بقبلها لانو بكل بساطة, انا واثق اني رح لاقي شغل تاني, ولاني على قناعة انو هني الخسرانين.
انا ما بدي افرض حالي عليهون. يعني عني جماعة عنصريين انا شو بدو يقعدني بيناتون!!
يعني افترضي الدولة حطت هالقانون عليهون, واضطرو غصب عنهون يشغلوني, رغم انهون مثلا بيشمئزو من كوني مسيحي سوري, برأيك شلون رح تكون قعدتي بيناتون!!
عدا عن انو بكل بساطة فيهون يرفضوني بمليون طريقة, بدون ما يبينو انو بسبب جنسيتي او ديني.
يعني انا بفضل يقولو السبب الصحيح قدامي, احسن بمليون مرة من انو يطلعولي سبب تاني ويكذبو عليي فيه. هيك بعرف حالي تمام, وين انا, وشو العائق الصحيح قدامي لاخد الشغل الفلاني.



اقتباس:
لا مش اقل اناقة ولا اقل جمال والدين ما بحرم الاناقة !..ومش معنى انو الانسان يكون ملتزم بلباسه الديني معناها ما عندو جمال او اناقة في مليون محجبة احلى من مليون غير محجبة
كل شخص الو مفهومو الخاص بالجمال. بس انا مو هاد اللي قصدتو. بس هو الاساس لوضع الحجاب هو هاد, اما بالنسبة للاسباب اللي صارت بعدين فهاد شي تاني, لاكن هو بالاصل صار, مشان البنت ما تبين قدام الرجال, بشكل حلو.
  رد مع اقتباس
قديم 13/11/2007   #66
صبيّة و ست الصبايا *Marwa*
عضو
-- مستشــــــــــار --
 
الصورة الرمزية لـ *Marwa*
*Marwa* is offline
 
نورنا ب:
Aug 2007
المطرح:
البــلاد المـقـدســـة
مشاركات:
2,869

افتراضي


اقتباس:
مروى هلق سؤال كتير صغير ( مروى بشكل خاص والباقين بشكل عام)
عندكون بالبلد ( ما بعرف انتي وين ساكني بالظبط بس عالاغلب انو رح تكون مدينة عربية) بيوم من الايام فتحتي محل او معمل صغير وعملتي اعلان بشي جريدة عما تدوري فيا ععمال بيشتغلو عندك .. وكان لازمك خمس عمال مثلا
وباليوم البعدو اجو 7 عرب و4 يهود .. وتقريبا الكل عندو نفس المستوى ( من ناحية الخبرا بالشغل ومن ناحية التعليم مثلا) انتي مين رح تفضلي تشغلي العرب اما اليهود؟
سؤالك كتير حلو..رح اكون معك كتير صريحة ..انا بالمجمل عايشة بدولة يهودية وبالخاص عايشة بوسط تقريبا عربي (لانو المكان اللي انا عايشة فيه حوالينا بس قرى ومدن غالبيتها يهود).. بكل الاحوال..بما انو قريتي فيها بس عرب فا اكيد رح اراعي هالشي ورح يكون من المفضل انو اشغّل عندي عرب ..كما انو من المفضل انو اليهودي بمنطقته اللي فيها بس يهود يشغل اليهودي..لكن انا هون عم بحكي عن المناطق المختلطة اللي فيها عرب يهود شركس دروز الخ..يعني هدول لانهن اقليات ولانو البعض منهن ملتزم بدينو ولانو في اشي اسمو حرية شخصية لازم نهضم حقوقهن!؟!! ونقول لا والله ما فيكي يا فلانة تشتغلي لانك محجبة وما فيك يا علان تشتغل لانو عندك لحية!!!؟؟!!
كام مرة بدي اقول الجملة انو هاد اسمو تمييز عنصري سلبي مرفوض..عمي لازم يكون في تكافىء فرص واثبات جدارات ..
  رد مع اقتباس
قديم 13/11/2007   #67
شب و شيخ الشباب Willi
مشرف متقاعد
 
الصورة الرمزية لـ Willi
Willi is offline
 
نورنا ب:
Sep 2005
المطرح:
المريخ- USA
مشاركات:
10,020

افتراضي


اقتباس:
انت عارف انو مش أي حد بيلبس حجاب
الحجاب للمسلمين و ببلدان علمانية أو غربية المتدينة او المنتمية الى عائلة محافظة هي اللي بتتحجب
عشان هيك هو تمييز ضد الاسلام وضد المتدينين اجمالا
والمقياس ويلي مش بتفرق معك او بتفرقش معك
المقياس هو اللي بيصير صح او لأ
؟
تمييز عنصيري أو مش تمييز عنصري؟
ما فهمتي حكيي منيح, هاد الخبر حكى عن الحجاب بس, لاكن هية بشكل عام هالشي ما بصير مع المسلمين بس, يعني انا حطيت مثال انو صار معي هالشي لسبب تاني.

اقتباس:
ووالي بعرفو كمان انو تواجه احسن مية مرة من انو تهرب ولمما تستغني وتسكت بتكون هربت !!
انت مافيكي تفرضي حالك على صاحب, الشغل, او بالاصح ما بحقلك. هو اذا عجبتيه, بشغلك, اذا ما عجبتيه هاد شغلو.

اقتباس:
تخيلت وضحكت
بس ما بعرف ليش ما لقيت وجه تشابه بين الشغلتين
طاقية الطباخ للطباخ
بس الحجاب مش لمهنة معينة
ولا بيميز وظيفة عن وظيفة تانية لهيك المقارنة نهائيا مش صحيحة !!
التشابه ليس بالوضيفة, لاكن التشابه انو تنيناتون الون علاقة باليونيفورم.

اقتباس:
ما بعرف ازا مفهوم الجمال عندك بيندرج تحت اطار انو اللي شعرو حلو بيطلع حلو
مفهومك الشخصي وانت حر فيه
بس في كتير محجبات جميلات وأنيقات وجه وطول وعيون !
نهائيا ما هاد كان قصدي, لاكن انت يمكن اللي قلتي انو هلق كونا محجبة معناه انها مو حلوة؟
انا كل اللي قلتو انو هاد هو المطلوب من وضعو, انو البنت ما تبين جمالا قدام الرجال.
  رد مع اقتباس
قديم 13/11/2007   #68
شب و شيخ الشباب handsome
مشرف متقاعد
 
الصورة الرمزية لـ handsome
handsome is offline
 
نورنا ب:
Dec 2005
المطرح:
بحومص الحبيبي
مشاركات:
1,194

إرسال خطاب MSN إلى handsome
افتراضي


اقتباس:
كاتب النص الأصلي : LaMoUsH عرض المشاركة
فيك تعطيني مثال ع شغل مهم الست تكون فيه بدون حجاب ؟!
مثلا لما بتكوني بمتكب بتشغلي مع وفود اجنبية . وقت رح يجو العالم رح تضلي انتي وتطلعي معون على انك دليلة سياحية مثلا, وهدول العالم متعودين انون لما يروحو عمحل يشربو شي شغلة , ما رح قول انو رح يقولوليك شربي معون بس انتي كبنت مسلمة ما كتير بتحبة تختلطي بجو فيو شرب مثلا .. مشان هيك بنت ما كتير متدينة ما رح ياثر علية ( ما القصد انو العالم رح يصيرو سكارة ويصيرو يخبصو بشي بس قصدي كفكرة انو الواحد يروح مع عالم بشترب )
او المطعم الي بيقدم هادا النوع من المشروبات. او مثلا مضيفة بتقدم هالشغلات .. يعني ببساطة كلشي الو علاقة بالكحول

مثلا في عندك الشغل بمحل تياب, بيجي شي شب بيقيس شي شغلة .. وبعدين بيجي الي بياع مشان يظبطلو تيابو مثلا, اذا كانت بنت محجبة فرح يكون في عندة مشكلة مع المعاملة المباشرة مع الشب

انسة بمدرسة , وخاصة بالفترة الاخيرة الي عما يحالوا فيا بهيك محلات يغيبو الظاهر الديني.

ما كتير خاطر عبالي هلق هيك وظايف .. بس وقت بيكون رب العمل هيك بدو انا ما رح قلو لاء.
بعدين رجعة تاني على فكرة المدرسة.. انا شخصيا بأيد مية بالمية القرارات الي انفرضت بفرنسا ضد الاشارات الي بتظهر الدين ( الحجاب الصليب العمامة ... ) وبرفض بشكل قاطع فكرة منع الحجاب بس ( متل بتركيا هلق )
انا شخصيا ما عندي اي شي ضد المحجبات ... والي بيعرفني مظبوط بيعرف رأي بهاي الشغلة .. بس انا كمان فيني اتخيل وببساطة كتير انو شخص يقول لاء لوحدي محجبي ويشغل محلة بنت ما محجبة .. حتى لو بدون اي سبب مباشر .. بس هيك مشان المنظر العام... وكمان عادي كتير انو واحد ما يقبلني بالشغل لانو دقني طويلي .. وما رح احلقة بس مشان ققدر اشتغل عندو ...
قناعة خاصة وما بقدر غيرا
  رد مع اقتباس
قديم 13/11/2007   #69
صبيّة و ست الصبايا Ms. J.A
عضو
-- زعيـــــــم --
 
الصورة الرمزية لـ Ms. J.A
Ms. J.A is offline
 
نورنا ب:
Oct 2006
المطرح:
مطرحي
مشاركات:
1,040

افتراضي


اقتباس:
ما فهمتي حكيي منيح, هاد الخبر حكى عن الحجاب بس, لاكن هية بشكل عام هالشي ما بصير مع المسلمين بس, يعني انا حطيت مثال انو صار معي هالشي لسبب تاني
وعالوجهين مرفوض لأنو تعدي عالحرية !

اقتباس:
انت مافيكي تفرضي حالك على صاحب, الشغل, او بالاصح ما بحقلك. هو اذا عجبتيه, بشغلك, اذا ما عجبتيه هاد شغلو.
أكيد هون لأ بس بمحلات تاني بتنرفع عليه قضية وازا ثبت انو بيميز بين حدا وحدا بيتبهدل وبيطلعلو تعويض !
اقتباس:

التشابه ليس بالوضيفة, لاكن التشابه انو تنيناتون الون علاقة باليونيفورم.
مخي سمكان مع الرشح بدك تعزرني
ما فهمت ! شو علاقة اليونيفورم بالحجاب ؟
ومين قال انو الحجاب بيخرب يونيفورم ؟!!

اقتباس:
نهائيا ما هاد كان قصدي, لاكن انت يمكن اللي قلتي انو هلق كونا محجبة معناه انها مو حلوة؟
انا كل اللي قلتو انو هاد هو المطلوب من وضعو, انو البنت ما تبين جمالا قدام الرجال.
بدافع عن الموضوع مش لأنو حجاب لنو انتهاك لحرية أفراد ومنعهم من انو يتساوو مع غيرهم
هلأ مش حاجي أحكي انو اللي بيصير في فرنسا مثلا تمييز لأن ممنوع
استعمال اي شيء بيدل على انو انت من دين معين او تنتمي لطائفة معينة
لأن هون القانون بيسري عالكل مش ع اصحاب دين او فكر معين بحد ذاتو !
بس بالمغرب الوضع غير !
بتمنى تكون فكرتي صارت أوضح
  رد مع اقتباس
قديم 13/11/2007   #70
صبيّة و ست الصبايا Ms. J.A
عضو
-- زعيـــــــم --
 
الصورة الرمزية لـ Ms. J.A
Ms. J.A is offline
 
نورنا ب:
Oct 2006
المطرح:
مطرحي
مشاركات:
1,040

افتراضي


اقتباس:
كاتب النص الأصلي : handsome عرض المشاركة
مثلا لما بتكوني بمتكب بتشغلي مع وفود اجنبية . وقت رح يجو العالم رح تضلي انتي وتطلعي معون على انك دليلة سياحية مثلا, وهدول العالم متعودين انون لما يروحو عمحل يشربو شي شغلة , ما رح قول انو رح يقولوليك شربي معون بس انتي كبنت مسلمة ما كتير بتحبة تختلطي بجو فيو شرب مثلا .. مشان هيك بنت ما كتير متدينة ما رح ياثر علية ( ما القصد انو العالم رح يصيرو سكارة ويصيرو يخبصو بشي بس قصدي كفكرة انو الواحد يروح مع عالم بشترب )
او المطعم الي بيقدم هادا النوع من المشروبات. او مثلا مضيفة بتقدم هالشغلات .. يعني ببساطة كلشي الو علاقة بالكحول

مثلا في عندك الشغل بمحل تياب, بيجي شي شب بيقيس شي شغلة .. وبعدين بيجي الي بياع مشان يظبطلو تيابو مثلا, اذا كانت بنت محجبة فرح يكون في عندة مشكلة مع المعاملة المباشرة مع الشب

انسة بمدرسة , وخاصة بالفترة الاخيرة الي عما يحالوا فيا بهيك محلات يغيبو الظاهر الديني.

ما كتير خاطر عبالي هلق هيك وظايف .. بس وقت بيكون رب العمل هيك بدو انا ما رح قلو لاء.
بعدين رجعة تاني على فكرة المدرسة.. انا شخصيا بأيد مية بالمية القرارات الي انفرضت بفرنسا ضد الاشارات الي بتظهر الدين ( الحجاب الصليب العمامة ... ) وبرفض بشكل قاطع فكرة منع الحجاب بس ( متل بتركيا هلق )
انا شخصيا ما عندي اي شي ضد المحجبات ... والي بيعرفني مظبوط بيعرف رأي بهاي الشغلة .. بس انا كمان فيني اتخيل وببساطة كتير انو شخص يقول لاء لوحدي محجبي ويشغل محلة بنت ما محجبة .. حتى لو بدون اي سبب مباشر .. بس هيك مشان المنظر العام... وكمان عادي كتير انو واحد ما يقبلني بالشغل لانو دقني طويلي .. وما رح احلقة بس مشان ققدر اشتغل عندو ...
قناعة خاصة وما بقدر غيرا
هاي الأمور جزء من طبيعة العمل اللي بتكون واضحة بال
Job description
للوظيفة واعتقد انو اي حدا بالدنيا قبل ما يتوظف بيعرف شو متطلبات كل وظيفة وشو طبيعة عملها
بالأمثلة اللي انت حكيتها مش لاقية انو الحجاب ممكن يمنع
طبيعة العمل هي اللي بتمنع متدينة مثلا تكون بهيك جو
وما بتخيل انو بيحق لأي حد يحتج كونو دينو ما بيسمحلو يقوم بوظيفة مطلوب منو يقومها ومذكورة بالوصف الوظيفي اللي ل الو !!
أنا كمان من مؤيدي قرار فرنسا لأن بتخيل الانسانية أساس التعامل مش الأديان وهيك
الكل بيكون واحد ..
بس مش هاد موضوعنا
  رد مع اقتباس
قديم 13/11/2007   #71
شب و شيخ الشباب Willi
مشرف متقاعد
 
الصورة الرمزية لـ Willi
Willi is offline
 
نورنا ب:
Sep 2005
المطرح:
المريخ- USA
مشاركات:
10,020

افتراضي


اقتباس:
أكيد هون لأ بس بمحلات تاني بتنرفع عليه قضية وازا ثبت انو بيميز بين حدا وحدا بيتبهدل وبيطلعلو تعويض !
في حال كان هالحكي عن دين, او عرق, فهالشي صحيح.
لاكن اذا كان مشان صليب او حجاب او دقن. فلاء هالشي مو صحيح.


اقتباس:
مخي سمكان مع الرشح بدك تعزرني
ما فهمت ! شو علاقة اليونيفورم بالحجاب ؟
ومين قال انو الحجاب بيخرب يونيفورم ؟!!
وما رح تفهميها.
  رد مع اقتباس
قديم 13/11/2007   #72
صبيّة و ست الصبايا ليندا
مشرف متقاعد
 
الصورة الرمزية لـ ليندا
ليندا is offline
 
نورنا ب:
Sep 2006
مشاركات:
1,130

افتراضي


اقتباس:
تانيا صحيح انو في حرية للانسان وصحيح انو الو الحق يشغل مين ما بدو..بس هون عم نتعارض مع ترابط المجتمع في الدولة ..بعدين ازكان كل واحد ما بدو يشغل فلان لانو غير دينو او عرقو معناها خربت !!
وساعتها هضمنا حقوق شريحة هامة من المجتمع!!
وبرجع بكرر هالاشي جدا جدا عنصري..وازا انتي بتقبل انو ما يقبلوك بشغل لانك مسيحي او سوري فهاي قناعاتك الخاصة لكن انا وكتار متلي ما منقبل هالشي


لارباب العمل الحريه في وضع الشروط يلي هن رايديناه ماحدا انكر حقن بس يكون في توازن من ناحيتن ا وللطلاب العمل كمان حرية القبول او الرفض انا معك بأنو في تجني كبير بيصير على طالبات الوظائف من المحجبات .. خاصة تقولي انك باسرائيل اي هون مزبوط رح يكون في تمييز بشع بين المسلمين وغيرن بس التمييز بين المحجبه والغير محجبه خاصة بالدول العربيه ((يلي عم تطالب بالديمقراطيه ))هالتمييز ما بكل الاحوال يكون ع اساس ديني صدقيني كتير من ارباب العمل المسلمين بيرفضو توظيف المحجبات
لسبب بسيط انو الحجاب شئ متخلف رجعي او مابيلائم روح العمل او او

لا تحلموا بعالم جديد
فخلف كل قيصر يموت
قيصر اخر جديد
وخلف كل ثائر يموت
احزان بلا جدوى
ودمعة سدى

،،أمــل دنقل
:
((We ask the Syrian government to stop banning Akhawia ))
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 09:44 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.17943 seconds with 12 queries