أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 09/05/2008   #19
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي



اقتباس:
صراع الحضارات .. كـ مصطلح تسويقي .. بيختلف تمام عن الشي اللي عم أحكي عنو .. مختلف تمام عن نزوع كل واحد مننا لحضارتو .. ولتاريخو ..

أول شغلة بتتغنى فيها أي دولة .. هو تاريخها .. والحضارات الي قامت على أرضها حتى لو من مليون سنة .

أول عنصر جذب سياحي بأي دولة هو فضول السائح .. للاطلاع على حضارات الآخرين والشعور بعامل التنافس .. هي شغلة سيكولوجية تأثيرها عام
اقتباس:
ما فينا ننكر تأثير الحضارة .. بذهن أي انسان مننا .. حتى الأميين .. مننا .. تأثير هالكلمة مو هين عليهم أبدا ً يمكن الادارة الأميركية عم تشتغل هالمصطلح .. بس هو موجود .. ومحركـ رئيسي لأي حرب جاي ..
ما عم أنكر تأثير الحضارة على كل واحد فينا... لكن... كرد على كلامك فيني قول انو جيب بلد فيو 10 سكان و اسأل هالسكان شو تعريف حضارة بلدهم و راح تلاقي عشر أجوبة... أو أقل كونو راح يكون في ناس ما راح تعرف تجاوبك..

الحضارة مفهوم ضمني انساني داخلي مثل الحب .. الحضارة ما تحارب و لا ترفع سلاح و لا تعلن الحرب.. الحضارة بجمال حديقة, بتنسيق بناء, بالأدب بالفن ... بقطع الشارع من ممر المشاة لما الاشارة تسمح بهالشي, الحضارة علم ثقافة... حتى ستايل عشق و غرام .. لك حتى الكسل و الترف و بياع الغاز و الشيش برك و الفلافل حضارة.. من نوع خاص بس حضارة

و اللي يقاتل باسم الحضارة كذاب ابن كذاب يا أما مخدوع و ضاحكين عليه و عم يحاربو فيه من أجل مصالح لما هو المسكين مفكر حالو عم ينفع حضارتو (قيس بئا على حضارة و دين و أمة و حرية... الخ)... و القتال باسم الحضارة بيذكرني باللي يقتل صاحبتو أو مرتو لما تتركو و يقول انو قتلها لأنو يحبها و ما بدو يشوفها مع غيرو... هو عم يقول انو حبو الها هو اللي خلاه يقتلها.. يا ترى الحب مسؤول عن هالجريمة؟ طبعا لأ... هو همجي.. الحب برئ منو



هدول اللي عم يقاتلو باسم صراع الحضارة... الفريق الهمجي للادارة الأميركية اللي يمثل فريق همجي بالمنظومة الاجتماعية الأميركية بدهون حجة بس.. يعني لو هلأ يقولو بدنا نقصف السودان لأنو بيقتلو الفقمة البيضا تبعيت القطب الشمالي هنيك في همج راح يروحو وراهون... المهم الحرب و القتال.. الحرب و القتال جزء من ضمير و مخيلة الشعب الأمريكي.. في جانب من هالشعب مقتنع انو تاريخهم انكتب بين حروب( حرب الاستقلال, الحرب الأهلية, الحرب مع اسبانيا, الحرب العالمية الثانية, كوريا, فيتنام.. الحروب المحدودة بأميركا اللاتينية... الخ) فالمهم بالنسبة الهم الحرب, لأنو تاريخهم يكتبوه بلغة الحرب باعتقادهم . و لذلك أول الطريق للوقوف بوجههم هو تعرية حججهم من اجل كسب الرأي اللي ما بدو حرب.. ضروري هالأمر جدا
و حرب العراق, أو اذا بدك حرب الأمبريالية بمنطقتنا.. ما تمشي كلمة حضارة فيها أبدا.. و السبب بسيط انو أميركا الها حلفاء بالمنطقة هم أكثر الناس اختلافا –حضاريا- عنها في المنطقة, مثل دول الخليج. يعني على مين تمشي مثلا انو حرب أميركا بمنطقتنا هي صراع حضارات و هي محالفة السعودية و الأردن.. هدول الجوز على الجانب - الحضاري- الآخر؟ ما بتمشي على حدا هالحجّة.. و واجبنا انو المغتر فيه يعرف الواقع.. مو نساعدهم بنشر ثقافة صراع الحضارات



و كختام لردي على هالنقطة راح اقتبس مقولة لعبد الله القصيمي ,مشان الحلال و الحرام.. هالمقولة كانت بتوقيع حشت نشت أيام زمان:

"الذي يقول أقاتلك دفاعًا عن الله أو عن الحرية أو عن النظام والعدل إنما يعني الدفاع عن أسلوب من الحياة قد رتَّب مصالحَه عليه."

جنب الله و الحرية و النظام و العدل... فيك تضيف كلمة "حضارة" و راح يوصلك بالضبط ما أقصده






اقتباس:
فيكـ تقللي ليش أول ما (سقطت) بغداد سارعوا عملاء الموساد والسي أي إي .. لتفريغ متحف بغداد .. من لآثاره الحضارية .. وبقايا الحضارة الآشورية .. اللي هزمت بزمانها العبرانيين .. وجرتهم بالسلاسل لبابل ..
الجواب سهل و بسيط... في سوق سودا للآثار تسيّر ملايين مشان ما نقول مليارات الدولارات شهريا و سنويا... و هلأ آثار متحف بغداد كلها بايد جامعي الآثار و كل فترة تظهر قطعة في مكان ما... استنالك فترة 15 سنة لبين ما تموت جريمة شراء الآثار بالتقادم و شوف كيف بدور المزاد تطلع كل القطع اللي انفقدت و تنباع بالآلاف و الملايين

بعدين خيو انو نلزق هالقصة بعملاء الموساد و السي آي أي مشان "نبرّي" العراقيين و الله ما بتمشي.. متحف بغداد قبل ما يدخلو الأميركان بيومين كان منهوب و ما فيه قطعة وحدة... تجار الآثار أكيد كانو مستأجرين زعران من لما بديت الحرب مشان يسرقولهم آثار المتحف ..

أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 15:16 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.04668 seconds with 12 queries