|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
| عرض نتيجة التصويت: عندك مشكة بحكيي الغير مهذب ؟؟؟؟ | |||
| طبعا ماعندي .. الحرية ياكاملة يا بلا |
  
|
2 | 28.57% |
| عيب عليك استحي .. اللي متلك صار عندون ولاد ومرة .. تفي عليك .. |
  
|
3 | 42.86% |
| متل رجلي .. كل حيكيك بلاطعمة |
  
|
2 | 28.57% |
| المشاركون بالتصويت: 7. لا .. مافيك اتصوت بهال الإستفتاء | |||
 |
|
|
أدوات الموضوع |
03/04/2005
|
#1 | ||||
|
عضو
-- قبضاي --
|
عزيز نيسن و "آداب الكلام"
صرلي هون بهلمنتدى شي أقل من شهر ,,, ولليوم صارو الشباب المشرفين حذفينلي شي نص اللي بكتبو ... مع الأخذ بعين الاعتبار أنو التهذيب ضروري و أنو مابيصير نحكي حكي وسخ قدام الأطفال الصغار الكتاكيت ومع علمي المسبق بالشروط التعجيزية للكتابة بالمنابر المحلية والعالمية واهتمامي الشديد بالمرحلة الدقيقة اللي شعبنا عمبيمر فيها مع ملاحظة سقوط جدارن برلين وجدار مدرسة بقدسيا وتفكك التحاد السوفييتي وثورة قيرغيزستان والصراع العلوي الاسماعيلي في مصياف وحادث باص طريق السويداء ورحمة أبي وجدي اذا لسى بتحذفولي كلمة وحدة انشالله بسب على أمي, ماعد تشوفو وشي .. طبعا مارح تخسرو شي...
اذا بتحبو تنسفو فسحة الحرية الوحيدة .. برجع بكتب بالانكليزي وبالمواقع الافرنجية .. بلا عربي بلا ... بيقول عزيز نيسن أنو الاتراك بيحكو حكي كتير كبير بشكل طبيعي جدا .. يعني اذا الأب رايق وبدو يطلب كاسة مي من أبنو الفصعون , بيقلو " جبلي مي ولا كلب أحسن ما أضع بأمك" وعي يعني مسبة مو هينة أبدا .. بس بيقول عزيز أنو على قد ما الاتراك بيحبو الحكي الرزيل , على قد مابيكرهو يشوفو نفس الحكي مكتوب... يعني كتابة الحكي الوسخ ممنوعة ومكروهة ... يبدو أنو العثمانيين مأثرين تمام... |
||||
|
|
03/04/2005
|
#2 | ||||||
|
مشرف متقاعد
|
أنا واحد من المشرفين اللي عم بتحكي عنهون.... صح. انحذفك بعض الأمور بسبب لغة أو لهجة التعامل.. لأنومافي داعي تكتب جريدة مسبات عشان تعبر عن فكرة أوموضوع...فيك تكتب اللي بدك أياه بكل حرية...و تكون فكرتك ختى شديدة اللهجة.... بس مافي داعي لهل حكي اللي بتحكيه أحيانا....
برجع و بقول... أنا أدعوك , بل و أسعد بأنو تعبر عن رأيك بكل حرية....أفكارك دائما على الرحب والسعة...بس يا ريت لغة الحوار نحاول تكون راقيةشوي...خصوصا بحوار الأديان والمنبر الحر... الله يسعدك  تحياتي 
أبو مـــــــــ1984ـــــــارال
خبز,, سلم,, حرّية
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
03/04/2005
|
#3 | ||||
|
عضو
-- قبضاي --
|
حاول أكتر
ما اقتنعت ... البلد كلها متيسة وماحدا أحسن من حدا ... حاول تقنعني يا أما رح احلق لحالي...
|
||||
|
|
|
03/04/2005
|
#5 | ||||
|
عضو
-- قبضاي --
|
أبو مرال الحبيب
أنا والله مو خرج اعترض... على أي شي أبدا ... سامحونا ...
|
||||
|
|
|
03/04/2005
|
#6 | |||||||
|
مشرف متقاعد
  |
اقتباس:
..غنــــي قلــــــيلا يـــا عصـــافير فأنــي... كلمـــا فكــــرت في أمــــــر بكـــيت ..
|
|||||||
|
|
|
03/04/2005
|
#7 | ||||
|
عضو
-- قبضاي --
|
مسبات ...
أولا : بالنسبة ألي , كلمة "بيحقلك" مو ظابطة مع " قوانين"
تانيا : أنا لساني وسخ وأخو شليتي , شو أعمل ؟ طبعا رح احلق لحالي ... |
||||
|
|
|
03/04/2005
|
#8 | ||||||
|
القــــــــــــــــــائم
|
انا عندي رأي بخصوص استخدام الألفاظ الغير مطروقة والي قد تكون ببعض الأحيان اباحية
-رأي عام- كل الناس بتقرأ لنزار .. وكتير من الي بيحاولو يقلدو نزار قبالني بيقلدو نقطة واحدة .. الإباحية بالكلام .. فكل الناس ايضا كل الناس .. بتفتن بالإباحية .. ليس لشيئ وانما لأنها غير مطروقة .. لكن لو اجيت للشعر .. الشاعر الحق ما مضطر يكون اباحي ليوصل الفكرة بالعكس تماما .. الشاعر الحق بوصل فكرتو وبيوصلك الإباحية حتى بدون ما يستخدم الفاظ فاضحة .. وهون الشطارة برأييي... هلق رايي بإستخدامك للمصطلحات .. على نفس المنوال .. يعني اختيار مصطلحات قد لا تليق (كما يصطلحون على تسميتها) هو من باب الإستسهال .. طب يا اخي يا اخي .. ما انتا عراف انو البلد بظروف ما بتسمح للواحد يستسهل وبعرف انو في بولمان قالب على طريق السويدا وعارف انو الإتحاد السوفيتي انحل وعارف انو الجيش السوري اتقلع برات لبنان - قصدي انسحب- وعارف وعارف وعارف .. اش معنى حبكت معك بكل هال الظروف التاريخية الي عم بتمر فيها الأمة انك تستسهل بالتعبير !! وهيك عينك عينك !! ميت هلا حبيب .. بس عاد ما بعرف كيف بدي وصلك الفكرة .. انو يعين بصوت واطي هيك .. خفف منها .. مو من باب شخصي .. بالعكس انا لساني مافي اوسخ منو (لما كون بالغرفة لحالي انا والكبيوتر)  بس من باب انو الي عم يقرأو مقالاتك وينبسطو فيها بيجوز ما بيروق ليهم يشوفو مسبات !! ويعني احترم قرآك !
العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !
|
||||||
|
|
|
03/04/2005
|
#9 | ||||
|
عضو
-- قبضاي --
|
الأخ المستشار ..
شكرا .. ما فهمت شو بدك .. الا أنو ما بدك أنو احكي حكي وسخ ؟؟؟؟ تأمر
|
||||
|
|
|
04/04/2005
|
#10 | ||||||
|
مشرف متقاعد
|
خيو انتو ليش معقدين الموضوع؟؟؟
يعني الشغلة ابسط بكتير من هيك....انت كتوب شو ما بدك..و الادارة بتحذف شو ما بدها و هيك بكون كل واحد مارس حريتو ضمن و خارج اطار القوانين . يلعن أباك هي نفسها يلعن أبوك ما بتفرق :P
J.S: Death is the solution to all problems. No man = No problem.
|
||||||
|
|
|
04/04/2005
|
#11 | |||||||
|
عضو
 |
اقتباس:
أبو عضل
|
|||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 13:55 (بحسب عمك غرينتش الكبير +3)