انا السوري القومي الجتماعي أقول.....

[أنا سوري]

يا شعب سوريا العظيم
منذ الساعة التي عقدنا فيها القلوب و القبضاتعلى الوقوف معا و السقوط معا في سبيل تحقيق المطلب الأعلى المعلن في مبادىء الحزب السوري القومي الاجتماعي و في غايته و ضعنا أيدينا على المحراث ووجهنا نظرنا الى الأمام الى المثال الاعلى و صرنا جماعة واحدة و امة حية تريد الحياة الحرة الجميلة ـــ امة تحب الحياة لأنها تحب الحرية و تحب الموت متى كان الموت طريقا الى الحياة
الزعيم أنطون سعادة

بلشت بكلمة من كلمات الزعيم و بيدي قول ....
يا كل شعب سوريا الكبرى ( الهلال الخصيب) : السوريون القوميين يحبون سوريا بكل جوارحم يحبون الحياة بكل جوارحم و يحبون الشعب السوري بكل جوارحهم , و لكن أيضا يحبون الحرية بكل جوارحم, و سوريا لنا و لن نوافق أن يأخذها أحد منا , لا أمريكيا و لا أسرائيل و لا حتى عائلة من العائلات , او طائفة من الطوائف , ونحن نقول( تحيا سوريا ) و لا نقول ( تحيا سوريا الأسد) لأن سوريا ليست ملكا لبيت الأسد بل سوريا للشعب السوري كله و ستبقى قائمة الى الأبد بغض النظر عن رئيسها أو حاكمها

ونحن لسنا موالاة أو معارضة بل نحن مع الحق , الحق السوري , و ليس الحق الدولي الأمريكي
مع العدالة السورية , و ليس مع العدالة الدولية الصهيونية

و كما قال الزعيم : ان فيكم قوة لو فعلت لغيرت وجه التاريخ

أ حببت ان أضع بعض النقاط على الحروف و أوضح الأشياء الغامضة , و اني اوحه موضوعي ال كل سوري قومي في هذا المنتدى ليسجل موقفه , و الى كل قارىء ليوجه اسئلته لأن :
الحيا كلها وقفة عز فقط
الزعيم
و لتحيا سوريا

[krimbow]

مرحبا

اول شي برحب فيك بالمنبر الحر

و عندي سؤال ...

و كما قال الزعيم : ان فيكم قوة لو فعلت لغيرت وجه التاريخ

ممكن تفسير ؟؟؟ شو هيي هالقوة الموجودة عند الشعب السوري ؟؟
طبعا ما بيجوز تكون قوة عادية
لازم تكون قوة "لو فعلت لغيرت وجه التاريخ "

و شكرا

[أبو النسيم]

شكر أخي الغالي

بس عندي سؤال

ليش ما عم نشوف الحزب القومي السوري عم ينظم أي أعتصام أو أي مظاهرة مشان الحريات العامة و ألغاء قانون الطورائ

يعني الحزب صلو نايم شي 4 سنوات وما عمل أي شي
وبنعرف أنو الحرب القومي كان المحرك لكل المظاهرات والأعتصامات إيام العز وقبل مجيئ الحزب الديكتاتوري البعثي على السلطة

ولكم الشكر

[krimbow]

كاتب النص الأصلي : أبو النسيم

ليش ما عم نشوف الحزب القومي السوري عم ينظم أي أعتصام أو أي مظاهرة مشان الحريات العامة و ألغاء قانون الطورائ

مرحبا ابو النسيم ... شلون شفتلي هالمنبر ؟؟؟

اي خيو .. انو حزب بدك ياه يشارك فيهم ؟؟ يعني انو حزب ((كان )) بالحزب السوري عم تحكي عنو ؟؟؟
جماعة الانتفاضة تبع جورج عبد المسيح ؟
و اللا جماعة الحزب الديمقراطي تبع باصيل دحدوح ؟
و اللا جماعة الجبهة تبع عصام محايري ؟
و اللا جماعة المنفذية تبع حسان سلوم ؟
و اللا جماعة المطعمجية تبع ايليا المعري ؟
و اللا جماعة طباخين الحكي تبع انطون معراوي ؟
و اللا جماعة البرلمانجية تبع جوزيف سويد ؟
و اللا جماعة القهوجية تبع راغدة رستم ؟ .... بس بدي افهم هي راغدة ليش بتكره الحزب السوري كل هالقد ؟؟ انو شو خص تنضيف السنان بالانتماء للحزب السوري ؟؟
يا ريت ترجعوا راقيين و تختاروا امناءكم على اساس نضالهم و رصيدهم باغناء الامة بالحضارة ... مو على اساس انو قصوا شعرهم و باعوه و عطوا المصاري للحزب.. لأنو نضال من هالمستوى يللي وصلتولوا بيعطي أمة بهالمستوى يللي وصلتلو

طبعا انا ما حكيت غير عن "الروس" القومجية الموجودة بالساحة الدمشقية بدون ما احكي عن "روس" باقي "كيانات" الامة ... ازا بالدستور تبعكم بيقول "نظام الحكم فردي متسلسل" و عندكم كل هالروس ... لكان لو كنتوا ديمقراطيين شوي شو كان صار ؟؟؟ صحيح على سيرة الدستور ... كيف بتغيرو >>الدستور<< بقرار ؟؟؟ لك مجلس الشعب السوري ( يعني الشامي بمفاهيمكم ) استحا يعملها

أرجو ..اني كون اقلقت منام "حضرتك " لأنو ازا ما حدا خبرك لازم تعرف انو بعد ما طارت كيليكيا و اسكندرونا و ديار بكر و الاهواز و فلسطين .... لازم تعرف انو طار العراق ... و لبنان ع الطريق رح يطير بالهوا شاشي .. و الله يستر يمكن ما يضل من "سوريا " غير "مرمريتا " و "سوريا دوت كوم" و انتوا بعدكم عم تدبكوا على انغام صيحة " حيوا حبيب الشرتوني" و "نحن ابناء الحياة "

ازا حكيت يللي حكيتو فوق فحكيتو من حرقة قلبي

و دمتم

[أبو النسيم]

يعطيكون العافية أخي كريم شي بيرفع الراس

يعني شو ماكتبت قليل شي بجنن


والسمايلات الجدية حلوة


أحلى شي هاد


يا زلمة أول ما شفتو فرط من الضحك



بنسبه للكلام يلي كتبتو أنت كلام جميل جدا

ومن صلب الواقع بس بدي أفهم شغله هل النظام هو يلي شتت الحرب القومي بهل الشكل

أو أنو أعضاء الحزب هن يلي نقسمو على بعضون متل عادة كل الأحزاب السورية


يعني متل الحزب الشيوعي تم خالد بكداش أمين العام تبع الحزب لوقت ما مات وسلم مرتو بعدو

وشق الحزب لثلاث أحزاب بديكتاتوريتو الحزبية


وهلق وصال بكداش عم تجهز أبنها ليستلم من بعدها


أرجو أنو هل السيناريو مايكون عم يتبع بلحزب القومي




وشكرا من كل قلبي على التطوير والتحديث في المنتدى