أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات عامة > الصـــــــــــالون

إضافة موضوع جديد  و الله هالموضوع مقفول ترى
 
أدوات الموضوع
قديم 09/07/2009   #145
شب و شيخ الشباب wile
عضو
-- أخ لهلوب --
 
الصورة الرمزية لـ wile
wile is offline
 
نورنا ب:
May 2009
المطرح:
السعودية
مشاركات:
281

افتراضي


اقتباس:
كاتب النص الأصلي : Abu ToNi عرض المشاركة
بس تخلص فترة القلي الخاصة فيني بشرحلك عن الوضع
بس أنا جوعان وجاية على بالي آكل مقالي
 
قديم 09/07/2009   #146
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


ما تخلصو من كابي لأجي
بس لأفضالو شوي

انك " فقير إلى الآخر " كما هو فقير إليك " وأنك محتاج إلى الآخر ، كما هو محتاج إليك
الأب جورج

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


 
قديم 09/07/2009   #147
صبيّة و ست الصبايا بنفسجة
عضو
-- مستشــــــــــار --
 
الصورة الرمزية لـ بنفسجة
بنفسجة is offline
 
نورنا ب:
Jun 2007
المطرح:
ضيعة تشرين
مشاركات:
5,641

افتراضي


كيفو سعدو معك ابو طوني

ياوطني يسعد صباحك
متى الحزن يطلق سراحك
الابتسامة النبيلة هي التي تخرج من قلب يبكي هكذا انا قررت
((((*(*(*(*(*(*(*عصابة الملوك *)*)*)*)*)*)*) ))))
 
قديم 09/07/2009   #148
صبيّة و ست الصبايا personita
عضو
-- قبضاي --
 
الصورة الرمزية لـ personita
personita is offline
 
نورنا ب:
Feb 2008
المطرح:
بلاد الغُرب أوطاني
مشاركات:
932

افتراضي


عمت مساء يا أبا طونياه
في عندي شوية أسئلة "وجودية" (تتعلق بوجودك يعني) :

- ليش بحس أنو مخك أكبر من عمرك؟ (صحيح، قديش عمرك؟)
ليش أحيانا ما بفهم عليك؟
- لي بتسب كتير؟
- شو بيعنيلك البرغي؟
- أبو طونياه ما في شي ما بيسخر منو، بس شو الشي اللي بيتجاوزك لدرجة إنك ما بتقدر تتعامل معو بروح السخرية؟
- اجت فترة، أبو طوني حس حالو عجوز، طفا نور الغرفة، وغاب البرغي تبعو عن أخوية، هلأ السؤال: شو جابك كمان مرة؟ (بمزح والله)، انو شو اللي خلاك تغير رأيك؟ هذا قصدي (الشريف) من السؤال
- رأيك بالقائمة التالية:

personita




لقد كنت قبل اليوم أنكر صاحبي
إذا لم يكن ديني إلى دينه دان
و قد صار قلبي قابلا كل صورة
فمرعى لغزلان و دير لرهبان
و بيت لأوثان و كعبة طائف
و ألواح توراة و مصحف قرآن
أدين بدين الحب أنَّى توجهت
ركائبه، فالحب ديني و إيماني
ابن عربي
 
قديم 09/07/2009   #149
شب و شيخ الشباب Abu Guzef
عضو
-- مستشــــــــــار --
 
الصورة الرمزية لـ Abu Guzef
Abu Guzef is offline
 
نورنا ب:
Aug 2006
المطرح:
Between Hell And Heaven
مشاركات:
3,819

افتراضي


اي اهلين اهلين

والله لخلي سعدو ينزل يتشفعلك

لا عم امزح هني لستتين لا شريك لهما

هي اسئلتك مشان هيكي اكل هوى يعني

أخويات خيو أخويات :

1 - كيف بتقيم أداء الأخوية الحالي من ناحية الأفكار والمواضيع والاشخاص

2 - جماعة البكاء على الأطلال اللي حاملين شعار ( يا حوينتك يا أخوية ) وماشيين ، شو موقفك منن وهل بتحسن عم يبالغوا ولا معن حق .

3 - فسر موقفك من
أكتر قسم بتحبه بالأخوية كلها ، شو هوي وليش بتحبه
وأكتر قسم بتكرهه ، نفس الحكي فوق
وعطيني رأيك بقسم المسابقات

4 - بتحس أنه في شي ناقص بالأخوية أقسام ؟ ولا عين سعدو تحرسا كاملة مكملة ؟

5 - شو هوي أكتر موضوع بالأخوية معلق بذهنك وليش ؟


كتابيات خالو كتابيات :

2 - خطرلك بشي يوم من الأيام تعمل مدونة ؟ شو اللي بخليك تبعد عن هلفكرة + شو هية العقبات اللي ممكن انها توقف بطريقك اذا قررت بهللحظة تعمل مدونة شخصية تكتب فيها الشغلات اللي عم تفتل بمخك من أمور جدية وتحشيشات على حد سواء .

3 - مين هنن الأشخاص المحللين او الكتاب اللي بتكون حريص على قراءة منتجاتن بشكل دوري ؟
انترنتيات بابا انترنتيات :

1 - ما بيخفى على 2 انو بسوريا في "مسخ"انترنت ، في هلكام خط بالكافيات الأنترنت وكل العالم عم تستعملن لأغراض جنسية بالدرجة الأولى ، برأيك لازم يفوت الانترنت على كل بيت سوري ؟ ولا على مبدأ السلاح بأيد الولد بيجرح ، لازم ما يفوت لنضمن انه رح يُستعمل بشكل صحيح .

2 - هل أنت من مؤيدي فكرة حجب بعض المواقع ؟

3 - شو البراوزر اللي بتحب تستعمله

دينيات يرحم شنن بقبره دينيات :

سؤال واحد لا شريك له عرّف " التدين " بمفهومك الشخصي وعطيني موقفك منه ، وبتشوف انه في ارتباط بين التدين وإلغاء الآخر ولا هلشي ناتج عن سوء فهم من المتدين .



هلا اسئلتي المعتادة وازا في شي مكرر متل سعدو واحد بدك ترجع تكتبه هون لان ما بدي دور بالمشاركات

سؤال ع جنيبي :: معك قداحة ؟؟



تفضل استلم

هات لنشوف عطيني رأيك بالتالي :
-----------------
الحيوان

الجراثيم

الإنسان

الله


-------------------
الدين

الطائفية

الإلحاد

العلمانية
---------------------------
السياسة

الحروب الإقتصادية

امريكا

روسيا

سوريا

العراق

الجولان

كوبا
--------------

مين اقرب واحد الك هون

مين ابعد واحد

معك 5 وردات لمين بتهديهون

وخمس شوكات لمين ( اهدي لا تستحي )


شو سيارتك

وكم حادث سويت (بعيد الشر )

شو اول سيارة كانت عندك

-------------------


كلمتين منك لاخوية

شو عطتك اخوية

شو اخدت منك ( غير الوقت )

-------------
تكنولوجيا:
_________
شو نوع موبايلك

شو اخر رقم بموبايلك

كمبيوترك مواصفاتو عالماشي

شو سرعة النت عندك

--------------
عالماشي
__________
شو نظريتك بالحياة

شو بتعنيلك الحياة

قديش معك بالبنك

شو أحلا اغنية للتالي :: لفيروز , ام كلثوم , عبد الحليم , وديع الصافي , جورج وسوف , ابوجوزيف
مممم

بس بيكفوك هدول راجعلك

رجعت

مقارنات.

شاي ولا قهوة

عرق ولافودكا

نبيد مز ولا حلو

فوكس ولا هنكن

ريد لابل ولابلاك لابل

ويسكي ولا كونياك

وينستون احمر ولا لوكي

وينستون ابيض ولا جتان

برشلونة ولا ريال مدريد

مرسيدس ولا بي ام

لوس انجلس ولا لاس فيغاس

ماي سبيس ولا هاي فايف

دودج ولا فورد

انا ولا هوي

لاب توب ولا كمبيوتر مكتب

نوكيا ولا سوني اركسون

كيا ولا هيونداي

تويوتا ولا جمس

سبور ولا رسمي

باريس ولا روما

سوفييت ولا أمريكا

ولا



انا مساويلك شي؟
انت بتكرهني شي؟
ليش آخر مرة تخانقنا؟


شو بتقرأ أكتر شي بأخوية

طيب شو بتحب اكتر شي بالصبية تكون يعني وبالشب كمان كزلك

وإزا طلع في جنةونار
وقالولك لازم تاخد معك7 من أخوية
مين بتاخد
إزا عالنار مين وإزا عالجنة مين

هل صحيح هالحكي التالي :

إبن العز بيضل إبن عز لو جار عليه الزمان وصار بحالو تعبان بس يلي ما ببيت أهلو شبعان و من مبارح صار أمير الزمان بيضل شلون بدو يعيش حيران .
‏====
وهل يمكن بمعدل مئوي الأخذ بـ : وراء كل رجل عظيم رجل أعظم

شو تعريف الروح؟

إزا صرلك شي وماعاد تفوت ع أخوية بعيد الشر يعني شو بتوصينا

شوتعريف الحشيش
وكيف يتم تمييز النظامي عن المروكب

شو بيزكرك هاد السمايل


إزا شي يوم ندق باب بيتك وقلت مين ونقال انا علاء شو بتكون ردة فعلك


هلا المهم بما انو ابو انطون هون ف سبيشل كم سؤال

رأيك ب السقيفة ,, الحشاشين القدام ,, دورها القديم وهل الجديد يستحق ان ياخذ عنوان دورها

اخوية هلا وقبل وشو بتتوقع اخوية بكرا

المنسقين الجدد وكيف أدائن بنظرك مقارنة بالدفعة اللي قبلا




كاس عرق ولا فودكا لما بدنا نسكر ع نفس الطاولة


يلا اضوي

The Best Or no Thing
======================

Its Hard To Defeat A King
======================

Feeling Doesn't Die
======================

Trust No One
======================
زبطولنا السيرفر ولو ... :)
 
قديم 09/07/2009   #150
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


سؤال واحد أخوي أبو طوني....


انته معروف بمناقشتك الموضوعية و تفنيداتك التفصيلية الطويلة " المملّة" أحياناً.......

خيو ...من اللي تناقشت معون ...لاحظت عليه انو تجاوب معك و اقتنع بكلامك......

القفلة يعني.....في حدا من الشباب المغاير لفكرك..... اقتنع منك و حوّل منهجو و تفكيرو لصالح أفكارك......!!!

اللي بيتو من قزاز .....يبيعو فوراً ...أريحلو

.........

غيبة السبع ...خلّت للندل هيبة

.....

يعني ان لم تكن زئباً....ضروري تكون خروف..!!!!
 
قديم 09/07/2009   #151
شب و شيخ الشباب سوا ربينا
عضو
-- مستشــــــــــار --
 
الصورة الرمزية لـ سوا ربينا
سوا ربينا is offline
 
نورنا ب:
Oct 2007
المطرح:
انا والاردن بقلب بعضنا
مشاركات:
2,815

إرسال خطاب MSN إلى سوا ربينا
افتراضي


ابو طوني .. هلأ انا بدي اسالك سؤال صريح جدا جزيلا يعني ممكن تستغرب بس انو هيك هوي الوحيد اجى ع بالي .. هلأ انت وبزماناتك يعني خلينا نقول من شي 6 اشهر حسيتك اتغيرت يعني كيف بدي قلك هلأ انت قبل كنت حسك عنصري جدا من ناحية الدين ولما تناقش حدا بالدين او اي شي بيخص الدين بتنط وما بتخلي .. وبتقول كل اللي بقلبك .. هلأ وبعد هالمقدمة الطويلة انو من 6 اشهر لهلأ بطلت تناقش بهيك شغلات وما عاد تتناقر مع حدا بهيك مواضيع يعني حتى ازا بدك تناقش بتناقش بأسلوب افضل من قبل (كيف صريح جدا ).. انو المهم يا ترا شو سبب التغيير اللي بقدر قول عنو انو مفاجئ (بالنسبة الي لانو انا من اكتر الناس يمكن اللي كنت اتناقر معك بهيك مواضيع .. )

وشكرا جدا جزيلا ...

إذا كان حبي للاردن عنصرية... فليشهد العالم اني اكبر عنصري

-------------------------------
N 1 H 1>>No One Have One

ماحدا لحدا >>>يا حبيبي (:
 
قديم 09/07/2009   #152
صبيّة و ست الصبايا sweetbaby
مشرف متقاعد
 
الصورة الرمزية لـ sweetbaby
sweetbaby is offline
 
نورنا ب:
Mar 2005
المطرح:
في ذكريات الزمن القادم
مشاركات:
7,725

افتراضي


لك يااخي بدي كون حبابة ومارح اسالك ولا سؤال شوف شومنيحة...

بس وينك ماعم تبين لك خيو؟؟
الاسئلة البقية بتجي وقت بشوفك احسن مااكل قتلة

قالت سفيرتي للنجوم الكذبة مش خطية

الصفر اكبر من اي عدد اصغر منو

أنـا لـحـبـيـبـي وحـبـيـبـي إلـي،
فـيـا عـوازل فـلـفـلـو...

لِـ عـيـنـيـك أتـلـو صـلـاتي: أنـتَ ابـتـدائـي وأنـت انـتـهـائـي

بكرا التغيير جاي على ايدنا نحنا جايي...

Baby!! you are like my own personal brand of heroin

 
قديم 09/07/2009   #153
صبيّة و ست الصبايا Sun Shine Art
عضو
-- زعيـــــــم --
 
الصورة الرمزية لـ Sun Shine Art
Sun Shine Art is offline
 
نورنا ب:
Jul 2008
المطرح:
مابين الالهه والشمس
مشاركات:
1,218

افتراضي


وانا كمان بدي اقلي ....مبسوطه كتير انه ابو طوني بالمقلايه

ابو طوني ..كيفك اليوم ...هنون كم سؤال ...من الواقع الي عايشين فيه

شو رايك بالوضع الاقتصادي بالبلد بعد استلام بشار للحكم ...

هل بتحس انه صار تغيير جذري باكتر من مجال ..وهل التغير للامام ولا رجعنا ...

السيده الاولى أسماء الها كتير معجبين من الوسط الاروبي ...ياترى هدا شي لح يعكس ويأثر ع العلاقات مع سوريا ....

نظرتك كا شاب للمرأه والفتاه السوريه بالتحديد ؟؟؟؟ وهل بتعتقد انه بتختلف عن غيرها وبشو ....

التربيه الدينيه بمجتمعنا هل هي صحيحه ؟؟؟ وهل لازمها تغير ؟؟؟؟

حسب ماعم اسمع التشدد الديني والتعصب وصل للسوريا ..شو رأيك بهل الموضوع صحيح ولا لأ وليش ...

الكاس وما ادراك ما الكاس ...شو رايك فيه مع شويه كبه نيه

انت من الاشخاص الي بحترمون كتير و بتعبرك من الاشخاص الي عم يتعبو كتير بأخويه ..فهل بتحس انه شغلك عم لاقي نتيجه ..ولا بطاطا ....

وشو بتقول لاخويه ...

ويسعدلي سعدو تبعك

أس اخت فوتت الحيطان شو كتراني ...أس اخت كل شي


نسيان ( سنندم كثيرًا لأنّنا أخذنا الحبّ مأخذ الجدّ. فلا أحد قال لنا أنّه في الواقع أجمل أوهامنا و أكثرها وجعًا.)
 
قديم 09/07/2009   #154
صبيّة و ست الصبايا sona78
عضو
-- مستشــــــــــار --
 
الصورة الرمزية لـ sona78
sona78 is offline
 
نورنا ب:
Jun 2008
مشاركات:
1,993

افتراضي


ابو طوني ابو طوني
اول سؤال ليش بطلت تجبلنا كاسات؟؟؟؟
تاني شي مدونتك مكتوب فيها بالغة الالمانية .. كنت بالمانيا او شي دولة بتعتمد هاللغة ؟؟ و ع اي اساس ؟؟

كيف بتقيم الوضع بسورية ؟؟ سواء الاقتصادي او الاجتماعي فعلا اسوا من السابق ولا بتحسن بشي اسمو تحسن ؟
وبرايك الانطباع يلي مناخدو عن الشباب السوري عن طريق المنتدى الو وجود بالواقع العملي؟؟ يعني صاير عم يشكل وجود بارض الواقع ولا لساتها فئة صغيرة ؟؟؟

مشكلة التطرف برايك عنا مقصروة ع الاسلام .. ولا كمان المسحيين عم يردو التطرف بتطرف؟؟ سواء من خلال انسجامون مع الاديان التانية او تقبلهون الها ؟؟؟

واخيرا .. ريتو سعدو يحميك

قلي لي احبك
كي تزيد قناعتي اني امرأة
قلي احبك
كي اصير بلحظة .. شفافة كاللؤلؤة
 
قديم 09/07/2009   #155
شب و شيخ الشباب LiOnHeArT.3LA2
عضو
-- مستشــــــــــار --
 
الصورة الرمزية لـ LiOnHeArT.3LA2
LiOnHeArT.3LA2 is offline
 
نورنا ب:
Oct 2007
المطرح:
مشغل سيكارة .. وقاعدلك
مشاركات:
3,492

افتراضي


اخي انا عندي كم سؤال حاليا

بعدين برجعلك

ابو طوني .. شو رأيو بالمدونون السوريون .. او المدونين السوريين ..

والتدوين العربي ..

..
فكرة العلمانية ..
برأيك اديش بدا لتطبق .. تطبق يعني انو اخي .. ينشء عندك جيل سوري .. يآمن انو لازم يكون عنا علمانية ..

وصعي صعي ..
انتي مع فكرة العلمانية ما ؟

سؤال ..تاني

طلب منك رئيس الوزراء .. انو تعمل ليستا .. وكل الوزراء رح يطبقوها ..
تفضّل لنشوف ..
هات ما عندك .. وسنعود بعد كليل ..

,, Abu Mustafa ,,

الخيار لك...والرغبة منك...والحل بيدك...لنكون كلنا معا في سبيل مستقبل أخوية...
..
عقلنا .. ليس وظيفته التفكير .. لكن لرفع مستوى الادرينالين عندما نفعل شيئا منافيا له ..
..
احتجاج دماغي .
 
قديم 09/07/2009   #156
شب و شيخ الشباب jankasanova
عضو
-- قبضاي --
 
الصورة الرمزية لـ jankasanova
jankasanova is offline
 
نورنا ب:
Feb 2008
المطرح:
USA
مشاركات:
743

افتراضي


ايه ابو طوني استلم لنشوف:

1-هل التكنولوجيا نعمة ام نقمة؟ولماذا؟
2-هل برايك الازمة الاقتصادية العالمية رح تنتهي بوقت قريب؟
3-الاحتباس الحراري, في عالم متخوفة من الاحتباس الحراري و في عالم بتقول انو الحكي عن الاحتباس الحراري مبالغ فيه جدا جدا. انت شو بتقول؟و اذا كنت من الفئة الاولى شو الاجرائات اللي لازم نقوم فيها لنخفف الاحتباس الحراري؟واذا كنت من الفئة التانية, ليش الحكي عن الاحتباس الحراري مبالغ فيه؟واذا كان الك راي اخر عن الاحتباس فيدنا فيه!!
4-هل واجهت الموت شي مرة بحياتك؟ او تعرضت لخطر كبير على حياتك؟اذا اي حكيلنا شو صار, اذا لأ .
5-شو موقفك من الاجهاض؟

بونوس كويسشن*:
-"المغترب" هي صفة لشخص يعيش خارج وطنه هل يمكن ان تنتطبق على شخص يعيش داخل وطنه ايضا؟

*البونوس كويسشن: اذا في سؤال من الاسئلة الخمسة ما بدك تجاوب عليه فيك تستبدلو بالبونوس كويسشن(شلوني معك). بس اذا بدك تجاوب عالبونوس كويسشن بدون استبدال اي سؤال بيمشي الحال كمان.

شغلة هالقلي طلعت ممتعة كتير.

Jesus have Merci
16-09-2005
بيكفيكون...حاجة زعبرة...
 
قديم 09/07/2009   #157
شب و شيخ الشباب wile
عضو
-- أخ لهلوب --
 
الصورة الرمزية لـ wile
wile is offline
 
نورنا ب:
May 2009
المطرح:
السعودية
مشاركات:
281

افتراضي


لك يلعن إبليسكن إرحمو الزلمة بقى

والله بدو 10 ليردو عليكون مو واحد

وأبو طوني الي بضايقك بأسئلته قلي عليه هاه
بخليلك يتراجع عن أسئلته ويضل يمدح فيك للصبح بس إنت قلي
 
قديم 10/07/2009   #158
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : butterfly عرض المشاركة
ما تخلصو من كابي لأجي
بس لأفضالو شوي
ليش كابي عم يلحق يخلص منن
غبنا سعتين رجعت شفت قدامي معاملات ما بخلص منن لشهر
عم نستناكي
اقتباس:
كاتب النص الأصلي : بنفسجة عرض المشاركة
كيفو سعدو معك ابو طوني
تمام التمام
اكتر من هيك يا انا بنتزع يا هوي بينتزع

رايحة تزور
كوخ مسحور
 
قديم 10/07/2009   #159
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : personita عرض المشاركة
عمت مساء يا أبا طونياه
في عندي شوية أسئلة "وجودية" (تتعلق بوجودك يعني) :
اهلا بيرسونيتا
يا ستي اذا في عندك فكرة على وجودي فصار لازم أنا اللي أسئلك مو انتي

اقتباس:

- ليش بحس أنو مخك أكبر من عمرك؟ (صحيح، قديش عمرك؟)
هوي مو انتي اول شخص حس بهلشي .. بزمناته الدكتور اللي ولدني استغرب ليش هيك عقلي طالع من جوانب راسي
عمري عدا ونقدا 21 سنة

اقتباس:
ليش أحيانا ما بفهم عليك؟
مسكلي لئلك مسكي .. وشوفي كيف رح تفهم علي احسن مما عم افهم على حالي
اقتباس:
- لي بتسب كتير؟
لا ولو ما بسب كتير
ما بعتبر السب شغلة كبيرة .. بالنهاية السبة عبارة عن كلمة ممكن توصل فكرة اكتر من ستين جملة أو موضوع ناشائي
يعني اذا شخص دايقني .. ممكن ابقى ساعة عم احكيله انه تصرفه مزعج وغير مقبول بالنسبة الي وما عم اقدر اتحمل فكرة انه عم يعمل هلشي معي وعم يتصرف بهلطريقة
كل هلحكي ممكن اختصره بتعبير "يلعنك يا واطي " وانتهى الحديث .
[QUOTE
- شو بيعنيلك البرغي؟ ][/quote]
البرغي هوي التفاصيل الدقيقة الما حدا بقدرها .. غيابها بمثل أزمة كبيرة ومصيبة كمان .. بس وجودها ما حدا بيعطيه أي اهمية
عدا انه البرغي بحد ذاته وببساطته شيء واضح لتفاصيل
منحاه ثابت وما بغير من محوره وما بغير من مبادئه .. ذكي لدرجة انه بيلتف ليقدر يمشي مصالحه .. لليمين ولليسار .. بقرب وبعد عن الأشياء .. مع المحافظة على محور ثابت ما بيتخلى عنه
في أحلى من هيك مثال ملهم بالحياة ؟
اقتباس:
- أبو طونياه ما في شي ما بيسخر منو، بس شو الشي اللي بيتجاوزك لدرجة إنك ما بتقدر تتعامل معو بروح السخرية؟
ما بقدر اسخر من شخص فقير أو ضعيف او شخص غير كامل القدرات العقلية ..هي كأشخاص
ما بقدر أتعامل مع الموت بسهولة ... بيندرج تحت هاد الشي زعزعة ثقة الأشخاص فيني لأنها بالنسبة الي نوع من أنواع الموت .

عدا عن ذلك ما عندي مشكلة بهلنقطة بالمرة

اقتباس:
- اجت فترة، أبو طوني حس حالو عجوز، طفا نور الغرفة، وغاب البرغي تبعو عن أخوية، هلأ السؤال: شو جابك كمان مرة؟ (بمزح والله)، انو شو اللي خلاك تغير رأيك؟ هذا قصدي (الشريف) من السؤال
بس ما حس حاله الشخص ما عاد منتج فالأفضل انه يتقاعد .. هي هية قاعدتي بالحياة
بالنسبة الي مريت بفترة اسبوعين متواصلين ماني قادر اكتب كلمة بالاخوية وماني قادر فوت بحوار مع أيا شخص كان ... ما عم لوم الاشخاص وما عم لوم المواضيع .. عم لوم حالي لأني فقدت هلجانب متل ما وقت بختير الانسان وما بعود عنده القدرة ليقدر يقعد مع واحد يتحاكوا على اشياء مل من كتر ما حكى فيها بحياته

قررت أقطع فترة لأرجع لملم حالي وارجع نعّش افكاري .. ونفعت هلخطوة معي بشكل منيح .. وليكني قاعد على قلبكم
اقتباس:

- رأيك بالقائمة التالية:

personita

احتكاكاتي مع بيرسونيتا " حضرتكِ يعني " طفيفة لكنها عميقة
اكتر شي بتذكرك بموضوع البابا تبع ليلة الميلاد .. بتذكر انه نظرتي تقاطعت بشكل مطابق مع نظرتك وقراءتك ، حسيت اننا بانين افكارنا على نفس القاعدة وطالعين بنفس الافكار والنتائج .. فلهيك طبعا بعتبرك شخص فهمان
تابعتك بموضوع أسوأ عادات وتعليقات الخفيفة على العادات
على فكرة في كتير أشخاص بيمدحوا منك وبيتفاؤلوا بوجودك
وحدة منن بيبدا اسمها بحرف بترفلاي
مع اننا منلتقي بالصدفة بكافيات الانترنت .. بس اكتر من مرة صرعت راسي ببيرسونيتا وأفكار بيرسونيتا وخفة ظل بيرسونيتا

اقتباس:
 
قديم 10/07/2009   #160
شب و شيخ الشباب zen
مشرف
 
الصورة الرمزية لـ zen
zen is offline
 
نورنا ب:
Mar 2005
المطرح:
جريدة الدليل والوسيلة عمدور ع شغل
مشاركات:
7,229

إرسال خطاب ICQ إلى zen إرسال خطاب AIM إلى zen إرسال خطاب MSN إلى zen إرسال خطاب Yahoo إلى zen بعات رسالي عبر Skype™ ل  zen
افتراضي


طيب انا بدي اسئلك
انا مين وشو


بس تجاوب
برجعلك

SYRIA

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

"حسام*عاشق من فلسطين*ناطرك"
We Ask The Syrian Government to STOP Banning Akhawia"

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

 
قديم 10/07/2009   #161
شب و شيخ الشباب Dndoshy
عضو
-- قبضاي --
 
الصورة الرمزية لـ Dndoshy
Dndoshy is offline
 
نورنا ب:
Jul 2008
المطرح:
بالبار..
مشاركات:
499

افتراضي


هاي أبو طونيبس هالسؤالين:
أشو برأيك أفضل اختراع توصّل ألو البشر(غير الهمبرغر)

أشو أكتر صفة بتحبها بسعدو غير أنو ديموقراطي




ازا طلع معي شي سؤال خرندعي برجعلك






merry christmas

لا تجحّش..محسوبك أجحش

"من كان منكم بخطيئة .. فليرمنا ببطحة فودكا":Marooshe

Sa'do I Trust In U
 
قديم 10/07/2009   #162
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : Abu Guzef عرض المشاركة
اي اهلين اهلين

والله لخلي سعدو ينزل يتشفعلك

لا عم امزح هني لستتين لا شريك لهما

هي اسئلتك مشان هيكي اكل هوى يعني
مين مسلطك علي ؟
بدي قصي يحميني منك



أخويات خيو أخويات :
اقتباس:

1 - كيف بتقيم أداء الأخوية الحالي من ناحية الأفكار والمواضيع والاشخاص
اشخاص حاملين فكر موجودين وبكثرة بالاخوية .. لهيك بكل بساطة المواضيع بشوفها جيدة
يمكن غيري ما يحس انه المواضيع بهي الفترة جذابة بالنسبة اله وممتعة إلى حدا
بدك تقلي طب شو تقييمك للمواضيع ؟
بصفة شخصية عم احكي هون ، وقت بفتح جديد المواضيع بشوف 3 مواضيع للمنبر والمجتمع وموضوع للصالون وموضوع للسقيفة معناها الأخوية بأفضل حالاتها
ما عم قول انه قسم الموسيقى وعلطاير والصحة وعلم النفس شي غير صحي للأخوية .. اللي عم قوله انه جو الأخوية اللي برتاح فيه وبستمع بالفوتة فيه وقت بكون متضمن هي التفاصيل هي وبعتقد حاليا هلشي متوفر وعال العال

اقتباس:
2 - جماعة البكاء على الأطلال اللي حاملين شعار ( يا حوينتك يا أخوية ) وماشيين ، شو موقفك منن وهل بتحسن عم يبالغوا ولا معن حق .
عم يبكي يبكي ما حدا ماسكه بس ما بتخيل حالي رح ابكي على الأخوية واندب .. كتجربة عشتا مباشرة .. وقت حسيت حالي ما عم اقدر اتماشى مع جو الأخوية واتفاعل فيه شلت البرغي تبعي وطفيت الضو شهرين زمان ورجعت
حتى لو ما رجعت ما كنت رح ابكي على الأخوية لأن مانها مشروع مرتبط بصفحة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

أو على الأقل انا هيك بشوفك .
كمثال بسيط وقت بتفوت على مدونات جماعة الأخوية بتحس انه في شي من الصفحة هي موجود هنيك .

اقتباس:
3 - فسر موقفك من
أكتر قسم بتحبه بالأخوية كلها ، شو هوي وليش بتحبه
ببرتاح بمتابعة اخبار المنبر بشكل خاص .. بنبسط وانا عم اقرا الشي المكتوب هنيك .. بس السقيفة فعليا هوي القسم اللي بحب اكتب فيه .. يا اخي رواق وبسط وسهرات تحشيش ومافي رقيب ... عيني ربه لأبو سمرا مقدر حالتنا ومعليلنا السقيف لنرتاح شوي فصارت الأعدة بالسقيفة من أحلى القعدات بالحارة
اقتباس:

وأكتر قسم بتكرهه ، نفس الحكي فوق
وعطيني رأيك بقسم المسابقات
هوي كره مافي كره بالمعنى الحرفي ، بس وقت بينشط قسم المسابقات بمواضيعه عد للخمسة وكول صحن فول .. عد للعشرة ونطاح الحيط .. بحس بالقرف من هلقسم ومواضيعه .
اقتباس:
4 - بتحس أنه في شي ناقص بالأخوية أقسام ؟ ولا عين سعدو تحرسا كاملة مكملة ؟
بحس انها كاملة من ناحية الاقسام والخطوط العريضة .
اقتباس:
5 - شو هوي أكتر موضوع بالأخوية معلق بذهنك وليش ؟
ثلاثيات لياسين .

كتابيات خالو كتابيات :
اقتباس:
2 - خطرلك بشي يوم من الأيام تعمل مدونة ؟ شو اللي بخليك تبعد عن هلفكرة + شو هية العقبات اللي ممكن انها توقف بطريقك اذا قررت بهللحظة تعمل مدونة شخصية تكتب فيها الشغلات اللي عم تفتل بمخك من أمور جدية وتحشيشات على حد سواء .
يلعن دينك شدك تيس
فهمنا انك لاطش الاسئلة اللي انا كتبتله ياها لأبو ريتا .. بس انه عدل عليها بالاول يا كديش قبل ما تحطا
عندي مدونة وناشط فيها : syriel.net

اقتباس:
3 - مين هنن الأشخاص المحللين او الكتاب اللي بتكون حريص على قراءة منتجاتن بشكل دوري ؟
فيصل القاسم وعبد الباري عطوان ، وحديثا صرت تابع كل كتابات مرصد نساء سوريا .

انترنتيات بابا انترنتيات :
اقتباس:
1 - ما بيخفى على 2 انو بسوريا في "مسخ"انترنت ، في هلكام خط بالكافيات الأنترنت وكل العالم عم تستعملن لأغراض جنسية بالدرجة الأولى ، برأيك لازم يفوت الانترنت على كل بيت سوري ؟ ولا على مبدأ السلاح بأيد الولد بيجرح ، لازم ما يفوت لنضمن انه رح يُستعمل بشكل صحيح .
فعليا اللي عم يتعذب بالفوتة على النت هنن العالم الفهمانة ، اللي بده يفتح مواقع جنسية ويتذعرن من الأفضل اله انه يفوت من كافيه انترنت من انه يفوت من البيت .
فأكيد مع فكرة دخول الأنترنت لأنه صار مصدر جوهري للملومات وكلماله عم يكبر دوره بحياة الناس .
اقتباس:
2 - هل أنت من مؤيدي فكرة حجب بعض المواقع ؟
قطعا لا
اقتباس:
3 - شو البراوزر اللي بتحب تستعمله
موزيلا فاير فوكس

دينيات يرحم شنن بقبره دينيات :
اقتباس:
سؤال واحد لا شريك له عرّف " التدين " بمفهومك الشخصي وعطيني موقفك منه ، وبتشوف انه في ارتباط بين التدين وإلغاء الآخر ولا هلشي ناتج عن سوء فهم من المتدين .
التدين كفكرة مجردة ببلاد شيخنا أفلطون السمدية ، هوي التقرب من الله وهلشي ما بعتقد في عليه أي نقطة سودا بنظري
بس وقت بصير التدين هوي دراسة حياة النبي الفلاني ، وحفظ أقواله والتشبه بأفعاله الحلو منها والمر .. فما عاد مفهوم راقي بنظري .
فلو كنا ببلاد أفلطون كنت قلتلك التدين شي منيح .. بس هون بعالمنا شي سيء وغير محبب بنظري .



كتير حلو واحد يجاوب على اسئله بزمناته هوي اللي كتبا
 
إضافة موضوع جديد  و الله هالموضوع مقفول ترى


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 16:01 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.17890 seconds with 14 queries