بماذا تفكر الان..؟؟؟

[بنفسجة]

عم فكر ايمتا رح يخلص راسي من وجعو

[جـدل]

عم فكر اني ندمانة اكبر ندم بحياتي
اكبر غلطة بغلطا بحياتي
اخسرت خسارة مستحيل تتعوض
خسارة اكبر من اي خسارة

[marochka]

عم فكر ايمتى رح أقدر آكل رح موت من الجوع الله يلعن التهاب الأمعاء شو سئيل

[rama1985]

سلامتك ماروشكا كمان مرة

عم فكر بمعجزة صارت معي
أني من أولت مباارح تعشيت
و لليوم لا فطور ولا شي
ولساتني عاااايشة الحمد الله

[mary belle]

حمد لله!

عم فكر قوم اتغدا!!عندي من مبارح صحن هلأ بسخنو بلميكرويف!

[هشام ابو شرار]

عم فكر بالكوميسيون يللي لهطوه مني بحجت الازمة العالمية

[جـدل]

عم فكر كيف ممكن خليا تسامحني
وتقبل اعتذاري
وبتمنى لاقي حدا يساعدني

[قرصان الأدرياتيك]

فكّرت وما زلت أنّو أحياناً بتلاقينا أشيا بدون أي توقّع وبدون أي حساب...
وهالأشيا نفسا بنكون بفترة من الزمن اللي ولّت قاتلين حالنا لنحصل عليها!
والمشكلة في الحياة أنّو التجربة بتموّت داخل الإنسان كل رغبة وشهوة وفضول، بيجوز الإنسان نفسه بيعرف هالشي، بس بيعتقد أنّو لازم يربح المنافسة، المنافسة في مواجهة الحياة نفسها... ولمّا بيخسر (غالباً) بيعتقد أنّو الحياة هي مجرّد عدوّ بدون ما ينظر لأسس المنافسة ولأهدافها، لأن لو توقّف لحظة ووزن المسألة لشاف أنّو الأمر ما بيتطلّب هالشي والمنهج اللي عم يعتمدو هو منهج إنساني ما بتنطبق عليه شروط الواقع يللي بتّتفق مع الحياة ضدّ أي منافس...

الأصدقاء غالباً هنّ محطّات في الحياة ونادراً ما يلاقي الإنسان من خلال الأصدقاء المحطّة اللي بينتمي إليها، يعني المحطّة اللي بيحبّ وبيرغب ويفضّل المرور فيها مهما بلغ السّفر من طول وعرض! والنّادراً السابقة بتكون إذا توفّر التناغم بين شخصين، على كتير أصعدة بس أهمها الرّوح، لأن إذا ما حدث تناغم روحي بدائي من المستحيل التلاقي مهما امتدّت الأيّام والسّنين.

الحفاظ على صديق مسألة شاقّة ومملّة ببعض الأحيان، شاقّة لأنها بتتطلّب تضحيات وبذل وعطاء واهتمام، وإذا كانت المشقّة فعلاً تستحقّ فمعناه الحفاظ على الصديق ممكن. ومملّة لأن أحياناً المرء ما بيقدر يقدّم لنفسه كل الأمور السّابقة من بذل واهتمام وحب ومشاركة، فكيف تقديمها لشخص آخر برغم قربو الشّديد منّا!
وأكيد الصّداقة الحقيقيّة بتتغلّب فيها المشقّة على الملل، لأن الملل هو عابر بينما المشقّة متوافرة غالباً بكافّة شؤون الحياة مو بس بالصداقة.

إعادة صديق مفقود أمر بدّو صبر واحتمال شديد وتواضع، وبظن هالأمور الثلاثة حالياً بدّي كمّل مشواري معهن برغم تعبي وانشغالي وابتعادي... الحياة تأتيك من حيث وحين لا تتوقّع فخلّي الوقت يكون كفيلك لممارسة الحياة في طريق الحياة .

[جـدل]

كاتب النص الأصلي : قرصان الأدرياتيك

فكّرت وما زلت أنّو أحياناً بتلاقينا أشيا بدون أي توقّع وبدون أي حساب...
وهالأشيا نفسا بنكون بفترة من الزمن اللي ولّت قاتلين حالنا لنحصل عليها!
والمشكلة في الحياة أنّو التجربة بتموّت داخل الإنسان كل رغبة وشهوة وفضول، بيجوز الإنسان نفسه بيعرف هالشي، بس بيعتقد أنّو لازم يربح المنافسة، المنافسة في مواجهة الحياة نفسها... ولمّا بيخسر (غالباً) بيعتقد أنّو الحياة هي مجرّد عدوّ بدون ما ينظر لأسس المنافسة ولأهدافها، لأن لو توقّف لحظة ووزن المسألة لشاف أنّو الأمر ما بيتطلّب هالشي والمنهج اللي عم يعتمدو هو منهج إنساني ما بتنطبق عليه شروط الواقع يللي بتّتفق مع الحياة ضدّ أي منافس...

الأصدقاء غالباً هنّ محطّات في الحياة ونادراً ما يلاقي الإنسان من خلال الأصدقاء المحطّة اللي بينتمي إليها، يعني المحطّة اللي بيحبّ وبيرغب ويفضّل المرور فيها مهما بلغ السّفر من طول وعرض! والنّادراً السابقة بتكون إذا توفّر التناغم بين شخصين، على كتير أصعدة بس أهمها الرّوح، لأن إذا ما حدث تناغم روحي بدائي من المستحيل التلاقي مهما امتدّت الأيّام والسّنين.

الحفاظ على صديق مسألة شاقّة ومملّة ببعض الأحيان، شاقّة لأنها بتتطلّب تضحيات وبذل وعطاء واهتمام، وإذا كانت المشقّة فعلاً تستحقّ فمعناه الحفاظ على الصديق ممكن. ومملّة لأن أحياناً المرء ما بيقدر يقدّم لنفسه كل الأمور السّابقة من بذل واهتمام وحب ومشاركة، فكيف تقديمها لشخص آخر برغم قربو الشّديد منّا!
وأكيد الصّداقة الحقيقيّة بتتغلّب فيها المشقّة على الملل، لأن الملل هو عابر بينما المشقّة متوافرة غالباً بكافّة شؤون الحياة مو بس بالصداقة.

إعادة صديق مفقود أمر بدّو صبر واحتمال شديد وتواضع، وبظن هالأمور الثلاثة حالياً بدّي كمّل مشواري معهن برغم تعبي وانشغالي وابتعادي... الحياة تأتيك من حيث وحين لا تتوقّع فخلّي الوقت يكون كفيلك لممارسة الحياة في طريق الحياة .

عم فكر
كانوا حدا بيعرف من غير ما احكي شو صاير
وكانوا امنية حدا يساعدني بتحقق بسرعة
عم فكر لو تاتمنية الأولى تتحقق بسرعة كمان وتسامحني

قرصان شكرا ع النصائح

[قرصان الأدرياتيك]

كاتب النص الأصلي : جـدل

عم فكر
كانوا حدا بيعرف من غير ما احكي شو صاير
وكانوا امنية حدا يساعدني بتحقق بسرعة
عم فكر لو تاتمنية الأولى تتحقق بسرعة كمان وتسامحني
قرصان شكرا ع النصائح

النصايح يا صديقتي نشترك فيها كوننا نمرّ تقريباً بتجارب متشابهة وكون الحياة واحدة!
مهما عظمت أخطاؤنا في نظر الآخر لازم يتوافر الغفران لسبب بسيط، هو أنّو البشر ما بيذكروا أنن هن كمان خطّائين، ومقاييس الأخطاء مختلفة... الغفران هو وسيلة استمرار وبقاء وحفاظ على الكنوز اللي اشتركنا فيها ضمن حياة بشريّة واحدة، وإذا الآخر ما كان قادر يعيش الغفران مع الآخرين فبالمقابل لا يطلب من أي آخر المسامحة... ولأن جميعنا نحتاج أنّو تكون أخطاؤنا مغفورة فلازم نغفر... وخاصّة بتذكّر الأشياء الحلوة والرّائعة المشتركة وترجيحها على النقائص بكل أشكالها...
عم فكّر قبل ما كفّي حديثي معك يا جدل الحلوات أنّو إبريق المتّه عم يطقطق ولازم شيلو من عالسخّانة قبل ما يغلي وتغلي معه أفكاري... إي مشي الحال .
الصّديق غير القادر على مسامحة صديقه ما بيستحقّ الصّداقة لا بل ما بيستحقّ من الحياة ما يطلبه من الحياة .

[جـدل]

كاتب النص الأصلي : قرصان الأدرياتيك

النصايح يا صديقتي نشترك فيها كوننا نمرّ تقريباً بتجارب متشابهة وكون الحياة واحدة!
مهما عظمت أخطاؤنا في نظر الآخر لازم يتوافر الغفران لسبب بسيط، هو أنّو البشر ما بيذكروا أنن هن كمان خطّائين، ومقاييس الأخطاء مختلفة... الغفران هو وسيلة استمرار وبقاء وحفاظ على الكنوز اللي اشتركنا فيها ضمن حياة بشريّة واحدة، وإذا الآخر ما كان قادر يعيش الغفران مع الآخرين فبالمقابل لا يطلب من أي آخر المسامحة... ولأن جميعنا نحتاج أنّو تكون أخطاؤنا مغفورة فلازم نغفر... وخاصّة بتذكّر الأشياء الحلوة والرّائعة المشتركة وترجيحها على النقائص بكل أشكالها...
عم فكّر قبل ما كفّي حديثي معك يا جدل الحلوات أنّو إبريق المتّه عم يطقطق ولازم شيلو من عالسخّانة قبل ما يغلي وتغلي معه أفكاري... إي مشي الحال .
الصّديق غير القادر على مسامحة صديقه ما بيستحقّ الصّداقة لا بل ما بيستحقّ من الحياة ما يطلبه من الحياة .

كنت بتمنى اشرب معك كاسة متة
صارلي زمان ما شربت
عم فكر إني
اول مرة بتمنى اعرف الغيب
واعرف شو راح يصير معي
خايفة ما تسامحني وما تسمعني
بس لو بتسمعني
غلطة عمري
ومو مشكلة تكلف عمري لانو هي بتستاهل اللي اغلى من العمر

[بنفسجة]

عم فكر اني معقول انا هيك؟

[جـدل]

عم فكر...بالمعجزة
بتمنى تصير بسرعة
"يؤجل الله أمانينا ولا ينساها"

[Dndoshy]

عمفكر باسم جديد
ممممممممممممم

[بنفسجة]

كاتب النص الأصلي : Dndoshy

عمفكر باسم جديد
ممممممممممممم

بما انو حاطط صورة الاصابع فبقترح تحط اسمك مدريد 2016
رغم انو ما ربحو التنظيم
ههههههههه
انا عم فكرلو لدندوشي باسم

[rama1985]

عم فكر انو ليش العالم وطول النهار بتلاقيها عم تعيط
كلو فاتح زورو عالعالي
وماعاد حدا اعترف بالهدوء والصوت الواطي!!!

لك ماكنت افهم لشو الصوت العالي !!!!
يعني اذا داخل على شي محل لازم ترفع صوتك ليسمعوك
واذا طلبك ما زبط , لازم ترفع صوتك وساعتها الكل بيصير تحت أمرك !!
حتى المنبه لحتى يكون منبه منيح , لازم يكون صوتو بيصرع صريع !!!
مامنعرف نسمع التلفزيون إلا عالعالي ,
لك مامنعرف نشتغل شغلة الا ما نقرقع ونصرع العالم !!...

مجرد ما بتنكش حدا بتلاقيه دغري فتح باجوقو ,
بتحاول تفهمو بتكتشف انو اصلا مابيفهم !!
بتعلي صوتك بيعلي صوتو , بتجعر بيجعر ,
وبالاخر بيروح كل واحد على بيتو ومنكون مافهمنا شي

[جـدل]

عم فكر
يؤجل الله أمانينا ولا ينساها

[Syrian_love]

عم فكر بشو بدي فكر