المسلميين = النازيين

[souriana]

كاتب النص الأصلي : ayhamm26

طيب ممكن اسالك شلون لكن صار الوضع هيك بسوريا حاليا طالما العلويين كانو هيك عايشين شلون صار الرئيس علوي؟؟؟ شلون سمحوا السنة اللي كان بايدن الحكم للعلويين يدخلوا الجيش ويوصلوا لاعلى المناصب مشان بعدين يصفوا باقي الطوائف من الجيش ويصير الجيش متل مانك شايف هلق؟؟

قضية انو العلوي ابن الضيعة كان يتعرض للظلم هي ما الها علاقة بدينو وانما بعلاقة الاقطاعي ابن المدينة بالفلاح يعني ريف حلب وادلب وحمص ودمشق ما كان كلو فلاحين شلون برايك كانو يعاملون اهل المدن؟؟ نفس الشي

للاسف اللي عملوا حافظ الاسد فينا ما قدرت فرنسا تعملوا لما الفرنسيين حاولوا يعملوا لكل طائفة دولة بالعشرينات دولة العلويين ودولة حلب ودولة للدروز هالشي انرفض تقريبا من الاغلبية الساحقة اما اليوم حافظ اسد بسياساتو الشيطانية بني حدود لهالدول داخلنا صار كل ابن اقلية بسوريا وخاصة العلويين متخيلين انو السني هو زرقاوي صغير يا سيدي والله حتى لو كان هالسني ما الو علاقة بالدين فهو براين بيكره العلوي وبدو يدبحوا اذا بصرلو ونفس الشي بينطبق على المسيحيين للاسف

ومن الجهة التانية بنظر السني كل العلويين مخابرات ومشاركين بالجرائم اللي صارت

حدا منكن شاف القائمة اللي وضعها نزار نيوف للعناصر والضباط اللي شاركوا بمذبحة سجن تدمر 1980 كلن كانوا من العلويين ليش ياترى؟؟ شو هالنظام اللي بوجه ابناء طائفة صغيرة وبيسلحن لقتل ابناء طائفة تانية؟؟

الهدف معروف دق اسفين بين الطوائف كلها وهون الجريمة الكبيرة اللي ارتكبها النظام لانو كل شي ممكن يتعوض الا شعور الناس بالتعايش والامان وما بعرف قديش بدنا لنرجع متل ما كنا قبل 1963

بتمنى منك ماتحرف الاقتباس عيب هالشغل هاد
اللي انت محددو بالاحمر انا ما كتبتو
واذا حابب تكتبو فياريت تخليه برات الاقتباس

[souriana]

كاتب النص الأصلي : ayhamm26

الهدف معروف دق اسفين بين الطوائف كلها وهون الجريمة الكبيرة اللي ارتكبها النظام لانو كل شي ممكن يتعوض الا شعور الناس بالتعايش والامان وما بعرف قديش بدنا لنرجع متل ما كنا قبل 1963

تعايش و شو ؟؟؟؟؟؟؟؟ فحص العيون اللي عملته اخدت عليه 10/10 يعني و الحمد لسعدو نظري سليم
فما بظن اني عم اقرا

اينو تعايش و امان اللي بيقرا اللي كاتبو بيقول يا اما عم تستهبلنا يا اما مفكرنا مو ولاد هالبلد يا اما انت مو من هالبلد
سعدو يسامحك يا رجل اي بلدك من يوم الاستقلال ما عاش يوم امان واحد كل يوم و التاني اغتيالات و انقلابات و مصالح
اصلا يكتر خير المرحوم اللي وقف البلد على رجليه ولو بالقوة معليش القوة بتلزم احيانا لانو ماكنا نفهم بالزوق

سورية ماشافت يوم ابيض غير لما استلم حافظ الاسد

بعدين ليش مركز على سنة 1963 قصدك على حزب البعث بعرف

وهدا بيدل على اللي بقلبك

[yass]

وهدا بيدل على اللي بقلبك

رجاءا بلا ملاحظات من هالنوع و ما تتحوّل الردود لشخصية

[شب الكوبة]

كاتب النص الأصلي : فاوست

المروج للطائفية في هذا البلد هم الأسرة الحاكمة نحن شعب ليس بطائفي وسوريا من المستحيل أن تحكم بالعمامة

لا يا حبيبي الواقع مو هيك نحن شعب" بطائفي" والنظام هوي ماسك الامور من الفلتان
هي العراق هي لبنان هي مصر هي باكستان شوف الطائفية فين و قلي شو دخل النظام

يا صاحبي الطائفية بهالعصر هي مرض يجتاح الأمة العربية والأسلامية بسبب السياسات الامريكية والصهيونية
وكلنا أمل بالقضاء عليها والنهوض بمجتمعاتنا
وهاد الكلام ما بيتحقق الا بالعمل والجهد
لهيك خلونا نحنا الشباب بهالمنتدى نواة للاصلاح
عن طريق الاتفاق على وثيقة عمل تتضمن انو نتعامل مع بعض على اساس مواطنيين سوريين بدون النظر لخلفياتنا و معتقداتنا
وترك الدين للجوامع والكنائس

[souriana]

كاتب النص الأصلي : yass

رجاءا بلا ملاحظات من هالنوع و ما تتحوّل الردود لشخصية

عفوا اخ ياس انا ماقصدت اي شيء سيء واذا انفهم هيك فانا بعتذر كتير منك ومن اخي ايهم

[باشق مجروح]

طبعا مشان حلبي ما يعتقد اني عم اتهرب من الرد وهو مقتبس هالكلام من مشاركة الي بموضوع يمكن نشرو اممي لتحديد الانتماء في أخوية وكان هادا ردي وهلأ بيجي حلبي بيقتبسو لحتى يورجي التناقض.
وأنا حابب وضح الفكرة كون الشغلة مو بعيدة عن الموضوع المطروح بعد ازن الجميع:

الصراحة أنا انتمائي الغالب أكتر طائفي
يعني مرات بحس انو الشيعي الأفغاني أو الايراني بيعنيني أكتر من السوري من غير معتقدات
أنا بحب الصراحة وما بحب المتاجرة والكزب
أممي انتي طلبت انو الواحد يحط رأيو الصريح مشان نعرف الله وين حاططنا.
أنا هاد شعوري بدون مجاملات.
ورغم هالشي يعني ازا بصير شي لشب عربي أو بيحتاجني ما بعرف كيف في رابط بيشدني الو..
مبرسي عالموضوع

أنا بسبب تواجدي خارج الوطن للدراسة مريت بظروف سيئة جداً . أيام نشر هالمشاركة.
طبعاً كانت أيام عاشورا وازا حابب تتأكد رجاع وتأكد .
حبينا نعمل هون اجتماع ديني زغير بهالمناسبة وللأسف تم التعطيل من قبل الجمعية الاسلامية المحسوبة على السنة وطبعا تمت سرقة شعار وعلم أسود مكتوب عليهم شعارات دينية رغم حصولنا على ترخيص الجامعة بالموضوع.
وأنا شخصياً اجتني تهديدات من شاب عراقي سني وحذر بوقاحة من اننا نجتمع أو نعبر مدعياً انو المرجعية الوحيدة هون هي الجمعية الاسلامية المحسوبة أصلاً على الفكر الوهابي التكفيري.
وطبعاً ما حدا من الشباب المعتدلين وقف بوجه الشاب ولا وقاحة اسلوبو معي أو تهديدو ولا حدا وقف نهائياً.
هالاحداث اجت بعد مقتل شاب ايراني بالعاصمة على ايد متطرفين عراقيين تم ترحيلهم.
على كلٍ هالظروف هي المترافقة مع الاحاسيس الدينية الي بتصيبنا بهالايام وما في داعي خوض فيها حسستني انو الشيعي الافغاني أقربلي من السني أو ابن بلدي من غير معتقد.

أنا بستفيد من هالقصة لقول انو هاي هي الحالة الي ممكن تعم لو استلمت جماعات اصولية الحكم و أضاعت حقوق الاقليات وبالنتيجة فقدان الحس القومي والانتماء للوطن.

طبعاً هالحالة كانت مؤقتة بالنسبة الي وحسي القومي والوطني ما بيختفي ولا بيخفت ان شالله. والحمد لله أنا رحت صالحت الشب بغرفتو وحكيت معو بهدوء وانحلت المشاكل.
بعشق ســــــــــــــوريا

[المحارب العتيق]

كاتب النص الأصلي : شب الكوبة

لا يا حبيبي الواقع مو هيك نحن شعب" بطائفي" والنظام هوي ماسك الامور من الفلتان
هي العراق هي لبنان هي مصر هي باكستان شوف الطائفية فين و قلي شو دخل النظام

هون زبدة الموضوع
الشقين بيثبتوا المقولتين المذكورين بالموضوع الرئيسي
الي رجعة لعقب على كتير كلام بس بحب قول
أنو كل الأمثلة يلي صارت مع وضد أنا معها ولا أنكرها بس الفكرة الرئيسية الى متى وماذا نريد
يعني من كل ماسلف لازم بوكرة نرجع نحارب البعثيين ونمنعون من حق التفكير والتوجه مثلا
يجب أن نلغي تخوفنا الفارغ من المجهول ويجب أن نعترف كل بالأخر وحقه في التفكير والتقرير
وان لا يلغي المسلم المسيحي ولا السني الشيعي ولا الشيوعي البعثي ... الخ الخ الخ وبالعكس

[ayhamm26]

كاتب النص الأصلي : souriana

تعايش و شو ؟؟؟؟؟؟؟؟ فحص العيون اللي عملته اخدت عليه 10/10 يعني و الحمد لسعدو نظري سليم
فما بظن اني عم اقرا

اينو تعايش و امان اللي بيقرا اللي كاتبو بيقول يا اما عم تستهبلنا يا اما مفكرنا مو ولاد هالبلد يا اما انت مو من هالبلد
سعدو يسامحك يا رجل اي بلدك من يوم الاستقلال ما عاش يوم امان واحد كل يوم و التاني اغتيالات و انقلابات و مصالح
اصلا يكتر خير المرحوم اللي وقف البلد على رجليه ولو بالقوة معليش القوة بتلزم احيانا لانو ماكنا نفهم بالزوق

سورية ماشافت يوم ابيض غير لما استلم حافظ الاسد

بعدين ليش مركز على سنة 1963 قصدك على حزب البعث بعرف

وهدا بيدل على اللي بقلبك

اولا ما كان قصدي غير شي بتعليقك انا كتبتو بالاحمر وكبرت الخط ومبين انو هدا رايي مو رايك

تانيا ما بدنا نغير الموضوع لنقاش عن حافظ الاسد بس بحب قلك انو كان الطائفي الاول بهالبلد وابنو يسير على خطاه وانا بعتبر انو انقلاب اذار 1963 هو يوم النكبة للشعب السوري

وانت ملاحظ انك ما جاوبت على اسئلتي لو كان هيك وضع العلويين وهيك كانو لهالدرجة مقموعين منين وصلوا للحكم؟؟؟؟
بالخمسينات والستينات كان التدين في سوريا باقل درجاتو وحتى عائلات كتيرة بالمدن كانت تعتبر الحجاب عيب وبالتالي السنة ما كانو ينظروا للعلويين بهالشكل اللي عم يحاول النظام يفرجينا ياه كانو العلويين يتوظفوا بالجيش والشرطة والامن متلن متل غيرن وبتحداك تجيب اثبات او قانون منع اي علوي من اي منصب بهداك الوقت

بس للاسف جماعة اللجنة العسكرية هني اللي خانوا ثقة رفاقون البعثيين من الطوائف التانية ورمون كلن برا وبعدين اشتغلوا ببعض لحتى ما بقى غير افظع واحد فين وهو حافظ الاسد

مشان هيك البروباغاندا تبع النظام صارت ممجوجة ومكررة ومارح تلاقي حدا يشتريها لانو الطائفية بهالبلد صار معروف مين المحرض عليها

واذا انت شايف انو ما شفنا يوم ابيض الا بعهد الاسد الميمون فهدا رايك يبدو انو ايامك كلها بيضا مع هالحكم؟؟؟

[souriana]

انشالله يارب كلها بيضا

[ayhamm26]

كاتب النص الأصلي : souriana

انشالله يارب كلها بيضا

ايوا هدا اللي كنت بدي قولو المهم ايامك انت بيضا مع الحكم والبلد حدها جهنم

[yass]

يا شباب لو سمحتو لا تقلبو النقاش الى سجال شخصي

بترجاكون انو ما يضطر الاشراف يتدخل

[souriana]

يا ياس باشا يا حكومة مافي شي من القبيل
بس بتمنى عدم ذكر اسماء و التجريح فيها

[المحارب العتيق]

أنا أقتبست شوية مداخلات وأفكار لفتت نظري وعلق عليها مع أنو أغلب يلي أنكتب قيم وبيستحق ينقرا وينفهم بس مافيني رد على كل شي مشكوريين وبتمنى مانطلع عن هدف الموضوع بردود جانبية

joe
تنين: اذا حبينا نقارن الخطر الافتراضي على المسيحيين... فأنا بشوف انو بظل دولة طائفية تقوم على تهميش الأغلبية السنية, وضع كل الأقليات بخطر أكبر بكتير من بظل دولة اخدة فيها الأغلبية حقها الشرعي. تذكروا يا جماعة الخير إنو الإنسان لما يكون قوي, ما بيكون ظالم... ما بيكون همجي... بالعكس بيكون متسامح.. لانو قوي... مانو مضطر يتقاوى على حدا.... بينما لما يكون الإنسان مهضوم الحقوق... رح يتجه نحو التعصب الديني ... و مين اكتر شي عم يزيد من التعصب الديني بين الحشود؟؟ الظلم السياسي
وجهة نظر منطقية جدا وأتمنى أن لا يعم التعصب من التهميش

madmax
اي أكيد الامر كان حقيقي قبل الـ 1963
و للأسف هالأمور مستندة على نصوص ( شرعية عند الطائفة السنة و لا سيما افتاءات ابن تيمية )
أنو مابعرف ليش عم تذكر 1963 وكأنك هيك عمتثبت أنو بعد 1963 صار في تغييب للسنة وهذا أيضا خاطئ
أفتاءات أبن تيمية لا يعمل بها مسلمو سورية وأبن تيمية منظر المذهب الوهابي
والقصة قصة تماس على ماأظن بين السنة والعلوية في المنطقة الساحلية فعلى سبيل المثال لم اسمع بهكذا قصص من علويي حمص بالمقابل لا أعتقد أنه كان هنالك مشكلة بين علويي الساحل وسنة حلب مثلا
خلاصة الموضوع ..... أنو نسيتو كل سلبيات الحكم ..و اجيتو تنتقدوا النقطة الايجابية الوحيدة يللي عنا ..؟؟
خلاصة الموضوع أزالة الرهبة بداخلنا كل من الأخر وتغييبه وأقصائه
وأذا النقطة الأيجابية الوحيدة يللي عنا هي بث التفرقة والرعب كل من الأخر فصحتين علينا

souriana
شوف صلاح الدين و المجازر اللي عملها

شوف الاتراك والمجازر اللي عملوها بالعلويين
لحنا عم نحكي عن الوضع الحالي ونظرتنا للمستقبل
يعني أنا بدي أصل مثلا أنو مايتحاسب العلوي بالمستقبل على انو كان يعمل ويساوي ولا البعثي ولا الأخونجي
طالما لا يستعملون القوة كوسيلة

شب الكوبة
وفي عالم متل الأخ صاحب الموضوع و غيرو همون يعارضوا بشغلات ما الها اساس بالواقع بس لمجرد المعارضةو متل هيك عالم بتصور عم نضيع وقتنا بالمناقشة معن
غريب أنو هاد يلي فهمتو أنت وهاد يلي طلع معك مابعتقد أنو تناقشتا قبل هالمرة
لتكون كونت عني هي الصورة وعلى فرض أنا هيك مع أني مو هيك فكرة الموضوع ألغاء الفكر الأخر وهاد يلي أنت عملتو يعني شو الك عندي لتلغي رأيي وتفكيري طالما أنا لا فجرتك ولا قوصتك ولا قلت بدي ياك تفكر أو تصير متلي

فاوست
تنين هل كل العرب السنة هم طالبانيين في سوريا؟ الا يوجد بعثيين الا يوجد شيوعيين الا يوجد ناصريين وغيرهم
تحليل منطقي رائع لماذا تغييب الأخر أو التخوف منه العمل على الأرض هو من يحدد المثل السيء من الجيد
فعلى سبيل المثال في فترة الحروب الصليبية كان بإمكان السنة إبادة المسيحيين جميعاً وبسهولة وكان بإستطاعتهم إستخدام ردة الفعل من قبل العرب على الصليبين الذين قتلوا تحت راية الصليب،وفي ذلك الوقت لم يكن هناك منظمات حقوق إنسان ومجلس أمن ولا أنترنت وإعلام فكانت الإبادة ستتم بسهولة دون أن يسمع بها
هذا ماقصدته بردي
أعتقد بعد هذا الأنفتاح الحضاري التكنولوجي وهذه التجارب التي مرينا بها أن أخطاء الماضي لن تتكرر
مع أن التاريخ لا يحمل أبادات في سورية

باشق مجروح
واحد بمجلس أنا كنت موجود فيه وقال وعم يسمعني انو لو كان بإيدو الحكم كان أول شي بيعلمو بيهدم مقام السيدة زينب وما بيعطي الأقليات أي حقوق ورح يمنع المطربين ويفرض الحجاب.
هذا كلام فردي غوغائي
برأيك مافرصة نظام يفعل هذا في سورية

madmax
و على فكرة ... حزب الاخوان المسلمين أشار لهالشغلة بآخر مؤتمر الو ....و قال انو رح يتخلى عن هالفتاوى
بس السؤال .. قديش في ناس ممكن تصدق أو توثق بهيك كلام
هذا كلام واعي وجيد أووك أنا معك أنو ماتثق بهيك كلام بس ضد أنك تلغيه بدون ماتعطيه فرصة يثبت كلامو
خلونا بسؤال الموضوع الاساسي ... هل برأيكون الطائفة السنية حالياً ...مهمّشة بسورية ..؟؟
الوضوع الاساسي الخوف من الأخر وألغائه ... والخوف من الفكر الأسلامي وألغائه

was616im
وكأنو بفهم من كلامك انو باقي الطوائف غير السنية مانن مسلمين يعني ولا شلون؟؟
كونك عم تحكي بس عن الطائفة السنية....
أنا عم أحكي عن فكر أسلامي بمثل سني

dimozi
ها الازمة أكيد ما أجت من فراغ, و أسبابا عديدة, بس غالبا ها الاسباب ما عادا موجودة


بوجود التغيير أو عدمو, الإرهاب رح يضل موجود بنسبة معينة, يعني جند الشام حقيقة مخيفة, بس المجتمع السني ما كلو جند الشام و لا كلو أخوان
أوافقك الراي مشكورة على المداخلة

ayhamm26
قضية انو العلوي ابن الضيعة كان يتعرض للظلم هي ما الها علاقة بدينو وانما بعلاقة الاقطاعي ابن المدينة بالفلاح يعني ريف حلب وادلب وحمص ودمشق ما كان كلو فلاحين شلون برايك كانو يعاملون اهل المدن؟؟ نفس الشي
هذه أحد أسباب الأزمة الثقة التي نعيشها
لا تقلي وزراء سنة وما بعرف شو لاني رح اضحك كتير شو مانك عايش بسوريا مابتعرف انو مساعد بالمخابرات بيحل وبيربط اكتر من وزرير؟؟؟ مابتعرف انو الامن والجيش هني الاساس وهني اللي بايدن مفاتيح الحكم
للأسف هاد واقع

وأكيد في نقاش بناء وأفكار مهمة بكلام صديقي ياس وصديقي أبو عمير السوري

[souriana]

كاتب النص الأصلي : ayhamm26

ايوا هدا اللي كنت بدي قولو المهم ايامك انت بيضا مع الحكم والبلد حدها جهنم

كلنا سوريين وهاد بلدي متل ماهوي بلدك وما حدا بيقدر يوزع وطنيات على التاني

ومصلحة بلدي فوق اي مصلحة تانية

انشالله الايام بيضا لكل سورية

[شب الكوبة]

بتمنى عدم الاجتزاء هاد كان كلامي

كاتب النص الأصلي : شب الكوبة

إن نصف الناس أعداء لمن .. ولي الأحكام هذا ان عدل

يعني قصدي قول في ناس بتعارض بشغلات ممكن ينحكى فيها ومتل هيك عالم لازم نحاورون كرمال نبني وطن
وفي عالم متل الأخ صاحب الموضوع و غيرو همون يعارضوا بشغلات ما الها اساس بالواقع بس لمجرد المعارضةو متل هيك عالم بتصور عم نضيع وقتنا بالمناقشة معن

وبالأخير ارضاء الناس غاية لا تدرك

وهاد كان ردك

غريب أنو هاد يلي فهمتو أنت وهاد يلي طلع معك مابعتقد أنو تناقشتا قبل هالمرة
لتكون كونت عني هي الصورة وعلى فرض أنا هيك مع أني مو هيك فكرة الموضوع ألغاء الفكر الأخر وهاد يلي أنت عملتو يعني شو الك عندي لتلغي رأيي وتفكيري طالما أنا لا فجرتك ولا قوصتك ولا قلت بدي ياك تفكر أو تصير متلي

بتصور حكيي واضح تماما
بس رح ارجع قلك انو مو الفكرة الغاء الرأي الأخر بس في ما فيني اتحاور مع شخص على أساس باطل تماما
يعني متل واحد جايي عم بيقلي 1+1=3 شو متوقع مني متلا؟؟أكيد المفروض ماضيع وقتي بالنقاش معو لأنو متل هيك واحد مو جايي يناقش ..جايي يعمل بلبلة مو اكتر

[المحارب العتيق]

كاتب النص الأصلي : شب الكوبة

بتمنى عدم الاجتزاء هاد كان كلامي




وهاد كان ردك

بتصور حكيي واضح تماما
بس رح ارجع قلك انو مو الفكرة الغاء الرأي الأخر بس في ما فيني اتحاور مع شخص على أساس باطل تماما
يعني متل واحد جايي عم بيقلي 1+1=3 شو متوقع مني متلا؟؟أكيد المفروض ماضيع وقتي بالنقاش معو لأنو متل هيك واحد مو جايي يناقش ..جايي يعمل بلبلة مو اكتر

يعني كلامك بيضحك كيف أساس باطل أنا يلي صار معي هاد الكلام أكيد مو أنت
واقرا انو ياس وبيترفلي وجوي والباشق حكوا عن هلامثلة هدول يلي بتذكرهم على الأقل فكيف طلع معك أنو الأساس باطل تماما
يعني كلنا غلط وأنت الصح

[Abu ToNi]

ما قريت كل الردود على الموضوع بس حبيت اعقب على فكرة الطائفية والسنة والشيعة والمسيحية

انا بفتحر كوني انسان سوري لا يوجد على بطاقته الشخصية خانة " الديانة "

[souriana]

كاتب النص الأصلي : gabriel

ما قريت كل الردود على الموضوع بس حبيت اعقب على فكرة الطائفية والسنة والشيعة والمسيحية

انا بفتحر كوني انسان سوري لا يوجد على بطاقته الشخصية خانة " الديانة "

وهادا اللي بيمز الحبيبة سورية