الجزء الثاني من أعضاء الاخوية .. وخواصون ..

THE_unforgiven · 18/09/2007

أبو ويليام :عضو بيموت عالسقيفة ..عندو تعبير يدري الله من وين جايبو .. (يا فطاحل ) ..أحيانا بيفوت بيخربشلوا شوي بالخواطر والخربشات ..

وغالبا بتكون هالخربشات ...على اسمها .. خربشات ..بس مواضيعو حلوة ومميزة وبتلفت نظر ..بس عندو نزعة تسيبية بتبين من توقيعو ..فخار يكسر بعضو ..

لوكان عندو شركة ... كانت سكرت فورا .. وانسرقت خزينتها وأفلست من أول شهر ..

أبو شريك : شغل أغاني وكلمات ..يمكن عندو عقدة قديمة من وقت ما كان صغير .. اسمها أغاني .يمكن يصير مؤلف أغاني ما حدا بيعرف ..شكلو محترم وجنتل .. يعني شب مو ولد

بس في عندو مشكلة بالتوظيف .. ما عم أعرف شو هيي .. وهوي وزيدان ..في عشق قديم بيناتون ..من أيام العسكرية ..

brave heart2 :عضو بيحب الحرية .. عندو ميل للثورة ونقد الشغلات اللي ما بتعجبو ..بيتو التاني منبر أخوية الحر ..بيشبه أبو وليام بموضوع الخربشات .. بيخربش كتير بس ما بيطلع معو شي ..

ما بيعرف الله وين حاططوا ...اليوم هون بكرا مدري وين . .شي حلو .. بس أراؤه مهمة ..بالسياسة ..

قمر :عضو مميز .. ردوده خجولة متلو ..وعاطفية كتير .. مابحب يزعج حدا ولا حدا يزعجو ..بحس ..انو هيي ما حدا بيفهمها .. عندها فلسفة حبية غريبة .. ومفهوم للحب أغرب .. ما كتير من العالم بيفهموه ..
بس والله لذيذة .. وكتكوتة .. وما بقدر اتخيل مواضيعي بدون تعليقاتها ..

blanco : عضو ما عم أقدر أفهمو ..كاتبلي ..انو هوي عايش من قلة الموت ..مواضيعو قليلة .. عاملو كم موضوع بقسم الرياضة .. وكم واحد بالموسيقة والصالون ..ما في شي سبيشال ..

بس بتمنى اني اتعرف عليه زيادة واكتب شي شغلة سبيشال عنو ..

سنجوية : أحلى وأرق وألطف بنوتة بالمنتدى ... ما حدا بيقرب صوبا واللي بيقرب ..بدي انتزع النخاع الشوكي تبعو ... وشيل دماغو ..واطبخو مع المجدرة... وشيل أمعاؤو .. واعمل عليون ..أكلة محشي .. رز .. وبالنسبة لجلدو ..بدي اسلخو وأعمل منو شنط وجزادين ...بقا ما حدا يقرب ..

جند اللاذقية الكول - آل شحاطة ابو اصبع -

الموسيقار :عضو أفكارو غريبة .. عايش بين الشمينتو والبحص .. (نيالو ) .. اهتمامو النكد (يا لطيف شو هالإهتمام )..بيوصف حالو انو جئر .. ومأنشح فكريا .. ما بعرف قديش هالحكي صحيح ..

عندو مشكلة .. مع شوفة الحال بمواضيع الثقافة والسياسة ... بيكره كلشي اسمو ..بيع وطنيات ..ومعو حق بهالموضوع ..
وبايدو بكلمة انو سوريا الله حاميها .. وبهنيه على هالجملة ..

اميرالأردن :عندو عشق للخفافيش السود الله يخليلو اياهون .. ما بعرف شو صلة القربى بينو وبين ريكاردو الأردن .. ما مخلى قسم ما مشترك فيه من الكعوب العالية وجر .. اعتقل بالأخوية فترة ما بعرف ليش ..يدري الله شو عامل .. بيرمز أغلب مواضيعو إذا مو كلها بسهم رايح عاليسار ..شكلو متطرف ..

أمرأة من ورق : عضو .. سبيشال .. بالإضافة إلى أنو منسق .. اسمو بيعجبني كتير .. بيدل على معاني مو الكل بيفهومها .. مواضيعو بالفلسفة وعلم النفس بتعقد ..بالإضافة للأدب الساخر والخربوشات .. شكلو هالعضو بيحب يكتب كتير عالورق .. يعني بيحب يكتب على حالو .. عالورق ..

كانت عاشقة الصالون مدري ليش تاركيتو بهالفترة ... وما كانت صحبة هيي والسقيفة ..

...وهلق اكتشفت انو نقلتلي موضوع التحشيش عالسقيفة ... بهالحركة اللذيذة منها ..انضرب شغل المحل ..وراح سوق الحشيش ... الله يكتر خيرها ..

الوطواط : بيحب السهر كتير ..ما بعرف كنو من نوع الوطاويط اللي بتمص دم الإنسان ..هوي من شلة الحرية تبعيت معتقلي حرية الرأي ..

عندو كم موضوع خربشة .. وكم خاطرة .كنو هوي وسهران خاطرينلو .. ما عندو قسم مميز .. بيضل يفوت عليه ..(غالبا مواضيعو المتتالية بيكون إلها نفس الرمز .. أو السمايلي اللي بيظهر جنب العنوان )ما بعرف عنو أكتر من هيك .. خيو الوطاويط ..ما حدا بيقدر يراقبون ..مزبوط إللا إذا كان من المخابرات ...بيطيروا فورا ولاد اللذينا ..

gazita :عضو صورتو الرمزية ..ماشبها شي .. اغلب مواضيعو فنية .. وأحيانا ..بيميل للأزياء والسقيفة .. بس عندو عشق للسمايلي الضحوك .

. واسمو جربت افهمو كتير .. بس ما انفهم معي ..بركي هوي اسمو الحقيقي ما بعرف ..شو رأيكون ..

وما بيحب الخربشة أبدا .. وما بيفوت على هالموضوع ..لا من قريب ولا من بعيد ... بيحطلو أحيانا ..كم ملطوشة .. بتلطش ..الدم لدرجة خفة دمها ...

جان بن جاك الروسوي : اسمو أغرب اسم بالأخوية .. وصورتو الرمزية ..ما هضمتها بالمرة ..يمكن هني بيعبرو عن شغلات فلسفية متلو ..ما بعرف ..عموما هوي .. بيتعمق بشغلات علم النفس ..وما بيقرب عالسقيفة بالمرة

..عندو شعار (لالوضع المواضيع بالسقيفة )
وبيبيع بطاطا بطعم البطيخ للي بدو ... وحابب قللو اني جايي لعندو على جامعة تشرين السنة .. بقى بحب انو يرحب فيني ..شوي ..ويشربيني ..شي كاسة بطيخ بطعم البطاطا ..

لسا ..ما صار بيناتنا ..تعامل على المستوى الفلسفي ... بس انشالله بيصير ..

the dark dragon :طبعا بيمتاز بأنو دايما بأخر ردودو بيحط هالجملة .. MAJD®....The Dark Dragon

ما بعرف ..شو بيحببوا فيها ... بس مهضومة ... ردودو .. ماشي حالها .. وهوي مهضوم ..يعني بس مو كتير .. شوي ..

zahir:مطرود من الجامعة طردة الأوادم ... وبيدعي انو تاجر .. يمكن تاجر حشيش .. ما بعرف..اغلب مواضيعو بتطلع الضغط وبتجلط ... بس مع هيك كويسة ومقبولة ... وبتنقرا ... وبشكل عام ..مقبول ..وما عليه شكاوي ..

ياسمين : عضو ..ماعاد فات كتير عالأخوية ..كان عضو بشلة المعاقبين وما بعرف إذا لسى مستمر .. أحيانا بيخربشلو شوي .. وبيحب العالم تحكي عنو ... حاططة بتوقيعها .. تواريخ ما بعرف لشو ... فوتوني بالحيط ..بتمنى انها توضح .. كاتبة بس ذكرى .. وههي بنوتة رقيقة ..وطيوبة ..وعم نفتقدهعا هالأيام بالألعاب ..بس مانها خرج تحشيش .

.وبتضل ضاربة بوز ..هيك هيي كاتبة ..بس أنا مالاحظت هالشي ...حاطة صورة بالبروفايل تبعها .. عجبتني كتير بتمنى من الكل يشوفها .. بس مانا منتسبة لشلة الكعوب العالية والموضة ..عجيب ..

أش : كان موجود بالقسم الأول وحكينا عنو ... بس على حسب طلبوا بيحب ..انو نوصفو بأكولن شب بالمنتدى cool man

يدري الله من وين مخترعو ...

يعني هالشغلة نسيت ما أحكي عنها ... مدري منين بيجلي ههالألقاب الغريبة ...
ملقبني بلقب هوي " طهمز " عجبكون ... يمكن مجنون ما بضمنوا ..أو بركي هاد تأثير الحشيش

ريبميمبر مي : عضو مميز بالأخوية ..ورفيق وفي .. ردودو لذيذة وخفيفة ..ما بيأذي حدا ..قلبو رقيق .

.وبيحب المواضيع العادية البعيدة عن السياسة .. يمكن زعلان مني لأني ما ذكرت إسمو بالقسم الأول بس انا تركتو لننهي فيه القسم الثاني .. يعني بيكون هيك سبيشال ..

دايما .. بيكون بلعبة اهدي وردة اللعضو اللي بتحبو وما بيخلي حدا ما بيهديه ..ما في منو .. وبحب ادعيه لينتسب لشلة المعاقبين لأأنو قدها وقدود ..وكل الشبيحة ناطرين ردو ..

وبالنسبة لوضعو بالألعاب ..بيحط ردود أحيانا غريبة عن الموضوع بس حلوي ..

.
وأنا بعتقد انو هوي كائن فضائي ... وبدو يغزي الأرض ... شباب مين بيشاركني هاد الإحساس ..

صورتو .. غريبة بس حلوي .. وأغلب ردودو بيكتبها بنفس لون الخط ونفس حجم الخط باللون الأزرق ..وهيدا الشي بيميزوا .. بس ما عم يحشش معنا بهالإيام مدري ليش ...

طبعا هيدا الموضوع ... متل ما قلت ..انو فقط للتسلية ولتقريب الأعضاء من بعضون مو أكتر ...وترقبوا الجزء التالت

قريبا جدا ..

ASH · 18/09/2007

ولله يا طهمز انك شغله لدينو ، شكرا جدا جزيلا كتير كتير كتير كتير يعني لهل موضوع الظريف لووووول

THE_unforgiven · 19/09/2007

أهلا وسهلا فيك ..آش ...

Remember Me · 19/09/2007

اقتباس:

ريبميمبر مي : عضو مميز بالأخوية ..ورفيق وفي .. ردودو لذيذة وخفيفة ..ما بيأذي حدا ..قلبو رقيق .

.وبيحب المواضيع العادية البعيدة عن السياسة .. يمكن زعلان مني لأني ما ذكرت إسمو بالقسم الأول بس انا تركتو لننهي فيه القسم الثاني .. يعني بيكون هيك سبيشال ..

دايما .. بيكون بلعبة اهدي وردة اللعضو اللي بتحبو وما بيخلي حدا ما بيهديه ..ما في منو .. وبحب ادعيه لينتسب لشلة المعاقبين لأأنو قدها وقدود ..وكل الشبيحة ناطرين ردو ..

وبالنسبة لوضعو بالألعاب ..بيحط ردود أحيانا غريبة عن الموضوع بس حلوي ..

.
وأنا بعتقد انو هوي كائن فضائي ... وبدو يغزي الأرض ... شباب مين بيشاركني هاد الإحساس ..

صورتو .. غريبة بس حلوي .. وأغلب ردودو بيكتبها بنفس لون الخط ونفس حجم الخط باللون الأزرق ..وهيدا الشي بيميزوا .. بس ما عم يحشش معنا بهالإيام مدري ليش ...

ولي كل هدول أنا

شكرا كتير PUNISHER ... وعلى فكرة كتير عجبتيني هي شبيشال .
بس ما عجبتني هي صديق وفي ... شو شايفني ____ قدامك ؟؟؟
وبالنسبة لردودي ... والله دائما بكتب أول جملة بتخطر ببالي بعد ما أقرأ الردود ... بيجوز كون عم فكر بغير شي ... فبتجي الجملة بغير موضعها ... بس يلا ... ماحدا حاسس
وبالنسبة للتحشيش فبدك تعذرني شوي ... صاير مشغول شوي ... ومحشش بشغلي ... بقا صاير عندي أكتفاء وما عم أقدر كمل معك الحشيشة

سارة$$$ · 19/09/2007

كائن فضائي ...........وبدو يغزي الارض....................يمكن

طلع من سكان الفضاء

THE_unforgiven · 19/09/2007

أنا هيك بعتقد

Remember Me · 19/09/2007

اقتباس:

كاتب النص الأصلي : سارة$$$

كائن فضائي ...........وبدو يغزي الارض....................يمكن

طلع من سكان الفضاء

أنت شو رأيك سارة .؟

سارة$$$ · 19/09/2007

المهم انك تاخدنا رحلة على الفضاء معك
بس مابدنا نتصور منشان اشكال عالم الفضاء بتخوف.........................

عم امزح ريممبر مافي منو...........

Remember Me · 19/09/2007

جاري أنتظار رأي Berain وبقية الحبايب

BnBooN · 19/09/2007

ريبميمبر مي : عضو مميز بالأخوية ..ورفيق وفي .. ردودو لذيذة وخفيفة ..ما بيأذي حدا ..قلبو رقي
بداا صفنه وارجوو مراجعة المعلوومه للتأكد من صحتهااا

يمكن زعلان مني لأني ما ذكرت إسمو بالقسم الأول بس انا تركتو لننهي فيه القسم الثاني .. يعني بيكون هيك سبيشال ..

مع انوو اسمو لازم يزكرك(ريممبر مي ) انو اتزكروني بس معلش بنشر الزااهر الكبر عبر

دايما .. بيكون بلعبة اهدي وردة اللعضو اللي بتحبو وما بيخلي حدا ما بيهديه ..ما في منو .. وبحب ادعيه لينتسب لشلة المعاقبين لأأنو قدها وقدود ..وكل الشبيحة ناطرين ردو ..

بنشر ئوووول من اول انوو كل المديييح لريممبر منشاان تضموو لشلتك ماا في دااعي للف والدوراان مو لسوااد عيونو

وأنا بعتقد انو هوي كائن فضائي ... وبدو يغزي الأرض ... شباب مين بيشاركني هاد الإحساس

اناا بوافئك فياااااا

صورتو .. غريبة بس حلوي .. وأغلب ردودو بيكتبها بنفس لون الخط ونفس حجم الخط باللون الأزرق ..وهيدا الشي بيميزوا .. بس ما عم يحشش معنا بهالإيام مدري ليش ...

بتزكرني صورتوو بالضفدع كاااامل حداا بيتزكرو ................

عن جد بنشر كتييييير حلويين تعليئاااتك ومهضومييييين بس مو تقلباا بعدين محلل نفسااني عاااارفتك مصلحجي .................