أحداث لبنان- تغطية خاصة

[باشق مجروح]

وكالة الأنباء الكويتية - كونا

واشنطن: أعلن البيت الأبيض اليوم أن الرئيس جورج بوش سوف يلتقي رئيس الوزراء اللبناني فؤاد السنيورة خلال مشاركته في قمة (دافوس) الاقتصادية بمنتجع شرم الشيخ المصري يومي 17 و18 مايو الحالي. وقال المتحدث باسم البيت الابيض غوردون جوندرو في لقاء مع الصحافيين بمزرعة الرئيس بوش في تكساس التي ستشهد زفاف ابنته يوم غد أن "الولايات المتحدة ستتفهم الموقف في حال عدم رغبة السنيورة في لقاء بوش اذا كانت الظروف على الارض لن تسمح له بذلك".
ودعا جوندرو حزب الله الى وقف "تحديه" للقانون في لبنان كما حث كلا من ايران وسوريا على وقف دعمهما للحزب وما يترتب على ذلك من اثار مزعزعة للاستقرار في لبنان. وقال ان "المسؤوليين الامريكيين يشعرون بالانزعاج الشديد من الاجراءات الاخيرة التي اتخذها حزب الله في لبنان".
وعبر جوندرو عن ثقة بلاده في الحكومة اللبنانية ودعمها له وللشعب اللبناني مشيرا الى ان تلك الحكومة "برهنت في الاعوام الاخيرة على رغبتها في تحقيق الامن والرفاهية في لبنان".
واضاف ان وزيرة الخارجية الامريكية كوندوليزا رايس قامت بالاتصال بالحكومة اللبنانية اليوم مؤكدا ان ادارة الرئيس بوش "تدعم جهود رئيس الوزراء اللبناني فؤاد السنيورة وما فعله لمواجهة التحديات الكبيرة التي يشكلها حزب الله الذي يحاول زعزعة استقرار البلاد".
واكد ان الحكومة اللبنانية تعمل على ابقاء الوضع تحت السيطرة لتمكين البلاد من المضي قدما الى الامام مشيرا الى ان الولايات المتحدة ستواصل "تقديم المساعدة للحكومة والجيش في لبنان سواء كانت تلك المساعدات في صورة اموال او مواد او مشورة". وشدد على ان حكومة السنيورة هي "حكومة منتخبة ديمقراطيا" مؤكدا رغبة بلاده في نجاح تلك الحكومة من اجل صالح الشعب اللبناني وشعوب المنطقة.

[باشق مجروح]

اعتبرت ما يحدث محاولة لـ"إيصال إيران إلى البحر المتوسط"
قوى الأكثرية تناشد العرب والعالم إنقاذ لبنان من "الانقلاب المسلح"

إحدى صور الرئيس السوري التي لصقها مسلحو المعارضة في شوارع بيروت


ناشدت قوى 14 آذار التي تمثلها الأكثرية النيابية الجمعة 9-5-2008 الدول العربية والمجتمع الدولي مساندة لبنان الذي تعرض "لانقلاب مسلح دموي".. نفذه حزب الله بهدف "إعادة سوريا إلى لبنان وإيصال إيران إلى البحر المتوسط".

وقالت هذه القوى -في بيان تلاه رئيس الهيئة التنفيذية للقوات اللبنانية سمير جعجع- إثر اجتماع طارئ لقياداتها أعقب سيطرة قوى المعارضة على القسم الغربي من بيروت "المجتمع الدولي لا يمكن أن يقف متفرجا، ومن واجبه خصوصا ممارسة الضغط على بلد مجاور (سوريا)؛ لمنع تمرير السلاح، وكذلك دعم الحكومة الشرعية".

ودعت الأكثرية البرلمانية قيادة الجيش "إلى الاطلاع بالواجبات الأساسية للمؤسسة العسكرية في حماية أرواح المواطنين والمحافظة على الأملاك العامة والخاصة؛ حقنا للدماء ولوضع حد لحالة الانفلات والعنف".

وأضاف بيان الأكثرية "نجدد وقوفنا الكامل بكل قوانا خلف الحكومة، ونطالبها عند هذا المفترق المصيري بالثبات على الموقف الاستقلالي". كما أدانت "استهداف الوسائل الإعلامية" في إشارة إلى إغلاق تيار المستقبل كل وسائلة الإعلامية بسبب تلقيه تهديدات من حزب الله باعتباره "استكمالا للعملية الانقلابية" التي ينفذها.

من جانبه، نفى رئيس "اللقاء الديمقراطي" النائب وليد جنبلاط -في موقف له عصر اليوم الجمعة- أي توجه لاستقالة الحكومة اللبنانية، مشيرا إلى أن المطروح اليوم هو تراجع الحكومة عن قراراتها.

وتساءل جنبلاط عما إذا كانت "قرارات إدارية للحكومة تستحق حرق بيروت وحرق مؤسسات المستقبل"، مشيرا إلى أن حديث الأمين العام لـ"حزب الله" حسن نصر الله عن وجود نية لاستدراج الجيش إلى صراع مع المقاومة "غير صحيح".

وكشف جنبلاط أنه يجري مفاوضات مع رئيس المجلس النيابي نبيه بري من أجل التوصل إلى حل للأزمة الراهنة، مشيرا إلى أن الحل يكمن في الموافقة على المبادرة التي طرحها رئيس كتلة "المستقبل" النائب سعد الحريري، واعتبر جنبلاط أن حزب الله، ومن خلال تحركاته الأخيرة "يطبق نظرية الحزب الشمولي"، مشددا على أنه لا أحد يريد مد يده إلى سلاح المقاومة.

[saman]

كتيييييييييييييييييير عجبتني الصورة تبع الدكتور ...
لولا هدول يلي تحتها اي كانو يشقوهن عالقليلة
بعدين من انو موقع آخد الخبر صافو !؟

[باشق مجروح]

بعدين من انو موقع آخد الخبر صافو !؟

sorry .. من العربية.نت

[whiterose]

صرح وئام وهاب انه هاد مو حرب ولا حصار نحن رح ننسحب ونرجع للحوار في حال بطلو عمليه الغاء شبكة الأتصالات

[صوت الضمير]

ياترى لو الأكراد عملو بسوريا متل ماعمل حزب الله بلبنان كنتو ضليتو على رأيكم . وكل واحد يعمل يلي بيشوفو صح ؟

[MadMax]

كاتب النص الأصلي : صوت الضمير

ياترى لو الأكراد عملو بسوريا متل ماعمل حزب الله بلبنان كنتو ضليتو على رأيكم . وكل واحد يعمل يلي بيشوفو صح ؟

شو بدك تعمل ..؟؟
أكيد الحق ع النظام الاسدي المستبد
أكيد الحق ع محور الشر ...و المشروع الفارسي بالمنطقة






لك روح بقى ملينا من رب هالشغلة معكون ....واحد قلبلي ياها كردستان ..و التاني صرعنا بالاستبداد الاسدي و ارتباطو باسرائيل
و لسا تبع تركمانستان ما بيّن .... هلأ بيجي و ببلش اسقاطات تركية عالوضع


خيو من الآخر .... حزب الله ما عندو مشروع اقامة دولة مستقلة باقليم البقاع و الجنوب
و الاكراد ما عم يحاربو اسرائيل ..... يعني المقارنة فارطة من اساسها

[صوت الضمير]

كاتب النص الأصلي : Madmax

خيو من الآخر .... حزب الله ما عندو مشروع اقامة دولة مستقلة باقليم البقاع و الجنوب
و الاكراد ما عم يحاربو اسرائيل ..... يعني المقارنة فارطة من اساسها

مابعرف ليش متدايق كتير ومعصب . الك رأيك وألي رأيي . اصلا جغرافيا حزب الله مافي يعمل دولة بلبنان
تانيا مو الفكرة يكون رئيس دولة . الفكرة يكون دولة ضمن سياستو ويكون قرار الدولة بأيدو . وطبعا الأمر بيجي من طهران . يعني الفكرة مو اقامة دولة . الفكرة اقامة تابع . وياترى مو سوريا يلي نفخت رفيق الحريري ولما أنقلب ضدنا ساويناه خاين وحقير . فخليني نفتح نظرنا شوي بطريقة استراتيجية تكبير حزب الله بالهصورة هل هو بمصلحة سورية استراتيجيا . ولا هلأ هو أحسن شي بالدنية وبس مصالحو السياسية تفترق عن مصالحنا السياسية بيصير حزب خاين . وماتقلي أنو مابيصير خلاف لأنو التسريبات يلي ظهرت بعد أغتيال عماد مغنية أثبتت وجود خلاف ولو بسيط بوجهات النظر

[MadMax]

كاتب النص الأصلي : صوت الضمير

مابعرف ليش متدايق كتير ومعصب . الك رأيك وألي رأيي . اصلا جغرافيا حزب الله مافي يعمل دولة بلبنان

اهاا
يعني جغرافة كردستان أزبط ..؟؟

تانيا مو الفكرة يكون رئيس دولة . الفكرة يكون دولة ضمن سياستو ويكون قرار الدولة بأيدو . وطبعا الأمر بيجي من طهران . يعني الفكرة مو اقامة دولة . الفكرة اقامة تابع

من وين جايب هالكلام و التحليل الفظيع
بس اذا الشغلة بقرارات عمليات المقاومة ..... اي طبعاً لازم تكون بإيدو ...
بإيد مين بدك ياها تكون لكن ... بإيد سعد الحريري ولا سمير جعجع ... أو يمكن جنبلاط ..!!

. وياترى مو سوريا يلي نفخت رفيق الحريري ولما أنقلب ضدنا ساويناه خاين وحقير

لا مو صح ..... الحريري طول عمرو مفروض سعودياً علينا

. فخليني نفتح نظرنا شوي بطريقة استراتيجية تكبير حزب الله بالهصورة هل هو بمصلحة سورية استراتيجيا . ولا هلأ هو أحسن شي بالدنية وبس مصالحو السياسية تفترق عن مصالحنا السياسية بيصير حزب خاين . وماتقلي أنو مابيصير خلاف لأنو التسريبات يلي ظهرت بعد أغتيال عماد مغنية أثبتت وجود خلاف ولو بسيط بوجهات النظر

اذا كلامك مزبوط ..و صار خلافات ...
ليش ما هاجمناه و خونّاه متل حضرتك ما عم تحكي ..؟؟


التحرك الاخير لحزب الله كان ضروري .... ليوضع الاقزام بحجمون الطبيعي
و يللي عم يقارن تحرك حزب الله بتحرك حماس ...كتير غلطان
لأنو حزب الله مو مستلم حكومة ... ليحلوها و يشكلوا حكومة بديلة
اسرائيل ما بتقدر تحاصر حزب الله .. متل ما حاصرت حماس ...... لا هي و لا أذيالها بلبنان

و أمريكا جربت دخلة لبنان .....و ما بظن عندها الرغبة لتعيد التجربة ..

[فاوست]

شباب أتمنى انو الموضوع ما يصير بسوريا،أبداً صدقوني انو الوضع خطر وممكن يوصل عسوريا وممكن شي دولة تضرب سوريا،المؤشرات هيك عم تقول فلا تشمتو بالناس لأنو بكرا يمكن تحتاجو لجوء في لبنان أو في البلاد المجاورة
حزب الله ما رح يتفرعن وصدقوني،دول العالم مارح تترك حزب الله يعمل يلي بدو ياه بلبنان

الله يستر ما يصير هيك بسوريا،وما تحسو بيلي عم يحسو اللبنانيين

[فاوست]

الأخوان المسلمين في سوريا،كان في أجندتهم إزالة إسرائيل عن الخارطة سابقاً،لكن بسبب الأعمال الإرهابية أبيدو
إرهابيو حزب الله،يقومون بنفس الشيء حالياً هم يرهبون بيروت

يا صديقي أنا إذا اخير بين حزب الله او الإخوان المسلمين ليحكومني وحتى لو عم يقاوموا الإلهة وبين أمريكا مع الأسف أختار أمريكا

[صوت الضمير]

كاتب النص الأصلي : Madmax

اهاا
يعني جغرافة كردستان أزبط ..؟؟

أنا مالي بكردستان . أنا عم قول أي حزب أو طائفة . يعني مجرد مثال . اخي بلا الأكراد خلينا نقول الأخوان المسلمين اجو وقالو بدنا بالقوة نغير الواقع العلوي متل ماصار بالتمانينات كنا منرضا ؟

من وين جايب هالكلام و التحليل الفظيع
بس اذا الشغلة بقرارات عمليات المقاومة ..... اي طبعاً لازم تكون بإيدو ...
بإيد مين بدك ياها تكون لكن ... بإيد سعد الحريري ولا سمير جعجع ... أو يمكن جنبلاط ..!!
كمان مو بعمليات المقاومة . بأي قرار سياسي . بعدين حتى عمليات المقاومة بدها اتفاق داخلي . يعني بعد ماسقطت مقولة أنو السلاح فقط لأسرائيل . مين بيضمن انو مايعمل حرب تكسر لبنان في حال هجوم اميركي على ايران


لا مو صح ..... الحريري طول عمرو مفروض سعودياً علينا

هههههههههه بتحب قص والصقلك قديش الرئيس حافظ الأسد كان يدعمو . وكيف كان يوجه جميع الوزارات بسورية لأنجاح الحريري . وخاصة بالأزمات الأقتصادية . يمكن بحث ضغير على الغوغل ممكن يجبلك معلومات

اذا كلامك مزبوط ..و صار خلافات ...
ليش ما هاجمناه و خونّاه متل حضرتك ما عم تحكي ..؟؟
ماحدا بيعرف حاليا طبيعة الخلاف واذا موجود اصلا أو لأ . بس أنا قلت أنو اذا صار خلاف مستقبلا وهو بهذه القوة وداحر كل مين بيخالفو الرأي . وفيك تقلي لليوم الضهر ليش ماكان في أي تعليق سوري وليش ماكان متدخل أي حدا من حلفاء سورية متل وئام وهاب وسليمانفرنجية وغيرهم . وليش لليوم الضهر لحتى هاجمت قوى الأكثرية سورية . بالوقت يلي مبارح ماذكرت سورية ؟

التحرك الاخير لحزب الله كان ضروري .... ليوضع الاقزام بحجمون الطبيعي
و يللي عم يقارن تحرك حزب الله بتحرك حماس ...كتير غلطان
لأنو حزب الله مو مستلم حكومة ... ليحلوها و يشكلوا حكومة بديلة
اسرائيل ما بتقدر تحاصر حزب الله .. متل ما حاصرت حماس ...... لا هي و لا أذيالها بلبنان
أنا كمان ماعم قول تشابه مطلق بالتجربة . أنا عم قول يكون كمين ضدهم امام الرأي العام العالمي وذريعة لتدخل ما
و أمريكا جربت دخلة لبنان .....و ما بظن عندها الرغبة لتعيد التجربة ..

أكيد مشان هيك ممكن تتدخل بطرق تانية . وأبقاء الأمن في لبنان بهكذا حالة هو أمن لسورية

[MadMax]

كاتب النص الأصلي : فاوست

الأخوان المسلمين في سوريا،كان في أجندتهم إزالة إسرائيل عن الخارطة سابقاً،لكن بسبب الأعمال الإرهابية أبيدو
إرهابيو حزب الله،يقومون بنفس الشيء حالياً هم يرهبون بيروت

يا صديقي أنا إذا اخير بين حزب الله او الإخوان المسلمين ليحكومني وحتى لو عم يقاوموا الإلهة وبين أمريكا مع الأسف أختار أمريكا

كلامك مزبوط ... في حال حزب الله عم يطالبوا بالحكم ...
حزب الله كل يللي طالبينو ... يحلوا عن رب شبكة الاتصال تبعون .......و طالما نحنا متفقين أنو قبل هالأحداث كان مشروع حزب الله هو فقط قتال اسرائيل ...
معناها الاعتداء الاول جاء من الحكومة اللبنانية .... على الحزب ....و بهالحالة الحزب من حقو يحمي أدوات مقاومتو

[MadMax]

كاتب النص الأصلي : صوت الضمير

أنا مالي بكردستان . أنا عم قول أي حزب أو طائفة . يعني مجرد مثال . اخي بلا الأكراد خلينا نقول الأخوان المسلمين اجو وقالو بدنا بالقوة نغير الواقع العلوي متل ماصار بالتمانينات كنا منرضا ؟

اذا بدك تسقط مثال ... لازم تسقطو بحذافيرو
اذا كان الاخوان بدهون يقاتلوا اسرائيل ..و اجو العلويين اعتدو عالأخون ..و منعوهون ... اي وقتها الاخوان من حقون يدافعوا عن حالون

كمان مو بعمليات المقاومة . بأي قرار سياسي . بعدين حتى عمليات المقاومة بدها اتفاق داخلي . يعني بعد ماسقطت مقولة أنو السلاح فقط لأسرائيل . مين بيضمن انو مايعمل حرب تكسر لبنان في حال هجوم اميركي على ايران

لا ... ما بدها اتفاق داخلي .....
لأنو الاطراف الداخلية ... هيي يللي وصلت اسرائيل لبيروت بالـ82
و مين قلك انو سقطت مقولة انو السلاح فقط لأسرائيل ..؟؟

هههههههههه بتحب قص والصقلك قديش الرئيس حافظ الأسد كان يدعمو . وكيف كان يوجه جميع الوزارات بسورية لأنجاح الحريري . وخاصة بالأزمات الأقتصادية . يمكن بحث ضغير على الغوغل ممكن يجبلك معلومات

أول شي ظريفة هالضحة .... بس لا بقى تعيدا
تاني شي ... حافظ الاسد مو هو يللي جاب الحريري .... الحريري طول عمرو رجل السعودية
بس الاسد كان يدعم أي رئيس حكومة للبنان ..طالما لبنان ضمن خط معين
و طالما الحريري كان ملتزم بحق المقاومة .. أكيد أكيد الاسد رح يدعمو

ماحدا بيعرف حاليا طبيعة الخلاف واذا موجود اصلا أو لأ .

احترنا بسماك ....... في خلاف ولا ما في ..؟؟

أنا كمان ماعم قول تشابه مطلق بالتجربة . أنا عم قول يكون كمين ضدهم امام الرأي العام العالمي وذريعة لتدخل ما

الغرب لما بدو يتدخل ... مو بحاجة ذريعة
أصلاً قتال اسرائيل أكبر ذريعة ممكن يتذرعوا فيها ...
يعني حزب الله بنظرون ارهابي ..طالما هو عم يحارب اسرائيل
و اذا ترك اسرائيل .. اخر همون الوضع اللبناني الداخلي

[شوط ياقمر]

كاتب النص الأصلي : فاوست

الأخوان المسلمين في سوريا،كان في أجندتهم إزالة إسرائيل عن الخارطة سابقاً،لكن بسبب الأعمال الإرهابية أبيدو
إرهابيو حزب الله،يقومون بنفس الشيء حالياً هم يرهبون بيروت

يا صديقي أنا إذا اخير بين حزب الله او الإخوان المسلمين ليحكومني وحتى لو عم يقاوموا الإلهة وبين أمريكا مع الأسف أختار أمريكا

كل الخلايئ . بتعرف الأخوان المسلمين خير المعرفة . هي باشتان .
والخلايق سابقة الذكر . بتعرف حزب الله خير المعرفة .
هلأ انك تشبه هي ب هي . فا قمة الغشمنة . عملت متل لي بس بدو يحكي . وشومنكان وكيف منكان المهم يحكي .

وليك . رفاع راسك بلعالي . وئت بتقول بدك أمريكا تحكمك .

ومع الأسف رديت عليك .

[صوت الضمير]

كاتب النص الأصلي : Madmax

اذا بدك تسقط مثال ... لازم تسقطو بحذافيرو
اذا كان الاخوان بدهون يقاتلوا اسرائيل ..و اجو العلويين اعتدو عالأخون ..و منعوهون ... اي وقتها الاخوان من حقون يدافعوا عن حالون
حلو على كلامك ليش مانعين جند الشام التابع للقاعدة من محاربة اسرائيل انطلاقأ من الجولان . وهو اعلن هاد الشي

لا ... ما بدها اتفاق داخلي .....
لأنو الاطراف الداخلية ... هيي يللي وصلت اسرائيل لبيروت بالـ82
و مين قلك انو سقطت مقولة انو السلاح فقط لأسرائيل ..؟؟

لكان هاد السلاح والجعب والقنابل ضد مين كانت

أول شي ظريفة هالضحة .... بس لا بقى تعيدا
حبيتها منك هي وكأني بشي فرع ولازم قلك امرك سيدي
تاني شي ... حافظ الاسد مو هو يللي جاب الحريري .... الحريري طول عمرو رجل السعودية
بس الاسد كان يدعم أي رئيس حكومة للبنان ..طالما لبنان ضمن خط معين
و طالما الحريري كان ملتزم بحق المقاومة .. أكيد أكيد الاسد رح يدعمو

لو حافظ الأسد ماكان عاجبو الحريري مارح قلك كان بدلو بما أنو علاقتنا مع اميركا والسعودية كانت قوية . رح قلك على الأقل كان فشلو . وكلنا منعرف انو كان بيقدر


احترنا بسماك ....... في خلاف ولا ما في ..؟؟

انا عم قول اذا صار خلاف مابعرف اذا عندك مشكلة لغوية
يعني لحنا يا لازم الواحد يكون حليفنا الذي لا يخطئ أو يكون الخائن الأكبر ؟
بخطاب حسن نصرالله بعد أغتيال مغنية اعلن دحر اسرائيل ومحاربتها داخليا . الامر الذي جعل الرئيس الأسد يجعله يخفف من حدة خطابه لما قد يحمله على سورية من تبعات . وحسن نصرالله رضخ للرغبة السورية . وخفف خطابه الثاني . ماذا لو كان استرتيجية حزب الله ضد تخفيف اللهجة ؟ . وهل يعقل ان يبقو يأتمرو بمصالح سورية للأبد دون حدوث أي خلاف ؟
الغرب لما بدو يتدخل ... مو بحاجة ذريعة
أصلاً قتال اسرائيل أكبر ذريعة ممكن يتذرعوا فيها ...
يعني حزب الله بنظرون ارهابي ..طالما هو عم يحارب اسرائيل
و اذا ترك اسرائيل .. اخر همون الوضع اللبناني الداخلي

تماما بس في فرق بين حرب اسرائيلية ضد حزب الله . بين اني اعطي اميركا والامم المتحدة حجة تدخل قواتها للبنان وتصير القواعد الأمكيركية بالبقاع متل مانسمع انو مخططلو من زمان . بعدين كيف مو بحاجة ذريعة مامن طول عمرو بيقول حسن نصرالله أنو عمينرسملون فخ ومستحيل يوقعو فيه

[BL@CK]

كاتب النص الأصلي : فاوست

الذي يقوم به حزب الله هو أرهاب حقيقي ضد لبنان،قناة المنار تعرض "أنتصاراتها" وكأنها ضد الإسرائيلين
هؤلاء الإرهابيين يحتلون لبنان.
لو أستقوى اللبنانيين بأمريكا الأن فهم يعذرون نعم الإرهاب الحزب إلهي يضرب كل بيروت
ميلشيا حزب الله الإرهابية،الذي كنت أسميها مقاومة الأن ترهب الشعب اللبناني.
تغلق المحطات والصحف،حتى لو كانت صحف شارون فهي صحف
هذا الحزب الشمولي الإلهي سينهار،وصدقوني الأن لن يحتصن المقاومة أي لبناني
بينما كانت المقاومة سابقاً،مقاومة يناصرها غالبية اللبنانين،الان صارت ميلشيا طائفية لاتختلف عن ميلشيا القوات اللبنانية سابقاً
أتمنى أن لا يأتي اليوم الذي يهرب فيه حزب الله من القصف الإسرائيلي ولا يجد أحد لبناني يحميه
البيروتيين حين كانوا يصيحون سابقاً الموت لإسرائيل الأن يصيحون الموت لنصرالله
حزب الله يهاجم الامكان السنية أسف لهذا الحديث لكن هذا المنطق،نعم هم يؤججون المشاعر الطائفية.
الأهالي يستغيثون خوفا من مقتعي الملشيا الشيعية حزب الله وأمل الذي يضربون الطرقات

وكل المسلحين الأن في بيروت هم من أمل وحزب الله،
وليسقط الأرهاب الحزب إلهي

مع أني فايت عا الموضوع حط ملاحظة للعودة إلى الموضوع بس ما قدرت ما رد عا ردك , منيجي للمهم ..

هاي سياسة التباكي القميئة , يعني كرمال ردك هازا حاط التلفزيون عا المنار من امبارح لهلأ و إسا ما شفت إحتفال عا قناة المنار ..

و حاولت كتير مثلا ً إني دور عا خبر عا الإنترنت عن إغتيال لشي حدا سني مهم , أو مهاجمة مثلا ً جامع سني أو ما إلى ذلك ما لاقيت .. لاقيت شي هوي أنو إنت و غيرك عم تأججو لنار فتنة طائفية مش موجودة أصلا ً , بس عم نحاول نفتعل هالنار , مشان نلاقي مبرر لدول أجنبية تتدخل .. مع إيماني المطلق بأنه لن تتدخل أي قوة عسكرية خارجية عربية أو غير عربية ..

و بالأخير تذكرت إنـّي الحزب اللي عم تحكي عنوه هوي الحزب اللي حرر جنوب لبنان .. هوي الحزب المقاوم الوحيد اللي من الممكن نحنا كـ أشقاء للبنان نفتخر فيه .. و تذكرت إني الحزب اللي عم تحكي عنوه هوي الحزب اللي أنا و أنا زغردنالو يوم اللي حرر جنوب لبنان .. و بالأخير إستفقت عا مطالبتك أميركا للتدخل للقضاء على الحزب ..

و آخر شي فكرت فيه .. إني من المخزي جدا ً تطلق هيك إتهامات على حزب المقاومة الأبرز على الساحة حاليا ً كـ مقاومة مش كـ أي شي تاني .. وعلى الأخص مع إنعدام وجود حركات المقاومة الوطنية ..

نهاية ً ..

الموضوع لتغطية أحداث لبنان و ليس للنقاش عن توجهات حزب ألله أو حركة أمل او المستقبل و ليس أيضا ً موضوعا ً لمناقشة لو وجد حزب ألله في سوريا , و ليس لمناقشة السياسة السورية مع الوضع في لبنان و و و .. إلخ

نرجو الإلتزام بمضمون الموضوع , شاكرين تفهم الجميع ..

[khanfur]

انا اللي لاحظتو انو كل الاخوة هون فرحانين باللي عم ايصير بلبنان و في ناس شمتانين . شو السبب مابعرف! هل هو شعور بالانتقام عن اخراج سوريا من لبنان؟ حابب اسئل كام سؤال: حزب الله حرر الجنوب اي مشهودله بهل شي و الله يعطيه العافية, بس بعدين شو؟ لازم ايضل دائما دولة ضمن دولة وشو الهدف؟ سمعنا كتير تطمينات انو الحزب وارح ايوجه سلاحة للداخل و هي و جهه لا و عم نتفاخر بانتصاراته, مع انو عمليا هو الفئة اوحيدة المسلحة بلبنان. ثانيا يا اخي لبنان مقسم طائفيا بشكل دقيق و الحزب دخل منطقة مو منطقته فهو زعزع الاتفاق الضمني بين الطوائف. انا اتحدى ان يدخل الحزب الى بيروت الشرقية. سيقف جميع المسيحيين ضده. اساسا لو الوضع طبيعي بهيك حالة كان لازم ينزل الجيش و يقوص كل واحد حامل سلاح و ماشي بالشارع, بس الواضح انو حزب الله بحال حصول هيك شي مستعد للمواجهة ضد الجيش, فشو هل الدولة اللي بالنهاية ممكن جهة معينة تقرر مصيرها بقوة السلاح؟ بعدين انا عندي اقتراح, نحن بسوريا صارلنا اربعين سنة ما فينا حررنا الجولان. خلينا نسمح لشي فئة معينة و ليكن الدروز بما انون الاقرب جغرافيا باقامة ميليشيا تضرب اسرائيل و ايحررلنا الجولان و بالمقابل نعطيون ميزات متل حزب الله بلبنان. ع الاقل بكون عننا في مين ايحارب مو بس اينظر