أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات عامة > الصـــــــــــالون

إضافة موضوع جديد  إضافة رد
 
أدوات الموضوع
قديم 26/10/2008   #1
شب و شيخ الشباب ِAbu Alzooz
عضو
-- مستشــــــــــار --
 
الصورة الرمزية لـ ِAbu Alzooz
ِAbu Alzooz is offline
 
نورنا ب:
Jul 2005
المطرح:
السما السابعة
مشاركات:
3,586

افتراضي الحلال و الحرام ,, و العيب و المش عيب


الحلال و الحرام
و العيب و المش عيب
كلمات كتير منرددها
انو هالشغلة عيب بعدين شلون بتصير مو عيب

متل : انو لما كنت اول ما دخن بالعاشر , حادي عشر
كنت خاف من اهلي و ما دخن بالبيت انزل على باب البناية
بينما هلق بدخن عادي قدامون

متل : لو كان جمال سليمان عما يمثل
ب فريندز كان دبح مونيكا و ريتشل و فيبي لأنو عملو العيبة

أو في شغلة خلتني فوت بالحيط
مجتمع مع رفيقي بس ماني شايفو من زمان
قلي شو عامل الاربعا قلتلو نازل انا و اختي على حفلة جوليا
(( صار الزلمة هيك )) عيونو قد نص وجو
قال انت بدك تنزل انزل بس انو عيب تنزل اختك معك (( ساعتها انا هيك صرت ))
مع العلم أختي أكبر مني بكم سنة

هلق الاستفسار شو هوي يلي بيحدد العيب
يعني هالشغلة عيب و هي لا مو عيب
و شلون بتغير العيب ل مو عيب مع مرورو الزمن او اختلاف المكان
و بتغير كمان المو عيب ل عيب مع مروور الزمان و المكان


*** لنصير مزبلة و بدون تاريخ ***

"محمد الماغوط "

حطم سيفك , تناول فأسك , و اتبعني و ازرع السلام و المحبة في كبد الأرض

"رسالة الرب بعل إلى شعبه السوري "

عالوعد يا كمون


أخوية ... أبو وليام على طول الدرب
  رد مع اقتباس
قديم 26/10/2008   #2
شب و شيخ الشباب maged-syrian
عضو
-- زعيـــــــم --
 
الصورة الرمزية لـ maged-syrian
maged-syrian is offline
 
نورنا ب:
May 2007
المطرح:
صرنا بــDamascus
مشاركات:
1,699

إرسال خطاب Yahoo إلى maged-syrian
افتراضي


العيب : هو كل فعل منافي للآداب والاخلاق العامة المتعارف عليها وكل شخص الو طريقتو بتحديد الافعال المعيبة يعني انا طريقتي بتختلف عن طريقة ابو ويليام .. كمثال انا لااسمح لأختي مع انها اكبر مني ايضاً ان تجلس مع ابن عمي وتطق حنك معو لأنو عيب بنظري ... بينما النظرة تختلف عند ابو ويليم وبيعتبرها أمر طبيعي ! على حسب البيئة والعادات والتقاليد وتحديد مفهوم الافعال المعيبة لكل شخص
طبعاً من المعروف انه من العيب أن يدخن الولد أمام والده ... أنا رأيت عكس هاد الكلام مع الاتراك اللي عاشرتهم فترة منيحة!
وبيعتبروها أمر عادي لأ والولد بيضيف ابوه سيكارة !
كما اسلفت اللي بيحدد مفهوم العيب البيئة الاجتماعية والثقافية اللي بتختلف من مجتمع لمجتمع وتعريف كل شخص للافعال المعيبة والغير معيبة .

اقتباس:

و شلون بتغير العيب ل مو عيب مع مرورو الزمن او اختلاف المكان
و بتغير كمان المو عيب ل عيب مع مروور الزمان و المكان

تتغير الافعال المعيبة بتغير المفهوم في تحديد تلك الافعال المعيبة .. نجد ان مفهوم تحدث المرأة مع الرجل الغريب في المجتمع السعودي من الافعال المعيبة بحق المسئول عن تلك المرأة (باعتبار أن صوت الامرأة عورة) بينما في المجتمع الأمريكي نجد هذا المفهوم غير معيب وأمر طبيعي جداً

يا ايها الرجلُ المعلمُ غيرهِ..............هلا لنفسكَ كانَ ذا التعليمُ
  رد مع اقتباس
قديم 26/10/2008   #3
شب و شيخ الشباب ِAbu Alzooz
عضو
-- مستشــــــــــار --
 
الصورة الرمزية لـ ِAbu Alzooz
ِAbu Alzooz is offline
 
نورنا ب:
Jul 2005
المطرح:
السما السابعة
مشاركات:
3,586

افتراضي


اقتباس:
العيب : هو كل فعل منافي للآداب والاخلاق العامة المتعارف عليها وكل شخص الو طريقتو بتحديد الافعال المعيبة
حلو العرف بيحددو المجتمع حسب احتياجاتو يعني مافي سلطة بتفرض و بأغلب الأحيان بيكون واقع
لعدة ضغوط دينية او تاريخية معينة
بس هل العادات و التقاليد دائما صحيحة بمجرد انها صادر عن المجتمع بذاتو مع العلم انو العرف
مالو مؤيد جزائي


اقتباس:
كمثال انا لااسمح لأختي مع انها اكبر مني ايضاً ان تجلس مع ابن عمي وتطق حنك معو لأنو عيب بنظري ...


طيب ممكن توصلي الفكرة انو النظرية يلي انت اتخذتها حتى قلت انو هالموقف هوي عيب
او على شي استندت لتقرر انو هالشي عيب او بأي صفة ..





اقتباس:
تتغير الافعال المعيبة بتغير المفهوم في تحديد تلك الافعال المعيبة .. نجد ان مفهوم تحدث المرأة مع الرجل الغريب في المجتمع السعودي من الافعال المعيبة بحق المسئول عن تلك المرأة (باعتبار أن صوت الامرأة عورة) بينما في المجتمع الأمريكي نجد هذا المفهوم غير معيب وأمر طبيعي جداً
المجتمع السعودي هوي معيب على الانسانية كلها
مع احترامي للشريعة الاسلامية و الشرائع السماوية كلها *



_______
* احترامي لا تعني حبي او تأيدي

  رد مع اقتباس
قديم 26/10/2008   #4
شب و شيخ الشباب SelavI
عضو
-- قبضاي --
 
الصورة الرمزية لـ SelavI
SelavI is offline
 
نورنا ب:
Sep 2006
المطرح:
ما زلت اتسأل عنه
مشاركات:
946

افتراضي


يا صديق لا مكان لكلمة عيب عندي كل فعل ناتج عن شئ معين يفسره

بالنسبة لي, لا شئ عيب ابدا ولكن هناك اشياء لا نحب ربما فعلها, تلك الاشياء نفرضها نحن على انفسنا

لذا لا نفعلها لأننا ببساطة لا نرغبها

لكل شخص اراء مختلفة

لا يجب ان نرتبط بأفكار الاخرين او حتى نتأثر بها حتى ولو كنت الوحيد المختلف بين الكثيرين


لاحظ انك عندما تنفرد بنفسك يختفي كل شئ متعلق بكلمة عيب تفعل تماما ما يحلو لك, لكن امام الاخرين ستتنبه لأشياء كثيرة

اذا دخلنا بوابة التصنع فقط لأننا تعلمنا ان بعض الافعال معيبة

بالنهاية لا شئ عيب بالنسبة لي, انا اتصرف تماما كما اريد ولا ارتبط بالاخرين

لكن هنالك بعض الاشياء التي من الممكن ان لا ارغبها

او ارغب بفعلها

المسألة شخصية

من دواعي سرورك ان تغوص في اعماق صورتك
تمضها بعينيك وذرايعك
وقلبك يلهو احيانا بخفقانه
وبصخب هذه الشكوى الوحشية المتمردة
فانتما تغمضان لا تبوحان
  رد مع اقتباس
قديم 26/10/2008   #5
صبيّة و ست الصبايا marioma alghzayala
مشرف متقاعد
 
الصورة الرمزية لـ marioma alghzayala
marioma alghzayala is offline
 
نورنا ب:
Nov 2005
المطرح:
SyRiA - DaMaS - HoMs
مشاركات:
7,105

افتراضي


عيب عاللي بيعمل العيب ...

انو هاي حسب كل حدا كيف ربيان ... بجوز انا اعمل شغلي عاديي انت تلاقيها عيب ...

مثلا انا بغني .. وما عم اعمل شي غلط .. كتير من العالم بلاقوا انو عيب البنت تغني ... علما انو فن..

او حتى الرقص ... عيب الرقص ما بصير كمان لو مانو فن ما كان صار من اساسو ..

انا كل ما شوف رفقاتي ببوسن ... اي كتير عالم بلاقوا البوسة عيب وما بصير ..ويااخ ..ويمممم ...

يعني كلو حسب الخلية ..وحسب قناعات الشخص وحريتو ...

العيلي .. المجتمع .. المنطقة .. البلد ...كلو بيلعب دور ..

وبالنهاية الواحد بيعمل الشي اللي بريحو وبريح ضميرو ...

انا بحبك وانت بتحبني ..وفخار يطبش بعضو




i miss you ....:sosad:

الخطأ الوحيد الذي يرتكبه الانسان هو الخطأ الذي لايتعلم منه شيئاً.
  رد مع اقتباس
قديم 26/10/2008   #6
صبيّة و ست الصبايا بنفسجة
عضو
-- مستشــــــــــار --
 
الصورة الرمزية لـ بنفسجة
بنفسجة is offline
 
نورنا ب:
Jun 2007
المطرح:
ضيعة تشرين
مشاركات:
5,641

افتراضي


يا صديقي اخ من العيب والحرام
يعني في قانون اسمو النسبية ما حدا عم يفكر يطبقو صح بالحياة
يلي عنا عيب يمكن يكون عند غيرك مش عيب
المجتمع يلي انت عايش فيه بيفرض بيحدد كتير نسب العيب والحرام
عيب تدخن عيب تحب عيب البنت تلبس بلوز ضيق
بمجتمع تاني عيب تاركل عيب تختلي بالبنت عيب البنت تلبس خيط بس مو عيب تدخن ولاعيب تحب ولا عيب البنت تلبس ضيق
وهكذا دواليك
تطور المجمع كمان بيلعب دورو بتلاقي نفس المجتمع قبل 5 سنين افكارو غير هلق ويلي كان عيب قبل صار هلق عادي
رح ذكرك بنهاية مسلسل ليس سرابا
ما كان محرما سابقا هو الان محلل
وما هو محرم الان سيكون محللا في المستقبل
بعدين في نقطة كتير عم نلاحظها بالمجتمع
انو عامل العمر والجنس بيلعب دورو
يعني انت صغير عيب تدخن وكمان عيب تحب بس لتكبر اي صار شب شو عليه
انت بنت ويلك اذا بتسهري او بتطلعي مع صحابك ويلك اذا بتحبي اما انت شب فشو عليه شب ما بيعيبو شي
لهيك لاكتير ينشغل بالك بهيك مسائل

ياوطني يسعد صباحك
متى الحزن يطلق سراحك
الابتسامة النبيلة هي التي تخرج من قلب يبكي هكذا انا قررت
((((*(*(*(*(*(*(*عصابة الملوك *)*)*)*)*)*)*) ))))
  رد مع اقتباس
قديم 26/10/2008   #7
شب و شيخ الشباب أبو حـلب
عضو
-- أخ لهلوب --
 
الصورة الرمزية لـ أبو حـلب
أبو حـلب is offline
 
نورنا ب:
Mar 2008
المطرح:
MYL
مشاركات:
167

افتراضي




الموضوع كتير كبير و ضخم ، و صعب توصل لنتيجة معينة .. خصوصاً أنو الموضوع بيرجع لعادات وتقاليد كل شخص.
و صعب نحدد مستوى العيب و المو عيب ، و الحلال و الحرام ، كون كل واحد عنده حد رسمه لنفسه ، أو أجا من فطرته.




I'm NOT only perfect .. I'm Syrian Too
SYRIA | شعـب واحد • وطن واحد
**أبو حــلــب**
>>
  رد مع اقتباس
قديم 26/10/2008   #8
صبيّة و ست الصبايا مايا *
عضو
-- قبضاي --
 
الصورة الرمزية لـ مايا *
مايا * is offline
 
نورنا ب:
Oct 2006
مشاركات:
914

افتراضي


هلا منّط عن الحلال و الحرام .. و منجي لشغلة العيب .. !

يمكن أعظم إختراع بتقدر تخترقو مجتمعاتنا .. لأنو و / الحمد لله / ما سبقتون و لا دولة أو مجتمع فيه ..

مصطلح فضفاااااااااااااض .. لا لو قواعد .. و لا إلو أسس .. و الأنكى أنو مالو ثابت ..

و القانون الأول و الأساس بالحكمـ علـ الأشياء ..

عـ فكرة لنخترع شي متل العيب الي هو تشريع كامل .. بدها زكا خارء ..

إخترعوه لأننا شعب كتير منحب الهمة .. و كتير منحب شغلة أنو نحكي بلا طعمة بس بطعمة يق !
فلما شغلة ما بتعجبك .. بتقول عيب و . هلـ الئد ئدها و غير هيك ما عنا ..

الناس بتتغير و بتنسى ؛ تخبر بعضها ؛

أنــــــا ّ > °° متل كلـ يلي مرواا ؛ °°
  رد مع اقتباس
قديم 26/10/2008   #9
صبيّة و ست الصبايا مايا *
عضو
-- قبضاي --
 
الصورة الرمزية لـ مايا *
مايا * is offline
 
نورنا ب:
Oct 2006
مشاركات:
914

افتراضي


اقتباس:
ما كان محرما سابقا هو الان محلل
وما هو محرم الان سيكون محللا في المستقبل
لا هون بدت الأمور كأنها تفوت ببعضها ..
العيب شي .. و الحرام شي ..

الحرام مانو نسب .. و لا عم يتحلل على مر الوقت ..

أما العيب فهاي شغلة تاني الي ما عم نقدر نفصلها عن الحلال و الحرام ..

النهفة أنو ما كل شي عيب حرام !

يعني هاد مالو علاقة بهاد بتاتاَ .. التشريع السماوي هاد شغل الله ..

أما العيب فهو إختراع الإنسان ( العربي ) ../ ! /
  رد مع اقتباس
قديم 26/10/2008   #10
شب و شيخ الشباب SelavI
عضو
-- قبضاي --
 
الصورة الرمزية لـ SelavI
SelavI is offline
 
نورنا ب:
Sep 2006
المطرح:
ما زلت اتسأل عنه
مشاركات:
946

افتراضي


التشريع السماوي هاد شغل الله

أما العيب فهو إختراع الإنسان ( العربي )

شعرت انهم جميعا من صنع الانسان وليس هنالك شغل ل ....

مع احترامي طبعا مجرد وجهة نظر
  رد مع اقتباس
قديم 26/10/2008   #11
صبيّة و ست الصبايا مايا *
عضو
-- قبضاي --
 
الصورة الرمزية لـ مايا *
مايا * is offline
 
نورنا ب:
Oct 2006
مشاركات:
914

افتراضي


اقتباس:
كاتب النص الأصلي : SelavI عرض المشاركة

شعرت انهم جميعا من صنع الانسان وليس هنالك شغل ل ....

مع احترامي طبعا مجرد وجهة نظر
لا عيب هاد الحكي ...


الي بدي قولو أنهون شغلتين مافي رابط بيناتهون أبدا ً

  رد مع اقتباس
قديم 26/10/2008   #12
شب و شيخ الشباب ِAbu Alzooz
عضو
-- مستشــــــــــار --
 
الصورة الرمزية لـ ِAbu Alzooz
ِAbu Alzooz is offline
 
نورنا ب:
Jul 2005
المطرح:
السما السابعة
مشاركات:
3,586

افتراضي


اقتباس:
الحرام مانو نسب .. و لا عم يتحلل على مر الوقت ..
ميكي ماوس اتحرم

و هلق الشيوخ باي صفة بيحكو و بيقررو عن الرب

شو هني الوكيل الحصري ل الله
  رد مع اقتباس
قديم 26/10/2008   #13
شب و شيخ الشباب SelavI
عضو
-- قبضاي --
 
الصورة الرمزية لـ SelavI
SelavI is offline
 
نورنا ب:
Sep 2006
المطرح:
ما زلت اتسأل عنه
مشاركات:
946

افتراضي


اقتباس:
كاتب النص الأصلي : مايا * عرض المشاركة
لا عيب هاد الحكي ...


الي بدي قولو أنهون شغلتين مافي رابط بيناتهون أبدا ً

تماما مايا عيب...


هنا اختلفنا بتصنيف العيب

ولكن افهم ما تحاولين قوله

  رد مع اقتباس
قديم 26/10/2008   #14
شب و شيخ الشباب رجل من ورق
عضو
-- زعيـــــــم --
 
الصورة الرمزية لـ رجل من ورق
رجل من ورق is offline
 
نورنا ب:
Aug 2008
المطرح:
ببحر بعيد
مشاركات:
1,989

إرسال خطاب MSN إلى رجل من ورق
افتراضي


انو شو مبرر انو ما تروح الاخت عالحفلة يعني هيك انو البنت ما بيصير تشوف حدا غريب ؟
هاموش: نفس الشب يلي بيحكي بمنطق ابو العز او ابو شهاب هو نفسه بيعيش بمنطق مهند ويحيى ومدري شلون مقولبون

قم واضرب المستحيل بقبضتك اليسرى
انت تستطيع ذلك
http://themanofpapers.wordpress.com
  رد مع اقتباس
قديم 26/10/2008   #15
صبيّة و ست الصبايا الباحثة عن الحرية
عضو
-- زعيـــــــم --
 
الصورة الرمزية لـ الباحثة عن الحرية
الباحثة عن الحرية is offline
 
نورنا ب:
Nov 2007
المطرح:
جنب كاسة المتة
مشاركات:
1,083

افتراضي


يعني الحلال والحرام هي حسب كيف فسرو الدين مش كيف بقول الدين .... يعني الشغلة صعب نحددها هيك
اما العيب وهي اذكى شي عملو العرب بحياتهن كلها مع التحفظ على كلمة "عرب" ...
يعني من واحنا زغار بقولولنا انو السمعة اهم شي وانو كل الي بدك اياه والبس على ذوق الناس يا مدري شو انو يعني بهادا المعنى ومن هون الاشي العيب بدو يغلث على سمعة الشخص ولانو اهم شي هي شو بفكرو الناس فيك رح تبطل تعمل هاد الشي ... يعني بتلاقينا مجبورين نمشي حسب المجتمع وحسب العيب تبعو
بس حسب رايي انا ... انو اعمل الي بدك ايااه وانت حدد شو عيب وشو مش عيب لانو اذا بدنا نمشي على نفس العقليات الي بمجتمعنا وال بعدها هي نفسها من ايام الجاخلية تقريبا رح نضل طول عمرنا محلنا ومش رح نتقدم شيلي
واسفة على اللت والعجن بس انو فشة خلق

اذا كفرت بدين فهذا من حبي لانسان فانا مؤمن متطرف بانه لا فرق بين انسان وانسان
تفو على الطائفية ويحيا الانتماء الوطني
"عنا مواسم طائفية,بتغيب وبترجع قوية, يا زمان العلمانية متى اشوفك ؟
وداعا محمود درويش ستبقى حيا في ذاكرتنا
لسا النور ما طفى
  رد مع اقتباس
قديم 26/10/2008   #16
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


عيب = شيء مستهجن ضمن العادات و التقاليد
و طالما هالعادات عم تتغير مع الزمن .. أكيد هالعيب رح يتغير معها
و من ناحية تانية طالما العادات نسبية و مختلفة من مجتمع لآخر ..... رح يكون العيب نسبي كمان

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 26/10/2008   #17
صبيّة و ست الصبايا Marooshe
عضو
-- زعيـــــــم --
 
الصورة الرمزية لـ Marooshe
Marooshe is offline
 
نورنا ب:
Apr 2008
مشاركات:
1,420

افتراضي


اقتباس:
كاتب النص الأصلي : maged-syrian عرض المشاركة
انا لااسمح لأختي مع انها اكبر مني ايضاً ان تجلس مع ابن عمي وتطق حنك معو لأنو عيب بنظري ...
طيب ازا جلست معو لابن عمها بس ماطقو حنك... بيضل عيب بنظرك؟
يعني مثلا ازا هيك حبت تشاركو بشي او تحكيلو شي موضوع بلا طقطقات حناك كمان عيب؟

*انو حابه افهم ازا العيب بطق الحنك ولا بالقعده مع ذكر ((حتى لو كان ابن عمها))
  رد مع اقتباس
قديم 26/10/2008   #18
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : marwa hanna عرض المشاركة
طيب ازا جلست معو لابن عمها بس ماطقو حنك... بيضل عيب بنظرك؟
يعني مثلا ازا هيك حبت تشاركو بشي او تحكيلو شي موضوع بلا طقطقات حناك كمان عيب؟

*انو حابه افهم ازا العيب بطق الحنك ولا بالقعده مع ذكر ((حتى لو كان ابن عمها))
أنو يعني لا تدققي ....
ببعض المجتمعات ..... عيب الاخ يضل مع أختو لوحدون بالبيت ....( كان في موضوع هون بالصالون عن هالشي من كم سنة )
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 09:32 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.13409 seconds with 14 queries