هل تعتبر هذه التصرفات خيانه زوجيه ؟ارجو من الصبايا والمتزوجات الدخول واعطاء الرأي

[salhilal]

الحقيقة...ان لبعض الرجال المتزوجين تصرفات كأنو متعودين عليها من ايام العزوبيه....و ما نستطيع ان ندرك تاثيرها على زوجاتنا...فنطلب المساعده من الزوجات والصبايا في المنتدى حتى تفطنونا ....هل التصرفات التاليه نعتبر خيانه زوجيه مخففه وذات تاثير سلبي على نفسيه الزوجه...
اولا..رؤيه افلام تحتوي على بعض المقاطع الحميمه..او فتيات..بلباس غير محتشم..او مقاطع رقص شرقي......وبحضور الزوجه.
ثانيا....ارسال مسجات..المناسبات المتداوله بحسن نيه .......لزميلات عمل ..او جارات او قريبات...لكن كما هو معروف بعض هذه المسجات يحتوي بعض التعابير التي من الممكن ان تعطي انطباعات اخرى وان كانت غير مقصودة
ثالثا ...مصافحة النساء القريبات وتقبيلهن...وحسب عادات المجتمع واعرافه لان في بعض المجتمعات هذا غير جائز اطلاقا وفي بعض المجتمعات المنفتحه...هذا يحدث ...باستمرار
رابعا..سؤال الزوحه عن بعض خصوصيات صديقات الزوجة او قريباتها....ولو من باب الفضول...مثل...ما هي اكله بنت عمك المفضله.....او شراح تلبس اختك في مناسبه اليوم وهكذا نوع من الاسئله التي تطلق احيانا من الازواج لزوجاتهم....
خامسا..اطراء نساء اخريات بحضور الزوجه...مثل..والله فلانه كل ما تكبر تصير احلى او شفت فستان فلانه شو كان حلو...وهكذا......
هل هذه التصرفات عاديه وتمر عليكم مرور الكرام ...لو شنو بالضبط تاثيرها عليكن

[لهفة الخاطر]

اهلا اخوي salhilal

بالنسبه لموضوعك :

برئيي انا انوو على حسب مقيااس الغيره اللي بتتواجد عند الزوجه

الغيره مقاييس كل زوجه بتختلف نسبة الغيره عندها عن الثانيه

انا راح احكيلك عن ردة فعلي اناا لوو زوجي بيعمل هيك <<== لسى مابعد تزوجت

اولا..رؤيه افلام تحتوي على بعض المقاطع الحميمه..او فتيات..بلباس غير محتشم..او مقاطع رقص شرقي......وبحضور الزوجه

أفلام عاادي انا وهوا راح نتفرج عااادي <<== تمووت بالافلااام

رقص شرقي لا مابسمح له اذا بدوه ارقصله انا

ثانيا....ارسال مسجات..المناسبات المتداوله بحسن نيه .......لزميلات عمل ..او جارات او قريبات...لكن كما هو معروف بعض هذه المسجات يحتوي بعض التعابير التي من الممكن ان تعطي انطباعات اخرى وان كانت غير مقصودة

اذا كانت المسجااات لتهنئه على عيد ولقدوم شهر رمضاان اوو نصح اوكي عاااادي يرسل

بس غير كذاا لااا طبعااا لاارضى بذالك ياويله مني

ثالثا ...مصافحة النساء القريبات وتقبيلهن...وحسب عادات المجتمع واعرافه لان في بعض المجتمعات هذا غير جائز اطلاقا وفي بعض المجتمعات المنفتحه...هذا يحدث ...باستمرار

المصافحه عااادي بس بشرط يكونون قريبااات منه مو اي وحده يصافحهااا


بس البوووس لااا اصلاً اتحداه مستحييل عندنا عيب ولوو تجرئ وباس اقرب شي عندي على راسه

رابعا..سؤال الزوحه عن بعض خصوصيات صديقات الزوجة او قريباتها....ولو من باب الفضول...مثل...ما هي اكله بنت عمك المفضله.....او شراح تلبس اختك في مناسبه اليوم وهكذا نوع من الاسئله التي تطلق احيانا من الازواج لزوجاتهم....

طبعا ماراح اجاوبه واقوووول على شحم خصوصيات حريم انت شوو دخلك يااحشور

خامسا..اطراء نساء اخريات بحضور الزوجه...مثل..والله فلانه كل ما تكبر تصير احلى او شفت فستان فلانه شو كان حلو...وهكذا......

اقرب رشاش اطخه على راسه


وعموماً هالموصفات تدل على رجال بتاع نسوان عيونه زايغه لو بمووت ماراح ااقبل واتزوج هيك رجال

يدورله وحده عديمة احساس ومشاعر


وثانكيووووو على الموضوع

[امرأة من ورق]

يعني طالما عم يعمل هيك قدامي وبعلمي فاكيد نيته صافية ومافي منها اي قصد شرير..... عاديييييييي

بس ياويله وسواد ليله اذا بشوف انو الو هيك تصرفات وعم يحالو يخبيها عليي لانو وقتها لما بيخبي هيك اشياء بيكون من وراها شي

بالاضافة في نقطة كتير مهمة انو هوي كيف بتكون ردة فعله اذا انا عملت شي من هاد..... يعني لما بيحس انو عادي صافح وبوس شب للسلام عليه او ابعت مسجات لصديق او زميل عمل بيكون اكيد بيحس هيك شغلة اخوية ومافيها شي وبالتالي هوي كمان عم يعملها باخوية وكمان انا بحسها عادية منو...... بس اذا هوي تدايق بس اعمل هيك مابيكون هوي عم يعملها باخوية ورح تكون ممنوعة عليه كمان

هي رأيي باختصار

[MadMax]

أنا شايف أو كل الأمور يللي ذكرتها أمور عادية
و ما عاد حدا عم يدقق عليها

[Alshami]

كاتب النص الأصلي : امرأة من ورق

بس ياويله وسواد ليله اذا بشوف انو الو هيك تصرفات وعم يحالو يخبيها عليي لانو وقتها لما بيخبي هيك اشياء بيكون من وراها شي

الله يحمل معو

[salhilal]

شكرا لمروركم الكريم

[afrodette]

و الله إذا الرحال بدو يساوي شي غير مين ما بيردوا بطالع ألف حجة و حجة بس بالآخر بينكشف يعني الوحدة لا تدقق كتير خليه هو يتحرئص منا و عليها مو العكس
و إن اكديننا لعظيم يعني وين بدو يروح

[دانيا22]

[slowlady]

واله بخنقوا وبخلص عليه لانه هاي التصرفات بدل على انه نسونجيلانه كل شي حكيت عنه بقدر انا ساوي له اياه شو ما كان وهذا البوس لا شو حتى لو كانوا اقرباء هو السلام مكروه بالاسلام كيف البوس
بس انا خطيبي بحبني وبموت فيني اصلا ما بعمل هيك شغلات لاني انا باسطته

[monk]

كاتب النص الأصلي : لهفة الخاطر

رقص شرقي لا مابسمح له اذا بدوه ارقصله انا

نياله

[monk]

كاتب النص الأصلي : slowlady

بس انا خطيبي بحبني وبموت فيني اصلا ما بعمل هيك شغلات لاني انا باسطته

معلش اذا فيها ثقلة ، فينا نعرف كيف
محسوبك خاطب جديد

[Ichigo]

بالطبع هذه خيانة فعلى الرجل ان يحترم زوجته المراة الوحيدة التي اختارها رفيقة لحياته
اولا..رؤيه افلام تحتوي على بعض المقاطع الحميمه..او فتيات..بلباس غير محتشم..او مقاطع رقص شرقي......وبحضور الزوجه. سواء بحضور الزوجة او بغير حضورها ما الفرق لما يشاهد مناظر خاصة كهذه يمكن لزوجته ان تعمل له هذه المشاهد بنفسها لازم يحترم حالو ويصون عينيه
ثانيا....ارسال مسجات..المناسبات المتداوله بحسن نيه .......لزميلات عمل ..او جارات او قريبات...لكن كما هو معروف بعض هذه المسجات يحتوي بعض التعابير التي من الممكن ان تعطي انطباعات اخرى وان كانت غير مقصودة
وهل تريد انت ان ترسل زوجتك مثل هذه المسجات للرجال ثم ماذا تعني بغير مقصودة انت بامكانك حذفها ثم احذر هذه الصداقات والمجاملات تسبب المشاكل اكتفي بمجاملة زوجتك حبيبتكثالثا ...مصافحة النساء القريبات وتقبيلهن...وحسب عادات المجتمع واعرافه لان في بعض المجتمعات هذا غير جائز اطلاقا وفي بعض المجتمعات المنفتحه...هذا يحدث ...باستمرار اي انفتاح هذا ان الانحطاط الذي نسميه انفتاحا هو سبب تخلفنا وسبب دمار امريكا اخي اكتفي بمصافحة النساء لما تحتاج تقبيلهن ولديك زوجة
رابعا..سؤال الزوحه عن بعض خصوصيات صديقات الزوجة او قريباتها....ولو من باب الفضول...مثل...ما هي اكله بنت عمك المفضله.....او شراح تلبس اختك في مناسبه اليوم وهكذا نوع من الاسئله التي تطلق احيانا من الازواج لزوجاتهم.... اذا كانت نيته صافية ولكن من الاحسن تجنبها وان لاتتدخل فيما لا يعنيك
خامسا..اطراء نساء اخريات بحضور الزوجه...مثل..والله فلانه كل ما تكبر تصير احلى او شفت فستان فلانه شو كان حلو...وهكذا......وليش حتى تجاملها بهذه الطريقة احترم حالك وخلى زوجتك تعمر عينك دون غيرها
هل هذه التصرفات عاديه وتمر عليكم مرور الكرام ...لو شنو بالضبط تاثيرها عليكن

صدقني ابتعادك عن هذه التصرفات لن يقتلك بل سيزيد من رجولتك وشهامتك وحب زوجتك لك ثم تصور لو انها هي من تقوم بهذه التصرفات فكيف ستبدو انت بجانبها اعلم ان الناس تشبه من لا يغير على زوجته بالخنازير كن رجلا ولا تدع الافكار المتخلفة عن الانفتاح تغويك فلا يصدقها الا الحمقى والاغبياء فالانفتاح يكون في امر اكبر وانفع لا في تصرفات الطائشين والسطحيين.

[rosa]

حبيت قول انو كلو بيتوقف على نية الرجل وعلاقتو بزوجتوا .. يعني لو بيناتهم ثقة ومحسسها انها عندو بالدنية كلها
اصلا هو مو محتاج يعمل هيك حركات واذا هو بيرضى تعمل متل عمايلو ساعتها بنفكر بالموضوع
قال مسجات قال هه علينا محنا دافنينو سوا بالاول يروح يبعت مسج لمرتوا يحرك فيها اجواء الحب اللي على الاغلب مع هيك رجل بتكون منسية