نتائج الاسبوع التالت لمسابقة شلف تربح .. لتوقعات كاس امم اوربا 2008 !!

[يمان Rooooonaldo]

مرحبا شبيحة وشبيحات .. جميعا

شو اخباركم ..

وصلنا عنص النهائي .. وبقي 4 فرق .. والبقاء للاقوى


حنشوف مين لح يشبح .. ومين لح يقحط



عكلن هون نتائج .. الاسبوع التالت من مسابقتنا .. مسابقة شلف واربح .. مسابقة توقعات كاس امم اوربا 2008




1- نتائج مباريات .. الاسبوع التالت من مسابقة التوقعات كانت على الشكل التالي :

البرتغال x المانيا (2-3) الفائز المانيا

كرواتيا x تركيا (1-1)

تعادل
(3-1) ضربات جزاء لتركيا
هولندا x روسيا (1-3) الفائز روسيا

تركيا x تشيك (3-2) الفائز تركيا

اسبانيا x ايطاليا (0-0) تعادل
(4-2)ضربات جزاء لاسبانيا





2- نتائج النقاط .. المأخوذة من الاسبوع التالت كانت على الشكل التالي :


1-فارس نت بـ 3 نقطة
2-المحارب العتيق بـ3 نقاط
3-مايسترو بـ2 نقطة
4-أبو ريتا بـ2 نقطة
4- suryoyo بـ 2 نقاط
5-عاشق رويدابـ 2 نقاط
6-YaSeR بـ2 نقاط
7-gabrielبـ 2 نقاط
8-مالي خايف بـ 1 نقطة
9-Donald Duck بـ 1 نقاط
10-سوا ربينا بـ 1 نقطة
11-Reemiبـ 0 نقاط
12-محمد ابراهيم بـ 0 نقاط
13-simsima57 بـ 0 نقطة
14-M i i i D O بـ 0 نقطة
15- مسطول على طول بـ 0 نقطة16- هدوء البحر بـ 0 نقاط
17- قرصان الأدرياتيك بـ 0 نقطة
18-x52 بـ 0 نقطة
19-يمان Rooooonaldo بـ 0 نقاط




3- الترتيب العام لمسابقة شلّف تربح ..:

1-suryoyo بـ12 نقاط
2- Reemi بـ 10 نقاط
3-عاشق رويدابـ10 نقاط
4-مايسترو بـ10 نقطة
5-يمان Rooooonaldo بـ 9 نقاط
6-المحارب العتيق بـ9 نقاط
7-باشق مجروح بـ 8 نقطة
8-gabrielبـ 8 نقاط
9-YaSeR بـ8 نقاط
10-محمد ابراهيم بـ7 نقاط
11-simsima57 بـ 6 نقطة
12- هدوء البحر بـ 5 نقاط
13-M i i i D O بـ 5 نقطة
14- مسطول على طول بـ 5 نقطة
15-Donald Duck بـ 5 نقاط
16-أبو ريتا بـ5 نقطة
17-فارس نت بـ 5 نقطة
18- •• LEO •• بـ 4 نقاط
19-سوا ربينا بـ 4 نقطة
20- *.• Roaa •.* بـ 2 نقطة
21- Raw بـ 2 نقطة
22- قرصان الأدرياتيك بـ 2 نقطة
23-مالي خايف بـ 1 نقطة




3- Zoom XXX :

* هلا هي الفقرة الي حتكون هون واللي هية فقرة Zoom XXX.. عبارة عن فقرة .. بزكر فيا شوية ملاحظات على كل اسبوع بصير .. وبكون فيا شوية لقطات زوم على المسابقة .. او ايا شي فيها ..


- اصبح عدد المشاركين في المسابقة .. 23 مشاركا ومشاركة

-تصدر فارس نت & المحارب العتيق المرحلة الحالية من المسابقة

-استمرت الصدارة في الترتيب العام عند Suryoyo

-اعلى رصيد في النقاط في المسابقة الى الان هو 6 نقاط مسجلين باسم العضو مايسترو & باشق مجروح


-مباراة النحس لهذا الاسبوع كانت مباراة كرواتيا x تركيا
فقد اكسبت ..المتسابقين 0 نقطة .. ولم يتمكن احد من توقع النتيجة بدقة تامة!

- أكسبت مباراة اسبانيا x ايطاليا

المشتركين 3 نقطة و تمكن متسابق واحد مشلف من توقع النتيجة بدقة تامة!

- أكسبت مباراة هولندا x روسيا

المشتركين 4 نقطة ولم يتمكن اي متسابق من توقع النتيجة بدقة تامة!



-المباراة الاكثر عطاء لهذا الاسبوع البرتغال x المانيا
منحت المتسابقين 9 نقطة و لم يتمكن احد من توقع المباراة بنتيجة دقيقة



.*.*.*.*.*.*.*.*.*.*


عراسي كل الشبيبة .. ويحرق عرض الخورفة اللي تخورفناها بهاد الاسبوع .. عكلن .. بازن الله لاحقينك سور يويو .. ووراك وراك والزمن طويل
.. يوم الاربعا ..بتتسكر توقعات اول مباراة .. والخميس التانية ..

لحقو حالكم

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ابع

[Reemi]

فارس نت والله فرحتلك من قلبي ... فايت بقوه

بس ليش هيك هالاسبوع الكل عفس ... كلو من ميدو ...نقل نفس توقعاتي مشان يربح يعني طرقني عين

بس يالله طول ما سوريويو ربحان انا ربحاني

[simsima57]

ياااااااااالله ليش هيك كنت مفكرة حالي متوقعة شي صح
لعمى ولا شلفي طلعت صح

[صياد الطيور]

وأنا

[Abu ToNi]

19-يمان Rooooonaldo بـ 0 نقاط

خرجك وراي وراي واليورو قصير

[Abu ToNi]

11-Reemiبـ 0 نقاط
12-محمد ابراهيم بـ 0 نقاط
13-simsima57 بـ 0 نقطة
14-M i i i D O بـ 0 نقطة
15- مسطول على طول بـ 0 نقطة
16- هدوء البحر بـ 0 نقاط
17- قرصان الأدرياتيك بـ 0 نقطة
18-x52 بـ 0 نقطة
19-يمان Rooooonaldo بـ 0 نقاط

هي لكل واحد وارد اسمه بالقائمة فوق وخصوصا اول اسم وآخر اسم

[محمد ابراهيم]

كاتب النص الأصلي : gabriel

هي لكل واحد وارد اسمه بالقائمة فوق وخصوصا اول اسم وآخر اسم

موضوع الشماتة مش هاد ، التاني تحتو عطول عاليمين
بعدين يتضل اعلى مني بنقطة واحدة اجمالا (هاي مجرد مرحلة )
بس لو تزبط معي بالمباريتين الجايين وماتزبط مع الجميع
بعرفكون شغلكون جميعا

[فارس نت]

كاتب النص الأصلي : Reemi

فارس نت والله فرحتلك من قلبي ... فايت بقوه

بس ليش هيك هالاسبوع الكل عفس ... كلو من ميدو ...نقل نفس توقعاتي مشان يربح يعني طرقني عين

بس يالله طول ما سوريويو ربحان انا ربحاني

تسلمى ريمي

[suryoyo]

كاتب النص الأصلي : يمان Rooooonaldo

1-suryoyo بـ12 نقاط
2- Reemi بـ 10 نقاط

ما بيها مجال ........ لازم انقبل بالجزيرة الرياضية

كاتب النص الأصلي : Reemi

بس يالله طول ما سوريويو ربحان انا ربحاني

اثنيننا ما زلنا بالصدارة ....... الاول و الثاني


و انتي الاولى و انا الثاني ..



و الف مبروك فارس ....

[مسطول على طول]

كنت متوقع فوز اسبانيا على ايطاليا ليش ماحسبتوها

انا احتج

[يمان Rooooonaldo]

اي روح عملك حجّة ورجاع .. قال احتج قال ..

اي والله فارس يستحقا عن جدارة بدكم بالحكي .. بدّع .. يعني


مبروك .. فارس والجائزة .. بتستلمها من ريمي .. ان شا الله .. موبايل مع كاميرا ..

الف مبروك

[قرصان الأدرياتيك]

مسا الخير...
خيّو يمان شو ألك معي ما تفهمني؟!!!!!!
أنا بطلت كفي بهالشلف لأن كل مرة عم تشلفني بصفر!
خيّو يا ما عم تحسبا منيح يا مزعوج مني بشي شغلة!
وهاي رح عدلك الحسبة إذا سمحت طبعاً:

الأسبوع الأول أخدت نقطتين والتاني صفرتني والتالت كمان صفر!!!!!!!!!!!!!!!!
رح حطلك شو كنت كاتب وشو النتائج وأنت قارن بعد أذنك يعني:
الأسبوع الثاني أنا توقعت:

سويسرا x البرتغال
2-0
النمسا x المانيا
3-0
فرنسا x ايطاليا
2-1
اليونان x اسبانيا
1-0
تركيا x التشيك
1-1

والنتائج كانت:

سويسرا x البرتغال (2-0) الفائز سويسرا

النمسا x المانيا (0-1) الفائز المانيا

ايطاليا x فرنسا (2-0) الفائز ايطاليا

تركيا x تشيك (3-2) الفائز تركيا

اليونان x اسبانيا (1-2) الفائز اسبانيا

فكيف صفر يعني بدي أفهم؟!!!
أنا توقعت فوز البرتغال وألمانيا وإيطاليا وإسبانيا وتعادل تركيا والتشيك. وليكن النتائج متل ما كتبتن وإذا بدك راجع كل شي بمحلو...
وبهالحالة يطلعلي 4 نقاط كوني شلفت مزبوط على فوز تلت فرق، ونقطة زيادة على مباراة اليونان وإسبانيا لأن الفرق كان هدف واحد بس.

وبالنسبة للأسبوع التالت أنا توقعت:

كرواتيا x تركيا
الفائز تركيّا: 2-1
هولندا x روسيا
الفائز هولندا: 3-1
اسبانيا x ايطاليا
الفائز إيطاليا: 2-1

والنتيجة كانت:

البرتغال x المانيا (2-3) الفائز المانيا
كرواتيا x تركيا (1-1) تعادل
(3-1) ضربات جزاء لتركيا
هولندا x روسيا (1-3) الفائز روسيا
اسبانيا x ايطاليا (0-0) تعادل
(4-2)ضربات جزاء لاسبانيا

يعني أنا شلفت مزبوط عمباراة تركيا وكرواتيا ويطلعلي نقطة من الأسبوع الثالث.
وبهالحالة:
نقطتين مالأسبوع الأول و4 مالتاني ونقطة وحدة مالتالت بيصيروا 7.
وأنا بريت ذمتي والله على ما أقول شهيد.

[يمان Rooooonaldo]

مسا الخير...
خيّو يمان شو ألك معي ما تفهمني؟!!!!!!
أنا بطلت كفي بهالشلف لأن كل مرة عم تشلفني بصفر!
خيّو يا ما عم تحسبا منيح يا مزعوج مني بشي شغلة!
وهاي رح عدلك الحسبة إذا سمحت طبعاً:

خيو قرصان .. اول شي صباحو معليم

هلا بيني وبينك .. في شي اي .. اني حابك هالكم يوم لانو طريقة ردك بتضحكني " انو حبيتا " ليش ما بعرف

بس تعال لح فهمك كلشي .. معليم

بالنسبة للاسبوع التاني ..

فيك تشفلي هالصورة ولح تفهم عليي كلشي ان شا الله ..

كبيس هون لقلك .. واقرا كلشي كاتبو بالصورة انا

طيب .. هلا .. شو صار رايك بالنسبة لهاد الاسبوع ؟ !

المبارتين الاولى والاخيرة التغو .. وفيك ترجع للرد هاد هون ..

كبيس هون لو بدك تقرا الرد والسبب اللي كان خارج اارادتي .. لحتى الغيناهم .. ! وقف المنتدى

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

للاسف اضطريت اعمل هيك لانو وقف المنتدى .. هلا منرجع لتوقعاتك لباقي المباريات .. شفت كيف عم يطلعو عندي ! ؟

قلتلكم يا جماعة الاسم الفائز الاسم الفائز !! كرمال هيك خربطات شريك بس .. ما بقدر اني غير من عندي وقول هاد يمكن عندو هيك وهاد يمكن عندو هيك .. لزلك بدك تعذرني ..

بالنسبة للاسبوع الاخير .. اعتراضك على .. مباراة تركيا انت .. كمان فيك تشوف هون ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

اقرا الرد منيح .. وهات رايك .. بالحكي .. شو كاتبلك انا ..

شباب النتائج حتكون اعتبارا للدقيقة 120 بعد التمديد لو حصل التمديد يعني .. تاني شي ..

الوقت لمباراة البرتغال والمانيا .. لبكرا الساعة 10 الا ربع يعني قبل المباراة فورا .. لح يتسكر التوقع الها بس .. ومنكمل عالباقي ..

موفقين

ما تنسو اسم الفريق الفائز

لزلك .. بعتذر منك .. ما لح تقدر تاخد النقطة .. لانو نحنا قلنا للدقيقة 120 مو لضربات الجزاء ..

عراسي حبيبنا .. وما تواخزني .. لو بيطلع بايدي ربحك محل فارس نت ما كنت قصرت ..

سلامات

[قرصان الأدرياتيك]

السّلامُ عليكم ورحمة من لدن أبي الأنوارِ... أمّا بعدُ.
عزيزي يَمان
اهتمامُك بي وردّك عليّ غسلَ عارَ كلماتي وطيشي فسامحني!
كلماتُك بيّنة أوضح من النّور وما عاد ينفعُ فيها كلامٌ أو جدال...
عليّ -شئتُ أم أبيتُ- أن أرضى بنصيبي وأقنع بشلفي المشلوف بستّين حيط...
حتّى الشّلفُ لا أنفعُ فيه ولا أنجح، قلْ لي وأخبرني: ما نفعي إذن؟!
في كلّ حالٍ بقي رجائي في مباريات نصف النّهائي وآملُ أن ترطّبَ النتائجُ كسرة القلبِ وخذلانه!
بانتظارِ الشّلفات ما قبل الأخيرة أحيّيك من كلّ قلبي، وإليك مودّتي

[يمان Rooooonaldo]

عراصي بو شريك .. ولا يهمك .. وبازن الله موفق .. بدنا نكسحون لهدول الشليفة سور يويو وريمي ..

بس المهم انو ... المسابقة انحسمت لابو فريس .. خلصنا

[محمد ابراهيم]

يمون : انا توقعت نتجية كرواتيا وتركيا مزبوط وبدقة حتى بدقة متناهية الكبر والصغر وما اخدت نقاط (اذا مارح تحسبون لاني ما كتبت اسماء مسجلسن الاهداف ، اوك) مافي مشكلة ما عندي مشاكل .
بس لو في سبب تاني اكتبو

[يمان Rooooonaldo]

لا لا .. المشكلة .. انك هربت من عزيمة البوريي ... لزلك .. فشرت تربح المسابقة ..


المسابقة والفوز لفارس وبس

[محمد ابراهيم]

بعرف انك ماحسبت النقاط منشان البوريي ,ياعمي مستسلم وتحت امرك

احسن بوريي بالشام كلو الك من عيوني انا رايح اتوقع نتيجة مباراة اليوم