أبو شاكر يقدم أستقالته من تدريب منتخب سوريا

[المحارب العتيق]

محمد قويض يقدم استقالته من تدريب المنتخب السوري لكرة القدم

اخبار الرياضة

قدم محمد قويض مدرب المنتخب السوري لكرة القدم استقالته من تدريب المنتخب بعد خروجه من التصفيات الأسيوية المؤهلة إلى كأس العالم 2010 بجنوب إفريقيا .

ونقلاً عن موقع الكرة السورية قال القويض ، "طلبوني للحضور صباح السبت إلى مقر اتحاد الكرة ليحققوا معي في ملابسات الفترة الماضية التي كنت فيها مدرباً للمنتخب ولبيت الدعوة رغم تحفظي على كلمة (تحقيق) لعلاقتي الطيبة مع اتحاد الكرة .

وأضاف القويض "وقد وجهت لي عشرة أسئلة أجبت عنها خطياً وقدمت معها استقالتي الخطية أيضاً من تدريب المنتخب ، وفي طريق عودتي إلى حمص اتصل بي رئيس الإتحاد طالباً مني التريث والقدوم يوم الثلاثاء القادم لمناقشة الموضوع" .

وعن تصريحاته لقناة عربية بأن الجمهور كان عامل ضغط على اللاعبين وسبباً من أسباب الخسارة أمام إيران قال القويض " لا أخفيكم أن اللقاء المذكور جاء عقب المباراة مباشرة وكنت في حالة انفعالية .وأعترف أن التعميم في هذه الحالة خاطئ والحديث عن جمهور بأكمله فيه مبالغة فأنا موقن أن جمهور الوحدة ذواق وراق والقلة التي شتمت المنتخب وحاولت التعرض لي وللاعبين لا تمثل جمهور العاصمة ولا جمهور الوحدة وهذه حقيقة كنت انتظر الوقت المناسب للبوح بها ".

وكان المنتخب السوري يحتاج إلى الفوز بفارق ثلاث أهداف في مباراته الأخيرة مع المنتخب الإماراتي في مدينة العين الإماراتية وانتهت المباراة بفوز سورية 3 – 1 لتتأهل الإمارات إلى الجولة الرابعة والحاسمة من التصفيات ويخرج المنتخب السوري من التصفيات خالي الوفاض .

سيريانيوز

[L.A.]

شو كان عم يستنى؟
شو هو أحسن من مدرب اسبانيا...ليكو هو التاني رح يستقيل مع إنو اسبانيا فازت باللقب...و أبو شاكر فاز بالــ.....

[LiOnHeArT.3LA2]

شو كان عم يستنى؟
شو هو أحسن من مدرب اسبانيا...ليكو هو التاني رح يستقيل مع إنو اسبانيا فازت باللقب...و أبو شاكر فاز بالــ.....

بتعرف بشو فاز ابو شاكر .. فاز باحترام العالم .. اللي بيفهمو بالطابة .. وبالذوق وبالأخلاق

ابو شاكر ما خسر ..

بالنسبة للموضوع .. يا سيدي خطوة حلوة .. مشان يتفرغ للكرامة


البطل .. غصب عن اللي بيرضا واللي ما بيرضا

[بنفسجة]

اي احسن لان مع هيك اتحاد كرة قدم لايمكن ابو شاكر يقدر يصنع فريق متل الكرامة مع انو قادر ياخد المنتخب على كاس العالم بس في عندك اتحاد كرة قدم (بلا مانحكي)

[مايسترو]

لا خبتو خلينا نحكي

لايمتا بدنا نضل ساكتين؟

[souriana]

افضل قرار بيتخذو بحياتو اب شاكر انو استقال

100 وردة لاب شاكر , ناطرينك مع الكرامة

الله يلعن هيك اتحاد فاسد

[volanis]

لك شو عم تحكو ابو شاكر و ابو شاكر و كأنو عمل شي انجاز .... لك يعني بتعرفو النتائج و التشكيلة يلي لعب فيها بلمبارايات بعقلية الدكنجي يلي بيبيع ولاد حارتو باسعار خاصة
لو انو لعب بتشكيلة الامارات من البداية كان اشرف و احسن من بعض الفاشلين من جنيات ولاعبين الكرامة كلون كان عنصري وومابيستاهل يكون اكتر من مدرب لنادي و بس يلي بيددرب نادي مو متل يلي بيدرب منتخب

[ِAbu Alzooz]

أب شاكر

بيسوا راسو لفخر ابراهيم

اي فجر

المهم

اس شو هوي معو عصى سعدو ليجيب كأس العالم


و فوق كل هادا قطعوا الكهربا

لك اخ

[يمان Rooooonaldo]

البطل .. غصب عن اللي بيرضا واللي ما بيرضا

برافو .. حلو

[بنفسجة]

كاتب النص الأصلي : مايسترو

لا خبتو خلينا نحكي

لايمتا بدنا نضل ساكتين؟

انا قصدي ببلا ما نحكي مو انو ما نحكي يعني انا كنت بدي سبلي كم مسبة عالية التوتر بس احتراما لاخلاقياتي ماحكيت
بس بيضلو اتحاد كرة قدم اقل ما يقال عنه انو فيه يلي استحو ماتو

[مالي خايف]

الله معو والقلب داعيلو