|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
07/04/2005
|
#1 | ||||||
|
مشرف متقاعد
|
مَن يتهمونني بالديكتاتورية يستهدفون النظام السوري"
رأى الرئيس السوري بشار الاسد في مقابلة مع شبكة "سي ان ان تورك" التركية للتلفزيون ان الامم المتحدة بدأت تخرج عن نطاق مهمتها، كمنظمة لحفظ السلام العالمي وحمايته، في ظل محاولات لجعلها "بنية" تحمي مصالح الدول العظمى وحدها وتدافع عنها.
ونفى شعوره بعدم ارتياح من جراء وصف بعض الدوائر الاميركية اياه بـ" الديكتاتور"، موضحا انه سيشعر بعدم ارتياح فقط اذا ما صدر هذا الاتهام عن الشعب السوري. وأكد انه لم يصل الى السلطة من طريق انقلاب عسكري. وقال: "من يتهمونني بانني ديكتاتور يستهدفون النظام السياسي السوري". واضاف انه "لولا التدخلات الخارجية لقطعنا شوطا كبيرا في عملية الاصلاح". وتساءل: "أين هم حين ينادون بالديموقراطية في المنطقة مما شهده سجن أبو غريب من فظائع؟ وهل ما حدث هناك ديموقراطية؟ (...) ان من احتلوا العراق بذريعة الديموقراطية عاجزون حتى عن توفير الماء والكهرباء للشعب العراقي، فهل هذه هي الديموقراطية؟... هل ما يجري في سجن غوانتانامو وفي افغانستان ديموقراطية؟". وسئل الاسد عن الخلافات الحدودية مع تركيا في اقليم اسكندرون والمياه، فأجاب: "انني افضل الا نتطرق الى هذه المواضيع التي اثيرت سنوات طويلة"، مشددا على ضرورة ان تكون هناك علاقات سليمة اول الامر، وتعظيم للجوانب الايجابية في هذه العلاقات، مما يؤدي الى ازالة كل المواضيع السلبية". واكد ان سوريا لا تخشى الوجود الاميركي في العراق، لان الولايات المتحدة يمكنها مهاجمة سوريا من البحر، لكنه حذر من ان الخطر الاكبر يكمن في تجزئة العراق وايجاد دول وكيانات جديدة في هذا البلد، فهذا التطور اذا ما حصل سيشكل تهديدا خطيرا لتركيا وسوريا على حد سواء. ولاحظ ان الولايات المتحدة تدفع ثمن الحرب في العراق الآن من جراء عدم اخذ التحذيرات التركية والسورية والايرانية قبل نشوب الحرب في الاعتبار. ووصف مصير العراق بانه "مجهول"، مشيرا الى ان قيام قوة كبرى بعملية عسكرية ضد بلد ما امر سهل، لكن الصعب هو تأمين الاستقرار في هذا البلد بعد الحرب. ونبه الى المصير المجهول للعراق وامكان تجزئته على اسس عرقية ودينية مما تمتد تأثيراته في المنطقة. --------------------------------------------------------------------------------------
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
أبو مـــــــــ1984ـــــــارال
خبز,, سلم,, حرّية
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
07/04/2005
|
#2 | ||||
|
عضو
-- قبضاي --
|
الله يستر .. شفتها الصبح ولها ماعمبفهم شو الموضوع .. مخي ماعد جمع .. بلكي أحسن شي نسلم أمرنا لله أو أوراقنا للمفتي ...
|
||||
|
|
|
07/04/2005
|
#3 | |||||||||||
|
مشرف متقاعد
|
اقتباس:
و عن أي تدخلات خارجية يتحدث, هل هذه التدخلات الخرجية هي التي تجبره على الأبقاء على محكمة أمن الدولة , أهذه التدخلات الخارجية تمنعه من أطلاق سراح المساجين السياسيين... أهذه التدخلات الخارجية تجبره على تقديم الامتيازات لأقربائه مثل ابن خاله ( رجل الأعمال) رامي مخلوف؟؟ اقتباس:
اقتباس:
اقتباس:
اقتباس:
فلتحيا سوريا يا سيادة الرئيس, سوريا وطني, حبيبتي, مهد طفولتي و مستقر جثماني, سوريا العبقة بعطر ياسمين دمشق, المتغنية بجمال حمصها و حلبها , المفتخرة بشموخ جبالها الخضراء... |
|||||||||||
|
|
|
07/04/2005
|
#4 | ||||||||||
|
عضو
-- قبضاي --
|
اقتباس:
يا أخي Yass: أنا ما عندي أي شك بنياتك وغايتك وهدفك .. وكلها نبيلة ومحترمة .. بس .. مو دفاع عن السلطة الغبية الموزمبيقية ولا تكذيبا لألك أبدا ... بس ... لازم مانحكي معلومات غير دقيقة ... يعني اليوم الحكم الموزمبيقي ألو أعمدة من كل الطوائف .. يعني سلخو توليفة من أسوء العالم من كل طائفة .. مع الاحتفاظ ببعض المراكز الحساسة المقربة من البيك الأكبر .. يعني في ناس رح تقرء تعليقك وتقول عنك "مغالي" وأنا رايي أنك كنت منصف كتير .. بس المعلومات أو التعميم أنو الكل علويين . مو صح .. يعني ..اللي مو علويين, عندك على سبيل المثال : وزير الدفاع , قائد القوى الجوية , مدير ادارة المخابرات العامة .. بالحزب ما في علويين تقريبا : الأمين القومي المساعد.. الأمين القطري المساعد..أغلب أعضاء القيادة .. بالوزارة : الشباب مضبطين توازن ... الأهم من كل هدول : المستشارين كلون مو علويين باستثناء واحد محترم جدا ما بعرف شو عميعمل و كيف متحمل .. أنا رح أعطيه فرصة لأخر السنة . أذا ضل معون رح ضمو لألون.. البقعة اللي تقريبا علوية بحتة هي الحرس الجمهوري اللي رح يكون على أيدون أخرتنا .. |
||||||||||
|
|
|
07/04/2005
|
#5 | |||||||
|
عضو
-- زعيـــــــم --
  |
Re: مَن يتهمونني بالديكتاتورية يستهدفون النظام السوري"
اقتباس:
ΕΛΕΥΘΕΡΙΑ ΣΤΟΝ ΣΑΒΒΑ ΞΙΡΟ
|
|||||||
|
|
|
08/04/2005
|
#6 | |||||||||||||
|
القــــــــــــــــــائم
|
اقتباس:
اما طريقة وصولو للسلطة .. انا لي مأخذ انه اشار للإنقلاب العسكري على انه خطأ .. هو في الوقت الحالي خطأ لكن في منتصفات القرن الفائت كان هو الحل الأمثل (نظريا) لنهوض بالبلاد .. فالديمقراطية اركان .. ليست ثوب او رداء منشتريه ومنلبسو .. وفي حال عدم وجود مقومات للديمقراطية فأي تطبيق ليها حيكون عواقبه اكبر من محاسنه .. حتى اليوم الي احنا فيه بعتقد تطبيق الديمقراطية بدولة متل سوريا او بكثير من الدول العربية حتى .. كارثة سياسية بكل المقاييس .. يعني عندك الشعب العربي لو فلتوووووووو وقلتلو في هيفاء وهبي مرشحة حالها لمنصب امانة جامعة الدول العربية - فتأكد انو حتنجح وبجدارة .. هيك شعب .. خطأ بكل المقاييس انك تعطيه ديمقراطية .. يعني واحد مغمى عليه بيقدر يتزوج شي ؟؟؟ قلي .. شعب ما بحياتو فكر لأبعد من شو بدو يتغدى هذا كيف بدك ياه يعرف شو مصلحة البلد ووين مصلحة البلد !! الديمقراطية ما حل .. الحل هو" الديمقراطية المركيزة الديكتاتورية " ............. وعلى فكرة ما في تناقض بالعبارة هيي هيك .. هيئة دكتاتورية في ظاهرها ديمقراطية مركزية من باطنها .. وهي الحل الوحيد الي بيقدر ينهض بسوريا وبغيرها من الدول العربية .. اقتباس:
واعمال الجيوش ليست مقياس للحكومات .. الحكومة شي والجيش شي تاني سواء بسوريا ولا باميركا ولا بالصين .. هيي هيك .. هذا جيش !! غير هيك ما كان في داعي للإشارة لموضوع سجون ابو غريب لما سجونا اسوأ من ابو غريب ولا في داعي للإشارة للجيش الأمريكي بالعراق لانو جيوشنا بلبنان ما كانت احسن بنووووووووب.. يعني يا سيادة الرئيس خانتك البديهة بكتر نقاط بهال المقابلة اقتباس:
هيك موضوع منيح الي ما انحكا فيه .. ما مفروض نفتح جبهة _ولو حوارية او فكرية_جديدة بهال الوقت .. كما اني بحيي نظام عدم اتخاز قرارات اعتباطية .. وطبعا كان الكلام بهال الموضوع سواء ايجابا او سلبا حيكون قرار وهيك قرارات بدها دراسة ومستشارين و و و و .. فجيد انك فضلت عدم الخوض بهال الموضوع ردا على رد yass اقتباس:
بس الي صار من مبدأ الكحل افضل من العمى !! يعني لو ما تم هيك شو كان حيصير !؟ كان بدك يصير انتخابات مو .. انتخابات ديمقراطية ... حلو كتير .. مين برأيك حيرشح حالو وقتها ! ويمن برأيك كان الشعب عندو قدرة يختارو ؟ الشعب السوري بتلك المرحلة بيعرف شخص واحد بسوريا كلها هو حافط الأسد ... لا في احزاب ولا في محاضر ومجامع علمية على صعيد جماهيري ولا في مجامع ادبية او فكرية حتى علي صعيد جماهيري ولا في اي موسسات غير حكومية قائمة (بطابع جماهيري ) يعني لو صار والتقى حدى يرشح حالو شلون بدي نقي انتخبو ولا ما انتخبو وانا اساسا لا بعرفو ولا سامع فيه بحياتي ولا بعرف شو ممكن يكون ؟؟؟؟؟؟؟؟؟؟؟؟؟؟ هاذا لو كان في ناس جيدين فعلا ورشحو حالون بالوقت طبعا الي كان لو كان حيرشح حالو حتما وقطعا هم ناس الحرس القديم هم الوحيدين الي عندهم النفوز الكافي القدرة المادية للحملة الإنتخابية القدرة ولو بطريقة او اخرى على توصيل برنامجهم واقناع الناس به ... يعني الي صار هو الحل الأمثل الوحيد .. ما كان بينفع يصير غير هيك .. (هذا لو استثنينا مشروع استيراد شي رئيس من برات سوريا !!) اقتباس:
 ناقصنا بس نفتح لسا جبهة مع تركيا منشان تكمل ؟؟ بالغرب جبهة مع لبنان واللبنانية والمعارضة و و و بالجنوب اسرائيل وجبهتها ... وبالغرب جبهة العراق وامريكا ومن عند الله نازللتلنا الأمم المتحدة بمظلات امريكية .. فاضل كان جبهة مع تركيا وبتكمل هيك ... يا حبب القلب الرئيس ترك الموضوع عالق لانو مافي وارد نفتح جبهة مع تركيا هلق ولحق على قطع كهربا وميي واحنا من غير دف عم نرقص اما في ما يخص موضوع الطائفية اي صحيح في اغلبية من الظباط بالجيش علوي وفي عدد لا بأس به من ذوي النفوز بالدولة من العلويي بس بكفة اخرى التشكيلة الوزارية , مجلس الشعب, المستشارين ,.... (وهاي اهم الأركان طبعا .. ) العلوية فيها اقلية فعلا !! وبموضوع الطائفية ما بيطلع لحدى يحكي عل سوريا فيها بولا شي .. سوريا مانها يوتوبيا بس لو قارنتها بلبنان .. بمصر.. بالسودان .. بالجزائر.. بأي دولة عربية .. او حتى اجنبية لو بدك بتطلع يوتوبيا دينية سوريا .. في انسجام معقول ومضري جدا .. اي نعم ما شيئ فظيع جدا لكن من احسن احسن احسن صيغ الإنسجام الديني موجودة بسوريا .. رد على رد minime1967 اقتباس:
 اي فعلا ...لانو هني متقصدين يخربو البلد .. ----- تار قديم بين الحكومة والشعب .. ------ لكن هيك هني جكر بالله بدون ينزعو البلد قام شو عملو راحو سلخو توليفة من اوسخ ناس ورزعوهم بسدة الوزارات والحكم .. .... حاجي عاد حاجي حكي بهلواني .. __ وبهلواني تعود على الكلام وليس المتكلم .. مع احترامي الشديد___ شو هال الحكي الي ما بيدخل بعقل .. انو بالله الحكومة شو مبتغاها وغايتها لحتى اتحط ناس وسخة بالوزرات !!؟؟ والله عم شقلبها بالطول بالعرض ما عم تظبط معي ... اقتباس:
.. الطبيعي انو بتحكيه لصديقك لأخوك .. لقريبك طيب.. اذا انتا بدك اتأمن على حياتك لشخص .. مين يعني حتختار مثلا معقو تختارني انا !! اتأمني على حياتك ؟؟ ليش يا عمي بتعرفني شي .. بعرفك شي .. طيب .. انشاء الله هيك بتطلع مان لبلاد الفرنجة وبترجعلنا زعيم كبير او مليونير كبير .. وبكلى الحالتين بدو يكون عندك بدي غاردز وزلومة تبعك .. يعني هدول مثلا من وين برأيك انو ممكن اتجيبهم (هدول ناس حيئتمنو ويأمنو حياتك وسرك ..) الطبيعي والمنطقي يكونو من جماعتك .. شو ما كان ملتها يعني قرايبينك .. ولاد عشيرتك .. ولاد جيرانك بالحارة .. ولاد دينك .. ما بعرف بس ما بقدر افهم انو الحرس الجمهوري بأي دولة ما يكون هوي من المقربين جدا ومن حاشية الحكم القريبة جدا جدا جدا .. وما شايف في غلط بالموضوع !! بالعكس هدول حاشية .. يعني بإنهيار رأس الهرم بينهارو .. لا بيقدمو ولا بيأخرو _بعدم وجود رأس الهرم_ ومهتمهم في حال وجود رأس الهرم .. هي المحافظة على استقارره وحفظ سره وامنه وحياته و و و و.. كمان جربت شقلبها بالطول مرة وبالعرض مرة كمان ما ظبطت معي بطريقة غير الطريقة الحالية !! 
العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !
|
|||||||||||||
|
|
|
08/04/2005
|
#7 | |||||||||||
|
مشرف متقاعد
|
اقتباس:
اقتباس:
اقتباس:
اشرحلك ليش : اسرائيل محتلة الجولان....الجولان أرض سورية.....ماشي لما سوريا كحكومة ترفض أي تعامل أو مفاوضات مع اسرائيل و ما تتخلى عن ثوابتها ( على فكرة أنا لهون موافق...) بس مو بس هيك, عم بتضيع على حالها بغباء شديد فرص ممتاوة للانفتاح و تمتين العلاقات مع الدول الأوربية ...ترفض الحضور بمؤتمرات دولية لمجرد وجود اسرائيل....الخ من هالديباجة... طيب و بنفس الوقت عم تمتن علاقاتها مع تركيا يللي هيي دولة محتلة لأرض سورية ( مو بس لواء اسكندرون ..) كيف ضبطت معهون؟؟؟؟ حكيم, ما قصدي أنو لازم نفتح جبهةمع تركيا, بالعكس , أنا تماما مع تحسين العلاقات, أساسا مية مرة تركيا ولا ايران وحدة..... بس يعني ما بحب حدا يتضحك علي بوجهي, اذا ثابت, تثبت على كل شي, اذا مفاوض و مرن, فاوض كمان ع كل شي....بس كدولة تحاول تحترم حالها, لازم يكون عننامنهج سياسي واضح... اقتباس:
حكيمنا العزيز ......... دائما أحب احط اسبانيا كمثال...و بينفع المثال هلأ اسبانبا دولة حضارية و عين الله عليها لما مات الجنرال فرانكو الله لا يقيمو....الشعب الاسباني كان بقمة التخلف....يعني شغلتهون بس يروحو عالكنيسة يوميا, يحضرو مصارعة الثيران, و يصيحو viva franco فرانكو مات بالـ 75, أول انتخابات نيابية باسبانيا صارت بالـ 78.... بهال 3 سنين رجع الملك ع اسبانيا, رخصو الأحزاب شوي شوي , رجعو المنفيين, الاسبان عرفو أنو في شاعر اسباني كان خيلة اسمو لوركا ........ عرفو أنو في رسام اسباني ذاهل الدنيا و شغلةكبيرة اسمو بابلو بيكاسو....سمعو بنيرودا , بماشادو....بـ 3 سنين تشكل وعي سياسي عند شعب كان بقمة الجهل...صار عندو سياسيين لما ماكان في غير ضباط....صارفي جرايد لما ما كان في.... قصدي من هالحكي أنو صارلنا خمس سنين ما عملنا شي غير أنو نحكي عن اصلاح غير موجود....الفساد لساتو و بعلم و موافقة الناس اللي فوق ....... مافي نية للتحديث, نفس الأشخاص قاعدين على أنفاسنا.......اللي بيروح بيترك ولادو....يعني شغلة, و نحنا لسا عم نضحك على حالنا و عم بنقول أنو في تغيير.....وين هالتغيير, مافي غير طبل و زمر على حركات فاضية, قال في تحديث, طبعافي تحديث, بس لما العالم عم بيمشي 100 كيلومتر لقدام, نحنا يادوب منمشي 5 ...و لسا محملينا منية اقتباس:
|
|||||||||||
|
|
|
08/04/2005
|
#8 | ||||||||
|
مشرف متقاعد
|
ردا" على الدكتور حسام
اقتباس:
نحنا للأسف وصلنا لمرحلة أنو أي شي جديد بينطرح في مجال الحياة السياسية من قول عنو ما بيلبقلنا .. ومنحكم عليه سلف .. يعني ما بتظن يا دكتور أنو من حقنا أنا شي مرة نجرب شي جديد .. بعرف أنو في مخاطرة .. بس لا تتوقع أنو في بلد تطورت وانفتحت ووصلت لمرحلة راقية من الحياة الديمقراطية بدو خسائر وتضحيات .. بس نحنا بدنا كل شي يصير بيوم وليلة وبدون تضحية .. واذا ضلينا هيك .. رح نصير أسفل السافلين بالعالم .. لك لبنان اللي منقول نحنا كسوريين أنو نحنا اللي عملناها ونحنا اللي وصلناها لهلمرحلة من الرقي في الحياة الديمقراطية .. سبقتنا بمراحل بمجال الحياة السياسية ... بدك تقلي انو اللي صار بلبنان بهالفترة فيه كتير خيانة سياسية من قبل المعارضة .. وفيه تخبط كبير .. بس بيطل أحسن من وضعنا على الأقل الشعب متوحد على شيء واحد أنو لبنان وطنهن وأمنو واستقلالو فوق كل شي ... ردا" على الدكتور حسام اقتباس:
وحابب قلك فكرة انو أنا علوي(كانتماء أسروي) وحابب قلك أنو في ظل علويتي شايف شغلات وسامع شغلات بتشيب .. سوريا بلد علوي بحت .. ممكن الرئيس فكرو متحرر من الموضوع الطائفي .. بس مازل في غازي كنعان وآصف شوكت .. وعلي حسن .. وعزت زيدان .. وهدول اذا بدهن بيعملو انقلاب وبيستلمو الحكم .. في حال حسوا بمد لطائفة أخرى في حاشية الحكم .. وحابب قلك أنو من الطبيعي ان يكون الحرس الجمهوري ورئيس الخابرات من طائفة الرئيس عندما يكون الرئيس مفروضا" على الشعب ولهذا يخاف من انقلاب عليه .. يعني يا دكتور أنت قلت أنو الغالبية السورية العظمى مع الرئيس ... وغالبية الشعب السوري سني بقى من شو خايف الريس مادام غالبية الشعب والذي معظمه سنة مؤيدين له .. يعني شو في داعي ينشر مجموعة من السفاحين العلويين حوله .. يعني والله ما بدها أكتر من تفكير موضوعي شوي .. أنا كعلوي اذا كنت رئيس وبعرف أنو معظم شعبي سني .. ومعظم شعبي مؤيد لرئاستي فأنا وقتها ما بخاف وما بطوق حالي بحصن من العلويين الطائفيين .. لأن ذلك سيفقدني الشعبية والولاء الذي نلته من السنة .. وحياتك يا دكتور أنا بعرف شغلة أنو السنة كانو مستلمين البد قبل العلويين (وهم الأكثرية) ولم يفعلو شيء بالعلوية .. اما نحن فبعد أن استلمنا فقد حاربناهم محاربة عنصرية وطائفية تتجلى بشخص رفعت الأسد وأتباعه الكثيرين والموجودين الى حد الآن في صفوف الجيش .. يعني العلويين هنن اللي حطو أنفسهون بوضع أنو السنة ممكن اذا استلمو رح يدبحوهن .. ولهيك متمسكين بالحك بأيديهم ورجليهن وسنانهن... هذا عدا عن ميزات العوي في ظل أنو رئيسو علوي .. وأنا بقلك انو الرئيس فيه يرجع يكسب ثقة السنة ويسكر الطائفية .. ويضمد الجراح اللي تركها رفعت ةغيرو من العلويين اللي ارتكبوا مجازر بحق الطائفية .. وفيه بعد ما يكسر هالحاجز يترشح للانتخابات وينتصر بأغلبية ساحقة حقيقية ... بس ما بظن انو رح يملك الجرأة مع أني بتمنى .. وبالأخير حابب قلك .. انو الطائفية بعمرها ما بتبني وطن ..
..غنــــي قلــــــيلا يـــا عصـــافير فأنــي... كلمـــا فكــــرت في أمــــــر بكـــيت ..
|
||||||||
|
|
|
09/04/2005
|
#9 | ||||||
|
مختار
|
المشكلة ان بشار ليس ديكتاتور بل هو مخلفات تركة ديكتاتورية و لم يتكلم لل سي ان ان الا بما علموه اياه في دورات التوعية
 و المشكلة انو يلي بضعف حجة امريكا باتهامه ممارساتها القمعية و الغير مبررة  سلامي الى سوريا و انا متشوق اكثر من اي سوري الى خروجها الى النور 
"أوقفوا حجب أخوية في سوريا"
------------------- يا نبع المحبه.... عينك عَ وطنا ------------------- فلتحيا سوريا للأبد واكسيرها للخلود سيكون دماء محبيها .. ------------------- ساعدنا في الاشراف... استخدم زر المشاركة العاطلة |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 03:23 (بحسب عمك غرينتش الكبير +3)