|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
21/01/2009
|
#1 | ||||||
|
عضو
-- مستشــــــــــار --
|
هدية مالية
من فترة منيحة صار في مفهوم الهدايا المالية
عيد ميلا ، نجاح ، خطبة ، زواج ، طهور  ... الخ من مناسبات ممكن يصير فيها تبادل هدايا ،صار احد الاحتمالات هية الهدية المادية بيني وبينكم هية فعالة كتير وبتريحك من الحيرة بالهدية خصوصا وقت شخص ما بتعرفه منيح وما بتعرف شو بحب وشو ما بحب فبتضيفه مصاري ليتصرف فيها على كيفه ومنها بتضمن انه بده يستفيد من هديتك ومنها بتكون طلعت من مشكلة : " شو ممكن اضيفه ؟! " بس هل يا ترى بتحمل شي معاني الهدية العادية !؟ وشو كان بالاصل الهدف من الهدية ؟!
رايحة تزور
كوخ مسحور |
||||||
|
|
21/01/2009
|
#2 | ||||
|
عضو
-- زعيـــــــم --
|
هلا الهدية المالية احنا بنسميها عنا بالاردن (نقوط) الها عدة فوائد
مرات ممكن تجيب هدية وما تكون ع زوء او مقاس الشخص.... الخ وتنركن عندو لهيك المصاري بتكون متأكد انو رح يعمل فيها شي مفيد هلا متلا بالاعراس لنقوط بيفيد وبحسو شكل من اشكال التكافل الاجتماعي خصوصي لما يكون العريس دخلو محدود والزواج بكسر الضهر ف انا بشوف الهدية المادية شي منيح
*هنا يرقد جبر من بطن امو للقبر
*بحب اللي بحبو المنسف |
||||
|
|
|
21/01/2009
|
#3 | ||||||
|
مشرف
|
انا اشوفها مع الاشخاص القراب او الاصدقاء المقربين ..... مو حلوة الهدية المالية
و يمكن حتى عيب  من ناحية هي هدية عملية ... و ما تكلفك وقت و تفكير و تدوير بالسوق ... بس من ناحية ثانية الهدية العينية ... تكون تذكار يتذكروك فيه دائما احسن من اوراق مالية رح تنصرف بعد فترة و تختفي ... و بالنسبة للناس اللي العلاقة معهم رسمية ... الهدية المالية مو عيب 
أدعى الناس الى الشفقة ذلك الي يحول أحلامه الى الفضىة و الذهب.. جبران خليل جبران
اذا كان العالم اشتراكيا بالفطرة و رأسماليا بالفطرة و ربما قوميا بالفطرة ... فهل يا ترى كان رجعيا بالفطرة ؟ لن نبق اسرى الماضي ... |
||||||
|
|
|
21/01/2009
|
#4 | ||||
|
مشرف متقاعد
|
ما في شي بحسو مزعج قد انو حدا يعطيني مصاري على انها هديه
فعلا بزعل وما بقبل آخد المصاري .. انو بدو يهديني ولا يشحدني  انو الهديه مهما تكون بسيطه ( ممكن قيمتها اقل من المبلغ نقدي ) .. بس كتير بتكون مأثرة اما اللي ما بدو يتعب حالو ويفكر شو الهديه المناسبة .. لا يتعب جيبتو وبلاها المصاري
عجبت لمن شك في الله وهو يرى خلق الله
___ |
||||
|
|
|
22/01/2009
|
#5 | ||||||
|
مشرف متقاعد
|
هلا انو تقدم مصاري؟؟ انا ماكتير بحبذ الفكرة هي فكرة عملية وانو ازا مابتعرف شو رح تجيب اوكي حلوة الفكرة.. هلا هون محل مو اعدة في فكرة الـ gift cards وهيي اللي بتحط عليها مصاري وانو هوي بيشتري اللي بدو ياها...وهيي بتصير حسب انو ازا بتعرف هالشخص بيحب هالمحل الفلاني بس مابتعرف شو تجبلو...فيك تحط المبلغ اللي بدك ياه ع هالكرت..وتعطيه ياه..وهوي بيقدر يروح يشتري اللي بدو هي بحبذها اكتر بس بيضل للهدية المعنوية وقع عالنفس اكتر...حتى لو ماعجبت الشخص اللي حيتلقاها
قالت سفيرتي للنجوم الكذبة مش خطية
الصفر اكبر من اي عدد اصغر منو أنـا لـحـبـيـبـي وحـبـيـبـي إلـي، فـيـا عـوازل فـلـفـلـو... لِـ عـيـنـيـك أتـلـو صـلـاتي: أنـتَ ابـتـدائـي وأنـت انـتـهـائـي بكرا التغيير جاي على ايدنا نحنا جايي... Baby!! you are like my own personal brand of heroin |
||||||
|
|
|
22/01/2009
|
#6 | ||||||
|
عضو
-- أخ لهلوب --
 |
ليش لاء الفكرة ظريفة
يعني اهديني مصاري احسن ما تهديني شي تاني يمكن بتفك ازمة او مشكلة و بترجع لطبيعه العلاقة بين الاشخاص بس احلى هدية (لما بنت بتهدي شب شي مبلغ محترم انوو روووح مني الك 
بالنسبة لبكرا شووووووو..............
http://kingjbr.page.tl/ ان الجرح الذي يحك بكثير من الاهتمام .....يولد اللذه في النهاية |
||||||
|
|
|
22/01/2009
|
#7 | ||||||
|
عضو
-- قبضاي --
|
هي اريح شي.. عطين مصاري و هني بيصتفلو شو بيعملو فيا.. مين عاد الو خلق بينزل عالسوق و بيدور على هدايا ..اي انا كلما بسمع كلمة سوق بمرض  
Jesus have Merci
16-09-2005 بيكفيكون...حاجة زعبرة... |
||||||
|
|
|
22/01/2009
|
#8 | |||||||
|
عضو
-- مستشــــــــــار --
|
اقتباس:
متل ما قلتي المصاري حلوة خصوصا وقت بكون واحد محتاج الها بتجي بتفك ازمات كتيرة . ووقت بتكون الهداية غير مفيدة بتجي المصاري انفع للانسان اللي عبتلقاها من الهدية بحد ذاتها بس ما كأن وقت بدها المصاري تصير هدية بدا تفقد قيمتا المادية ؟! الشي بيرجع بحسب مفهوم (( الهدية )) بالنسبة لكل شخص بس انتي بحسب مفهومك بتقدري تتذكري شي وحدة من هلنقط اللي نقطولك ياها اهلك او حدا من قرايبينك ؟! ويا هلا |
|||||||
|
|
|
22/01/2009
|
#9 | |||||||
|
عضو
-- مستشــــــــــار --
|
اقتباس:
انا عندي المقربين بضيفوا مصاري (( كونن من اهل البيت )) والبعاد بضيفوا هدايا ملموسة  بس لهلق ما فهمت معادلة العيب ومش عيب |
|||||||
|
|
|
22/01/2009
|
#10 | |||||||
|
عضو
-- مستشــــــــــار --
|
اقتباس:
انه المصاري كتير اوقات بتنفع اكتر من الهدايا الملموسة كونك بتقدر تصرفا بالمحل اللي بدك ياه والمحل اللي انت فعلا محتاج اله وبتحل ازمات كتير خصوصا اذا كنت عامل عرس ودافع عليه هديك الحسبة فبتجي البحصة اللي بدا تسند الجرة بس في الها شي قيمة فعلية ولا الهدايا الملموسة قيمتها اعلى واكتر ؟! |
|||||||
|
|
|
22/01/2009
|
#11 | |||||||
|
عضو
-- مستشــــــــــار --
|
اقتباس:
انه بدل ما تقدم المصاري بظرف صغير بتروح على البنت بتحط المبلغ هنيك .. يعني اختلفت الطرق والمفهوم واحد يعني بدك تقوليلي انك بتحبذي مثلا يجيكي على نجاحك 15 طقم فناجين قهوة على انه يصلك مصاري تصرفيها بالمحل اللي بدك ياه ؟! ** هاموش : على فكرة الهدية المادية اختراع شغل ايا بلد على حد علمك يعني فين بديت هون ولا هنيك ؟! |
|||||||
|
|
|
22/01/2009
|
#12 | |||||||
|
مشرف
|
اقتباس:
نفس الشي، المقربين جدا (الجد - العمة ... الخ) يجوز يعطوا هدايا مالية بس الاصدقاء المقربين الك ..... يجيبوا هدايا ملموسة العيب .. انو ممكن تجي من باب ... روح انت اشتري اللي بدك ياه .... ! يعني الهدية المعنوية ... فيها تقدير اكبر للشخص ... حتى لو ما تفيدوا 100% .... يعني صحيح المبلغ افضل من مزهرية او خاتم ذهب من الناحية العملية .... بس مو حلوة بحق المقابل بس في شي مو حلو ... انو الهدايا تتنقل بين البيوت ..... و لذلك نشوف يحتفظوا بورق الهدايا (التغليف) حتى ما يغلطوا و يؤجعوا نفس الهدية للشخص اللي هداها سابقا |
|||||||
|
|
|
22/01/2009
|
#13 | |||||||
|
مشرف متقاعد
|
اقتباس:
هلا مشان اصة الاعراس بشكل خاص...ع حد علمي ومتل مابشوف انو الهدية المادية(المصاري) هيي اللي بتتقدم حصرا فانو بالاعراس مافي هيك اختلاف اجتماعي فيني قول...الا في حال حدا كتييييييير قريب من العيلة بالاضافة للمال اللي بينحط نهار العرس في هدية تانية بيكون العرسان بحاجة الها بس انو ازا بمناسبة اجتماعية تانية...بحسها انو لسا مااخدت القبول الاجتماعي الكافي... ومشان الهاموش: بعتقد عنا بديت ابل بسبب الهدية الاجتماعية بالاعراس بس ماعندي فكرة ايمت بديت هون |
|||||||
|
|
|
22/01/2009
|
#14 | |||||
|
عضو
-- زعيـــــــم --
|
اقتباس:
وتخوزقو اصحاب العرس ! انو منين رح يغطو المصاريف ؟ بس بباقي مناسبات انا شخصيا ما بحب حدا يهديني مصاري لأنو ساعتها الهدية بتفقد قيمتها المعنوية وبتحسسني انو هالشخص ما جرب حتى يعطيني شوي من وقتو ومن تفكيرو لينقيلي شي ... انو لو أد ما كانت رمزية الهدية بتعطي الواد احساس انو لي قبالو فكر فيو مو خود هي مصاري وحل عن سمانا .. !! |
|||||
|
|
|
22/01/2009
|
#15 | |||||||
|
عضو
-- مستشــــــــــار --
|
اقتباس:
مع انه ولا مرة صدف وبنت ضيفتني مصاري بس عجبتني هيك بمجرد اني عبتخيل الوضع لأن وقت جدي مثلا بضيفني مصاري بقلي روح ابني اشتريلك شي بتنبسط عليه .. بس هلق ما عبتقدر اتخيل الحديث اللي ممكن يصير وقت بنت بدا تعطيه للشب مصاري انه روح حبيبي اشتريلك بهالمصاري باكيت ؟!خيو سؤال : في بذاكرتك شي هدية من هالنوع ؟! يعني كونك تحب هالهدايا وبتحسا مفيدة .. وقت بتذكر مثلا هلشخص وبتتذكر هدية قدملك ياها بكون في مصاري بالموضوع ولا بس الهدايا الملموسة هية اللي بتعلق بذهنك ؟! |
|||||||
|
|
|
22/01/2009
|
#17 | |||||||
|
عضو
-- قبضاي --
|
اقتباس:
لك خيو مو بس عملية, العالم صاير بدها مصاري ما بقت تسأل على هدية خصوصي بهالاوقات.. بعرف كتير عالم تجوزوا او انخطبوا و قالو للعالم المقربين الن انو ما بدهن هدايا, بدهن مصاري ليدفعوا حق الحفلة و ما الى هنالك. و هيك هيك ما بعتقد في حدا بيرفض مصاري..او ما في حدا ما بيحب المصاري  .. |
|||||||
|
|
|
22/01/2009
|
#18 | |||||
|
عضو
-- زعيـــــــم --
|
اقتباس:
هلا متلا بين المخطوبين والازواج الهدية المالية ما بتنفع بالمرة وكمان لحد مادياتو منيحه مو مناسبه ابدا انا كان قصدي مناسبه بمكانها الصح زواج ولادة تخرج وحسب معرفتك بالمهدي تاني شي الهدية المادية ما فيها لبس بقيمتها يعني متلا ممكن تاخد طقم كريستال لحد يقوم يرجعلك اياه طقم زجاج انو هاد متل هاد بس المصاري مصاري بدو يردها نفس القيمه |
|||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 17:15 (بحسب عمك غرينتش الكبير +3)