أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات عامة > الصـــــــــــالون

إضافة موضوع جديد  إضافة رد
 
أدوات الموضوع
قديم 01/04/2009   #1
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

افتراضي الـسطحيه ؟؟


مصطلح السطحيه مصطلح يطلق على الظاهر من أوجه المواد المستويه (( سـطح الماء , الطاوله , الأرض و حتـّى سـطح البنايه مثلا و الخ )) و تحوّل هالمصطلح لصفه بشريه تطلق على الناس الغير قادرين على النظر الى ما هو أبعد من سـطح الأمور و ظاهرها و عدم التفكير فيما وراء الامور و أبعادها ..


هل السـطحيه مرتبطه بالـذكاء \ الغبـاء عند الانـسان أم هي مجرد عاده ناتجه عن الاهمال ؟
هل هي مرتبطه بعمر معيـّن و هل هي مغفوره لأعمار دون أعمار ؟؟
هل نـحتاج نـاس سطحين في حـياتنا ؟؟
على مـاذا نـعتمد في محـاوره انـسان سـطحي و هل هـناك نتـيجه تـُرجى من الحوار ؟؟

هات لنـشوف سمـعونا آراءكم

من يومها صار القمر أكبر :)

______

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 01/04/2009   #2
صبيّة و ست الصبايا marioma alghzayala
مشرف متقاعد
 
الصورة الرمزية لـ marioma alghzayala
marioma alghzayala is offline
 
نورنا ب:
Nov 2005
المطرح:
SyRiA - DaMaS - HoMs
مشاركات:
7,105

افتراضي


هلأ السطحية هممممم ...

بشكل عام انا بعرّفا السطحيي على انها الاهتمام بالمظهر لا بالجوهر... يعني واحد بيحكم عالشغلات لمجرد كيف بتظهر ... مثلا: والله انا بحكم ع بنت انو صايعة لمجرد انا بتلبس لبس كتير فاضح ...

اقتباس:
هل السـطحيه مرتبطه بالـذكاء \ الغبـاء عند الانـسان أم هي مجرد عاده ناتجه عن الاهمال ؟


مشان اول سؤال ما بظن هيي بتكون مرتبطة بالزكاء ... يعني ممكن يكون هالشخص معقّد او مريض نفسي ... ممكن يكون الجو اللي عايش فيه هيك ... او ممكن يكون متعوّد ..يعني اخدا عادي ...


اقتباس:
هل هي مرتبطه بعمر معيـّن و هل هي مغفوره لأعمار دون أعمار ؟؟


ما بتصوّر انها مرتبطة بعمر معين ... يعني لو كانت هالشغلي معو من هوي وصغير .... كنا قلنا لسا صغير بس وين اهلو ؟ .. ولو هوي وكبير ع العن والعنين ...

اقتباس:
هل نـحتاج نـاس سطحين في حـياتنا ؟؟


لاء شكرا ..مو ناقصني

اقتباس:
على مـاذا نـعتمد في محـاوره انـسان سـطحي و هل هـناك نتـيجه تـُرجى من الحوار ؟؟


هلأ وقت اللي بكون عم حاكي شخص سطحي ... واللهي انا بطرح الافكار والشغلات اللي بفكر فيا ... وهوي يسطفل ... اقتنع اوكي ...ما اقتنع مشكلتو ... وبتصفي عنجد مشكلتو ....

وثانكس مراموش

انا بحبك وانت بتحبني ..وفخار يطبش بعضو




i miss you ....:sosad:

الخطأ الوحيد الذي يرتكبه الانسان هو الخطأ الذي لايتعلم منه شيئاً.
  رد مع اقتباس
قديم 01/04/2009   #3
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


اكيد السطحية مو مرتبطة بالذكاء او بالغباء..
من فترة اتعرفت على صبية بسيطة كتير .. وفيك تقول سطحية بامتياز بس بدون ما تكون سمعانة بكلمة سطحية وبحكم اني بشوفها كل يوم كان يصير احاديث بيناتنا كتير وكنت كرر انو الطريقة الفلانية بالتفكير سطحية وانو لازم نفكر بعمق اكتر من هيك ..
واتفاجأت بأنو الصبية اتغيرت كتير وصارت تعترف انها خجلانة من حالها كيف كانت تفكر.. وكيف كانت تحكم على الناس وعلى الامور..
الخلاصة..
انو احيانا في اشخاص بيكون بدهون دفعة بسيطة ليشوفو الامور متل ما هيي وطالما الشخص مخو منفتح على الاخرين فممكن كتير انو يتغير.. يعني بمعنى اخر الانسان السطحي ممكن محاورتو بس بشرط ما يكون منغل لانو المنغلق مو ممكن يسمع غير حالو

طائر واحد يكفي لكي لا تسقط السماء
فرج بيرقدار
  رد مع اقتباس
قديم 01/04/2009   #4
صبيّة و ست الصبايا nour333
عضو
-- زعيـــــــم --
 
الصورة الرمزية لـ nour333
nour333 is offline
 
نورنا ب:
Nov 2006
مشاركات:
1,010

افتراضي


بجوز الحياة اللي عايشينها بطريقة لا أرادية بتفرض علينا مرات نكون سطحيين او مرات بنتعلم السطحية من الاشخاص اللي بيفرض علينا مجالستهم بالحياة كزملاء العمل او الاقارب والجيران
وسطحيه بتكون في اشياء وأشياء يعني مرات بنحكم ع الامور بشكل سطحي لأنو ما بنكون على درايه فيها وما عنا الوقت بهالزمن لهيك تعودنا ناخد كلشي ع الماشي
اما نفس الامور لو كان عنا وقت كافي كنا ما تعاملنا معها بسطحيه
يعني بعتقد السطحية مرتبطة بالزمان والمكان

*هنا يرقد جبر من بطن امو للقبر

*بحب اللي بحبو المنسف
  رد مع اقتباس
قديم 01/04/2009   #5
صبيّة و ست الصبايا Marooshe
عضو
-- زعيـــــــم --
 
الصورة الرمزية لـ Marooshe
Marooshe is offline
 
نورنا ب:
Apr 2008
مشاركات:
1,420

افتراضي


السطحية وباء فتاك عم يتفشى بصفوف المجتمع بشكل ملحوظ جداً ،

اقتباس:
كاتب النص الأصلي : The morning عرض المشاركة

هل السـطحيه مرتبطه بالـذكاء \ الغبـاء عند الانـسان أم هي مجرد عاده ناتجه عن الاهمال ؟
عطول كنت اعتقد انو العوامل الرئيسية للسطحية هيي البيئة الاجتماعية السياسية لي ربيان فيها الشخص ،
بس السطحية او عدمها بيتفاوتو عند الاشخاص لي ربيانين بنفس البيئة .. فبتلاقي عندك بنفس البلد او بنفس الحارة ناس سطحيين حتى العظام وناس ما بيمتو للسطحية بصلة ..

بعتقد ، انو بالاضافة للبيئة الاجتماعية السياسية لي ربيان فيها الشخص ، العوامل الاكثر تأثير على مقياس السطحية هيي تركيبة الشخصية والتنشأة والتنمية الذاتية لي بيهتمو فيها الاهل او المحيط القريب ..

اقتباس:
هل هي مرتبطه بعمر معيـّن و هل هي مغفوره لأعمار دون أعمار ؟؟
ما فينا نتوقع مثلا من طفل او مراهق انو ياخد المنحنى الاعمق للامور وما يفكر بسطحية ،
توقعاتنا بتبلش عند سن البلوغ وقت ما يبدا الشخص بتكوين ذاتو وبصقل شخصيتو .. العمر وباقي التوقعات مرتبطين دايما بدالّة تصاعدية .. فـ كل ما زاد العمر كذلك التوقعات بتزيد ..

اقتباس:
هل نـحتاج نـاس سطحين في حـياتنا ؟؟
ازا كانت صيغة السؤال معكوسة ، ساعتها الجواب رح يكون اي .. الى حد ما ..
بحياتي ما احتجت وجود انسان سطحي بحياتي .. عادة نحنا منحتاج وجود الاشخاص لي فيهن يقدمو او يضيفو شي ع حياتنا .. وانا شخصيا ما بنتظر وما بتوقع اي شي من السطحيين،
بس العكس ممكن يكون جدا صحيح ..

اقتباس:
على مـاذا نـعتمد في محـاوره انـسان سـطحي و هل هـناك نتـيجه تـُرجى من الحوار ؟؟
من الاساس ما بتحمل اني حاور شخص سطحي ، الا في حال كان هالشخص بيهمني ،
فبيصير الحوار واجب والنتيجة المرجية هدف ..




  رد مع اقتباس
قديم 01/04/2009   #6
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
هل السـطحيه مرتبطه بالـذكاء \ الغبـاء عند الانـسان أم هي مجرد عاده ناتجه عن الاهمال ؟
طبعا مرتبطة بالذكاء لكن بنفس الوقت مانها نتيجة اهمال بأغلب الأحيان
فالسطحي بالتفكير مانه فاعل بهلموضوع انما مفعول به
فكون الذكاء صفة لا يمكن التحكم بها بشكل مطلق ، يعني بأحسن الاحوال يمكن تطويرها وتهذيبها .. تماما نفس الشي بينطق على السطحية بنظري .. انه يمكن معالجتا وتحسينا بس السطحي بيبقى سطحي بمعالجته للأمور وتفسيره للوقائع .

اقتباس:
هل هي مرتبطه بعمر معيـّن و هل هي مغفوره لأعمار دون أعمار ؟؟
لا اكيد لا ، بالمراهقة بمر الانسان بفترة سخافة او مياعة بمحاولة لجذب النظر بس ما بعتقد انه بمر بفترة غباء وهبل مزمن



اقتباس:
هل نـحتاج نـاس سطحين في حـياتنا ؟؟
اكيد ضروريين .. فلولا وجودن لما شفنا ناس مميزين
وبيفعوا كتير بعملية تكملة العدد .. خديها عن خبرة شخصية بينفعوا كتير

اقتباس:

على مـاذا نـعتمد في محـاوره انـسان سـطحي و هل هـناك نتـيجه تـُرجى من الحوار ؟؟

اذا حسيت في امل اني وصل معه لنتيجة او ينتهى الحوار بعدم انفلاجي وتسقيط عضو من اعضائي بكمل معه .. بس أغلب الاحيان ما بتزبط لأن عندي مشكلة بالعصبية وما بستحمل عيد واسأل كتير بالبديهيات

فجواب على ماذا تعتمد .. بعتمد على اسخف الامثلة للشرح على امل انه يقدر يستوعب الشي اللي عما قوله ويفهم المعنى اللي بدي وصله ياه

هل هناك نتيجة ترجى ؟ من جهتي صرلي عبنحت كتير ولهلق ما وصلت لشي عليه القيمة بس لازلنا نجاهد بحثا عن المرحومة امل طول الله بعمر اختا رجاء

رايحة تزور
كوخ مسحور
  رد مع اقتباس
قديم 01/04/2009   #7
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

افتراضي


اقتباس:
بشكل عام انا بعرّفا السطحيي على انها الاهتمام بالمظهر لا بالجوهر... يعني واحد بيحكم عالشغلات لمجرد كيف بتظهر ... مثلا: والله انا بحكم ع بنت انو صايعة لمجرد انا بتلبس لبس كتير فاضح ...
ايوا .. هي هيـّه تماما اللي عم نحكي عنها ..
اقتباس:
مشان اول سؤال ما بظن هيي بتكون مرتبطة بالزكاء ... يعني ممكن يكون هالشخص معقّد او مريض نفسي ... ممكن يكون الجو اللي عايش فيه هيك ... او ممكن يكون متعوّد ..يعني اخدا عادي ...
اي قال حدن تكون احدى هوايته السـطحيه و ركوب الخيل


اقتباس:
ما بتصوّر انها مرتبطة بعمر معين ... يعني لو كانت هالشغلي معو من هوي وصغير .... كنا قلنا لسا صغير بس وين اهلو ؟ .. ولو هوي وكبير ع العن والعنين ...
هون بقا انا ما فهمت شو قصدك بس من وجهه نظري أنا انها بترتبط بالعمر .. و لكنها بتتناسب معو بنفس الوقت .. يعني الأطفال الـصغار بـسيطين و بياخدو الأمور بسـطحيه بالنسبه النا نحنا الأكبر منهم بينما المشكله لما بكون طفل صغير سطحي بالنسبه لعمره يعني اقرانه بيقدرو يفكرو لبعيد بالقصص هو لا .. هون بـقى تبدأ المشـكله ..


اقتباس:
هلأ وقت اللي بكون عم حاكي شخص سطحي ... واللهي انا بطرح الافكار والشغلات اللي بفكر فيا ... وهوي يسطفل ... اقتنع اوكي ...ما اقتنع مشكلتو ... وبتصفي عنجد مشكلتو ....
انو اذا فرضنا انو يصطفل بس ما بيجلط بالله بالله ما بجيب الجلطه و الـسكري و الضغط ؟؟
اقتباس:
وثانكس مراموش
شفتيني بالله ما أحلاني و أنا عم اكتب مواضـيع بالـصالون شو طالعه كول
  رد مع اقتباس
قديم 01/04/2009   #8
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

افتراضي


اقتباس:
كاتب النص الأصلي : Nay عرض المشاركة
اكيد السطحية مو مرتبطة بالذكاء او بالغباء..
من فترة اتعرفت على صبية بسيطة كتير .. وفيك تقول سطحية بامتياز بس بدون ما تكون سمعانة بكلمة سطحية وبحكم اني بشوفها كل يوم كان يصير احاديث بيناتنا كتير وكنت كرر انو الطريقة الفلانية بالتفكير سطحية وانو لازم نفكر بعمق اكتر من هيك ..
واتفاجأت بأنو الصبية اتغيرت كتير وصارت تعترف انها خجلانة من حالها كيف كانت تفكر.. وكيف كانت تحكم على الناس وعلى الامور..
الخلاصة..
انو احيانا في اشخاص بيكون بدهون دفعة بسيطة ليشوفو الامور متل ما هيي وطالما الشخص مخو منفتح على الاخرين فممكن كتير انو يتغير.. يعني بمعنى اخر الانسان السطحي ممكن محاورتو بس بشرط ما يكون منغل لانو المنغلق مو ممكن يسمع غير حالو

اي بتفق معك بانو ممكن محاوره الشـخص الـسطحي و خليني ذكر انو المحاوره ما دائما هدفها اقناع الاخر بوجه نظرنا النا يعني بيقدر يضل عنده وجهه نظره لكن يتفهم وجهه نظرنا .. المهم .. عن صـديقتك او زميلتك فـبرافو يعني من الجيد انها قدرت تتخطى هالامر لأنو ما عاده أمر سـهل الواحد يغيّر طريقه تفكيره و تعاطيه مع الامور و لـكن هل من الممكن يا ترى أنـّو اذا حضرتك بعدتي عنها ترجع لسـطحيتها ؟؟
  رد مع اقتباس
قديم 01/04/2009   #9
شب و شيخ الشباب عياش
عضو
-- أخ لهلوب --
 
الصورة الرمزية لـ عياش
عياش is offline
 
نورنا ب:
Aug 2006
مشاركات:
292

افتراضي


بظن مشكلة السطحية مرتبطة بشكل وثيق بأمرين أولهما بنمط تربيتنا التسليمية التي لا تقبل النقاش بالمبدئيات وأساسا تعتمد على فرض الأوامر من طرف واحد على مبدأ نفذ ثم اعترض وثانيهما مناهجنا الدراسية التي أيضا تعتمد على التسليم بالحقائق والمعلومات وتخزينها دون تحليلها او نقاشها فبيطلع الولد شايف الدنيا ببعدين فقط يعني سطحي (فلاترون) وهيك بيكون مواطن صالح لأنو ما بيسأل ليش وكيف وشلون.
وزاد على الموضوع كمان عملية الانفتاح الاقتصادي والتقني يلي حولت اهتمام الناس لتقنيات وأنماط جديدة ما كانوا بيعرفوها وحصرت اهتمامون فيها.

لو كان نبيٌّ مصابًا بالبَرَص، بُعِثَ إلى قوم من البُرْص، لكانت الإصابة بهذا الداء شرطًا من شروط الإيمان بالله.
.
.
.
عندما أصر على أن أجعلك شبيها بي، فأنا في الواقع أصر على أن ألغيك.
  رد مع اقتباس
قديم 01/04/2009   #10
شب و شيخ الشباب ..Jimy
عضو
-- قبضاي --
 
الصورة الرمزية لـ ..Jimy
..Jimy is offline
 
نورنا ب:
Aug 2006
المطرح:
بمدينة الياسمين..بس حياتي بالوادي
مشاركات:
731

افتراضي


يمكن لو الحكيم مو حلو ما كنت سجلت بأخوية ..


أي ..
بالنسبي للسطحية..
خيتو فيني إلك انو تفكيري مو سطحي..
بس مافيني إلك بنوب أنو ما بهتم بالمظاهر..
لا وسعدو.. بهتم جدا جزيلاً..وبظن انو المظهر مهم جدا.. كون هوي أكتر الأمور وضوحاً ..

كما انو نحنا كبشر لا إراديا.. عنا شي من السطحية ..
إذا بتلاحظي الشخص الحلو منحاول نتقرب منو أكتر من غيرو.. منكون لطيفين.. مرحين ..
ومنرتحلو اسرع.. بغض النظر شخصيتو.. أو تفكيرو..

وطول ما أنو مظهر الشخص بغير طريقة تعاملنا معو..فهيدا بيعني انو عنا شي من السطحية ..



At the end everything will be OK..
If it's not OK..
So...it's not the end.

"Sa'do I Trust In U"
It's Kind Of Revolution
A m a r t a
  رد مع اقتباس
قديم 01/04/2009   #11
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : The morning عرض المشاركة
هل السـطحيه مرتبطه بالـذكاء \ الغبـاء عند الانـسان أم هي مجرد عاده ناتجه عن الاهمال ؟
من خلال خبرتي بالمحيط العربي



السطحية هيي جينات بتخلق مع البني آدم



يعني في كل بني آدم منشوفو .... لو دخلتوه السوربون و الاكسفورد مع بعض ..


و اجاه الله يعطيه دروس خصوصية ....

رح يضل سطحي








و ثقيل

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 01/04/2009   #12
صبيّة و ست الصبايا nour333
عضو
-- زعيـــــــم --
 
الصورة الرمزية لـ nour333
nour333 is offline
 
نورنا ب:
Nov 2006
مشاركات:
1,010

افتراضي


اقتباس:
كاتب النص الأصلي : ..Jimy عرض المشاركة
يمكن لو الحكيم مو حلو ما كنت سجلت بأخوية ..


أي ..
بالنسبي للسطحية..
خيتو فيني إلك انو تفكيري مو سطحي..
بس مافيني إلك بنوب أنو ما بهتم بالمظاهر..
لا وسعدو.. بهتم جدا جزيلاً..وبظن انو المظهر مهم جدا.. كون هوي أكتر الأمور وضوحاً ..

كما انو نحنا كبشر لا إراديا.. عنا شي من السطحية ..
إذا بتلاحظي الشخص الحلو منحاول نتقرب منو أكتر من غيرو.. منكون لطيفين.. مرحين ..
ومنرتحلو اسرع.. بغض النظر شخصيتو.. أو تفكيرو..

وطول ما أنو مظهر الشخص بغير طريقة تعاملنا معو..فهيدا بيعني انو عنا شي من السطحية ..

هلا بجد الحكيم حلو يعني احلى من براد بيت
بصراحه انا معك في هاي النقطة بحس انو الجمال جواز سفر للبني آدم والشخص اللي مو جميل يا رب سامحني ما فيك تتحملو يعني متلا انا من ناحية الارتباط ازا اجت وحده حكتلي عن شب بقلها جبيه اشوفو والله شكلو مش ولا بد (كأغلب الاحيان ) بصير الواحد يرفع بطلبات اما ازا حلو والله الواحد بفوت ما تقولو هاي سطحية هاي شغلة من الله
  رد مع اقتباس
قديم 02/04/2009   #13
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


سابقاً كنت -ربما بدافع الغرور أو الجهل- أجد سهولة في تصنيف الناس حسب رؤيتي لعمقهم و ذكائهم و فهمهم و استيعابهم... الخ. لكنني تعلّمت بالحكمة أنه مهما كنّا "عميقين" (و قد لا نقول عن نفسنا زوراً انما نحن فعلاً عميقين) هناك من يمكنه بسهولة جعلنا نرى نفسنا سطحيين أمامه, و عندها -كبادرة دفاع عن النفس و حماية للذات- سنحاول اقناع نفسنا أنه هو السطحي و ليس نحن.



لذلك.... لا أجرؤ منذ زمن بعيد على اطلاق هكذا حكم..




أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 02/04/2009   #14
شب و شيخ الشباب Dndoshy
عضو
-- قبضاي --
 
الصورة الرمزية لـ Dndoshy
Dndoshy is offline
 
نورنا ب:
Jul 2008
المطرح:
بالبار..
مشاركات:
499

افتراضي


السطحية مانا مرتبطة بالغباء أو الذكاء..يمكن بالجهل
والسطحية أكيد مانا مرتبطة بعمر معين

أكيد بنحتاج ناس سطحيين بحياتنا..وأنا كتير بسطّح حالي وقت كون معون
بالنسبة للحوار..ممكن الحوار بالشغلات السطحية بس أما غير هيك..فمستحيل


عـ العموم السطحية ما في مفر منّا..ما فينا نعيش بلا السطحية


-----على الهامش-----
أنا قبل ما أعرف أخوية كنت كتير سطحي..بس هلّق مدري أيشو صرلي..صاير ماني مأقدر حاكي رفقاتي..خصوصا البنات

merry christmas

لا تجحّش..محسوبك أجحش

"من كان منكم بخطيئة .. فليرمنا ببطحة فودكا":Marooshe

Sa'do I Trust In U
  رد مع اقتباس
قديم 02/04/2009   #15
شب و شيخ الشباب طوروس
عضو
-- أخ لهلوب --
 
الصورة الرمزية لـ طوروس
طوروس is offline
 
نورنا ب:
Nov 2007
المطرح:
بآخر السما طالع ع الشام
مشاركات:
344

افتراضي


يسعد اوقاتكن ياحلوين

السطحية او تسطح المخ فكرة اجت من من شكل الجمجمة لانو الحالة الحيواني عامة بيكون شكل الراس من

الامام فيه مسطحات ماعدا الانسان يحمل الراس الكروي تقريبا ولانو مالاحظنا نسبة ذكاء عالية الا عند الانسان

فهوي الكائن لوحيد اللي بيتميز بالذكاء والراس الكروي صارو مرتبطين ببعض

بعتقد الى حد ما انو السطحية مرتبطة الى حد ما بنسبة الذكاء لانو الذكي بيشوف لبعيد وبيقرا بين السطور

وبيحسبها صح والى اخر ماهنالك بس ممكن اذا صابو مرض الغرور يترافق مع شي من السطحية

وكمان بعتقد انو السطحية مرتبطة الى حد ما بدرجة النضوج مثلا المراهق او المراهقة اجمالا البوصلة عندهن

باتجاه واحد وهادا برايي حالة من السطحية ممكن تعبر عن حالها بلبس مغري او رغبة باستعمال مواد التجميل

والتزيين ممكن يكون كمان التدخين كرمال الاحساس بالرجولة الخ الخ

واكيد مافي داعي انو نحتاج سطحيين لانو ماننا بحاجة مقارنات بحاجة طاقات

واما التحاور مع شخص سطحي اكيد اهم شي بالاول انو نخليه يقتنع انو عندو اكتر من 98% من طاقة مخو معطلها

عن العمل ونقنعو انو حتى مايكون سطحي مافي داعي يعذب حالو ويستعمل هالنسبة الكبيرة العاطلة

عن العمل بيكفي يزيد نسبة 1% حتى يصير كويس و1% تانية حتى يصير ذكي جدا

يعني نخلي الرجال يستعمل 4%من طاقة مخو ومانستغل سطحيتو للتأفيل على سماه

ماااااااااااااااااششكورين

تقبلو مروري

صلواتي في
معبد الياسمين
m3bdalyasmin.ektob.com

حجبوها عن الرياح لاني

قلت ياريح بلغيها السلاما

لو رضوا بالحجاب هان ولكن

منعوها يوم الرحيل الكلاما
  رد مع اقتباس
قديم 02/04/2009   #16
صبيّة و ست الصبايا أم الجود
عضو
-- زعيـــــــم --
 
الصورة الرمزية لـ أم الجود
أم الجود is offline
 
نورنا ب:
Dec 2008
المطرح:
من فسط برج إيفل
مشاركات:
1,478

افتراضي


هاي افريبادي ..
شو آل سطحية ما سطحية ...
كيف يعني ؟؟؟ عاملين بارتي عالسطح ؟!!


و بحب الناس الرايقة اللي بتضحك على طـول D:
أما العالم المتضايقة .. أنا لأه ما ليش في دول
  رد مع اقتباس
قديم 02/04/2009   #17
شب و شيخ الشباب saman
عضو
-- مستشــــــــــار --
 
الصورة الرمزية لـ saman
saman is offline
 
نورنا ب:
Aug 2006
المطرح:
اليأس !
مشاركات:
2,220

إرسال خطاب MSN إلى saman إرسال خطاب Yahoo إلى saman
افتراضي


السطحية برأيي مو كتيير بحسها مرتبطة بالذكاء ..
بس انو في ناس بيكونوا اذكياء كتير وناجحين بعملهن ودراستهن ... بس اهتماماتهن كتير تافهة وسطحية !
بعتقد انها مرتبطة بالجو يلي عاش فية وتربى فيه مو اكتر .. يعني كيف اكتسب مفاهيمو واسلوبو بالحياة ...
وبحب زيد على افكاري م طرحو (عياش)
اقتباس:
بظن مشكلة السطحية مرتبطة بشكل وثيق بأمرين أولهما بنمط تربيتنا التسليمية التي لا تقبل النقاش بالمبدئيات وأساسا تعتمد على فرض الأوامر من طرف واحد على مبدأ نفذ ثم اعترض وثانيهما مناهجنا الدراسية التي أيضا تعتمد على التسليم بالحقائق والمعلومات وتخزينها دون تحليلها او نقاشها فبيطلع الولد شايف الدنيا ببعدين فقط يعني سطحي (فلاترون) وهيك بيكون مواطن صالح لأنو ما بيسأل ليش وكيف وشلون.
اقتباس:
هل هي مرتبطه بعمر معيـّن و هل هي مغفوره لأعمار دون أعمار ؟؟
هل اكيد فينا نغفر سطحية بعض المراهقين او الاطفال ...لنو لساتهن بطور النمو ولسا عقلهن يا دوبو عم يتفتح عالعالم ... فا لا توخزوهن ... او بالاحرى لا توخزونا
بس ابداً ما فيني اغفر لشخص فوق 20 ... عم يتعامل مع الامور بسطحية ...متل والله عقلو لساتو بالرفقات والروحة والجية وطق الحنك ... وعم ينسى انو هوي عم يكبر وعندو مسؤوليات عم تكبر معو !
اقتباس:
هل نـحتاج نـاس سطحين في حـياتنا ؟؟
هلأ انا بصراحة ما بحتاج .. عندي منهن كتييير لهدول
بس انو منحتاج ...؟؟ اي منحتاج ..
لأنو يا ستي ازا انتي دايماً كنتي بتنظري للامور بعمقها .. وفهمانة وقد حالك ... شو استفدنا ... بجوز هالسطحي ينظر للامور بسطحيتها ... وينتبه انو هيي غلط .. ويقدر ينبهك ....
يعني مو لازم دايماً يغررنا العمق ... في شي بالسطح بيستحق شوية اهتمام برأيي

اقتباس:
على مـاذا نـعتمد في محـاوره انـسان سـطحي و هل هـناك نتـيجه تـُرجى من الحوار ؟؟
ازا بدك تحكي مع شخص .. لازم تحكي بلغتو ...
برأيي ازا في شخص سطحي لازم نحاكيه بسطحية متل ما هوي بيحكي .. بس ..... بتوقع انو لازم نعمق بالحوار كل مرة اكتر بشوي ... نحاول نمشيه دادا دادا من السطح للعمق ...
هل مو مع كل الاشخاص ... منلاقي في نتيجة للحوار ... لانو في ناس بهايم(حاشى السامعين ) لو بتحكي معهن من هلأ لبعد شنة ... ما بيستوعبوا


هلأ بالنسبة لالي شخصياً .. السطحية وجودها ضعيف .. بس هاد ما بيعني انو مالها وجود
متل ما قلت قبل في شغلات بسطح الامور .... بتستحق الاهتمام ولو شوي
مثلاً انا بدي رافق شي حدا فهمان وكل شي ... بس ما عندو اهتمام بمظهرو ... ما فيني ضل معو ... هي شغلة سطحية بس بتستحق الاهتمام


و 10x عالموضوع

الكلُّ سفّاح و ابنُ سفّـاح
.
القومُ أبناء القومِ يا صــاح
.
عندهم الدّينُ زهقُ أرواح
.
والذّبحُ للنّاس نهجُ إصْلاح
  رد مع اقتباس
قديم 03/04/2009   #18
صبيّة و ست الصبايا ritka
عضو
-- قبضاي --
 
الصورة الرمزية لـ ritka
ritka is offline
 
نورنا ب:
Sep 2008
المطرح:
canada
مشاركات:
485

افتراضي


اول شي بنظري السطحية ما الها علاقة بالذكاء لا من بعيد ولا من قريب
لانو في كتير عالم و ناس بيكونو جدا ناجحين بدراستهم و و و الخ..
بس بيفكرو و بيتصرفو بطريقة جدا سطحية
بتخيل هالشي بيعتمد ع الوسط والمحيط و اكيد الرففقة بتلعب دور كبير

اما بالنسبة للعمر فلا ابدا ابدا هالشي ما بيرتبط بعمر لانو وللاسف قابلت ناس كبار بالعمر(فوق ال50 تحديدا)
و كانو اتفه من المراهقين!!!!
اما مشانا احنا بكرة منكبر و منعقل ليش ما تتحملونا؟

بعدين بالنسبة للسطحيين بحياتنا ف بحب احكيلك ايه نعم منحاتجهم جدا ( و بثقة كمان)
لانو شو الفايدة ازا كان كل العالم فهمانين و عميقيين؟ احنا منكمل بعض ايه متل ما بحكيلك منكمل بعض
و كل واحد فينا بيحتاج التاني بحياتو

الحوار مع واحد سطحي متل ما تفضل سامان بيك العظيم( مقتبس من التوقيع التاريخي) اعلاه انو بتكون هيك من السطح للعمق
يعني من الضروري انو تحاور كل واحد ع قد عقلو
و ازا مشي الحال مشي اما ازا حسيت انو والله ما في خواص خلص بلاها الشغلة انو لشو اكل الهوا؟


____

ع الهامش لسمان بيك العظيم: كتير بحب توقيعك

سأكتب جملة أغلى من الشهداء و القبّل:
"فلسطينية كانت.. و لم تزل!"

طلقة حب و طلقة نار و نسّم يا هوا بلادي :)

you are unique, just like every one else !
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 16:06 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.16770 seconds with 12 queries