|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
04/02/2006
|
#1 | ||||||
|
عضو
-- أخ لهلوب --
|
كيف تعرف أنك في الشام؟
لما بتمشي بالشارع وبتلاقي بني آدم (مع وقف التنفيذ) عم ينطوز نطوزة من فوق الاسوار مع انو الجسر او النفق يا دوب عشر متار قدامو، بتعرف انك بالشام. لما بتلاقي شرطي المرور ماشي على الموتور بعكس اتجاه السير مشان ما يعذب حالو ويلف من الشارع التاني (مع انو المازوت مو هو اللي دافع حقو)، بتعرف اننا عم نحكي عن شرطة الشام. لما بتركب بباص النقل الداخلي وبتلاقيه بيوسع (او بيجبروا إنو يوسع) لحد الـ 400 زلمة جلوساً ووقوفاً وتفعيساً (حتى أحيانا بيخطرلك تدق لموسوعة جينيس تسجلو أو لجمعية حفظ حقوق الباصات لانو لو هالباص كان الو روح كانت انتقلت إلى رحمته تعالى من زمان)، بتعرف انك بالشام. لما بتلاقي المحارم والكياس وعلب الكولا وغيرو عم بينلحش لحش من قلب السيارات على الشارع مع انو الشارع يا دوب الحكومة منضفتو، بتعرف انك بالشام. لما بتكون ماشي مروق الصبح والعصافير عم تزقزق من حواليك وفجأة بتلاقي واحد قدامك بالشارع عم يتنخع بنص الطريق (خع تفوووووووو)، بتعرف انك بالشام. لما الحكومة (وما رح بالغ إذا قلت) موظفة زبالين بعدد نجوك السما (فينا نقول زبال لكل مواطن) شغالين على مدى 24 ساعة ومع هيك بتلاقي الشوارع وسخة والعالم عم ترمي كياس الزبالة شي من عالاسطحة وشي من الشبابيك وشي ما بتعرف من وين جاية، بتعرف انك بالشام. لما بتلاقي زحمة عالسرافيس ولما يا دوب يعني يا دوب بتدحش حالك انت وكم زلمة بشي سرفيس وبعد شي حارة ولا حارتين واحد طلع معك من دقيقتين بقلو للسرفيس "عمهلك نزلنا هون" مع انو كان اسرعلوا يمشي من هالوقفة وهالخناق بس الافندي مو جاية على مزاجو يمشيلو شي شويتين مشان هيك اخد سرفيس (وبكون وقتها طبعا اخد مطرح شي واحد متاخر على وظيفتو ولا شي طالب على جامعتو) ، بتعرف انك واقف بمواقف الشام. لما سواق السرفيس بيوقف وين ما بدو وايمتى ما بدو مع انو في مواقف رسمية بكل شارع، ، بتعرف انك بالشام. لما بتطلع الصبح وبأمان الله يعني عم تحاول تبلش نهارك بنفس مفتوحة بتلاقي اللي قاعد جمبك ريحة تمو بتخنق من الدخان ومع هيك عم بحدث ويضحك "ملء فيه" أو بكون اكلو شي صحن فول من عالصبح ومو نسيان يفقس براسو شي راس بصل ، بتعرف انك راكب بباصات بالشام. لما بتكون عم تعيّش عيلة طويلة عريضة وفينا نقول عنك موظف عادي (ما رح نقول مثالي) بشي شركة خاصة، وفجأة بتلاقي حالك بالشارع لان مديرك سمع حكي عنك ما عجبو كتير، بتعرف انك بالشام. لما دكتور الجامعة بياخد راتب قد راتب الخريج العادي، وخريج الجامعة بياخد قد راتب اللي معو باكالوريا، واللي معو بكالوريا مو ملاقي شغل، واللي معو تاسع أبوه فاتحلو شركة خاصة، بتعرف انك بالشام. لما بتكون معك شهادة معهد ومع هيك عندك خبرة الف مهندس ومديرك بيعرف هالشي ومع هيك راتبك يا دوب عم بكفيك اللقمة لانو متل ما عم بقلك المعلك (عفواً المعلم) البلد هيك وشهادة المعهد مو قد المقام، بتعرف انك خريج الشام. لما بتكون رايح الصبح على الوظيفة (مو عامل شي) ومع هيك حاطط ايدك على قلبك وماسك وردة عم تنتف وراقها وعم تقول: يا اليوم بتقلع يا أما ما بتقلع - يا اليوم بتقلع يا أما ما بتقلع ، بتعرف انك متوظف بالشام. لما بيقطعولك خط التلفون لانك نسيت تدفع الفاتورة وما إجاك إنذار متل باقي البلدان تبع العالم والناس (مو تبعنا يعني) وبتروح و وشك أصفر على مركز البريد لتدفعها وانت عم تقول لحالك: "ولي على قامتي أكيد طلعت كتير عالية لحتى قطعولي ياه للخط) بتقوم بتلاقي فاتورتك (80 ل.س) يعني قيمة الاشتراك لا غير، بتعرف انك بالشام. لما الكهربا بتقطع وبتتصل على شركة الكهربا وبقولو ما في مشكلة وشوي بترجع ومع هيك بتضلك يومين تلاتة بدون لا كهربا ولا غيرو وعلى أثرها بتبظلها مدامتك (يعني مرتك) شي ولد عاشر لانو ما كان فيكن تتسلوا بالفرجة على التلفزيون، بتعرف انك عايش بالشام. لما بتروح عالجامع لتصلي وقلبك كلو نور وإيمان وبيغمى عليك بالركعة التانية لانو اللي قدامك مو غاسل جراباتو من شي شهرين تلاتة، بتعرف انك عم بتصلي مع أحد مصليين الشام. لك لما بتشغل التلفزيون وبتسمع أخبار صايرة عندك بالبلد ولما بتقلب المحطة على قناتك الفضائية (على اساس بدك تتابع الاخبار من قلب الحدث) وبتلاقي انو القناة ولا كإنو عندها خبر بالموضوع، ، بتعرف إنو عم نحكي عن قناة سورية الفضائية بالشام. لما بيجبروك تصف سيارتك بمرآب خصوصي مع إنو الشارع طويل عريض برة وما عليه عجقة ولاممنوع الصف فيه ولا حتى محطوط لافتة ممنوع الوقوف، بس لإنو صاحب الكراج عاطي الشرطي قرشين وقايلو يشحط كل سيارة رح ترفض تصف عندو، وبتقول لحالك ماشي الحال الله بعيننا رح نروح للمرآب وبتلاقي انو اللي رح تدفعوا هنيك ببساوي راتب شي 6 موظفين بالشهر وبقولولك عادي هيك الأسعار، بتعرف انك بالشام.
..........Silent Cries & Mighty Echoes.............
|
||||||
|
![post[field7]](images/gender/undisclosed.gif)
|
04/02/2006
|
#3 | ||||||
|
عضو
-- مستشــــــــــار --
 |
موضوع كبيروعلى الوتر ..... واذا بدها تنصلح ..بدنا نبدا بحالنا ... لأنو في كتير أخطاء مننا
ســــــــــــــــــوريا قلعة الصمود العربي
|
||||||
|
|
|
04/02/2006
|
#5 | ||||||
|
عضو
-- مستشــــــــــار --
  |
وين مابتروح بتتفشكل بكم عنصر تشكيلة من مخابراتنل الميمونة
بتكون بسوريا مو بس بالشام وين مابتروح على اي دائرة حكومية والشغل فيها حكلي لحكلك بتكون بسوريا مو بس بالشام
انسان بلا حدود
CHEGUEVARA انني احس على وجهي بألم كل صفعة توجه الى مظلوم في هذه الدنيا ، فأينما وجد الظلم فذاك هو وطني. EYE IN EYE MAKE THE WORLD EVIL "أما أنا فقد تعلمت أن أنسى كثيرًا، وأطلب العفو كثيرًا" الأنسان والأنسانية |
||||||
|
|
|
04/02/2006
|
#6 | |||||||
|
عضو
-- مستشــــــــــار --
|
حلو كتير
 و عجبتني هي اقتباس:
 على كل حال هلأ كريم رح يبطخ الموضوع من المنبر 
أعـشق عـمري لأنـي إذا مـتُّ أخجل من دمـع حـبـيـبـتـي ... و أمـي
______ في حضرة الإمبراطور اليوفي و الأسطروة دل بييرو .. يركع الملكي المدريدي ______ احذروا قناة العربية لأنها قناة حريرية عبرية أميريكية سعودية قذرة همها الأوحد تشويه صورة سوريا العظيمة |
|||||||
|
|
|
04/02/2006
|
#7 | |||||||
|
مشرف متقاعد
|
اقتباس:
وما اسمع غير صوت شي طبش ورايي (صوت عالي كتير كان) وطرطشني اندرت لورايي لقيت كيس زبالة وفيه قشور جبس يعني لو متأخر ثانيتين (ثانيتين بس) كان نزل فوق راسي والله واعلم شو كان صار براسي من ورا قشور الجبس
مافي امل
يلعن ابو التخلف ضاع الهدف ابرة ليساعد هلق لصلاح وعدتو بقى رئيدة زدير, اسيرا فهيم رايح |
|||||||
|
|
|
04/02/2006
|
#8 | |||||||
|
عضو
-- مستشــــــــــار --
|
اقتباس:
|
|||||||
|
|
|
06/02/2006
|
#10 | ||||
|
عضو
-- مستشــــــــــار --
|
حلو كتيير باسل
متل دائماً  
لا تـــحــــزن لأن الحزن يزعجك من الماضي
ويخوفك من المستقبل ويذهب عليك يومك لا تحزن لان الحزن يقبض له القلب ويعبس له الوجه وتنطفي منه الروح ويتلاشى معه الأمل لان الحزن يسرُّ العدو ويغيظ الصديق ويُشمت بك الحاسد ويغيِّر عليك الحقائق سعود الشريم |
||||
|
|
|
06/02/2006
|
#12 | ||||
|
مسجّل
-- اخ طازة --
|
كيف تعرف انك بالشام ؟؟؟؟
وانا سادلي بدلوي 000000000 لما كل ماتدخل على موظف يطلب منك رشوة وبكل وقاحة فانت بالشام 000 لما يطلب منك موظف الجوازات والجمارك وكل سوري تقابله اينما اتجهت ( اكرامية ) فانت يالشام0000 لما ينعرض عليك صبايا بائعات الهوى من قبل طحش ابو شنبات فانت بالشام 00000000 لما كل واحد يحاول يستغلك وينصب عليك فانت بالشام 0000 لما تتفشكل في كل متر بواحد شحات فانت بالشام 0000 لما تشوف ان عناصر المخابرات اكتر من الشعب فانت بالشام 0000 |
||||
|
|
|
06/02/2006
|
#13 | ||||||
|
عضو
-- مستشــــــــــار --
|
هلأ يا رافع راسك رافع غير شي .. مومهم ..
الموضوع مو موجه ألك ... هي أول شغلة .. بس بدي جبلك كم شغلة من بلادكم الكريمة ..ولو أني ما بحب هالشغلة ..بس أجبرتني .. كيف تعرف أنك بالسعودية .. لما تدخل على موظف وتعطيه ورقة ليشتغل فيها ويطلع ما يعرف لغو عربية .. لما تدخل على الحدود .. وكل هم موظفي الجمارك تفتيش أغراضك بس حتى يشوفوا اذا في معك صور ليشفوا فضولهم ويشوفوا الصور وليمنعوا الأفلام الإباحية ..على الرغم من أنو في ببيوتهم 10 قنوات إباحية .. وركوت فك التشفير تباع علنناً وبأرخص الأسعار .. لما تدخل على أطهر مكان للمسلمين بالعالم وتأتي بائعة الهوى وتعرض نفسها عليك ... لما تدخل على سوق من الأسواق وتشغل البلوتوث وتشوف أرقام الشباب متل الهبل يرسلوا أرقامهم للجميع ... والنساء والبنات بدهم من الله حد يتسلوا معه .. لما تدخل عائلة على مطعم أوتجلس بالبرية وتغطي نفسها بالبارتيشن ... أو تدخل على المطعم وتجلس داخل غرفة متل الحبس .. لما تتحدث مع بنت مع شاب وتسحب كل فلوسه وتسحب منه بطاقات جوال بس مشان يشوف ليديها أو وجهها لما بيمشي الأب لوحده بالأمام .. والنسوان وراه وبناته ... وهنن يطلعوا على كل شاب بالشارع .. لما بتوقف على إشارة المرور وبيجوك الشحادين متل النمل وما بتعرف من وين بدك تهرب منهم .. لما بتدخل على السوبر ماركت وبيبيعك بسعر والبقالة بسعر والأستراحة بسعر ومافي شي أسمو تسعيرة موحدة ولا تموين .. لما تشوف واحد هربان من شرطة المرور .. وبيلحقوه شي 15 سيارة شرطة .. وبالآخر ما بيمسكوه لما تشوف ضباط الشرطة والجيش وكل واحد كرشو قدامو متر ومافيه يركض 3 أمتار .. لما توقفك دورية شرطة ويمشكك 4 رجال شرطة وكل واحد منهم ما بيعرف يلقم المسدس وكل واحد منهم ما لعب رياضة بحياتو .. ولا عندو ربع عضلة .. وبتعرف بضمنك أنك لو بدك بتضربهم كلهم وبتعتقلهم كمان ..  لما بتنزل على السوق وبتشوف كيف أبناء الجنسيات التانية بتضحك على الدولة وبتبيع مكالمات دولية بشكل مخالف وبأسعار رخيصة جدا مقارنة مع الدولة لما بتشتري بطاقة شحن جوال .. وبتفتحها بتطلع فاضية .. ورصيدها مسروق .. لما بتنزل على السوق .. وبإذن الجامع .. وما بيضل محل فاتح .. الكل بيسكر ..مو حباً بالله ولا إيماناً ... بس خوف من هيئة الأمر بالمعروف والنهي عن المنكر لما بيجو جماعة الهيئة وبيتدخلوا بكل شي والشرطة ما ألها أي دور بالموضوع ... لما واحد بيكون متهم بتهم الأغتصاب والسرقة وما شابه .. ومحكوم بالسجن الطويل .. وبيطلع من السجن بس لأنو حفظ القرآن .. وبيصير من رجال هيئة الأمر بالمعروف والنهي عن المنكر .. بعد ما كان أوسخ رجل وأعرص واحد .. لما بيجيك تلفون بنص الليل من وحدة بس بدها تسمع صوت رجال مشان ؟؟؟؟؟ حاج ولا بيكفي ... روح حبيبي روح ... ألعب بعيد أحسن ما أهزأك ... بلدكن كلها مشاكل ومصايب وبعدك عم تحكي على سوريا ... لما بتوصلوا لربع ربع سوريا ... تعال كلمني |
||||||
|
|
|
07/02/2006
|
#14 | ||||||
|
عضو
-- مستشــــــــــار --
|
أخلاقي ما بتسمحلي رد عليك
|
||||||
|
|
|
07/02/2006
|
#15 | ||||||||
|
عضو
-- قبضاي --
|
اقتباس:
عاد تصدق ياصياد الطيور آخر واحد توقعته يرد الإسائه بالإسائه بهذا المنتدى هو انت  بس مو مشكله بس بعقبلى شغله وحده من الي قلته كله اقتباس:
وهذا غلط كبير انك تحكم على الواحد من ماضيه والله الهادي لسواء السبيل
قريباً قريباً قريباً
:": الجزء الثاني من (سلسلة السعوديه أحلى بلد بالــكــون) :": .............................................................................. السعوديه أحلى بلد بالكون والواحد بيقول ضميرو ................................. جـــــــــــــاكم الــــــصـــقــــــــــر --------------------------------------- ....::"::....حــــزب المشكلجيه....::"::.... |
||||||||
|
|
|
07/02/2006
|
#17 | ||||||
|
عضو
-- مستشــــــــــار --
|
يا غالي صاحبك أساء لنا كتير لهيك رديت عليه .. ولا أنا ما أرد على المهاترات .. ومن بداية ردي أنا كتبت أنه أجبرني على الرد .. أما أنك تقارن عمر بن الخطاب باللوطين وأمثاله فهذا كثير ...يعني أنت ولا أنا أكيد مش أكر م من ربك ...بس بنفس الوقت مو معقول تقارن شخص تعامل مع الرسول الكريم بشخص يتعامل مع عامة الناس .. وما فينا ننكر مصالح الرجال الي بيصيروا من رجال الهيئة ...وأنا بعتذر إذا أسأت للعشب السعودي .. بس صاحبك أجبرنا .. وأكيد قرأت كلامهم وتهجمه كلام غير مقبول أبداً |
||||||
|
|
|
07/02/2006
|
#18 | |||||
|
عضو
-- قبضاي --
|
اقتباس:
كسحته بجدارة  |
|||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 18:44 (بحسب عمك غرينتش الكبير +3)