من يدافع عن مجرمي "الشرف"؟

[i m sam]

معك مليون بالمية...هدول يلي بيلحشوها بضهر الدين ما الهم حجة ابدا الدين ما امرهم يقتلو كرمال ينغسل شرفهم
ومتل ما ذكر بالحديث " لقد سترك الله لو سترت على نفسك" وكمان لو تبت لتاب الله لك
يعني اقامة هيك حدود ماهي امور سهلة ومو كل مين ما عن على بالو بيقدر يقيم هالحدود.

عالهامش :عجبني آخر مقطع ...في ناس لازم تدجهم الكلام دج رلحتى يفوقو لحالهم ويعرفو الخطا.

[yass]

و ختاماً لا يسعنى الا ان نستذكر قول الشاعر:

لا يَسلَمُ الشَرَفُ الرَفيعُ مِنَ الأَذى حَتّى يُراقَ عَلى جَوانِبِـهِ الـدَم











اي هلأ بكون في واحد عم يهز براسو , و مبوز هيك و اخد موقف ,. و عم يقول مزبوط...هي من زماان كتير حكاها الشاعر و قال لا يسلم الشرف الا اذا سال الدم ..اذا ما دبحتا بكرا بتفلت و بتفلت غيرها , لازم تنقتل ( سمايلي حمار )

هاد الواحد اللي عم يفكر هيك , بحب وجهلوا رسالة شخصية ....: ليك حبيب قلبي . الشرف الرفيع اكيد هاد ما شرفك يعني , و حتى اذا فرضنا انو شرفك , ما حدا عاطيك رخصة تغسلو بدم اختك او مرتك ,او امك , و اذا بدك تفهم شو معناة بيت هالشعر , ف هو يوسف العظمة وقت كان بميسلون ,و كان عم يحارب بشرف , و استشهد وسال دمو هو وكل الشهداء الابطال اللي معو ليدافعو عن وطنهن ..ليدافعو عن اخواتهن , وامهاتن , و زوجاتهن ....يا بجم ., يا كركدن , يا متخلف

قطعة فنية ... بشرفي تبرّد القلب يا كبير يا أب نهلة

[SelavI]

اجرام عنف كره

لم ارى اي شئ اخر

[MadMax]

كاتب النص الأصلي : maged-syrian

سؤالي لك مادماكس ...
تخيل نفسك قد وقعت بتلك المشكلة بأحدى قريباتك لاقدر الله ... ماذا ستكون ردة فعلك تجاهها .. وماذا ستكون

الغريب أنو هالجواب .. يللي بيجي على شكل سؤال .... على طول منشوفو عم يجي من يللي متمسكين بتفاهات الأديان و تفاهات العادات و التقاليد المتعفنة ( هالكلام مو الك ... بس ليللي بفكروا انو بهالجواب عم يحرجوا الأخر)
و صاروا مكررينو كذا مرة هون بالقسم بمواضيع متعددة
و هالشي بدل على وضاعة التفكير و غرقون بمعمعة التقاليد يللي ما عم يقدروا يطلعوا منها

رداً على سؤالك ..
أكيد ما رح تكون ردة فعلي .. بعكس ما عم احكي هون
يعني ممكن تكون أي ردة فعل .. بس مستحيل توصل لدرجة الجريمة ....أو حتى الجنحة ..
و ما رح تتعدى كونها مشكلة عائلية

ردة فعلك تجاه زملائك واصدقائك ممن علموا بما وقع لك وماذا ستتوقع ردة فعلهم تجاهك بهذا المجتمع الشرقي ؟!

رفقاتي .....أغلبون بفكروا متلي
بس بشكل عام ما بهمني تفكير البقية ....
و أصحاب الرأي الآخر ....
و لا المجتمع عنا بيقبلون ....وبرأيي ما بيتعدوا كونون مجموعة من البهايم ... يللي عم تحاول تفرض تخلفها على باقي المجتمع
و على فكرة ... الشغلة مو مقتصرة على هالشغلة بس ..
قيس عليها كتير أمور بتخص المجتمع الشمولي يللي عايشين فيه بسوريا ...و يللي فيه البعض بنصبوا حالون أوصياء عالبقية

[MadMax]

كاتب النص الأصلي : hashtnasht

و الله أعلم يعني !

أحلى شي هالـ و الله أعلم يللي بالأخير



حاسس حالي عم احضر مسيو قرضاوي ببرنامج عد للخمسة و زتلك فتوى

[suryoyo]

قبل ساعة ... كان برنامج شارك برأيك على BBC حول هذا الموضوع ...



سمعت تعليقات اغرب من الموجودة بهذا الموضوع ...!


واحد قال : ان الكلام عن جرائم الشرف هي تزيين للزنا حتى يتقبله المجتمع ... و ان هذه الحملات ضد هذه الجرائم هي دعوة مبطنة لنشر الزنا في المجتمع !


واحد آخر من الطائف .. قال ان المطر لم يكن ينقطع لمدة 5 او 6 شهور متواصلة و لكن بعد بدء بث التلفزيون السعودي .. انقطع المطر .. و ذهبت عنا رحمة الله





أغلقت الراديو .. و ترحمت على عمرنا اللي نقضيه مع هكذا اناس ....و مع الاسف تفرض تخلفها على المجتمع !

[سوري محشش]

كل واحد بدافع عن جريمة الشرف انسان متخلف عقلياً مع اني ما بحب عمم بس بهي الحالة التعميم واجب وكل مابسمع هيك اشخاص وبشوف كلامن
بتقلب معدتي من جهة وبعصب كمان وبنفس الوقت بتجيني الضحكة وبحس حالي عم شوف شي حمار
عم ينكت بربكن اذا شفتو شي حمار عم ينكت ما بتضحكو انو حمار يعني مو شغلة بضحك

[مايسترو]

مو شي جديد

من اللي عم شوفو حواليي ما عد استغربت شي لا كنت متوقع تكون الحالة اسوا من هيك

و يمكن ما في اسوا

بس يا ترى كل العالم اللي على مر العصور من زنوبيا وقبل وبعد اللي سكنوا سوريا وعملو فيها حضارات

كانو بيتخيلو انو نحنا ممكن نوصل لتخلف فكري لهالدرجة هي؟

و بدكن ياني ما اكفر ولا عصب ولا اياس؟

[Abu ToNi]

اي عنا موروث نحنا مهم يعني .و الحمد لله ....ما حدا قدنا عنو موروث بالعالم كلو ...متفوقين جداص بموضوع الموروثات ..و التقاليد و المستحاثات و هيك قصص ....حتى انو في احتمال يعطونا ISO 2009 , اي بشرفي .

هلأ انا شخصياً بعتقد انو اليهوج هني ورا هالموضوع ...نعم اليهود هني من يقف وراء جرائم الشرف و من زمان يعني ...لانو من اكتر من 2000 سنة و قت و قف المسيح و قال : من كان منكم بلا خطيئة فليرمها بحجر ) ,كان عم يحكي يهود , و اليهود هني الوحيدين اللي عندن حكم برجم الزاني , و على خلاف الاسلام , و على خالاف ما يعتقد غالبية المسلمون , و على خلاف ما يطبق بعض المسلمون ...مافي ولا حتى اشارة لرجم الزاني بالقرآن ....ابداً يعني ...و على ما يبدو أنو يهود خيبر طلعوا من خيبر و تركوا وراهن عاداتهن المقرفة لتتخبى بالعباءة الجديدة ..و ليدخل الرجم و الشبح و هالحركات اللي ماالها علاقة لا بالانسانية و لا بالحيوانية حتى و تستقر ضمن الاسلام !!!...و الخلط القائم لدى العامة بين الدين و الموروث هو خلط طبيعي , لانو غالبية شعبنا ما بيعرفوا يفرقوا , أصلاً ما بيعرفوا يقروا ...هني اي مانن أميين يعني ..بس ما بينفع يقروا..و عنترة بن شداد هو نفس الشي يعني متل صلاح الدين ..و ابو شهاب ع شوي بكون نبي ..و اللي بقولوا الزعيم تقريباً منزل ..و قيسوا على هالمسطرة...و بالتالي بدنا نتحمل النتائج , ما بكيفنا يعني , بس بدنا نتحمل .

و الله أعلم يعني !

كاتب النص الأصلي : hashtnasht

لاء في فرق و في فرق سوبر كبير .

هلأ لحتى ما يصير أزمة مصطلحات و كل واحد يغني على ليلاه ( مع انو انا بحب غني على ليلاليي بشكل عام يعني ) .

بس قبل ما نفوت بالمصطلحات بدي حط هالحديث :

هاد الحديث هو يعني من اهم مراجع التاس اللي بيفتو برجم الزاني و الزانية , و بأكدو على تحقق الشروط المذكورة بالحديث , و باكدو بهالشي هاد كلو بانو الرجم عادة يهودية لا اساس لها بالقرآن .

هلأ منجي للمصطلحات :

الزنا: شو هو الزنا .بالنسبة للشريعة الاسلامية الزنا هو :وطء من مكلف في فرجٍ حرام في قبل أو دبر , يعني ببساطة هو وطء المرأة من غير عقد شرعي .

أما بالقانون المدني لفرنسي مثلاً فالزنا هو : اتصال جنسي أو معاشرة جنسية بين شخص متزوج وشخص آخر أياً كان هذا الشخص، وأياً كان نوع هذا الاتصال الجنسي،و هي تصنف تحت خيانة أو نقض عهود الزواج .


اذاً و بدون ما كتير نفوت بالتفاصيل فالزنا هو مختلف بين المفهوم الشرعي و المفهوم القانوني, من وجهة النظر الشرعية أي شخص مكلف ( يعني واعي و راشد ) ممكن يزني اذا حقق الشروط ( اللي رح نحكي عنها بعدين ) و بيتعاقب حسب الحالة , و الزنى هو فاحشة من الفواحش ...بس هو فاحشة كبيرة يعني.
بالقانون العلماني , الزنى هو فعل لازم تكون متزوج اصلاً لحتى تكون مؤهل لارتكابه , و غير هيك ما بكون زنى ..و بينطبق مفهوم الفاحشة على أمور تانية الها علاقة بالقرابة و العلاقة مع قاصر مثلاً ..بس يعني هاد ما هو الزنى اذا بدكن , بيدخل بباب الجريمة اكتر يعني كمفهوم غربي علماني .


و الحد هو 100 جلدة و تغريب عام , في حال كان الفاعلين غير متزوجين , و الحكيم هو 100 جلدة و الرجم في حال كان الفاعلين متزوجين . و هون نقطة الخلاف بموضوع الرجم , نظرا لكون النص القرآني واضح بهالموضوع , بينما مؤيدي نظرية الرجم بيعتمدوا على احاديث و سير نبوية .

اما بالنسبة للقانون العلماني , فتحديد وقوع جريمة الزنى بكون عن طريق المحكمة , و التحقيقات , عن طريق شهود , بالاستجواب , عن طريق تنصت ع مكالمات هاتفية , تحاليل طبية , اي شي بينفع بعلم الجريمة يعني , و في حال تم فعلأ اثبات انو احد طرفي العلاقة الزوجية عم يخون الطرف الاخر بعلاقة جنسية بطريقة او باخرى يعني, بكون في احكام قضائية ضد هالطرف و بتتنوع بين الطلاق و الغرامات المالية , و السجن , و هيك قصص يعني .

1- الزنى بالمفهوم القانوني \العلماني\ الغربي : ينحصر بالمتزوجين و لا ينحصر بالجماع و عقوبات احكامه لا تصل الى القتل
2- الزنى بالمفهوم الشرعي الاسلامي : لا ينحصر بالمتزوجين و لكن ينحصر بالجماع و ليس ما دونه , و عقوبات احكامه تصل الى القتل رجماً في حالة المتزوجين , مع الاشارة ان حكم الرجم محل جدل من قبل علماء المسلمين نظراً لكونه يخالف النص القراني .

بس يا ابو نهلا
يُفترض اننا نكون شوي واقعيين ونطلع من قيود المعنى الحرفي للحرف بحد ذاته ونشوف المعنى المقصود منه
يعني انت شبكت نظرية مؤامرة .. اهل النظريات بحد ذاتون ما اتجرؤوا يحكوا فيها
اعتبرت الفكر تبع جماعة الشرف والجرائم اللي عبيتبعوها فكر يهودي !!
ودلالتك كانت حكم الرجم اليهودي
فتلتها براسي .. شطحتها .. وقفتها .. برمتها .. ما زبطت معي بولا شكل
يعني بحسب ماني شايف نظرية المؤامرة هي فاقدة للمنطق بشكل كتير كبير
يعني حسيتها ما بتختلف عن نظرية الانظمة العربية

انت مسكت الرجم كفعل رجم بالحجارة .. كفعل فيزيائي بحت وما قدرت تطلع من ابعاده
مع العلم انه ما سمعنا بولا حادثة قتل تحت مسمى الشرف استخدام الحجر بهدف استخدامه !!
مرة وحدة سمعت بعملية قتل لفتاة درزية بعد زواجها من مسلم .. كان القتل باستخدام الحجر .. بس بعتقد لأن ما كان في اي اداة بايد الاب بلحظتها غير الحجرة اللي شافها بالارض
يعني اغلب الاوقات عبتم باستخدام .. مسدس .. سكين ..
وقف منطقك هاد لازم نقول (( المسدس شغل روسيا .. فجرائم الشرف مستوردة من الفكر والثقافة الروسية ))

اداة الجريمة ما في الها ولا دلالة او اي امتداد
وفرض خيوط خيالية لشبك نظرية من نوع ما .. شي غير منطقي .. على الاقل بوجهة نظري


يعني فينا نشوف آيات اسلامية بتدعي لجلد الزاني والزانية 100 جلدة بدون رحمة او رأفة (( بحسب التعبير ))
فليش اعتبرت قتل النساءاللي وقعوا بالزنا او بحسب التعبير المستحدث حاليا والمتعامل به جرائم الشرف من فعل اليهود !!
وما اعتبرته من فعل الآية اللي نادت لمعاقبتهم .. بالنهاية القتل نوع من انواع العقاب لا اكتر ولا اقل
فالعقاب الالهي المقترح ممكن يتجسد باشكال مختلفة ، الرجم بالحجارة ، الجلد ،
فقبل ما تعمل نظرية مؤامرة او نظرية محورها واللاعب خلف الكواليس فيها هوي نفس اللاعب اللي تعودنا نسمع اسمه بكافة الميادين : (( سبب تخلفنا العلمي والثقافي والسياسي والاقتصادي والاجتماعي ))
يفترض نكون كشاب واعي منحمل نظرة اعمق ونقدر نشوف الاشياء متل ما هية

بالملخّص :
الاعتراف بالخطا خير من محاولة الالتفاف للتبرئة منه
معاقبة الزانية بأي الاشكال الفيزيائية ((الجلد الرجم ، القواص ، التسميم ، القتل بالسلاح الابيض ، شد الشعر ، قلع العين ، الكركرة .. الخ من الممارسات العقاب الجسدي ))
اعتمادا على نصوص (( مقدسة )) هوي سبب مشكلتنا وحلنا بيطلع من علمنة التفكير (( ان صح التعبير ))
او بمعنى آخر استبدال التفكير الديني (( اللي عبمشي الشعب )) بتفكير متطور ومتماشي مع مفاهيم الحياة .. بتفكير قابل للتطوير ومش مُغلق عليه بمجموعة من النصوص او القوانين لا يمكن التفيكر بمدى جدواها الاجتماعي وهل بتخدم المجتمع او لا .

[HashtNasht]

بس يا ابو نهلا
يُفترض اننا نكون شوي واقعيين ونطلع من قيود المعنى الحرفي للحرف بحد ذاته ونشوف المعنى المقصود منه

كلامك حكم و درر كأنو

يعني انت شبكت نظرية مؤامرة .. اهل النظريات بحد ذاتون ما اتجرؤوا يحكوا فيها
اعتبرت الفكر تبع جماعة الشرف والجرائم اللي عبيتبعوها فكر يهودي !!
ودلالتك كانت حكم الرجم اليهودي
فتلتها براسي .. شطحتها .. وقفتها .. برمتها .. ما زبطت معي بولا شكل
يعني بحسب ماني شايف نظرية المؤامرة هي فاقدة للمنطق بشكل كتير كبير
يعني حسيتها ما بتختلف عن نظرية الانظمة العربية

ما في داعي لا تقلبها و لا تبرمها ..عطيني حدى من التاريخ كلو حكم بالموت بموضوع الزنى ! ..بالتاريخ مافي غيرن الجماعة , و على ما اعتقد معن براءة اختراع بالموضوع , و يمكن ترى تكون حقوق النشر محفوظة. أما تجي تقلي مؤامؤة و أنظمة , و الله يا معلم شوفة عينك يعني ...هاد الوضع بتشوفو مؤامؤة , بتحب تشوفو غير شي انت حر . انا شخصياً ماني شايف مؤامرة بالموضوع .

انت مسكت الرجم كفعل رجم بالحجارة .. كفعل فيزيائي بحت وما قدرت تطلع من ابعاده
مع العلم انه ما سمعنا بولا حادثة قتل تحت مسمى الشرف استخدام الحجر بهدف استخدامه !!

كلامك غلط ...بمعنى انو انا بالعكس تماماً ما مسكت فعل الرجم ك فعل فيزيائي متل ما عم تقول , بالعكس تماماً , الظاهر انت قريت بدون تركيز !

مرة وحدة سمعت بعملية قتل لفتاة درزية بعد زواجها من مسلم .. كان القتل باستخدام الحجر .. بس بعتقد لأن ما كان في اي اداة بايد الاب بلحظتها غير الحجرة اللي شافها بالارض

هي الحادثة كانت بالعراق , و لبنت يزيدية تحديداً , و هون بأكدلك أنو كان في مؤامؤة لترويج مقطع الفيديو على انو لفتاة درزية او اسماعيلية او غير , و المؤامؤة واضحة شو الهدف منها , و مكشوفة , و رخيصة و شعبنا اوعى من هيك بكتير ؟.

يعني اغلب الاوقات عبتم باستخدام .. مسدس .. سكين ..
وقف منطقك هاد لازم نقول (( المسدس شغل روسيا .. فجرائم الشرف مستوردة من الفكر والثقافة الروسية ))

ببصملك بالعشرة ترى , انو ولا واحد بالعالم ,و لا بحمص حتى فكر هالتفكير غيرك ...اول مرة بحياتي بسمع هيك فكرة , و الحقيقة انا بهنيك انك قدرت توصل لهيك استنتاج .!!

اداة الجريمة ما في الها ولا دلالة او اي امتداد
وفرض خيوط خيالية لشبك نظرية من نوع ما .. شي غير منطقي .. على الاقل بوجهة نظري

بالمناسبة , اداة الجريمة مهمة و هاد موضوع بياخدو فيه بالمحكمة , و بدي اكدلك هون باعتبارك عم تحكي عن هالنقطة بخصوص الرجم يعني , انو الرجم بحد ذاتو الو دلالة سوبر كبيرة , لانو بدو جماعة , يعني ممكن يكون القاتل هو الاب و الاخ و ابن العم و الجيران ,و ممكن شي حدى نارق بالطريق كمان , يعني بدقة المجتمع ...اي الذكوري اذا بدك , بس هو يعني المجتمع بالاخر . ما حدا بيقدر يرجم حدى لحالو , و يقول انو كانت فورة دم مثلاً ّ.

يعني فينا نشوف آيات اسلامية بتدعي لجلد الزاني والزانية 100 جلدة بدون رحمة او رأفة (( بحسب التعبير ))
فليش اعتبرت قتل النساءاللي وقعوا بالزنا او بحسب التعبير المستحدث حاليا والمتعامل به جرائم الشرف من فعل اليهود !!

سؤالك غريب عجيب يا زلمي ما مجاوب ع حالك انت شو بدك ياني اشرحلك !!

وما اعتبرته من فعل الآية اللي نادت لمعاقبتهم .. بالنهاية القتل نوع من انواع العقاب لا اكتر ولا اقل

انو القتل يابا هو نوع من انواع العقاب لا اكتر ولا اقل !!. .اي لا تغليق منوب

فالعقاب الالهي المقترح ممكن يتجسد باشكال مختلفة ، الرجم بالحجارة ، الجلد ،

العقاب الالهي مانو مقترح , العقاب الالهي منزل . بيتنفذ بحذافيرو .ما باشكاتل مختلفة .

فقبل ما تعمل نظرية مؤامرة او نظرية محورها واللاعب خلف الكواليس فيها هوي نفس اللاعب اللي تعودنا نسمع اسمه بكافة الميادين : (( سبب تخلفنا العلمي والثقافي والسياسي والاقتصادي والاجتماعي ))
يفترض نكون كشاب واعي منحمل نظرة اعمق ونقدر نشوف الاشياء متل ما هية

و الله انا بتمنى نحمل نظرة اعمق , يا سيدي خلينا نحمل نظرة و ماشي الحال اي نظرة انا قبلان

بالملخّص :
الاعتراف بالخطا خير من محاولة الالتفاف للتبرئة منه

ما فهمتا ..و استطلعت رأي الجمهور و قالولي انو ما فهموها !!

معاقبة الزانية بأي الاشكال الفيزيائية ((الجلد الرجم ، القواص ، التسميم ، القتل بالسلاح الابيض ، شد الشعر ، قلع العين ، الكركرة .. الخ من الممارسات العقاب الجسدي ))
اعتمادا على نصوص (( مقدسة )) هوي سبب مشكلتنا وحلنا بيطلع من علمنة التفكير (( ان صح التعبير ))

هلأ نحنا اللي صاير عنا و اللي حاولت اشرحو من قبل انو نحنا ماننا معتمدين ع اي نص مقدس بالتشريع المخفف لاحكام مرتكبي جرائم الشرف , و اساساً الحدود الاسلامية اللي بتتعلق بالموضوع ككل غير مطبقة ,و بالتالي نحنا م عنا مشكلة مع نصوص مقدسة .

او بمعنى آخر استبدال التفكير الديني (( اللي عبمشي الشعب )) بتفكير متطور ومتماشي مع مفاهيم الحياة .. بتفكير قابل للتطوير ومش مُغلق عليه بمجموعة من النصوص او القوانين لا يمكن التفيكر بمدى جدواها الاجتماعي وهل بتخدم المجتمع او لا .

كيف يعني بدك تعمل هيك , حكي كبير هاد , يا رجل السوفييت عجزو عن هاد الحكي ترى مين بدك ينفذو ؟؟؟

[Abu ToNi]

كلامك حكم و درر كأنو



ما في داعي لا تقلبها و لا تبرمها ..عطيني حدى من التاريخ كلو حكم بالموت بموضوع الزنى ! ..بالتاريخ مافي غيرن الجماعة , و على ما اعتقد معن براءة اختراع بالموضوع , و يمكن ترى تكون حقوق النشر محفوظة. أما تجي تقلي مؤامؤة و أنظمة , و الله يا معلم شوفة عينك يعني ...هاد الوضع بتشوفو مؤامؤة , بتحب تشوفو غير شي انت حر . انا شخصياً ماني شايف مؤامرة بالموضوع .

يا ابو نهلا هالمرة كمان بقلك شوف القصص متل ما هية مو متل ما انت شايفها
القصة مش قصة زانية يتم قتلها
بعتقد الرجل اللي عبيقتل بنته او اختى ما عبينتظر انها تقيم علاقة جنسية كاملة حتى يتخذ بحقها اجرائات تعسفية متدرجة من العقابات الجسدية المختلفة وصولا للقتل
اللي بيسمعك بقول عن ربط حوادث جرائم الشرف بالزنى والزانية ولا كأنهم كلمتان متزامنتين (( جريمة شرف = حادثة زنى ))
لكن على الارض عبتم جرائم الشرف لاسباب كتير واحد منها هوي الزني
حتقلي شو هية الاسباب
لحالي ببدا بكرجها بحسب ماني متذكرها هلق براسي
1 - الزواج من دين آخر
2 - الزواج من طائفة دينية داخل الدين نفسه
3 - الزنى واقامة علاقة جنسية

وببعض الحالات ما عبتصل للزنى .. علاقات الحب بشكل عام .. بتم التعامل معها بالضرب .. بالمضايفات .. بانزال العقوابات المتراوحة بين الضرب والقتل .. بالنهاية الضرب = القتل = العقاب

كلامك غلط ...بمعنى انو انا بالعكس تماماً ما مسكت فعل الرجم ك فعل فيزيائي متل ما عم تقول , بالعكس تماماً , الظاهر انت قريت بدون تركيز !

ما انا هاد اللي عبحاول وصلك ياه
انت اعتبرت الرجم والقتل بشكل عام حادثة متوارثة او فيمة اجتماعية متوارثة من قبل اليهود يهود خيبر اللي رحلوا من زمان ..وهاد الشي حكيت عليه بالفقرة اللي قبل هي فوق
وقلتلك جرائم الشرف غير مرتبطة بالزنى وبالتالي اليهود على الاقل بهي النقطة .. برائة

ببصملك بالعشرة ترى , انو ولا واحد بالعالم ,و لا بحمص حتى فكر هالتفكير غيرك ...اول مرة بحياتي بسمع هيك فكرة , و الحقيقة انا بهنيك انك قدرت توصل لهيك استنتاج .!!

الحلو ... بهي القصة .. انه ما بينحكى على هاد الشي الا
الشي اللي انا صار فيني هوي اللي انت هلق كاتبه
انه كمان شوي حيطلع اليهود هنن مين مغلين علينا فاتورة الكهربا

بالمناسبة , اداة الجريمة مهمة و هاد موضوع بياخدو فيه بالمحكمة , و بدي اكدلك هون باعتبارك عم تحكي عن هالنقطة بخصوص الرجم يعني , انو الرجم بحد ذاتو الو دلالة سوبر كبيرة , لانو بدو جماعة , يعني ممكن يكون القاتل هو الاب و الاخ و ابن العم و الجيران ,و ممكن شي حدى نارق بالطريق كمان , يعني بدقة المجتمع ...اي الذكوري اذا بدك , بس هو يعني المجتمع بالاخر . ما حدا بيقدر يرجم حدى لحالو , و يقول انو كانت فورة دم مثلاً ّ.

وقت عما نحكي على جرائم الشرف
عما نحكي على حالات اجتماعية بياخد فيها الأب او الرجل دور ممثل القانون وبأنزل العقاب بالشخص اللي يعتبر عبهين شرفه .. وببعض الحالات بكون الشخص هاد قد اقام علاقة جنسية غير شرعية .. وفي حالات اخرى لا يكون هنالك اي اتصال جنسي .. مجرد شرف (( وفق منطلق غير محدد )) بتم الدفاع عنه بشكل غير شرعي

**بعتقد لازم نتفق بناء على الاحداث اللي ضاجة الشوارع فيها بأن جرائم الشرف مانها شرط تكون للشخص الزاني .. اذا وصلنا لهي النقطة بتصير بتفهم علي .. ولحالك بتعرف شو هية نظريتك تبع اليهود والرجم والمدري شو

سؤالك غريب عجيب يا زلمي ما مجاوب ع حالك انت شو بدك ياني اشرحلك !!


انو القتل يابا هو نوع من انواع العقاب لا اكتر ولا اقل !!. .اي لا تغليق منوب

شو بتشوف القتل لكن ؟.!
نوع من انواع الدلال
ليش عبيقتلها !؟ ما لانه عبعاقبها ؟!
كتير صعبة القصة حتى انك ما استوعبتها ؟!

العقاب الالهي مانو مقترح , العقاب الالهي منزل . بيتنفذ بحذافيرو .ما باشكاتل مختلفة .

والعقاب الالهي بهي النقطة بيحكيك بمعاقبتها جلدا
مع اني بشك بقدر امرأة على سطح الكرة الارضية انها تتحمل 100 جلدة بلا رأفة
لكن العقاب للشخص الزاني هوي عقاب مشروع .. جلدا او رجما انا مانها شغلتي افتي بقصص العلماء علقانين مع بعضهم فيها .. لكن بالنهاية العقاب مشروع .

و الله انا بتمنى نحمل نظرة اعمق , يا سيدي خلينا نحمل نظرة و ماشي الحال اي نظرة انا قبلان

لا غلطان بهي القصة
يكون واحد ما عنده وجهة نظر بالقصص احسن مما يكون في عنده كام معلومة مدري من فين مجمعهم ومطبقهم على بعض من بعض ما خلطهم بطريقة غريبة عجيبة ليطلع بوجهة نظره
لا خليه بلا وجهة نظر احسن

ما فهمتا ..و استطلعت رأي الجمهور و قالولي انو ما فهموها !!

بالمشرمحي يعني انك تقول المشكلة هي اللي عبعاني منها مجتمعنا نحن سببها
احسن مما نقول انها من شغل هال يهود ونحملهم اخطائنا
احسن ما نلف وندور على قصة جرائم الشرف ونأولها ونفسرها وننسبها ونشبك خيوط نظرية .. لك حتى ما بتتسمى نظرية .. بس تبريرات واهية مخالفة لكل المعطيات الحالية على ارض الواقع

هلأ نحنا اللي صاير عنا و اللي حاولت اشرحو من قبل انو نحنا ماننا معتمدين ع اي نص مقدس بالتشريع المخفف لاحكام مرتكبي جرائم الشرف , و اساساً الحدود الاسلامية اللي بتتعلق بالموضوع ككل غير مطبقة ,و بالتالي نحنا م عنا مشكلة مع نصوص مقدسة .

نص مقدس
اكيد ما عنا مشكلة
بس منهجية تفكير مبنية على النص السابق
او منهجية تفكير يراد بها النص
هي مشكلتنا .. بالاحرى مصيبتنا

كيف يعني بدك تعمل هيك , حكي كبير هاد , يا رجل السوفييت عجزو عن هاد الحكي ترى مين بدك ينفذو ؟؟؟

السوفييت حاربوا شي اسمه تفكير ديني
حاربوا شي اسمه حياة دينية
انا كل اللي بدي ياه
اني افصل بين الدين والتفكير الاجتماعي
فلا بدي حارب ولا بدي حدا يحاربني
بدي آخد التفكير والمنهجية المتناسبين مع حياتي ومع مستوى تفكيري واعزل اي شي غير متوافق مع انسانيتي

[homam85]

يعني ما في حل غير القتل ؟؟؟؟؟
بتعرفوا أحيانا القتل ما بيوجّع...وأحيانا شغلات تانية بتوجّع أكتر ..
على كل الموضوع معقّد شوي وبمثّل ثقافة كاملة موجودة وبدها سنين لتتغير...
في ظروف بتساعد انها تتغير بسرعة وفي ظروف بتبطأ من تغيرها _متل ظروفنا العايشينها_هالظروف مثبطة لتقدم المجتمع وبالتالي الافكار الموجودة فيه....وأهمها باعتقادي الظروف الاقتصادية....لأنو بالنهاية كل شي بيتعلق بالاقتصاد والوضع المادّي....ولا تستغربوا..وارجعوا لأصل المشكلة بتعرفوا ليش؟؟؟
يعني هي ليش عم تزني :1 مشان المصاري وهون نتيجة مباشرة للظروف الاقتصادية المهرتكة 2لسبب آخر وبالتالي تربيتها غلط بغلط وهون ليش التربية بالاساس غلط؟؟؟لأنو الاهل مو فاضيين يربّوا مشغولين يدبّروا العيش وليش ما تربّت بالمدرسة؟؟؟لأنو المدرّسة كل همها تقبض الراتب بآخر الشهر ؟؟وليش ما تربّت من خلال المجتمع؟؟؟لأنو ما حدا فاضي والقيم كل مالها بنزول والناس ملتهية بتدبير حياتها ولقمة الخبز..............الخ