هل المسيحيين موطنين من الدرجة الثانية!!

[Abu ToNi]

على علمي هيك قوانين بطل التعامل بها ليس أكثر

زيد معلوماتك او عدلها واعرف انه يتم التعامل فيها في اغلبية الدول العربية

بس بعتقد بسوريا الوضع مختلف

بس في فرق كبير بالمواقف بين الحكومات والشعب

انا كطالب جامعي في سوريا بشوف ان الكادر التدرييس كتير بيحترم وجود اقليات مسيحية بالجامعة فكير اوقات بتم الغاء فحوصات بناء على طلبنا نحن المسيحية كونها بتقع تاني نهار عيدنا

هلق ما ديما بتزبط بس على الأقل في مجال للتفهم

بعكس الطلاب او المجتمع بشكل عام اللي بيرفض وجودنا

وبيتعامل معنا بطريقة همجية لابعد الحدود

اكتر منها مرة جيت على الجامعة نط واحد قال لي انت كافر ؟!!؟ اضافة لالقاب كتير حلوة ما قدرت غير اني اتضحك وقت برجع بفتكر شكله وهوي عبيلقي علي الخطاب .

برجع بقول كمواطن سوري مسيحي بشوف وضعي افضل بكتير من البلاد المجاورة .

[Abu ToNi]

بالنسبة للزواج من دينين مختلفين فقانون الأحوال الشخصية يحرم على المراة المسلمة الزواج بمسيحي ... بالتالي هو لا يعالج زواج المسلمة بمسيحي لأن القتل سيكون مصيرها ...
أما زواج المسلم بمسيحية ...
فلا أعتقد أن الاحكام ستكون جائرة على الأنثى المسيحية إذا ما قورنت بمصير المسلمة التي تخالف أحكام الشريعة ..

القانون التشريعي اللي بيذكر هاد الشي مرتكز على خلفية دينية او على شو ؟
كل اللي قالته ساندرا ان التعامل التشاريع الداخلية المختصة بالتعامل والوصل بين البشر شو ما كان دينهم ما لازم ترتكو على دين والشي هاد مانه مختص فقط بالديانة الاسلامية لكن بحكم اننا بمجتمعاتنا الحكم وفق الشريعة الاسلامية فعمناقش التشاريع الاسلامية

انا بالأخير مانها شغلتي اني اقعد اتفحص دين ما او اتناقش بتعاليمه وتشاريعه
انا لازم احصل على حقي ، حقي كامل بناء على تشريع خاص بالدولة

بالاخير ياسين حكى كلمة كتير عجبتني ان الدين هو بين الانسان وربو فكيف بيجي شخص خارجي بقول له انت هاد هوي دينك ؟

وبالنسبة للتشاريع الاخرى بعتقد بتكون افضل بكتير لو كانت مرتكزة على تعاليم بشرية قابلة للتعديل

بالنهاية اي سلطة دينية بها تتدخل بالشؤون الدنيوية كالسياسة والعلاقات الاجتماعية بدها تكون فاشلة حتما شو ما كان الدين وشو ما كانت الحالة

خلينا نطلع شوي ابعد من انفنا منلاحظ كيف كانت التشاريع اللامنطقية تصدر من رؤساء الكنيسة باوروبا وكيف انه اوروبا ما تقدمت باي مجال الا بعد ما استخلصت السلطة الدينية من ايدي رجال الدين ولسمتها للعلمانيين

كاتب النص الأصلي : بـحــر

مع احترامي للمحاكم و القضاء .. لكن القرارات الجائرة و الاحكام الظالمة تفوق قضية اختيار الدين و تتعدى مصير طفلين لتقترب من تقرير الحياة والموت لبعض الأشخاص لذلكـ الأولى ... أن يتم معالجة السلك القضائي ..قبل معالجة اختيار القوانين و سنها ..

ما انت بالأخير حتى تعالجي السلك القضائي بدك تحاولي تعملي تغييرات جذرية بالدين وتعيدي لوي معاني الكلمات حتى تتوافق مع متطلبات العصر

اوكي الدين اله حرمته في اله ةقائعه في اله تشريعاته
خلي الدين يبقى بمكانه اللي لازم يكون فيه بالمساجد والكنائس ودور العبادة
وننتقل لمستوى تاني بالتعامل والتشاريع بناء على متطلبات الحياة والمنطق بعيد عن الوقائع الدينية المنزلة واللي بحسب رؤيتي الشخصية للامور عبتعاني للتماشي مع العصر الحالي

[Abu ToNi]

كاتب النص الأصلي : بـحــر

باستثناء قانون الأحوال الشخصية الذي يخص الطائفة المسلمة وحدهم أو أحد أطراف العلاقة بناء على المبدأ المقتبس أنه في حالة الخلاف بين شخصين أحدهما مسلم تطبق الشريعة الإسلامية على الإثنين و يطبقها قاضي مسلم ... بالتالي هذه ليست قاعدة من العهد العثماني بل هي قاعدة اسلامية تطبق منذ ظهور الإسلام ..


بالنسبة للطوائف الأخرى مسيحية .. أو يهودية و الدروز المسلمين لديهم محاكم أخرى و قوانين شرعية أخرى ...

كمان في نقطة تانية :

بالنسبة للزواج من دينين مختلفين فقانون الأحوال الشخصية يحرم على المراة المسلمة الزواج بمسيحي ... بالتالي هو لا يعالج زواج المسلمة بمسيحي لأن القتل سيكون مصيرها ...
أما زواج المسلم بمسيحية ...
فلا أعتقد أن الاحكام ستكون جائرة على الأنثى المسيحية إذا ما قورنت بمصير المسلمة التي تخالف أحكام الشريعة ..
لأنها في حالة الإسلام وغالبا ما يحصل هذا الموضوع سترث و تمارس كافة حقوقها الطبيعية ...و من ثم لكل أمر في هذه الدنيا ثمن لابد من دفعه .. ألا تعتقد أن الأشخاص الذين اختارو طريقهم وحياتهم هم أولى بنقاش هذا الموضوع الذي لم نجربه نحن سوى بالتخيل و النقاش ...


مع احترامي للمحاكم و القضاء .. لكن القرارات الجائرة و الاحكام الظالمة تفوق قضية اختيار الدين و تتعدى مصير طفلين لتقترب من تقرير الحياة والموت لبعض الأشخاص لذلكـ الأولى ... أن يتم معالجة السلك القضائي ..قبل معالجة اختيار القوانين و سنها ..

للاسف بسبب انشغال الملقم ضاع عني الرد اللي ضليت عبكتبه ساعه وبرجع بكتب ملخص عنه

التشاريع الحالية موضوعة وفق دين معين ونحن حاليا التشاريع العامة اللي بيناتنا موضوعة وفق تعاليم الديانة الاسلامية

هلق انا مانها شغلتي ولا من صلاحياتي اقعد اشكك بعدالة هي التعاليم ومدى قدرتها على التماشي مع الواقع

بس خلينا نطلع شوي ابعد من انفنا منشوف انه اوروبا ما قدرت تتقدم باي من المجالات الا بعد ما استخلصت او فصلت السلطة الدنيوية ع السلطة الديني بالوقت اللي فيه انتقلت السلطة من يد البابا بشكل خاص ورجال الدين بشكل عام لحتى تصير بايدي اصحابها الحقيقيين العلمانيين اللي ما بيركتزوا على اي تشاريع دينية

نفس المشكلة نحن عمنمر فيها بالاخير التشاريع الدينية بتكون عبتخرج عن صلاحيتها وقت بدها تنظم شؤون دولة او علاقات اجتماعية

ما بكون عمنهين الدين وقت منطلب منه يتراجع إلى الوراء وياخد مكانه الطبيعي في دور العبادة شو ما كانت تكون

ما عبتذكر شو كتبت لك بالجريدة اللي قبل بس اللي بتذكره اني اثنيت كتير على حكي ياسين بان الدين هو العلاقة بين الانسان وربو فكيف واحد بده يجي يحدد او ينمط العلاقة هي ويطبعها بشكل استبدادي .

انا بشوف بظل تطلبات العصر واختلافه عن القرن السابع اللي ظهرت فيه التشاريع هي صار بين قدامنا طريقين اما منعيد لوي الكلمات التشريعية حتى تصير متطابقة مع الواقع متل ما اننا نعيد فبركة جملة المرأة ترث نصف ميراث الرجل .
وبهاد الشي منكون عمنعمل تشاريع جديدة مع الايام بدنا نرجع نوقع بنفس المشكلة بانها كمان بدها ما تفي متطلبات الواقع .

يا اما منحافظ على التشاريع متل ما هي لكن بدون استخدام ومنحطها بالمحل اللي لازم تنحط فيه بكتب التاريخ والعادات القديمة ونعطي الشعوب حقها بانها تقرر التشريع المناسب الها دون الالتزام بتشاريع وقوانين دين معين او فئة او طائفة معينة وهداك الوقت منكون انتقلنا لاول خطوة في سلم التحضر والتطور .

متل ما قلت من قبل مصدر مشاكلنا وتخلفنا هو التمسك بالمصدر بمجرد ما قلنا " قال الله " لازم كل الايادي تنزل وما حدا يسال اي سؤال .

فالحل الوحيد انه كلمة " قال الله " نعيفها باماكن العبادة بالماكن اللي وقت بروح عليه بكون بهدف اسمع شو قال الله ويصير كلام " قال الله " متل عبر او اساطير ممكن نستخرج منا المعاني اللي بتتماشى مع واقعنا وحاضرنا .

[بـحــر]

غابريل :

التشاريع الحالية موضوعة وفق دين معين ونحن حاليا التشاريع العامة اللي بيناتنا موضوعة وفق تعاليم الديانة الاسلامية

برجع بكرر أنو القانون بشكل عام هو قانون وضعي و ليس إسلامي هو تشريع فرنسي ..
منقول من التشريع اللبناني المترجم ...أو المصري ..و جميع المعاملات القانونية تخضع لهذا القانون باستثناء قانون الأحوال الشخصية ... بعدين قانون الأحوال الشخصية هو قانون زواج و توابعه بشكل أساسي هو موجه للمسلمين يعني لا يخص الجميع ...ولا يعمم على كل الطوائف ..وطالما أن الأكثرية في سوريا هي أكثرية مسلمة فلهذه الأكثرية الحق باختيار السير القانوني أو السياسي للبلد وفقاً لمبدأ تقرير المصير ... هي في حال وجود سلطة ديموقراطية ...و يبقى للأقلية الاحتفاظ بالحقوق و الاحترام و الديانة و العيش الكريم ...وفقا لمبادئ الأمم المتحدة ...
ثانياً : ضع نقطة مهمة باعتباركـ أن الشعب بأكلمه تابع لسلطة سياسية معينة هي من تقرر و ليس الشعب بالتالي لا مجال للتغير إلا اذا افتنعت السلطة بالتغير ...

هي إذا تطلعنا إلى أبعد من انوفنا كما تدعي أنت ...

[طفوله]

كاتب النص الأصلي : gabriel

بعكس الطلاب او المجتمع بشكل عام اللي بيرفض وجودنا

وبيتعامل معنا بطريقة همجية لابعد الحدود

.

بيكفي البرغي الي بالصوره


وخليكـ عند الخطوط الحمرا للموضوع

[BL@CK]

هازا المصطلح "أشرف الوالدين دينا ً" جدا ً قميء , آخر شيء كنت ممكن أتوقعوه . الشرف ينقاس تبعا ً لدين الإنسان ..

و الأقمىء أنو لمـّـا مثلا ً دولة متل فرنسا بتمنع الحجاب ألف صوت بينط و ما بيحط و لما جريمة متل هاي بتصير .. ما حدن بفتح تمو بحرف ..

[~YAFA~]

هاي المرأة هيي الي استغلت الدين
وبعدين القوانين السورية لازم تتغير
مش لازم لسا ماشيين على قوانين قديمي

[W.E.G.A]

انا برايي انه القانون مليئ بالثغرات الي بدها تغير

يعني الغلط مو من القاضي ولا من الاب ولا الام

الغلط بالقانون وبس

يعني ما بظن الها علاقة بكون حدا بالدرجة التانية او الاولى

لان قانون قديم لم يعدل على اساس الحاضر

اكيد رح تلاقي فيه هيك نقط ضعف

[Abu ToNi]

كاتب النص الأصلي : طفوله

بيكفي البرغي الي بالصوره


وخليكـ عند الخطوط الحمرا للموضوع

عندك شي مفيد تفضلي فيدينا