لماذا يبتعد الرجال عن النساء الاكثر ثقافة منهم؟؟

[أبو الوليد]

كاتب النص الأصلي : Moonlights

هناك قاعدة في علم النفس تقول أن الإنسان الفرد يرى الأخر من منظور عقده.

المرأة التي تتحدث عنها (فلنتكلم في البداهات) هي الأم في المقام الأول , وكما هو معلوم (أو من المفروض أن يكون معلوم) بأن الأم هي المسؤولة عن التربية الفعلية للأبناء فإن كانت "بنص عقل كما تقول" فإن نتاجها وأحد هذا النتاج هو الرجل سيكون مسخ بأقل من نصف عقل .

انا بحسن ابرهن لك أن المراة بنص عقل وذلك بعدة اسباب بذكرلك اهم اثنين
1-كل الأنبياء اللي رب العالمين ارسلهم هم رجال وما ارسل ولا امرأة نبية أو رسولة تبلغ الدين والرسالة
2-انا معك ان الأم هي المسؤلة عن تربية الأولاد ولكن تحت إشراف وتوجيه الأب يعني الأب متل مابدو يتربي اولاده بتنفذ الزوجة ولو لاحظنا أن معظم الأولاد اللي تولت تربيتهم امراة لسبب من الأسباب فرضا متل وفاة الأب بيطلعو ضعيفين الشخصية وعندهم نوع من الجبن واحيانا البخل وطبعا برجع بقول لك أن هذه قاعدة وفيها استثناءات

اما بالنسبة للنساء الكاملات العقل فهم اربعة فقط
1- السيدة مريم بنت عمران
2-أسيا أمراة فرعون
3-السيدة خديجة بنت خويلد
4-السيدة فاطمة بنت محمد

[syria1star]

مممم سؤال حلو .. وبالنسبة ئلي انا بدور دوارة عالبنت الفهمانه بس مشي الحال لئيت

والمجنون هوه الي بدور على بنت ثقافتها ضعيفة او بيتهرب منا و الاحسن تكون البنت افهم من الرجل عشان ما تقع باغلاط كبيره و البنت بعد الجازة بتكون بالبيت مع ولادها وهيك الاولاد رح يطلعو فهمانين طالعين لأمون لانو الاب طبعا بكون اغلب الوئت برا البيت اختي شو بدك من الأخرررررررررررررررررر


المرأة المثقة بتساوي بتقلا ذهب والماس

[manalak]

شكرا مون كلامك صح (الشريعة الذكورية الشرقية )

[ظل جيفارا]

كاتب النص الأصلي : أبو الوليد

انا بحسن ابرهن لك أن المراة بنص عقل وذلك بعدة اسباب بذكرلك اهم اثنين
1-كل الأنبياء اللي رب العالمين ارسلهم هم رجال وما ارسل ولا امرأة نبية أو رسولة تبلغ الدين والرسالة
2-انا معك ان الأم هي المسؤلة عن تربية الأولاد ولكن تحت إشراف وتوجيه الأب يعني الأب متل مابدو يتربي اولاده بتنفذ الزوجة ولو لاحظنا أن معظم الأولاد اللي تولت تربيتهم امراة لسبب من الأسباب فرضا متل وفاة الأب بيطلعو ضعيفين الشخصية وعندهم نوع من الجبن واحيانا البخل وطبعا برجع بقول لك أن هذه قاعدة وفيها استثناءات

اما بالنسبة للنساء الكاملات العقل فهم اربعة فقط
1- السيدة مريم بنت عمران
2-أسيا أمراة فرعون
3-السيدة خديجة بنت خويلد
4-السيدة فاطمة بنت محمد

انتو لسا عايشين يا زلمة

تحياتي الحارة
ظل جيفارا

[rsourour]

,,لأن الرجل يحب ان يكون دائما هو الأعلى مرتبة

[Nabilove]

التعليم ليس مرادف للثقافة فكم من مهندسة و طبيبة لا تعرف حتى ابسط المعلومات خارج نطاق عملها, و يكفي الاشارة ان اغلب البنات لديهن نفور من البرامج الثقافية و السياسية و الاخبارية.
شخصيا انا احب البنت المثقفة لانها تمنحك مجالا اوسع للنقاش على عكس من كل همها هو المسلسلات و الموضة و كلام الناس

[saba n]

هل يرغب الرجل الشرقي بالمرأة المثقفة ..؟
على الاغلب الجواب :_لا..،لكن لماذا ..؟
ربما..لان التوصيفات التي باتت مرادفة للمرأة المثقفة هي متفزلكة،متفلسفة،مسترجلة،ك سولة،لا تملك حس الانوثة،لا تجيد من الحياة غير القراءة،لاتعرف حتى كيف تعد الشاي لنفسها....
ربما السبب الخفي هو احساس مستوطن في العقل الباطن للرجل الشرقي بأنها امرأة صعبة المراس..
ربما لانه يحسبها تعرف وتفهم فيدعي انها لاتعرف كيف تتعامل ..ولاتفهم ما عليها ان تكون..
المصيبة ان الفكرة انسحبت بأتجاه كل المتعلمات من النساء..
لأنني اؤمن دائما ان لكل مشكلة طرفين مسؤولين كليهما عنها..
فها انا اطرح عليكم الموضوع لمناقشة دور المرأة المثقفة ..ودور المجتمع الذكوري في صنع هذه الفكرة (الاشكالية)..

[حالة حب]

بحبها مثقفه اي
بس مو اكتر منو
يعني بحس الرجال الشرقي بيطلب المراه يلي تكون اقل منو بالثقافه او بالمستوى المادي او ايا شي
او انو تكون متلو بنفس المستوى
اكتر من هيك لا

اما ليش
فاكيد بيخاف على رجولتو
عالقليله بخاف انو الناس تحكي عليه
حتى لو هالوحده ما اسائتلو وحافظت على رجولتو
بس خلص بيخاف من حكي العالم

[ناصرشكري]

المرأة التي يفضلها الرجال تلك التي تقدر ما يبذله زوجها من أجلها وما يقدمه لها، وتشعره زوجها بالامتنان والتقدير، فالرجل يحتاج إلى الحب الذي يحمل معه الثقة به وقبوله كما هو، ويريد منها ذلك الحب الذي يعبر عن تقدير جهوده
ويحبها أن تكون متعلمة و مثقفة عكس ما هو معتقد عند كثير من النساء بأن الرجل يهرب من الارتباط بالمرأة المتعلمة المثقفة وأن الرجل لا يهمه إلا الأنثى في المرأة، والحقيقة أن الرجل يحب أن يجتمع في زوجته العلم والثقافة والذكاء والوعي لأن هذه الصفات تريحه في حياته، إذ يجد فيها سنداً له تفهمه وتساعده دون جهد منه، وتكون قادرة على تربية أبنائه بشكل سليم .
شكرا saba n

[ماغنوم56]

اذا حلوة
ومتدينه ايه ليش لأ

[المحارب العتيق]

أكيد أي . بس مثقفة يعني فهمانة مو مثقفة بمعنى متعلمة .والفهم بدوه عن العلم . لأني مليت من عقل البنات الصغير
على الهامش
يعني مو ضد تكون دارسة بس القصد دارسة وفهمانة

[حـلا]

مساؤكم رائق

اعتقد المشكل بيكون بالمرأة المثقفة انها احيان بتنسى كونها امرأة

وبتهمل على هالاساس انوثتها

وتظل معتبرة الرجل "نــدّ" يجب ان تبرز له انها الاكثر فهما لها

هنا تصبح المثقفة "علّة" بكل معنى الكلمة

والرجل وقتها بيلفظها

لكن المرأة الواعية المثقفة العاقلة هي التي تجعل رجلها يبدو افهم منها

واكثر ثقافة ..
همسة لحواء:
مش مشكلة تنازلي شوي يا ستي

فالمكسب هو رجلك وهو الاهم

يسلمو للموضوع الجميل والطرح الواقعي

[waleeeeeedo]

مو شغلة ثقافة وبس ...
الرجل بيحب المرأة اللي بتشبع غروره وبتحسسو انو هو احسن رجل في الدنيا وما في منو ولا نسخة
ـ بالمصري {ماولدتوش ولاده} ـ وكذلك الانثى بوجه عام {متعلمة او جاهلة} بتحب الرجل اللي بحسسها بهالشعور وبهالاحساس انها فريدة من نوعها لافي قبلها ولابعدها ...
صحيح هالشيء ممكن مايكون حقيقة وفيه مبالغة لكنها تصب في خندق واحد للوصول على سعادة الطرفين

[karim94]

كاتب النص الأصلي : saba n

هل يرغب الرجل الشرقي بالمرأة المثقفة ..؟
على الاغلب الجواب :_لا..،لكن لماذا ..؟
ربما..لان التوصيفات التي باتت مرادفة للمرأة المثقفة هي متفزلكة،متفلسفة،مسترجلة،ك سولة،لا تملك حس الانوثة،لا تجيد من الحياة غير القراءة،لاتعرف حتى كيف تعد الشاي لنفسها....
ربما السبب الخفي هو احساس مستوطن في العقل الباطن للرجل الشرقي بأنها امرأة صعبة المراس..
ربما لانه يحسبها تعرف وتفهم فيدعي انها لاتعرف كيف تتعامل ..ولاتفهم ما عليها ان تكون..
المصيبة ان الفكرة انسحبت بأتجاه كل المتعلمات من النساء..
لأنني اؤمن دائما ان لكل مشكلة طرفين مسؤولين كليهما عنها..
فها انا اطرح عليكم الموضوع لمناقشة دور المرأة المثقفة ..ودور المجتمع الذكوري في صنع هذه الفكرة (الاشكالية)..

إلام الخلف بينكم إلا ما***وهذي الضجة الكبرى علاما؟
وفيم يكيد بعضكم لبعض***وتبدون العداوة والخصاما


رأيي الشخصي أنو تكون شو بدها تكون, بس تكون أنثى....يعني ما بدنا إثنين رجال فالبيت , واحد بيكفي.....

أما عن السبب: فمرات التطبع يغلب الطبع , يعني "هالثقافة" رح تكون مشكلة بالنسبة للمرأة....بحيث تخليها تتصرف على غير طبيعتها: تشوف الرجل كند لها!(عقدة نقص؟) تقعد تتفزلك و تتفهمن عليه, متسلطة, تميل إلى فرض رأيها......سليطة اللسان.....سريعة الغضب.........إيه بالناقص من هيك مرا, مو من وراها غير وجع الراس...........وصدقيني هالنماذج موجودة فالواقع, وشخصيا بعرف نسوة (أو رجال!) متل هيك...

وعالهامش: شو هو الرجل الشرقي اللي هلكتونا فيه, عالأقل حطولنا تعريف....عندي إحساس أنو مرادف للرجل المتخلف؟....

[يمان Rooooonaldo]

اكيد .. بفضل الواحد لانو ما حدا بحب ياخد وحدة ما نها لا متعلمة .. ولا معها هالثقافة ..

لا اكيد كل واحد مفروض .. لو بحب الطرف التاني بحبلو يكون .. منيح .. ومتعلم ..

عجبتني جملة بالموضوع بس

وتظل معتبرة الرجل "نــدّ" يجب ان تبرز له انها الاكثر فهما لها

هنا تصبح المثقفة "علّة" بكل معنى الكلمة

[Odell]

مو شرط التعليم

في نسوان بياكلو رجالو بلا ملح من دون شهادة


انا بقول المرأة باسلوبها سواء متعلمة او لا.. بتقدر تخلي رجالها يحبها ويقرب منها

او زي ما قالت حلا

وبتهمل على هالاساس انوثتها


وتظل معتبرة الرجل "نــدّ" يجب ان تبرز له انها الاكثر فهما لها

هنا تصبح المثقفة "علّة" بكل معنى الكلمة

بس اكيد انا بحب مرتي تكون متعلمة ومعها شهادة

هاد شي بطلبه العصر

بس ضلها تابعه الي اكيد وماتحيد عن طوري

ترضى فيي ماتحسسني اني متزوج انسان مستقل بزاتو

ازا كان الرجال راس.. فالمرأة هي الرقبه وهي يلي باسلوبها بتلف اراس لوين مابدها

[~YAFA~]

اكيد بحبها مثقفة ومتعلمة كماان هههه عشان تجيب مصاري

يمكن هيك
ويمكن لا
في ازواج بحبو نسوانهم تكون مغمضة بهلدنيا
عشان ازا جابلها شي هبل تكيف عليه
ا و ما تقلي بدي هيك وهيك يعني يرتاح من طلباتها

بس حسب رأييي بالوقت الحالي الاغليبة بتتطلب المراة المثقفة والمتعلمة

[ارسلان]

كاتب النص الأصلي : حـلا

مساؤكم رائق

اعتقد المشكل بيكون بالمرأة المثقفة انها احيان بتنسى كونها امرأة

وبتهمل على هالاساس انوثتها

وتظل معتبرة الرجل "نــدّ" يجب ان تبرز له انها الاكثر فهما لها

هنا تصبح المثقفة "علّة" بكل معنى الكلمة

والرجل وقتها بيلفظها

لكن المرأة الواعية المثقفة العاقلة هي التي تجعل رجلها يبدو افهم منها

واكثر ثقافة ..
همسة لحواء:
مش مشكلة تنازلي شوي يا ستي

فالمكسب هو رجلك وهو الاهم

يسلمو للموضوع الجميل والطرح الواقعي

كهذه المرأة الانيقة لم تنسى أن تُلبس صياغتها ثوباً أُنثوي الشكل
رغم اختلافي الودود مع رأيها الا أنني فتنتُ بمنطقها التعبيري ومسحة الجمال الانثوي على ثقافتها