هام جدا ( نجمة اسرائيل موجودة في جهازك)

[alaa_rsh2007]

اتصدق إن في جهازك نجمة إسرائيل السداسية

إذا عندك Microsoft Office 2003

فبالتأكيد يوجد في جهازك نجمه إسرائيل السداسية ...

اذهب ابدأ ثم تشغيل واكتب:

C:\Program Files\Microsoft Office\MEDIA\CAGCAT10

وابحث عن الصورة التي تحمل الاسم التالي :
J0285926 موضحة في الملف المرق هنا

هذه الصورة رمز لشعار الصهيونية وإسرائيل .

وارجو حذفها من الجهاز

تحياتي للجميع

[آكل كم]

بأكتر من برنامج موجودة النجمة لانو في يهود بشتغلوا برمجة هالبرامج اللي نحنا نزلها

[Abu Guzef]

ممم
طيب ليش لتكون نجمة يهودية
طيب ليش ما تكون مثلثين فوق بعض
ليش ما تكون 6 مستقيمات

[alaa_rsh2007]

معاك حق مزبوط مثل ما قلت

[alaa_rsh2007]

اخي دقق فيهون مزبوط

[ahmad222]

شووو فيها ليش في عربيي واحد اسمعتو انو اخترع برنامج اشي كلو عند اليهود والاجانب عشان هيك انضل ساكتين احسن

[هالوك]

شكرا لك جدا يا أخ

[sezar]

أهدمو مإذنة العروس في المسجد الأموي فهي تحتوي نجمة سداسية

[Abu Guzef]

قوية

[اممي]

ياجماعة لك لامتاه راح انظل عم انخربط بين اليهودية كدين وفكر وبين الصهيونية كحركة امبريالية توسعية مابعرف شو الداعي ان حدي يلغي نجمة داوود الي هية ارث انساني قبل حتي مايكون شي بيتبع الدين اليهودي ثم بتلاقي بنص الاثار الاسلامية نجمة داوود على هالحالة نحني عم ان برر اذا حق اسرائيل ان تطالب بالجامع الاموي وبالتالي بعدم فهمنا صح عم نعطيهن الي هن بدنيا
يارفاق مرة تانية لالالالالالالالالالالالا تخربطو بين اليهود والصهاينة لان في كتير يهود بالعالم ضد الفكر الصهيوني
والحزب الشيوعي العراقي كان عند العديد من الشهداء بحركة انصار السلام كانو يهود سقطو ضمن مظاهرات تندد بالصهيونية في زمان العهد الملكي

[ِAbu Alzooz]

ليش احذفها سؤال وجيه

[katty]

انو صح حكيك يا اممي اليهودية كدين تختلف تماما عن الصهيونية الامبريالية التوسعية و نجمة داوود ما الها علاقة بالامبريالية ولا التوسعية يعني مزبوط ياللي قلتو بس هاي النجمة عاملتها اسرائيل كرمز لها و بالتالي لافكارها . لذلك صار الارتباط مباشر بين الصهيونية و هاي النجمة . اما بخصوص شيلها او تركها من الجهاز فهدا ما رح ياثر بشي على هدا الكيان . بس ياالله ما خصرنا شي خلينا نشيلها احسن.

[R A M I]

برأيي كمان بطريقكم بتحذفو صورة الكعبة الموجودة ,, و صورة بوذا ,, بفرد مرة ,, لا يقوم الجهاز يصير معو مغص بعدين ..

[اريجو]

اسرائيل في كل مكان

وين في عروبة ..

بتيجي وبتحشر حالها تقلنا وراك وراك .. لنجيب اجلك..

جابتو وخلصت هي

يسلمو .. هالمعلومة قريتها من قبل .. وتحققت منها.

[Syrian Gay]

يعني شو عم تعملي النجمة ما بعرف

يعني حذفتا وبعدين ؟ شو بدو يصير ؟

يعني ليش كومبيوتري كومبيوتر البشرية يعني اذا محيتا بدها تنمحي من اجهزة مليار شخص

واذا مسحتا هون بدها ترجع تجي من غير برنامج

بعدين انا بحب اليهود بس بكره الصهاينة

[Abu Guzef]

مبروك سيريان حذفتا يعني انت قتلت الصهيونية

[اممي]

كاتب النص الأصلي : katty

انو صح حكيك يا اممي اليهودية كدين تختلف تماما عن الصهيونية الامبريالية التوسعية و نجمة داوود ما الها علاقة بالامبريالية ولا التوسعية يعني مزبوط ياللي قلتو بس هاي النجمة عاملتها اسرائيل كرمز لها و بالتالي لافكارها . لذلك صار الارتباط مباشر بين الصهيونية و هاي النجمة . اما بخصوص شيلها او تركها من الجهاز فهدا ما رح ياثر بشي على هدا الكيان . بس ياالله ما خصرنا شي خلينا نشيلها احسن.

ما هاد الي بدهيا الصهيونية منا ان نصير نخلط الرموز اليهودية بالافكار الصهيونية وبيتحول الدين اليهودي الي هو من اعرق الاديان علة الارض الي الفكر الصيهيوني وهاد الي عم يستفيدو من الصهاينة ليارجونا للعالم ان نحن ناس معادين للدين اليهودي والقصة ومافيها ان هدول المسلمين حلمهن القضاء علة اسرائيل لان ساعتها بيتخلصو من اليهود
هي المشكلة عم نعاني منها نحن الرفاق الموجودين برا لان الكل ماخد هالفكرة عنا وصراحة شعبنا هنن الي عاطي الصهيونية هالحق والصهيونية عم تستفاد من هالقصة عالاخير
عفكرة لو عرفو بالي عم تعملو فتاكدو ان بكرا بدن يحطو روبورتاج طولو 2 ساعة بيبن الحقد الدفين الي عند الشباب العربي للدين اليهودي وصراحة هالنجمة العالم كلو ونحنا بنعرف انها نجمة داوود والله يرحم مالحق يصير عضو بالكنيست الاسرائيلي

[واحد مايت]

شكراااااااااااااااااااااااااااااا