آصف شوكت يعترض على قرار ترفيعه ويرفض الالتحاق بالعمل

[ayhamm26]

قالت مصادر مطلعة لإيلاف إن العماد آصف شوكت اعترض على قرار ترفيعه لرتبة عماد ، ورفض قرار نقله من شعبة المخابرات العسكرية لنائب رئيس الأركان ، كما رفض الالتحاق بمكتبه الجديد ، وقرر الاعتزال في إجازة في منتجع روتانا ، وأغلق هاتفه المحمول الخاص ، وكذلك فعلت زوجته السيدة بشرى الأسد وكل افراد عائلته وأصدقائه . وكان قد أصبح السؤال التقليدي منذ فترة في أوساط الشعب في سوريا وقبل صدور قرار الترفيع "هل هو في مكتبه بالفعل ام هو خارج البلاد في فرنسا او أبو ظبي "، والمقصود في السؤال هو "اصف شوكت رئيس المخابرات العسكرية في سوريا سابقا وزوج بشرى الأسد الابنة البكر للرئيس السوري الراحل حافظ الاسد والشقيقة الكبرى للرئيس السوري الحالي بشار الأسد ودون ان يعرف احد ممن ُيسالون الاجابة ، ويتبع السؤال الاول تأكيد" انه عصر اللواء علي مملوك مدير ادارة المخابرات العامة وهو الامر الناهي ...انه بات الرجل القوي الأول في سوريا "..

وبالفعل لقد تنحى او ُنحي اصف شوكت منذ فترة وسط الكثير من المشاكل البعض يربطها بملف غازي كنعان والبعض يربطها بملف المحكمة الدولية في اغتيال رفيق الحريري رئيس الوزراء اللبناني الاسبق الا ان لايعرف احد بالضبط مهما كان مقربا ما الذي يجري في العائلة الا ان دور اصف تلاشى ليحل مملوك كمصدر كقوة للنظام وباتت تتشابك في اصابعه كل الفروع الامنية وخرج من عباءته كل قادة الفروع الامنية مؤخرا ، ولكن ما الذي تبدل في سوريا وزير الدفاع ووزير الاركان الذي كان يحتلهما مصطفى طلاس وحكمت الشهابي لم يعودا مؤثرين.

وتجمعت مراكز المخابرات باتجاه التنسيق بيد المملوك اذ تربع على عرش الفروع الامنية نوابه والموالين له حيث خرج من لعبة المخابرات اصف بترفيع اللواء آصف شوكت لرتبة عماد ونقله من شعبة المخابرات العسكرية لنائب رئيس الأركان . لينتقل اللواء عبد الفتاح قدسية من رئاسة المخابرات الجوية لرئاسة المخابرات العسكرية كما ترفع العميد جميل حسن نائب رئيس مخابرات امن الدولة لمرتبة لواء ونق لرئاسة المخابرات الجوية ورفع العميد زهير حمد رئيس فرع المعلومات في امن الدولة لمرتبة لواء وتعيينه فورا بمنصب نائب رئيس امن الثاني الذي كان يشغله جميل حسن شاغرا بعد انتقال ديب زيتون ليصبح رئيس الأمن السياسي وبعد خروج اللواء حسن خلوف النائب الثاني لمملوك الى التقاعد ليقال انه اصبح سفيرا لبلاده الا ان القرار لم يصدر رسميا .

جوائز ترضية هنا وهناك مناصب تتوزع دون دراسة ...وليس مهما فقط الولاء لتحتل منصبا رفيعا في سوريا بل هناك اشياء غير مفهومة بالفعل في لعبة المناصب والتوازنات ناهيك عن لعبة الطوائف التي يجب الاهتمام بها .

والملاحظ في سوريا ان رئيس الحكومة محمد ناجي عطري ورئيس مجلس الشعب محمود الابرش لا يأتمران بأمر الرجل القوي علي مملوك لذلك تجد في المواقع الالكترونية المحسوبة على المخابرات انه بامكانك ان تجلد عطري والأبرش ومرجعيتهما غالبا القيادة القطرية التابعة لحزب البعث الحاكم ونادرا القصر الرئاسي .



موقع ايلاف.

[ayhamm26]

له له ياشباب يا رفاقنا في القيادة الحكيمة, حلوها بين بعضكن ولا تشمتوا الأعادي فينا

على شو الرفيق اصف شوكت حردان؟؟ مشان شوية كاش , لك يلعن ابو المصاري اذا خزينة الدولة فاضية لانو الرفيق رامي مخلوف ما عم يشبع وما عم يخلي للدولة شي خدولوا قرض من القذافي شي مليارين دولار وما حدا احسن من حدا .
المهم بالاخير مصلحة الوطن اللي ما حدا بيفهم فيها الا انتو يا اسيادنا.

[sona78]

مو بعيد الخبر
بس للصراحة موقع ايلاف ما كتير بوثق فيه لما بيتعلق الامر بامور سورية ولبنان
خاصة انو ما كاتب من وين مصدر معلوماتو
بس اكيد ما مستغرب الخبر ... شكلها الامور بين افراد العائلة ما كتير ماشية

[بنفسجة]

له له يارجل كبر عقلك من شو بتشكي مرتبة عماد ومكتب نائب رئيس الاركان
ولووووووووووووووووووووووو وووووووووووو
قال لو دامت لغيرك ما وصلت الك

[ayhamm26]

كاتب النص الأصلي : sona78

مو بعيد الخبر
بس للصراحة موقع ايلاف ما كتير بوثق فيه لما بيتعلق الامر بامور سورية ولبنان
خاصة انو ما كاتب من وين مصدر معلوماتو
بس اكيد ما مستغرب الخبر ... شكلها الامور بين افراد العائلة ما كتير ماشية

معك انو موقع ايلاف مانو حيادي وخاصة فيما يتعلق باخبار سوريا ولبنان, بس واضح انو الخبر في نوع من التشفي ب اصف شوكت و تم تسريبو من شي حدا من اللي فوق اللي بيكرهوا و حابين يشمتوا في.

بس المنطقي بالخبر انو النسبة لواحد متلو ترفيعو لرتبة عماد و هالمنصب الهزيل اللي عطوا ياه هو اكيد اكبر اهانة و تمهيد لاحالتو على التقاعد.


هلق الشغلة اللي بتهمنا هون انو شو صار بالاصلاح يا بي؟؟ هي الضغوط الخارجية راحت, هي الوفود الغربية رايحة جاية و الغزل مع ابو حسين اوباما شغال و قال عزمو لعنا وهو قبل العزيمة

طيب الشعب شو مستفيد؟؟ هل رح تخف سطوة الامن شوي, رح يبطلو يمسكو الواحد على تعليق كتبو هون او مقال نشروا هنيك او حتى على كلمة طلعت منو؟؟ رح يبلشوا يصلحوا هالاعلام المهتري ؟؟ رح تتحسن حياة المواطن الاقتصادية؟؟ رح يطالعوا اخيرا قانون احزاب عصري يكون بداية اصلاح النظام السياسي بهالبلد؟؟

انا شايف الاصلاحات الوحيدة اللي ما عم توقف هي اصلاحات اجهزة المخابرات مشان تقدر تتحكم بهالشعب اكتر و اكتر.

[mhsen77]

كاتب النص الأصلي : sona78

مو بعيد الخبر
بس للصراحة موقع ايلاف ما كتير بوثق فيه لما بيتعلق الامر بامور سورية ولبنان
خاصة انو ما كاتب من وين مصدر معلوماتو
بس اكيد ما مستغرب الخبر ... شكلها الامور بين افراد العائلة ما كتير ماشية

آصف شوكت برأيي سبب كتير مشاكل للنظام لهيك كان لابد من اعفاؤو من مركزو الحساس و كونو صهر الرئيس كان اعفاؤو بهالشكل يلي فينا نقول عنو لطيف

[DARKNESS]

الله يكون بعونه و يحمل معو

[i_miss_syria]

كاتب النص الأصلي : mhsen77

آصف شوكت برأيي سبب كتير مشاكل للنظام لهيك كان لابد من اعفاؤو من مركزو الحساس و كونو صهر الرئيس كان اعفاؤو بهالشكل يلي فينا نقول عنو لطيف

دخلك كل واحد بيعمل مشاكل بهالبلد بيرفعو لرتبة عماد.
والله بلد حركات و ليس لنا أي شبيه او فرع آخر بالعالم... و اتحدى .

[i_miss_syria]

كاتب النص الأصلي : mhsen77

آصف شوكت برأيي سبب كتير مشاكل للنظام لهيك كان لابد من اعفاؤو من مركزو الحساس و كونو صهر الرئيس كان اعفاؤو بهالشكل يلي فينا نقول عنو لطيف

دخلك كل واحد بيعمل مشاكل بهالبلد بيرفعو لرتبة عماد.
والله بلد حركات و ليس لنا أي شبيه او فرع آخر بالعالم... و اتحدى .