يوميات طالب بكلوريا مودرن ...!

[souriana]

شو القصة, صباح الخير
لاتواخذونا بس كنت بسباتي الشتوي

[cornholio]

لأ فعلا شي مودرن و اخو اختو
لك روح شايفلك انت و هاليوميات

[..Jimy]

كاتب النص الأصلي : saman

عم تشمت ما

اي وسعدو ..سوسي مو بإيدي

يا سيدي نحنا من أول السني أجت الآنسي عم تشرح

_ "من لطمك على خدك الأيمن ..فأدر له الآخر"

_ يعني نكون خروء آنسي

_ لأ هون عم نقصد التسامح

_ايوا

_"ومن سخرك لتمشي معه ميلاً..فامشي معه ميلين"..

_مو ناقص غير ركبو عضهري كمان

_بعد ما يخلص الدرس منحكي

_ايوا

_"ومن طلب منك ثوبك... فاعطه ردائك كله"...

_ أي لاااااا... هيك تخيني

_طلاع لبرا

_خير آنسي

_هيك عم إلك طلااااع لبرا

_إي تكرم عيونك آنسي

_ويلي مابدو يحضر..ينئلع معو

(وباعتبار آخدنا بدرس سابق "لا تكذب" )
فالشباب والصبايا ما كذبو خبر..

ضل في بالصف تلت بنات...اتهمناهن بالخياني العظمى..والعمالي للامبرياليي..

بس في بنتين منهن حلوين شوي زيادي عن اللزوم ..فسامحناهن بعدين ..

ومن يومها لهلئ آنسة الدياني ما داست صفنا ..
حتى بس نشوفها ونصبح عليها....ما عادت ترد ...

أنو ليش هالحقد ما بعرف...آل وآنسة دياني




* يذكر أنو صفنا كلو عبعضو 19 بني آدم..

[Dndoshy]

مبارح بحصة الفيزيا الله غضب علي وقعدت اول مقعد(بوش الانسة)

وانا غريزيا ما فيني الا ما اكل بزر....واذ بتشوفني الانسة

الانسة:داني اذا اسى بشوفك عم تاكل بزر بدي اربطك عند الباب

انا:انسة على التسلسل او على التفرع

الانسة:داني طلاع لبرة

انا:انسة سكر الباب ورايي ولا اتركو مفتوح(بكل تهذيب وبرودي)

الانسة:انئلع

وهيك اطلعت لبرة وبما انو الله بيحبني لقيت امجد و طوني
(رفقاتي بالشعبيةالتانية)شرواي مقلعين

ونحنا نازلين على الدرج منفكر؟نروح ناكل منقيش ولا...

واذ منلاقي صف التاسع ميلعبو فوتبول

منجي منخصرون 6-1

وهيك للمسى لشي الساعة7 رحنا انا ورفقاتي لعند مكتب بيو لفادي(بيو نصاب
وحرامي مابيحتاج للمكتب)

قعدنا وجبنا فلم وحضرناه مع بزر وفستق وبيرة(الفهمانين جابوالبيرة تئيلي وانا ما بحب البيرة التئيلي)

هيك كمان لحتا جيت على البيت شي الساعة 11 فتت عاخوية بعد معاناة كبيري ميشان يعلق الخط

بعدا نزلت لعند ابن عمي كانو اهلو نايمين ففتنا على المطبخ وحطينا غنية دورها دور دور وكن عندو شوية وسكي شربناهون

وقد يعلمني شوية فرنسي وهيك ضلينا منحدث لشي الساعة 1 بعدا طلعت على البيت وما لحقت حط راسي على المخدي لحتا نمت



-----على الهامش-----

هلق انا طالب عاشر والموضوع لطلاب البكلوريا بس بدكن تعزروني لأني حبيت شاركم معاناتي
بتعرفو صف العاشر كلو حشو مواد للعلمي وللأدبي وأنا مخي ضيوي عكتر الدرس

[باشق مجروح]

أخوية صار بدا خرزة زرقا مشان هالعدد الكبير من علماء المستقبل

[el3ageed]

alla ya3tek el 3afia raja3etni lal ayam l 5awali roh ala ykon be3onak w 3on kel 6lab el bakaloria es alla 3ala hadek el ayam o madraset (( ebn l ather )) w madrst el banat le kanet sabab fashal tat rba3 el daf3a le kent feha (( ghassa 3abood )) allah lah ya zamansma7oli 3am ektob bel 3angalizi la2no ma 3andi liom kyebord 3arabi shnno ana besheghl
t7eiati ll kell

[saman]

كاتب النص الأصلي : ..Jimy

اي وسعدو ..سوسي مو بإيدي

يا سيدي نحنا من أول السني أجت الآنسي عم تشرح

_ "من لطمك على خدك الأيمن ..فأدر له الآخر"

_ يعني نكون خروء آنسي

_ لأ هون عم نقصد التسامح

_ايوا

_"ومن سخرك لتمشي معه ميلاً..فامشي معه ميلين"..

_مو ناقص غير ركبو عضهري كمان

_بعد ما يخلص الدرس منحكي

_ايوا

_"ومن طلب منك ثوبك... فاعطه ردائك كله"...

_ أي لاااااا... هيك تخيني

_طلاع لبرا

_خير آنسي

_هيك عم إلك طلااااع لبرا

_إي تكرم عيونك آنسي

_ويلي مابدو يحضر..ينئلع معو

(وباعتبار آخدنا بدرس سابق "لا تكذب" )
فالشباب والصبايا ما كذبو خبر..

ضل في بالصف تلت بنات...اتهمناهن بالخياني العظمى..والعمالي للامبرياليي..

بس في بنتين منهن حلوين شوي زيادي عن اللزوم ..فسامحناهن بعدين ..

ومن يومها لهلئ آنسة الدياني ما داست صفنا ..
حتى بس نشوفها ونصبح عليها....ما عادت ترد ...

أنو ليش هالحقد ما بعرف...آل وآنسة دياني




* يذكر أنو صفنا كلو عبعضو 19 بني آدم..

والله نهفة
بس يا محلى يكون عندك آنسة .. قدام ما يوكن عندك استاز (شيخ )

هلق انا طالب عاشر والموضوع لطلاب البكلوريا بس بدكن تعزروني لأني حبيت شاركم معاناتي
بتعرفو صف العاشر كلو حشو مواد للعلمي وللأدبي وأنا مخي ضيوي عكتر الدرس

اي مو مشكلة كفو ...
اي ما احكيك عن مغامراتي يلي بصف العاشر شو بتقول لكان ...


يلا في المساء نلتقي مع مغامرات جديدة من ...
كاليـميرو .. كاليـميرو ... حكاياته مفرحة
كاليـميرو .. كاليـميرو .. قصصه مسلية

[saman]

يوم حافل بالحماس من الصبح
فقنا الصبحيات ... على انغام ( امير قوم ساويلنا فطور )
قمنا عالشغل .. كالعادة بجد ونشاط وحيوية .... رحنا لهونيك وروقت جداً .. وسمعت برجي ... عم بيقول .. يوم حافل بالحماس وبدك تشوف ناس بتحبهن وبدك تروق
وفعلاً زبط
وفوق كل هاد وانا ماشي بالطريق عم ودّي غرض ..... شخّت عليي (ستيتية) حمامة !!! .. طبعاً انا بالبداية قرفت
بس بعدين عرفت انو هادا نزير خير
طلعت من الشغل عالانترنت ... اتسيلت شوي عالفيس بوك
ومن ثم .. نطيت من فوري .. رحت لعند رفيقي .. وعزمني على أكلتي المفضلة جداً كثيراً .. وهيي الفاصوليا ورز ... يمي يمي
بتصدقوا .. انو من كتر ما بحبها ... مرة .. تحممت بالمرقة شيتها ... وغطست راسي بالطنجرة كمان
سيدي ما علينا ... رجعنا ركيد ... من عند رفيقي عالبيت .. منشان آخد كتبي وروح عالمدرسة .... الحمد لله الشوفير كان آدمي
أخدنا الغراض ومعدتي متخوفة من تلات صحون كبار فاصوليا ورز ..... واختي ضيفتني سندويشة شيش مع علبة سلطة ... بس ما كان فيني ... أخدتهن عالمدرسة واكلت السلطة اما السندويشة عطيتها لرفيقي ........ بس انو آكلة شيش باردة ما زبطت تماماً
ما علينا ... كانوا الحصص اليوم صحيح طوال بس حلوين .. وحسيت حالي اني درست !!
يعني تلت حصص عربي قواعد وما قواعد .. روقت فيهن آخر رواق ...
وحصتين انكليزي ... كمان كانواكتيييير حلوين .... وعملنا مزاكرة ... انو خربطت بكلمتين .... بس نتايجي ماشي حالها ...
وطلعت هيك وانا فرحان ومبسوط .. لسجل هالحكاية المفعمة بالحماس بأخويتنا الحرة ....
ع فكرة جاي عبالي سمّي هاليوم: يوم الدراسة العالمي
يلا انا رايح ادرس منشان طبّق هالمقولة .... دعولي
اقول قولي هازا .. وادعو سعدو .. ان لا يتعطل السيرفر وانا افقش على (ارسال الرد)
نراكم في الحلقة القادمة
وغداً نلتقي

[عطر الايام]

ههههههههههههههه يعني سوري منك بس يبعتلك لعية
عنجد فرطت من الضحك
هلا انا مافهمت انت عم تدرس
والله جاية على بالي سمعلك
بس ما التلنا شفت حدا بتحبو متل ما الك برجك؟؟؟؟؟؟؟؟؟

[ritka]

طب بيمشي الحال لو كانت المدرسة هون بكندا؟؟
بتعرف شو بلاها ما بدك هالشغلة

[boy freind]

ليش حاسسك (boy friend)
حاضر رمووش رايح ادرس

ليش شبو boy friend

[saman]

كاتب النص الأصلي : boy freind

ليش شبو boy friend

ليش مين في غير بوي فريند بيقول : (بلا علاك )

انو في يوميات مثيرة جاية عالطريق .. انتو بس انطرو شوي

[همس الياسمين]

عجبتني الفكرة فيني ضيف يوميات جامعية

الله ينجحك ميرو

[boy freind]

كاتب النص الأصلي : saman

ليش مين في غير بوي فريند بيقول : (بلا علاك )

انو في يوميات مثيرة جاية عالطريق .. انتو بس انطرو شوي

اي بلا علاك

[Sun Shine Art]

ولك ايه الله يرحم ايامنا
روح ادروس مشان ابو غيمه

[saman]

بما انو الفحوصة بلشت ..
ترقبوا يومياتنا الجديدة بعد عشر دقايق

[Sarita]

شوية تانية رح يشلحو الاندر وير شيتو !!

يا ريتني كنت معكون
اااخ بس معليش

موفق شريك
انو عادي ادرس لالي انتي قادر عليه والباقي خليه عالله والراشيتات المقدسة بلا ما تخلي الكآبة تجيك من الدراسة فرفش عن حالك
بس علقليلة اعمل جهدك مشان ما تندم بعدين

[saman]

بق بق .. بق بق .. بق بق..
هاد ماي قلب عم يدق من الرعبة ...

انو يا سيدي من الساعة 12 بالليل للساعة 6 الصبح في التاريخ المحدد اعلاه ما كنت نام وعلى سف قهوة وحشيش

انو ادرس وادرس و ادرس .. وعلى اساس فهمان.. الشي يلي بيعلق بيعلق ويلي ما بيعلق انشالله عمرو
عيرنا الموبايل عالساعة 7 منشان نفيق ...
فقنا الساعة سبعة ع صوت الاماما وغنية "بصراحة " شيت زياد .. شنو كنا عم نسهر عليه
المهم هيك فقت وع الشريع لبست هالبنطلون بايد ومسكت سندويشة المسبحة واكلت بندورية بايد تانية
طباً الصبح بلا التهاج وخوف ما بيمشي حالو .. قعدت سنة دور عالبطاقة وسنة دور عالقلام ...
اسرعنا بالخروج .. بعد ما اخدنا رضا الوالدة
وبعد ما حوطتني بالكبجاية وبالايات والادعية
يا سيدي بعد هالمقدمة الدراسية الطويلة العريضة .. طلعت من البيت والخوف والتلبك والقلق والتوتر والفوبيا يمل قلبي
مع انو كان معي وقت اوصل للمركز شيت الامتحان مشي .. بس مدري ليش اول ما شفت سيارة صفرا اسرعت بالركوب فيها .. وما ادراك ما السيارة الصفرا ... (حسيت حالي متل مرسيل باترفلاي ) .. طلع ع العدّاد 9 ليرات .. أخد 25
المهم وبلا طول سيرة انتقعنا برا المدرسة شي ربع ساعة .. قدام المزابل
بعدين فتنا وشفنا الوجوه يلي بتقطع الرزق وبلشوا يقولوا التعليمات السخيفة كـ العادة
طلعنا عالقاة وقعدنا ندور .. قول انا ما دورت كتير دغري لقيت صفي ومطرحي .. بس المشكلة انو يلي ويلي قدامي كسلانين اكتر مني وقعود واحد ينعرك من قدام والتاني من ورا منشان تنقلو .. بس انا حقير ما بعملها
اجا المراقب بوجه بشوش .. اوجت المراقبة بوجه ابشش
الله لا يورجيكن .. البيديكور الاحمر الفاقع.. والشحاطة الصفرا والشعرات المنكوشين .. والعلكة يلي بتصرع المخ
انو اشتهيت شوف مراقبة ما بتعلك مسكة !
الله وكيلكن ضليت بين ما وزعوا الوراق ايدي على قلبي وعم قول .. هلأ بموت وشوي بموت ... بس ما متت

بعد ما اجو هالاسئلة .. حسيت براحة .. شوي .. بس بعد ما قريت الاسئلة عقلي طار
ضليت شي ربع صاعة مسكر ادنيي ومغمض عيوني بعدين رجع عقلي وجاب معو المعلومات وفاتوا عالجمجمة وبلشت اتزكر كل شي
يحرق اخت الفلسفة .. اليوم تفلسفت ليوم الفلسفة ... لك الله وكيلكن صرت امرّ من مؤلفين الكتاب باللعي الفاضي والتفزلك
يعني الحمد لله قدمت بشكل جيد .. جاوبت على كل الاسئلة .. شي فلسفة .. شي صح .. شي تخبيص وفزلكة

ما صدقت ايمتا صار نص الوقت .. قعدت ربع ساعة بعدين سلمت بعد ما تنعور بدني من يلي ورايي .. يبعتلو قتلي ما اغلظو
مرقنا هيك ع الاصحاب وصحاب المحلات يلي بعرفهن وبلشنا نطمن البشر .. بعدين رجعت عالبيت فارط وبس بدي نام ..
شفت شي 12 ميسد كول .. شي من اهلي وشي من لمّة .. يسلملي ربها هالبيت شو بحبها
رنيتلها كـ العادة وهيي دقت واتطمنت
ومن ثم قدحناها نومة للـ 6.30 المسا .. فقت تزهرمت وسمعنا فيروزيات المسا ..
وهي جيتي عالكافي نت لنسلم ونتطمن عالبشر ونكتب هي اليوميات

اقول قولي هازا .. وادعو سعدو .. ان لا يتعطل السيرفر وانا افقش على (ارسال الرد)
نراكم في الحلقة القادمة
وغداً نلتقي