حرب تشرين التحريرية .....

[abosleman]

هلئ اليوم 5 تشرين
لهيك هي تسجيل متابعة

[phoenixbird]

مشي طق الحنك على قول زياد

[phoenixbird]

كاتب النص الأصلي : BL@CK

عفوا ً منك إزا انت معتبر أنو في حد دايس عـ حريتك .. ما تعمّم الحديث عـ كل السوريين .. كل واحد يحكي عن حالوه يا أخي ..

ابقا سلملي عـ انطوان سعادة بطريقك كمان ..

يسلملي المثقف

كاتب النص الأصلي : brave heart2

اول شي شكرا على تعبير دايس ... بس هوة الشي يلي تربينا علينا البسطار العسكري

بس دخليك .... اذا مبسوط بحريتك ما حدا قرب عليك ... كل واحد بيحكي عن وجعو

(( كريم - حسام _ طارق _ ماهر _ .........الخ عارف دليلة ميشيل كيلو كلهم احرار ... صحيح مقيدين بس احرار اكتر منا

وحكيك على انطون سعادة ... متل مطرب بكباريه عم ينتقدر زياد الرحباني

وانا ما عممت ... برجع وبقول كل واحد بيحكي عن وجعو

والك مني الف تحية

حبيب ملاحظ انو بكل موضوع عم تفتق وتعيد بنفس السيرة كريم ورفاقه والحرية انو الموضوع مو عنون
يعني روقا شوي

كاتب النص الأصلي : COSTA

اي وهلأ رافع راسو برتبو العسكرية ؟؟؟؟؟
ولا عم يهدد الناس برتبتو ويسرق وينهب والمحسوبيات مشان رتبة ....

طول بالك مو لهدرجة

كاتب النص الأصلي : Barleb

مظبوووووووط .. معي حق .. بس مو حق كامل..

معي تقريباً
0.000000075 حق رد .. لأنو حكومتنا عما تجمع حقوق الرد ( ناسية حقوق أخرى )

و بدا توزعها عـ المواطنين .. فـ صاير حالياً الـ سيريان دريم .. أنو يكون عند كل عيلة سورية .. حقين رد .. او اكتر ..

اما بالنسبة لـ أنصاف الرجال .. فـ هني انا و انت .. و كل واحد متلنا .. عم تفهم عليي ؟

آه يعني نحنا نص رجال ؟ والله برافو انك خبرتني بس قللي شو يعني انصاف الرجال بللاه؟

[shasho]

شباب عذراً, بس بما انه الديمقراطية موجودة وكلنا عم نتغنى فيها فبظن اني ممكن قول رأيي
إذا فينا نرجع للأيام يللي سبقت حرب تشرين ونعيش بهديك الفترة كان الكل سماها حرب تحريرية وانتصار.
التحرير كان عم يحصل للأرض, وأنا شخصياً اجتمعت بكتير من الجنود والضباط يللي شاركوا بالمعارك, والكل بيعرف لوين وصلت قواتنا.
وكمالة القصة انتو بتعرفوها تبع قبول الراحل السادات بوقف اطلاق النار إلخ....
بس أنا بشوف انه أهم تحرير كان تحرير العقل العربي من فكرة انه نحنا ما منقدر نحارب, واسرائيل أقوى منّا,
وهلأ أنا بظن انه آن الأوان لحرب جديدة بعد كل يللي حصل ببلادنا من فساد وتخبيص, بس حدا سأل إذا كان هالفساد مصدره الضباط يللي الشباب حكوا عن فسادهن؟
كمان هاد الوضع المتردي بالجيش سببه كل الضغوط على سوريا, الضغوط العسكرية والإقتصادية, ممكن حدا يقول انه الرئيس حافظ الأسد كان مو عرفان بالشي يللي صاير بالمؤسسة العسكرية؟ طبعا بيعرف. وممكن حدا يقول انه كان راضي عن هالشي وقبلانه؟ طبعاً لأ لأنه كان عنده دايما الباب مفتوح ليفاوض ويحصل على القليل من الحقوق وخلصنا, ويجدد الجيش بس بدون ما يكون عنده نية هالجيش يحارب يعني متل جيش مصر والسعودية, مدجج بالأسلحة الحديثة وميزانيته عالية بس ناقصة شغلة كتير زغنونة انه ما بده يحارب.
الفكرة انه يللي صار بجيشنا والفساد بمجتمعنا كان من أهم أسبابه شيئين:
1- الحصار الإقتصادي والعسكري المفروض من زمان على سوريا, يللي أدى لتدهور سعر صرف العملة وبالتالي فقر الشعب, وبداية قصة الحربئة والرشاوي.
2- المعارضين يللي ما رادوا الخير لوطنهن وتحديدا الإخوان المسلمين وهي بدي وضح فيها وجهة نظري:
بعد حرب تشرين -اسألوا أهلكن- بدأت بسوريا حركة ديمقراطية توافقية متل يللي أسسلها الراحل حافظ الأسد باتفاق الطائف للبنان, لكن الإخوان رفضوا فكرة التوافقية وطالبوا بالديمقراطية العددية, ويللي أنا أول الرافضين إلها, لأني كمسيحي ما بيعود إلي دور بحكم البلد, وبدأ النزاع وتطور ليصير أعمال عنف.
هلأ بطلب من كل واحد منكم يحكم ضميره ويسأل حاله شو كان عمل لو هو كان رئيس سوريا.
كان سلم الحكم لهالعصابة؟ ورجعت كل الأقليات تتهمش بالقرارات بالوطن (مستعد أعطي أمثلة عن هذا التهميش)
رجاءً... هاد رأيي ويا ريت نتناقش بهدوء

[Barleb]

كاتب النص الأصلي : كنان2006

آه يعني نحنا نص رجال ؟ والله برافو انك خبرتني بس قللي شو يعني انصاف الرجال بللاه؟

اي متلنا .. فرد شكل .. أنو كانو ..

كلمة انصاف الرجال خلقة ألنا ..

اللي بياكل بهدلة من مديرو بالشغل .. و ما بيرد عليها .. بيرجع بيفش خلقو بالمرا و الولاد ..

هاد شو ؟؟



من كام يوم صادفني واحد محشش .. شربان مطفي عـ الأخير .. قلي بدي قلك مثل .. قلتلو قول ..

قللي اللي مالو رجول .. ما لو رجال

انو يعني ..

بس نوعى شوي ..

[Government]

حبيب ملاحظ انو بكل موضوع عم تفتق وتعيد بنفس السيرة كريم ورفاقه والحرية انو الموضوع مو عنون
يعني روقا شوي

يازلمة بربي انك بقلبي ..
يازلمة انا من جهتي عفن قلبي من هالسيرة صرت حفظان اسماءن كلياتن وليش دخلو وليش طلعوا وشو عبصير معن من كتر مانعاد يازلمة كل مادق الكوس بالجرة بزكرننا فين
اخي كريم ورفقاتو على عيني وراسي من فوق والله
والله يرجعن لاهلن ويلايرجعوا لحريتن ومابردلن الا كل خير ..

بس انو خلص عفن قلينا مشتهي اشفلوا رد لهالزلمة من شهرين لهلأ مافيو كلمة كريم
انو ولو بالزوق شوي صرنا حفظانين القصة وقلوبنا كلياتنا معن ومابدنا غير يرجعوا بالسلامة
بس موضوع مالو علاقة بالمرة لا بكريم ولا برفقاة كريم بتدخل السيرة بالنص
كل هادا بتحبن روح عميل مواضيع بتخصن واحكي فين ع راحتك لانو هالمواضيع بتخصن بس ماضروري كل موضوع تغيروا اتجاهو بهالسيرة ..

ومرة تانية برجع بقول وبكرر الله يرجعن لاهلن ولحريتن ومامنردلن الا كل خير


ومع كل احترامي

[COSTA]

كاتب النص الأصلي : shasho

شباب عذراً, بس بما انه الديمقراطية موجودة وكلنا عم نتغنى فيها فبظن اني ممكن قول رأيي
إذا فينا نرجع للأيام يللي سبقت حرب تشرين ونعيش بهديك الفترة كان الكل سماها حرب تحريرية وانتصار.
التحرير كان عم يحصل للأرض, وأنا شخصياً اجتمعت بكتير من الجنود والضباط يللي شاركوا بالمعارك, والكل بيعرف لوين وصلت قواتنا.
وكمالة القصة انتو بتعرفوها تبع قبول الراحل السادات بوقف اطلاق النار إلخ....
بس أنا بشوف انه أهم تحرير كان تحرير العقل العربي من فكرة انه نحنا ما منقدر نحارب, واسرائيل أقوى منّا,
وهلأ أنا بظن انه آن الأوان لحرب جديدة بعد كل يللي حصل ببلادنا من فساد وتخبيص, بس حدا سأل إذا كان هالفساد مصدره الضباط يللي الشباب حكوا عن فسادهن؟
كمان هاد الوضع المتردي بالجيش سببه كل الضغوط على سوريا, الضغوط العسكرية والإقتصادية, ممكن حدا يقول انه الرئيس حافظ الأسد كان مو عرفان بالشي يللي صاير بالمؤسسة العسكرية؟ طبعا بيعرف. وممكن حدا يقول انه كان راضي عن هالشي وقبلانه؟ طبعاً لأ لأنه كان عنده دايما الباب مفتوح ليفاوض ويحصل على القليل من الحقوق وخلصنا, ويجدد الجيش بس بدون ما يكون عنده نية هالجيش يحارب يعني متل جيش مصر والسعودية, مدجج بالأسلحة الحديثة وميزانيته عالية بس ناقصة شغلة كتير زغنونة انه ما بده يحارب.
الفكرة انه يللي صار بجيشنا والفساد بمجتمعنا كان من أهم أسبابه شيئين:
1- الحصار الإقتصادي والعسكري المفروض من زمان على سوريا, يللي أدى لتدهور سعر صرف العملة وبالتالي فقر الشعب, وبداية قصة الحربئة والرشاوي.
2- المعارضين يللي ما رادوا الخير لوطنهن وتحديدا الإخوان المسلمين وهي بدي وضح فيها وجهة نظري:
بعد حرب تشرين -اسألوا أهلكن- بدأت بسوريا حركة ديمقراطية توافقية متل يللي أسسلها الراحل حافظ الأسد باتفاق الطائف للبنان, لكن الإخوان رفضوا فكرة التوافقية وطالبوا بالديمقراطية العددية, ويللي أنا أول الرافضين إلها, لأني كمسيحي ما بيعود إلي دور بحكم البلد, وبدأ النزاع وتطور ليصير أعمال عنف.
هلأ بطلب من كل واحد منكم يحكم ضميره ويسأل حاله شو كان عمل لو هو كان رئيس سوريا.
كان سلم الحكم لهالعصابة؟ ورجعت كل الأقليات تتهمش بالقرارات بالوطن (مستعد أعطي أمثلة عن هذا التهميش)
رجاءً... هاد رأيي ويا ريت نتناقش بهدوء

ردك بدو صفنة طويلة .....
الي رجعة

[phoenixbird]

كاتب النص الأصلي : Barleb

اي متلنا .. فرد شكل .. أنو كانو ..

كلمة انصاف الرجال خلقة ألنا ..

اللي بياكل بهدلة من مديرو بالشغل .. و ما بيرد عليها .. بيرجع بيفش خلقو بالمرا و الولاد ..

هاد شو ؟؟



من كام يوم صادفني واحد محشش .. شربان مطفي عـ الأخير .. قلي بدي قلك مثل .. قلتلو قول ..

قللي اللي مالو رجول .. ما لو رجال

انو يعني ..

بس نوعى شوي ..

والله اذا انت مابترد على بهدلة مديرك انا يسترجي يبهدلني طالما مو عامله شي غلط
اي هاد نص رجال
طلعنا برا الموضوع

[الراصد السوري]

كاتب النص الأصلي : COSTA

من 34 سنة ونحنا عم نحكي فيها ......
الجولان رجعت ......؟؟؟ لاء
السلام وينو ..... ؟؟؟
شو صار معنا بعد 34 سنة ....
ما زال وقف اطلاق نار موجود وقائم يعني باي لحظة مندخل الحرب ....
ايمتا بدها تنحل ؟؟؟؟
يللي ماتو واستشهدو في سبيل الوطن وين راح دمهون ......
يا ترى بترجع الجولان ؟؟؟

أكيد الجولان رح ترجع وحياة عينك لترجع ... ومنذكر بعض ... لأانو ما في شي بيدوم إلا الله وحده

يا سيدي إن انت هيك كاتب عن وطنك وأرضك فإذا كان واحد متلك عنا في البلد وكمان هيك كاتب
مو انت يلي كاتب هيك عن حالك " بالبار عم اشرب واسكر وارقص وحشش وشوف حياتي "

فالأحسن ما تجيب سيرة حرب تشرين على لسانك .ولا تحكي عن الشهداء الأبرار

.. واتذكر كلمة القائد الخالد حافظ الأسد :

عن الوطن " الوطن ..غالي .. الوطن عزيز .. الوطن شامخ " ... وللحديث إلي معك بقية أكيد

[الراصد السوري]

يا خوفي على الشباب السوري في مختلف فئاته من شباب وبنات

إن كان هيك رأيهم في حرب تشرين او في نظرتهم للبلد يلي ممدت إيدها إلون

أنا خوفي ع مستقبل الشباب السوري من جهة الافكار وطرحه لهيك مواضيع

وقلة ثقته ببلده و قدرات أبناؤه وشبابه وعدم احترامه لكرامة الشهداء الأبرار .. ودمهم

يعني لوين متجه .. في وجه الرياح القادمة وين عزيمتكم وين وطنيتكم هيك برأيكم عدوكم

رأيو في بلده او جيشه او قيادته .... يا عيب الشوم يا شباب طبعاً الكلام لبعض الأشخاص موجه فقط

[الراصد السوري]

إنت شفت بعينك كيف حرب تموز في لبنان

كيف استنزفت إسرائيل وهزمها حزب الله .. وهو شو بس مجموعة من المقاومين المؤمنين

وشفنا كيف صواريخ ومفاجآت السيد حسن نصر الله كانت عم تنزل ع اسرائيل متل وابل المطر

ف شورأيك بجيش منظم عسكري مع كامل القدرات كافة وكامل الجهوزية الكاملة ...

انت عم تستهين بالجيش العربي السوري / ما عدا أبناء طبعاً الوطن يلي مستعدين يروحوا ع الموت

مقابل تضل كرامة سوريا وأرض سوريا وعلم سوريا مرفوع بالعالي ويرفرف

( إن تنصروا الله ينصركم ويثبت أقدامكم )

[الراصد السوري]

كاتب النص الأصلي : shasho

كان راضي عن هالشي وقبلانه؟ طبعاً لأ لأنه كان عنده دايما الباب مفتوح ليفاوض ويحصل على القليل من الحقوق وخلصنا, ويجدد الجيش بس بدون ما يكون عنده نية هالجيش يحارب يعني متل جيش مصر والسعودية, مدجج بالأسلحة الحديثة وميزانيته عالية بس ناقصة شغلة كتير زغنونة انه ما بده يحارب.
رجاءً... هاد رأيي ويا ريت نتناقش بهدوء

لا ياسيدي الرئيس حافظ الأسد رفض التفاوض دون استرجاع كامل مرتفعات الجولان

رفض السلام دون الحديث عن استرجاع كامل مرتفعات الجولان والأسرى السوريين

وبعدين حديثك عن الجيش (مصر والسعودية )
شو نستفيد من جيش مدجج بالأسلحة الحديثة بس محاصر في قواعد أمريكية وبدو رضاها لترضى عليه

أنا بدي أسألك سؤال ؟ انت تقبل يكون في أرضك سوريا قواعد أمريكية واسرائيلي قدام عينك شايفو وشايفك

عزيزي انت هيك عم تخلط اوراق كتير وتفتح شي ماضي كتير بحديث السابق

إنتبه نحنا كنظام وكشعب وكأفراد ما منقبل إلا بإسترجاع الأرض كاملة مقابل السلام ( والهوية العربية السورية )

أكيد منحترم كافة الاديان عنا في البلد وهاد شي كتير كتير ظريف وأساسي هو أساس الوحدة الوطنية

[Government]

يا سيدي إن انت هيك كاتب عن وطنك وأرضك فإذا كان واحد متلك عنا في البلد وكمان هيك كاتب
مو انت يلي كاتب هيك عن حالك " بالبار عم اشرب واسكر وارقص وحشش وشوف حياتي "

فالأحسن ما تجيب سيرة حرب تشرين على لسانك .ولا تحكي عن الشهداء الأبرار

فيا وجهة نظر هه ..

[BL@CK]

كاتب النص الأصلي : brave heart2

اول شي شكرا على تعبير دايس ... بس هوة الشي يلي تربينا علينا البسطار العسكري

بس دخليك .... اذا مبسوط بحريتك ما حدا قرب عليك ... كل واحد بيحكي عن وجعو

(( كريم - حسام _ طارق _ ماهر _ .........الخ عارف دليلة ميشيل كيلو كلهم احرار ... صحيح مقيدين بس احرار اكتر منا

وحكيك على انطون سعادة ... متل مطرب بكباريه عم ينتقدر زياد الرحباني

وانا ما عممت ... برجع وبقول كل واحد بيحكي عن وجعو

والك مني الف تحية

عفواً منك بس مرة تانية رجعت تعمم ..!

هاد ضمير الـ " نا " اللي بالأحمر بفيد الجميع

تاني مرة استخدم الـ " ي " ضمير المتكلم هاد

هي أولاً ..

تاني باشتان يا حبوب انت قلت حريتك مدري شبا و عم تتباكى .. ف تعبير دايس عبارة عن صراحة و عمرا الصراحة ما بتزعل ما هيك ..

و يا زلمي ليه قرقك عم نبعت سلام لـ انطوان سعادة " الزعيم " ليه عم تقول مطرب كبريه و مدري شو رفاع المستوى يبا ..

عفواً منكـ COSTA عم نخرج عن موضوعك ..

بس حسب السوق عم نسوق ..

[COSTA]

كاتب النص الأصلي : الراصد السوري

أكيد الجولان رح ترجع وحياة عينك لترجع ... ومنذكر بعض ... لأانو ما في شي بيدوم إلا الله وحده

يا سيدي إن انت هيك كاتب عن وطنك وأرضك فإذا كان واحد متلك عنا في البلد وكمان هيك كاتب
مو انت يلي كاتب هيك عن حالك " بالبار عم اشرب واسكر وارقص وحشش وشوف حياتي "

فالأحسن ما تجيب سيرة حرب تشرين على لسانك .ولا تحكي عن الشهداء الأبرار

.. واتذكر كلمة القائد الخالد حافظ الأسد :

عن الوطن " الوطن ..غالي .. الوطن عزيز .. الوطن شامخ " ... وللحديث إلي معك بقية أكيد

شوف حبيب خليك منطقي ....
ولا تحكي بلغة التهديد لانو ما بتفيدك ... وبالاخص هون بالمنتدى ....
وانت لو فهمت عليي شو بقصد ما كنت كتبت يللي كاتبو ....
ان اللبيب من الاشارة يفهم

[COSTA]

كاتب النص الأصلي : الراصد السوري

يا خوفي على الشباب السوري في مختلف فئاته من شباب وبنات

إن كان هيك رأيهم في حرب تشرين او في نظرتهم للبلد يلي ممدت إيدها إلون

أنا خوفي ع مستقبل الشباب السوري من جهة الافكار وطرحه لهيك مواضيع

وقلة ثقته ببلده و قدرات أبناؤه وشبابه وعدم احترامه لكرامة الشهداء الأبرار .. ودمهم

يعني لوين متجه .. في وجه الرياح القادمة وين عزيمتكم وين وطنيتكم هيك برأيكم عدوكم

رأيو في بلده او جيشه او قيادته .... يا عيب الشوم يا شباب طبعاً الكلام لبعض الأشخاص موجه فقط

ليك حبيب اذا كتير خايف انت على مصير الشباب السوري تفضل ورجينا عزماتك وامن الهون حياة وعيشة هنية ...
وحاج تزاود على كلام فاضي وحكي جرايد ......بدنا منطق نحكي فيه ... واذا بتحب منكوش قصص الحرب والندالة يللي صارت من ضباطنا ... وطبعا مو الكل .....

كاتب النص الأصلي : الراصد السوري

إنت شفت بعينك كيف حرب تموز في لبنان

كيف استنزفت إسرائيل وهزمها حزب الله .. وهو شو بس مجموعة من المقاومين المؤمنين

وشفنا كيف صواريخ ومفاجآت السيد حسن نصر الله كانت عم تنزل ع اسرائيل متل وابل المطر

ف شورأيك بجيش منظم عسكري مع كامل القدرات كافة وكامل الجهوزية الكاملة ...

انت عم تستهين بالجيش العربي السوري / ما عدا أبناء طبعاً الوطن يلي مستعدين يروحوا ع الموت

مقابل تضل كرامة سوريا وأرض سوريا وعلم سوريا مرفوع بالعالي ويرفرف

( إن تنصروا الله ينصركم ويثبت أقدامكم )

هزمها ؟؟؟؟
طيب ليش من وقت الحرب لوقت هي الساعة حزب الله ما قدر يطلق طلقة واحدة باتجاه اسرائيل ؟؟؟
لانو اسرائيل عملت ونفذت يللي بدها اياه ... لك حبيبي الربح مو بالعتاد العسكري .... ولا بكمية اطلاق القذائف او قوة الاسلحة ... .. يعني اسرائيل عندها نووي ... ليش ما سحقت حزب الله فيه ؟؟؟؟
وعم تقلي جيش منظم يللي نص العساكر فيه مفيش ... والنص التاني عايف حالو ... وكلو رشاوي .. وسرقات بنزين وكوبونات عسكرية ...
وابناء الوطن مستعدين يروحوا عالموت ..... ضحكتني يا رجل ... فلم هندي
لك بالاول خلي ابناء الوطن يكونو عايشين عيشة هنية وحياة جيدة حتى اذا صار اعتداء يروحو يدافعوا عن الوطن ...
انا واثق اذا بتصير حرب .. رح يكون مصير جيشنا نفس مصير الجيش العراقي وقت سقطت بغداد ...
ومع الاسف لاتفكر اني عم احكي وتاخد كلامي اني انهزامي او متخاذل ... لانو مو انا يللي بزاود على الوطن ... بس يا عيوني هاد الواقع يللي فتح عيونك منيح وسماع وشوف بغير منظار

[COSTA]

كاتب النص الأصلي : BL@CK

عفواً منك بس مرة تانية رجعت تعمم ..!

هاد ضمير الـ " نا " اللي بالأحمر بفيد الجميع

تاني مرة استخدم الـ " ي " ضمير المتكلم هاد

هي أولاً ..

تاني باشتان يا حبوب انت قلت حريتك مدري شبا و عم تتباكى .. ف تعبير دايس عبارة عن صراحة و عمرا الصراحة ما بتزعل ما هيك ..

و يا زلمي ليه قرقك عم نبعت سلام لـ انطوان سعادة " الزعيم " ليه عم تقول مطرب كبريه و مدري شو رفاع المستوى يبا ..

عفواً منكـ COSTA عم نخرج عن موضوعك ..

بس حسب السوق عم نسوق ..

حبينا ...
انت وبريف هارت على راسي ... بس روقو شوي ....
انتو التنين عندكون نفس العزيمة ...
خلينا شوية هاديين ونكون واقعيين ...
وهي وردة الكون ....

[Government]

لك ياحبيبي ياكوستا ..
انت قاعد عبتحكي وعبتودي وبتجيب ع حرب تشرين و اللي صار بحرب تشرين
وموعاجبك شو صار وعبتحكي وبدك تورجي شلون ماكان انو حرب تشرين حرب فاشلة
هالحكي هادا ..

يا اخي انت شو بدك بهالموضوع وبهالوجع الراس ببلد كلياتا ع بعضا انت مابتعترف فيا ومالك طايقة (هيك حاسك)
ومورجي العالم كلا انو انت مالك من هالبلد .
فشو بدك بهالوجعة الراس
اخي بلد انت مالك طايقا ولا طايق شي فيا ..

فليش لدخل حالك بحرب تشرين وحرب بطيخ
اخي انت قاعد فيا ومالك مبسوط خلص خليك بحالك ولاتوجع راسك وتعد تمشي التاريخ تبعا ع كيفك وتحكي شروي غروي
لما بتكون بتنعنيلك شي
او انت منا اصلا
هداك الوقت احكي براحتك لانو انت بتصير انتمائاتك الا بس مدام انت مالك معترف فيا كــبلد الك ومالك حاسبا
فاياريت تخلي تاريخا لاهل بلدا يحكوا فيا سواءا كان حكيك صح او غلط ..
لانو كل واحد شغلتو وبيعرفا ..


وع فكرة ..
هادا الحكي انت كاتبو اليوم مو من عندي جايبو

هاد علم البلد يللي عايش فيها سوريا ....
وعلم البلد يللي حامل الجنسية فيها ....
بس مع الاسف ما بيعنيلي شي