الدوري السوري الثامن عربيا والخامس والستين عالميا

**MadMax** · 07/01/2008

الدوري السوري الثامن عربيا والخامس والستين عالميا

صنف الاتحاد الدولي لتاريخ وإحصائيات كرة القدم والذي يتخذ من فيسبادن الألمانية مقرا له الدوري السوري في المرتبة 65 من بين أفضل 100 دوري وطني لكرة القدم على مستوى العالم وذلك عبر القائمة السنوية لعام 2007 حيث حل ثامنا على المستوى العربي والآسيوي .

ويتصدر الدوري التونسي الدوريات العربية حيث حل في المركز 22 عالميا يليه الدوري المصري في المركز 26 عالميا ، فيما حقق الدوري الأردني نتيجة لافتة باحتلاله المركز 34 عالميا والثالث عربيا يليه الدوري الجزائري في المركز 46 عالميا .
وتصدر الدوري الإنكليزي لكرة القدم الترتيب العالمي للمسابقات الوطنية لعام 2007، يليه الدوري الأسباني، ثم الدوري الأيطالي، فالبرازيلي، ثم الأرجنتيني، فالألماني، ثم الفرنسي، يليه الدوري المكسيكي، ثم الكولمبي، فالبرتغالي، ثم التشيلي، وبعده الدوري التركي.
ونجح الدوري الإنكليزي في إزاحة الدوري الإيطالي، وإجباره على ترك الصدارة لصالحه
على أن يحتل نفس المركز الذي كان يحتله الدوري الإنكليزي في عام 2006، علما بأن الدوري الأسباني حافظ على الوصافة عالميا للمرة الثانية على التوالي.
وتزعم الدوري الياباني قارة آسيا، حيث حل في المرتبة 28 تاركا الوصافة للدوري الأردني، أما الدوري السنغافوري فحل ثالثا، والإيراني رابعا، والأوزبكي خامسا، واللبناني سادسا، والكوري الجنوبي سابعا، والسوري ثامنا، والسعودي تاسعا، والهندي في المرتبة العاشرة.
ويؤكد موقع الاتحاد الدولي لتاريخ وإحصائيات كرة القدم أن هذا التصنيف يُعمل به دون أن يكون هناك أي تأثير خارجي من أي نوع تبعا لمقياس مستوى الأداء لكل مسابقة وطنية، والذي يعكس بدوره مستوى وأداء كل الأندية في المنافسات العالمية الوطنية.
ويشدد على أن كل دوري يعتمد على 4 أو 5 أندية قوية دائما ما تكون هي التي تنافس قاريا ودوليا، وبحسب مستوياتها سلبية أو إيجابية ينعكس ذلك على تصنيف الدوريات العالمية، ويسهم في أن يكون التصنيف عادلا علما بأن هذا التصنيف انطلق منذ عام 1991.

سيريانيوز

مايسترو · 07/01/2008

منيح 65 عالعالم والله منيح

مايسترو

باشق مجروح · 07/01/2008

أنا ما توقعت الو أي تصنيف الصراحة
بس كويس 65
لأنو حتى الجمهور السوري مل من هالدوري وعم نشوف المدرجات فاضيه حتى بأحمى المباريات
الله حيي الكرامة الزعيم

وميرسي مادماكس قبل ما ننسى

Willi · 07/01/2008

كلو بفضل الكرامة.
الله يخليلنا الكرامة.
لولا الكرامة اصلا ما كان في دوري سوري.
لك اصلا ما كان حدا سمع فيه لولا فريق الكرامة

وكرامة وكرامة

هالسنة بس فريق الكرامة يربح كأس اسيا. رح يصير الدوري كمان لسى درجتو قبل.

كلو كلو هاه.
كلو بفضل الكرامة

**Government** · 07/01/2008

اقتباس:

واللبناني سادسا، والكوري الجنوبي سابعا، والسوري ثامنا، والسعودي تاسعا، والهندي في المرتبة العاشرة.

يا اخي شلون صارت معن هي ...
ماعبتركب يا الله
الدوري البناني السادس ع شو
ولا الاردني التالت ع شو ؟
يعني ع اي اساس ..

طيب الدوري القطري
والاماراتي
وشو مشان الدوري السعودي بعد الدوري البناني والسوري

انو ماعبتركب

محمد ابراهيم · 07/01/2008

اقتباس:

كاتب النص الأصلي : Madmax

وتصدر الدوري الإنكليزي لكرة القدم الترتيب العالمي للمسابقات الوطنية لعام 2007، يليه الدوري الأسباني،

منشان واحد عزيز عليا يعرف وتأكد انو الدوري الانكليزي اقوى من الاسباني

نحنا صيع ورياضيين اوادم وابضايات

**Government** · 07/01/2008

اقتباس:

كاتب النص الأصلي : محمد ابراهيم

منشان واحد عزيز عليا يعرف وتأكد انو الدوري الانكليزي اقوى من الاسباني

نحنا صيع ورياضيين اوادم وابضايات

اخي عنجد الدوري الانجليزي لازم يكون من زمان الدوري الاول ع العالم
بجنن لانو ,,

وشو مشانكن انتو
التوانسة غالبينكن بكلشي

محمد ابراهيم · 07/01/2008

اقتباس:

كاتب النص الأصلي : GOVERMENT

اخي عنجد الدوري الانجليزي لازم يكون من زمان الدوري الاول ع العالم
بجنن لانو ,,

وشو مشانكن انتو
التوانسة غالبينكن بكلشي

الانكليزي هو الافضل من حوالي 4 مواسم بس للامانة الاسباني كان سابقو قبلها .
بخصوص التوانسة

شعب عربي شكيك

لا تدخل ,يللي بيسمعك بيقول انو الدوري عنك هو الاول

سماع للاخر
غلبو الاهلي مرة واخدو البطولة ,بس الاهلي اخد البطولة منون كتير .الكورة خسارة وهزيمة

مافي حد فيها كسبان .
الاهلي هو الاول افريقيا وسابق كل الاندية الافريقية والاسيوية والاسترالية وفرق اميركا الشمالية كمان وداعسين راسون "كل اندية هالتوانسة

" غصب عن اي حد
وراجع تصنيف الفيفا للاحصاء

يا غبي

**Government** · 07/01/2008

اقتباس:

كاتب النص الأصلي : محمد ابراهيم

الانكليزي هو الافضل من حوالي 4 مواسم بس للامانة الاسباني كان سابقو قبلها .
بخصوص التوانسة

شعب عربي شكيك

لا تدخل ,يللي بيسمعك بيقول انو الدوري عنك هو الاول

سماع للاخر
غلبو الاهلي مرة واخدو البطولة ,بس الاهلي اخد البطولة منون كتير .الكورة خسارة وهزيمة

مافي حد فيها كسبان .
الاهلي هو الاول افريقيا وسابق كل الاندية الافريقية والاسيوية والاسترالية وفرق اميركا الشمالية كمان وداعسين راسون "كل اندية هالتوانسة

" غصب عن اي حد
وراجع تصنيف الفيفا للاحصاء

يا غبي

دخيلو المعصب انا

لايطقلك شي عرق حمادة

**MadMax** · 07/01/2008

اقتباس:

كاتب النص الأصلي : محمد ابراهيم

الانكليزي هو الافضل من حوالي 4 مواسم بس للامانة الاسباني كان سابقو قبلها .

السنة الماضية كان الدوري الايطالي متصدر ....من بعدو بيجي الاسباني و بعدين الانكليزي
و تراجع الايطالي كان بسبب المشاكل يللي مر فيها .... و يللي بسببها نزل الجوفنتوس عالدرجة التانية و حذف نقاط للميلان و فيورنتينا و كتير غيرون من فرق الصدارة ..و هالشي حرمهم من المشاركات الخارجية

**MadMax** · 07/01/2008

اقتباس:

كاتب النص الأصلي : باشق مجروح

أنا ما توقعت الو أي تصنيف الصراحة

بس كويس 65
لأنو حتى الجمهور السوري مل من هالدوري وعم نشوف المدرجات فاضيه حتى بأحمى المباريات

على فكرة لساه من أفضل الدوريات العربية من حيث الحضور الجماهيري بالملاعب

**Government** · 07/01/2008

اقتباس:

كاتب النص الأصلي : Madmax

السنة الماضية كان الدوري الايطالي متصدر ....من بعدو بيجي الاسباني و بعدين الانكليزي
و تراجع الايطالي كان بسبب المشاكل يللي مر فيها .... و يللي بسببها نزل الجوفنتوس عالدرجة التانية و حذف نقاط للميلان و فيورنتينا و كتير غيرون من فرق الصدارة ..و هالشي حرمهم من المشاركات الخارجية

لك الدوري الايطالي..
الله يجعلوا دوري

لازم يكتبو عليه دوري مشان نعرف

**MadMax** · 07/01/2008

اقتباس:

كاتب النص الأصلي : GOVERMENT

لك الدوري الايطالي..
الله يجعلوا دوري

لازم يكتبو عليه دوري مشان نعرف

خليك انت بالاهلي الجربان تبعك

**Government** · 07/01/2008

اقتباس:

كاتب النص الأصلي : Madmax

خليك انت بالاهلي الجربان تبعك

قالتلي جربان

لك ليش ع طول بضل متخورف منو مابعرف

شو عاملك

cheeeeek · 07/01/2008

حيو نزار محروس هو اللي رفع الدوري الأردني لأنو هو عم يدرب نادي الشباب وخلاه ينافس عالبطولات وماتنحصر المنافسة بين الوحدات والفيصلي ....

لو ضل عم يدرب بسوريا مو كان أشرف

Willi · 07/01/2008

اقتباس:

يا اخي شلون صارت معن هي ...
ماعبتركب يا الله
الدوري البناني السادس ع شو
ولا الاردني التالت ع شو ؟
يعني ع اي اساس ..

يمكن مانك حضران مباريات بالدوري اللبناني. بس هو فعلا قوي وممتع كتير كتير.
ومن 4 سنين كان مافيك تقارن بينو وبين الدوري السوري.

سوا ربينا · 07/01/2008

اقتباس:

كاتب النص الأصلي : Madmax

فيما حقق الدوري الأردني نتيجة لافتة باحتلاله المركز 34 عالميا والثالث عربيا

وتزعم الدوري الياباني قارة آسيا، حيث حل في المرتبة 28 تاركا الوصافة للدوري الأردني،

نحن لهااااااااااااااااااااااا ااا.....

ميرسي مان على هالاخبار الحلوة ومبروك المركز 65 والى الامام ان شالله

سوا ربينا · 07/01/2008

اقتباس:

كاتب النص الأصلي : GOVERMENT

ولا الاردني التالت ع شو ؟
يعني ع اي اساس ..

شكلك يامان ما بتعرف شي بالرياضة ولو مان الدوري الاردني من زمان هيك بس اعصابك شوي لاتنفجر...