هل انت سلبي؟؟؟

[ماما منوشه]

السلبية والاستسلام

سؤالي لكل الناس هل انت سلبي ومستسلم؟؟

يعني راح اعطيكو موقف ممكن يمر به الانسان وبدي الكل يجاوب ونتناقش

ولا هو اختبار نفسي ولا موضوع منقول ولكن ممكن نقول عنه وقفة مع النفس

أولا للصبايا : لو كان في حبيب بحياتك واستمرت علاقتك بيه كتير يعني 3 او 4 سنوات وفي كل مره تنفتح سيرة الزواج يكون في ظروف تمنع الارتباط في الوقت الحالي.... راح تنتظريه إلى امتى؟؟؟؟
هل ستعتقدين انه يتنصل من الزواج؟؟ أم ستظل ثقتك به مهما طال الوقت
إذا جاء من يطرق بابك وكان به المواصفات اللي بتحلمي بها والاهل راضيين عنه هل ستقبلين أم ان حبك سيمنعك من الارتباط؟

ثانيا للشباب: لو كانت هناك حبيبه في حياتك وكل الظروف متاحه للزواج والتقدم للأهل بالنسبة لك إلا انها لازالت في الدراسة،، هل ستتقدم لخطبتها وتساعدها على الاستمرار بالدراسة؟؟
وإن كنت لا بد ان تتقدم لها بعد ان تكمل دراستها و قالت لك ذات يوم انه هناك شي شب اتقدم لها والاهل موافقين عليه هل ستتقدم لها وتقف بجوارها أم ستطلب منها فقط ان ترفض هالشب وتنتظرك؟
وإن اتت يوم وقالت لك ان الحل الوحيد للأستمرار بالعلاقة هو الطريق الرسمي لكي يبتعد هالشب عنها... ستلبي طلبها أم ستظل عند موقفك انها لابد ان تقول لا وتستكمل دراستها قبل ان تتقدم لها؟؟

ارجو منكن الاجابة اخوتي ولكن ارجو ان تكون اجاباتكم بصدق والي شايفة او شايف ان اجابته الصادقة والغير وهمية مش ممكن تليق ان تكتب ارجو ان لا يرد ويكتفي بكتابة عبارة "لا تعليق"
لأننا بدنا هنا ان نتكلم بشئ من الجدية

شكرا على المرور مسبقا
تحياتي

[دارين 82]

منوشة شو هاد يامنوشة

انا بالنسبة لي ثقتي بالرجال قليلة ( مع احترامي للشباب الموجودين )

واكيد رح يقول شي شب وانا كمان ثقتي بالبنات قليلة

وبصراحة هاد الكلام مو غلط

لانه الاختلاط يلي نحن فيه هلأ والكوارث يلي عم نشوفها ونسمعها

والتجارب خاصة يلي عم يمر فيها كل بنت وشب

بتزعزع مليون ثقة

انا بالنسبة لي ممكن لو بدي فكر بقلبي بقلك اني انتظر سنة وسنتين و ثلاثة
بس يامنوشة
لو بدي فكر بعقلي شو نتيجة الانتظار

خاصة لو ظروف الشب بتسمح بالارتباط

لا بصراحة وهاد كلام عقلي انا مابنتظر لانه مافي داعي للانتظار
لانه الشب اذا حب انسانه وقرر انه تكون هي شريكة حياته ماراح ينتظر ولا يوم للارتباط
لانه هي الانسانه مو كل يوم تجي

اما المماطلة دليل لاشياء تانية

هاد رأيي

يمكن يكون سلبي ويمكن يكون ايجابي

الله اعلم بالنفوس ؟؟

شكرا منوشة ع الموضوع

[صياد الطيور]

بالنسبة الي صار معي الموقفين الي ذكرتيهم ..

حبيت حبيبتي وهي عم تدرس .. وبقيت معها حتى تخرجت .. ولما تخرجت كان في واحد قليل ذوق بيعرف اني بحبها وهي بتحبني ومع هيك راح ليطلبها ..

وأنا طار عقلي ورحت طلبتها مع اهلي رغم انو ما كنت جاهز ... ومشي الحال ..

انا ابدا ماني سلبي ..أبدا ما ني مستسلم .. على العكس تماما

[abu alameer]

بدل ما انقول سلبي وايجابي ليش ما نبدا من الاول ونحكي عن العقل ونميز بين الحب والاعجاب

انا اتعرفت على كتير بنات وكنت بجد اتمنى انو هاي او هاي تكون شريكة حياتي لاني معجب فيها من كتير جوانب، لكن انا فكرت منيح وما حبيت وحدة منهن وانا مش جاهز للجواز حتى ما اظمها للمسكينة وما اعذب نفسي.
اليوم انا تخرجت وبشتغل وانشالله بلاقي ياللي تعجبني وتحبني واحبها وما بتردد ولا لحظة اني اروح واخطبها, واذا كانت طالبة فلازم انتظرها لانو انا ما مفكر ارتبط بوحدة مش مكملة تعليمه مع احترامي للجميع.
هاي وجهة نظر وبصراحة ومرسييييييي

[ماما منوشه]

شكرا للجميع على الردود الحلوة
وبالنسبة الي انا ما بوثق بشب يتخلى عني في وقت الشدائد لأن البنت مهما كانت قوية ادام اهلها ما بتقد تقلون انا مش عاوزه هالرجال ياللي ما فيه عيوب علشان شب الله وحدو يعلم ما في ضميره
مهما كانت المدة طويلة بالعلاقة لكن الثقة ما بتتواجد إلا إذا اثبت إلى انو بيحكي جد وبدوياني عنجد وبيكون خير دليل انو اقل شي يحكي مع اهلى
وكمان ممكن تصير خطبة لحد ما كفي دراستي وبعدها بيتحدد الزواج لأن مش معنى الخطبة انو الزواج راح يصير بيوم وليله وانما ممكن تمتد الخطبة فترة ليست بقصيره وبيكفيني ان يكون الاهل على علم بالعلاقة
هذا رأيي واعرف اني مش سلبية
شكرا مره تانيه على التعليقات الراقية والمفيده