شو الشي يلي بيميز الانسان

lolo 4 ever · 19/03/2006

سلام يا حبايب .............

اما يا شباب امبارح كنت عم احكي مع ماما هيك عن الحياة وعن اشخاص اثبتو نجاحن فيها ولا فجاة ماما سالتني بما انو فتحنا الموضوع وفتحنا انا عندي سؤال بحبك تجاوبيني علي لاعرف كيف بتفكري ! انو مين قدوتك بهالدنيي وشو الشي الي بميز هالانسان عن غيرو

فانا استغربت لان ولا مرة خطرلي فكر بهالموضوع

وعنجد حابة يا اخواني اسالكن مين قدواتكن بلكي استفدنا من بعض .............

تحياتي لولو

فراولة · 19/03/2006

هدا سؤال دائما افكر فيه بس ما عم لاقي الجواب ممكن اقول لك الرسول صلى الله عليه وسلم بس راح اكون اكدب عليك يعني اعترف انا مقصرة معه مشان هيك ما بعرف الجواب عن هدا السؤال لكن هتاك بعض الناس ستكون اجاباتهن
انا قدوتي بحياتي هي نانسي عجرم او اليسا او مايكل جاكسون
قوليلي شو بدك تعملي مع هيك عقول صغيرة

**zen** · 19/03/2006

بحب كتير تشي غيفارا
وبحسو هو قدوتي بس مو بكل امور الحياة لانو اي انسان عادي ماراح يكون قدوة متكاملة
اما بالنسبة انو الرسو يكون قدوتي فهو انسان غير عادي واكيد ما بقدر اوصلوا
فلهيك اخترت بشري ممكن اوصلو

فراولة · 19/03/2006

ادا كان الرسول قدوتك بالحياة راح تحاول تقلدو في كل شيئ حتى ان كنت تعلم انك لن تصل اليه لكن مع دالك ستنجح بحياتك لانك اقتديت بحبيب الله واكرم الخلق

toocoolfriend · 19/03/2006

اذا أردت بلوغ الجبال فاجعل السماء هدفك.

لازم نختار قدوة صعب نوصلها لحتى نوصل على أقرب مرتبة منها على الأقل.
أنا قدوتي الأولى هيي محمد الانسان بغض النظر عن الدين والرسالة.
بس كمان قدوتي الثانية نزار قباني رمز الحرية والتحرر ورفض الظلم والاستكانة والتخاذل والتخلف, ورمز العقل المنفتح والكلمة الجريئة.

Kakabouda · 19/03/2006

والله موضوع حلو ..

بس للاسف ما عندي قدوة شخص معين يعني بحب آخد من كل شخص شغلي و بهيك حالة قدوتي مجموعة أشخاص

sweetbaby · 19/03/2006

والله انا ماعندي قدوة
انا قدوة حالي والحمدالله الله عم بيساعدني لاتاخذ القرارت المناسبة

rawad · 19/03/2006

انا ما عجبني موضوع القدوة.. يعني وخصوصاً عنا بمجتمعاتنا لأنو أغلب الناس بتفهم موضوع القدوة انو تقليد.. والتقليد بصير بالأمور السطحية دون الأمور الجوهرية... وبعدين ليش لحتى يكون غيري قدوي إلي طالما انو انسان مثلي مثلو؟؟؟؟؟؟؟؟؟
فبرأيي انو الانسان لازم يعرف الصح من الغلط ويكون إلو شخصية مستقلة متوازنةمو متأثرة بحدا...

silin · 19/03/2006

موضوع حلو كتير بس انا عجزت من التفكير من قدوتي بالحياة
بصراحة ما بعرف !!!!

لانو اذا قلت هلء شخص رح يكون في اعلى منو واعلى واعلى

محمد ابراهيم · 20/03/2006

هالموضوع فكرتو جميله برافو عليكي يا لولو
والردود كمان كانت مميزة خصوصا
ابو جريج ورواد
ردهم كان جميل وعجبني

اما عن نفسي
موضوع القدوة بالنسبه الي مسأله منتهيه
انا ما بريد اقلد
لان القدوه في نظري شخص وصل لمكان في نظري عالي وانا بحاول اوصلو
طيب المهم هل انا عاوز اوصل لهالمكان ولا لاء.
يجي ردي ..
ان كل انسان مختلف عن غيرو وكل واحد الو مكان بيقف عندو وهالمكان بيختلف عن مكان الاخريين يجوز بتقرب اماكنا من بعض لكن لا يستطيع اثنين ان يقفو على نقطه واحده.
نقترب ونبعد بارادتنا ورغم عنها .
لذلك وللاسف ان المواقف التي اخذ فيها قدوة لي ..
تكون قليله ولكن معظمها يكون ناجح.

Willi · 20/03/2006

والله بالنسبة الي ما عندي قدوة بهالحياة يمكن السبب قريب للي كتبو محمد ابراهيم
يعني بالتأكيد ما في حدا فيه كل الصفات اللي انا بتمناها تكون فيي
انا بتوقع انو افضل شي اني انا كوّن صفات لحالي بدون ما اتمثل بحدا
يعني كون شخصية لحالي مختلفة عن شخصية حدا تاني

لاني انا ماني هالشخص اللي بدي اتمثل فيه
قدوتي هوي انا جاد

hanny dagher · 20/03/2006

انا ما بعرف ليش ربطتو بين القدوة والتقليد
يعني في فرق بين اني شوف واحد والحقو وساوي متل ما عم يساوي ان كان اللي عم يساوي صح او غلط
وبين اني شوف واحد اشتغل شغل صح ووصل لمكان معين ومكان كبير وصير شجع حالي وقول انو متل ما هوي وصل انا بدي وصل
هاي وحدة

تنين انا بالنسبة الي بتختلف قدوتي بالحياة لانو مو كل العالم بتصلح انو تتاخد قدوة بكل الامور
يعني اذا فلان نجح بمجال معين وكان قدوتي بهالمجال مو ضروري يكون قدوتي بمجال تاني ممكن يكون في شخص تاني يكون ناجح اكتر منو

بس في صفة بالنسبة للي بدي يكون قدوة انو يكون هوي الناجح بهالمجال وانو انا اكتر الاوقات بخلي رفقاتي هني القدوة لالي

محمد ابراهيم · 20/03/2006

كلامك غريب يا هاني
لان اول شيء فموضوع القدوة
انك عاوز توصل لنقطه معينه وصلها واحد قبلك او عالاقل تقرب من هالنقطه
كيف ما بتقلدو ؟؟؟؟
هو مش محاولتك انك توصل اليه (او انك تحقق جزء او كل او اكثر من ما حققه)تبقى تقليد..

hanny dagher · 20/03/2006

اقتباس:

كاتب النص الأصلي : محمد ابراهيم

كلامك غريب يا هاني
لان اول شيء فموضوع القدوة
انك عاوز توصل لنقطه معينه وصلها واحد قبلك او عالاقل تقرب من هالنقطه
كيف ما بتقلدو ؟؟؟؟
هو مش محاولتك انك توصل اليه (او انك تحقق جزء او كل او اكثر من ما حققه)تبقى تقليد..

لاء انتي بدك توصل لمحل ما هو وصل لكن ذلك لا يعني انك انتي تقلد نفس طريقو هوي
يعني انتي حطيتو قدامك فلان وصل معناتا انا بقدر وصل وكل ما حسيت بلحظة ضعف بقول طالما فلان وصل انا بقدر وصل هيك هوي بيكون قدوتي بس مو ضروري وصل بنفس الطريق يعني ما في داعي قلدو

محمد ابراهيم · 20/03/2006

اقتباس:

كاتب النص الأصلي : hanny dagher

لاء انتي بدك توصل لمحل ما هو وصل لكن ذلك لا يعني انك انتي تقلد نفس طريقو هوي
يعني انتي حطيتو قدامك فلان وصل معناتا انا بقدر وصل وكل ما حسيت بلحظة ضعف بقول طالما فلان وصل انا بقدر وصل هيك هوي بيكون قدوتي بس مو ضروري وصل بنفس الطريق يعني ما في داعي قلدو

يا سيدي طالما انا عايز اوصل متلو يبقى بقلدو فالهدف..
مو شرط اقلدو فالوسيله(الطريق)
وانا مو ضدد ان يكون عند اي واحد قدوة بس انا طبيعتي ..........شويه

hanny dagher · 20/03/2006

اقتباس:

كاتب النص الأصلي : محمد ابراهيم

يا سيدي طالما انا عايز اوصل متلو يبقى بقلدو فالهدف..
مو شرط اقلدو فالوسيله(الطريق)
وانا مو ضدد ان يكون عند اي واحد قدوة بس انا طبيعتي ..........شويه

يعني ممنوع اني وصل لنفس هدفو مثلا واذا كان عندي نفس هدفو بكون عم قلدو ليش

محمد ابراهيم · 20/03/2006

لا بس كده بيكون تطابق فالاهداف
والقدوة هون في محلها وكمان جايز ومقبول اخود نفس الطرق اللي اخدها القدوة فالوصول للهدف
بس بشرط انها تكون ملائمه لي في زمني او ظروفي الحاليه.

hanny dagher · 20/03/2006

اقتباس:

كاتب النص الأصلي : محمد ابراهيم

لا بس كده بيكون تطابق فالاهداف
والقدوة هون في محلها وكمان جايز ومقبول اخود نفس الطرق اللي اخدها القدوة فالوصول للهدف
بس بشرط انها تكون ملائمه لي في زمني او ظروفي الحاليه.

طيب هاي انتي قلت انو اخدت طرق القدوة وما قلت انو قلدت طرق شخص معين معناتا في فرق بين القدوة وبين التقليد