نوبة نخوة و وطنية مفاجئة

[Tarek007]

طيب ما بدكن تسأل حالكن مين اللي ساوى هاد الشي ، يعني بدك تنسى أنو أميركا ساوت هيك ... وبدك تحط الحق على صدام اللي جاب الويلات لشعبو...

نعم امريكا ساوت هاد الشي !!! ليش نحنا مين قلنا حبيب
و نعم صدام هو يلي جاب الويلات لشعبوا و جرائموا معروفة و ما في داعي نعيد و نفتق فيها
صدام كان ديكتاتور و انفرد بالرأي و نتيجة تراكمات طويلة .....صار الي صار بالعراق

يا أخي بتكره البعث وبتكره بشار الأسد...أنت حر...بس تجي تقول أنو هيك بدن يساوو بسوريا...بصراحة ما بعرف شو بدي سمي هاد

أخي و حبيبي غاندي بس تعرف شو بدك تسمي هاد تعا و اكتوب
بس طول ما نت ما بتعرف من الافضل انك ما تكتب

بس تجي تقول أنو هيك بدن يساوو بسوريا

نعم هنن هيك بدون يساوو بسوريا ....و الاسباب موجودة في ردي السابق فيك تشوفها و تعطيني رايك منشان نتحاور فيها .....أذا كنت بتقدر ع الحوار اصلاً



و شكراً لمرورك ع كل الاحوال
و بتمنى تحسن حوارك اكتر من هيك ....بدون الشخصنة يلي ما في الها داعي
أنت و باقي الاعضاء

[Tarek007]

ملاحظة صغيرة :

انا لن انفعل من وجود هكذا ردود لانها و قبل كل شي تعبر عن شخصية هذا الشخص


بصراحة ....عدم ردكم رداً موضوعياً يعني فشلكم بالحوار

من كل قلبي اتمنى وجود اشخاص عقلاء لكي يتم بيننا حوار بناء


أما هذه الطريقة برمي السباب و الشخصنة فهي تدل على ضعف من يلجأ لهذه الطريقة




ما زلت أنتظر

[غاندي]

كلامك وردودك السابقة تدل على مدى العقلانية والتفهم التي تسبح بها...!!!!! وأنا بكل بساطة بقلك أنو هاد اسمو جهل ناتج عن حقد ، وهو أفظع من الجهل الناتج عن عدم المعرفة..

ويا أعز أعزائي...هدفنا جميعاً ألا يكون الرد المضاد ما نبغاه...وهذا ما أرجو أن تفهمه ويفهمه الجميع... وعليك أن تعي شيء مهم جداً، وهو أن من يدافع عن فكرة ضد من يناقضها يجب أن يجمعهما في النهاية مصلحة واحدة وهي مصلحة الوطن... ولا يعني أنني عندما أناقضك في فكرة ما أن الوضع والأمور في البلد تمام 100% ، يعني أنا بعرف أنو في أخطاء ، بس مو هيك بتتصلح من خلال كلامك أنت والبعض..!!! أما أن تأتي لتطرح موضوع الوطن في شخص وفي طائفة...فهذا ما أسميه تعصب أحمق ليس من وراءه مصلحة الوطن وإنما خرابه... فكيف تريد من شخص أن يتحاور معك وأنت على هذه الأفكار الهدامة...
في النهاية يجب أن تعلم أن المواضيع التي بيننا ليست شخصية في أي شكل من الأشكال...

[Tarek007]

كاتب النص الأصلي : غاندي

كلامك وردودك السابقة تدل على مدى العقلانية والتفهم التي تسبح بها...!!!!! وأنا بكل بساطة بقلك أنو هاد اسمو جهل ناتج عن حقد ، وهو أفظع من الجهل الناتج عن عدم المعرفة..

ويا أعز أعزائي...هدفنا جميعاً ألا يكون الرد المضاد ما نبغاه...وهذا ما أرجو أن تفهمه ويفهمه الجميع... وعليك أن تعي شيء مهم جداً، وهو أن من يدافع عن فكرة ضد من يناقضها يجب أن يجمعهما في النهاية مصلحة واحدة وهي مصلحة الوطن... ولا يعني أنني عندما أناقضك في فكرة ما أن الوضع والأمور في البلد تمام 100% ، يعني أنا بعرف أنو في أخطاء ، بس مو هيك بتتصلح من خلال كلامك أنت والبعض..!!! أما أن تأتي لتطرح موضوع الوطن في شخص وفي طائفة...فهذا ما أسميه تعصب أحمق ليس من وراءه مصلحة الوطن وإنما خرابه... فكيف تريد من شخص أن يتحاور معك وأنت على هذه الأفكار الهدامة...
في النهاية يجب أن تعلم أن المواضيع التي بيننا ليست شخصية في أي شكل من الأشكال...

السيد غاندي ممكن أن لا تدخل في العموميان ؟؟؟

من فضلك ( يعني بعد أذنك ) فرجيني مكان يلي لونتلك ياه باللون الاحمر منشان اعرف رد عليك

طيب

اعتبرني شخص جاهل و غبي و طائفي ....و كل تلك الصفات التي تقذفني بها دائماً
أنا سوري !! يعني ابن بلدك اهديني للصحيح

من خلال حوار بناء

و ليس من خلال رمي صفات التخوين


ألا تريد ان يصدقك الناس في تلك الطروحات التي طرحتها ؟؟؟؟؟

أم انك فقط تريد رميها هكذا !!!!

مثلما علمك حزب البعث

[غاندي]

كلامي يعني أن الكلام اللي عمتحكيه صادر عن شخص حاقد على نظام ، ساعياً لترويج كل ما يقال أو ما لا يقال ضده ... أي أن هدفك النظام أولاً ، وكلامك وآراؤك في كل ما سبق تدل على ذلك .. ولستُ بحاجة لأذكرك... ولكن سوف أنطلق من الموضوع هذا نفسه الذي نتحدث فيه ، ولإيماني بأنك لا تعي شيء اسمه علاقات دولية ، بدي إجي على قد عقلك ،
أنت قلت : (تضامنوا لكي لا يزيد هذا النظام من غباءه ...و يخرجنا عن مظلة المجتمع الدولية) وقلت : (كل ما نطلبه هو الانصياع للمجتمع الدولي) ،
يا سيدي أنا معك ، إذا كان النظام غبي أنو نتضامن ، بس السؤال كيف يعني النظام غبي وكيف بدك يانا نتضامن ، وعن أي مظلة أنت عمتحكي ...!!!! مظلة...مجتمع...دولي..!!! كل كلمة لحال موجودة ، ولكن مجتمعة ، فللأسف .. غير موجودة... وأرجو أنك تفهم هاد الكلام . فالمظلة صارت بإيد العم سام..!!
انصياع : عذراً منك.... كلمة تتحملها أنت وأمثالك... فالانصياع للقانون وللقانون فقط... وأنا لا أرى سوى شريعة الغاب قانوناً يسود العالم الآن...!!!

وقلت : (لماذا ...نسعى لحماية عدة اشخاص و لا نسعى لحماية شعب كامل)

(لماذا من اجل ثلاثة او اربعة ....سننهي سعادة و أمان 20 مليون شخص)

يعني بقترح تروح تشتغل مع ميليس وتصرح أنو سوريا قتلت الحريري ، وأنو هدول الأربعة قتلوه ...!!!!!!
يا سيد : جهلك قادك لأن تعتقد بأن أميركا تكره بشار الأسد وعدة أشخاص آخرين ... وأنها تريدهم لتقديمهم للعدالة وليعم السلم والأمن المنطقة ، ولكي تُكتشف ( الحقيقة ) ..!!!! ولأنها خائفة على لبنان ولأنها تناصر الشعوب المستضعفة...!!! ، ولذلك وبجهلك أيضاً تعتبر أن المشكلة منهم ، وهم يجرّون المشاكل لسورية ، ولم تع ِ أن المشكلة بالنسبة لأميركا هي سورية ، (سورية) يا...... سوري....!!!
بالمناسبة : بما أنك ذكرت العراق ، وإذا كنت تتابع أخبار (عالقليلة) .... لازم تعرف كيف صارت الحرب وكم كانت كمية الخداع والكذب الذي أتت به أميركا لتبرر حربها على العراق وهذا باعتراف وزير الخارجية (كولن باول ) وتنفيذهم سياسة ...اكذب..اكذب .. حتى يصدقك الناس..
ويبدو أنه فيما تفعله اليوم أميركا مع سورية .. كنتَ (على أقل تقدير ) من بين الناس الذين صدقوا أميركا..!!

[Tarek007]

كنت اتمنى الرد عليك و لكن جهلي المفرط و حقدي الاعمى منعني من ذلك


شكراً على ألفاظك التي لن ارد بمثلها
فشخص مثلك " مازوشي " يسعى لذلك و لكني سأحرمك منها

[Tarek007]

متى يكمن أن نتعلم الحوار ؟؟؟؟

و أن نبتعد عن الشخصنة ؟

لا أظن ذلك قريب

[غاندي]

لم أتوقع أفضل من هذا.....

[غاندي]

كما أعتقد بأن كلامي لم يخرج عن الموضوع ... وإنما كانت كل كلمة لازمة في سياقه للتعريف بالكلام وبصاحبه..
أتمنى أن تتمنى شيئاً آخر غير الرد علي ... لأن الرد ليس هدفي .... ولذلك فأنا أتمنى لك ################ كما أني لم أكتب لك فقط ... ولو كان ذلك لما كتبتُ شيء...
وشكراً لك على مرورك...

[krimbow]

بصراحة صاير عم اقرف ادخل ع المنبر متل ما كنت ( و ما زلت ) اقرف ادخل ع حوار الاديان .....

لأنو بعض الاشخاص بلشوا يحولوا الحوارات هون لنفس اسلوب الحوار بحوار الاديان ....

بدل ما يناقشوا الفكر ..... صاروا يناقشوا المفكر

بدل ما يحللوا الرأي .... صاروا يحللوا صاحب الرأي


حتى لو فرضنا جدلا انو يللي عم يحلل شخصية المحاور معو دوكتوراه بتحليل الشخصيات .... مو مسموح بهالمنبر انك تحلل شخصيات الناس

بالوقت يللي ممثلين المعارضة بالمنبر عم تتهجم و تتهم الحكومة بالعمالة و الفساد و جرائم ضد الانسانية ... يللي بيمثلوا الموالاة بالمنبر كانوا بالاول يتهمونا بالخيانة بصورة شخصية ... هلأ صار عندهم اسلوب جديد ... صاروا يتهمونا بالهبل و الدونية و عدم القدرة على المحاورة ... بالاضافة للخيانة و العمالة

بتمنى من الجميع انو يناقشوا الافكار و اللآراء المطروحة و الابتعاد عن تحليل الشخصيات ...

عموما موقفنا كمراقبين للمنبر الحر ما تغير ..... رح نمنع التهكم الشخصي و ما رح نسمح بالاخلال بالاعراف و التقاليد المتبعة بالكتابة بهالمنبر و ما رح نسمح بالاخلال بآداب الحوار و الآداب العامة

يللي شايف حالو مانو قدران يناقش الأفكار و الأراء ... بتمنى انو لا يعذب حالو و يناقش و يحلل الشخصيات لأنو رح يتم حذف ردودو

و دمتم